മുക്കം: കൊച്ചി മംഗലാപുരം വാതക പൈപ്പ് ലൈനിനെതിരെ സംസ്ഥാന പാതയോരത്ത് നടക്കുന്ന കുടില് കെട്ടി സമരപന്തലില് സിപിഎമ്മിന്റെ ഗുണ്ടായിസം. കഴിഞ്ഞ ദിവസം മലപ്പുറം കാവനൂര് ഏലിയാപറമ്പിലെ 300 ഓളം പാര്ട്ടി പ്രവര്ത്തകര് സമരത്തിന് ഐക്യദാര്ഡ്യം പ്രഖ്യാപിച്ച് സ്ഥാപിച്ച കൊടി ഇന്നലെ സിപിഎം പ്രവര്ത്തകരുടെ നേതൃത്വത്തില് ബലമായി അഴിച്ചു മാറ്റി. സിപിഎം പ്രവര്ത്തകര് കൊടിനാട്ടിയ സംഭവത്തില് സിപിഎം കടുത്ത പ്രതിരോധത്തിലായതിന് പിന്നാലെയാണ് പാര്ട്ടി കൊടി അഴിച്ചുമാറ്റിയത്.അതേ സമയം സിപിഎം പ്രവര്ത്തകരെത്തി കൊടി അഴിക്കുമ്പോള് ഗെയില് വിരുദ്ധ ആക്ഷന് കമ്മറ്റിയുടെ നേതാക്കളോ പ്രവര്ത്തകരോ പന്തലില് ഇല്ലാതിരുന്നതിനാല് വലിയ സംഘര്ഷമാണ് ഒഴിഞ്ഞത്. ഗെയില് വിരുദ്ധ ആക്ഷന് കമ്മറ്റിയുടെ വിശദീകരണ യോഗം നെല്ലിക്കാപറമ്പില് നടക്കുന്നതിനാല് ഭൂരിഭാഗം പ്രവര്ത്തകരും അവിടെയായിരുന്നു. എന്നാല് കൊടി അഴിച്ചു മാറ്റുന്നത് തടയുന്നതിനായി ശ്രമിച്ചാല് അവരെ നേരിടാന് തയ്യാറായി സിപിഎം പ്രവര്ത്തകരും സംഘടിച്ചിരുന്നു. കൊടിനാട്ടിയത് സിപിഎം പ്രവര്ത്തകരല്ലന്നും ഒന്നോരണ്ടോ തെറ്റിദ്ധരിപ്പിക്കപ്പെട്ട…
Read MoreCategory: Kozhikode
കോഴിക്കോട്ട് അജ്ഞാത വാഹനം ബൈക്കിലിടിച്ച് രണ്ടു യുവാക്കൾ മരിച്ചു; വാഹനം തേടി പോലീസ് അന്വേഷണം തുടങ്ങി
കോഴിക്കോട്: തൊണ്ടയാട് -രാമനാട്ടുകര ബൈപാസിൽ ബൈക്കപകടത്തിൽ കിനാലൂർ സ്വദേശികളായ രണ്ടു യുവാക്കൾ മരിച്ചു. കിനാലൂർ മഠത്തിൽ കോവിലകം ഭാസ്കരന്റെ മകൻ വൈഷ്ണവ് (22) സുഹൃത്ത് കിനാലൂർ തൊടത്തിൽ ഹൗസിൽ ശിവദാസന്റെ മകൻ വിപിൻദാാസ് (24) എന്നിവരാണ് മരിച്ചത്. പുലർച്ചെ 2.45ന് മാന്പുഴ പാലത്തിനു സമീപത്താണ് അപകടം. ഇവരുടെ ബൈക്കിൽ ഇടിച്ച വാഹനം നിർത്താതെ പോയി. റോഡിൽ തലയടിച്ചുവീണ ഇവരെ മറ്റുയാത്രക്കാരാണ് ആശുപത്രിയിൽ എത്തിച്ചത്. തൃശൂരിലുള്ള വിപിൻദാസിന്റെ അമ്മയുടെ വീട്ടിൽപോയി വരുന്പോഴായിരുന്നു അപകടം. നിർത്താതെ പോയ വാഹനത്തെക്കുറിച്ച് പോലീസ് അന്വേഷണം നടത്തുകയാണ്.
Read Moreകേരളത്തിലേയ്ക്ക് കൊണ്ടുവരില്ല: ഐ.വി.ശശിയുടെ സംസ്കാരം വ്യാഴാഴ്ച ചെന്നൈയിൽ നടത്തുമെന്ന് ബന്ധുക്കൾ
ചെന്നൈ: അന്തരിച്ച പ്രശസ്ത ചലച്ചിത്ര സംവിധായകൻ ഐ.വി.ശശിയുടെ സംസ്കാരം വ്യാഴാഴ്ച ചെന്നൈയിൽ. ബന്ധുക്കളാണ് ഈ വിവരം അറിയിച്ചത്. മൃതദേഹം ചെന്നൈയിലെ വടപളനിയിലുള്ള വസതിയിൽ എത്തിച്ചു. സംവിധായകരായ ഹരിഹരൻ, പ്രിയദർശൻ തുടങ്ങി നിരവധിപ്പേർ അദ്ദേഹത്തിന് അന്തിമോപചാരം അർപ്പിക്കാനെത്തി. നേരത്തെ, ഐ.വി.ശശിയുടെ സംസ്കാരം കോഴിക്കോട്ട് നടത്തണമെന്ന് സംവിധായകൻ രഞ്ജിത്ത് ആവശ്യപ്പെട്ടിരുന്നു. ബന്ധുക്കൾ സമ്മതിച്ചാൽ കോഴിക്കോട്ട് സംസ്കാരം നടത്താനുള്ള എല്ലാ ക്രമീകരണങ്ങളും ഒരുക്കാൻ തയാറാണെന്ന് സർക്കാർ അറിയിച്ചിട്ടുണ്ടെന്നും രഞ്ജിത്ത് പറഞ്ഞിരുന്നു.
Read Moreആക്രമിച്ച് മതിയായില്ല..! 51 വെട്ടിയിട്ടും മതിവരാത്തവർ ടി പി സ്മാരക വായനശാലയും ചന്ദ്രശേഖരന്റെ ഫോട്ടോയും വികൃതമാക്കി
വടകര: വെള്ളികുളങ്ങര കക്കാട് ടിപി സ്മാരക വായനശാലക്കു നേരെ വീണ്ടും അക്രമം. സ്ഥാപനം കരി ഓയിൽ ഒഴിച്ച് വികൃതമാക്കിയിരിക്കുകയാണ്. വായനശാലയുടെ ചുമരുകളിലും ടി.പി.ചന്ദ്രശേഖരന്റെ ഫോട്ടോയിലും കരിഓയിൽ ഒഴിച്ചു. നിയമസഭാ തെരഞ്ഞെടുപ്പിനു ശേഷം ഇത് മൂന്നാം തവണയാണ് വായനശാലക്കു നേരെ അക്രമം നടക്കുന്നത്.തെരഞ്ഞെടുപ്പ് വിജയാഹ്ലാദത്തിന്റെ മറവിൽ പൂർണമായും തകർത്ത വായനശാല പുതുക്കി പണിത് കൊണ്ടിരിക്കെ നിരന്തരമായ അക്രമമാണ് നടക്കുന്നത്. മുന്പു വായനശാല സെക്രട്ടറിയുടെ വീട്ടുമുറ്റത്ത് നിർത്തിയിട്ട കാർ അക്രമിസംഘം അടിച്ചു തകർത്തിരുന്നു. വായനശാലയ്ക്കും പ്രവർത്തകർക്കും നേരെ നിരന്തരമായി അക്രമം നടന്നിട്ടും പ്രതികളെ കണ്ടെത്താൻ പോലീസ് കാണിക്കുന്ന നിസംഗത പ്രദേശത്തിന്റെ സമാധാന അന്തരീക്ഷത്തിനു ഭംഗം വരുത്തുകയാണെന്ന് ആർഎംപിഐ കുറ്റപ്പെടുത്തി. സംഭവത്തിലെ പ്രതികളെ കണ്ടെത്തി നിയമത്തിന് മുന്നിൽ കൊണ്ടുവരാൻ പോലീസ് തയ്യാറാവണം. അല്ലാത്തപക്ഷം ജനങ്ങളെ അണിനിരത്തി ജനകീയ പ്രതിരോധം തീർക്കുമെന്ന് ആർഎംപിഐ ഉൗരാളുങ്കൽ ലോക്കൽ കമ്മിറ്റി പ്രസ്താവനയിൽ മുന്നറിയിപ്പു നൽകി
Read Moreമരണഭയത്തിൽ അമ്മയും മക്കളും..! ഇടിഞ്ഞു വീഴാറായ വീട്ടിൽ കഴിഞ്ഞിട്ടും കണ്ണുതുറക്കാതെ അധികൃതർ; ഒരു വീടെന്ന സ്വപ്നം കണ്ട് മൂവരും
മുക്കം: ഈ വീടിന്റെ അവസ്ഥ കണ്ടില്ലേ നിങ്ങൾ, എപ്പഴാ ഇത് തലയിൽ വീഴാ എന്നറിയില്ല. ഇത് പുതുക്കി പണിയാൻ വല്ല സഹായവും കിട്ടുമോ? ‘അമ്പതുകാരിയും വിധവയുമായ കദീജയുടേയും ’ അവിവാഹിതയായ മകൾ സലീനയുടേയും ചോദ്യമാണിത്. വീട് നിർമാണത്തിന് ഒട്ടേറെ പദ്ധതികൾ നടപ്പാക്കിയതായി അധികാരികൾ മേനി നടിക്കുന്ന നാട്ടിലാണ് ഈ അമ്മയും, മകളും ജീർണിച്ച് വിഴാറായ വീടിനുള്ളിൽ ജിവൻ പണയം വച്ച് കഴിയുന്നത്. കാരശ്ശേരി പഞ്ചായത്തിലെ പതിനേഴാം വാർഡിൽ പെട്ട പാഴൂർ തോട്ടത്തിന് സമീപം നെച്ചൂളി പൊയിൽ കോളനിയിലാണ് കദീജയും മകളും കഴിയുന്നത്. ആനയാംകുന്ന് മുക്കം കടവ് പാലം റോഡിനോട് ചേർന്നുള്ള ഈ വീടിന്റെ സ്ഥിതി ഏറെ പരിതാപകരമാണ്. പട്ടികയും കഴുക്കോലും ഉൾപ്പെടെ ചിതലരിച്ച് നശിച്ചിരിക്കുന്നു. വീടിന്റെ പല ഭാഗത്തും അധികമായി തിരുകി വച്ച തെങ്ങിന്റെയും, കമുകിന്റെയും കഷ്ണങ്ങളാണ് ഓടിനെ താങ്ങി നിർത്തുന്നത്. വീടിന്റെ പിൻഭാഗം കഴിഞ്ഞ ദിവസം…
Read Moreഭീതി ഒഴിഞ്ഞു..! വ്യാജവാർത്തയെ തുടർന്ന് നാടുവിട്ട ഇതരസംസ്ഥാന തൊഴിലാളികൾ തിരിച്ചെത്തി തുടങ്ങി
കോഴിക്കോട്: കേരളത്തിൽ ഇതരസംസ്ഥാന തൊഴിലാളികൾ സുരക്ഷിതരല്ലെന്ന തരത്തിൽ സമൂഹ മാധ്യമങ്ങളിൽ വാർത്ത പ്രചരിച്ചതോടെ നാട്ടിലേക്ക് മടങ്ങിയ തൊഴിലാളികൾ തിരിച്ചെത്തി തുടങ്ങി. ജീവന് ഭീഷണിയുണ്ടെന്ന തോന്നലിൽ കേരളം വിട്ടവരാണ് ദിവസങ്ങൾക്ക് ശേഷം മടങ്ങിയെത്തുന്നത്. ഉത്തരേന്ത്യയിലെ വലിയ ആഘോഷമായ ദീപാവലി കൂടി കഴിഞ്ഞതോടെ നാട്ടിലേക്ക് മടങ്ങിയവർ കേരളത്തിലേക്ക് ജോലിക്കെത്തുന്നതായി തൊഴിലുടമകൾ സമ്മതിക്കുന്നു. ജില്ലയിലെ വിവിധ ഹോട്ടലുകളിൽ ജോലി ചെയ്തിരുന്നവരാണ് നാട്ടിലേക്കു മടങ്ങിയവരിൽ കൂടുതലും. യാതൊരു മുന്നറിയിപ്പും കൂടാതെ സ്വന്തം നാട്ടിലേക്ക് മടങ്ങിയവർ പലരും തൊഴിലുടമകളെ ഫോണിൽ വിളിച്ചു തിരിച്ചുവരുന്നുണ്ടെന്ന വിവരം അറിയിച്ചിട്ടുണ്ട്. മെഡിക്കൽ കോളജിന് സമീപമുള്ള ഹോട്ടലിൽ നിന്ന് ഇത്തരത്തിൽ പോയ ഒരു ഇതര സംസ്ഥാന തൊഴിലാളി കഴിഞ്ഞ ദിവസം ഹോട്ടൽ ഉടമയെ താൻ തിരിച്ചു വരുന്നുണ്ടെന്ന വിവരം അറിയിച്ചതായി ഹോട്ടൽ ആൻഡ് റസ്റ്ററന്റ് അസോസിയേഷൻ ജില്ലാ പ്രസിഡന്റ് സുഹൈൽ അറിയിച്ചു. സമൂഹ മാധ്യമങ്ങളിൽ പ്രചരിച്ചത് വ്യാജവാർത്തയാണെന്ന് ബോധ്യപ്പെട്ടതിന്റെ അടിസ്ഥാനത്തിലാണ്…
Read Moreജനിച്ച് ഏഴാം നാൾ മരണം..! താമരശേരിയിലെ അൽഫോൻസാ സ്കൂളിൽ അപൂർവ നിശാശലഭത്തെ കണ്ടെത്തി
താമരശേരി: അൽഫോൻസ ഇംഗ്ലീഷ് മീഡിയം സ്കൂളിൽ ഒരടിയോളം വലിപ്പമുള്ള നിശാശലഭത്തെ കണ്ടെത്തി. രാവിലെ ഓഫീസിൽ പറന്നെത്തിയ അപൂർവ ശലഭം കുട്ടികൾക്ക് വിസ്മയകാഴ്ചയായി. നിശാശലഭങ്ങളിൽ തന്നെ ഏറ്റവും വലിപ്പമേറിയതാണ് ഈ ശലഭം. ഭൂപടത്തിനോട് സാദൃശ്യമുള്ളതിനാൽ അറ്റലസ് മോത്ത് എന്നാണിത് അറിയപ്പെടുന്നത്. ലാർവ അവസ്ഥയിൽ മാത്രമാണ് നിശാശലഭം ഭക്ഷണം കഴിക്കുന്നത്. പിന്നീട് ഭക്ഷണം ഇല്ലെന്നതാണ് ഇതിന്റെ പ്രത്യേകത. ഒരാഴ്ചയാണ് ഇതിന്റെ ആയുർദൈർഘ്യമെന്ന് ഡോ. ജാഫർ പാലോത്ത് പറഞ്ഞു.
Read Moreനാട്ടുകാർ ഇടപെട്ടു..! അസുഖ ബാധിതനായ വയോധികനെ ബസിൽനിന്ന് ഇറക്കിവിട്ടു; ഒടുവിൽ ടാക്സി വിളിച്ചു തിരിച്ചെത്തിച്ചെത്തിക്കേണ്ടി വന്നു
വടകര: കോഴിക്കോട് നിന്നു കണ്ണൂരിലേക്കുള്ള സ്വകാര്യ ബസിൽ യാത്ര ചെയ്തയാളെ കണ്ടക്ടർ വഴിക്കുവച്ച് ഇറക്കി വിട്ടതായി പരാതി. ഭാര്യ സഹോദരനോടൊപ്പം കോഴിക്കോട് നിന്നു ബസിൽ കയറിയ എഴുപതുകാരനാണ് ഈ കയ്പേറിയ അനുഭവം. കഴിഞ്ഞ ദിവസം രാത്രിയാണ് സംഭവം. കെ എൽ 18 വി 5436 നന്പർ കല്യാണ് ബസിലെ കണ്ടക്ടറാണ് ബസിന്റെ പിൻഭാഗത്ത് നിൽക്കുകയായിരുന്ന അസുഖ ബാധിതനായ യാത്രക്കാരനെ ടിക്കറ്റ് എടുത്തില്ലെന്ന് പറഞ്ഞ് ഇറക്കിവിട്ടത്. കണ്ടക്ടറുടെ ചോദ്യങ്ങൾക്ക് മറുപടി പറയാൻ കഴിയാതിരുന്ന പ്രായമേറിയ യാത്രക്കാരനെ ഒരു ദാക്ഷിണ്യവുമില്ലാതെ ഇറക്കി വിടുകയായിരുന്നുവെന്നു. ഇദ്ദേഹത്തെ ഇറക്കിവിട്ട കാര്യം വടകരയിലെത്തിയപ്പോഴാണ് കൂടെയുണ്ടായ ഭാര്യാ സഹോദരൻ അറിയുന്നത്. ഉടൻ തന്നെ ഇയാൾ ബസ് നിർത്താൻ പറയുകയും കണ്ടക്ടറോട് കൂടെ വരാൻ ആവശ്യപ്പെടുകയും ചെയ്തു. ഇതിന് ബസ് ജീവനക്കാർ തയ്യാറായില്ല. പിന്നീട് നാട്ടുകാർ ഇടപെട്ട് ബസ് തടഞ്ഞുവച്ചു. സംഭവത്തെ കുറിച്ച് കണ്ടക്ടറോട് അന്വേഷിച്ചപ്പോൾ ഇറക്കിവിട്ട…
Read Moreവിവാഹ സർട്ടിഫിക്കറ്റ് വിവാദം; കോട്ടയത്തുനിന്ന് മുക്കത്തെത്തിയത് അഞ്ചുതവണ; മാധ്യമ പ്രവർത്തകർക്കെതിരെ ജീവനക്കകാരുടെ കയ്യേറ്റ ശ്രമം
മുക്കം: വിവാഹ സർട്ടിഫിക്കറ്റിന് അപേക്ഷ നൽകിയതിന് ശേഷം സർട്ടിഫിക്കറ്റുമായി ബന്ധപ്പെട്ട ആവശ്യങ്ങൾക്കായി ബിന്ദു കോട്ടയത്തു നിന്നും മുക്കത്തേക്ക് വന്നത് അഞ്ച് തവണ. ഓരോ തവണ വരുന്പോഴും വിവിധ സർട്ടിഫിക്കറ്റുകൾ വേണമെന്നാവശ്യപ്പെട്ട് നഗരസഭാ ജീവനക്കാർ തിരിച്ചയയ്ക്കുകയായിരുന്നു. കോട്ടയം നഗരത്തിൽ നിന്നും 50 കിലോമീറ്റർ അകലെ കോരുത്തോടാണ് ബിന്ദു ഇപ്പോൾ താമസിക്കുന്നത്. അപേക്ഷ നൽകി ഒന്നര മാസം കഴിഞ്ഞിട്ടും വിവാഹ സർട്ടിഫിക്കറ്റ് നൽകാത്തതിനെ തുടർന്ന് നഗരസഭാ കാര്യാലയം പൂട്ടാൻ അനുവദിക്കാതെ ദന്പതികൾ പ്രതിഷേധിക്കുകയും തുടർന്ന് രാത്രിതന്നെ സർട്ടിഫിക്കറ്റ് നൽകുകയും ചെയ്തിരുന്നു. കഴിഞ്ഞ സെപ്റ്റംബർ പതിനൊന്നിനാണ് ഇവർ മുക്കം നഗരസഭയിൽ വിവാഹ സർട്ടിഫിക്കറ്റിനും ജനനസർട്ടിഫിക്കറ്റിനും അപേക്ഷ നൽകിയത്. അപേക്ഷ നൽകി 15 ദിവസത്തിനകം സർട്ടിഫിക്കറ്റ് നൽകണമെന്നാണ് നിയമം. കാരണം ബ്ലോക്ക് ടെക്നിക്കൽ അസിസ്റ്റന്റിന്റെ കൈപ്പിഴ മുക്കം: ബ്ലോക്ക് ടെക്നിക്കൽ അസിസ്റ്റന്റ്ിന് വന്ന കൈപ്പിഴയാണ് സർട്ടിഫിക്കറ്റ് ലഭ്യമാകാത്ത നിലയിലേക്ക് കാര്യങ്ങളെത്തിച്ചത്. സർട്ടിഫിക്കറ്റിനുള്ള അപേക്ഷ…
Read Moreനടിയുടെ പേര് വെളിപ്പെടുത്തിയ സംഭവം; എഫ്ഐആർ രജിസ്റ്റർ ചെയ്ത് പി.സി.ജോർജിനെതിരെ കേസെടുത്തു
കോഴിക്കോട്: കൊച്ചിയിൽ പീഡനത്തിനിരയായ നടിയുടെ പേര് ചാനലിലൂടെ വെളിപ്പെടുത്തിയെന്ന പരാതിയിൽ പി.സി.ജോർജ് എംഎൽഎക്കെതിരേ കോഴിക്കോട് മെഡിക്കൽ കോളജ് പോലീസ് കേസെടുത്തു. ജോർജിനെതിരെ എഫ്ഐആർ രജിസ്റ്റർ ചെയ്ത് അന്വേഷണം നടത്താൻ കുന്നമംഗലം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി ഉത്തരവിട്ടിരുന്നു. ഇതിന്റെ അടിസ്ഥാനത്തിലാണ് പോലീസ് നടപടി. 2017 ജൂലൈ 14ന് സ്വകാര്യ ചാനലിൽ നടന്ന പരിപാടിയിൽ പങ്കെടുത്ത് സംസാരിച്ച ജോർജ് പീഡനത്തിനിരയായ നടിയുടെ പേര് വെളിപ്പെടുത്തുകയും മോശമായി സംസാരിക്കുകയും ചെയ്തുവെന്നാണ് കേസ്. ജോർജിനെതിരേ കേസെടുക്കണമെന്ന് ആവശ്യപ്പെട്ട് പൊതുപ്രവർത്തകനായ എറണാകുളം കളമശേരി സ്വദേശി ഗിരീഷ് ബാബു പോലീസിന് പരാതി നൽകിയിരുന്നു. എന്നാൽ മെഡിക്കൽ കോളജ് പോലീസ് ഇത് നിരസിക്കുകയാണുണ്ടായത്. ഇതേതുടർന്നാണ് ഹരജിക്കാരൻ സ്വകാര്യ അന്യായമായി കുന്നമംഗലം മജിസ്ട്രേറ്റ് കോടതിയിൽ ഹർജി സമർപ്പിച്ചത്. ഈ ഹർജിയിലാണ് കേസെടുത്ത് അന്വേഷണം നടത്താൻ കോടതി ഉത്തരവിട്ടത്. ജോർജിനെതിരെ 228/എ വകുപ്പ് പ്രകാരമാണ് കേസ്. സ്വകാര്യ…
Read More