തിരുവനന്തപുരം: ട്യൂഷനെത്തിയ വിദ്യാർഥിനിയെ പീഡിപ്പിക്കാന് ശ്രമിച്ച സിപിഐ നേതാവ് പിടിയില്. സിപിഐ കള്ളിക്കാട് ലോക്കല് കമ്മിറ്റി അസിസ്റ്റന്റ് സെക്രട്ടറി രാജേന്ദ്രന് ആണ് പിടിയിലായത്. സ്വകാര്യ ട്യൂഷന് സെന്ററിലെ അധ്യാപകന് കൂടിയാണ് രാജേന്ദ്രന്. രാജേന്ദ്രന്റെ വീട്ടില് ട്യൂഷന് എത്തിയ കുട്ടിയെ ആണ് പീഡിപ്പിക്കാന് ശ്രമിച്ചത്. കഴിഞ്ഞ ഞായറാഴ്ചയാണ് കേസിന് ആസ്പദമായ സംഭവം നടക്കുന്നത്. പ്ലസ് ടു വിദ്യാർഥിനിയ്ക്ക് നേരെയായിരുന്നു ഇയാളുടെ ലൈംഗിക അതിക്രമം. ഇയാളുടെ വീട്ടില് സ്പെഷല് ട്യൂഷനെത്തിയ വിദ്യാർഥിനിയെ രാജേന്ദ്രന് പീഡിപ്പിക്കാന് ശ്രമിക്കുകയായിരുന്നു. കുട്ടി വീട്ടുകാരോട് ഇക്കാര്യം പറയുകയും വീട്ടുകാരും കുട്ടിയും പരാതി നല്കുകയുമായിരുന്നു.
Read MoreCategory: Edition News
കിടപ്പുമുറിയിൽ പൊള്ളലേറ്റ് നാലംഗ കുടുംബം മരിച്ച സംഭവം; ബിനീഷിന് സാമ്പത്തിക ബാധ്യതകൾ
അങ്കമാലി: കിടപ്പുമുറിയിൽ പൊള്ളലേറ്റ് നാലംഗ കുടുംബം മരിക്കാനിടയായ സംഭവത്തിൽ ദുരൂഹത തുടരുന്നു. അപകടമുണ്ടായ ദിവസത്തിനു മുന്പു ബിനീഷിന്റെ പ്രവൃത്തികളെക്കുറിച്ചാണ് ഇപ്പോൾ അന്വേഷണം ഊർജിതമാക്കിയിട്ടുള്ളത്.ശനിയാഴ്ച പുലർച്ചെയുണ്ടായ അഗ്നിബാധയിലാണ് പറക്കുളം റോഡിൽ അയ്യമ്പിള്ളി വീട്ടിൽ ബിനീഷ് കുര്യൻ (45), ഭാര്യ അനുമോൾ (40), മക്കളായ ജൊവാന (9), ജെസ് വിൻ (6) എന്നിവർ മരിച്ചത്. ഇരുനില വീടിന്റെ മുകളിലത്തെ കിടപ്പുമുറിയിലാണ് തീപിടിത്തമുണ്ടായത്. ബിനീഷിന് സാമ്പത്തിക ബാധ്യതകൾ ഉണ്ടായിരുന്നതായുള്ള വിവരങ്ങളാണ് പുറത്തു വരുന്നത്. മരണപ്പെട്ട ദിവസം 25 ലക്ഷം രൂപയുടെ ഇടപാടുകൾ നടക്കേണ്ട ദിവസമായിരുന്നു. അതേക്കുറിച്ചുള്ള മാനസിക സമ്മർദം ഉണ്ടായതായി സുഹൃത്തുക്കൾ പറയുന്നു.സാമ്പത്തിക സ്ഥിതിയെക്കുറിച്ച് ഭാര്യ ഉൾപ്പെടെയുള്ളവർക്ക് അറിയില്ലായിരുന്നുവെന്നും സൂചനയുണ്ട്. വേദനയില്ലാതെ എങ്ങനെ മരിക്കാം എന്നതിനെക്കുറിച്ച് ബിനീഷ് അന്വേഷിച്ചിരുന്നതായി പറയപ്പെടുന്നു. ഗൂഗിൾ ഉൾപ്പെടെയുള്ളതിൽനിന്നും ഇതേക്കുറിച്ച് തെരഞ്ഞതായി സംശയിക്കപ്പെടുന്നു.അപകടം ഉണ്ടായി അഞ്ചു ദിവസമായിട്ടും തീപിടിത്തത്തിന്റെ കാരണം കണ്ടുപിടിക്കാനായിട്ടില്ല. എസിയിലെ ഗ്യാസ് തീ പിടിക്കണമെങ്കിൽ…
Read Moreഎയിംസ് എവിടെ വേണമെന്ന് പറയേണ്ടിടത്ത് പറയും: നേതാക്കൾക്ക് എവിടെവേണമെന്ന് പറയാൻ അവകാശമുണ്ടെന്ന് സുരേഷ് ഗോപി
കോഴിക്കോട്: കേരളത്തെക്കുറിച്ച് പ്രധാനമന്ത്രിക്ക് പ്രത്യേക താൽപര്യമുണ്ടെന്നു കേന്ദ്ര സഹമന്ത്രി സുരേഷ് ഗോപി. കേരളത്തിലെ ടൂറിസം കേന്ദ്രങ്ങൾ തിരിച്ചറിഞ്ഞ് പ്രത്യേക പദ്ധതികൾ തയാറാക്കുമെന്നും കോഴിക്കോട് ബിജെപി ജില്ലാ കമ്മിറ്റി ഓഫിസ് സന്ദർശിച്ചശേഷം സുരേഷ് ഗോപി പറഞ്ഞു. എയിംസ് കോഴിക്കോട്ടു വേണമെന്ന് പറയാൻ നേതാക്കൾക്ക് അവകാശമുണ്ട്. തനിക്കും അഭിപ്രായം പറയാൻ അവകാശമുണ്ട്. അതു പറയേണ്ടയിടത്തു പറയുമെന്നും സുരേഷ് ഗോപി പറഞ്ഞു. ഇന്നലെ രാത്രി വിമാനത്താവളത്തിൽ വൻ സ്വീകരണമാണ് സുരേഷ് ഗോപിക്ക് ബിജെപി ഒരുക്കിയത്.
Read Moreഏഴംകുളം-കൈപ്പട്ടൂർ റോഡ് നിർമാണം; മന്ത്രിയുടെ ഭർത്താവ് ഇടപെട്ട് അലൈൻമെന്റ് മാറ്റിയെന്ന് സിപിഎം പഞ്ചായത്ത് പ്രസിഡന്റ്
കൊടുമൺ: ഏഴംകുളം-കൈപ്പട്ടൂർ റോഡ് നിർമാണവുമായി ബന്ധപ്പെട്ട് മന്ത്രി വീണാ ജോർജിന്റെ ഭർത്താവ് ഡോ. ജോർജ് ജോസഫ് ഇടപെട്ടുവെന്ന ആരോപണവുമായി ഗ്രാമപഞ്ചായത്ത് പ്രസിഡന്റും സിപിഎം ജില്ലാ കമ്മിറ്റിയംഗവുമായ കെ.കെ. ശ്രീധരൻ രംഗത്ത്. സ്റ്റേഡിയത്തിന് എതിർവശത്ത് ജോർജ് ജോസഫിന്റെ ഉടമസ്ഥതയിലുള്ള കെട്ടിടത്തിനു മുന്പിൽ ഓട നിർമാണത്തിനായി നേരത്തെ എടുത്തിരുന്ന അലൈൻമെന്റിൽ മാറ്റംവരുത്തിയെന്നാണ് കെ.കെ. ശ്രീധരന്റെ ആരോപണം. ഇദ്ദേഹത്തിന്റെ ഉടമസ്ഥതയിലുള്ള സ്ഥലം സംരക്ഷിക്കുന്നതിനുവേണ്ടി ഉദ്യോഗസ്ഥരെ ഭീഷണിപ്പെടുത്തി അലൈൻമെന്റ് മാറ്റിയെന്ന് അദ്ദേഹം ആരോപിച്ചു. റോഡ് നിർമാണത്തിൽ ഇതേവരെ എതിർപ്പുകളുണ്ടായിട്ടില്ലെന്നും ഈ ഭാഗത്തു മാത്രമാണ് തർക്കമെന്നും ശ്രീധരൻ പറഞ്ഞു. പോലീസിനെ വിളിച്ചുവരുത്തി പ്രശ്നങ്ങൾ സൃഷ്ടിച്ചതും ജോർജ് ജോസഫാണെന്നും ശ്രീധരൻ കുറ്റപ്പെടുത്തി. വിവാദ സ്ഥലത്ത് ഓടയ്ക്കു വളവുണ്ടെന്നും അലൈൻമെന്റിൽ ഇതുണ്ടെന്നും കിഫ്ബി ഉദ്യോഗസ്ഥർ പറഞ്ഞു. സമീപത്തെ ട്രാൻസ്ഫോർമർ ഒഴിവാക്കിയാണ് അലൈൻമെന്റ് തയാറാക്കിയതെന്നും ഇവർ ചൂണ്ടിക്കാട്ടി. എന്നാൽ, റോഡ് നിർമാണത്തിൽ ഇടപെട്ടില്ലെന്നും താൻ കെട്ടിടം നിർമിക്കുന്നതിനു മുന്പേ…
Read Moreജ്വല്ലറി ജീവനക്കാരനെ വിളിച്ചുവരുത്തി കവർച്ച; വജ്രങ്ങളും സ്വർണവും തട്ടിയ 5 പേർ പിടിയിൽ
എടപ്പാൾ (മലപ്പുറം): തൃശൂരിലെ ജ്വല്ലറി ജീവനക്കാരനെ കൊല്ലത്തേക്കു വിളിച്ചുവരുത്തി ആക്രമിച്ച് കോടികൾ വിലമതിക്കുന്ന വജ്രങ്ങളും സ്വർണവും തട്ടിയെടുത്ത സംഭവത്തിൽ പ്രധാനപ്രതികളടക്കം അഞ്ചുപേർ കൂടി പിടിയിൽ. എടപ്പാൾ പട്ടാമ്പി റോഡിലെ സ്വാകാര്യ ലോഡ്ജിൽനിന്ന് ഇന്ന് രാവിലെയാണ് പ്രതികള് അറസ്റ്റിലായത്. ഇവരിൽനിന്നു വജ്രക്കല്ലുകളും സ്വർണവും കണ്ടെടുത്തു. പ്രതികളിൽ ഒരാൾ പോലീസിനെ കണ്ടതോടെ ഓടിരക്ഷപ്പെട്ടു. സംഭവത്തിന് സഹായിച്ച അഞ്ച് പ്രതികളെ കഴിഞ്ഞ ദിവസം അറസ്റ്റ് ചെയ്തിരുന്നു. ഇതോടെ കേസില് അറസ്റ്റിലായവരുടെ എണ്ണം പത്തായി. തൃശൂരിലെ ഒരു ജ്വല്ലറി വ്യാപാരിയുടെ ജീവനക്കാരനായ സുരേഷ് കുമാറിനെ കൊല്ലത്തേക്ക് ഡയമണ്ട് വാങ്ങാൻ എന്ന വ്യാജേന വിളിച്ചു വരുത്തി സുരേഷ് കുമാറിന്റെ കൈയിൽ ഉണ്ടായിരുന്ന വജ്രങ്ങളും സ്വർണവും പ്രതികൾ തട്ടിയെടുത്തു കടന്നുകളയുകയായിരുന്നു. സംഭവത്തിൽ സഹായിച്ചവരിൽനിന്ന് ഒരു വജ്രം പിടിച്ചെടുത്തിരുന്നു. തുടർന്നുള്ള അനേഷണത്തിൽ ബാക്കി ഉള്ള ആറു പ്രതികൾ എടപ്പാളിൽ ഉണ്ടെന്നു വിവരം ലഭിച്ചു. ഇതേത്തുടർന്ന് ചങ്ങരംകുളം…
Read Moreഹംസഫർ എക്സ്പ്രസിൽ വ്യാഴം, ശനി ദിവസങ്ങളിൽ അധിക സ്ലീപ്പർ കോച്ചുകൾ
കൊല്ലം: യാത്രക്കാരുടെ തിരക്ക് നിയന്ത്രിക്കുന്നതിന് ഹംസഫർ എക്സ്പ്രസിൽ ഒന്നുവീതം സ്ലീപ്പർ കോച്ചുകൾ ഏർപ്പെടുത്താൻ റെയിൽവേ തീരുമാനം. കൊച്ചുവേളിയിൽ നിന്ന് വൈകുന്നേരം 6.05 ന് ബംഗളൂരുവിന് പുറപ്പെടുന്ന 16319- നമ്പർ വണ്ടിയിൽ നാളെ മുതൽ ജൂലൈ രണ്ട് വരെ വ്യാഴം, ശനി ദിവസങ്ങളിൽ ഒരു സ്ലീപ്പർ ക്ലാസ് കോച്ച് അധികമായി ഉണ്ടാകും. ബംഗളൂരുവിൽ നിന്ന് കൊച്ചുവേളിയിലേയ്ക്ക് രാത്രി ഏഴിന് പുറപ്പെടുന്ന 16320 നമ്പർ ഹംസഫർ എക്സ്പ്രസിൽ ഈ മാസം 14 മുതൽ ജൂലൈ മൂന്നു വരെയുള്ള വെള്ളി, ശനി ദിവസങ്ങളിൽ ഒരു അധിക സ്ലീപ്പർ കോച്ച് ഉൾപ്പെടുത്തുമെന്നും അധികൃതർ അറിയിച്ചു. നേരത്തേ ദീർഘദൂര ട്രെയിനുകളിൽ തിരക്ക് ഒഴിവാക്കാൻ റെയിൽവേ അധികമായി ഏസി കോച്ചുകളാണ് അനുവദിച്ചിരുന്നത്. ഇത് യാത്രക്കാരുടെ വ്യാപക പ്രതിഷേധത്തിന് കാരണമായിരുന്നു. ഈ സാഹചര്യത്തിലാണ് ഇപ്പോൾ സ്ലീപ്പർ കോച്ചുകൾ കൂടുതലായി ഉൾപ്പെടുത്താൻ അധികൃതർ തീരുമാനിച്ചിട്ടുള്ളത്.
Read Moreവഴിയോര മരങ്ങൾ അപകടക്കെണിയാകുന്നു; ഓലമടല് വീണു സ്കൂട്ടർ യാത്രികയ്ക്കു പരിക്ക്
എടത്വ: വഴിയോര മരങ്ങള് യാത്രക്കാര്ക്കു വിനയാവുന്നു. തലവടിയില് രണ്ടു വ്യത്യസ്ത അപകടങ്ങള്. ഓടിക്കൊണ്ടിരുന്ന സ്കൂട്ടറിനു മുകളില് ഓലമടല് വീണും കെഎസ്ആര്ടിസി ബസിനു മുന്നില് മരത്തിന്റെ ശിഖരം അടര്ന്ന് വീണുമാണ് അപകടമുണ്ടായത്. ഇന്നലെ ഉച്ചകഴിഞ്ഞ് മൂന്നിന് തലവടി കൊച്ചമ്മനം കലുങ്കിനു സമീപമാണ് അപകടം. ഓടിക്കൊണ്ടിരുന്ന സ്കൂട്ടറിനു മുകളിലേക്കു തെങ്ങോല അടര്ന്നു വീണ് ഹെല്മറ്റ് പൊട്ടി സ്കൂട്ടര് പിന്സീറ്റ് യാത്രക്കാരിയായ തലവടി സ്വദേശി ശ്രീലക്ഷ്മിക്കാ ണു പരിക്കേറ്റത്. തലയോട്ടിയില് ആഴത്തിലുള്ള മുറിവുണ്ടായതിനെത്തുടര്ന്ന് എടത്വ ആശുപത്രിയില് എത്തിച്ചെങ്കിലും വിദഗ്ധ ചികിത്സയ്ക്കു പരുമല സ്വകാര്യ ആശുപത്രിയിലേക്കു മാറ്റി. മറ്റൊരപകടത്തില് ഓടിക്കൊണ്ടിരുന്ന കെഎസ്ആര്ടിസി ബസിനു മുന്പിലേക്കു മരത്തിന്റെ ശിഖരം അടര്ന്നുവീണു. തലവടി പഞ്ചായത്ത് ജംഗ്ഷനു സമീപമാണ് അപകടം. യാത്രക്കാര് അപകടം കൂടാതെ രക്ഷപ്പെട്ടെങ്കിലും തകഴിയില്നിന്ന് ഫയര് ഫോഴ്സ് എത്തി ശിഖരം മുറിച്ചു മാറ്റിയ ശേഷമാണ് സര്വീസ് പുനരാരംഭിച്ചത്. അമ്പലപ്പുഴ – തിരുവല്ല സംസ്ഥാന പാതയിലെ…
Read Moreമഴക്കാല ശുചീകരണ പ്രവർത്തനം; നഗരസഭയും പഞ്ചായത്തും കൂടുതൽ മുൻകരുതലുകൾ എടുക്കണമെന്നു വ്യാപാരികൾ
കായംകുളം: മഴക്കാല ശുചീകരണ പ്രവർത്തനത്തിന് വേണ്ടത്ര മുൻകരുതലുകൾ എടുക്കാൻ നഗരസഭയും വിവിധ പഞ്ചായത്തുകളും തയാറായില്ലെന്ന് വ്യാപാരി വ്യവസായി ഏകോപനസമിതി കായംകുളം നിയോജക മണ്ഡലം കമ്മിറ്റി. പിഡബ്യൂഡിയുമായി ചേർന്ന് ഓട നവീകരിക്കുന്നതിന് വേണ്ടത്ര മുൻകരുതലുകൾ എടുത്തില്ല. കായംകുളം നിയോജക മണ്ഡലത്തിലെ ദേശീയപാതയോട് ചേർന്നും അല്ലാതെയുമുള്ള വ്യാപാര സ്ഥാപനങ്ങളിൽ വെള്ളം കയറി പത്ത്ലക്ഷത്തോളം രൂപയുടെ നാശനഷ്ടങ്ങൾ ഉണ്ടായെന്നും യൂണിറ്റ് കമ്മിറ്റി പറഞ്ഞു. മറ്റ് നഷ്ടപരിഹാരങ്ങൾ നൽകുന്നതുപോലെ തന്നെ വ്യാപാര സ്ഥാപനങ്ങളിൽ വെള്ളം കയറുമ്പോൾ വേണ്ട അടിയന്തര സഹായം നൽകണമെന്ന് ജില്ലാ കളക്ടർക്ക് ഈമെയിൽ സന്ദേശം അയച്ചുവെന്നും യൂണിറ്റ് കമ്മിറ്റി പറഞ്ഞു. ഓട നവീകരണം സംബന്ധിച്ചും ദേശീയപാതയിൽ നിന്നു വ്യാപാര സ്ഥാപനങ്ങളിലേക്ക് വെള്ളം കയറുന്നതു സംബന്ധിച്ചും എംഎൽഎ ചർച്ച ചെയ്ത് തീരുമാനമെടുത്ത് പരിഹരിച്ചില്ലെങ്കിൽ കൂടുതൽ നാശനഷ്ടം വ്യാപാരികൾക്കും എൻഎച്ചിന് സമീപമുള്ള വീടുകൾക്കും ഉണ്ടാകുന്ന സാഹചര്യമാണ് വരാൻപോകുന്നതെന്നും യൂണിറ്റ് കമ്മിറ്റി കുറ്റപ്പെടുത്തി. വ്യാപാര…
Read Moreവനംവകുപ്പ് അനാവശ്യ പ്രശ്നങ്ങള് സൃഷ്ടിക്കുന്നതായി സിപിഎം; സ്വാഭാവിക പ്രതികരണങ്ങള് മാത്രമെന്നും വിശദീകരണം
പത്തനംതിട്ട: മലയോര മേഖലയിലെ പട്ടയ ഭൂമിയില് നട്ടുവളര്ത്തിയ മരങ്ങള് മുറിക്കുന്നതിനുപോലും വനംവകുപ്പ് തടസം നില്ക്കുകയും അനധികൃതമായി വീടുകളില് കടന്നുകയറി പരിശോധനകള് നടത്തുകയും ചെയ്യുന്ന സാഹചര്യത്തിലാണ് പരസ്യ പ്രതിഷേധവുമായി രംഗത്തുവന്നതെന്ന് സിപിഎം നേതാക്കള്. ഇതുമായി ബന്ധപ്പെട്ട പ്രക്ഷോഭങ്ങള്ക്കിടെയുള്ള പ്രതികരണങ്ങള് സ്വാഭാവികമാണെന്നും നേതാക്കള് പറഞ്ഞു. വനപാലകര് വീടുകളില് കയറി പരിശോധിക്കുകയും കര്ഷക ദ്രോഹ നടപടികള് തുടരുകയും ചെയ്താല് സമരം ശക്തിപ്പെടുത്താനാണ് സിപിഎം തീരുമാനം. ഇന്നലെ സീതത്തോട് കൊച്ചുകോയിക്കല് ഫോറസ്റ്റ് സ്റ്റേഷനിലേക്ക് സിപിഎം നടത്തിയ മാര്ച്ചിനിടെ നേതാക്കള് പ്രകോപനപരമായി പ്രസംഗിച്ചതു വിവാദമായതിനു പിന്നാലെയാണ് പ്രതികരണം. അനാവശ്യ ഇടപെടലുകള് നടത്തുന്ന വനം ഉദ്യോഗസ്ഥരുടെ കാലുമാത്രമല്ല കയ്യും വെട്ടുമെന്ന് പെരുനാട് ഏരിയാ കമ്മിറ്റി അംഗം ജയ്സണ് ജോസഫ് പ്രസംഗിച്ചതും ഉദ്യോഗസ്ഥര് ഒറ്റക്കാലില് നടക്കാന് പരിശീലിക്കണമെന്നാണ് ഡിവൈഎഫ്ഐ സംസ്ഥാന സമിതി അംഗം ജോബി ടി. ഈശോ ഭീഷണിപ്പെടുത്തിയതുമാണ് പുതിയ വിവാദങ്ങള്ക്കു കാരണമായത്. തടി പരിശോധനയ്ക്കെത്തിയ ഉദ്യോഗസ്ഥരെ…
Read Moreതൃശൂർ സിറ്റി പോലീസ് കമ്മീഷണര് അങ്കിത് അശോകനെ സ്ഥലംമാറ്റി; പുതിയ നിയമനം നല്കിയിട്ടില്ല
തൃശൂര്: സിറ്റി പോലീസ് കമ്മീഷണര് അങ്കിത് അശോകനെ സ്ഥലംമാറ്റി. ആര്. ഇളങ്കോ ആണു പുതിയ കമ്മീഷണർ. അങ്കിത് അശോകനു പുതിയ നിയമനം നല്കിയിട്ടില്ല.തൃശൂര് പൂരം അലങ്കോലമാകാനിടയാക്കിയ കമ്മീഷണറുടെ നടപടികള് ഏറെ വിവാദമായിരുന്നു. വൻ ജനകീയപ്രതിഷേധവും നേരിടേണ്ടിവന്നു. സംഭവത്തിൽ ലഭിച്ച രണ്ടു പരാതികളുടെ അടിസ്ഥാനത്തിൽ മുഖ്യമന്ത്രി ഇടപെട്ട് ഡിജിപിയോട് അന്വേഷണത്തിന് ഉത്തരവിട്ടിരുന്നു. തെരഞ്ഞെടുപ്പുസമയമായതിനാൽ തെരഞ്ഞെടുപ്പു കമ്മീഷന്റെ നിർദേശംകൂടി സ്വീകരിച്ചശേഷമാണ് ഉത്തരവിറക്കിയത്. തുടർന്ന് അന്വേഷണം നടത്തി പൂരത്തിന് ഒന്നരമാസത്തിനുശേഷമാണു സ്ഥലംമാറ്റനടപടി. അങ്കിത് അശോകനെ സ്ഥലംമാറ്റണമെന്ന് സോഷ്യൽ മീഡിയകളിലടക്കം വ്യാപക പ്രതിഷേധം ഉയർന്നിരുന്നു. പോലീസ് അന്വേഷണത്തിന്റെ ഭാഗമായി തിരുവന്പാടി, പാറമേക്കാവ് ദേവസ്വങ്ങൾ, തൃശൂർ പ്രസ് ക്ലബ് സെക്രട്ടറി, ചില പൗരപ്രമുഖർ എന്നിവരെയും തിരുവനന്തപുരത്തേക്കു വിളിച്ചുവരുത്തി ഡിജിപി മൊഴിയെടുത്തിരുന്നു. പരാതികൾക്കടിസ്ഥാനമായ ഡിജിറ്റൽ രേഖകളും ആവശ്യപ്പെട്ടിരുന്നു. 2022 നവംബർ 19നാണ് അങ്കിത് അശോകനെ തൃശൂർ സിറ്റി പോലീസ് കമ്മീഷണറായി നിയമിച്ചത്. 2023ൽ പൂരത്തിനു നിയന്ത്രണങ്ങൾ…
Read More