പാലപ്പിള്ളി (തൃശൂർ) : ജനവാസമേഖലയില് ഭീതിപരത്തി കാട്ടാനക്കൂട്ടങ്ങള്. മേഖലയില് 75 ഓളം ആനകളാണ് വിവിധയിടങ്ങളിലായി തമ്പടിച്ചിരിക്കുന്നത്. കാരികുളത്തും പത്തുകുളങ്ങരയിലും പിള്ളതോടിന് സമീപവും എലിക്കോടും കാട്ടാനക്കൂട്ടം ഇറങ്ങിയിരിക്കുന്നത്. കാരികുളത്ത് ഇറങ്ങിയ കാട്ടാനകള് ജനവാസമേഖലയില് നിലയുറപ്പിച്ചിരിക്കുകയാണ്. കാരികുളം ബംഗ്ലാവിന് സമീപം ഇറങ്ങിയ 15ഓളം കാട്ടാനകളില് നാലെണ്ണം വനമേഖലയിലേക്ക് കയറിപ്പോകാതെ ജനവാസമേഖലയില് നിലയുറപ്പിച്ചിരിക്കുകയാണ്. കുട്ടിയടക്കം ഉള്ള കാട്ടാനകള് ആണ് വനത്തിലേക്ക് കയറിപ്പോകാതെ ഭീതിപരത്തി ജനവാസമേഖലയില് നിലയുറപ്പിച്ചിരിക്കുന്നത്. ആനകളെ കാടുകയറ്റാന് നാട്ടുകാരും വനപാലകരും ശ്രമിക്കുന്നുണ്ടെങ്കിലും ആനകള് ജനവാസമേഖലയില് തുടരുകയാണ്. രാവിലെ പിള്ളത്തോട് പാലത്തിന് സമീപവും കാട്ടാനക്കൂട്ടം ഇറങ്ങിയിരുന്നു. ആനക്കൂട്ടം രാവിലെ പിള്ളത്തോട് ഭാഗത്ത് റോഡ് മുറിച്ചുകടന്നാണ് തൊട്ടടുത്ത റബ്ബര് തോട്ടത്തിലേക്ക് പോയത്. ആനകളെ കണ്ട് വഴിയാത്രക്കാരും വാഹനയാത്രികരും മാറിനില്ക്കുകയായിരുന്നു. പത്തുകുളങ്ങരയിലും കാട്ടാനക്കൂട്ടം ഇറങ്ങി ഭീതി പരത്തിയിരുന്നു. രാത്രി ഇറങ്ങുന്ന കാട്ടാനകള് പുലര്ച്ചെ വരെ പലയിടങ്ങളിലും നിലയുറപ്പിച്ച് കൃഷിനാശം വരുത്തിയാണ് റബ്ബര് തോട്ടങ്ങളിലും വനമേഖലയിലും…
Read MoreCategory: Edition News
ഓണ്ലൈന് ജോലി വാഗ്ദാനം ചെയ്ത് തട്ടിയെടുത്തത് ലക്ഷങ്ങൾ; ഇരുപത്തിമൂന്നുകാരൻ പോലീസ് പിടിയിൽ
പള്ളിക്കത്തോട്: ഓണ്ലൈനില് ജോലി വാഗ്ദാനം ചെയ്ത് ലക്ഷങ്ങള് തട്ടിയ കേസുമായി ബന്ധപ്പെട്ട് ഒരാളെ പോലീസ് അറസ്റ്റ് ചെയ്തു. തൃശൂര് നമ്പ്യാര്പാടം ഭാഗത്ത് താന്നിക്കപ്പള്ളി ഷംസിഖ് റഷീദി(23)നെയാണ് പള്ളിക്കത്തോട് പോലീസ് അറസ്റ്റ് ചെയ്തത്. വാഴൂര് സ്വദേശിയായ യുവാവിന് ഓണ്ലൈന് ജോലിയില്നിന്നു ദിവസം 8,000 രൂപ സമ്പാദിക്കാമെന്ന് പറഞ്ഞ് ഇയാളുടെ മൊബൈലിലേക്ക് വാട്സ്ആപ്പ് സന്ദേശം വരികയും ഇവര് പറഞ്ഞ ലിങ്കുകളില് ക്ലിക്ക് ചെയ്യുകയും തുടര്ന്ന് ഇയാളില്നിന്നു പലതവണകളായി 1.80 ലക്ഷത്തോളം രൂപ നഷ്ടപ്പെടുകയുമായിരുന്നു. പരാതിയെത്തുടര്ന്ന് പള്ളിക്കത്തോട് പോലീസ് കേസ് രജിസ്റ്റര് ചെയ്തു നടത്തിയ പരിശോധനയില് ഇയാളില്നിന്നു നഷ്ടപ്പെട്ട പണം ഷംസിഖിന്റെ അക്കൗണ്ടില് ചെന്നതായി കണ്ടെത്തുകയും തുടര്ന്ന് ഇയാളെ അറസ്റ്റ് ചെയ്യുകയുമായിരുന്നു. കേസില് കൂടുതല് അന്വേഷണം നടത്തിവരികയാണ്.
Read Moreജോലി വാഗ്ദാനം ചെയ്ത് ലക്ഷങ്ങളുടെ തട്ടിപ്പ്; തമിഴ്നാട് സ്വദേശിക്കായി അന്വേഷണം ഊര്ജിതം
കൊച്ചി: അസര്ബൈജാനില് ജോലി വാഗ്ദാനം ചെയ്ത് ലക്ഷങ്ങളുടെ തട്ടിപ്പു നടത്തിയ കേസിലെ പ്രതികളുടെ കൂട്ടാളിയായ തമിഴ്നാട് സ്വദേശിയെ കണ്ടെത്തുന്നതിനായി എറണാകുളം സൗത്ത് പോലീസ് അന്വേഷണം ഊര്ജിതമാക്കി. കേസുമായി ബന്ധപ്പെട്ട് തിരുവല്ല സ്വദേശി വിപിന്(38), അമ്പലപ്പുഴ സ്വദേശി മുഹമ്മദ് ഷാദുലി(23), തമിഴ്നാട് സ്വദേശികളായ തലൈശെല്വമണി(21), നന്ദു മാധവ്(23) എന്നിവരെയാണ് എറണാകുളം സൗത്ത് പോലീസ് ഇന്സ്പെക്ടര് പ്രേമാനന്ദന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. സ്പെഷല് ബ്രാഞ്ചിനു ലഭിച്ച രഹസ്യവിവരത്തിന്റെ അടിസ്ഥാനത്തില് പോലീസ് നടത്തിയ അന്വേഷണത്തിലാണ് പ്രതികള് പിടിയിലായത്. രവിപുരത്ത് കോട്ടൂരാന് എന്ന പേരില് വ്യാജ റിക്രൂട്ട്മെന്റ് സ്ഥാപനം നടത്തുകയായിരുന്നു സംഘം. പോലീസ് ഇവിടെ പരിശോധനയ്ക്ക് എത്തുമ്പോള് അസര്ബൈജാനില് ഹെല്പ്പര് തസ്തികയിലേക്കുള്ള ഇന്റര്വ്യൂവിനായി 30 ഓളം വിദ്യാര്ഥികള് എത്തിയിരുന്നു. വ്യാജ റിക്രൂട്ട്മെന്റ് സ്ഥാപനത്തിന്റെ മറവില് ഇവര് കേരളത്തിലെയും തമിഴ്നാട്ടിലെയും ഉദ്യോഗാര്ഥികളില്നിന്ന് ലക്ഷങ്ങളാണ് തട്ടിയെടുത്തിരിക്കുന്നത്. കോന്നി സ്വദേശിയുടെ പരാതിയിലാണ് അറസ്റ്റ്. ഇവരുടെ…
Read More130 കോടി ലോണ് വാഗ്ദാനം ചെയ്ത് നടിയുടെ 37 ലക്ഷം തട്ടിയ കേസ്; കൂടുതല് അറസ്റ്റിന് സാധ്യത
കൊച്ചി: 130 കോടി രൂപയുടെ ലോണ് വാഗ്ദാനം ചെയ്തു നടിയുടെ കൈയില് നിന്നു 37 ലക്ഷം രൂപ തട്ടിയെടുത്ത കേസില് കൂടുതല് അറസ്റ്റിനു സാധ്യത. കഴിഞ്ഞ ദിവസം അറസ്റ്റിലായ കോല്ക്കത്ത സ്വദേശി യാസിര് ഇക്ബാലിന്റെ കൂട്ടാളികളായ മൂന്നു പേരെ കണ്ടെത്തുന്നതിനായി പാലാരിവട്ടം പോലീസ് അന്വേഷണം ആരംഭിച്ചു. വ്യവസായ ആവശ്യത്തിനായി ലോണ് തരപ്പെടുത്തിക്കൊടുക്കാമെന്നു വിശ്വസിപ്പിച്ചാണ് തട്ടിപ്പുസംഘം നടിയുമായി സൗഹൃദം സ്ഥാപിച്ചത്. തുടര്ന്ന് നടി 130 കോടി രൂപ ലോണ് ലഭിക്കുന്നതിനായി തട്ടിപ്പ് സംഘത്തിന് 37 ലക്ഷം രൂപ കൊച്ചിയിലെ പ്രമുഖ ഹോട്ടലില് വച്ച് കൈമാറി. പണം നല്കിയിട്ടും ലോണ് ലഭ്യമാകാത്തതിനെത്തുടര്ന്നാണ് നടി പോലീസിനെ സമീപിച്ചത്. തുടര്ന്ന് നടത്തിയ അന്വേഷണത്തില് പ്രതികളെ കുറിച്ചുള്ള കൂടുതല് വിവരങ്ങള് ലഭിക്കുകയും പ്രത്യേക അന്വേഷണസംഘം കോല്ക്കത്തയിലേക്ക് പോകുകയുമായിരുന്നു. കോല്ക്കത്തയിലെ ടാഗ്രാ പോലീസ് സ്റ്റേഷന് പരിധിയിലുള്ള ഫ്ളാറ്റില് നിന്നാണ് ഇയാളെ അതിസാഹസികമായി പിടികൂടിയത്. കൂടുതല് ചോദ്യം…
Read Moreഉറങ്ങാൻ കിടന്നത് വീട്ടിൽ; പുലർച്ചെ മകൻ കണ്ടത് കടയ്ക്കുള്ളിൽ ഗുരുതരമായി പൊള്ളലേറ്റ അമ്മയെ; നാട്ടുകാർ പറയുന്നതിങ്ങനെ
കൊച്ചി: വീടിനോട് ചേര്ന്നുള്ള കടയില് വൃദ്ധയെ ഗുരുതരമായി പൊള്ളലേറ്റ നിലയില് കണ്ടെത്തി. നെട്ടൂര് പുത്തന്വീട്ടില് മോളി ആന്റണി(60)യെയാണ് ഗുരുതരാവസ്ഥയില് മരട് പോലീസ് എറണാകുളത്തെ സ്വകാര്യ ആശുപത്രിയില് പ്രവേശിപ്പിച്ചത്. മൂന്നു മാസം മുമ്പാണ് സോഡിയം കുറയുന്നത് ഉള്പ്പെടെയുള്ള രോഗാവസ്ഥയെ തുടര്ന്ന് മോളിയുടെ ഭര്ത്താവ് മരിച്ചത്. ഇതിനുശേഷം ഇവര് കടുത്ത മാനസിക വിഷമത്തിലായിരുന്നുവെന്ന് ബന്ധുക്കള് അറിയിച്ചതായി മരട് പോലീസ് പറഞ്ഞു. പ്രദേശത്തെ സിസിടിവി ദൃശ്യങ്ങള് കേന്ദ്രീകരിച്ച് പോലീസ് അന്വേഷണം ആരംഭിച്ചു. ഇന്ന് പുലര്ച്ചെ 12.30 ന് നെട്ടൂര് ശിവക്ഷേത്രത്തിനു വടക്കുവശത്തായിരുന്നു സംഭവം. കടയോടു ചേര്ന്നുള്ള പഴയ വീട്ടില്നിന്ന് അടുത്തിടെയാണ് ഇവര് പുതിയ വീട്ടിലേക്ക് താമസം മാറിയത്. ഇന്നലെ രാത്രി ഭക്ഷണം കഴിച്ച ശേഷം മോളിയും മകനും കുടുംബവും കടയ്ക്ക് സമീപത്തു തന്നെ പുതിയതായി നിര്മിച്ച വീട്ടിലാണ് ഉറങ്ങാന് കിടന്നത്. ഇതിനിടയ്ക്ക് ആ പ്രദേശത്ത് രണ്ടു തവണ കറന്റു പോകുകയുണ്ടായി. മകന്…
Read Moreകൊച്ചിയിലേക്കു ലഹരിക്കടത്ത്; നൈജീരിയക്കാരൻ പിടിയിലായത് ബംഗളൂരുവില്നിന്ന്
കൊച്ചി: ബംഗളൂരുവില് നിന്നും കൊച്ചിയിലേക്ക് കാറില് വന്തോതില് രാസലഹരി കടത്തുന്ന സംഘത്തിലെ തലവനായ നൈജീരിയന് പൗരന് പിടിയിലായത് ബംഗളൂരുവില് നിന്ന്. കുപ്രസിദ്ധ ലഹരി ഇടപാടുകാരനായ ചിബേര മാക്സ് വെല്ലിനെ ബംഗളൂരുവിലെ വിജയനഗറില് നിന്നാണ് എറണാകുളം എസിപി പി. രാജ്കുമാറിന്റെ നേതൃത്വത്തിലുള്ള എസിപി സ്ക്വാഡും മരട് പോലീസ് ഇന്സ്പെക്ടര് സജുകുമാറിന്റെ കീഴിലുള്ള പോലീസ് സംഘവും ചേര്ന്ന് പിടികൂടിയത്. രണ്ടുവര്ഷമായി ബംഗളൂരു കേന്ദ്രീകരിച്ച് ഇയാള് ലഹരി വില്പന നടത്തിവരുകയായിരുന്നു. മാര്ച്ച് രണ്ടിന് ഇരു സംഘങ്ങളും ഒരുമിച്ച് നടത്തിയ വാഹനപരിശോധനയില് ചേരാനെല്ലൂര് സ്വദേശികളായ അരുണ് സെല്വന്(29), ഇയാള്ക്ക് വാഹനവും പണവും നല്കി സഹായിക്കുന്ന കിരണ്(40), സന്ദീപ്(34) എന്നിവരെ പിടികൂടിയിരുന്നു. ഇവരുടെ പക്കല്നിന്നും 101 ഗ്രാം എംഡിഎംഎ കണ്ടെടുത്തു. തുടര്ന്നു നടന്ന ചോദ്യം ചെയ്യലില് കഴിഞ്ഞ ആറു മാസത്തിനിടയില് 30 തവണ ബംഗളൂരുവില്നിന്നും രാസലഹരി കാറില് കേരളത്തിലേക്ക് കടത്തിയതായി പ്രതികള് വെളിപ്പെടുത്തി. ഈ…
Read Moreസ്കൂൾ വിനോദയാത്ര: വാഹനപരിശോധനയ്ക്ക് ഇളവ് നൽകാൻ മന്ത്രിയുടെ നിർദേശം
കണ്ണൂർ: വിദ്യാഭ്യാസ സ്ഥാപനങ്ങളിൽനിന്നു വിനോദയാത്ര പോകുന്നത് സംബന്ധിച്ച് വാഹനങ്ങൾക്ക് ഏർപ്പെടുത്തിയിരുന്ന സുരക്ഷാ പരിശോധന വെട്ടിക്കുറച്ചത് വിവാദമാകുന്നു. വിനോദയാത്രയ്ക്ക് പോകുന്ന വാഹനങ്ങൾ യാത്ര ആരംഭിക്കുന്നതിന്റെ ഏഴ് ദിവസം മുന്പ് ഉടമയോ ഡ്രൈവറോ സംസ്ഥാനത്തെ ഏതെങ്കിലും ആർടിഒ, ജെആർടിഒ ഓഫീസർ മുന്പാകെ വാഹനങ്ങൾ ഹാജരാക്കി പരിശോധനയ്ക്ക് ഹാജരാക്കണമെന്നും വാഹനത്തിന്റെ ഫിറ്റ്നസ് ബന്ധപ്പെട്ട ഉദ്യോഗസ്ഥൻ ഉറപ്പ് വരുത്തിയശേഷമേ വാഹനത്തിന്റെ സർവീസ് അനുവദിക്കാവൂ എന്നാണു നിലവിലുള്ള ചട്ടം. കഴിഞ്ഞദിവസം ഗതാഗതമന്ത്രി കെ.ബി. ഗണേഷ് കുമാറിന്റെ അധ്യക്ഷതയിൽ ചേർന്ന യോഗമാണ് ഇത്തരമൊരു പരിശോധന വേണ്ടതില്ലെന്ന് തീരുമാനിച്ചത്. പുതിയ തീരുമാനപ്രകാരം വിദ്യാഭ്യാസ സ്ഥാപനങ്ങളിൽനിന്നും വിനോദയാത്ര പോകുന്ന കോൺട്രാക്ട് കാര്യേജ് 30 ദിവസത്തിലൊരിക്കൽ ഇത്തരം പരിശോധനയക്ക് വിധേയമാക്കിയാൽ മതിയെന്നാണ് നിർദേശിച്ചിരിക്കുന്നത്. വിദ്യാർഥികളുമായി വിനോദയാത്ര നടത്തിയ വാഹനങ്ങൾ പലതും അപകടത്തിൽപ്പെട്ടതിനെ തുടർന്നായിരുന്നു ടൂറിസ്റ്റ് വാഹനങ്ങളുടെ പരിശോധന മോട്ടോർവാഹന വകുപ്പ് കർശനമാക്കിയിരുന്നത്. എന്നാലിപ്പോഴത്തെ ഉത്തരവ് പ്രകാരം വാഹനങ്ങളുടെ കാര്യക്ഷമത എത്രമാത്രമുണ്ടെന്ന…
Read Moreപാലക്കാട് എക്സൈസ് ഓഫീസിൽ ലോക്കപ്പില് പ്രതി തൂങ്ങിമരിച്ചനിലയില്; കൊലപാതകമാണെന്നു ഭാര്യ
പാലക്കാട്: എക്സൈസ് ഓഫീസിനുള്ളിലെ ലോക്കപ്പില് പ്രതി തൂങ്ങിമരിച്ചനിലയിൽ കണ്ടെത്തി. ഇടുക്കി സ്വദേശി ഷോജോ ജോൺ (55)ആണ് മരിച്ചത്. ഇന്നുരാവിലെ ഏഴിന് പാലക്കാട് എക്സൈസ് റേഞ്ച് ഓഫീസിലാണ് ഷോജോയെ ഉടുമുണ്ടിൽ തൂങ്ങിമരിച്ച നിലയിൽ കണ്ടെത്തിയത്. കൊലപാതകമാണെന്നു ഭാര്യ ജ്യോതി ആരോപിച്ചു. ഇന്നലെ വൈകിട്ടാണ് ഷോജോയെ പാലക്കാട് കാടാങ്ങോടുള്ള വീട്ടിൽനിന്നും എക്സൈസ് പിടികൂടിയത്. വീട്ടിൽനിന്നും രണ്ട് കിലോ ഹാഷിഷ് ഓയിലും കണ്ടെടുത്തിരുന്നു. ഇടുക്കി സ്വദേശിയായ ഷോജോ കുറെ നാളുകളായി പാലക്കാടാണ് താമസിക്കുന്നത്. ഡ്രൈവറായ ഇയാൾ കൂടുതലും തമിഴ്നാട്ടിലാണ് വാഹനം ഓടിച്ചിരുന്നത്. ഇയാൾ ഇതിനുമുന്പ് ഇത്തരം കേസിൽ പെട്ടിട്ടില്ല. ആരോ ഇയാളെ കുടുക്കിയതാണെന്നും എക്സൈസ് സംഘം മർദിച്ചശേഷം കെട്ടിത്തൂക്കിയതാണെന്നും ഭാര്യ ജ്യോതി ആരോപിച്ചു. മൃതദേഹം പോസ്റ്റ്മോർട്ടത്തിനായി പാലക്കാട് ജില്ലാ ആശുപത്രി മോർച്ചറിയിലേക്ക് മാറ്റും. ഷോജോയ്ക്ക് മൂന്നു മക്കളുണ്ട്. സംഭവത്തെക്കുറിച്ച് അന്വേഷണം തുടങ്ങിയതായി എക്സൈസ് ഡെപ്യൂട്ടി കമ്മീഷണർ പറഞ്ഞു.
Read Moreപാരാമെഡിക്കല് കോഴ്സ് തട്ടിപ്പുകള് പെരുകുന്നു; നടക്കുന്നത് വലിയ സാമ്പത്തിക തട്ടിപ്പും ജോലിവാഗ്ദാനങ്ങളും
കോഴിക്കോട്: പാരാമെഡിക്കല് കോഴ്സിന്റെ മറവില് നടക്കുന്ന ചതിക്കുഴികള് വിദ്യാര്ഥികള്ക്ക് പാരയാകുന്നു. തൃശൂരിലെ സംഭവങ്ങള്ക്ക് പിന്നാലെ ഇന്നലെ കോഴിക്കോട്ടും തട്ടിപ്പുമായി ബന്ധപ്പെട്ട പ്രതിഷേധവും അറസ്റ്റും നടന്നു. അംഗീകാരമില്ലാത്ത കോഴ്സില് ചേര്ത്ത് വിദ്യാര്ഥികളില്നിന്ന് ഫീസിനത്തില് 65 ലക്ഷത്തോളം തട്ടിയ പരാതിയില് കോഴിക്കോട് കല്ലായിയിലെ ഗ്ലോബല് ഇന്സ്റ്റിറ്റ്യൂട്ട് ഓഫ് പാരാമെഡിക്കല് സയന്സ് എംഡി എറണാകുളം സൗത്ത് വാഴക്കുളം തട്ടാം പറമ്പില് ശ്യം ജിത്ത്(37) ആണ് അറസ്റ്റിലായത്. സംഭവത്തില് ഇയാള്ക്കെതിരേ വഞ്ചനാകുറ്റത്തിന് കേസ് എടുത്തിട്ടുണ്ട്. വലിയ രീതിയില് സോഷ്യല് മീഡിയയില് ഉള്പ്പെടെ പരസ്യം നല്കിയാണ് തട്ടിപ്പ് അരങ്ങേറുന്നതെന്നാണ് പോലീസ് പറയുന്നത്. കേരളത്തിന് പുറത്ത് പലയിടത്തും ജോലി വാഗ്ദാനം നല്കിയാണ് വിദ്യാര്ഥികളെ ആകര്ഷിക്കുന്നതെന്നാണ് പോലീസ് അന്വേഷണത്തില് വ്യക്തമാകുന്നത് ഡയാലിസിസ് ടെക്നീഷ്യൻ, റേഡിയോളജി ടെക്നീഷ്യൻ എന്നിങ്ങനെയുള്ള കോഴ്സുകളാണ് കോഴിക്കോട്ടെ സ്ഥാപനത്തില് നടത്തിയിരുന്നത്. ആരോഗ്യ സർവകലാശാലയുടെ അംഗീകാരം ഉണ്ടെന്നു കാണിച്ച് 1.20 ലക്ഷം രൂപ ഫീസ് വാങ്ങിയാണ്…
Read Moreഷാജിയുടെ മരണത്തിലെ ദുരൂഹത നീക്കണം; ഗവർണർക്ക് നിവേദനം നൽകുമെന്ന് കെഎസ്യു
തിരുവനന്തപുരം: പി.എൻ. ഷാജിയുടെ മരണത്തിലെ ദുരൂഹത നീക്കണമെന്നും സമഗ്ര അന്വേഷണം നടത്തണമെന്നും കെഎസ്യു സംസ്ഥാന പ്രസിഡന്റ് അലോഷ്യസ് സേവ്യർ ആവശ്യപ്പെട്ടു. കോഴ ആരോപണം, കലോത്സവം നിർത്തിവയ്ക്കാനുണ്ടായ സാഹചര്യം എന്നിവയെക്കുറിച്ച് അന്വേഷിക്കണമെന്നാവശ്യപ്പെട്ട് ഗവർണർക്ക് കെഎസ്യു നിവേദനം നൽകുമെന്നും അലോഷ്യസ് രാഷ്ട്രദീപികയോട് പറഞ്ഞു. കലോത്സവം പുനരാരംഭിക്കണമെന്നും ഗവർണറോട് ആവശ്യപ്പെടും. കോഴ ആരോപണങ്ങൾ ഏറെ സജീവമായി ഉയർന്നിട്ടും എസ്എഫ്ഐയോ സംഘാടക സമിതിയോ അന്വേഷണം ആവശ്യപ്പെട്ടിട്ടില്ല. കോഴ വിഷയത്തിൽ സംഘാടക സമിതിക്കും പങ്കുണ്ടോയെന്ന് സംശയിക്കേണ്ടിയിരിക്കുന്നുവെന്നും അലോഷ്യസ് പറഞ്ഞു.
Read More