മലപ്പുറം: സംഘപരിവാർ രാഷ്ട്രീയത്തിനു കേരളത്തിൽ വേരുറപ്പിക്കുവാനുള്ള അവസരമാണ് ശബരിമല വിഷയത്തിലെ വിവേകമില്ലാത്ത നടപടികളിലൂടെ എൽഡിഎഫ് സർക്കാർ ഒരുക്കിയിരിക്കുന്നതെന്നു മുസ്ലിംലീഗ് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി എംപി. ഹൈന്ദവ വിശ്വാസികളുടെയും കേരളത്തിലെ മതേതര നിലപാടുള്ളവരുടെയും വികാരങ്ങളെ മനസിലാക്കുന്നതിൽ സർക്കാരിന് വീഴ്ച സംഭവിച്ചു. സംഘപരിവാർ ശക്തികൾക്കും കേരളത്തിലെ നിരീശ്വരവാദികളായ ആക്ടിവിസ്റ്റുകൾക്കും അഴിഞ്ഞാടുന്നതിനുള്ള വേദിയാക്കി ശബരിമലയെ കമ്മ്യൂണിസ്റ്റ് സർക്കാർ മാറ്റിയെന്നു അദ്ദേഹം ആരോപിച്ചു. വിശ്വാസികൾക്കു സുരക്ഷയൊരുക്കേണ്ട പോലീസ് ആക്ടിവിസ്റ്റുകൾക്ക് സംരക്ഷണം നൽകി നാണംകെടുന്ന കാഴ്ചയാണ് കണ്ടത്. സ്ത്രീകളും കുട്ടികളും അടക്കമുള്ള വിശ്വാസികൾ തീർക്കുന്ന പ്രതിരോധം സർക്കാർ കാണാതെ പോകരുത്. ശബരിമലയിൽ കലാപത്തിനു ശ്രമം ഉണ്ടാകുമെന്ന തിരിച്ചറിവ് ഇപ്പോഴല്ല സർക്കാരിനു വരേണ്ടത്. വിശ്വാസികളോടും ഹൈന്ദവ സംഘടനകളോടും കൂടി ആലോചിക്കാതെ കൃത്യമായ കാഴ്ച്ചപാടില്ലാതെ തിരക്കുപിടിച്ച് കോടതിവിധി നടപ്പാക്കാൻ ശ്രമിക്കുന്നതിന് മുന്നേ അതു വേണമായിരുന്നുവെന്നും കുഞ്ഞാലിക്കുട്ടി പറഞ്ഞു. ലോകത്തിന്റെ മുന്നിൽ കേരളം അഭിമാനത്തോടെ ഉയർത്തിപിടിച്ചിരുന്ന…
Read MoreCategory: Kozhikode
ഹർത്താൽ ദിനത്തിൽ കാരുണ്യ കൂട്ടായ്മ
കൊണ്ടോട്ടി: ഹർത്താൽദിനത്തിൽ കാരുണ്യ പ്രവർത്തനത്തിനിറങ്ങി കൊണ്ടോട്ടി കാരുണ്യ കൂട്ടായ്മ പ്രവർത്തകർ മാതൃകയായി. റോഡരികിലും കടത്തിണ്ണയിലും മറ്റും അനാഥരായി കഴിയുന്നവരെ കണ്ടെത്തി ഭക്ഷണവും പുതുവസ്ത്രങ്ങളും നൽകി വൃത്തിഹീനമായി നടന്നവരെ തലമുടി വെട്ടി നൽകിയുമാണ് കൊണ്ടോട്ടി കാരുണ്യ കൂട്ടായ്മ പ്രവർത്തകർ ഹർത്താൽദിനം സജീവമാക്കിയത്. രാവിലെ ഒന്പതിനു കൊണ്ടോട്ടിയിൽ നിന്നു തുടങ്ങിയ സന്നദ്ധ പ്രവർത്തനം വൈകുന്നേരം നാലിനു മണ്ണാർക്കാട്ട് അവസാനിച്ചു. കൊണ്ടോട്ടി, മഞ്ചേരി, മലപ്പുറം, കൂട്ടിലങ്ങാടി, രാമപുരം, പെരിന്തൽമണ്ണ, മണ്ണാർക്കാട് നഗരങ്ങളിലൂടെ സഞ്ചരിച്ച് 28 പേർക്കാണ് ഇവർ സാന്ത്വനമേകിയത്. കൊണ്ടോട്ടി കാരുണ്യ കൂട്ടായ്മ പ്രവർത്തകരായ ചുണ്ടക്കാടൻ മുഹമ്മദ് മഹ്സൂം, പി.പി.അബ്ദുൾമജീദ് നീറാട്, യഹ്ക്കൂബ് മുസ്ല്യാരങ്ങാടി, കക്കാട്ട്ചാലി ഹനീഫ എന്നിവരാണ് കാരുണ്യപ്രവർത്തികൾ ചെയ്തത്. കഴിഞ്ഞ 20 വർഷമായി തുടരുന്ന ഇവരുടെ സേവനം കേരളത്തിനകത്തും പുറത്തും സജീവമാണ്. പ്രളയത്തിൽ മലപ്പുറം, ആലപ്പുഴ, എറണാകുളം ജില്ലകളിൽ രക്ഷാപ്രവർത്തനത്തിലും ശുചിത്വ യഞ്ജത്തിലും സംഘം സേവന രംഗത്തുണ്ടായിരുന്നു.
Read Moreമുതുകാട് കാട്ടുപോത്ത് കേസ്: രണ്ടാംപ്രതിയെ പിടിക്കാൻ ഫോറസ്റ്റുകാർക്കു പേടി !
പെരുവണ്ണാമൂഴി: മുതുകാട്ടിൽ കാട്ടു പോത്തിനെ വേട്ടയാടി ഇറച്ചി ഭക്ഷിച്ച കേസിൽ വനപാലകരുടെ പട്ടികയിൽ പ്രതികൾ പത്തു പേരുണ്ടെങ്കിലും ഒരാളെ മാത്രം അധികൃതർ പിടിക്കാത്തതിൽ ദുരൂഹത. ബ്രൂസ് ലി എന്ന അപര നാമത്തിലറിയപ്പെടുന്ന മുതുകാട് മലമുകളിലെ പ്രതിയാണു പിടിക്കപ്പെടാതെ നാട്ടിൽ നിർബാധം സഞ്ചരിക്കുന്നത്. ബാക്കി ഒന്പത് പ്രതികളും റിമാൻഡ് ചെയ്യപ്പെട്ടു ജാമ്യം ലഭിച്ചു പുറത്തിറങ്ങിയിട്ടുണ്ട്. മുതുകാട്ടിലെ പ്രമുഖ രാഷ്ട്രീയ നേതാവിന്റെ ഇടപെടൽ കൊണ്ടാണു വനപാലകർ രണ്ടാം പ്രതിയെ അറസ്റ്റു ചെയ്യാത്ത തെന്നാണു നാട്ടുകാർ ആരോപിക്കുന്നത്. വനം വകുപ്പിന്റെ ഇരട്ടത്താപ്പുനയം അവസാനിപ്പിക്കണമെന്നാണു നാട്ടുകാർ ആവശ്യപ്പെടുന്നത്. അതേ സമയം ഇയാളെ കരുവാക്കി നിരപരാധികളെ കേസിൽ കുടുക്കാനുള്ള തന്ത്രമാണോ അറസ്റ്റു വൈകിപ്പിക്കാൻ കാരണമെന്നും സംശയമുയരുന്നുണ്ട്. ഇയാളുടെ മൊഴി പ്രകാരം എന്ന കാരണം നിരത്തി കൂടുതൽ പേരെ കേസിലുൾപ്പെടുത്താൻ പുതിയ പട്ടിക അണിയറയിൽ തയാറാവുന്നുണ്ടെന്നാണു നാട്ടുകാർക്കു ലഭിക്കുന്ന സൂചന.
Read Moreശബരിമല പോലീസ് ജാക്കറ്റ് വിവാദം; പോലീസിന് ഫേസ്ബുക്കില് പൊങ്കാല; വിചിത്ര ന്യായവുമായി പോലീസ്
കോഴിക്കോട്: ശബരിമല സ്ത്രീപ്രവേശനത്തില് പോലീസിന്റെ വീഴ്ചക്കെതിരേ ഫേസ്ബുക്കില് പൊങ്കാല. ഇന്നലെ ശബരിമലയിലേക്ക് പോയ യുവതിയ്ക്ക് പോലീസ് ഉപയോഗിക്കുന്ന വസ്ത്രം, ഹെല്മറ്റ്, ജാക്കറ്റ് എന്നിവ നല്കിയ സംഭവം ഏറെ വിവാദമായി നിലനില്ക്കെ , വിശദീകരണവുമായി എത്തിയ ഫേസബ്ക്ക് പോസ്റ്റിലാണ് പോലീസിനെതിരേ രൂക്ഷ വിമര്ശനമുയരുന്നത്. അതേസമയം പോലീസ് ആക്ടിന് വിരുദ്ധമായി പ്രവര്ത്തിച്ചതിനെ കുറിച്ച് വളരെ ലാഘവത്തോടെയുള്ള മറുപടിയാണ് ഫേസ്ബുക്കിലൂടെ നല്കിയത്. “അത്യാഹിതം സംഭവിച്ചിരുന്നെങ്കില് ഇതായിരിക്കില്ലെ കേള്ക്കേണ്ടിവരുന്ന പഴിയെന്ന മറുപടിയാണ് കത്തിനില്ക്കുന്ന വിവാദ വിഷയത്തിന് പോലീസ് നല്കിയത്. കേരള പോലീസ് ആക്ട് 2011 (ആക്ട് എട്ട് ഓഫ് 2011)ലെ സെക്ഷന് 43(നാല്) അനുസരിച്ച് അനുസരിച്ച് പോലീസുകാരന് ഒഫീഷ്യല് ഡ്യൂട്ടിക്ക് അല്ലാതെ മറ്റൊരാളും പോലീസ് യൂണിഫോം അല്ലെങ്കില് യൂണിഫോം എന്ന് തോന്നിക്കുന്ന വസ്ത്രമോ ശാസ്ത്രീയപരവും കലാപരവുമായ ആവശ്യങ്ങളുടെ ഉപയോഗത്തിനല്ലാതെ മറ്റൊരു ആവശ്യത്തിനും ഉപയോഗിക്കരുതെന്ന് വിശദമാക്കിയിട്ടുണ്ടെന്ന് പോലീസിനെ “പഠിപ്പിക്കുന്ന’ കമന്റുകള് പേജില് നിറയുന്നുണ്ട്. ഇതോടെ…
Read Moreഅവിചാരിതമായി കിട്ടിയ അവസരം! അച്ഛനും മക്കളും ഒന്നിച്ച് ‘കായംകുളം കൊച്ചുണ്ണി’യിൽ
മാനന്തവാടി: റോഷൻ ആൻഡ്രൂസ് സംവിധാനം ചെയ്ത കായംകുളം കൊച്ചുണ്ണി എന്ന സിനിമയിൽ ഒന്നിച്ചു വേഷമിട്ടതിന്റെ സന്തോഷത്തിൽ അച്ഛനും മക്കളും. പയ്യന്പള്ളി കറുത്തേടത്ത് വീട്ടിൽ ബെനിസണ് ചലഞ്ചർ, മക്കളായ ഡ്വായിൻ ബെൻ കുര്യൻ, ഡാവ്യ മേരി ബെൻ എന്നിവരുമാണ് ഒരേ സിനിമയിൽ അഭിനയിച്ചതിന്റെ ത്രില്ലിൽ. സിനിമയിൽ കായംകുളം കൊച്ചുണ്ണിയുടെ ചെറുപ്പകാലമാണ് ഡ്വായിൻ ബെൻ കുര്യൻ അനശ്വരമാക്കിയത്.നാലാം ക്ലാസ് വിദ്യാർഥിയാണ് ബാല്യത്തിലേ സിനിമയിൽ കന്പമുള്ള ഡ്വായിൻ ബെൻ കുര്യൻ. അവിചാരിതമായാണ് തനിക്കും കുട്ടികൾക്കും സിനിമയിലേക്കു വാതിൽ തുറന്നതെന്നു ബെനിസണ് പറഞ്ഞു. സിനിമയുടെ അണിയറ പ്രവർത്തകർ ബാലതാരത്തെ അന്വേഷിക്കുന്നതറിഞ്ഞ് ഡ്വായിന്റെ ഫോട്ടോ അയയ്ക്കുകയും വൈകാതെ മംഗളൂരുവിൽ സെറ്റിൽ എത്താൻ നിർദേശം ലഭിക്കുകയുമായിരുന്നു. ഡ്വായിനെ കണ്ടപ്പോൾത്തന്നെ സംവിധായകനു ബോധിച്ചു. ചോദ്യങ്ങൾക്കു തൃപ്തികരമായ മറുപടികളും നൽകിയപ്പോൾ കൊച്ചു കൊച്ചുണ്ണിയായി ഡ്വായിനു നറുക്കുവീണു. എന്നെയും സിനിയിലെടുക്കുമോ എന്ന ചോദ്യവുമായി ഡാവ്യ മേരി ബെൻ വേഷം ചോദിച്ചുവാങ്ങുകയായിരുന്നു.…
Read Moreവനപാലകരെ തടഞ്ഞുവച്ചത് സുന്ദരിയും കാര്ത്തിക്കും; ഒളിയിടം കണ്ടെത്താന് തണ്ടര്ബോര്ട്ടിനായില്ല
കോഴിക്കോട്: ലക്കിടി വനമേഖലയില് വനംവകുപ്പ് സംഘത്തെ തടഞ്ഞുവച്ചത് മാവോയിസ്റ്റുകളായ സുന്ദരിയും കാര്ത്തിക്കും. താമരശേരി റേഞ്ച് ഓഫീസര് സി.അബ്ദുള് ലത്തീഫിന്റെ നേതൃത്വത്തിലുള്ള ആറംഗ വനപാലക സംഘത്തെയാണ് മാവോയിസ്റ്റുകള് തടഞ്ഞത്. ഇക്കഴിഞ്ഞ 16 നായിരുന്നു കേസിനാസ്പദമായ സംഭവം. വനപാലകര് നല്കിയ വിവരത്തിന്റെ അടിസ്ഥാനത്തില് പോലീസും തണ്ടര്ബോര്ട്ടും കാടുകയറി പരിശോധിച്ചെങ്കിലും മാവോയിസ്റ്റുകളുടെ ഒളിയിടത്തെ കുറിച്ച് വിവരം ലഭിച്ചിട്ടില്ല. അതേസമയം വനപാലകരെ തടഞ്ഞുവച്ചതുമായി ബന്ധപ്പെട്ട് തിരിച്ചറിഞ്ഞ മാവോയിസ്റ്റുകള്ക്കെതിരേ യുഎപിഎ വകുപ്പ് ചുമത്തി കേസെടുത്തിട്ടുണ്ട്. സുഗന്ധഗിരി വനത്തില് വച്ചാണ് വനംവകുപ്പുകാര് മാവോയിസ്റ്റുകളുടെ മുമ്പില്പെടുന്നത്. ആയുധധാരികളായ മാവോയിസ്റ്റുകള് ഇവരെ ഒരു മണിക്കൂറോളം തടഞ്ഞുവച്ചു. ഇക്കാര്യം പോലീസില് അറിയിക്കരുതെന്ന് ഭീഷണിപ്പെടുത്തുകയും ചെയ്തു. തടഞ്ഞുവച്ച റേഞ്ച് ഓഫീസറുടെ കൈയിലുണ്ടായിരുന്ന പണം വാങ്ങിയ ശേഷമാണ് മാവോയിസ്റ്റുകള് ഇവരെ വിട്ടയച്ചത്. മാവോയിസ്റ്റ് സാന്നിധ്യം സ്ഥിരീകരിച്ചതിനെ തുടര്ന്ന് സംസ്ഥാന രഹസ്യാന്വേഷണവിഭാഗം പരിശോധന ശക്തമാക്കിയിട്ടുണ്ട്. പുറത്തു നിന്നുള്ളവരുടെ സഹായം മാവോയിസ്റ്റുകള്ക്ക് ലഭിക്കുന്നുണ്ടെന്നാണ് ഇന്റലിജന്സിന് ലഭിച്ച…
Read Moreട്രിപ്പ് പോകാൻ വിസമ്മതിച്ചത് പ്രകോപനമായി! ഓട്ടോ ഡ്രൈവറെ കൊലപ്പെടുത്തിയ സംഭവം: പ്രതി അറസ്റ്റിൽ
തിരൂർ: പറവണ്ണ പുത്തങ്ങാടി സ്വദേശി കളരിക്കൽ കുഞ്ഞിമോന്റെ മകൻ യാസീ(39)നെ കുത്തികൊലപ്പെടുത്തിയ സംഭവത്തിൽ പ്രതി പള്ളാത്ത് ആദമിനെ പോലീസ് അറസ്റ്റു ചെയ്തു. കോട്ടയ്ക്കലിലെ സ്വകാര്യ ആശുപത്രിയിൽ ചികിത്സയിൽ കഴിയുകയായിരുന്നു ആദം. കോട്ടക്കൽ പോലീസിന്റെ കസ്റ്റഡിയിലായിരുന്ന പ്രതിയെ തിരൂർ പോലീസ് ആണ് അറസ്റ്റു ചെയ്തത്. ഇയാളെ പിന്നീട് റിമാൻഡ് ചെയ്തു. ആശുപത്രി വിടുന്ന മുറയ്ക്ക് അറസ്റ്റ് രേഖപ്പെടുത്തുമെന്നു തിരൂർ ഡിവൈഎസ്പി നേരത്തെ അറിയിച്ചിരുന്നു. ആദമിനൊപ്പം കൃത്യം നടത്താൻ സഹായിച്ച ഒരാളെയും കേസിൽ പ്രതി ചേർത്തതായി അറിയുന്നു. ഇക്കഴിഞ്ഞ ചൊവ്വാഴ്ച വൈകിട്ട് ഏഴരയോടെയാണ് മദ്യലഹരിയിലെത്തിയ ആദം ട്രിപ്പ് പോകാൻ വിസമ്മതിച്ചതിനെ ചൊല്ലി യാസീനുമായി വാക്കുതർക്കത്തിലേർപ്പെട്ടത്. ഉടനെ കത്തിയെടുത്തു യാസീനെ രണ്ടു തവണ കുത്തുകയായിരുന്നു. നിലവിളി കേട്ടു ഓടിക്കൂടിയ നാട്ടുകാർ യാസീനെ ആശുപത്രിയിലേക്കു കൊണ്ടു പോയി. ഈ സമയം ആദം യാസീന്റെ ഓട്ടോറിക്ഷ പൂർണമായും അടിച്ചു തകർത്തിരുന്നു. ഇതിനിടെ സംഭവിച്ച പരിക്കിനെ…
Read Moreകണ്ണില്ലാത്ത ക്രൂരത! മലപ്പുറത്ത് ഗർഭിണിയെയും ഭർത്താവിനെയും ഹർത്താലനൂകൂലികൾ ക്രൂരമായി മർദ്ദിച്ചു; ബൈക്ക് തകർത്തു
മലപ്പുറം: മലപ്പുറത്ത് ഗർഭിണിയെയും ഭർത്താവിനെയും ഹർത്താലനൂകൂലികൾ ക്രൂരമായി മർദ്ദിച്ചു. ബൈക്കിൽനിന്നു പിടിച്ചിറക്കിയായിരുന്നു ആക്രമണം. പരിക്കേറ്റ നിഷയെയും ഭർത്താവ് രാജേഷിനെയും ആശുപത്രിയിൽ പ്രവേശിപ്പിച്ചു. മുഖത്തും ദേഹത്തും ക്രൂരമായാണു ഹർത്താലനൂകൂലികൾ അടിച്ചത്. ബൈക്ക് തകർത്തു. ഒന്നും പറയാൻ പോലും സമ്മതിച്ചില്ല. സ്ത്രീ എന്ന പരിഗണന പോലും നൽകാതെയാണ് ആറു മാസം ഗർഭിണിയായ തന്റെ ഭാര്യയെ അക്രമിച്ചത്. ആർഎസ്എസ് പ്രവർത്തകരാണ് ആക്രമണം നടത്തിയതെന്നും ഇരുവരും മാധ്യമങ്ങളോടു പറഞ്ഞു. സംഭവവുമായി ബന്ധപ്പെട്ടു രാജേഷ് പോലീസിൽ പരാതി നൽകിയിട്ടുണ്ട്. സംസ്ഥാനത്തു ശബരിമല കർമസമിതി ആഹ്വാനം ചെയ്ത ഹർത്താലിൽ കെഎസ്ആര്ടിസി ബസുകൾക്കു നേരെ വ്യാപക ആക്രമണമാണ് ഉണ്ടായത്. കോഴിക്കോടും മലപ്പുറത്തും തിരുവനന്തപുരത്തും കെഎസ്ആര്ടിസി ബസുകൾക്ക് നേരെ കല്ലേറുണ്ടായി.
Read Moreഒന്നാം സമ്മാനമടിച്ച ലോട്ടറി ടിക്കറ്റ്, ലോട്ടറി കച്ചവടക്കാരൻ കൈവശപ്പെടുത്തി; സംഭവത്തിൽ നീതി ലഭിക്കുന്നില്ലെന്ന് വിശ്വംഭരന്റെ കുടുംബാംഗങ്ങൾ; സംഭവം ഇങ്ങനെ…
പുൽപ്പള്ളി: ഒന്നാം സമ്മാനമടിച്ച ലോട്ടറി ടിക്കറ്റ്, ലോട്ടറി കച്ചവടക്കാരൻ കൈവശപ്പെടുത്തിയ സംഭവത്തിൽ നീതി ലഭിക്കുന്നില്ലെന്ന് വിശ്വംഭരന്റെ കുടുംബാംഗങ്ങൾ പറഞ്ഞു. അമരക്കുനി സ്വദേശിയായ കണ്ണംകുളത്ത് വിശ്വംഭരൻ ബന്ധുവും പുൽപ്പള്ളി വിനായക ലോട്ടറി ഏജൻസി നടത്തിപ്പുകാരനുമായ നിഷാദ് എന്നയാൾക്കെതിരേ പോലീസിൽ പരാതി നൽകിയിരുന്നു. ഓഗസ്റ്റ് 30ന് വിനായക ഏജൻസിയിൽ നിന്ന് താൻ ടിക്കറ്റെടുത്തെന്നും ഇതിന് ഒന്നാം സമ്മാനമായ 80 ലക്ഷം രൂപ സമ്മാനമടിച്ചെന്നും വിശ്വംഭരൻ അവകാശപ്പെടുന്നു. ഒന്നാം സമ്മാനം ലഭിച്ച വിവരം തന്നെ അറിയിച്ചത് നിഷാദ് തന്നെയാണെന്ന് വിശ്വംഭരൻ പറഞ്ഞു. ലോട്ടറി വിറ്റ നിഷാദ് സമ്മാനം ലഭിക്കുന്നത് സംബന്ധിച്ചുള്ള കാര്യങ്ങൾ താൻ ശരിയാക്കി നൽകാമെന്ന് പറഞ്ഞ് ലോട്ടറി ടിക്കറ്റ് കൈവശപ്പെടുത്തുകയായിരുന്നു. ലോട്ടറി കൈക്കലാക്കിയ ശേഷം വൈകുന്നേരത്തോടെ ഒന്നാം സമ്മാനം വിശ്വംഭരനല്ലെന്നും സമാശ്വാസ സമ്മാനം മാത്രമേ ലഭിക്കുകയുള്ളുവെന്നും നിഷാദ് അറിയിച്ചു. സീരീസ് മാറിയതാണെന്നാണ് നിഷാദ് വിശ്വംഭരനെ അറിയിച്ചത്. എന്നാൽ ഒന്നാം സമ്മാനത്തിന്…
Read Moreപ്രകൃതി സൗഹൃദ ഭവനവുമായി തണൽ; രണ്ടാഴ്ചക്കുള്ളിൽ വീട് റെഡി
വടകര: പ്രകൃതി ദുരന്തങ്ങളുടെ പശ്ചാത്തലത്തിൽ പ്രകൃതി സൗഹൃദവീടുകൾക്കായി തണൽ വടകരയുടെ ഇടപെടൽ. വീടെന്ന സ്വപ്നം യാഥാർഥ്യമാകാൻ വർഷങ്ങൾ കാത്തിരിക്കേണ്ടി വരുന്പോൾ വെറും 15 ദിവസം കൊണ്ട് പൂർത്തിയാക്കാവുന്ന പ്രകൃതി സൗഹൃദ വീടുകളാണ് നിംഫ്ര വടകരയുമായി സഹകരിച്ച് തണൽ നിർമിക്കുന്നത്. ആലംബഹീനർക്ക് അത്താണിയായി റിഹാബിലിറ്റേഷൻ സെന്റർ നടത്തിവരുന്ന തണലിന്റെ മറ്റൊരു നാഴിക്കല്ലായി പ്രകൃതി സൗഹൃദ ഭവനങ്ങൾ മാറുകയാണ്.പ്രകൃതി ദുരന്തങ്ങൾ അതിജീവിക്കുന്നതിന്റെ ഭാഗമായാണ് പ്രകൃതിക്ക് ഇണങ്ങുന്ന വീട് നിർമാണത്തെ കുറിച്ച് തണൽ ആലോചിക്കുന്നത്. ഭൂപ്രകൃതിക്ക് അനുകൂലമായും അപകടഭീഷണി കുറഞ്ഞതുമായ ഇത്തരം വീടുകൾക്ക് നാലു ലക്ഷം രൂപയാണ് ചെലവ്. വെള്ളം കയറിയാലും പരിക്കേൽക്കാത്ത ഭിത്തികളും മേൽക്കൂരയും തറനിരപ്പിൽ നിന്ന് ഉയർത്തിയുള്ള നിർമാണ രീതിയും ഇതിനകം ശ്രദ്ധ നേടിക്കഴിഞ്ഞു. രണ്ടു കിടപ്പുമുറികളുള്ള ഇത്തരം 300 വീടുകൾ ഇടുക്കി, വയനാട്, തൃശൂർ, എറണാകുളം എന്നിവിടങ്ങളിലെ പ്രളയ ബാധിത പ്രദേശങ്ങളിൽ നിർമിക്കാനാണ് ഉദ്ദേശിക്കുന്നതെന്ന് തണൽ ചെയർമാൻ…
Read More