കോട്ടയം: കോട്ടയം ലോക്സഭ മണ്ഡലത്തില് എന്ഡിഎ സ്ഥാനാര്ഥിയായി ബിഡിജെഎസ് സംസ്ഥാന പ്രസിഡന്റ് തുഷാര് വെള്ളാപ്പള്ളി മത്സരിക്കും. ഇന്ന് രാവിലെ കോട്ടയത്ത് തുഷാര് വെള്ളാപ്പള്ളിയാണ് പ്രഖ്യാപനം നടത്തിയത്. ഇടുക്കി ലോക് സഭാ സീറ്റില് ബിഡിജെഎസ് സ്ഥാനാര്ഥിയായി സംഗീതാ വിശ്വനാഥനും മത്സരിക്കും. റബര് കര്ഷകരുടെ പ്രശ്നങ്ങള്ക്ക് പരിഹാരം കാണാന് നരേന്ദ്രമോദി സര്ക്കാരിന് മാത്രമെ സാധിക്കുവെന്നും തെരഞ്ഞെടുപ്പ് കഴിഞ്ഞാല് 250 രൂപ റബര് അടിസ്ഥാന വില നിശ്ചയിക്കാന് ബുദ്ധിമുട്ട് ഉണ്ടാകില്ലെന്നും തുഷാര് പറഞ്ഞു. നാലു സീറ്റുകളാണ് ബിഡിജെഎസിന് മുന്നണിയില് ലഭിക്കുക. മാവേലിക്കരയില് ബൈജു കലാശാല, ചാലക്കുടിയില് കെ.എ ഉണ്ണികൃഷ്ണന് എന്നിവരുടെ സ്ഥാനാര്ഥി പ്രഖ്യാപനം മുന്പു നടത്തിയിരുന്നു. എന്ഡിഎ മുന്നണിയില് ബിജെപി സ്ഥാനാര്ഥി പ്രഖ്യാപനം പൂര്ണമായിട്ടില്ല. കൊല്ലം, വയനാട്, എറണാകുളം സീറ്റുകളിലെ സ്ഥാനാര്ഥികളെയാണ് പ്രഖ്യാപിക്കാനുള്ളത്.
Read MoreCategory: Edition News
കുമരകത്തെ ശുദ്ധജലക്ഷാമം പരിഹരിക്കാനാകാതെ വാട്ടർ അഥോറിറ്റി; വെള്ളം കിട്ടാതെ വലഞ്ഞ് നാട്ടുകാർ
കുമരകം: കുമരകത്തെ പല വാർഡുകളിലും ശുദ്ധജലം ലഭിക്കുന്നില്ലന്ന് ഉപഭോക്താക്കൾ പരാതിപ്പെടുമ്പോൾ പരിഹാരം കാണാൻ കഴിയാതെ വാട്ടർ അഥോറിറ്റി ഉദ്യോഗസ്ഥർ ഉറക്കം നടിക്കുകയാണെന്ന് ആരോപണം. നാല്, എട്ട് വാർഡുകളിലെ ജനങ്ങളുടെ കുടിവെള്ളം മുടങ്ങിയിട്ട് നാളേറെയായി. അറ്റകുറ്റപണികളുടെ പേരിൽ ജല വിതരണം മുടങ്ങുമെന്നു പലപ്പോഴും അറിയിപ്പ് പുറപ്പെടുവിക്കുന്നതല്ലാതെ അറ്റകുറ്റപണിയുടെ ഫലം നാട്ടുകാർക്ക് ലഭിക്കുന്നില്ല. പ്രധാന പൈപ്പ് ലൈനും വിതരണ ലൈനുകളും പൊട്ടി ലക്ഷകണക്കിന് ലിറ്റർ ശുദ്ധജലമാണ് പാഴായിക്കൊണ്ടിരിക്കുന്നത്. വേനൽ കടുക്കുന്നതിനാൽ വെള്ളത്തിന്റെ ഉപയോഗവും ഏറിയിരിക്കുകയാണ്. ചെങ്ങളം കുന്നുംപുറത്തെ ശുദ്ധീകരണ പ്ലാന്റിൽ നിന്നു പമ്പ് ചെയ്യുന്ന വെള്ളത്തിന്റെ നല്ലൊരു പങ്ക് കുമരകത്തെ ഓവർ ഹെ ഡ് ടാങ്കുകളിൽ എത്താതെ പാഴായിപ്പോകുന്നു. കുമരകം റോഡിൽ ഒന്നാംകലുങ്കിനു സമീപം പ്രധാന പൈപ്പിൽ നിന്നു തരിശുപാടത്തേക്ക് വെള്ളം ഒഴുകി പാഴാകുന്നത് പരിഹരിക്കാൻ കഴിഞ്ഞിട്ടില്ല. പുത്തൻപള്ളിക്കു സമീപത്തെ തരിശു പാടത്തേക്കും ധാരാളം ശുദ്ധജലമാണ് ഒഴുകിപ്പോകുന്നത്. ഇവിടെ പൈപ്പ്…
Read Moreകടലാക്രമണത്തിന് സാധ്യത; മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്ന് കർശന നിർദേശം
തിരുവനന്തപുരം: ഇന്ന് രാത്രി 11.30 വരെ കേരള തീരത്ത് 0.5 മുതൽ 1.5 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതിപഠന ഗവേഷണ കേന്ദ്രം അറിയിച്ചു. മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം. മത്സ്യബന്ധന യാനങ്ങൾ (ബോട്ട്, വള്ളം, മുതലായവ) ഹാർബറിൽ സുരക്ഷിതമായി കെട്ടിയിട്ട് സൂക്ഷിക്കുക. ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കണമെന്നും മുന്നറിയിപ്പിൽ പറയുന്നു.
Read Moreവലയിലെ അത്ഭുതം; വയ്യാങ്കരച്ചിറയിലെ വലയിൽ കുടുങ്ങിയ കാളാഞ്ചിക്ക് തൂക്കം 27 കിലോ
ചാരുംമൂട്: താമരക്കുളം വയ്യാങ്കരച്ചിറയിൽനിന്നു 27 കിലോ തൂക്കം വരുന്ന മത്സ്യത്തെ പിടിച്ചു. ഇന്നലെ ഉച്ചയ്ക്ക് 12ന് കാളാഞ്ചി ഇനത്തിൽപ്പെട്ട മത്സ്യത്തെയാണ് കിട്ടിയത്. വേനൽ കടുത്തതോടെ ചിറയിൽ വെള്ളം കുറവായ സമയം നാട്ടുകാരനായ രാജീവും സംഘവുമാണ് മത്സ്യത്തെ പിടിച്ചത്. വർഷങ്ങൾക്ക് മുമ്പ് ഈ ഇനത്തിൽപ്പെട്ട മത്സ്യക്കുഞ്ഞുങ്ങളെ ചിറയിൽ വളർത്തിയിരുന്നു. അതിൽ പെട്ടതാവാം മത്സ്യമെന്ന് കരുതുന്നു. വലയിൽ കുടുങ്ങിയ മത്സ്യത്തെ ഏറെ നേരത്തെ ശ്രമഫലമായാണ് പിടിച്ച് കരയ്ക്കെത്തിക്കാനായത്. തമിഴ്നാട്ടിലെ ചിദംബരത്ത് രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ഫിഷറീസിൽനിന്നുമായിരുന്നു മത്സ്യക്കുഞ്ഞുങ്ങളെ കൊണ്ടുവന്നത്. ഇവിടെ മാത്രമാണ് ഈ ഇനത്തിൽപ്പെട്ട മത്സ്യക്കുഞ്ഞുങ്ങൾ ലഭിക്കുക. പിടിച്ച മത്സ്യം മുറിച്ച് കിലോയ്ക്ക് 300 രൂപ ക്രമത്തിൽ വില്പന നടത്തി.
Read Moreതുമരംപാറയിൽ പുലിയെ തേടി നാട്ടുകാർ; മൂക്കൻപെട്ടിയിൽ കാട്ടുപോത്ത്
എരുമേലി: വന്യജീവി വിളയാട്ടം പതിവായതോടെ എരുമേലിയിലെ വനാതിർത്തി മേഖലയിൽ ഭീതി വർധിക്കുന്നു. തുമരംപാറ ഭാഗത്ത് കഴിഞ്ഞ ദിവസം രാത്രിയിൽ നാട്ടുകാരിൽ ചിലർ പുലിയെ കണ്ടെന്ന് അറിയിച്ചതിനെത്തുടർന്ന് പ്രദേശമാകെ പരിഭ്രാന്തിയിലായി. വിവിധ സംഘങ്ങളായി നാട്ടുകാർ തെരച്ചിൽ നടത്തിയതോടെ വന്യജീവിയുടെ കാൽപ്പാടുകൾ പതിഞ്ഞത് കണ്ടെത്തി. തുടർന്ന് വനപാലകസംഘം എത്തി പരിശോധിച്ച് പുലിയുടെ കാൽപ്പാടല്ലെന്ന് വ്യക്തമാക്കി. പാക്കാനോ വള്ളിപ്പുലിയോ ആയിരിക്കാമെന്ന് വനപാലക സംഘം അറിയിച്ചെങ്കിലും നാട്ടുകാർക്ക് ഉറക്കം നഷ്ടപ്പെട്ട രാത്രിയായിരുന്നു കഴിഞ്ഞ ദിവസം. ഇതേ രാത്രിയിലാണ് ഏതാനും കിലോമീറ്റർ അകലെ മൂക്കൻപെട്ടിയിൽ വീടുകൾക്കു സമീപം കാട്ടുപോത്ത് എത്തി നാട്ടുകാർ ഭയചകിതരായത്. മൂക്കൻപെട്ടി, പത്തേക്കർ, അരുവിക്കൽ കോളനി ഭാഗങ്ങളിൽ ആണ് കാട്ടുപോത്ത് രാത്രിയിൽ എത്തിയത്. കഴിഞ്ഞയിടെ രണ്ട് കർഷകരാണ് കണമലയിൽ വീട്ടുമുറ്റത്തും പറമ്പിലും കാട്ടുപോത്തിന്റെ ആക്രമണത്തിൽ കൊല്ലപ്പെട്ടത്. മൃഗസ്നേഹം പറയുന്ന വനംവകുപ്പ് കാട്ടിൽ മൃഗങ്ങളുടെ ആവാസ വ്യവസ്ഥ സംരക്ഷിക്കാനാണ് ആദ്യം നടപടി സ്വീകരിക്കേണ്ടതെന്ന്…
Read Moreസ്റ്റോക്ക് മാര്ക്കറ്റ് ട്രേഡിംഗിന്റെ പേരിൽ പ്രിയങ്ക തട്ടിയത് കോടികൾ; എല്ലാത്തിനും ഒത്താശ ചെയ്ത് അമ്മയും സഹോദരനും
കോഴിക്കോട്: സ്റ്റോക്ക് മാര്ക്കറ്റ് ട്രേഡിംഗ് എന്ന പേരില് സംസ്ഥാനത്തിനകത്തും പുറത്തുമായി നിരവധി പേരുടെ കൈയില് നിന്നു കോടികള് കൈക്കലാക്കി മുങ്ങിയ യുവതിക്കു തണലായി നിന്നതു കുടുംബമെന്നു പോലീസ്. തിരുവനന്തപുരം മലയന്കീഴ് മൈക്കിള് റോഡില് ശാന്തന്മൂല കാര്ത്തിക ഹൗസില് ബി.ടി. പ്രിയങ്ക (30)യാണ് കഴിഞ്ഞദിവസം പിടിയിലായത്. തട്ടിപ്പു കേസിൽ ഇന്നലെ തിരുവമ്പാടി പോലീസ് എട്ടു മണിക്കൂറോളം ഇവരെ ചോദ്യം ചെയ്തിരുന്നു. പ്രിയങ്കയുടെ അമ്മയും സഹോദരന് രാജീവും ആണ്സുഹൃത്ത് ഷംനാസും കൃത്യത്തില് പങ്കാളികളാണെന്ന് അന്വേഷണ ഉദ്യോഗസ്ഥര് പറയുന്നു. ആഡംബര ജീവിതം നയിച്ചിരുന്ന ഇവര് ചോദ്യങ്ങളില്നിന്ന് ഒഴിഞ്ഞുമാറുന്ന സമീപനമാണ് സ്വീകരിച്ചത്. നിയമോപദേശം ഇവര്ക്കു ലഭിച്ചിട്ടുണ്ടെന്നും പോലീസ് പറയുന്നു. പണം തിരിച്ചുനല്കിയതായി പറയുന്നുണ്ടെങ്കിലും ആ രേഖകളൊന്നും ഇവര് ഉദ്യോഗസ്ഥരെ കാണിച്ചിട്ടില്ലെന്നാണു വിവരം.പ്രതിയെ അറസ്റ്റ് ചെയ്ത തിരുവമ്പാടി പോലീസ് ഉദ്യോഗസ്ഥര് തന്നെയാണ് ചോദ്യം ചെയ്യലിനു നേതൃത്വം നല്കിയതും. മാനന്തവാടി ജയിലില് ജുഡീഷ്യല് കസ്റ്റഡിയിലായിരുന്ന യുവതിയെ…
Read Moreവിദേശത്ത് കെട്ടിയിട്ട് പീഡിപ്പിച്ചുവെന്ന യുവതിയുടെ പരാതി; സംഭവത്തില് സര്വത്ര ദുരൂഹത; പ്രതിയുടെ വ്യാപാര ഇടപാടുകളെക്കുറിച്ച് അന്വേഷണം
കോഴിക്കോട്: യുവതിയെ വിദേശത്ത് കെട്ടിയിട്ട് പീഡിപ്പിച്ച സംഭവത്തില് പ്രതിയുടെ വ്യാപാര ഇടപാടുകളെക്കുറിച്ചും പോലീസ് അന്വേഷണം. പ്രതി ദുബൈയിലെ വ്യാപാരിയായ എം.ടി.കെ. അഹമ്മദിനെതിരെയാണ് നാദാപുരം പോലീസ് കേസ് എടുത്തിരിക്കുന്നത്. ഇയാളെ നാട്ടിലെത്തിക്കാനുള്ള ശ്രമങ്ങള് ആരംഭിച്ചതായി പോലീസ് അറിയിച്ചു. ഇയാളെ മുന്പ് നാട്ടില് വച്ച് ക്വട്ടേഷന് സംഘം തട്ടികൊണ്ടുപോയതായുള്ള പരാതി പോലീസിന് ലഭിച്ചിരുന്നു. വ്യാപാര തര്ക്കങ്ങളെ തുടര്ന്നായിരുന്നു ഈ തട്ടികൊണ്ടുപോകലെന്നായിരുന്നു പോലീസ് അന്വേഷണത്തില് വ്യക്തമായത്. 2021 ഫെബ്രുവരിആറിനായിരുന്നു ഈ സംഭവം. എന്നാല് പോലീസ് അന്വേഷണം നടക്കുന്നതിനിടെ ഇയാള് മൂന്നാം ദിവസം നാട്ടില് തിരിച്ചെത്തി. മലപ്പുറത്ത് അഞ്ജാത കേന്ദ്രത്തില് താമസിപ്പിച്ച തന്നെ മൂന്നാം ദിവസം രാമനാട്ടുകരയില് ഇറക്കി വിടുകയും അവിടെ നിന്നു കെഎസ്ആര്ടിസി ബസില് നാട്ടിലെത്തുകയുമായിരുന്നുവെന്നാണ് ഇയാള് പോലീസിന് നല്കിയ മൊഴി. ഈ സംഭവത്തില് ഇതുവരെ ദുരൂഹത നീങ്ങിയിട്ടില്ല. ഇതിനിടയിലാണ് കഴിഞ്ഞ ദിവസം ഇയാള്ക്കെതിരേ പീഡന പരാതി ഉയര്ന്നിരിക്കുന്നത്. ഈ കേസിലെ…
Read Moreമുൻ സിഎംഡിയുടെ പരിഷ്കാരങ്ങൾ പൊളിച്ചടുക്കുന്നു; കെഎസ്ആർടിസി വീണ്ടും; ‘പഴയ റൂട്ടിലേക്ക് ’
ചാത്തന്നൂർ: കെഎസ്ആർടിസിയുടെ മുൻ സിഎംഡിയായിരുന്ന ബിജു പ്രഭാകർ നടപ്പാക്കിയ ഭരണപരിഷ്കാരങ്ങൾ പുതിയ വകുപ്പുമന്ത്രിയുടെ നേതൃത്വത്തിൽ പൊളിച്ചടുക്കുന്നു. തൊഴിലാളികളുടെ എതിർപ്പുപോലും അവഗണിച്ചായിരുന്നു ഭരണപരിഷ്കാരങ്ങൾ. അതിൽ ഏറ്റവും പ്രധാനമായിരുന്നു യൂണിറ്റ് ഓഫീസുകൾ നിർത്തലാക്കി കേന്ദ്രീകൃത ജില്ലാ ഓഫീസ് സംവിധാനവും ബസുകളുടെ കോമൺ പൂൾ സംവിധാനവും ജില്ലാ വർക്ക് ഷോപ്പും. ഭരണനിർവഹണ സൗകര്യത്തിനെന്ന കാരണത്താലാണ് യൂണിറ്റ് ഓഫീസുകൾ നിർത്തലാക്കി ജില്ലാ ഓഫീസുകൾ രുപീകരിച്ചത്. എന്നാൽ ജില്ലാ ഓഫീസുകളുടെ പ്രവർത്തനം ഉടൻ പ്രാബല്യത്തിൽ നിർത്തലാക്കാനും യൂണിറ്റ് ഓഫീസുകളുടെ പ്രവർത്തനം പഴയ കാലത്തെപ്പോലെ പുനഃസ്ഥാപിക്കാനും ഇപ്പോഴത്തെ സിഎംഡി പ്രമോജ്ശങ്കർ ഇന്നലെ ഉത്തരവിറക്കി. ജില്ലാ ഓഫീസുകളിൽനിന്നു ജീവനക്കാരെ യൂണിറ്റ് ഓഫീസുകളിലേക്ക് ഉടൻ പുനർവിന്യസിക്കാൻ ജില്ലാ ഓഫീസർമാർക്കു നിർദേശം നല്കിയിട്ടുണ്ട്. യൂണിറ്റ് ഓഫീസുകളിൽ ആവശ്യമായ കമ്പ്യൂട്ടർ, അനുബന്ധ ഉപകരണങ്ങൾ എന്നിവ ഉടൻ സ്ഥാപിക്കണം. യൂണിറ്റ് ഓഫീസുകൾ പ്രവർത്തിപ്പിക്കുന്നതിനാവശ്യമായ അടിയന്തര സിവിൽ വർക്കുകൾ ചെയ്യാനും യൂണിറ്റ് ഓഫീസുകൾ പൂർണമായും…
Read Moreപായിപ്പാട് സര്വീസ് സഹകരണ ബാങ്കിലെ തിരിമറി; തട്ടിയെടുത്തത് കോടികൾ; മുന്സെക്രട്ടറി ക്രൈംബ്രാഞ്ചിന്റെ പിടിയില്
ചങ്ങനാശേരി: പായിപ്പാട് സെന്ട്രല് സര്വീസ് സഹകരണ ബാങ്കിലെ സാമ്പത്തിക ക്രമക്കേടുമായി ബന്ധപ്പെട്ട് മുന് സെക്രട്ടറിയെ ക്രൈംബ്രാഞ്ച് അറസ്റ്റ് ചെയ്തു. പായിപ്പാട് കളത്തില് കെ.എന്. ബിന്ദുമോള്(54) ആണ് അറസ്റ്റിലായത്. കോട്ടയം ജില്ലാ ക്രൈംബാഞ്ച് ഡിവൈഎസ്പി മാത്യു ജോര്ജിന്റെ നേതൃത്വത്തിലുള്ള സംഘമാണ് ബിന്ദുവിനെ അറസ്റ്റ് ചെയ്തത്. ഇവരെ കോടതിയില് ഹാജരാക്കി കോട്ടയം വനിതാസെല്ലില് റിമാന്ഡ് ചെയ്തു. പ്രതി ജോലി ചെയ്തിരുന്ന സഹകരണബാങ്കില് പണയം വച്ചിരുന്നതും ചിട്ടിക്ക് ഈടുവച്ചിരുന്നതുമായ സ്വര്ണം പുറത്തെടുത്ത് നാലുകോടിയിലുള്ള മറ്റാരു ബാങ്കില് പണയംവച്ച് പണം എടുത്തതായും ഇടപാടുകാരില്നിന്നു സഹകരണ ബാങ്കില് ഫിക്സഡ് ഡിപ്പോസിറ്റായി സ്വീകരിച്ച രണ്ടുകോടിയോളം രൂപയില് തിരിമറി നടത്തിയതായും കണ്ടെത്തിയതിന്റെ അടിസ്ഥാനത്തിലാണ് ഇവരെ അറസ്റ്റ് ചെയ്തതെന്ന് ഡിവൈഎസ്പി മാത്യു ജോര്ജ് പറഞ്ഞു. ക്രമക്കേടുമായി ബന്ധപ്പെട്ട് തൃക്കൊടിത്താനം പോലീസ് കഴിഞ്ഞ ഡിസംബര് പകുതിയോടെ കേസ് ഫയല് ചെയ്തിരുന്നു. ഇതോടെ ബിന്ദുമോള് ഒളിവില് പോകുകയായിരുന്നു. ഒളിവില് കഴിഞ്ഞിരുന്ന അവര്…
Read Moreസര്വീസ് സഹകരണ ബാങ്കില്നിന്നു സ്ഥിരനിക്ഷേപം പിന്വലിക്കാനെത്തിയ വീട്ടമ്മയെ ബാങ്ക് അധികൃതർ കൈയേറ്റം ചെയ്തതായി പരാതി
കോട്ടയം: തിരുവഞ്ചൂര് സര്വീസ് സഹകരണ ബാങ്കില്നിന്നു പണം പിന്വലിക്കാനെത്തിയ വീട്ടമ്മയും ബാങ്ക് അധികൃതരും തമ്മില് വാക്കേറ്റം. ഇന്നലെ രാവിലെ തിരുവഞ്ചൂരിലെ ബാങ്കിലായിരുന്നു സംഭവം. തിരുവഞ്ചൂര് കനകത്തില് ഐസക് ജേക്കബ് നിക്ഷേപിച്ച ഒമ്പതു ലക്ഷം രൂപ പിന്വലിക്കാനെത്തിയപ്പോഴാണു വാക്കേറ്റം. ഐസക്കിന്റെ ബന്ധുവായ സുനിതാകുമാരിയാണു പണം പിന്വലിക്കാന് ബാങ്കില് എത്തിയത്. ഒമ്പതു ലക്ഷം രൂപ മറ്റൊരു ബാങ്കിലേക്ക് ട്രാന്സ്ഫര് ചെയ്യണമെന്ന് ആവശ്യപ്പെട്ടു. സ്ഥിരനിക്ഷേപത്തിന്റെ കാലാവധി പൂര്ത്തികരിക്കാത്ത അക്കൗണ്ടില്നിന്നു പണം പിന്വലിക്കുവാന് സമയം അനുവദിക്കണമെന്ന് ബാങ്ക് അധികൃതര് ആവശ്യപ്പെട്ടപ്പോള് വാക്കേറ്റമുണ്ടാകുകയായിരുന്നുവെന്ന് ബാങ്ക് പ്രസിഡന്റ് സി.എം. മനോജ് പറഞ്ഞു. എന്നാല് ബാങ്ക് അധികൃതര് പണം നല്കാതിരിക്കുകയും കൈയേറ്റം ചെയ്യുകയുയിരുന്നുവെന്ന് സുനിത കുമാരി പറഞ്ഞു. ഇത് സംബന്ധിച്ച് പോലീസില് പരാതി നല്കുമെന്നും അവര് പറഞ്ഞു. പോലീസ് സ്ഥലത്തെത്തി ചര്ച്ച നടത്തുകയും അടുത്ത ചൊവാഴ്ച പണം നല്കാമെന്ന ബാങ്ക് അധികൃതരുടെ ഉറപ്പിന്മേല് പ്രശ്നം പരിഹരിക്കുകയായിരുന്നു.
Read More