കണ്ണൂർ: തളാപ്പിലെ ഡയറക്ടറേറ്റ് സ്പോർട്സിന്റെ നിയന്ത്രണത്തിലുള്ള ജി.വി. രാജയുടെ സ്പോർട്സ് ഹോസ്റ്റലിൽ ഭക്ഷ്യവിഷബാധ. 18 പേരെ ഭക്ഷ്യവിഷബാധയേറ്റ് ജില്ലാ ആശുപത്രിയിൽ പ്രവേശിപ്പിച്ചു.13 പേർ പ്രാഥമിക ചികിത്സയ്ക്ക് ശേഷം മടങ്ങിയെങ്കിലും അഞ്ച് പേർ ഇപ്പോഴും ചികിത്സയിലാണ്. ദിയ ദാസ്, മിഷൈൻ, സ്നിയ, സാന്ദ്ര, ഗോപിക എന്നിവരാണ് ചികിത്സയിൽ കഴിയുന്നത്. ഇന്നലെ രാത്രിയിൽ ഭക്ഷണം കഴിച്ചശേഷമാണ് കുട്ടികൾക്ക് ദേഹാസ്വാസ്ഥ്യം തുടങ്ങിയത്. 18 കുട്ടികൾക്ക് കൂട്ടത്തോടെ വയറുവേദനയും തലവേദനയും തുടങ്ങിയതോടെആശുപത്രിയിൽ പ്രവേശിപ്പിക്കുകയായിരുന്നു. ഹോസ്റ്റലിലുള്ള ബാക്കിയുള്ള കുട്ടികൾക്കും പ്രശ്നങ്ങളുണ്ടായിരുന്നു. ഇന്ന് രാവിലെയും കുട്ടികൾ ജില്ലാ ആശുപത്രിയിൽ ചികിത്സതേടിയെത്തി. രാത്രിയിൽ ഫ്രൈഡ് റൈസും ഗോബി മഞ്ചൂരിയുമാണ് കുട്ടികൾക്ക് കഴിക്കാൻ നൽകിയത്. 200 ഓളം പേരാണ് നിലവിൽ ഇവിടെ താമസിക്കുന്നത്. കഴിഞ്ഞ വർഷംവരെ കോച്ചുമാരുടെയും ഹോസ്റ്റൽ അധികൃതരുടെയും നേതൃത്വത്തിലായിരുന്നു ഫുഡ് വിതരണം നടത്തിയിരുന്നത്. എന്നാൽ, ഈ അധ്യയന വർഷം മുതൽ ഫുഡ് വിതരണം ഏജൻസിയെ ഏൽപ്പിക്കുകയായിരുന്നു.…
Read MoreCategory: Edition News
മന്ത്രി വീണാ ജോർജിന്റെ വിദേശയാത്ര നിഷേധിച്ച സംഭവം; വിവാദത്തിന്റെ സമയമല്ലെന്ന് മുഖ്യമന്ത്രി പിണറായി വിജയൻ
കൊച്ചി: ഇത് വിവാദത്തിന്റെ സമയമല്ലെന്നു മുഖ്യമന്ത്രി പിണറായി വിജയന്. കുവൈറ്റിലേക്ക് ആരോഗ്യമന്ത്രി വീണാ ജോര്ജിന് പോകാന് കഴിയാത്തതിനെക്കുറിച്ച് പിന്നീട് ചര്ച്ച ചെയ്യാമെന്ന് മുഖ്യമന്ത്രി നെടുമ്പാശേരി വിമാനത്താവളത്തില് മാധ്യമങ്ങളോടു പറഞ്ഞു. രാജ്യത്തിന് തന്നെ സംഭവിച്ച വലിയ ദുരന്തമാണ് കുവൈറ്റില് ഉണ്ടായത്. കേരളത്തിലെ ജീവനാഡിയാണ് പ്രവാസികള്. പ്രവാസ ജീവിതത്തില് ഉണ്ടായിട്ടുള്ള ഏറ്റവും വലിയ ദുരന്തമാണിത്. വളരെയധികം പ്രതീക്ഷയുമായി പ്രവാസ ജീവിതത്തിലേക്ക് പ്രവേശിച്ച കുടുംബങ്ങള്ക്ക് തീരാനഷ്ടമാണ് ഉണ്ടായിട്ടുള്ളത്. സംഭവം അറിഞ്ഞപ്പോള് മുതല് സംസ്ഥാന സര്ക്കാര് ക്രിയാത്മകമായി പ്രവര്ത്തിച്ചു. മരിച്ചവര്ക്ക് ഉചിതമായ നഷ്ടപരിഹാരം നല്കാൻ കുവൈറ്റ് സർക്കാര് അടിയന്തര നടപടി സ്വീകരിക്കണമെന്നും മുഖ്യമന്ത്രി പറഞ്ഞു.
Read Moreകൊച്ചുമകള് ഐറിന്റെ പിറന്നാളിന് സമ്മാനവുമായി സിബിന് ഇനി വരില്ല; മകന്റെ ഓര്മകളില് വിതുമ്പി പിതാവ്
കൊച്ചി: “ഓഗസ്റ്റ് 18ന് കൊച്ചുമോള് ഐറിന്റെ ഒന്നാം പിറന്നാളാണ്. അത് ഭംഗിയായി ആഘോഷിക്കാമെന്നു പറഞ്ഞാണ് ജനുവരി 22ന് എന്റെ മോന് വീട്ടില്നിന്ന് പോയത്. അതിനുള്ള തയാറെടുപ്പിലായിരുന്നു അവന്. എന്നാല് ഐറിന് പിറന്നാള് സമ്മാനം നല്കാന് അവളുടെ പപ്പ ഇനി ഒരിക്കലുമെത്തില്ല എന്ന കാര്യം എനിക്ക് ഇതുവരെ ഉള്ക്കൊള്ളാനാകുന്നില്ല …’ – നെടുമ്പാശേരി വിമാനത്താവളത്തിനു പുറത്തിരുന്ന് ഇതു പറയുമ്പോള് പത്തനംതിട്ട കീഴ് വായ്പൂര് തേവരോട്ട് എബ്രഹാം വാക്കുകള് കിട്ടാതെ വിതുമ്പി. തന്റെ മകന് സിബിന് ടി. എബ്രഹാമിന്റെ ചേതനയറ്റ മൃതദേഹം ഏറ്റുവാങ്ങാന് എത്തിയതായിരുന്നു ഈ അച്ഛന്. എട്ടുവര്ഷമായി സിബിന് ഈ കമ്പനിയില് ജോലി ചെയ്യുകയാണ്. പിതാവ് എബ്രഹാമും 18 വര്ഷം ഈ കമ്പനിയിലെ ഉദ്യോഗസ്ഥനായിരുന്നു. രണ്ടു വര്ഷം മുമ്പാണ് അദ്ദേഹം ജോലി അവസാനിപ്പിച്ച് നാട്ടിലേക്ക് പോന്നത്.”കെട്ടിടത്തിന് തീപിടിച്ചെന്നും നിരവധിപ്പേര് അതില്പ്പെട്ടെന്നും അറിഞ്ഞിരുന്നു. പക്ഷേ മകന് രക്ഷപ്പെട്ടിരിക്കും എന്ന പ്രതീക്ഷയിലായിരുന്നു…
Read Moreപുതിയ വീട്ടിലേക്കുള്ള യാത്ര തോമസ് സി. ഉമ്മന് അന്ത്യയാത്രയായി; ദുഖം താങ്ങാനാവാതെ കുടുംബവും നാട്ടുകാരും
മാന്നാർ: പുതിയതായി നിർമിച്ച വീട്ടിൽ അന്തിയുറങ്ങാൻ കഴിയാതെയാണ് ജോബി യാത്രയായത്. പുതിയ ഭവനത്തിലേക്ക് എത്തുന്നത് അന്ത്യയാത്രയ്ക്കായിരിക്കുമെന്ന് വീട്ടുകാരും നാട്ടുകാരും ഒരിക്കലും കരുതിയില്ല. കുവൈറ്റിലെ മൻഗഫിൽ ഫ്ലാറ്റിലുണ്ടായ തീപിടിത്തത്തിൽ മരിച്ചവരിൽ ഉൾപ്പെട്ട മേപ്രാൽ മരോട്ടിമൂട്ടിൽ ചിറയിൽ വീട്ടിൽ തോമസ് സി. ഉമ്മൻ (ജോബി-37) താൻ നിർമിച്ച പുതിയ വീടിന്റെ ഗൃഹപ്രവേശന ചടങ്ങിനായി ഓഗസ്റ്റിൽ വരാനിരിക്കവേയാണ് വിധി തട്ടിയെടുത്തത്. ജോബിയുടെ ബാല്യകാലവും പഠനവും പരുമലയിൽ ആയിരുന്നു. മാന്നാർ പരുമല കാട്ടിൽ കിഴക്കേതിൽ മാതാവിന്റെ വീട്ടിൽനിന്നാണ് പഠനം നടത്തിയത്. ഇവിടത്തെ എല്ലാ കാര്യങ്ങൾക്കും ജോബി മുൻപിലുണ്ടായിരുന്നു. അതിനാൽ തന്നെ ജോബിയുടെ മരണം പരുമല ഗ്രാമത്തെയും ദുഃഖത്തിലാഴ്ത്തി. അഞ്ചു വർഷം മുമ്പാണ് എൻഡി ടെക്നീഷ്യനായി തോമസ് സി. ഉമ്മൻ കുവൈറ്റിൽ ജോലിക്കായി പോയത്. തീപിടിത്തവിവരം അറിഞ്ഞ് ഭാര്യ അടക്കമുള്ള ബന്ധുക്കൾ തോമസ് സി. ഉമ്മനെ ഫോണിൽ ബന്ധപ്പെടാൻ ശ്രമിച്ചിരുന്നെങ്കിലും ലഭിച്ചിരുന്നില്ല. ഇന്നലെ രാവിലെയാണ്…
Read Moreവൈപ്പിനിൽ വനിതാ ഓട്ടോ ഡ്രൈവറെ മർദിച്ചത് ക്വട്ടേഷൻ സംഘം; അതിർത്തിതർക്കത്തിന് ക്വട്ടേഷൻ കൊടുത്തത് അയൽവാസിയായ യുവതി
വൈപ്പിൻ: വനിത ഓട്ടോ ഡ്രൈവറായ കുഴുപ്പിള്ളി തച്ചാട്ടുതറ ജയ(47) യെ രാത്രി ഓട്ടം വിളിച്ചു കൊണ്ടുപോയത് ചാത്തങ്ങാട് ബീച്ചിലിട്ട് കൊലപ്പെടുത്താനെന്ന് അറസ്റ്റിലായവരുടെ മൊഴി. ഗൂഢാലോചനക്കുറ്റത്തിന് അറസ്റ്റിലായ അയൽ വാസിയും അടുത്ത ബന്ധുവുമായ കുഴുപ്പിള്ളി ചെറുവൈപ്പ് തച്ചാട്ട്തറ വീട്ടിൽ സജീഷിന്റെ ഭാര്യ പ്രിയങ്ക (30) സജീഷിന്റെ കൂടെ ജോലി ചെയ്യുന്ന സുഹൃത്ത് നായരമ്പലം വെളിയത്താംപറമ്പ് മയ്യാറ്റിൽ വിഥുൻ ദേവ് (25) എന്നിവരുടെ മൊഴിയിലാണ് ഞെട്ടിപ്പിക്കുന്ന വിവരം പുറത്തറിഞ്ഞത്. കേവലം ജയയും പ്രിയങ്കയുമായുള്ള അതിർത്തി തർക്കവും, പ്രിയങ്കക്കും ഭർത്താവിനുമെതിരേ ജയ അപവാദ പ്രചരണം നടത്തുന്നുവെന്ന തെറ്റിദ്ധാരണ മൂലമുള്ള വൈരാഗ്യവുമാണ് ക്വട്ടേഷൻ നൽകാൻ കാരണമായതെന്നും അറസ്റ്റിലായ പ്രിയങ്ക പോലീസിനെ അറിയിച്ചു. അതേ സമയം ജയയുടെ ഒച്ചകേട്ട് ചാത്തങ്ങാട് ബീച്ചിൽ ഉറങ്ങിക്കിടന്ന ഒരു യുവാവ് ഉണർന്ന് എത്തിയതോടെ കൃത്യം പൂർത്തിയാക്കാതെ മൂവരും ഓടി രക്ഷപ്പെടുകയായിരുന്നുവെന്ന് പോലീസ് പറഞ്ഞു. ഇതിനിടെ ജയയുടെ ഫോൺ പ്രതികളിൽ…
Read Moreപന്തീരാങ്കാവ് കേസ്; ഡൽഹിയിലുള്ള പരാതിക്കാരിയെ തിരികെയെത്തിക്കാൻ പോലീസ്
പറവൂർ: പന്തീരാങ്കാവ് കേസിലെ പരാതിക്കാരിയായ യുവതി ഡൽഹിയിലുണ്ടെന്നു വിവരം ലഭിച്ചതിനെ തുടർന്ന് യുവതിയെ തിരികെയെത്തിക്കാൻ പോലീസ് ശ്രമമാരംഭിച്ചു. യുവതിയെ കാണാനില്ലെന്നു ചൂണ്ടിക്കാട്ടി പിതാവ് വടക്കേക്കര പോലീസിൽ നൽകിയ പരാതിയിലെ അന്വേഷണത്തിലാണ് യുവതി നിലവിൽ ഡൽഹിയിലുണ്ടെന്ന വിവരം പോലീസിനു ലഭിച്ചത്. ഈ സംശയം ബന്ധുക്കളും പോലീസിനോടു പറഞ്ഞിരുന്നു. യുവതി ബന്ധുവിനയച്ച വാട്സാപ് സന്ദേശം പിന്തുടർന്നാണു പോലീസ് മൊബൈൽ ലൊക്കേഷൻ കണ്ടെത്തിയത്. യുവതിയെ കണ്ടെത്തി തിരികെക്കൊണ്ടുവരാനുള്ള നടപടികൾ അന്വേഷണസംഘം കൈക്കൊണ്ടുവരികയാണ്. ഇതിനായി സംഘാംഗങ്ങൾ വൈകാതെ ഡൽഹിക്ക് തിരിക്കും. ഇതിനിടയിൽ യുവതി യൂട്യൂബ് ചാനലിലൂടെ തുടർച്ചയായി ഭർത്താവ് രാഹുലിന് അനുകൂലിച്ചും. സ്വന്തം വീട്ടുകാർക്ക് എതിരായും വീഡിയോ സന്ദേശങ്ങൾ പുറത്തുവിടുന്നുണ്ട്. താൻ പറയുന്ന കാര്യങ്ങൾ നൂറു ശതമാനം സത്യമാണെന്നും ഇതു തെളിയിക്കാൻ നുണ പരിശോധനയ്ക്കു തയാറാണെന്നും യുവതി പറയുന്നു. തന്നെ ആരും തട്ടിക്കൊണ്ടു പോയി ഭീഷണിപ്പെടുത്തിയിട്ടില്ലെന്നും സ്വന്തം ഇഷ്ടപ്രകാരം വീട്ടിൽ നിന്നു മാറി…
Read Moreഎറണാകുളത്ത് രണ്ടിടത്ത് വാഹനാപകടം; അച്ഛനും മകനും ഉള്പ്പെടെ മൂന്നു മരണം; യുവാവിന്റെ മരണം ബൈക്ക് പോത്തിനെയിടിച്ച്
കൊച്ചി: എറണാകുളത്ത് പൊന്നുരുന്നിയിലും കളമശേരിയിലുമായി നടന്ന രണ്ടു വാഹനാപകടങ്ങളിൽ മൂന്നു മരണം. മദ്യലഹരിയില് ഓടിച്ച കാറിടിച്ച് തമ്മനം-പൊന്നുരുന്നി റെയില്വേ മേല്പ്പാലത്തില് ബൈക്ക് യാത്രികരായ അച്ഛനും മകനുമാണ് മരിച്ചത്. ഇന്നലെ രാത്രി 11.30-നായിരുന്നു സംഭവം. ചളിക്കവട്ടം ഹൈവേ ഗാര്ഡന് അപ്പാര്ട്ട്മെന്റ്സില് താമസിക്കുന്ന തൈപ്പറമ്പില് ഡെന്നി റാഫേല് (46), മകന് ഡെന്നിസണ് (11) എന്നിവരാണ് മരിച്ചത്. മദ്യലഹരിയില് ആയിരുന്ന പാലക്കാട് കോങ്ങോട് സുജിത് ഓടിച്ച സ്കോര്പിയോ കാറാണ് ബൈക്കില് ഇടിച്ചത്. കടവന്ത്രയില്നിന്ന് ഭക്ഷണം വാങ്ങി ചളിക്കവട്ടത്തെ വീട്ടിലേക്ക് മടങ്ങുകയായിരുന്നു ഡെന്നിയും മകനും. ഉടന്തന്നെ ഇരുവരെയും ആശുപത്രിയില് എത്തിച്ചെങ്കിലും മരണം സംഭവിക്കുകയായിരുന്നു. മഹേന്ദ്രയിലെ ജീവനക്കാരനായ സുജിത്തിനെ പാലാരിവട്ടം പോലീസ് കസ്റ്റഡിയില് എടുത്തു. ഇന്ന് അറസ്റ്റ് രേഖപ്പെടുത്തും. മൃതദേഹങ്ങള് എറണാകുളം ജനറല് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. പാലാരിവട്ടം പോലീസ് ഇന്ക്വസ്റ്റ് നടപടികള് ആരംഭിച്ചു. കളമശേരിയിൽ അലഞ്ഞുതിരിഞ്ഞു നടക്കുന്ന പോത്ത് ബൈക്കിൽ ഇടിച്ചാണ് കണ്ണൂര്…
Read Moreകുവൈറ്റ് ദുരന്തം; സാജൻ കുവൈറ്റിലെത്തിയത് 18 ദിവസം മുന്പ്; സ്വപ്നം കണ്ട ജീവിതം തുടങ്ങും മുമ്പ് മരണം സാജനെ കവർന്നു
പുനലൂർ: പ്രതീക്ഷകളോടെ വിദേശത്തെത്തിയ യുവാവിന്റെ ദാരുണാന്ത്യത്തിൽ ഞെട്ടിത്തരിച്ച് നരിക്കൽ ഗ്രാമം. കേട്ട വാർത്ത സത്യമാകരുതേയെന്ന പ്രാർത്ഥനയിലായിരുന്നു കുടുംബം .നരിക്കൽ സാജൻ വില്ലയിൽ സാജൻ ജോർജ് (29) കുവൈറ്റിൽ എത്തിയിട്ട് 18 ദിവസമാകുന്നതേയുള്ളു. പ്രവാസ ജീവിതം സ്വപ്നം കണ്ട യുവാവ് ഒടുവിൽ മരണത്തിന് കീഴടങ്ങിയപ്പോൾ ഒരു കുടുംബവും സ്വന്തം നാടുമെല്ലാം തീരാ ദു:ഖത്തിലായി. അപകടത്തിനു ശേഷം ഇന്ത്യൻ എംബസി പുറത്തുവിട്ട പേരുകളിൽ സാജന്റെ പേരും ഉണ്ടായിരുന്നു. പക്ഷെ ഏറെ വൈകിയാണ് സ്ഥിരീകരണമുണ്ടായത്. എംടെക്കിൽ ബിരുദം നേടിയ സാജൻ അടൂരിലെ ഒരു സ്വകാര്യ കോളജിൽ അധ്യാപകനായി ജോലി ചെയ്തിരുന്നു. ഇതിനിടെ പോസ്റ്റ് ഓഫീസിലും താൽകാലികമായി ജോലി ചെയ്തു. അങ്ങനെയിരിയ്ക്കെ കുവൈറ്റിൽ ജോലി ശരിയായി.ഗൾഫിൽ ജോലി ചെയ്ത് നന്നായി ജീവിയ്ക്കണമെന്ന പ്രതീക്ഷയായിരുന്നു യുവാവിന്. സാധാരണ കുടുംബത്തിലെ അംഗമായ സാജന് നാട്ടിൽ ഒരുപാട് സൗഹൃദങ്ങളുണ്ട്. ഇന്നലെ രാത്രി മരണവാർത്ത അറിഞ്ഞതോടെ നൂറുകണക്കിനാളുകൾ വീട്ടിലെത്തി.അലമുറയിട്ടു…
Read Moreകുവൈറ്റ് ദുരന്തം; ലൂക്കോസിനെ മരണം കവർന്നത് നാട്ടിലേക്ക് വരാനിരിക്കെ
തിരുവനന്തപുരം: മകളുടെ അഡ്മിഷനുവേണ്ടി അടുത്ത മാസം നാട്ടിലേക്ക് വരാനിരിക്കെയാണ് കുവൈറ്റിൽ തീപിടിത്തത്തിൽ മരണം കൊല്ലം കണ്ണനല്ലൂർ വെളിച്ചിക്കാല വടക്കോട്ടുവിളയിൽ ലൂക്കോസി(48)നെ കവർന്നത്. എല്ലാ വിഷയങ്ങള്ക്കും എ പ്ലസ് നേടിയാണ് മൂത്ത മകള് ലിഡിയ പ്ലസ്ടു പാസായത്. ലിഡിയയുടെ നഴ്സിംഗ് അഡ്മിഷനായി അടുത്ത മാസം നാട്ടില് വരാനിരിക്കുകയായിരുന്നു ലൂക്കോസ്.ദുരന്തത്തിന് തൊട്ടുമുന്പ് ഇന്നലെ രാവിലെയും ലൂക്കോസ് വീട്ടുകാര്ക്കുള്ള പതിവ് ഗുഡ്മോണിംഗ് സന്ദേശം അയച്ചിരുന്നു. തീപിടിത്തത്തെപ്പറ്റി ടിവിയില് വാര്ത്ത വന്നതോടെ ബന്ധുക്കൾ ലൂക്കോസിനെ ഉച്ചവരെ ഫോണില് ബന്ധപ്പെട്ടിട്ടും ഫലമുണ്ടായില്ല. ആദ്യം കുവൈറ്റിലെ സുഹൃത്തുക്കള് ലൂക്കോസിനെ ഫോണില് ബന്ധപ്പെട്ടപ്പോള് കുറച്ചുനേരത്തേക്ക് ലഭിച്ചിരുന്നു. പിന്നീട് വിളിച്ചിട്ട് കിട്ടിയില്ല. എന്നാല് ഉച്ച കഴിഞ്ഞാണ് ലൂക്കോസ് ആശുപത്രിയിലാണെന്ന വിവരം ലഭിച്ചത്. പിന്നീടാണ് മരണവിവരം അറിഞ്ഞതെന്ന് ഒരു ബന്ധു മാധ്യമങ്ങളോടു പറഞ്ഞു. ലൂക്കോസ് എന്ബിടിസി കമ്പനിയിലെ മെക്കാനിക്കല് സൂപ്പര്വൈസറായിരുന്നു. 18 വര്ഷമായി കുവൈറ്റില് ജോലി ചെയ്യുന്നു. ഭാര്യ ഷൈനി.…
Read Moreനിർത്തിയിട്ട ലോറി മുന്നോട്ടുരുണ്ടു നീങ്ങി; ചാടിക്കയറുന്നതിനിടെ ഡ്രൈവർക്കു ദാരുണാന്ത്യം
കോട്ടയം: ചായ കുടിക്കാന് ലോറി നിര്ത്തിയിറങ്ങിയ ഡ്രൈവര്, വാഹനം മുന്നോട്ടുരുണ്ടുപോകുന്നതു തടയാൻ ചാടിക്കയറുന്നതിനിടെ ദാരുണാന്ത്യം. തിരുവനന്തപുരം സ്വദേശിയായ ചന്ദ്രദാസ് (68) ആണു മരിച്ചത്. മണര്കാട് പൗള്ട്രി ഫാമിനു സമീപം ഇന്നു പുലര്ച്ചെ രണ്ടോടെയാണ് അപകടം. കളത്തിപ്പടിയിലെ പാചകവാതക ഏജന്സിയിലേക്കു സിലിണ്ടറുമായി വരികയായിരുന്നു ലോറി.എറണാകുളത്തുനിന്നു നിറച്ച സിലിണ്ടറുമായി എത്തിയ ഡ്രൈവർ ചായ കുടിക്കുന്നതിനായാണ് പൗള്ട്രി ഫാമിനു സമീപത്തെ തട്ടുകടയില് ലോറി നിര്ത്തിയത്. ലോറി നിര്ത്തി പുറത്തിറങ്ങി നടക്കുന്നതിനിടെ ലോറി മുന്നോട്ടുരുളുകയായിരുന്നു. ഓടിയെത്തിയ ചന്ദ്രദാസ് ലോറിയുടെ കാബിന് വഴി ചാടി ഉള്ളില് കയറാന് ശ്രമിച്ചു. ഇതിനിടെ ലോറി സമീപത്തെ മതിലിനോടു ചേര്ന്നുവന്നപ്പോള് ചന്ദ്രദാസ് ഇതിനിടയില്പ്പെട്ടു തത്ക്ഷണം മരിക്കുകയായിരുന്നു. അപകടത്തില് സമീപത്തെ കടയുടെ ഭിത്തിയും ബോര്ഡും തകര്ന്നിട്ടുണ്ട്. ലോറിയുടെ ഹാന്ഡ് ബ്രേക്ക് ഇടാന് മറന്നതാണ് അപകടത്തിനു കാരണമായത്.മൃതദേഹം ആശുപത്രിയിലേക്കു മാറ്റി.
Read More