പയ്യന്നൂര്: ആര്എസ്എസ് പയ്യന്നൂര് മണ്ഡലം കാര്യവാഹകിന്റെ വാഹനം കത്തിച്ച കേസില് പ്രതിയായ സിപിഎം ബ്രാഞ്ച് സെക്രട്ടറിയെ കോടതി വെറുതെ വിട്ടു. പ്രോസിക്യൂഷന്റെ തെളിവുകള് അപര്യാപ്തമെന്ന് കണ്ടതിനെ തുടര്ന്നാണ് കരിവെള്ളൂര് പെരളത്തെ പി.വി. രമേശനെ കോടതി വെറുതെ വിട്ടത്. ആര്എസ്എസ് മണ്ഡലം കാര്യവാഹക് ആയിരുന്ന പേരളം ചീറ്റയിലെ എം.വി. സത്യന്റെ വീട്ടുപറമ്പില് രാത്രി അതിക്രമിച്ചു കയറി വീടിനു മുന്നില് നിര്ത്തിയിട്ട അംബാസിഡര് കാര് രമേശനും മറ്റൊരാളും ചേര്ന്ന് കത്തിച്ചുവെന്നും ഇതിനുശേഷം ഇവര് ഓടിപ്പോകുന്നത് കണ്ടുവെന്നുമായിരുന്നു പരാതി. രമേശനാണ് കാര് കത്തിച്ചതെന്നു കണ്ടെത്തുന്നതിനു പ്രോസീക്യൂഷന് നിര്ത്തിയ തെളിവുകള് അപര്യാപ്തമാണെന്നും രാഷ്ട്രീയ വൈരാഗ്യം കൊണ്ട് മാത്രമാണ് ബ്രാഞ്ച് സെക്രട്ടറിയും പഞ്ചായത്ത് മെംബറുമായ രമേശനെ പ്രതി ചേര്ത്തതെന്നുമുള്ള പ്രതിഭാഗം വാദം സ്വീകരിച്ച് പയ്യന്നൂര് ജുഡീഷ്യല് ഒന്നാം ക്ലാസ് മജിസ്ട്രേറ്റ് പ്രതിയെ വെറുതെ വിടുകയായിരുന്നു. പ്രതിഭാഗത്തിനായി അഡ്വ. ടി.വി. വിനീഷ് ഹാജരായി.
Read MoreCategory: Edition News
‘ചുറ്റിലേക്കും തലയുയര്ത്തി നോക്കുക,എന്താവശ്യത്തിനും ഞങ്ങള് കൂടെയുണ്ട് ’; വിദ്യാര്ഥികള്ക്ക് ആശംസ നേര്ന്ന് “പോലീസ് മാമന്മാര്’
കൊച്ചി: മധ്യവേനലവധിക്കു ശേഷം സംസ്ഥാനത്തെ സ്കൂളുകള് ഇന്ന് തുറന്നപ്പോള് വിദ്യാര്ഥികള്ക്ക് ആശംസകളുമായി കേരള പോലീസ്. ഒപ്പം ചുറ്റിലുമുള്ള ചതിക്കുഴികളെക്കുറിച്ചുള്ള മുന്നറിയിപ്പ് നല്കുന്നുണ്ട്. “ചുറ്റിലേക്കും തലയുയര്ത്തി നോക്കുക, എന്താവശ്യത്തിനും ഞങ്ങള് കൂടെയുണ്ട്’ എന്ന ഉറപ്പാണ് പോലീസ് മാമന്മാര് കുഞ്ഞുങ്ങള്ക്ക് നല്കുന്നത്. എപ്പോള് വേണമെങ്കിലും 112 എന്ന നമ്പറില് വിളിക്കാം. മൊബൈല് ഫോണുകള് ആവശ്യത്തിന് മാത്രം ഉപയോഗിക്കുക. പത്ര വായന ശീലമാക്കുക. സോഷ്യല് മീഡിയയ്ക്ക് അടിമപ്പെടാതിരിക്കുക. റോഡിലൂടെ നടക്കുമ്പോള് വലതുവശം ചേര്ന്ന് നടക്കുക. സീബ്ര ലൈനില് മാത്രം റോഡ് മുറിച്ച് കടക്കുക. അപരിചിതരുമായി ചങ്ങാത്തത്തിലാകുകയോ, അവര് നല്കുന്ന ഭക്ഷണം വാങ്ങി കഴിക്കുകയോ ചെയ്യരുത്. ഒരുതരത്തിലുള്ള ലഹരിവസ്തുക്കളും ഉപയോഗിക്കരുത്. ലഹരി ഇടപാടുകള് ശ്രദ്ധയില്പ്പെട്ടാല് ഉടന് അധ്യാപകരെയോ പോലീസിനെയോ അറിയിക്കുക. ആരില്നിന്നെങ്കിലും മോശം പെരുമാറ്റമുണ്ടായാല് ഉടന് അധ്യാപകരെ അറിയിക്കുക. – എന്നിങ്ങനെ പോലീസ് മുന്നറിയിപ്പ്.
Read More20 സീറ്റിലും ജയിക്കുമെന്ന് ഉറപ്പിച്ച് തിരുവഞ്ചൂർ രാധാകൃഷ്ണൻ; സുരേഷ് ഗോപിക്ക് അഭിനയമാണു നല്ലതെന്ന് ഇ.പി. ജയരാജൻ
തിരുവനന്തപുരം: കേരളത്തിൽ 20 സീറ്റിലും യുഡിഎഫ് വിജയിക്കുമെന്ന് കോണ്ഗ്രസ് നേതാവ് തിരുവഞ്ചൂർ രാധാകൃഷ്ണൻ. ജനങ്ങൾ യുഡിഎഫിന് അനുകൂലമായ നിലപാടാണു സ്വീകരിച്ചിരിക്കുന്നതെന്നും എൽഡിഎഫിന്റെ അവകാശവാദങ്ങൾ വിജയിക്കില്ലെന്നും തിരുവഞ്ചൂർ പറഞ്ഞു. തൃശൂരിൽ സുരേഷ് ഗോപി ജയിക്കില്ല: ഇ.പി. ജയരാജൻതിരുവനന്തപുരം: തൃശൂരിൽ സുരേഷ് ഗോപി ജയിക്കില്ലെന്ന് എൽഡിഎഫ് കണ്വീനർ ഇ.പി. ജയരാജൻ. സുരേഷ് ഗോപിക്ക് സിനിമ അഭിനയമാണു നല്ലത്. ബിജെപിക്ക് കേരളത്തിൽ ഒരു സീറ്റും കിട്ടില്ലെന്നും അദ്ദേഹം പറഞ്ഞു. എക്സിറ്റ് പോൾ ഫലങ്ങൾ സിപിഎമ്മിനെതിരേയുള്ള അജണ്ടയാണെന്നും അദ്ദേഹം പറഞ്ഞു.
Read Moreവോട്ടെണ്ണൽ: വിവിപാറ്റ് സ്ലിപ്പുകൾ കൂടി എണ്ണിയശേഷം അന്തിമപ്രഖ്യാപനം
തിരുവനന്തപുരം: ലോക്സഭ തെരഞ്ഞെടുപ്പിന്റെ വോട്ടെണ്ണലിനായി സംസ്ഥാനത്തെ 20 കേന്ദ്രങ്ങളും സജ്ജമായി. നാളെയാണ് വോട്ടെണ്ണുക. നാളെ രാവിലെ എട്ടിന് ആദ്യം എണ്ണി തുടങ്ങുന്നത് തപാൽ ബാലറ്റുകളാണ്. തപാൽ വോട്ട് എണ്ണിത്തുടങ്ങി അരമണിക്കൂറിന് ശേഷമാണ് വോട്ടിംഗ് യന്ത്രത്തിലെ വോട്ടുകൾ എണ്ണിത്തുടങ്ങുക. വിവിപാറ്റ് മെഷീനിലെ സ്ലിപ്പുകൾ കൂടി എണ്ണിത്തീര്ത്തശേഷമാവും അന്തിമ ഫലപ്രഖ്യാപനം. കൗണ്ടിംഗ് സൂപ്പർവൈസർമാർ, കൗണ്ടിംഗ് അസിസ്റ്റന്റുമാർ, മൈക്രോ ഒബ്സർവർമാർ, തെരഞ്ഞെടുപ്പ് കമ്മീഷൻ പ്രതിനിധികൾ, നിരീക്ഷകർ, തെരഞ്ഞെടുപ്പ് ഡ്യൂട്ടിയിലുള്ള സർക്കാർ ഉദ്യോഗസ്ഥർ, സ്ഥാനാർഥികൾ തെരഞ്ഞെടുപ്പ് ഏജന്റുമാർ എന്നിവർക്ക് മാത്രമാണ് വോട്ടെണ്ണൽ ഹാളിലേക്ക് പ്രവേശനം. കൗണ്ടിംഗ് ഏജന്റുമാർക്ക് സ്ഥാനാർഥിയുടെ പേരും നിർദിഷ്ട ടേബിൾ നന്പറും വ്യക്തമാക്കുന്ന ബാഡ്ജ് റിട്ടേണിംഗ് ഓഫീസർ നൽകും. വോട്ടെണ്ണൽ മുറിയ്ക്കുള്ളിൽ തെരഞ്ഞെടുപ്പ് കമ്മിഷൻ നിരീക്ഷകനൊഴികെയുള്ളവർക്ക് മൊബൈൽ ഫോണ് ഉപയോഗിക്കാനാകില്ല. ഓരോ അസംബ്ലി മണ്ഡലത്തിലെയും വോട്ട് എണ്ണാൻ ഓരോ ഹാൾ ഉണ്ടാകും. ഓരോ ഹാളിലും പരമാവധി 14 മേശകളുണ്ട്. ഓരോ…
Read Moreസ്വിമ്മിംഗ് പൂൾ വീട്ടിൽ മതി, കാറിൽ വേണ്ട: സമനില തെറ്റി കാണിക്കുന്ന വേലകള്ക്ക് റീച്ച് ഉണ്ടാക്കിക്കൊടുക്കരുതെന്ന് ഗണേഷ് കുമാർ
തിരുവനന്തപുരം: യൂട്യൂബര് സഞ്ജു കാറില് സ്വിമ്മിംഗ് പൂള് ഒരുക്കിയ സംഭവത്തിൽ കടുത്ത പ്രതികരണവുമായി ഗതാഗതമന്ത്രി കെ.ബി. ഗണേഷ്കുമാർ. യൂട്യൂബറുടെ മുന് വീഡിയോകള് പരിശോധിക്കുമെന്നും വാഹനവുമായി ബന്ധപ്പെട്ട ഇത്തരം വിഡിയോകളുണ്ടെങ്കില് കര്ശന നടപടിയെടുക്കുമെന്നും മന്ത്രി പറഞ്ഞു. പണമുള്ളവന് കാറില് സ്വിമ്മിംഗ് പൂള് പണിതല്ല നീന്തേണ്ടത്. വീട്ടില് സ്വിമ്മിംഗ് പൂള് പണിയണം. ഭ്രാന്തന്മാര് സമനില തെറ്റി കാണിക്കുന്ന വേലകള്ക്ക് റീച്ച് ഉണ്ടാക്കിക്കൊടുക്കരുത്. മോട്ടോര് വാഹന വകുപ്പിനെ വെല്ലുവിളിക്കേണ്ടെന്നും പഴയ കാലമല്ലെന്നും മന്ത്രി ഗണേഷ് കുമാര് പറഞ്ഞു. യൂട്യൂബര് സഞ്ജു ടാറ്റ സഫാരി കാറിന്റെ നടുവിലെ സീറ്റ് അഴിച്ചുമാറ്റി സ്വിമ്മിംഗ് പൂള് ഉണ്ടാക്കി യാത്ര ചെയ്തതാണ് വിവാദമായത്. കാര് പിടിച്ചെടുത്ത് രജിസ്ട്രേഷന് റദ്ദാക്കുകയും മോട്ടോര് വാഹനവകുപ്പ് കേസെടുക്കുകയും ചെയ്തിരുന്നു. സഞ്ജുവിനും സുഹൃത്ത് സൂര്യനാരായണനുമെതിരേ നടപടി സ്വകരിച്ചിരുന്നു. കൂടുതൽ നടപടികൾക്കൊരുങ്ങുകയാണ് മോട്ടോർ വാഹനവകുപ്പ്.
Read Moreആറു ദിവസമായി കറന്റില്ല; പരാതി പറഞ്ഞിട്ടും നടപടിയെടുക്കാതെ കെഎസ്ഇബി അധികൃതർ; ഓഫീസ് ഉപരോധിച്ച് അംബുജാക്ഷി
തുറവൂർ: ആറു ദിവസമായി കറന്റില്ലാത്തതിനെത്തുടർന്ന് ഓഫീസ് ഉപരോധിച്ച് അംബുജാക്ഷി. അവരുടെ മകൾ പൂർണ ഗർഭിണിയുമാണ്. ഒരു കുഞ്ഞും പ്രായമായ ഈ അമ്മയും മാത്രമുള്ള ഈ വീട്ടിലെ മകൻ ദൂരെ ജോലിക്കു പോയിരിക്കുന്നു. എല്ലാദിവസവും കെഎസ്ഇബിയിൽ വിളിക്കുമെങ്കിലും വരാം എന്നു പറയുമെന്നല്ലാതെ വരില്ല. ഈ പ്രശ്നപരിഹാരത്തിന് വാർഡ് മെംബറെ കണ്ടെങ്കിലും കോടംതുരുത്ത് മൂന്നാം വാർഡ് മെംബർ കണ്ണൻ കെ. നാഥ് ഓഫിസിൽ നേരിട്ടുചെന്ന് പറഞ്ഞെങ്കിലും പരിഹാരമില്ല. തുടർന്നാണ് വാർഡ് മെമ്പറും അംബുജാക്ഷിയമ്മയും കൂടി ഓഫീസ് ഉപരോധിച്ചത്.
Read Moreആന്റപ്പന് അമ്പിയായം ഓര്മയായിട്ട് ഇന്ന് 11 വര്ഷം; ഹരിതചിന്തകള് പുതുക്കി സുഹൃത്തുക്കള് ഒത്തുചേരും
എടത്വ: പ്രകൃതിക്കുവേണ്ടി ജീവിതം സമര്പ്പിച്ച ആന്റപ്പന് അമ്പിയായം (39) ഓര്മയായിട്ട് ഇന്ന് 11 വര്ഷം. പരിസ്ഥിതി സംരക്ഷണ പ്രവര്ത്തനത്തിലെ സംഘടനകളെയും വ്യക്തികളെയും ഒരു കുടക്കീഴില് അണിനിരത്താനുള്ള ശ്രമത്തിനിടയില് അകാലത്തില് പൊലിഞ്ഞ ആന്റപ്പന് അമ്പിയായത്തിന്റെ ഹരിത ചിന്തകള്ക്ക് സ്മരണ പുതുക്കി സുഹൃത്തുക്കള് മഴമിത്രത്തില് ഒത്തുചേരും. കുട്ടനാട് നേച്ചര് സൊസൈറ്റിയുടെയും ആന്റപ്പന് അമ്പിയായം സ്മാരക സമിതിയുടെയും നേതൃത്വത്തില് കല്ലറയിലും മഴമിത്രത്തിലും പുഷ്പാര്ച്ചന നടത്തും. തുടര്ന്ന് ഉച്ചയ്ക്ക് മൂന്നിന് നടക്കുന്ന അനുസ്മരണ യോഗത്തില് കുട്ടനാട് നേച്ചര് സൊസൈറ്റി പ്രസിഡന്റ് ജയന് ജോസഫ് പുന്നപ്ര അധ്യക്ഷത വഹിക്കും. എടത്വ പഞ്ചായത്ത് പ്രസിഡന്റ് ലിജി വര്ഗീസ് ഉദ്ഘാടനം ചെയ്യും. ലയണ്സ് ക്ലബ് ഓഫ് എടത്വ ടൗണ് പ്രസിഡന്റ് ബില്ബി മാത്യൂ കണ്ടത്തില് മുഖ്യസന്ദേശം നല്കും.മലങ്കര ഓര്ത്തഡോക്സ് സഭാ കവി സിപി ചാണ്ടി ഫൗണ്ടേഷന് ഏര്പ്പെടുത്തിയ ആചാര്യ അവാര്ഡ് നേടിയ ആന്റപ്പന് അമ്പിയായം സ്മാരക സമിതി…
Read Moreകോട്ടയത്തെ ഏഴു മണ്ഡലങ്ങളിലെയും വോട്ടെണ്ണല് ഏഴിടങ്ങളിലായി ഒരേ സമയം; സുരക്ഷയ്ക്ക് കേന്ദ്രസേനയും; നാളെ മദ്യനിരോധനം
കോട്ടയം: നാളെ നടക്കുന്ന കോട്ടയം ലോക്സഭാ മണ്ഡലത്തിലെ വോട്ടെണ്ണലിനുള്ള ക്രമീകരണങ്ങള് ജില്ലാ തെരഞ്ഞെടുപ്പ് ഓഫീസറും വരണാധികാരിയുമായ ജില്ലാ കളക്ടര് വി. വിഗ്നേശ്വരി വിലയിരുത്തി. നാട്ടകത്തെ കോട്ടയം ഗവ.കോളജിലെ വോട്ടെണ്ണല് കേന്ദ്രത്തില് ഏഴു സ്ഥലങ്ങളിലായാണ് വോട്ടെണ്ണലിന് സജ്ജീകരണങ്ങള് ഏര്പ്പെടുത്തിയിട്ടുള്ളത്. കേന്ദ്ര തെരഞ്ഞെടുപ്പ് കമ്മീഷന് നിയോഗിച്ച പൊതുനിരീക്ഷകന് മന്വേഷ് സിംഗ് സിദ്ദുവും വോട്ടെണ്ണല് നിരീക്ഷിക്കുന്നതിനായി നിയോഗിച്ച നിരീക്ഷകരായ ഹെമിസ് നെഗി, ഐ. അമിത് കുമാര് എന്നിവരും ജില്ലയിലെത്തി.നാളെ രാവിലെ എട്ടിന് വോട്ടെണ്ണല് ആരംഭിക്കും. രാവിലെ 7.30ന് സ്ട്രോംഗ് റൂം തുറന്ന് ഇലക്ട്രോണിക് വോട്ടിംഗ് യന്ത്രങ്ങള് വോട്ടെണ്ണല് കേന്ദ്രങ്ങളിലെത്തിക്കും. രാവിലെ എട്ടിന് പോസ്റ്റല് ബാലറ്റുകള് എണ്ണിത്തുടങ്ങും. ഇതേസമയം തന്നെ ഇലക്ട്രോണിക് വോട്ടിംഗ് യന്ത്രങ്ങളിലെ വോട്ടെണ്ണലും ആരംഭിക്കും. ലോക്സഭ മണ്ഡലത്തില് ഉള്പ്പെടുന്ന പിറവം, പാലാ, കടുത്തുരുത്തി, വൈക്കം, ഏറ്റുമാനൂര്, കോട്ടയം, പുതുപ്പള്ളി എന്നീ ഏഴുമണ്ഡലങ്ങളിലെയും വോട്ടെണ്ണല് ഏഴിടങ്ങളിലായി ഒരേ സമയം നടക്കും. സുരക്ഷയ്ക്ക്…
Read Moreസപ്ലൈകോയുടെ പേരില് കോടികളുടെ തട്ടിപ്പ്; പ്രതിക്ക് മറ്റാരുടെയെങ്കിലും സഹായം ലഭിച്ചിട്ടുണ്ടോയെന്ന് അന്വേഷണം
കൊച്ചി: സപ്ലൈകോയുടെ വ്യാജരേഖകള് നിര്മിച്ച് ഏഴ് കോടി രൂപ തട്ടിയ കേസില് അറസ്റ്റിലായ എറണാകുളം കടവന്ത്ര ഔട്ട്ലെറ്റിലെ മുന് അസിസ്റ്റന്റ് മാനേജര്ക്ക് മറ്റാരുടെയെങ്കിലും സഹായം ലഭിച്ചിട്ടുണ്ടോയെന്ന് പോലീസ് അന്വേഷണം ആരംഭിച്ചു. കേസുമായി ബന്ധപ്പെട്ട് എളംകുളം സഹോദരന് അയ്യപ്പന് റോഡില് താമസിക്കുന്ന സതീഷ് ചന്ദ്രന്റെ(67) അറസ്റ്റ് കടവന്ത്ര പോലീസ് രേഖപ്പെടുത്തി. ഇയാള് മുന് മന്ത്രിയുടെ അസിസ്റ്റന്റ് പ്രൈവറ്റ് സെക്രട്ടറിയായിരുന്നു. സപ്ലൈകോ ബ്രാന്ഡ് പ്രൊഡക്ട്സ് മാനേജര് ജെയ്സണ് ജേക്കബ് നല്കിയ പരാതിയിലാണ് അറസ്റ്റ്. സപ്ലൈകോ രണ്ട് വര്ഷമായി ഉപയോഗിക്കാത്ത ഇ മെയില് വിലാസം ഉപയോഗിച്ചാണ് പ്രതി തട്ടിപ്പ് നടത്തിയതെന്നാണ് പോലീസിന്റെ കണ്ടെത്തല്. 2017ല് സര്വീസില്നിന്ന് വിരമിച്ച പ്രതിക്ക് ഈ കൃത്യം ചെയ്യുന്നതിന് മറ്റാരുടെയെങ്കിലും സഹായം ലഭിച്ചിട്ടുണ്ടോയെന്നതടക്കമുള്ള കാര്യങ്ങളാണ് പോലീസ് പരിശോധിച്ച് വരുന്നത്. സംഭവത്തില് കൂടുതല് ജീവനക്കാരുടെ പങ്കുണ്ടോയെന്നും അന്വേഷണം നടക്കുന്നുണ്ട്. കടവന്ത്ര ഔട്ട്ലെറ്റിലെ ജീവനക്കാരുടെ വിവരങ്ങള് പോലീസ് ശേഖരിച്ചിട്ടുണ്ട്. സപ്ലൈകോയുടെ…
Read Moreമുംബൈയിൽനിന്ന് കേരളത്തിലേക്ക് പുതിയ ട്രെയിനിന് ശിപാർശ
കൊല്ലം: മുംബൈയിൽനിന്ന് കേരളത്തിലേക്കു പുതിയ ട്രെയിൻ ആരംഭിക്കുന്നതിന് ശിപാർശ. പൻവേൽ -കൊച്ചുവേളി റൂട്ടിൽ പ്രതിവാര എക്സ്പ്രസ് ഓടിക്കുന്നതിനാണ് കഴിഞ്ഞ മാസം ചേർന്ന ടൈംടേബിൾ കമ്മിറ്റി യോഗം ശിപാർശ ചെയ്തിട്ടുള്ളത്. ഈ നിർദേശം റെയിൽവേ ബോർഡിന്റെ പരിഗണനയിലാണ്. അന്തിമ തീരുമാനം ആയിട്ടില്ല. അതുകൊണ്ടുതന്നെ ജൂലൈയിൽ പുറത്തിറങ്ങുന്ന പുതിയ ടൈംടേബിളിൽ ഈ വണ്ടിയെ ഉൾപ്പെടുത്തുമോ എന്ന കാര്യത്തിൽ വ്യക്തതയില്ല.നിലവിൽ ലോകമാന്യ തിലക് -തിരുവനന്തപുരം നേത്രാവതി എക്സ്പ്രസ് മാത്രമാണ് മുംബൈയിൽനിന്ന് കേരളത്തിലേയ്ക്ക് പ്രതിദിന സർവീസ് നടത്തുന്ന ഏക വണ്ടി. ഇതുകൂടാതെ ലോകമാന്യ തിലക് – കൊച്ചുവേളി ദ്വൈവാര സൂപ്പർ ഫാസ്റ്റ് എക്സ്പ്രസും കേരളത്തിലേക്ക് ഓടുന്നുണ്ട്. ഇത് ജൂലൈ ഒന്നുമുതൽ ആഴ്ചയിൽ അഞ്ചു ദിവസം സർവീസ് നടത്തുന്നതിനും ടൈംടേബിൾ കമ്മിറ്റി ശിപാർശ ചെയ്തിട്ടുണ്ട്. നേരത്തേ മുംബൈ സിഎസ്ടി-കന്യാകുമാരി റൂട്ടിൽ ഓടിയിരുന്ന ജയന്തി ജനത എക്സ്പ്രസുകൾ (16381/16382) ഇപ്പോൾ മുംബൈ വരെ പോകുന്നില്ല. പൂനെ…
Read More