എടക്കര: ക്യാന്പുകളിൽ രജിസ്റ്റർ ചെയ്യുന്നവർക്ക് സർക്കാർ ധനസഹായം ലഭിക്കുമെന്നു വ്യാജ പ്രചാരണം. ഇതോടെ ദുരിതാശ്വാസ ക്യാന്പുകളിലേക്ക് ആളുകളുടെ പ്രവാഹം. പോത്തുകൽ പഞ്ചായത്തിലെ ഭൂദാനം സ്കൂളിലെ ക്യാന്പിലേക്കാണ് യാതൊരുവിധ കാലവർഷക്കെടുതികൾക്കും ഇരയാകാത്തവർ രജിസ്റ്റർ ചെയ്യാനെത്തുന്നത്. പഞ്ചായത്തിലെ കവളപ്പാറയിൽ നിന്നു അൻപതോളം കുടുംബങ്ങളെ മലയിടിച്ചിൽ ഭീഷണിയെത്തുടർന്ന് വെള്ളിയാഴ്ച ഭൂദാനം സ്കൂളിലേക്കു മാറ്റിപ്പാർപ്പിച്ചിരുന്നു. മുത്തപ്പൻകുന്നിൽ നിന്നു നീരൊഴുക്കു ഉണ്ടായതിനെത്തുടർന്നായിരുന്നു ഇത്. ജിയോളജി, റവന്യൂ വകുപ്പുകളുടെ നിർദേശത്തെത്തുടർന്നായിരുന്നു ജനങ്ങളെ മാറ്റിപ്പാർപ്പിച്ചത്. എന്നാൽ കഴിഞ്ഞ രണ്ടു ദിവസമായി മേഖലയിൽ മഴയ്ക്ക് ശമനമുണ്ടാകുകയും കെടുതികൾക്കു സാധ്യതയില്ലാത്ത സാഹചര്യത്തിലുമാണ് നിരവധയാളുകൾ ക്യാന്പിലേക്കെത്തുന്നത്. ദുരിതാശ്വാസ ക്യാന്പിൽ രജിസ്റ്റർ ചെയ്യുന്നവർക്കു അയ്യായിരം മുതൽ പതിനായിരം രൂപവരെ സർക്കാർ ധനസഹായം ലഭിക്കുമെന്ന കുപ്രചാരണമാണ് ആളുകളെ ക്യാന്പിലേക്ക് എത്തിക്കുന്നത്. ചിലയാളുകൾ വൃദ്ധരായ മാതാപിതാക്കളെ മാത്രം ക്യാന്പിലേക്കു മാറ്റി സ്വന്തം വീടുകളിൽ കഴിയുന്നുമുണ്ട്. ക്യാന്പിൽ എല്ലാവിധ സൗകര്യങ്ങളും ലഭ്യമാകുന്നെ തെറ്റിദ്ധാരണയിൽ ആകൃഷ്ടരായും ആളുകളെത്തുന്നുണ്ട്.
Read MoreCategory: Kozhikode
ഉരുൾപൊട്ടലുകൾ, മലവെള്ളപ്പാച്ചിലുകൾ, മണ്ണിടിച്ചിൽ, വെള്ളപ്പൊക്കം; ഹൃദയം പിളർന്ന് മലയോര പ്രദേശങ്ങൾ
മുക്കം: സമാനതകളില്ലാത്ത ദുരന്തമാണ് മലയോര മേഖലകളിൽ അലയടിച്ചത്. തുടർച്ചയായി ഉണ്ടായ ഉരുൾപൊട്ടലും മലവെള്ളപ്പാച്ചിലും മണ്ണിടിച്ചിലും വെള്ളപ്പൊക്കവും മലയോര മേഖലകളെയാകെ തകർത്തു കളഞ്ഞു. കോടിക്കണക്കിന് രൂപയുടെ നാശനഷ്ടങ്ങളാണ് ഇവിടങ്ങളിൽ ഉണ്ടായിരിക്കുന്നത്. പല സ്ഥലങ്ങളും പുനർനിർമിക്കാനാവാത്ത വിധം തകർന്നു പോയി. അപായങ്ങളിൽ നിന്നും തലനാരിഴക്കാണ് പല കുടുംബങ്ങളും രക്ഷപ്പെട്ടത്. ആയിരക്കണക്കിന് വീടുകളിൽ വെള്ളം കയറി. നൂറുകണക്കിന് വീടുകൾ തകരുകയും കേടുപാടുകൾ സംഭവിക്കുകയും ചെയ്തു. കടകളും കെട്ടിടങ്ങളും വിദ്യാഭ്യാസ സ്ഥാപനങ്ങളും ആരാധനാലയങ്ങളും മദ്റസകളും സർക്കാർ ഓഫിസുകളുമടക്കം പലതും ഇരച്ചെത്തിയ വെള്ളത്തിൽ മുങ്ങിപോയി. ആയിരങ്ങളാണ് വിവിധ ദുരിതാശ്വാസ ക്യാന്പുകളിൽ കഴിയുന്നത്. ഹെക്ടർ കണക്കിന് കൃഷിസ്ഥലങ്ങളും പറമ്പുകളും നശിച്ചു. മേഖലയിലെ ഭൂരിഭാഗം റോഡുകളും ഉപയോഗിക്കാനാവാത്ത വിധം തകർന്നടിഞ്ഞു. നിരവധി പാലങ്ങൾ ഒലിച്ചുപോയി. വളർത്തു മൃഗങ്ങളും ഫാമുകളും നശിച്ചു. രണ്ടു മാസത്തിനിടെ മൂന്ന് തവണയാണ് വെള്ളപ്പൊക്കം ഉണ്ടായത്. ഓരോ തവണ വെള്ളം കയറുമ്പോഴും ഇരകൾ അനുഭവിക്കുന്ന…
Read Moreമജീദിന്റെയും റംലയുടെയും സ്നേഹത്തണലിൽ മഞ്ജുവിന് മാംഗല്യം; നല്ലരീതിയിൽ വിവാഹം കഴിച്ചയപ്പിക്കണമെന്ന ആഗ്രഹം സഫലമായതിന്റെ സന്തോഷത്തിൽ ഇരുവരും
കുന്നമംഗലം: തങ്ങളുടെ പൊന്നോമനയായ മഞ്ജുവിന്റെ ജീവിതത്തിൽ പ്രകാശം പരത്താൻ കഴിഞ്ഞതിന്റെ ചാരിതാർഥ്യത്തിലാണ് പെരിങ്ങളം ചൊരങ്ങാടൻ വീട്ടിൽ സി.വി. മജീദും ഭാര്യ റംലയും.13 വർഷം മുന്പ് സ്വന്തം കുടുംബത്തിലേക്ക് വന്ന ഈങ്ങാപ്പുഴ പൂലോട് വീട്ടിൽ മാളു-രാഘവൻ ദമ്പതികളുടെ മകളായ മഞ്ജുവിനെ നല്ല രീതിയിൽ വിവാഹം കഴിപ്പിച്ച് അയയ്ക്കാൻ കഴിഞ്ഞതിന്റെ സന്തോഷം ഇവർക്ക് ചെറുതല്ല. അഞ്ചാം ക്ലാസിൽ പഠിച്ചിരുന്ന മഞ്ജുവെന്ന കുഞ്ഞുകുട്ടിയെ കൂടെ കൂട്ടി, പിന്നെ സ്വന്തം മക്കളായ സുലൈഖ,സുമയ്യ,ജുനൈദ് എന്നിവർക്കൊപ്പം വളർത്തി സ്നേഹമാണ് തന്റെ മതമെന്ന് ഊട്ടി ഉറപ്പിക്കുകയായിരുന്നു മജീദും കുടുംബവും. കെഎസ്ആർടിസിയിൽ നിന്ന് റിട്ടയർ ചെയ്ത മജീദിന്റെ ഭാര്യവീടായ ഈങ്ങാപ്പുഴ തറവട്ടത്ത് കരണിച്ചാൽ തറവാട്ടിൽ ജോലിക്ക് വരുമായിരുന്ന പൂലോട് വീട്ടിൽ മാളുവിന്റെയും രാഘവന്റെയും മകൾ മഞ്ജുവിനോട് തോന്നിയ വാത്സല്യം പത്താമത്തെ വയസിൽ ആ കൊച്ചു മിടുക്കിയെ കൂടെ ചേർത്ത് പിടിക്കാൻ കാരണമായി. പിന്നീടുള്ള 13 വർഷങ്ങൾ അവൾക്കു…
Read Moreചരക്കുലോറി വരുന്നില്ല; ഓണത്തിനും പെരുന്നാളിനും ദിവസങ്ങള്; പച്ചക്കറി വില കുത്തനെ ഉയരുമെന്ന് വ്യാപാരികൾ
കോഴിക്കോട്: പേമാരിയും വെള്ളപൊക്കവും ശക്തമായതോടെ സംസ്ഥാനത്തേക്കുള്ള പച്ചക്കറി വരവ് കുറഞ്ഞു. തമിഴ്നാട്, കര്ണാടക സംസ്ഥാനങ്ങളില് നിന്നുള്ള ചരക്കുനീക്കം നിലച്ചിരിക്കുകയാണ്. ഇതോടെ പ്രധാന നഗരങ്ങളിലുള്പ്പടെ പച്ചക്കറി ക്ഷാമം അനുഭവപ്പെടുന്നുണ്ട്. പ്രദേശികമായി ഉത്പാദിപ്പിക്കുന്ന പച്ചക്കറികളും വിപണിയില് എത്താതായതോടെ വില കുത്തനെ വര്ധിക്കുകയാണ്. പച്ചമുളക്, കാരറ്റ്, തക്കാളി, ചേന, ഇഞ്ചി, കാബേജ്, മുരിങ്ങ, വെണ്ട ഉള്പ്പടെയുള്ള പച്ചക്കറികള് ഇന്നലെ മുതല് സംസ്ഥാനത്തേക്ക് എത്തിയിട്ടില്ല. ഇതോടെ 10-20 രൂപയുടെ വര്ധനവാണ് ഉണ്ടായിരിക്കുന്നത്. കാരറ്റിന് മൊത്തവിപണിയില് കിലോഗ്രാമിന്റെ വില 70 രൂപയിലെത്തി. കഴിഞ്ഞ ദിവസം കാരറ്റിന് 50 രൂപയായിരുന്നു വില. പച്ചമുളകിന്റെ വില 40ല് നിന്നും 60 ആയി വര്ധിച്ചു.പച്ചക്കായയ്ക്ക് 80 രൂപയാണ്. പത്ത് രൂപ വിലയുണ്ടായിരുന്ന തക്കാളിക്ക് 20 രൂപയാണ് വില.തമിഴ്നാട്ടില് നിന്നാണ് കേരളത്തിലേക്ക് കൂടുതല് പച്ചക്കറിയെത്തുന്നത്. താമരശേരി, കുറ്റ്യാടി ചുരം, വാളയാര് ചെക്ക് പോസ്റ്റുകള് വഴിയാണ് ചരക്കുനീക്കം നടന്നിരുന്നത്. കനത്തമഴയില് ചുരത്തില്…
Read Moreവിവാഹ വാഗ്ദാനം നൽകി പീഡനം! ഡിവൈഎഫ്ഐ നേതാവിനെതിരേ കേസെടുത്തു; യുവാവ് ഒളിവിൽ പോയതായി പോലീസ്
തൃക്കരിപ്പൂർ: വിവാഹ വാഗ്ദാനം നൽകി യുവതിയെ പലയിടങ്ങളിൽ കൊണ്ടുപോയി പീഡിപ്പിച്ചുവെന്ന പരാതിയിൽ ഡിവൈഎഫ്ഐ നേതാവിനെതിരേ ചന്തേര പോലീസ് കേസെടുത്തു. സിപിഎം തൃക്കരിപ്പൂർ ഏരിയാ കമ്മിറ്റി അംഗം കൂടിയായ ഡിവൈഎഫ്ഐ തൃക്കരിപ്പൂർ ബ്ലോക്ക് സെക്രട്ടറി വലിയപറമ്പ് സെൻട്രലിലെ രതീഷ് കുതിരുമ്മ(23)ലിനെതിരേയാണ് ബലാത്സംഗം, വിവാഹ വാഗ്ദാനം നൽകി വഞ്ചിക്കൽ തുടങ്ങിയ കുറ്റത്തിന് പോലീസ് കേസെടുത്തത്. 23 കാരി യുടെ പരാതിയിലാണ് ചന്തേര പോലീസ് കേസെടുത്തത്. യുവാവ് കാഞ്ഞങ്ങാട് ക്ഷേമനിധി ഓഫീസിലെ ജീവനക്കാരനാണ്. കേസെടുത്തതോടെ ഇയാൾ ഒളിവിൽ പോയതായി പോലീസ് പറഞ്ഞു.
Read Moreകോഴിക്കോട് ജില്ലയില് 500 കോടിയുടെ നാശനഷ്ടം! ചരിത്രത്തിലെ ഏറ്റവും വലിയ നാശനഷ്ടമെന്ന് മന്ത്രിമാര്
കോഴിക്കോട് : പ്രളയക്കെടുതിയില് കോഴിക്കോട് ജില്ലയില് മാത്രം 500 കോടിയുടെ നാശനഷ്ടമെന്ന് പ്രാഥമിക കണക്കുകള് . ചരിത്രത്തില് ഇതുവരെ ഉണ്ടാകാത്ത നാശനഷ്ടമാണ് ജില്ലയില് ഇത്തവണ ഉണ്ടായിട്ടുള്ളതെന്നും മന്ത്രിമാരായ ടി.പി രാമകൃഷ്ണനും എ.കെ. ശശീന്ദ്രനും പറഞ്ഞു. അതേസമയം നിലവില് സ്ഥിതി നിയന്ത്രണവിധേയമാണ്. ദുരിതാശ്വാസ പ്രവര്ത്തനങ്ങള് ഫലപ്രദമായാണ് നടക്കുന്നത്. ജില്ലാ ഭരണകൂടത്തിന്റെ ഏകോപനം ഫലവത്തായി. കാര്യങ്ങള് ഇപ്പോള് നിയന്ത്രണ വിധേയമാണെന്നും ഒറ്റപ്പെട്ടവരായി ആരുമില്ലെന്നും മന്ത്രിമാര് അറിയിച്ചു. ജീവന് രക്ഷിക്കാന് എല്ലാ സുരക്ഷക്രമീകരണങ്ങളും സ്വീകരിച്ചിട്ടുണ്ട്. എല്ലാ ക്യാമ്പുകളിലും സര്ക്കാര് ഉദ്യോഗസ്ഥരും രാഷ്ട്രീയ കക്ഷി പ്രതിനിധികളും സന്നദ്ധസംഘടന പ്രവര്ത്തകരും സജീവമായി രംഗത്തുണ്ട്. ഉദ്യോഗസ്ഥര് നല്കുന്ന നിര്ദേശങ്ങള് പാലിച്ച് പൊതുജനങ്ങള് പ്രവര്ത്തിക്കണം. ഇന്ധനക്ഷാമം രൂക്ഷമാണെന്ന തരത്തില് ചില തെറ്റായ വാര്ത്ത പ്രചരിക്കുന്നുണ്ട് ഇത്തരം വാര്ത്തകള് അവഗണിക്കണമെന്നും തെറ്റായ സന്ദേശങ്ങള് പ്രചരിപ്പിക്കുന്നവര്ക്കെതിരെ കര്ശന നടപടി ഉണ്ടാകുമെന്നും മന്ത്രിമാര് പറഞ്ഞു. മാതൃകാപരമായ ദുരിതാശ്വാസ പ്രവര്ത്തനങ്ങളാണ് ഇപ്പോഴുള്ളത.് എട്ട്…
Read Moreസ്കൂൾ അടച്ചപ്പോൾ മാതാപിതാക്കളോടൊപ്പം ഓണം ആഘോഷിക്കാൻ കുട്ടികളെത്തിയത് ദുരിതാശ്വാസ ക്യാന്പിലേക്ക്
നിലന്പൂർ: സ്കൂൾ അടച്ചപ്പോൾ ഹോസ്റ്റലിൽ നിന്നും മാതാപിതാക്കളോടൊപ്പം ഓണം ആഘോഷിക്കാൻ കുട്ടികളെത്തിയത് ദുരിതാശ്വാസ ക്യാന്പിലേക്ക്. ഗോത്രവർഗ വിഭാഗത്തിലെ കുട്ടികൾക്കായുള്ള നിലന്പൂർ വെളിയംതോടിലെ ഐജിഎംഎംആർ സ്കൂളിലെ നാല് കുട്ടികളാണ് സ്കൂളിൽ നിന്നും കരുളായി പുള്ളിയിൽ ഗവ. എൽപി സ്കൂളിലെ ദുരിതാശ്വാസ ക്യാന്പിലെത്തിയത്. സ്കൂൾ അടച്ചുവെന്ന വാർത്തയെ തുടർന്ന്് ക്യാന്പിലുള്ള രക്ഷിതാക്കൾ സ്കൂളിലെത്തി കുട്ടികളെ കൂട്ടിക്കൊണ്ടുവരികയായിരുന്നു. സ്കൂൾ അധികൃതർ കുട്ടികളെ വീട്ടിലേക്ക് അയയ്ക്കില്ലെന്ന നിലപാടിലായിരുന്നു. എന്നാൽ രക്ഷിതാക്കൾ നിർബന്ധിച്ചപ്പോൾ കൂടെ അയയ്ക്കാൻ തീരുമാനിച്ചു. കാലാവസ്ഥ അനുകൂലമായാൽ സ്വന്തം വീടുകളിൽ ഓണം ആഘോഷിക്കാൻ പറ്റുമെന്ന സന്തോഷത്തിലാണ് കുട്ടികൾ.
Read Moreഉറങ്ങാൻകിടന്നതും മരണംവിളിച്ചതും ഒരുമിച്ചു; കൂരിയോട് മലയിലെ ഉരുൾപൊട്ടലിൽ മരിച്ച അച്ഛന്റെയും മകന്റെയും മരണത്തിൽ വിറങ്ങലിച്ച് നാട്ടുകാർ
തിരുവന്പാടി: കൂടരഞ്ഞി പഞ്ചായത്തിലെ കൂരിയോട് മലയിൽ ഉരുൾപൊട്ടലിൽ ഒരു കുടുംബത്തിലെ രണ്ട് പേർ മരിച്ചത് ഉറങ്ങാൻകിടന്ന് നിമിഷങ്ങൽക്കുശേഷം. കഴിഞ്ഞദിവസം രാത്രി രണ്ടരയോടെ ഉണ്ടായ ഉരുൾപ്പൊട്ടലിൽ തയ്യിൽ തൊടിക പ്രകാശൻ (45), മകൻ പ്രവീൺ പ്രകാശ് (11) എന്നിവരാണ് മരിച്ചത്. കുടുംബത്തിന്റെ കരച്ചിലും വീട് ഒലിച്ചു പോകുന്ന ശബ്ദവും കേട്ട് ഉണർന്ന അയൽവാസികളാണ് രക്ഷപ്രവർത്തനം നടത്തിയത്. പ്രകാശൻ , ഭാര്യ ബിന്ദു, മക്കളായ പ്രവീൺ, പ്രബിത, പ്രിയ, പിതാവ് ഗോപാലൻ എന്നിവരാണ് ഒഴു ക്കിൽ പെട്ടത്. രക്ഷപെടുത്തി തിരുവമ്പാടിയിലെ സ്വകാര്യ ആശുപത്രിയിൽ എത്തിക്കുമ്പോഴേക്കും പ്രവീൺ മരണമടഞ്ഞിരുന്നു. ഗുരുതരമായി പരിക്കേറ്റ പ്രകാശിനെ മാമ്പറ്റയിലെ സ്വകാര്യ മെഡിക്കൽ കോളജിൽ എത്തിച്ചെങ്കിലും ജീവൻ രക്ഷിക്കാനായില്ല. ഗോപാലൻ, ബിന്ദു, പ്രബിത, പ്രിയ എന്നിവർ ചികിത്സയിലാണ്. പ്രകാശന്റെയും, പ്രവീണിന്റെയും മൃതദേഹം പ്രവീണിന്റെ വിദ്യാലയമായ സെന്റ് സെബാസ്റ്റ്യൻസ് സ്കൂളിൽ പൊതുദർശനത്തന് വച്ചശേഷം പുന്നക്കൽ ഓളിക്കലുള്ള ബിന്ദുവിന്റെ സഹോദരന്റെ…
Read Moreരക്ഷകരെ കാത്ത് ആയിരങ്ങൾ; പെരിയാറിൽ ജലനിരപ്പ് ഉയരുന്നു; ചാലക്കുടി വെള്ളത്തിൽ; തമിഴ്നാട് ഫയർഫോഴ്സും രക്ഷാപ്രവർത്തനത്തിന്
കോട്ടയം: രക്ഷാപ്രവർത്തകർ എത്തുന്നതും കാത്ത് സംസ്ഥാനത്തെ വിവിധ ജില്ലകളിൽ വെള്ളത്തിനു നടുവിൽ പ്രതീക്ഷയർപ്പിച്ചു കഴിയുന്നത് ആയിരങ്ങൾ. ഇടുക്കി, പത്തനംതിട്ട, എറണാകുളം തൃശൂർ ജില്ലകളിലാണ് പേമാരിയും പ്രളയവും ഏറെ ദുരിതം വിതയ്ക്കുന്നത്. ഇവിടെ വിവിധ കെട്ടിടങ്ങളിലായി ആയിരക്കണക്കിനുപേർ കഴിയുന്നതായാണ് വിവരം. ഇന്നു രാവിലെ മുതൽ ഇവരെ പുറത്തെത്തിക്കാനുള്ള സമഗ്രരക്ഷാപ്രവർത്തനത്തിനു തുടക്കമായി. 23 ഹെലിക്കോപ്റ്ററുകളും 450 ബോട്ടുകളും രക്ഷാപ്രവർത്തനത്തിൽ ഉപയോഗിക്കുന്നതിനായി അധികമായി എത്തിച്ചു. ഇവർക്കൊപ്പം 20 പേർ വീതമുള്ള 40 ദേശീയ ദുരന്ത നിവാരണ സേനാ സംഘങ്ങൾകൂടി എത്തും. രക്ഷപ്പെടുത്തുന്നവരെ താമസിപ്പിക്കാൻ ഉയരമുള്ള കെട്ടിടങ്ങൾ ഏറ്റെടുക്കും. എറണാകുളം, തൃശൂർ, പത്തനംനിട്ട, ആലപ്പുഴ ജില്ലകളിൽ മൂന്നു ഹെലിക്കോപ്റ്ററുകൾ വീതം രക്ഷാപ്രവർത്തനത്തിന് ഉപയോഗിക്കും. തമിഴ്നാട് ഫയർഫോഴ്സും രക്ഷാപ്രവർത്തനത്തിന് എത്തിയിട്ടുണ്ട്. പ്രളയം ഏറെദുരിതം വിതച്ച പത്തനംതിട്ട ഏറെക്കുറെ പൂർണമായും വെള്ളത്തിലാണ്. റാന്നി, ആറൻമുള, കോഴഞ്ചേരി, ചിറ്റാർ, തിരുവല്ല എന്നിവിടങ്ങളിലാണ് സ്ഥിതി രൂക്ഷം. ഇവിടെ വൈദ്യുതബന്ധം…
Read Moreകോഴിക്കോട്ടും കോട്ടയത്തും മുഴുവൻ വിദ്യാഭ്യാസ സ്ഥാപനങ്ങൾക്കും വെള്ളിയാഴ്ച അവധി
കോട്ടയം: കോഴിക്കോട്, കോട്ടയം ജില്ലകളിലെ പ്രഫഷണൽ കോളജുകൾ ഉൾപ്പടെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർമാർ അവധി പ്രഖ്യാപിച്ചു. കനത്ത മഴ തുടരുന്ന സാഹചര്യത്തിലാണ് നടപടി.
Read More