കൊച്ചി: എറണാകുളം കാക്കനാട്ടെ ഡിഎല്എഫ് ഫ്ളാറ്റില് ഛര്ദിയും വയറിളക്കവുമായി 350 പേര് ചികിത്സ തേടി. കുടിവെള്ളത്തില് നിന്നാണ് രോഗം പടര്ന്നതെന്ന് സംശയം. ജൂണ് ആദ്യമാണ് രോഗം റിപ്പോര്ട്ട് ചെയ്തത്. ജൂണ് ഒന്ന് മുതല് ഇതുവരെ ഫ്ളാറ്റില് താമസക്കാരായ 340 പേര് ചികിത്സ തേടിയതായാണ് വിവരം. അഞ്ച് വയസില് താഴെയുള്ള ഇരുപതിലധികം കുട്ടികള്ക്ക് രോഗബാധയുണ്ടായി. ആരോഗ്യ വകുപ്പ് സ്ഥലത്തെത്തി ജലത്തിന്റെ വിവിധ സാമ്പിളുകള് ശേഖരിച്ചു. വരും ദിവസങ്ങളില് കൂടുതല് പരിശോധനകളും ക്ലോറിനേഷന് അടക്കമുള്ള നടപടികളും ഉണ്ടാകും. പരിശോധനയില് ഫ്ളാറ്റിലെ ഒരാളില് ഇ കോളി ബാക്ടീരിയയുടെ സാന്നിധ്യം സ്ഥിരീകരിച്ചിട്ടുണ്ട്. എന്നാല് ഇതു തന്നെയാണോ ഇത്രയും പേര്ക്ക് അസുഖം വരാന് കാരണമെന്ന് ഇപ്പോള് വ്യക്തമല്ല. ജില്ല മെഡിക്കല് ഓഫീസര് ഡോ. കെ. സക്കീനയുടെ നേതൃത്വത്തില് ഉന്നതതല യോഗം തുടങ്ങി. സംഭവത്തിൽ ജില്ലാ കളക്ടർ ഡിഎംഒയോട് റിപ്പോർട്ട് തേടിയിട്ടുണ്ട്.15 ടവറുകളിലായി 1268 ഫ്ളാറ്റുകളില്…
Read MoreCategory: Edition News
വയനാട്ടുകാരെ വിഡ്ഢികളാക്കി രാഹുൽ; കെ. സുരേന്ദ്രൻ
തിരുവനന്തപുരം: രാഹുല് ഗാന്ധി വയനാട് മണ്ഡലം ഒഴിഞ്ഞതിനെ രൂക്ഷമായി വിമർശിച്ച് ബിജെപി സംസ്ഥാന അധ്യക്ഷന് കെ.സുരേന്ദ്രന്. രാഹുൽ വയനാട്ടുകാരെ വിഡ്ഢികളാക്കിയെന്ന് സുരേന്ദ്രൻ പറഞ്ഞു. രാഹുലിനെ പരിഹസിക്കുന്ന വീഡിയോ പങ്കുവച്ചായിരുന്നു സുരേന്ദ്രന്റെ പ്രതികരണം. “ബൈ ബൈ, റ്റാറ്റ’ എന്ന് രാഹുല് പറയുന്ന വീഡിയോയാണ് സുരേന്ദ്രന് പങ്കുവച്ചത്. കഴിഞ്ഞ തെരഞ്ഞെടുപ്പിൽ വയനാട്ടിൽ എൻഡിഎ സ്ഥാനാർഥിയായി മത്സരിച്ചത് കെ. സുരേന്ദ്രനായിരുന്നു. കോണ്ഗ്രസ് പാര്ട്ടി എന്നത്തെയും പോലെ നാണമില്ലാത്ത രീതി നടപ്പാക്കുകയാണെന്നും കുടുംബാധിപത്യംതന്നെയാണ് പാര്ട്ടിയില് ഇപ്പോഴുമുള്ളതെന്നും ബിജെപി നേതാവും മുന് കേന്ദ്രമന്ത്രിയുമായ രാജീവ് ചന്ദ്രശേഖര് എക്സില് കുറിച്ചു. ക
Read Moreവയനാട് ഉപതെരഞ്ഞെടുപ്പിൽ വോട്ടർമാരെ കാണാൻ രാഹുലിന്റെ ‘കൈ’പിടിച്ച് പ്രിയങ്കയെത്തും
കോഴിക്കോട്: വയനാട് ഉപതെരഞ്ഞെടുപ്പിൽ വിപുലമായ പ്രചാരണത്തിന് പ്രിയങ്ക ഗാന്ധി ഒരുങ്ങുന്നതായി റിപ്പോർട്ട്. രാഹുൽ ഗാന്ധിക്കൊപ്പം അടുത്ത മാസം രണ്ടാം വാരം പ്രിയങ്ക വയനാട്ടിലെത്തും. വിപുലമായ മണ്ഡല പര്യടനവും റോഡ്ഷോയും നടത്താനാണ് തീരുമാനം. എല്ലാ പ്രധാന നേതാക്കളും പങ്കെടുക്കുന്ന വിധത്തിലായിരിക്കും വയനാട്ടിലെ പ്രചാരണ പരിപാടികൾ നടത്തുക. വയനാട്ടിൽ പ്രിയങ്ക ഗാന്ധിക്ക് വൻ ഭൂരിപക്ഷം നേടി എടുക്കുകയാണ് കോൺഗ്രസിന്റെ ലക്ഷ്യം. രാഹുലിന്റെയും പ്രിയങ്കയുടെയും വരവുമായി ബന്ധപ്പെട്ട കൂടുതല് കാര്യങ്ങള് അടുത്ത ദിവസങ്ങളില് അറിയിക്കുമെന്നു ഡിസിസി നേതൃത്വം അറിയിച
Read Moreവിലകൂടിയ കാറിൽ കടത്തുകയായിരുന്ന 25 കിലോ കഞ്ചാവ് പിടികൂടി; മൊത്തക്കച്ചവടക്കാരായ പ്രതികൾ സ്ഥലത്തെ സ്ഥിരം പ്രശ്നക്കാർ
കൊല്ലം: കാറിൽ കടത്തുകയായിരുന്ന 25 കിലോ കഞ്ചാവ് പിടികൂടി. പാരിപ്പള്ളി, വർക്കല മേഖലയിൽ കഞ്ചാവിന്റെ മൊത്ത വിൽപ്പനക്കാരാണ് എക്സൈസ് സംഘത്തിന്റെ വലയിൽ കുടുങ്ങിയത്. പ്രതികളായ വിഷ്ണവും അനീഷും പ്രദേശത്തെ സ്ഥിരം പ്രശ്നക്കാർ. ആന്ധ്രയിൽ നിന്നുമാണ് പ്രതികൾ കഞ്ചാവ് കൊണ്ടുവന്നത്. എച്ച് ആർ 26 ബിക്യു 8090 എന്ന നമ്പറുള്ള ഷവർലെ ക്രൂയിസ് കാറിലാണ് കഞ്ചാവ് കടത്തി കൊണ്ട് വന്നത്. ഒന്നാം പ്രതി വിഷ്ണു 100 കിലോയോളം കഞ്ചാവുമായി പിടിയിലായതിനെ തുടർന്ന് വിശാഖപട്ടണം ജയിലിൽ ഏഴ് മാസത്തോളം കഴിഞ്ഞ ശേഷം ജാമ്യത്തിൽ നിൽക്കവേയാണ് ഈ കേസിൽ പിടിയിലായത്. രണ്ടാം പ്രതി അനീഷ് നിരവധി ക്രിമിനൽ കേസുകളിലെ പ്രതിയും കാപ്പാ നിയമപ്രകാരം നാടുകടത്തപ്പെട്ടയാളുമാണ്. സ്റ്റേറ്റ് എക്സൈസ് എൻഫോഴ്സ്മെന്റ് സ്ക്വാഡ് എക്സൈസ് സർക്കിൾ ഇൻസ്പെക്ടർ ജി.കൃഷ്ണകുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ സ്റ്റേറ്റ് എക്സൈസ് എൻഫോഴ്സ്മെന്റ് സ്ക്വാഡിലെ ഉദ്യോഗസ്ഥരും കൊല്ലം എക്സൈസ്…
Read Moreഭാര്യാവീട്ടിലെത്തിയ യുവാവിനെ വെട്ടിക്കൊന്ന കേസ്; വാക്കുതർക്കത്തിന്റെ പേരിൽ ബാബു ഇല്ലാതാക്കിയത് ഒരു കുടുംബത്തിന്റെ അത്താണിയെ…
കട്ടപ്പന: ഭാര്യാവീട്ടിലെത്തിയ യുവാവിനെ വെട്ടിക്കൊലപ്പെടുത്തിയ കേസിൽ പ്രതിയെ ഇന്നു സംഭവ സ്ഥലത്തെത്തിച്ചു വിശദമായ തെളിവെടുപ്പു നടത്തും. സുവർണഗിരിയിൽ ഇന്നലെ വൈകിട്ടാണ് സംഭവം. കാഞ്ചിയാർ കക്കാട്ടുകട സ്വദേശി കളപ്പുരയ്ക്കൽ സുബിൻ ഫ്രാൻസീസ് (35) ആണു മരിച്ചത്. കൊലപാതകവുമായി ബന്ധപ്പെട്ട് അയൽവാസി സുവർണഗിരി വെൺമാന്ത്ര ബാബുവിനെ പോലീസ് കസ്റ്റഡിയിലെടുത്തിരുന്നു. ഭാര്യാവീട്ടിലെത്തിയ സുബിനെ കോടാലി കൊണ്ടു ബാബു വെട്ടിക്കൊലപ്പെടുത്തുകയായിരുന്നു. ബാബുവിനെതിരേ നിരവധി പരാതികൾ നേരത്തേ പോലീസിൽ ലഭിച്ചിട്ടുള്ളതാണ്. ഗുരുതരമായി പരിക്കേറ്റ സുബിനെ കട്ടപ്പനയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബാബുവും കൊല്ലപ്പെട്ട സുബിനും തമ്മിൽ വാക്കുതർക്കം ഉണ്ടായതായി ബാബുവിന്റെ മാതാവ് പോലീസിന് മൊഴി നൽകിയിട്ടുണ്ട്. ഇതിനു ശേഷം പ്രതി വീടിനുള്ളിൽനിന്നു കോടാലി എടുത്ത് സുബിനെ ദേഹമാസകലം വെട്ടുകയായിരുന്നു.ലഹരിക്കടിമയായ ബാബു ആക്രമണത്തിനു ശേഷം വീട്ടിൽ ഒളിച്ചിരിക്കുകയായിരുന്നു. പ്രതിയെ പിടികൂടാനെത്തിയ പോലീസ് സംഘത്തെയും ബാബു ആക്രമിച്ചു.ആയുധം കൊണ്ടുള്ള ആക്രമണത്തിൽ കട്ടപ്പന പോലീസ് സ്റ്റേഷനിലെ…
Read Moreകൂടുതൽ പാസഞ്ചർ ട്രെയിനുകളിൽ മിനിമം ചാർജ് 10 രൂപയാകും
കൊല്ലം: ജൂലൈ ഒന്നുമുതൽ സംസ്ഥാനത്ത് നിലവിൽ സർവീസ് നടത്തുന്ന ചില എക്സ്പ്രസ് ട്രെയിനുകൾ കൂടി പാസഞ്ചറുകളാക്കി മാറ്റും. ഇതോടെ ദക്ഷിണ റെയിൽവേയിൽ കൂടുതൽ പാസഞ്ചർ ട്രെയിനുകളിൽ മിനിമം യാത്രാ നിരക്ക് 10 രൂപയായി കുറയും. നിലവിൽ 30 രൂപയാണ് ഈടാക്കുന്നത്. ദക്ഷിണ റെയിൽവേയുടെ അറിയിപ്പ് അനുസരിച്ച് അവരുടെ പരിധിയിലുള്ള 140 എക്സ്പ്രസ് ട്രെയിനുകൾ ജൂലൈ ഒന്നുമുതൽ പാസഞ്ചറുകളായി മാറും. കേരളത്തിൽ സർവീസ് നടത്തുന്ന 39 ട്രെയിനുകളും ഇതിൽ ഉൾപ്പെടും. ഇത് സംബന്ധിച്ച് റെയിൽവേ മന്ത്രാലയം വിജ്ഞാപനം പുറപ്പെടുവിച്ച് കഴിഞ്ഞു. കോവിഡിന് ശേഷം ട്രെയിൻ സർവീസുകൾ പുനരാംരഭിച്ചപ്പോൾ പാസഞ്ചറുകൾ എല്ലാം അൺ റിസർവ്ഡ് എക്സ്പ്രസ് സ്പെഷൽ എന്ന പേരിലാണ് ഓടിയിരുന്നത്. വണ്ടികളുടെ നമ്പരുകളിലും മാറ്റം വരുത്തി. 200 കിലോമീറ്റർ ദൈർഘ്യത്തിൽ താഴെയുള്ള പാസഞ്ചറുകളുടെ നമ്പറുകൾ പൂജ്യത്തിൽ തുടങ്ങുന്ന രീതിയിലാണ് അധികൃതർ മാറ്റിയത്. മറ്റ് പാസഞ്ചറുകളുടെ നമ്പർ ഒന്നിൽ ആരംഭിക്കുന്ന…
Read Moreബസിൽ കുഴഞ്ഞുവീണ യുവതിക്ക് ജീവനക്കാർ രക്ഷകരായി; അഭിനന്ദിച്ച് നാട്ടുകാരും സംഘടനകളും
മാന്നാര്: യാത്രയ്ക്കിടെ കുഴഞ്ഞുവീണ യുവതിക്കു രക്ഷകരായി സ്വകാര്യബസ് ജീവനക്കാര്. മാവേലിക്കരയില്നിന്നും മാന്നാറിലേക്കുള്ള യാത്രാമധ്യേ സ്വകാര്യബസിനുള്ളില് കുഴഞ്ഞുവീണ യുവതിക്കാണ് സ്വകാര്യബസ് ജീവനക്കാര് രക്ഷകരായി മാറിയത്. കായംകുളം -തിരുവല്ല റൂട്ടില് സര്വീസ് നടത്തുന്ന മുഴങ്ങോടിയില് ബസിലെ ജീവനക്കാരായ വിഷ്ണു, രഞ്ജിത് എന്നിവരുടെ സമയോചിതമായ ഇടപെടലാണ് പാണ്ടനാട് സ്വദേശിനിയായ യുവതിയുടെ ജീവന് രക്ഷിച്ചത്. മാവേലിക്കരയില്നിന്നു ബസില് കയറിയ യുവതി മാന്നാര് കോയിക്കല് ജംഗ്ഷനില് എത്തിയപ്പോള് ബസിനുള്ളില് കുഴഞ്ഞു വീഴുകയായിരുന്നു. ഇതുകണ്ട സഹയാത്രക്കാര് സിപിആര് ഉള്പ്പെടെ നല്കി പ്രാഥമിക ശുശ്രൂഷ നല്കിയെങ്കിലും ബസ് ഡ്രൈവര് വിഷ്ണു ബസ് പരുമല സെന്റ് ഗ്രിഗോറിയസ് ആശുപത്രിയില് എത്തിക്കുകയായിരുന്നു. ബസ് ആശുപത്രിയില് എത്തുന്നത് കണ്ടയുടന് പരുമല ആശുപത്രി ജംഗ്ഷനിലെ ആംബുലന്സ് ഡ്രൈവര്മാര് ഉള്പ്പടെയുള്ളവരും ബസ് ജീവനക്കാരും ആശുപത്രി ജീവനക്കാരും ചേര്ന്ന് യുവതിയെ ആശുപത്രിയിലെ അത്യാഹിത വിഭാഗത്തില് എത്തിച്ചു. യാത്രയ്ക്കിടെ കുഴഞ്ഞുവീണ യുവതിയുടെ ജീവന് രക്ഷിച്ച ബസ് ജീവനക്കാരുടെ…
Read Moreഇൻക്വസ്റ്റ് നടപടികൾക്കായി തയാറായിക്കോ, ഞാൻ ആത്മഹത്യചെയ്യാൻ പോകുകയാ; കുമളിയിലെ സ്വകാര്യ ഹോട്ടലില് പോലീസുകാരൻ തൂങ്ങിമരിച്ചു
കുമളി: ഇടുക്കി വണ്ടന്മേട് പോലീസ് സ്റ്റേഷനിലെ സിപിഒ ആലപ്പുഴ സ്വദേശി എ.ജി. രതീഷിനെ (40 )കുമളിയിലെ സ്വകാര്യ ഹോട്ടലില് തൂങ്ങിമരിച്ചനിലയൽ കണ്ടെത്തി. സഹപ്രവർത്തകനോട് ആത്മഹത്യ ചെയ്യാൻ പോവുകയാണെന്നും ഇൻക്വസ്റ്റ് നടപടികൾക്കായി തയാറായിക്കൊള്ളാനും ഫോണിൽ അറിയിച്ചശേഷമാണു പോലീസുകാരൻ ജീവനൊടുക്കിയതെന്നു പറയുന്നു. കഴിഞ്ഞ് കുറച്ചുനാളുകളായി ഇയാള് മെഡിക്കല് ലീവിലായിരുന്നു. ഇന്നലെ ഡ്യൂട്ടിക്ക് പോകാനായി വീട്ടില്നിന്ന് ഇറങ്ങിയെങ്കിലും സ്റ്റേഷനിലെത്തിയില്ല. വീട്ടുകാര് ഫോണില് ബന്ധപ്പെട്ടപ്പോള് ഇയാളുടെ ഫോണ് ഓഫായിരുന്നു. ഉച്ചയ്ക്ക് പന്ത്രണ്ടോടെ ഇയാളുടെ ഫോണ് ഓണാകുകയും സഹപ്രവര്ത്തകന് ബന്ധപ്പെട്ടപ്പോള് താന് മരിക്കാന് പോകുവാണെന്ന് പറഞ്ഞ് ഫോണ് കട്ട് ചെയ്യുകയുമായിരുന്നുവത്രെ. കുമളി പോലീസ് നടത്തിയ അന്വേഷണത്തില് ഇയാളെ കുമളിയിലെ സ്വകാര്യ ഹോട്ടലില് തൂങ്ങി മരിച്ച നിലയില് കണ്ടെത്തുകയായിരുന്നു. പോസ്റ്റ്മോര്ട്ടത്തിനുശേഷം മൃതദേഹം ബന്ധുക്കള്ക്ക് വിട്ടു നല്കും. ഭാര്യ: ശില്പ.
Read Moreകുവൈറ്റ് യാത്രയ്ക്ക് അനുമതി നിഷേധിച്ച സംഭവം; കേരളത്തോട് ഇതു വേണ്ടായിരുന്നെന്ന് വീണാ ജോര്ജ്
കൊച്ചി: ദുരിതാശ്വാസ പ്രവര്ത്തനങ്ങള് ഏകോപിപ്പിക്കുന്നതിനു കുവൈറ്റിലേക്കു പോകാന് കേന്ദ്ര സര്ക്കാര് അവസാന നിമിഷം അനുമതി നിഷേധിച്ചതിനെ വിമര്ശിച്ച് മന്ത്രി വീണാ ജോര്ജ്. കേരളത്തോട് ഇതു വേണ്ടായിരുന്നെന്നും വിമാനടിക്കറ്റ് ഉള്പ്പെടെ വച്ചാണ് അപേക്ഷ നല്കിയിരുന്നതെന്നും വീണാ ജോര്ജ് പറഞ്ഞു. വ്യാഴാഴ്ച രാത്രി 9.40നുള്ള വിമാനത്തില് പോകാന് നെടുമ്പാശേരിയില് എത്തിയെങ്കിലും യാത്രയ്ക്കു കേന്ദ്ര സര്ക്കാര് അനുമതി നിഷേധിച്ചതോടെ ഒന്പതരയോടെ മന്ത്രി ഗസ്റ്റ് ഹൗസിലേക്കു മടങ്ങുകയായിരുന്നു. കുവൈറ്റിലുണ്ടായ തീപിടിത്ത ദുരന്തത്തില് കേരളത്തില്നിന്നുള്ളവരാണ് ഏറ്റവുമധികം മരിച്ചത്. ഇന്ത്യക്കാരില് പകുതിയിലേറെയും മരണപ്പെട്ടതു മലയാളികളാണ്. പരിക്കേറ്റ് ചികിത്സയില് കഴിയുന്നവരും നമ്മുടെ ആളുകളാണ്. അവര്ക്കൊപ്പം നില്ക്കുന്നതിനും ആവശ്യമായ ക്രമീകരണങ്ങള് ചെയ്യുന്നതിനുമാണു പ്രതിനിധിയെ അയയ്ക്കാന് സംസ്ഥാന സര്ക്കാര് തീരുമാനിച്ചത്. ആദ്യമായിട്ടല്ലല്ലോ ഇത്തരം ദുരന്തങ്ങളുണ്ടാകുന്നത്. കണ്ണീരിന്റെ മുഖത്ത്, ദുഃഖത്തില് ഇടപെടുന്നതിനാണു സംസ്ഥാനം പ്രതിനിധിയെ അയയ്ക്കാന് തീരുമാനിച്ചത്. ഒരു ദുരന്തത്തില് കേരളത്തോട് ഇതു വേണ്ടായിരുന്നുവെന്ന് വീണാ ജോര്ജ് പറഞ്ഞു.
Read Moreയാത്രക്കാർക്ക് ഇനി ആശ്വാസക്കാലം; കൂടുതൽ ട്രെയിനുകളിൽ അധിക കോച്ചുകൾ
കൊല്ലം: യാത്രക്കാരുടെ തിരക്ക് നിയന്ത്രിക്കാൻ കൂടുതൽ ട്രെയിനുകളിൽ താത്ക്കാലികമായി അധിക കോച്ചുകൾ അനുവദിച്ച് റെയിൽവേ. ഇന്നു രാത്രി 11.15 ന് ചെന്നൈ എഗ്മോറിൽ നിന്ന് മംഗളുരു സെൻട്രലിലേക്ക് പുറപ്പെടുന്ന എക്സ്പ്രസിൽ (16159) ഒരു അധിക സ്ലീപ്പർ കോച്ച് ഉണ്ടാകും. 16160 മംഗളൂരു സെൻട്രൽ – ചെന്നൈ എഗ്മോർ എക്സ്പ്രസിൽ നാളെ ഒരു സ്ലീപ്പർ കോച്ച് അധികമായി ഉണ്ടാകും.തിരുവനന്തപുരം-കോഴിക്കോട് തിരുവനന്തപുരം ജനശതാബ്ദി എക്സ്പ്രസുകളിൽ (12075/76) ഇന്നുമുതൽ 17 വരെ ഒരു അധിക ചെയർ കാറും ഉൾപ്പെടുത്തിയിട്ടുണ്ട്. 16603 മംഗളുരു -തിരുവനന്തപുരം മാവേലി എക്സ്പ്രസിൽ നാളെയും 16604 തിരുവനന്തപുരം- മംഗളുരു മാവേലി എക്സ്പ്രസിൽ 16-നും അധികമായി ഒരു സ്ലീപ്പർ കോച്ചും ഉൾപ്പെടുത്തിയതായി ദക്ഷിണ റെയിൽവേ പാലക്കാട് ഡിവിഷൻ അധികൃതർ അറിയിച്ചു.
Read More