മലപ്പുറം: പൊന്നാനിയില് യുവാവിനെ ആളുമാറി ജയിലിൽ അടച്ച സംഭവം വിവാദമായതോടെ സംഭവത്തിന് ഉത്തരവാദികളായ പോലീസുകാർക്കെതിരേ നടപടിക്ക് സർക്കാർ നീക്കം. സംഭവത്തിൽ സ്പെഷല് ബ്രാഞ്ച് ഡിവൈഎസ്പിയോട് ജില്ലാ പൊലീസ് മേധാവി റിപ്പോര്ട്ട് ആവശ്യപ്പെട്ടു. റിപ്പോര്ട്ട് കിട്ടിയ ശേഷം തുടർ നടപടികളിലേക്ക് കടന്നേക്കും. സംഭവത്തിൽ പൊന്നാനി പൊലീസിന് ഗുരുതരമായ വീഴ്ച പറ്റിയതായാണ് വിലയിരുത്തല്. റിപ്പോർട്ട് കിട്ടിയശേഷം ഇയാളെ അറസ്റ്റ് ചെയ്ത പോലീസ് ഉദ്യോഗസ്ഥർക്കെതിരേ നടപടി വേണമോ എന്ന കാര്യം തീരുമാനിക്കും. വെളിയങ്കോട് സ്വദേശി ആലുങ്ങല് അബൂബക്കറെയാണ് പോലീസ് ആളുമാറി അറസ്റ്റ് ചെയ്തത്. യഥാര്ത്ഥ പ്രതി ഇയാളല്ലെന്ന് കണ്ട് കോടതി കഴിഞ്ഞ ദിവസമാണ് ഇയാളെ മോചിപ്പിച്ചത്. ഭർത്താവ് ജീവനാംശം നൽകുന്നില്ലെന്ന യുവതിയുടെ പരാതിയിലാണ് അബൂബക്കറിനെ പൊന്നാനി പൊലീസ് അറസ്റ്റ് ചെയ്തത്. വടക്കേപുറത്ത് അബൂബക്കർ എന്നയാളിന് പകരം ആലുങ്ങൽ അബൂബക്കറിനെയാണ് പൊലീസ് അറസ്റ്റ് ചെയ്തത്. വടക്കേപുറത്ത് അബൂബക്കർ ഗാർഹിക പീഡന കേസിൽ ശിക്ഷിക്കപ്പെട്ടയാളാണ്.…
Read MoreCategory: Edition News
ജെസ്ന തിരോധാനം: സിബിഐ വരുന്നു; അന്വേഷണം രഹസ്യസ്വഭാവത്തോടെ
കോട്ടയം: ജെസ്ന ജയിംസ് തിരോധാനക്കേസില് സിബിഐ തിരുവനന്തപുരം യൂണിറ്റിന്റെ പുനരന്വേഷണം അടുത്ത മാസം തുടങ്ങും. തിരുവനന്തപുരം സിജെഎം കോടതിയില് ജെസ്നയുടെ പിതാവ് കൊല്ലമുള കുന്നത്ത് ജയിംസ് ജോസഫ് സമര്പ്പിച്ച രേഖകള് കോടതി സിബിഐക്ക് കൈമാറിയിരുന്നു. ഇതിനു പുറമെ ജയിംസ് തനിക്ക് അറിയാവുന്നതും സംശയിക്കുന്നതുമായ രഹസ്യ വിവരങ്ങള് സിബിഐ എസ്പിക്കു മുന്നില് രഹസ്യമൊഴിയായി കഴിഞ്ഞ ദിവസം നല്കിയിട്ടുണ്ട്. കാഞ്ഞിരപ്പള്ളി സെന്റ് ഡൊമിനിക്സ് കോളജ് രണ്ടാം വര്ഷ ബികോമിന് പഠിക്കുമ്പോള് 2018ലാണ് ജെസ്നയെ കാണാതാകുന്നത്. മറ്റാരും അറിയാതെ ജെസ്നയ്ക്കുണ്ടായ സൗഹൃദം, സന്ദര്ശനം, ഫോട്ടോകള് ഉള്പ്പെടെ നിര്ണായകമായ തെളിവുകളും സൂചനകളും സിബിഐക്ക് കൈമാറിയിട്ടുണ്ട്. പോലീസും ക്രൈം ബ്രാഞ്ചും പിന്നീട് സിബിഐയും അന്വേഷണ വിധേയമാക്കാത്ത തലങ്ങളിലായിരിക്കും സിബിഐയുടെ തുടരന്വേഷണം.വിവിധ സംസ്ഥാനങ്ങളില് നിന്നുള്ള ഉദ്യോഗസ്ഥര് ഉള്പ്പെടുന്ന ടീം രഹസ്യസ്വഭാവത്തോടെയായിരിക്കും അന്വേഷണം നടത്തുക.
Read Moreട്രെയിനുകൾ റദ്ദാക്കൽ: അമിതനിരക്കും സമയക്രമവും തിരിച്ചടിയായി
കൊല്ലം: അവധിക്കാല തിരക്ക് നിയന്ത്രിക്കാൻ ഏർപ്പെടുത്തിയ സ്പെഷൽ ട്രെയിനുകൾ കൂട്ടത്തോടെ നിർത്തലാക്കി റെയിൽവേ. കഴിഞ്ഞ ദിവസം സർവീസ് ജൂലൈ വരെ ദീർഘിപ്പിച്ച സ്പെഷൽ ട്രെയിനുകളും ഇതിൽ ഉൾപ്പെടും. ഇത്തരത്തിൽ ആറ് ട്രെയിനുകളാണ് റെയിൽവേ പൊടുന്നനെ റദ്ദാക്കിയത്. നടത്തിപ്പ് ( ഓപ്പറേഷണൽ)- സുരക്ഷാ കാരണങ്ങളാൽ സർവീസുകൾ റദാക്കി എന്നാണ് റെയിൽവേ നൽകിയിട്ടുള്ള വിശദീകരണം. പക്ഷേ യാഥാർഥ്യം അതല്ല. ഭൂരിഭാഗം സ്പെഷൽ ട്രെയിനുകളിലും സ്പെഷൽ യാത്രാ നിരക്കാണ് അവസരം മുതലെടുത്ത് റെയിൽവേ ഈടാക്കുന്നത്. ഇത് പലപ്പോഴും സാധാരാണ നിരക്കിന്റെ മൂന്ന് ഇരട്ടി വരെയാണ്. ഇതാണ് യാത്രക്കാർ സമ്മർ സ്പെഷലുകൾ ഉപേക്ഷിക്കുന്നതിന്റെ പ്രധാന കാരണം. അശാസ്ത്രീയ സമയക്രമമാണ് മറ്റൊരു കാരണം. യാത്രക്കാർക്ക് ഉപകാര പ്രദമായ രീതിയിൽ അല്ല മിക്ക സ്പെഷലുകളുടെയും സമയം നിശ്ചയിച്ചിരിക്കുന്നത്. പകൽ സർവീസ് നടത്തുന്ന വണ്ടികളിൽ പൂർണമായും സ്ലീപ്പർ കോച്ചുകൾ ഏർപ്പെടുത്തിയിരിക്കുന്നതും യാത്രക്കാർക്ക് ബുദ്ധിമുട്ടുണ്ടാക്കുന്നു. ഭൂരിഭാഗം സ്പെഷലുകളിലും ഒന്നോ…
Read Moreരോഗികളുടെ കൂട്ടിരിപ്പുകാരെ ആക്രമിച്ച യുവാക്കളിൽ ഒരാൾ അറസ്റ്റിൽ
അമ്പലപ്പുഴ: രോഗികൾക്കു ഭക്ഷണം വാങ്ങി മടങ്ങിയ കൂട്ടിരിപ്പുകാരെ ആക്രമിച്ച യുവാക്കളിൽ ഒരാൾ അറസ്റ്റിൽ. പുന്നപ്ര പാണ്ഡ്യാലക്കൽ വീട്ടിൽ സുജിത്തി (24) നെയാണ് അമ്പലപ്പുഴ പൊലീസ് അറസ്റ്റ് ചെയ്തത്. തകഴി കുന്നുമ്മ സ്വദേശി അഖിൽ (23), ആറാട്ടുപുഴ സ്വദേശി ഗോകുൽ (19), അമ്പലപ്പുഴ കാക്കാഴം സ്വദേശി ഷഹാൻ (36), വളഞ്ഞവഴി സ്വദേശി അൻസിൽ (39) എന്നിവരെയാണ് സുജിത്ത് ഉൾപ്പെട്ട സംഘം ആക്രമിച്ചത്. പരിക്കേറ്റ ഇവർ ആലപ്പുഴ മെഡിക്കൽ കോളജ് ആശുപത്രിയിൽ ചികിത്സ തേടി. രാത്രി ഒൻപതിന് ആശുപത്രിക്ക് പുറത്തുനിന്ന് രോഗികൾക്ക് ആവശ്യമായ ഭക്ഷണം വാങ്ങി മടങ്ങിയ ഇവരെ അഞ്ചംഗ സംഘം അകാരണമായി ആക്രമിക്കുകയായിരുന്നു. വിവരമറിഞ്ഞ് ആശുപത്രി എയ്ഡ് പോസ്റ്റ് പോലീസ് എത്തിയപ്പോൾ അക്രമികൾ ഓടി രക്ഷപ്പെടാൻ ശ്രമിക്കുന്നതിനിടെ സുജിത് പിടിയിലാകുകയായിരുന്നു. മറ്റു പ്രതികൾക്കായി പോലീസ് അന്വഷണമാരംഭിച്ചു.
Read Moreഇതെന്ത് പണി? മഴയില് ദേശീയപാതയും തകര്ന്നുതുടങ്ങി; നിര്മാണകരാറുകാര്ക്കെതിരേ പരക്കെ ആക്ഷേപം
കോഴിക്കോട്: ദേശീയപാത ബൈപാസിലെ നിര്മാണ പ്രവൃത്തികള് മഴ എത്തിയതോടെ വിവാദത്തില്. പണി പൂര്ത്തിയാക്കുന്ന തിരക്കില് അപ്രോച്ച് റോഡുകളില് ഉള്പ്പെടെ നിര്മാണ പ്രവൃത്തികള് നല്ല രീതിയിലല്ല നടന്നതെന്ന ആക്ഷേപമാണ് ഉയരുന്നത്. കഴിഞ്ഞ ഒരാഴ്ചക്കിടെ മൂന്നുസ്ഥലങ്ങളിലാണ് റോഡ് തകര്ന്നത്. ഇന്നലെ വൻ കോൺക്രീറ്റ് ഭിത്തി സ്ഫോടക ശബ്ദത്തോടെ തകർന്നുവീണു. പന്തീരാങ്കാവ് രാമനാട്ടുകര ദേശീയപാത ബൈപാസിലെ കൊടൽ സടക്കാവ് ചിറക്കൽ കാവിനു സമീപത്തെ സർവീസ് റോഡ് പാർശ്വ ഭീമൻ ഭിത്തിയാണ് രാത്രി നിലംപതിച്ചത്. കോൺക്രീറ്റ് കഷണം തെറിച്ചുവീണു ചിറക്കൽ മോഹനന് (62) തലയ്ക്ക് പരിക്കേറ്റു. വൃക്ഷങ്ങളും പൊട്ടിവീണു. ഒരു വാഹനം വന്നാല് റോഡ് തകര്ന്നുവീഴുമെന്ന അവസ്ഥയാണ്. ഇന്നലെ രാത്രി ആംബുലന്സ് പോലും റോഡില് കുടുങ്ങുന്ന അവസ്ഥയിലായി. സമീപത്ത് തന്നെ അങ്കണവാടികളും നിരവധി വീടുകളുമുണ്ട്. ചെവ്വാഴ്ച രാത്രി കൊടല് നടക്കാവില് നിന്ന് ഈരാട്ടുകുന്ന് ഭാഗത്തേക്ക് പോകുന്ന വഴിയില് റോഡ് തകര്ന്ന് ലോറി മറിഞ്ഞിരുന്നു.…
Read Moreകസ്റ്റഡിയിൽനിന്നു രക്ഷപ്പെട്ട പീഡനക്കേസ് പ്രതി പിടിയിൽ
പത്തനംതിട്ട: അറസ്റ്റ് ചെയ്ത് കൊണ്ടുവരുംവഴി പോലീസ് കസ്റ്റഡിയിൽനിന്നു രക്ഷപ്പെട്ട പീഡനക്കേസ് പ്രതിയെ സൈബർ പോലീസ് പിടികൂടി. പത്തനംതിട്ട സൈബർ പോലീസ് കഴിഞ്ഞ വർഷം രജിസ്റ്റർ ചെയ്ത പോക്സോ കേസിലെ പ്രതിയായ റാന്നി വടശേരിക്കര പേഴുമ്പാറ ഉമ്മാമുക്ക് നെടിയകാലായിൽ വീട്ടിൽ സച്ചിൻ രവി(27)യാണ് അറസ്റ്റിലായത്. തമിഴ്നാട് കാവേരി പട്ടണത്തിൽ വച്ച് പോലീസ് കസ്റ്റഡിയിൽനിന്നു ചാടിപ്പോയ പ്രതിയെ ജില്ലാ പോലീസ് മേധാവി വി. അജിത്തിന്റെ നിർദേശത്തെത്തുടർന്ന് വ്യാപകമാക്കിയ അന്വേഷണത്തിൽ ബംഗളൂരുവിൽനിന്നാണ് പിടികൂടിയത്.ഒളിവിൽ കഴിയുന്നതറിഞ്ഞു ബംഗളൂരുവിലെത്തിയ സൈബർ പോലീസ് സംഘം അവിടത്തെ പോലീസിന്റെ സഹായത്തോടെ കസ്റ്റഡിയിലെടുത്ത് പത്തനംതിട്ടയിൽ ഇന്നലെ എത്തിക്കുകയായിരുന്നു. കേസ് രജിസ്റ്റർ ചെയ്യുമ്പോൾ പ്രായപൂർത്തിയായിട്ടില്ലാത്ത പെൺകുട്ടിയെ പ്രണയം നടിച്ച് വിവാഹവാഗ്ദാനം നൽകി വശീകരിച്ച് പ്രതിയുടെ വീട്ടിലെത്തിച്ച് പീഡിപ്പിക്കുകയായിരുന്നു. തുടർന്ന് ഇയാളുടെ ഫോണിൽ ചിത്രമെടുത്തു സൂക്ഷിക്കുകയും ഫോണിൽ വിളിച്ച് ഭീഷണിപ്പെടുത്തുകയും കുട്ടിയുടെ പേരിൽ വ്യാജ സോഷ്യൽ മീഡിയ അക്കൗണ്ടുണ്ടാക്കുകയും ചെയ്തു. 2023…
Read Moreകനത്ത മഴ; കോഴിക്കോട് മെഡിക്കല് കോളജ് ഐസിയുവില് വെള്ളം കയറി
കോഴിക്കോട്: കനത്ത മഴയില് മെഡിക്കല് കോളജ് ഐസിയുവിനും രക്ഷയില്ല. കോഴിക്കോട് മെഡിക്കല് കോളജ് മാതൃശിശുസംരക്ഷണ കേന്ദ്രത്തിലെ പീഡിയാട്രിക് ഐസിയുവാണ് വെള്ളം കയറിയത്. ഐസിയുവില് ഒട്ടേറെ ഉപകരണങ്ങള് സ്ഥാപിച്ച മുറിയിലെ വെള്ളം ഒടുവില് ജീവനക്കാര് കോരിക്കളയുകയായിരുന്നു. ഇതോടനുബന്ധിച്ചുള്ള ഐസൊലേഷന് വാര്ഡുകളിലും വെള്ളം കയറി. ഇവിടെ ചികില്സയിലുണ്ടായിരുന്ന കുട്ടികളെ മറ്റൊരു വാര്ഡിലേക്ക് മാറ്റി. ആശുപത്രിക്ക് പിന്നിലുള്ള ഡ്രെയ്നേജിലേക്ക് മലിന ജലത്തോടൊപ്പം മഴവെള്ളം കൂടി കുത്തി ഒലിച്ചുവന്നതാണ് കാരണമെന്നാണ് അധികൃതരുടെ വിശദീകരണം. അതേസമയം സംഭവം വലിയ വിവാദമായിട്ടുണ്ട്. എന്നാല് ആദ്യമായിട്ടാണ് ഇത്തരമൊരു അവസ്ഥ വന്നതെന്നാണ് ആശുപത്രി അധികൃതരുടെ വിശദീകരണം. ഗൈനക്കോളജി വാര്ഡുകള്, സ്ത്രീകളുടെ ഐസിയു, ലിഫ്റ്റുകള് എന്നിവിടങ്ങളിലും മഴവെള്ളം പ്രതിസന്ധിക്കിടയാക്കി.
Read Moreമീൻ പിടിക്കാൻ പോയ യുവാവ് തോട്ടിൽ വീണു മരിച്ചു
കോട്ടയം: ഓണംതുരുത്ത് പാടശേഖരത്ത് മീൻ പിടിക്കാൻ പോയ യുവാവ് വയലിനു സമീപമുള്ള തോട്ടിൽ കാൽവഴുതിവീണു മരിച്ചു. ഓണംതുരുത്ത് മുട്ടത്തിൽ വിമോദ് (42) ആണു മരിച്ചത്. ഇന്നലെ രാത്രി 11നു ആയിരുന്നു സംഭവം. സുഹൃത്തക്കളോടൊപ്പം മീൻപിടിക്കാൻ പോയി തിരിച്ചുവരുമ്പോൾ വയലിലെ വെള്ളക്കെട്ടിലേക്കു കാൽവഴുതി വീഴുകയായിരുന്നു. രാത്രിതന്നെ ഫയർഫോഴ്സ് തെരച്ചിൽ നടത്തിയെങ്കിലും മൃതദേഹം കണ്ടുകിട്ടിയില്ല. ഇന്നു രാവിലെ നാട്ടുകാർ നടത്തിയ തെരച്ചിലിലാണു മൃതദേഹം കണ്ടെത്തിയത്. സംസ്കാരം ഇന്ന് വൈകുന്നേരം അഞ്ചിനു വീട്ടുവളപ്പിൽ.
Read Moreകനത്ത മഴ; മലങ്കര ഡാമിന്റെ നാലു ഷട്ടറുകള് തുറന്നു
തൊടുപുഴ: കനത്ത മഴയില് ജല നിരപ്പുയര്ന്നതിനെ തുടര്ന്ന് മലങ്കര ഡാമിന്റെ നാലു ഷട്ടറുകള് തുറന്നു. രണ്ട്, നാല്, അഞ്ച്, ആറ് ഷട്ടറുകളാണ് തുറന്നത്. കഴിഞ്ഞ ദിവസം രണ്ടു ഷട്ടറുകള് തുറന്ന് വെള്ളം പുറത്തേയ്ക്കൊഴുക്കിയിരുന്നു. ഡാമില് ജലനിരപ്പുയര്ന്നതിനെത്തുടര്ന്നാണ് കൂടുതല് ഷട്ടറുകള് തുറന്നത്. തൊടുപുഴയാറിന്റെയും മൂവാറ്റുപുഴയാറിന്റെയും തീരങ്ങളില് താമസിക്കുന്നവര്ക്ക് ജാഗ്രതാ നിര്ദേശം നല്കിയിട്ടുണ്ട്. 42 മീറ്ററാണ് മലങ്കര ഡാമിന്റെ പരമാവധി സംഭരണ ശേഷി. നിലവില് 40.50 മീറ്ററാണ് ഡാമിലെ ജലനിരപ്പ്. മഴ ശക്തിപ്പെട്ടതും മലങ്കര പവര്ഹൗസില് വൈദ്യുതോത്പാദനം കൂട്ടിയതുമാണ് ഇപ്പോള് ജലനിരപ്പുയരാന് കാരണം. എന്നാല് ജലനിരപ്പ് ബ്ലൂ ലെവലിലും താഴെയാണെന്നും ആശങ്കപ്പെടേണ്ട സാഹചര്യമില്ലെന്നും എംവിഐപി അധികൃതര് അറിയിച്ചു. കനത്ത മഴയുടെ പശ്ചാത്തലത്തില് ജില്ലയില് ഇന്ന് റെഡ് അലര്ട്ട് പ്രഖ്യാപിച്ചിട്ടുണ്ട്.
Read Moreമൂന്നാര് പെരിയവരൈ എസ്റ്റേറ്റില് കടുവ; രണ്ടു പശുക്കളെ കൊന്നു
മൂന്നാര്: പെരിയവരൈ എസ്റ്റേറ്റില് രണ്ടു പശുക്കളെ കടുവ ആക്രമിച്ചു കൊന്നു. പെരിയവരൈ ലോവര് ഡിവിഷനില് നേശമ്മാളിന്റെ പശുക്കളെയാണ് കടുവ കൊലപ്പെടുത്തിയത്. തോട്ടത്തില് മേയാന് വിട്ടിരുന്ന പശുക്കള് മടങ്ങി വരാത്തതിനെത്തുടര്ന്ന് നടത്തിയ തിരിച്ചിലിലാണ് ഇവയെ ചത്ത നിലയില് കണ്ടെത്തിയത്. ഇവിടെ കടുവയെ കണ്ടതായി ചില നാട്ടുകാരും നേരത്ത വിവരം നല്കിയിരുന്നു. വനംവകുപ്പധികൃതര് സ്ഥലത്തെത്തി പരിശോധന നടത്തി. ഇതിനു സമീപത്തെ കന്നിമല എസ്റ്റേറ്റിലും കടുവയുടെ സാന്നിധ്യം സ്ഥിരീകരിച്ചിരുന്നു. തോട്ടത്തിലൂടെ നടന്നു പോകുന്ന കടുവകളുടെ ചിത്രവും ലഭിച്ചിരുന്നു. കഴിഞ്ഞ ഒരു വര്ഷത്തിനിടെ 12 പശുക്കളാണ് പെരിയവരൈ എസ്റ്റേറ്റില് കടുവയുടെ ആക്രമണത്തില് കൊല്ലപ്പെട്ടത്. മൂന്നാര് ടൗണില് നിന്നു രണ്ടര കിലോമീറ്റര് മാത്രം അകലെയാണ് പെരിയവരൈ എസ്റ്റേറ്റ്. ഒരു മലയ്ക്കപ്പുറമുള്ള പെരിയവരൈയില് കടുവയുടെ ആക്രമണമുണ്ടായത് മൂന്നാര് നിവാസികളെയു ഭീതിയിലാഴ്ത്തിയിരിക്കുകയാണ്. പടയപ്പയെ പോലെയുള്ള കാട്ടാനകളുടെ ഭീഷണി തുടരുന്നതിനിടെയാണ് കടുവയുടെ ഭീതിയും ഉയര്ന്നിരിക്കുന്നതെന്ന് നാട്ടുകാര് പറഞ്ഞു.
Read More