കോഴിക്കോട്: ആനിഹാള് റോഡില് കെട്ടിടനിര്മാണത്തിനിടെ മണ്ണിടിഞ്ഞുവീണ് രണ്ട് ഇതരസംസ്ഥാന തൊഴിലാളികള്ക്ക് പരിക്ക്. രാവിലെ പത്തിനാണ് സംഭവം. നാലുപേരാണ് സംഭവസമയത്ത് പണിയെടുത്തിരുന്നത്. മതില് ഇടിഞ്ഞുവീഴുന്നത് കണ്ടതിനെ തുടര്ന്ന് രണ്ടുപേര് ഓടി രക്ഷപ്പെട്ടു. പരിക്കേറ്റ ഒരാളെ സ്വകര്യ ആശുപത്രിയിലും രണ്ടാമത്തെയാളെ കോഴിക്കോട് മെഡിക്കല് കോളജിലും പ്രവേശിപ്പിച്ചു. ബേസ് ലൈന് നിര്മാണ കമ്പനിയാണ് ഇവിടെ പ്രവൃത്തികള് നടത്തുന്നത്. എകദേശം 20 അടിയോളം ഉയരത്തില് മണ്ണെടുത്തുനീക്കിയിരുന്നു. മലപ്പുറം സ്വദേശി പുളിക്കറ തെന്നല കെ.വി. മുഹമ്മദ് കുട്ടി എന്നയാളുടെ പേരിലാണ് കെട്ടിടത്തിന്റെ പ്ലാന്. ബീച്ചില് നിന്നും സ്റ്റേഷന് ഓഫീസര് പി. അജിത് കുമാറിന്റെ നേതൃത്വത്തില് ഫയര് യൂണിറ്റ് എത്തിയാണ് രക്ഷാ പ്രവര്ത്തനത്തിന് നേതൃത്വം നല്കിയത്. സൂപ്പര് വൈസറും സംഭവസമയത്ത് ഇവിടെയുണ്ടായിരുന്നു. സംഭവമറിഞ്ഞ് കോഴിക്കോട് ജില്ലാകളക്ടര് യു.വി. ജോസും സ്ഥലത്തെത്തി. അനധികൃത നിര്മാണങ്ങള് പരിശോധിക്കാന് പ്രത്യേക റവന്യൂ സംഘത്തെ നിയമിക്കുമെന്ന് കളക്ടര് അറിയിച്ചു. നിര്മാണ പ്രവര്ത്തനങ്ങള്ക്ക്…
Read MoreCategory: Kozhikode
സ്കൂള് ബാഗിന് വില കുതിച്ചുകയറി! സാധാരണക്കാരനെ കൊള്ളയടിച്ച് സ്കൂൾ വിപണി
കോഴിക്കോട്: സാധാരണക്കാരന്റെ കീശകാലിയാക്കി സ്കൂള് വിപണി. എറ്റവും കൂടുതല്പേര് വാങ്ങാനെത്തുന്ന സ്കൂള് ബാഗുകള്ക്കാണ് വില കുതിച്ചുകയറിയിരിക്കുന്നത്. പലയിടത്തും 599 രൂപമുതലാണ് ബാഗുകളുടെ വിലതുടങ്ങുന്നത്. ഒന്നുമുതല് നാലുവരെ ക്ലാസുകളിലേക്കുള്ള സാധാരണ ബാഗുകളാണെങ്കില് വില അൽപ്പം കുറയും.എന്നാലും 300 രൂപയില് താഴില്ല. ബ്രാന്ഡഡ് ബാഗുകള്ക്ക് ആയിരം രൂപ മുതലാണ് വില. ഇതോടൊപ്പം വിലക്കുറവ് എന്നപേരില് വില്ക്കുന്ന ബാഗുകള് കാലപ്പഴക്കം ചെന്നതാണ്. ചിലവാകാതെ പൊടിപിടിച്ചുകിടന്ന ബാഗുകള് ഇപ്പോള് തട്ടിയെടുത്താണ് ഓഫര് നല്കി വില്ക്കുന്നത്. അതായത് ഒരു സ്കൂള് ബാഗ് വാങ്ങണമെങ്കില് സാധാരണക്കാരന്റെ ഒരു ദിവസത്തെ കൂലി വേണം എന്നര്ഥം. ത്രിവേണി, സപ്ലൈകോ തുടങ്ങിയ ഔട്ട്ലെറ്റുകളില് വില അല്പ്പം കുറവുണ്ടെങ്കിലും സാധാരണക്കാരെ സംബന്ധിച്ചിടത്തോളം കീശകാലിയാകുന്ന അവസ്ഥയാണ്. സൂപ്പര്മാര്ക്കറ്റുകള് വിലയിളവ് എന്ന് പറഞ്ഞ് വലിയ പരസ്യങ്ങള് കൊടുക്കുന്നുണ്ടെങ്കിലും അതറിഞ്ഞ് എത്തുന്ന സാധാരണക്കാരന് പരസ്യങ്ങളില് പറയപ്പെടുന്നവയൊന്നും ലഭ്യമാകുന്നില്ല. സാധാരണയുള്ള വിലയാണ് അവിടെയെത്തുമ്പോള് വില്പ്പനകാരന് പറയുന്നത്. കുട,…
Read Moreകുടുംബശ്രീ സംസ്ഥാന കലോത്സവം; സദസ് കീഴടക്കി മുന്നേറുന്നു; പതിനാല് ജില്ലകളിൽ നിന്നായി ആയിരത്തഞ്ഞൂറോളം കലാകാരികളാണ് പങ്കെടുക്കുന്നത്
എടപ്പാൾ: കുടുംബശ്രീ മിഷന്റെ നേതൃത്വത്തിൽ നടത്തുന്ന കുടുംബശ്രീ സംസ്ഥാന കലോൽസവത്തിനു എടപ്പാളിൽ തുടക്കമായി. അരങ്ങ് 2018 എന്ന പേരിൽ ആരംഭിച്ച കലോത്സവം തദ്ദേശസ്വയംഭരണമന്ത്രി കെ.ടി.ജലീൽ ഉദ്ഘാടനം ചെയ്തു. സംസ്ഥാനത്തെ പതിനാല് ജില്ലകളിൽ നിന്നുമായി ആയിരത്തിഅഞ്ഞൂറോളം കലാകാരികൾ വിവിധ മത്സരങ്ങളിലായി മാറ്റുരക്കുന്നു. നൂറുകണക്കിന് കുടുംബശ്രീ പ്രവർത്തകർ അണിനിരന്ന ഘോഷയാത്രയോടെയാണ് പരിപാടിക്ക് തുടക്കംകുറിച്ചത്. മുഖ്യാതിഥിയായി ഇ.ടി.മുഹമ്മദ് ബഷീർ എം.പി. പങ്കെടുത്തൂ “സുഡാനി ഫ്രം നൈജീരിയ’ എന്ന സിനിമയിൽ ഉമ്മമാരുടെ വേഷം ചെയ്ത സാവിത്രി ശ്രീധരൻ, സരസ ബാലുശേരി എന്നിവർ അതിഥികളായെത്തി. അഞ്ച് വേദികളിലായി നടക്കുന്ന കലോത്സവത്തിൽ ഒപ്പന, നാടോടി നൃത്തം, സംഘ നൃത്തം, നാടോടി ഗാനം തുടങ്ങിയ 23 സേറ്റേജ് ഇനങ്ങളും കഥാരചന, കവിതാ രചന, ചിത്രരചന തുടങ്ങിയ ഏഴ് സ്റ്റേജിതര ഇനങ്ങളും ഉണ്ടായിരിക്കും. കലോത്സവത്തിന്റെ പ്രധാന വേദി എടപ്പാൾ ഗവ: ഹയർസെക്കണ്ടറി സ്കൂളിലാണ് ഒരുക്കിയിരക്കുന്നത്. മറ്റ് വേദികൾ അംശക്കച്ചേരി…
Read Moreടാറിംഗിന് പിന്നാലെ റോഡ് തകർന്നു; അപകടാവസ്ഥയിലായ റോഡ് വീണ്ടും ടാർ ചെയ്യണമെന്നാവശ്യപ്പെട്ട് പ്രദേശവാസികൾ പ്രക്ഷോഭത്തിന്
തലപ്പുഴ: ടാറിംഗ് ചെയ്ത് ഗതാഗതയോഗ്യമാക്കിയതിന് പിന്നാലെ റോഡ് തകർന്നു. തവിഞ്ഞാൽ പഞ്ചായത്തിലെ ഇടിക്കര ശിവഗിരി റോഡാണ് ടാറിംഗിന് പിന്നാലെ തകർന്ന് തരിപ്പണമായത്. ടാറിംഗ് മുഴുവൻ ഇളകി റോഡിൽ വലിയ കുഴികൾ രൂപപ്പെട്ടിരിക്കുകയാണ്. ഇതുമൂലം ഈ റോഡ് അപകടാവസ്ഥയിലാണ്. വാഹനങ്ങൾ ഓടുന്പോൾ റോഡ് താഴ്ന്നു പോകുന്ന സ്ഥിതിയാണ് നിലവിലുള്ളത്. കല്ലുകൾ പാകി ഉറപ്പിക്കാതെ ക്വാറിയിൽ നിന്നുള്ള പൊടിമാത്രം അടിയിൽ ഇട്ട് അതിന് മേലെ വെറും അരയിഞ്ച് കനത്തിലാണ് ടാറിംഗ് ചെയ്തത്. നൂറ് മീറ്റർ റോഡാണ് കഴിഞ്ഞ മാസം ടാർ ചെയ്ത് ഗതാഗതയോഗ്യമാക്കിയത്. ടാർ ചെയ്തതിന് ശേഷം ഗതാഗതത്തിന് തുറന്ന് കൊടുത്ത അന്ന് തന്നെ റോഡ് പൊട്ടി തകരുകയായിരുന്നു. ടാറിംഗ് ചെയ്ത മുഴുവൻ ഭാഗവും തകർന്നു. ഈ റോഡിന്റെ ടാറിംഗ് പ്രവൃത്തിയിൽ വൻ അഴിമതി നടന്നതായി നാട്ടുകാർ ആരോപിക്കുന്നു. റോഡ് തകർന്നതിനെ സംബന്ധിച്ച് അധികൃതരെ അറിയിച്ചെങ്കിലും തുടർനടപടികൾ സ്വീകരിച്ചിട്ടില്ലെന്ന് ഇവർ…
Read Moreടിപി സ്മരണയിൽ കുരുന്നുകൾ ടിപിയുടെ ചിത്രമുള്ള വെള്ള ടീ ഷർട്ടും തൊപ്പിയുമണിഞ്ഞ് നടത്തിയ പ്രകടനം ആവേശമായി
വടകര: ആർഎംപിഐ നേതാവായിരുന്ന ടി.പി.ചന്ദ്രശേഖരനെ സ്മരിക്കാൻ കുരുന്നുകൾ നടത്തിയ പ്രകടനവും മുദ്രാവാക്യം വിളിയും ആവേശമായി. ടി.പിയുടെ ആറാം രകതസാക്ഷി ദിനത്തിൽ നടന്ന ബഹുജന പ്രകടനത്തിലാണ് ഈ കാഴ്ച. വെള്ളികുളങ്ങരയിൽ നിന്ന് ഓർക്കാട്ടേരിയിലേക്ക് നീങ്ങിയ പ്രകടനത്തിൽ കുരുന്നുകൾ ചിട്ടയായി ചുവട് വെക്കുകയായിരുന്നു. ടിപിയുടെ ചിത്രമുള്ള വെള്ള ടീ ഷർട്ടും തൊപ്പിയുമണിഞ്ഞ് പതാകയേന്തി ഇങ്ക്വിലാബ് വിളിച്ച് മുന്നേറിയത് ഏവരുടേയും ശ്രദ്ധപിടിച്ചുപറ്റി. മുഷ്ടി ചുരുട്ടി ഉച്ചത്തിൽ മുദ്രാവാക്യം വിളിച്ച കൊച്ചുപ്രവർത്തകർ തളരാതെ ഏറെ ദൂരം നടന്നുനീങ്ങി. സ്ത്രീകൾ ഉൾപ്പെടെ പങ്കെടുത്ത ഉജ്വല പ്രകടനമാണ് ഓർക്കാട്ടേരിയിൽ നടന്നത്. കനത്ത പോലീസ് ബന്തവസും ഏർപ്പെടുത്തിയിരുന്നു.
Read Moreചിലർക്ക് ഛർദിയും തലകറക്കവും ! വയനാട്ടിൽ ആദിവാസിയുടെ മരണം വ്യാജക്കള്ള് കുടിച്ചാണെന്നു സംശയം
കോട്ടത്തറ: ആദിവാസിയുടെ മരണം വ്യാജക്കള്ള് കുടിച്ചാണെന്ന സംശയത്തിൽ പോലീസ്, എക്സൈസ് ഉദ്യോഗസ്ഥർ വെങ്ങപ്പള്ളി വീട്ടിയേരി കള്ളുഷാപ്പിൽ പരിശോധന നടത്തി. വെങ്ങപ്പള്ളി മരമൂല കോളനിയിലെ ഗോപിയാണ്(47) ഇന്നലെ വൈകുന്നേരത്തോടെ മരിച്ചത്. കള്ളുഷാപ്പിനു കുറച്ചകലെ അവശനിലയിൽ ഉച്ചകഴിഞ്ഞാണ് ഗോപിയെ പ്രദേശവാസികൾ കണ്ടെത്തിയത്. ഷാപ്പിൽനിന്നു മദ്യപിച്ച ചിലർക്ക് ഛർദിയും തലകറക്കവും അനുഭവപ്പെട്ടതാണ് ഗോപിയുടെ മരണം വ്യാജക്കള്ള് കുടിച്ചാണെന്ന സംശയത്തിനിടയാക്കിയത്. കള്ളുകുടിച്ചതിനെത്തുടർന്നു അസ്വസ്ഥത അനുഭവപ്പെട്ട മൂന്നു പേർ ചികിത്സയിലാണ്. ഗോപിയുടെ മരണകാരണം സ്ഥിരീകരിച്ചിട്ടില്ലെന്നു പോലീസ് പറഞ്ഞു. എക്സൈസ് ഉദ്യോഗസ്ഥർ ഷാപ്പിൽനിന്നു കള്ളിന്റെ സാംപിൾ ശേഖരിച്ചു.
Read Moreമണ്ണിടിച്ചില്; ഇനി ആരുടെ ജീവന്?സമീപ കെട്ടിടങ്ങളും ഭീഷണിയില് ; നിര്മാണ പ്രവൃത്തികളില് വീഴ്ചയുണ്ടെന്ന് കണ്ടാല് നടപടി
കോഴിക്കോട്: റാംമോഹന് റോഡില് ബഹുനില കെട്ടിടത്തിന്റെ നിര്മാണത്തിനിടെയുണ്ടായ മണ്ണിടിച്ചില് സമീപത്തെ കെട്ടിടങ്ങള്ക്കും ഭീഷണിയാകുന്നു. ഇന്നലെയുണ്ടായ മണ്ണിടിച്ചിലില് രണ്ട് ഇതരസംസ്ഥാന തൊഴിലാളികളാണ് മരിച്ചത്. സമീപത്തെ ബഹു നിലകെട്ടിടത്തിന്റെ തൊട്ടടുത്താണ് മണ്ണിടിച്ചിലുണ്ടായത്. ഇത് ഈ കെട്ടിടത്തിനും ഭീഷണിയായി മാറിയിട്ടുണ്ട്. 20 അടിയോളം താഴ്ചയിലാണ് കെട്ടിടത്തിനായി മണ്ണെടുത്തത്. അപകട ഭീഷണി നിലനില്ക്കുന്നതിനാല് കെട്ടിടത്തില് നിന്നും ഇന്നലെ പോലീസ് ആളുകളെ ഒഴിപ്പിച്ചിരുന്നു. ഇനിയും മണ്ണിടിയാനുള്ള സാധ്യത നിലനില്ക്കെയാണ് പോലീസ് ആളുകളെ മാറ്റിയത്. കെഡിസി ബാങ്കടക്കം നിരവധി സ്ഥാപനങ്ങള് ആ കെട്ടിടത്തില് പ്രവര്ത്തിക്കുന്നുണ്ട്. മഴപെയ്ത് മണ്ണ് കുതിര്ന്നതിനാല് ഇനിയൊരു മണ്ണിടിച്ചിലുണ്ടായാല് ആ ബഹുനില കെട്ടിടത്തിനെ ബാധിക്കുമെന്നാണ് ഫയര്ഫോഴ്സും പറയുന്നത്. മണ്ണിടിച്ചില് ഇനിയുമുണ്ടാവുമെന്നതിനെ തുടര്ന്നു സമീപത്തെ ഭിത്തി പലകകൊണ്ടുറപ്പിച്ച ശേഷമായിരുന്നു രക്ഷാപ്രവര്ത്തനം പോലും നടത്താനായത്. പാര്ശ്വഭാഗങ്ങള് ശക്തിപ്പെടുത്താതെ നിര്മാണപ്രവൃത്തിക്കായി മണ്ണെടുത്തത് ദുരന്തത്തിനിടയായെന്ന് പ്രാഥമിക നിഗമനം.സംഭവത്തില് ഉടമയ്ക്കും കരാറുകാരനുമെതിരെ കേസെടുത്തിട്ടുണ്ട് . മണ്ണെടുക്കല് ഉള്പ്പെടെയുള്ള നിര്മാണ പ്രവൃത്തികളില്…
Read Moreഷാഹിദിന്റെ വിജയം ഗ്രാമീണ മേഖലയിലെ വിദ്യാർഥികൾക്ക് ഉണർവേകുമെന്ന് മുല്ലപ്പള്ളി
വടകര: സിവിൽസർവീസ് പോലുള്ള ദേശീയതല മത്സരപരീക്ഷകളിൽ കേരളത്തിലെ വിദ്യാർഥികൾ കൈവരിക്കുന്ന നേട്ടങ്ങൾ വിദ്യാഭ്യാസരംഗത്ത് ഉണർവും ഉത്സാഹവും വരുത്തുമെന്ന് മുല്ലപ്പള്ളി രാമചന്ദ്രൻ എംപി. ആക്സന്റ് തിരുവള്ളൂരിന്റെ ആഭിമുഖ്യത്തിൽ സിവിൽസർവീസ് റാങ്ക് ജേതാവ് ഷാഹിദ് തിരുവള്ളൂരിന് നൽകിയ അനുമോദനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഷാഹിദിനുള്ള ഉപഹാരം അദ്ദേഹം കൈമാറി. തിരുവള്ളൂർ കരിയർ സെമിനാർ 2018 ന്റെ ഉദ്ഘാടനം കാലിക്കറ്റ് യൂനിവേഴ്സിറ്റി വൈസ്ചാൻസിലർ ഡോ. കെ.മുഹമ്മദ് ബഷീർ നിർവഹിച്ചു. മഹാത്മാഗാന്ധി സർവകലാശാല കരിയർ വിദഗ്ധൻ ബാബു പള്ളിപാട്ട് കരിയർ സെമിനാർ നയിച്ചു. പിഎസ് സി അംഗം ടി.ടി.ഇസ്മായിൽ, ഗ്രാമപഞ്ചായത്ത് പ്രസിഡന്റ് എ.മോഹനൻ, വിവിധ രാഷ്ട്രീയ കക്ഷി പ്രതിനിധികൾ എന്നിവർ പ്രസംഗിച്ചു. പി.പി.അഹമ്മദ് സ്വാഗതവും സി.അസ്ലം നന്ദിയും പറഞ്ഞു.
Read Moreമരണക്കെണിയാകുന്ന വടകര-മാഹി കനാൽ; സുന്ദരമായ കാഴ്ചയാണ് കനാൽ നൽകുന്നതെങ്കിലും കന്നിനട ഭാഗങ്ങളിൽ ദുർമരണങ്ങളുടെ കേന്ദ്രമാവുന്നു
വടകര: വടകര-മാഹി കനാൽ മരണക്കെണിയായി മാറുന്നുവോ എന്ന ആശങ്ക ഉയരുന്നു. കോട്ടപ്പള്ളി, കന്നിനട ഭാഗങ്ങളിൽ കനാൽ ദുർമരണങ്ങളുടെ കേന്ദ്രമാവുകയാണ്. ഒരു വർഷം പിന്നിട്ടപ്പോഴേക്കും നാലു പേരാണ് മരണമടഞ്ഞത്. സുന്ദരമായ കാഴ്ചയാണ് കനാൽ നൽകുന്നതെങ്കിലും അപകടം ഒളിച്ചിരിക്കുന്നുവെന്ന ഭീതിയും ഉയരുകയാണ്.ഉൾനാടൻ ജലഗതാഗതം പ്രോത്സാഹിപ്പിക്കുന്നതിന്റെ ഭാഗമായുള്ള വടകര-മാഹി കനാലിന്റെ ഘടന അപകടത്തിന് ആക്കം കൂട്ടുന്നതായാണ് നാട്ടുകാരുടെ പരാതി. വീതിയും ആഴവും വർധിച്ചതോടെ അപകടം പതിയിരിക്കുന്ന കനാലായി ഇത് മാറി. അബദ്ധത്തിൽ കനാലിൽ വീണാൽ ആരും കണ്ടില്ലെങ്കിൽ മരണസാധ്യത ഏറെയാണ്. നീന്തൽ അറിയുന്നവർ പോലും ദുരന്തത്തിന് ഇരയായേക്കും. തോട് പോലെയായിരുന്ന കനാലിന്റെ രൂപമാറ്റം നാട്ടുകാരിൽ ഭയം ജനിപ്പിക്കുകയാണ്. വീണാൽ പിടിവള്ളി പോലുമില്ലാതെ കുഴഞ്ഞ് ആഴങ്ങളിലേക്കു പോകുമെന്നതാണ് അവസ്ഥ. കഴിഞ്ഞ ദിവസങ്ങളിൽ കോട്ടപ്പള്ളിയിലും കന്നിനടയിലും രണ്ടു പേരുടെ ജീവൻ കനാലെടുത്തു. മധ്യവയസ്കരായ ഇവരിൽ ഒരാൾ സമീപ വാസിയും മറ്റൊരാൾ ലോകനാർകാവ് സ്വദേശിയുമാണ്. അബദ്ധത്തിൽ…
Read Moreമലപ്പുറം പ്രസ് ക്ലബ് ആക്രമണത്തിൽ പ്രതിഷേധം ശക്തം; പോലീസ് വേണ്ടത്ര ഗൗരവത്തോടെയല്ല ഇടപെട്ടതെന്ന് ആക്ഷേപം
മലപ്പുറം: മലപ്പുറം പ്രസ്ക്ലബിൽ ആർഎസ്എസുകാർ അതിക്രമം നടത്തിയ സംഭവത്തിൽ പ്രതിഷേധം ശക്തം. സംഭവത്തിൽ തുടക്കം മുതലെ പോലീസ് വേണ്ടത്ര ഗൗരവത്തോടെയല്ല ഇടപെട്ടതെന്നു ആക്ഷേപം ഉയർന്നിട്ടുണ്ട്. പ്രസ് ക്ലബിലേക്കു ഇരച്ചുകയറി ഫോട്ടോഗ്രഫറെ മർദിച്ച ആർഎസ്എസ് പ്രവർത്തകർ പോലീസിനു മുന്നിലൂടെയാണ് ഇറങ്ങിപ്പോയത്. ആക്രമികളെ പിടികൂടുന്നതിനു പകരം പോലീസ് പ്രസ് ക്ലബിന്റെ വാതിൽ അടക്കാനാണ് ശ്രമിച്ചത്. പിന്നീട് ഇതേ പ്രതികൾ തന്നെ പോലീസിനെ ഫോണ് ഏൽപ്പിച്ചെങ്കിലും ഇന്നലെ ഇവരെ പിടികൂടിയില്ല. വീണുകിട്ടിയ ഫോണ് സ്റ്റേഷനിൽ ഏൽപിച്ചെന്നായിരുന്നു പോലീസ് നൽകിയ വിശദീകരണം. ഇതിനിടക്ക് ആശുപത്രി സന്ദർശിച്ച എസ്ഐ മൊബൈൽ ഫോണ് ചികിത്സയിൽ കഴിയുന്ന ചന്ദ്രികാ ഫോട്ടോഗ്രഫർ ഫുവാദിനെ തിരിച്ചേൽപിക്കാനും ശ്രമം നടത്തി. ഗുരുതരമായ വിഷയം ലഘൂകരിക്കുന്നതിനുള്ള ശ്രമങ്ങളുടെ ഭാഗമായിരുന്നു ഈ നടപടിയെന്നു പരക്കെ ആക്ഷേപമുയർന്നിട്ടുണ്ട്. സംഭവത്തെത്തുടർന്നു വിവിധ സംഘടനകൾ ഇന്നലെ മലപ്പുറത്ത് പ്രതിഷേധ പ്രകടനം നടത്തി. പി.ഉബൈദുള്ള എംഎൽഎ, ഡിസിസി പ്രസിഡന്റ് വി.വി…
Read More