കൊല്ലം: മേക്ക് ഇൻ ഇന്ത്യ പദ്ധതി പ്രകാരം രാജ്യത്ത് അതിവേഗ ബുള്ളറ്റ് ട്രെയിൻ നിർമിക്കാൻ റെയിൽവേ നടപടികൾ ആരംഭിച്ചു. മണിക്കൂറിൽ 280 കിലോമീറ്റർ വേഗതയുള്ള ട്രെയിനുകളാണ് നിർമിക്കുന്നത്. കോച്ചുകളുടെ രൂപകൽപ്പന ചെന്നൈയിലെ ഇന്റഗ്രൽ കോച്ച് ഫാക്ടറിയിൽ തുടങ്ങിക്കഴിഞ്ഞു. ഭാരത് ഹെവി എർത്ത് മൂവേഴ്സിനാണ് നിർമാണ ചുമതല. രൂപകൽപ്പന പൂർത്തിയായതിന് ശേഷം റെയിൽവേ ബോർഡിന്റെ അംഗീകാരം കൂടി ലഭിക്കണം. തുടർന്നായിരിക്കും പദ്ധതിയുടെ സമയക്രമം അന്തിമമായി തീരുമാനിക്കുക. സ്വദേശിവത്ക്കരണം ലക്ഷ്യമിട്ടുള്ള വന്ദേ ഭാരത് ട്രെയിനുകളുടെ വിജയകരമായ പൂർത്തീകരണമാണ് തദ്ദേശീയ ബുള്ളറ്റ് ട്രെയിൻ എന്ന ആശയവുമായി അതിവേഗം മുന്നോട്ട് വരാൻ റെയിൽവേയെ പ്രേരിപ്പിച്ചത്. ഒരു ട്രെയിനിന് 100 കോടിയിലധികം രൂപയാണ് നിർമാണ ചെലവ് പ്രതീക്ഷിക്കുന്നത്. ഇതിനായി 866 .87 കോടി രൂപയുടെ കരാർ ഭാരത് എർത്ത് മൂവേഴ്സ് ലിമിറ്റഡിന് നൽകിക്കഴിഞ്ഞു. എയ്റോ ഡൈനാമിക് എക്സ്റ്റീരിയേഴ്സ് ഉള്ള ചെയർകാർ, സീൽ ചെയ്ത ഗാംഗ്…
Read MoreCategory: Edition News
കുട്ടമ്പുഴ വനത്തിൽ കാണാതായ മൂന്നു സ്ത്രീകളെയും കണ്ടെത്തി; പശുവിനെ തെരഞ്ഞ് പോകുന്നതിനിടെ വഴിതെറ്റുകയായിരുന്നു
കോതമംഗലം: കുട്ടമ്പുഴ അട്ടിക്കളത്ത് വനത്തിൽ കാണാതായ മൂന്നു സ്ത്രീകളെയും കണ്ടെത്തി സുരക്ഷിതരായി വീടുകളിൽ എത്തിച്ചു. കാണാതായ പശുവിനെ തെരഞ്ഞ് ഇന്നലെ രാവിലെ വനത്തിലേക്ക് പോയ മൂവരെയും ഇന്നു പുലർച്ചെ തെരച്ചിൽ സംഘം വനത്തിൽ അറയ്ക്കമുത്തി ഭാഗത്തുനിന്നാണ് കണ്ടെത്തിയത്. അട്ടിക്കളത്തുനിന്ന് ഏകദേശം ആറ് കിലോമീറ്റർ ദൂരെയാണ് അറയ്ക്കമുത്തി. അട്ടിക്കളം പുത്തൻപുര ഡാർളി സ്റ്റീഫൻ, മാളികേക്കുടി മായ ജയൻ, ബന്ധു കാവുംകുടി പാറുക്കുട്ടി കുഞ്ഞുമോൻ എന്നിവരാണ് ഇന്നലെ ഉൾവനത്തിൽ രാത്രി ദിക്കറിയാതെ അകപ്പെട്ടുപോയത്. മായയുടെ പശുവിനെ തെരഞ്ഞായിരുന്നു മുവരും വനത്തിൽ കയറിയത്. കാട്ടാനക്കൂട്ടത്തെ കണ്ട ഇവർ രക്ഷപ്പെടാനായി കൂടുതൽ ഉൾവനത്തിലേക്ക് ഓടിമാറുകയും അങ്ങനെ ദിക്ക് തെറ്റുകയുമായിരുന്നു. ഇവരുടെ പക്കലുണ്ടായിരുന്ന മൊബൈൽ ഫോണിന്റെ റേഞ്ചും ബാറ്ററിചാർജും ഇല്ലാതായതോടെ വനത്തിൽനിന്ന് പുറത്ത് കടക്കുക എളുപ്പമല്ലെന്ന് മനസിലായ മൂവരും സുരക്ഷയെ കരുതി വലിയ പാറയുടെ മുകളിൽ നിലയുറപ്പിക്കുകയായിരുന്നു. രാത്രി മുഴുവൻ ഉറങ്ങാതിരുന്ന് പ്രാർഥിക്കുകയായിരുന്നുവെന്നും പാറയ്ക്ക്…
Read Moreപാലക്കാട് ചിറ്റൂരിൽ ലോറി ബസ് സ്റ്റോപ്പിലേക്ക് പാഞ്ഞുകയറി; ഉറങ്ങിക്കിടന്ന യുവതിക്കു ദാരുണാന്ത്യം; ഡ്രൈവർ കസ്റ്റഡിയിൽ
പാലക്കാട്: ചിറ്റൂർ ആലാംകടവിൽ ഇറച്ചിക്കോഴികളുമായി വന്ന ലോറി നിയന്ത്രണം വിട്ട് ബസ് സ്റ്റോപ്പിലേക്ക് പാഞ്ഞുകയറി ഉണ്ടായ അപകടത്തിൽ ഉറങ്ങികിടക്കുകയായിരുന്ന നാടോടി യുവതിക്കു ദാരുണാന്ത്യം. മൈസൂർ ഹൻസൂർ ബി.ആർ വില്ലേജ് സ്വദേശി പാർവതിയാണ് (40) ആണ് മരിച്ചത്. പാർവതിയുടെ ശരീരത്തിലൂടെ ലോറി കയറിയിറങ്ങിയശേഷം ലോറി മറിയുകയായിരുന്നു. ഇന്നു പുലർച്ചെ മൂന്നോടെയായിരുന്നു അപകടം. പാർവതിയോടൊപ്പം ഉണ്ടായിരുന്ന കൃഷ്ണൻ (70), ഭാര്യ സാവിത്രി (45), മകൻ വിനോദ് (25) എന്നിവർ പരിക്കുകളോടെ രക്ഷപ്പെട്ടു. ഇവരെ പാലക്കാട് ജില്ലാ ആശുപത്രിയിൽ പ്രവേശിപ്പിച്ചു. സാവിത്രയുടെ ചേച്ചിയുടെ മകളാണ് പാർവതി. സംഭവവുമായി ബന്ധപ്പെട്ട് ലോറി ഡ്രൈവറെ ചിറ്റൂർ പോലീസ് കസ്റ്റഡിയിലെടുത്തു.മരിച്ച പാർവതിയുടെ മൃതദേഹം ആശുപത്രിയിലേക്ക് മാറ്റി. നാല് ദിവസം മുന്പ് തൃശൂർ നാട്ടികയിലുണ്ടായ സമാന അപകടത്തിൽ അഞ്ചു പേരുടെ ജീവൻ നഷ്ടപ്പെട്ടിരുന്നു.
Read Moreവീട്ടിൽ നിന്ന് രാസലഹരി പിടികൂടിയ സംഭവം; മുന്കൂര് ജാമ്യം തേടി യൂട്യൂബര് “തൊപ്പി’യും സുഹൃത്തുക്കളും
കൊച്ചി: രാസലഹരിക്കേസില് മുന്കൂര് ജാമ്യം തേടി യൂട്യൂബര് തൊപ്പി എന്ന നിഹാദ് നല്കിയ മുന്കൂര് ജാമ്യാപേക്ഷ എറണാകുളം സെഷന്സ് കോടതി ഇന്ന് പരിഗണിക്കും. നിഹാദിന്റെ വീട്ടില്നിന്ന് പാലാരിവട്ടം പോലീസാണ് രാസലഹരി പിടികൂടിയത്. ഇതിനു പിന്നാലെ ഇയാളെയും മൂന്നു വനിതാ സുഹൃത്തുക്കളെയും പ്രതിയാക്കി പോലീസ് കേസെടുത്തു. തുടര്ന്ന് എല്ലാവരും ഒളിവില് പോയി. എല്ലാം അവസാനിപ്പിക്കുന്നുവെന്ന് പറഞ്ഞ് നിഹാദ് നേരത്തെ യൂട്യൂബില് വീഡിയോ അപ് ലോഡ് ചെയ്തിരുന്നു. പണവും പ്രശസ്തിയുമുണ്ടായിട്ട് ഒരു കാര്യവുമില്ലെന്ന് നിഹാദ് വീഡിയോയില് പറഞ്ഞിരുന്നു. “തൊപ്പി’ എന്ന കഥാപാത്രത്തെ ഉപേക്ഷിക്കുകയാണെന്നായിരുന്നു നിഹാദ് വീഡിയോയില് വ്യക്തമാക്കിയത്. ഗെയിമിംഗ് പ്ലാറ്റ് ഫോമുകളിലൂടെ ശ്രദ്ധനേടിയ ആളാണ് കണ്ണൂര് സ്വദേശിയായ “തൊപ്പി’. യൂട്യൂബില് ആറ് ലക്ഷത്തിലേറെ സബ്സ്ക്രൈബേഴ്സ് തൊപ്പിക്കുണ്ട്. തൊപ്പിയുടെ വീഡിയോ കണ്ട് കുട്ടികള് വഴിതെറ്റുന്നു എന്ന ആരോപണം ഉയര്ന്നിരുന്നു. 18 വയസിന് താഴെയുള്ള കുട്ടികളാണ് തൊപ്പിയുടെ വീഡിയോകളുടെ സ്ഥിരം കാഴ്ചക്കാര്. മോശം…
Read Moreലോഡ്ജില് യുവതിയെ കൊലപ്പെടുത്തിയ കേസ്: സനൂഫിന്റെ ജയില്ബന്ധം പോലീസ് അന്വേഷിക്കുന്നു
കോഴിക്കോട്: എരഞ്ഞിപ്പാലത്തെ ലോഡ്ജില് യുവതിയെ കൊലപ്പെടുത്തിയ പ്രതിക്ക് മറ്റ് കുറ്റവാളികളുമായുള്ള ബന്ധം പോലീസ് അന്വേഷിക്കുന്നു. ഇയാള് നേരത്തെ ജയിലില് റിമാന്ഡ് തടവുകാരനായി 89 ദിവസം കഴിഞ്ഞപ്പോള് ഉണ്ടായ ബന്ധങ്ങള് കേന്ദ്രീകരിച്ചാണ് അന്വേഷണം. ആ ബന്ധം കൊലപാതകത്തിനു ഉപയോഗപ്പെടുത്തിയോ എന്നാണ് അേന്വഷിക്കുന്നത്.അക്കാലത്ത് ജയില് കഴിഞ്ഞവരില് ഇപ്പോള് പരോളില് ഇറങ്ങിയവരെ കണ്ടെത്താനും ശ്രമം നടക്കുന്നുണ്ട്. തമിഴ്നാട്, കര്ണാടക, തെലുങ്കാന എന്നിവിടങ്ങളില് പോലീസ് അന്വേഷണം നടന്നുവരുന്നുണ്ട്. പ്രതിയായ തിരുവില്വാമല കുതിരംപാറക്കല് അബ്ദുല് സനൂഫ് ലോറികളില് ഡ്രൈവറായി ജോലി ചെയ്തിരുന്നു. തമിഴ്നാട്ടിലും കര്ണാടകയിലും തെലുങ്കാനയിലുമെല്ലാം സനൂഫിന് സുഹൃത്തുക്കളുണ്ട്. ഈ സാധ്യത കണക്കിലെടുത്താണ് സിറ്റി പോലീസ് കമ്മീഷണറുടെയും അസി.കമ്മീഷണറുടെയും നേതൃത്വത്തിലുള്ള സംഘം അന്വേഷണം മറ്റു സംസ്ഥാനങ്ങളിലേക്ക് വ്യാപിപ്പിച്ചത്. തമിഴ്നാട്ടിലെ ഗ്രമീണമേഖലകളിലുള്പ്പെടെയുള്ള വണ്ടിതാവളങ്ങളിലാണ് പ്രധാനമായും അന്വേഷിക്കുന്നത്. സനൂഫിന്റെ ഫോട്ടോസഹിതം വണ്ടിതാവളങ്ങളിലെ ഹോട്ടലുകളിലുള്ള ജീവനക്കാരെയും പ്രദേശവാസികളെയും കാണിച്ചാണ് പരിശോധന തുടരുന്നത്. സനൂഫിന്റെ നാട്ടിലെയും ജോലി സ്ഥലത്തെയുമെല്ലാം സുഹൃത്തുക്കളെ…
Read Moreഎക്സ്റേ എടുക്കുന്നത് വൈകി; രോഗിയുടെ കൂട്ടിരിപ്പുകാരൻ കെട്ടിടത്തിന് മുകളിൽനിന്ന് ചാടി; ചികിത്സയ്ക്കായി ഇതേ ആശുപത്രിയിൽ പ്രവേശിപ്പിച്ചു
മെഡിക്കൽ കോളജ്(തിരുവനന്തപുരം): എക്സ്റേ എടുക്കുന്നതിൽ കാലതാമസം നേരിട്ടുവെന്ന് ആരോപിച്ച് രോഗിയുടെ കൂട്ടിരിപ്പുകാരൻ ആശുപത്രി കെട്ടിടത്തിനു മുകളിൽ നിന്ന് ചാടി. നിസാര പരിക്കേറ്റ ഇയാളെ ആശുപത്രി വാർഡിൽ പ്രവേശിപ്പിച്ചു. തിരുവനന്തപുരം മെഡിക്കൽ കോളജ് ആശുപത്രിയിൽ ഇന്ന് പുലർച്ചെ നാലിനാണ് സംഭവം. കൊല്ലം ഒറ്റപ്ലാമൂട് ലീലാ ഭവനിൽ ലാലു (43) ആണ് കെട്ടിടത്തിന് മുകളിൽ നിന്ന് ചാടിയതിനെത്തുടർന്ന് പരിക്കേറ്റ് ചികിത്സയിലുള്ളത്. ലാലുവിന്റെ ബന്ധുവായ രോഗി കുറച്ചു ദിവസമായി തിരുവനന്തപുരം മെഡിക്കൽ കോളജ് ആശുപത്രിയിലെ സൂപ്പർ സ്പെഷാലിറ്റി ബ്ലോക്കിൽ ചികിത്സയിലായിരുന്നു. ഇദ്ദേഹത്തിന് എക്സ്റേ എടുക്കുന്നതിനു വേണ്ടിയാണ് പഴയ അത്യാഹിത വിഭാഗത്തിന് സമീപത്തെ എക്സ്റേ യൂണിറ്റിൽ എത്തിയത്. എക്സ്റേ യൂണിറ്റിന്റെ ഒന്നാമത്തെ നിലയിൽ നിന്നാണ് ലാലു താഴേക്ക് ചാടിയത്. എക്സ്റേ യൂണിറ്റ് പ്രവർത്തിക്കുന്ന കോറിഡോറിലെ ഗ്ലാസ് ചവിട്ടി പൊട്ടിച്ചശേഷം പുറത്തേക്ക് ചാടുകയായിരുന്നു. ഏകദേശം 15 അടിയോളം ഉയരത്തിൽ നിന്നാണ് ലാലു താഴേക്ക് ചാടിയത്.…
Read Moreആലുവയിൽ ഗർഭിണിഓട്ടോറിക്ഷയിൽ പ്രസവിച്ചു; ചികിത്സയ്ക്കായി ആശുപത്രിയിലേക്ക് വരുമ്പോഴായിരുന്നു സംഭവം; ഇരുവരും സുഖമായിരിക്കുന്നു
ആലുവ: ജില്ലാശുപത്രിയിലേക്ക് ചികിത്സയ്ക്കായി പോകുകയായിരുന്ന ഗർഭിണി ഓട്ടോറിക്ഷയിൽ പ്രസവിച്ചു. ഒറീസ പുൽവാനി ജില്ലയിൽ കൊട്ടാകൊട തുവാഗുഡ വീട്ടിൽ ലിബിയുടെ ഭാര്യ റെസ്മി (32) ആണ് പ്രസവിച്ചത്. ഇന്ന് രാവിലെ 6.10 നാണ് അങ്കമാലിയിലെ വാടക വീട്ടിൽ താമസിക്കുന്ന ലിബിയും ഭാര്യയും ആലുവയിലെ ജനറൽ ആശുപത്രിയിൽ അഡ്മിറ്റ് ആകാൻ വന്നത്. മംഗലപ്പുഴ പാലം കടന്നപ്പോൾ പ്രസവ വേദനയെ തുടർന്ന് ഓട്ടോ നിർത്താൻ ആവശ്യപ്പെടുകയായിരുന്നു. ദേശീയപാതയോരത്ത് സെമിനാരിപ്പടിയിൽ വച്ച് 6.40 നാണ് ജനനം നടന്നത്. ജില്ലാശുപത്രിയിൽ എത്തിച്ച ശേഷം അത്യാഹിത വിഭാഗത്തിലെ രാത്രി ഡ്യൂട്ടി ഡോക്ടറായ ഡോ. ബിനീഷ് ഡബ്ലിയു ആണ് പൊക്കിൾക്കൊടി മുറിച്ചത്. ആലുവ ജില്ലാ ആശുപത്രിയിൽ അമ്മയും കുഞ്ഞും സുഖമായിരിക്കുന്നു. റസ്മിയുടെ മൂത്ത സഹോദരിയുടെ കുടുംബത്തോടൊപ്പമാണ് അങ്കമാലിയിൽ താമസിക്കുന്നത്. ഇത് രണ്ടാമത്തെ പ്രസവമാണ്.
Read Moreസീരിയലുകൾക്കെതിരായ പ്രേംകുമാറിന്റെ ‘എന്ഡോസള്ഫാന്’ പരാമർശം പ്രതിഷേധം ശക്തമാകുന്നു
കൊച്ചി: ചലച്ചിത്ര അക്കാഡമി ചെയര്മാനും നടനുമായ പ്രേംകുമാറിന്റെ “എന്ഡോസള്ഫാന് പോലെ വിഷമാണ് ചില സീരിയലുകള്’ എന്ന പരാമര്ശത്തിനെ മറുപടിയുമായി സീരിയല് താരങ്ങള്. നിരവധി പേരാണ് പ്രേംകുമാറിനെതിരേ ഇതിനകം രംഗത്ത് എത്തിയത്. ഇവിടത്തെ ചീഞ്ഞ രാഷ്ട്രീയ കളികളേക്കാള് എത്രയോ ഭേദമാണ് സീരിയല് എന്ന് നടി സീമ ജി നായര് ഫെയ്സ്ബുക്കില് കുറിച്ചു. കുട്ടികളെ വഴിതെറ്റിക്കുന്നതില് സോഷ്യല് മീഡിയയും മൊബൈല് ഫോണുമെല്ലാം വലിയ പങ്ക് വഹിക്കുന്നുണ്ട്. അവയെല്ലാം നിരോധിക്കാന് പറ്റുമോ എന്നും സീമ ജി. നായര് ചോദിച്ചു. നമ്മുടെ കൈയിലാണ് റിമോട്ട് ഉള്ളത്. വേണ്ട എന്ന് തോന്നുന്നവര്ക്ക് കാണാതിരിക്കാനുള്ള ഓപ്ഷനും സ്വാതന്ത്ര്യവുമുണ്ട്. സീരിയല് കണ്ടിട്ട് അതിലേതു പോലെ ചെയ്തു എന്ന് ആരുംപറഞ്ഞു കേട്ടിട്ടില്ല. പ്രായം ചെന്നവര്ക്കും വീട്ടില് തനിച്ചായി പോകുന്നവര്ക്കുമൊക്കെ ആശ്വാസവും കൂട്ടുമാണ് സീരിയലുകള്. ഞങ്ങളെ പോലെ പതിനായിരക്കണക്കിന് ആളുകളുടെ ജീവിതമാണിത്. സീരിയലിന്റെ നെഞ്ചിലേക്ക് മെക്കിട്ടു കേറാതെ നന്നാക്കേണ്ടതായ കുറെ…
Read Moreകെടിഡിഎഫ്സിയെ ഒഴിവാക്കിയാലും ഷോപ്പിംഗ് കോംപ്ലക്സുകൾ തിരികെ കിട്ടില്ല
ചാത്തന്നൂർ: കെഎസ്ആർടിസിയുടെ ബാങ്ക് കൺസോർഷ്യത്തിൽനിന്നു കേരള ട്രാൻസ്പോർട്ട് ഡെവലപ്മെന്റ് ഫിനാൻഷ്യൽ കോർപറേഷനെ (കെടിഡിഎഫ്സി ) ഒഴിവാക്കിയാലും ഷോപ്പിംഗ് കോംപ്ലക്സുകൾ കെഎസ്ആർടിസിക്ക് തിരികെ ലഭിക്കില്ല. ഷോപ്പിംഗ് കോംപ്ലക്സുകളിൽനിന്നുള്ള ലാഭവിഹിതം കെഎസ്ആർടി സിക്ക് നല്കാതെ കെടിഡിഎഫ്സി കുടിശിക വരുത്തിയിരിക്കുകയാണ്. ലാഭവിഹിതത്തിന്റെ 50 ശതമാനമാണ് കരാർ പ്രകാരം കെഎസ്ആർടിസിക്ക് ലഭിക്കേണ്ടത്. കെഎസ്ആർടിസിയുടെ കോഴിക്കോട് അങ്കമാലി, തിരുവല്ല, തിരുവനന്തപുരം ഡിപ്പോകളിലാണ് ഷോപ്പിംഗ് കോംപ്ലക്സുകൾ ഉള്ളത്. സംസ്ഥാനത്തെ ന്നെ ഏറ്റവും പ്രധാന നഗരങ്ങളിലാണ് ഷോപ്പിംഗ് കോംപ്ലക്സുകൾ. കെടിഡിഎഫ്സിയും കെഎസ്ആർടിസിയും തമ്മിലുള്ള കരാറിന്റെ അടിസ്ഥാനത്തിലാണ് ഇവ കെടിഡിഎഫ്സി നിർമിച്ചിട്ടുള്ളത്. ബിഒടി (ബിൽഡ് ഓപ്പറേറ്റ് ട്രാൻസ്ഫർ )വ്യവസ്ഥയിലാണ് നിർമാണക്കരാർ. നിർമിച്ച കെട്ടിടങ്ങളിൽ 30 വർഷത്തേക്കാണ് കെടിഡിഎഫ്സിക്ക് അവകാശം. ഷോപ്പിംഗ് കോംപ്ലക്സുകൾ നിർമിച്ച് വാടകയ്ക്ക് നല്കുന്നതിൽനിന്നു ലഭിക്കുന്ന ലാഭത്തിന്റെ 50 ശതമാനം വീതംവർഷം തോറും കെഎസ്ആർടിസിക്ക് കൈമാറണമെന്നും വ്യവസ്ഥയുണ്ട്. തകർച്ചയിൽ പെട്ടുഴലുന്ന കെടിഡിഎഫ്സി ഇതുവരെ ലാഭവിഹിതമായി ഒന്നും കെഎസ്ആർടിസിക്ക്…
Read Moreക്ഷേത്രത്തിൽ കവർച്ചാശ്രമം: മോഷ്ടാവിനെ നാട്ടുകാരും പോലീസും ഓടിച്ചു പിടിച്ചു
പാറശാല: ക്ഷേത്രത്തിൽ മോഷണം നടത്താൻ ശ്രമിച്ചയാളെ നാട്ടുകാരും പോലീസും ഓടിച്ചിട്ടു പിടിച്ചു. പാറശാലയ്ക്കു സമീപം ഉദിയൻകുളങ്ങര വള്ളുക്കോട്ടുകോണം ഇലങ്കം ഭഗവതി ക്ഷേത്രത്തിൽ ആണ് മോഷണത്തിന് ശ്രമമുണ്ടായത്. സേലം സ്വദേശി സെന്തിലിനെ (45) പോലീസ് അറസ്റ്റ് ചെയ്തു. ഇന്നലെ രാത്രി പന്ത്രണ്ടിനാണ് സംഭവം. മാരകായുധങ്ങളുമായെത്തിയ സെന്തിൽ ക്ഷേത്രത്തിലെ പൂട്ടു അടിച്ചു പൊളിക്കുന്ന ശബ്ദം കേട്ട് നാട്ടുകാർ എത്തിയതോടെ ഇയാൾ സമീപത്തെ റെയിൽവേ ട്രാക്കിന്റെ ഭാഗത്തോട്ടു മാറുകയായിരുന്നു. തുടർന്ന് നാട്ടുകാർ അറിയിച്ചതനുസരിച്ചു എസ്.ഐ വേലപ്പൻ നായരുടെ നേതൃത്വത്തിലുള്ള പോലീസ് സംഘം സ്ഥലത്തെത്തി പരിശോധിക്കുന്നതിനിടെ ട്രാക്കിലൂടെ ഓടി രക്ഷപ്പെടാൻ ശ്രമിച്ച സെന്തിലിനെ പോലീസും നാട്ടുകാരും ചേർന്ന് ഓടിച്ചിട്ടു പിടിക്കുകയായിരുന്നു. പ്രതി സംസാര ശേഷിയില്ലാത്ത ആളാണെന്ന് പോലീസ് പറഞ്ഞു.രണ്ടു മാസം മുൻപും ഇതേ ക്ഷേത്രത്തിൽ മോഷണ ശ്രമം നടന്നിരുന്നു.
Read More