അടൂര്: കടമ്പനാട് വില്ലേജ് ഓഫീസര് ജീവനൊടുക്കിയ സംഭവത്തില് അന്വേഷണം നടത്താന് അടൂര് ആര്ഡിഒയെ ജില്ലാ കളക്ടര് ചുമതലപ്പെടുത്തി. വില്ലേജ് ഓഫീസറായിരുന്ന അടൂര് ഇളംപള്ളില് പയ്യനല്ലൂര് കൊച്ചുതുണ്ടില് മനോജാണ് (47) വീടുനുള്ളിലെ കിടപ്പുമുറിയില് ഫാനില് തൂങ്ങിമരിച്ചത്. കഴിഞ്ഞ 11-നായിരുന്നു സംഭവം. അമിത ജോലിഭാരവും മാനസികസമ്മര്ദവും രാഷ്ട്രീയ ഇടപെടലുകളും മൂലമുള്ള മാനസിക സംഘര്ഷവുമാണ് മനോജിനെ ആത്മഹത്യ ചെയ്യുവാന് പ്രേരിപ്പിച്ചതെന്ന് ബന്ധുക്കള് ആരോപിച്ചിരുന്നു. മനോജിനെ ആത്മഹത്യയിലേക്ക് നയിച്ച സാഹചര്യങ്ങള് സംബന്ധിച്ച് സമഗ്രവും കാര്യക്ഷമവുമായ അന്വേഷണം ആവശ്യപ്പെട്ട് അടൂര് താലൂക്കിലെ 12 വില്ലേജ് ഓഫീസര്മാര് ജില്ലാ കളക്ടര്ക്ക് പരാതി നല്കി. ഇതേത്തുടര്ന്നാണ് വിഷയം ആര്ഡിഒ അന്വേഷിക്കുന്നത്. പരാതി പോലീസ് അന്വേഷണത്തിനായി എസ്പിക്കും കൈമാറിയിട്ടുണ്ട്. ജില്ലാ കളക്ടര് പ്രേം കൃഷ്ണന് വില്ലേജ് ഓഫീസര് മനോജിന്റെ വീട് സന്ദര്ശിച്ചു. ഭാര്യയോടും മകളോടും സംസാരിച്ച ശേഷം മനോജിന്റെ സഹോദന് ഉള്പ്പെടെയുള്ള ബന്ധുക്കളോടും വിവരങ്ങള് ചോദിച്ചറിഞ്ഞു.
Read MoreCategory: Edition News
തീരദേശ ഹൈവേ നവീകരണം: ഡിപിആര് പുറത്തുവിടണമെന്ന് ആവശ്യം
ആലപ്പുഴ: തീരദേശ ഹൈവേ നവീകരണത്തിന്റെ വിശദാംശങ്ങള് വ്യക്തമാക്കുന്ന ഡിപിആര് അടിയന്തരമായി പ്രസിദ്ധീകരിക്കണമെന്ന് കെഎല്സിഎ. പറവൂര് കടപ്പുറത്ത് സംഘടിപ്പിച്ച പ്രതിഷേധ സംഗമത്തിലാണ് ഈ ആവശ്യം ഉന്നയിച്ചത്. പദ്ധതിയുടെ ഭാഗമായി നിലവില് പ്രഖ്യാപിച്ചിരിക്കുന്ന പുനരധിവാസ പാക്കേജ് അപര്യാപ്തമാണെന്നും, ദേശീയപാത പാക്കേജിന് സമാനമായ പാക്കേജ് നല്കണമെന്നും, കുടിയൊഴിപ്പിക്കപ്പെടുന്നതോടുകൂടി ഉപജീവനമാര്ഗം നഷ്ടമാകുന്ന മത്സ്യത്തൊഴിലാളികള്ക്ക് പ്രത്യേക പാക്കേജ് പ്രഖ്യാപിക്കണമെന്നും, വിഴിഞ്ഞം അതിജീവന സമരത്തില് എടുത്തിട്ടുള്ള മുഴുവന് കേസുകളും പിന്വലിക്കണം എന്നും ആവശ്യപ്പെട്ട് നടത്തിയ പ്രതിഷേധ സംഗമം ഫാ. വര്ഗീസ് ചെറിയാശേരില് ഉദ്ഘാടനം ചെയ്തു. കെഎല്സിഎ രൂപതാ പ്രസിഡന്റ് പി.ജി. ജോണ് ബ്രിട്ടോ മുഖ്യപ്രഭാഷണം നടത്തി. പീറ്റര് തയ്യില്, സ്റ്റീഫന് വടക്കേതയ്യില്, റോബിന്, ധന്യ സെബാസ്റ്റ്യന്, സുമേഷ് തുടങ്ങിയവര് പ്രസംഗിച്ചു.
Read Moreകനത്ത ചൂടില് ആശ്വാസമാകാൻ സഹകരണവകുപ്പിന്റെ തണ്ണീര്പന്തലുകൾ
കോട്ടയം: കനത്തചൂടില് വലയുന്ന യാത്രക്കാര്ക്കും പൊതുജനങ്ങള്ക്കും കുടിവെള്ളവും സംഭാരവുമടക്കം സൗജന്യമായി ലഭ്യമാക്കി സഹകരണവകുപ്പിന്റെ നേതൃത്വത്തില് പൊതുസ്ഥലങ്ങളില് തണ്ണീര്പന്തലുകള് ആരംഭിച്ചു. പാമ്പാടി സര്വീസ് സഹകരണ ബാങ്കിന്റെ നേതൃത്വത്തില് പാമ്പാടി ബസ് സ്റ്റാന്ഡില് ആരംഭിച്ച തണ്ണീര്പന്തലില്നിന്നു കുടിവെള്ളം പകര്ന്നുനല്കി സഹകരണ തണ്ണീര്പന്തലിന്റെ സംസ്ഥാനതല ഉദ്ഘാടനം മന്ത്രി വി.എന്. വാസവന് നിര്വഹിച്ചു. ചൂട് ഉയര്ന്നുനില്ക്കുന്ന സാഹചര്യത്തില് പൊതുജനങ്ങള്ക്കു സഹായമാകുംവിധം സംസ്ഥാനത്തെ നിരവധി സ്ഥലങ്ങളിൽ തണ്ണീര്പന്തലുകള് ഒരുക്കാന് നിര്ദ്ദേശം നല്കിയതായി മന്ത്രി പറഞ്ഞു. മുഖ്യമന്ത്രിയുടെ നിര്ദ്ദേശാനുസരണം കഴിഞ്ഞ വര്ഷം സഹകരണ മേഖലയില് തണ്ണീര്പന്തലുകള് ഒരുക്കിയിരുന്നു. ഇത്തവണ പല മേഖലയിലും ചൂടു വളരെ കൂടിയിരിക്കുകയാണ്. അതിനാല് ജനങ്ങള്ക്ക് സൗകര്യങ്ങള് ഒരുക്കുന്ന സാമൂഹിക ഉത്തരവാദിത്തം സഹകരണ വകുപ്പ് ഏറ്റെടുക്കുകയാണ്. എല്ലാ ബാങ്കുകളും അവരുടെ മേഖലയിലെ പൊതുഇടങ്ങളിലും വ്യാപാര തെരുവുകളിലും ആവശ്യാനുസരണം തണ്ണീര് പന്തലുകള് ആരംഭിക്കുമെന്നും വേനല് അവസാനിക്കുംവരെ ഇവ നിലനിര്ത്തുമെന്നും മന്ത്രി പറഞ്ഞു.
Read Moreരാജേഷിന്റെ കരൾമാറ്റ ശസ്ത്രക്രിയയ്ക്ക് അതിരന്പുഴ ഒരുമിക്കുന്നു
അതിരമ്പുഴ: മഞ്ഞപ്പിത്തം മൂർഛിച്ചതിനെത്തുടർന്ന് ഗുരുതരാവസ്ഥയിലായി കരൾ മാറ്റിവയ്ക്കാൻ ഒരുങ്ങുന്ന രാജേഷിനെ നെഞ്ചോടുചേർത്ത് അതിരമ്പുഴ. അതിരമ്പുഴ പഞ്ചായത്ത് അഞ്ചാം വാർഡിൽ ഏറ്റുമാനൂർ ഇൻഡസ്ട്രിയൽ എസ്റ്റേറ്റ് ജംഗ്ഷനു സമീപം ചേനപ്പാടിയിൽ രാജേഷ് സി. കുമാറി (46)ന് കരൾ മാറ്റിവയ്ക്കൽ ശസ്ത്രക്രിയയ്ക്കു ചെലവാകുന്ന തുക കണ്ടെത്താൻ 24ന് അതിരമ്പുഴ പഞ്ചായത്തിലെ 22 വാർഡുകളിലും ഭവനസന്ദർശനം നടത്തും. മഞ്ഞപ്പിത്തം വഷളായതോടെ കരളിനെ ഗുരുതരമായി ബാധിക്കുകയായിരുന്നു. കോട്ടയം മെഡിക്കൽ കോളജിലെ പരിശോധനയിൽ കരൾ മാറ്റിവയ്ക്കുകയേ മാർഗമുള്ളു എന്നു കണ്ടെത്തി. രക്തബന്ധത്തിലുള്ള ദാതാക്കൾ ഉണ്ടെങ്കിലേ മെഡിക്കൽ കോളജിൽ കരൾ മാറ്റിവയ്ക്കാൻ സാധിക്കൂ. ആരുടെയും രക്തഗ്രൂപ്പുമായി ചേരാതെ വന്നതോടെയാണ് അമൃത ആശുപത്രിയെ സമീപിച്ചത്. കരൾ ദാതാവിനെ ലഭിച്ചതോടെ ശസ്ത്രക്രിയയ്ക്കുള്ള നടപടികൾ വേഗത്തിൽ പൂർത്തിയാക്കി. 21ന് ശസ്ത്രക്രിയ നടത്താൻ തീരുമാനവുമായി. കരൾ മാറ്റിവയ്ക്കൽ ശസ്ത്രക്രിയയ്ക്കുവേണ്ടി വരുന്ന ഭീമമായ തുക കണ്ടെത്താനാകാതെ ബുദ്ധിമുട്ടുകയാണ് രാജേഷും കുടുംബവും. വീടിനോടു ചേർന്നു നടത്തുന്ന…
Read Moreയുവതിയെ കൊന്ന് തോട്ടില് ചവിട്ടിത്താഴ്ത്തിയ കേസ്; മുജീബ് റഹ്മാന് ദയയില്ലാത്ത കൊടുംക്രിമിനലെന്നു പോലീസ്
കോഴിക്കോട്: പേരാന്പ്ര വാളൂരിൽ മോഷണശ്രമത്തിനിടെ യുവതിയെ തോട്ടില് ചവിട്ടിത്താഴ്ത്തി കൊലപ്പെടുത്തിയ സംഭവത്തില് കൂടുതല് വിവരങ്ങള് പുറത്ത്. നൊച്ചാട് അനു(26)എന്ന യുവതിയെയാണ് പട്ടാപ്പകല് ജനവാസമേഖലയില് വച്ച് കൊലപ്പെടുത്തിയത്. കേസിൽ അറസ്റ്റിലായ പ്രതി മുജീബ് റഹ്മാൻ കൊലയ്ക്ക് മുമ്പ് പലതവണ പ്രദേശത്ത് കറങ്ങിയതിന്റെ തെളിവുകള് പോലീസിന് ലഭിച്ചു. കൊലപാതകം നടത്തിയ അതേ റോഡിലൂടെയാണ് സംഭവദിവസം മുജീബ് പലതവണ കടന്നുപോയത്. മട്ടന്നൂരിൽനിന്നും പേരാമ്പ്ര വഴി മലപ്പുറത്തേക്ക് മോഷ്ടിച്ച ബൈക്കിൽ വരികയായിരുന്ന പ്രതി പ്രധാന റോഡിൽ നിന്നും അധികമാരും സഞ്ചരിക്കാത്ത ഇടറോഡിലേക്ക് കയറി. വലിയ വാഹനങ്ങൾ പോകാത്ത മുളിയങ്ങൾ-വാളൂർ അമ്പലം റോഡിൽ മൂന്ന് തവണ പ്രതി കറങ്ങി. രാവിലെ ഒമ്പതിന് ശേഷമായിരുന്നു ഇത്. ഇതിനിടെയാണ് ധൃതിയിൽ നടന്നുവരുന്ന യുവതിയെ കണ്ടത്. ഫോണ് സംസാരത്തില്നിന്നു മറ്റാരോ കാത്തു നില്ക്കുന്നതായും തനിക്ക് വാഹനമൊന്നും കിട്ടിയില്ലെന്നും പറയുന്നതു കേട്ട മുജീബ് ബൈക്കുമെടുത്ത് അനുവിന്റെ അരികില് എത്തുകയായിരുന്നു. മുളിയങ്ങലീലേക്കാണെങ്കില്…
Read Moreപെൻഷൻകാരുടെ യോഗത്തിൽ എല്ലാവരും പങ്കെടുക്കണം; ജോലി കളഞ്ഞും വയോധികരെത്തി; നടന്നതോ എൽഡിഎഫിന്റെ തെരഞ്ഞെടുപ്പ് പരിപാടി; പ്രതിഷേധിച്ച് വയോജനങ്ങൾ
പാലക്കാട്: പെൻഷൻകാരുടെ യോഗം എന്ന വ്യാജേന എൽഡിഎഫിന്റെ തെരഞ്ഞെടുപ്പ് പരിപാടിയിൽ വയോജനങ്ങളെ പങ്കെടുപ്പിക്കുന്നതിനു ശ്രമം. പാലക്കാട് കാവിൽപാടിലാണ് പെൻഷൻകാരുടെ യോഗം എന്ന പേരിൽ ഇടതുപക്ഷ സ്ഥാനാർഥിയുടെ പ്രചരണ പരിപാടി സംഘടിപ്പിക്കാൻ ശ്രമിച്ചത്. പെൻഷൻ കൈപ്പറ്റാൻ ആധാറും പെൻഷൻ ലിസ്റ്റും കൊണ്ടുവരാൻ വയോധികരോട് സിപിഎം പ്രവർത്തകർ നിർദേശിച്ചു. ഇതിൻ പ്രകാരം പരിപാടിയിൽ പങ്കെടുക്കുന്നതിനായി ജോലി സ്ഥലത്തുനിന്നുവരെ വയോജനങ്ങൾ അവിടേക്ക് എത്തി. എന്നാൽ അവിടെ വന്നപ്പോഴാണ് തെരഞ്ഞെടുപ്പ് പ്രചരണം ആണ് നടക്കുന്നതെന്ന് മനസിലായത്. ഉടൻതന്നെ വയോജനങ്ങൾ അവിടെ നിന്നിറങ്ങുകയും പ്രതിഷേധം അറിയിക്കുകയും ചെയ്തു. എന്നാൽ ഇത് പാർട്ടി പരിപാടി അല്ലായിരുന്നുവെന്നാണ് സിപിഎം നൽകുന്ന വിശദീകരണം. പെൻഷൻ വിശദീകരണയോഗമാണ് നടത്തുന്നതെന്നും സിപിഎം വ്യക്തമാക്കി.
Read Moreപട്ടാമ്പിയിൽ വന്ദേഭാരത് ട്രെയിനിടിച്ച് വയോധികന് ദാരുണാന്ത്യം; അപകടം റെയിൽവേ ട്രാക്ക് മുറിച്ചുകടക്കുന്നതിനിടെ
പാലക്കാട്: വന്ദേഭാരത് ട്രെയിനിടിച്ച് വയോധികന് ദാരുണാന്ത്യം. പട്ടാമ്പിയിൽ വച്ചാണ് സംഭവം ഉണ്ടായത്. മുതുമല സ്വദേശി ദാമോദരൻ മാസ്റ്ററാണ് മരിച്ചത്. 68 വയസായിരുന്നു. മൃതശരീരം പട്ടാന്പി താലൂക്ക് ആശുപത്രിയിലേക്ക് മാറ്റി. വയോധികൻ റെയിൽവേ ട്രാക്ക് മുറിച്ചുകടക്കുന്നതിനിടെ ട്രെയിൻ ഇടിയ്ക്കുകയായിരുന്നുവെന്നാണ് പോലീസ് നിഗമനം. അപകടത്തെ തുടർന്ന് റെയിൽവേ പൊലീസ് സ്ഥലത്തെത്തി പരിശോധന നടത്തി. സംഭവത്തിൽ കൂടുതൽ അന്വേഷണം നടത്തിവരികയാണ്.
Read Moreഓംലെറ്റ് എടുക്കാൻ കുറച്ച് താമസമുണ്ടാകും; കൊല്ലത്ത് ലഹരിസംഘം തട്ടുകട അടിച്ചുതകർത്തു
കൊല്ലം: കരുനാഗപ്പള്ളിയിൽ മദ്യപിച്ചെത്തിയ ഒരു കൂട്ടം ആളുകൾ തട്ടുകട അടിച്ചുതകർത്തു. ഇടക്കുളങ്ങര സ്വദേശി ഗോപകുമാറിന്റെ കടയാണ് അക്രമികൾ അടിച്ചുതകർത്തത്. സംഭവത്തിൽ പ്രസാദ് എന്നയാൾ പിടിയിലായി. അക്രമികൾ കടയിൽ ഭക്ഷണം കഴിക്കാനെത്തിയതായിരുന്നു. കഴിയ്ക്കാൻ ദോശയ്ക്കൊപ്പം ഓംലെറ്റ് ഓഡർ ചെയ്തിരുന്നു. എന്നാൽ ഓംലെറ്റ് ഉണ്ടാക്കുന്നതിന് താമസമുണ്ടെന്ന് പറഞ്ഞത് ഇവരെ ചൊടിപ്പിക്കുകയായിരുന്നു. അത് അക്രമത്തിലേക്ക് വഴിവച്ചു. കടയിൽ ഭക്ഷണം കഴിയ്ക്കാനെത്തിയവരേയും അക്രമികൾ മർദിച്ചു. പുലിയൂർവഞ്ചി സ്വദേശികളും സഹോദരങ്ങളുമായ അരുൺ, അജിൽ എന്നിവർക്ക് പരിക്കേറ്റു. സംഭവത്തിൽ കരുനാഗപ്പള്ളി പോലീസ് കേസെടുത്ത് അന്വേഷണം ആരംഭിച്ചു.
Read Moreപത്തനംതിട്ടയില് വിജയം ഉറപ്പിക്കണമെന്ന് നേതാക്കളോടു മോദി
പത്തനംതിട്ട: അനില് കെ. ആന്റണിയുടെ വിജയം പത്തനംതിട്ടയില് ഉറപ്പിക്കണമെന്ന് സംസ്ഥാന, ജില്ലാ നേതൃത്വങ്ങള്ക്ക് പ്രധാനമന്ത്രി നരേന്ദ്രമോദിയുടെ നിര്ദേശം. കഴിഞ്ഞതവണ 2,97,396 വോട്ടു നേടിയ മണ്ഡലത്തില് ഇക്കുറി കേരളത്തിലെ തെരഞ്ഞെടുപ്പു പ്രചാരണത്തിനു തുടക്കം കുറിച്ചു നടത്തിയ യോഗത്തില് കണ്ട ആവേശം നിലനിര്ത്താന് അദ്ദേഹം നിര്ദേശിച്ചു. 2014നെ അപേക്ഷിച്ച് 13.50 ശതമാനം വോട്ട് ബിജെപിക്കു മണ്ഡലത്തില് വര്ധിച്ചു. സംസ്ഥാന പ്രസിഡന്റ് കെ. സുരേന്ദ്രനായിരുന്നു സ്ഥാനാര്ഥി. ഇത്തവണ എ പ്ലസ് മണ്ഡലങ്ങളുടെ പട്ടികയില്പെടുത്തിയാണ് ബിജെപി ദേശീയ നേതൃത്വം പത്തനംതിട്ടയെ പരിഗണിച്ചിട്ടുള്ളത്.മണ്ഡലത്തിലെ സാഹചര്യം സ്ഥാനാര്ഥി അനില് കെ. ആന്റണിയോടു മോദി നേരിട്ട് ആരാഞ്ഞിരുന്നു. ഇന്നലെ പത്തനംതിട്ടയിലെത്തിയ നരേന്ദ്രമോദിയുടെ തൊട്ടടുത്ത സീറ്റിലായിരുന്ന അനിലുമായി ദീര്ഘനേരം അദ്ദേഹം സംസാരിച്ചു. അഖിലേന്ത്യ സെക്രട്ടറി കൂടിയായ അനിലിന്റെ സ്ഥാനാര്ഥിത്വം ദേശീയ നേതൃത്വമാണ് പത്തനംതിട്ടയിലേക്ക് നിര്ദേശിച്ചത്. കേന്ദ്രമന്ത്രി അമിത്ഷാ മുന്കൈയെടുത്താണ് അനിലിനെ പത്തനംതിട്ടയിലേക്ക് അയച്ചത്. സംസ്ഥാന, ജില്ലാ നേതൃത്വങ്ങള്ക്ക് ഇത്…
Read Moreആറളത്ത് വീട്ടുമുറ്റത്ത് കെട്ടിയ ആടിനെ പുലി കടിച്ചുകൊന്നു; കാമറ സ്ഥാപിക്കുമെന്ന് കൊട്ടിയൂർ റെയ്ഞ്ചർ
ഇരിട്ടി: ആറളം ഫാം പുനരധിവാസ മേഖലയിൽ ബ്ലോക്ക് 11 ലെ താമസക്കാരനായ സുധാകരന്റെ വീട്ടുമുറ്റത്ത് കെട്ടിയിട്ടിരുന്ന ആടിനെ പുലി കടിച്ചുകൊന്നു. ഇന്ന് പുലർച്ചെ രണ്ടോടെയാണ് സംഭവം. ബ്ലോക്ക് 11 ൽ ചോമാനി പ്രദേശത്തെ 382 നമ്പർ വീട്ടിലെ പ്രസവിച്ച് നാലുദിവസം മാത്രമായ ആടിനെയാണ് പുലി കടിച്ചുകൊന്നത്. വനത്തിനോടു ചേർന്ന പ്രദേശം കൂടിയാണിത്. മുറ്റത്ത് കെട്ടിയ ആടിന് സമീപത്തുതന്നെ വീടിന്റെ തിണ്ണയിൽ സുധാകരനും കുടുംബവും കാവൽ കിടന്നിരുന്നു. ആടിന്റെ കരച്ചിൽ കേട്ട് ഉണർന്ന സുധാകരനും കുടുംബവും പുലി ആടിനെ അക്രമിക്കുന്നതുകണ്ട് ഓടിയെത്തി പുതപ്പുകൊണ്ട് പ്രതിരോധിക്കുകയായിരുന്നു. പ്രസവിച്ച ആടായിരുന്നതുകൊണ്ടാണ് കൂട്ടിനുള്ളിൽ കെട്ടാതെ മുറ്റത്ത് കെട്ടിയിരുന്നത്. വനത്തിനോട് ചേർന്ന മേഖലയായതുകൊണ്ടുതന്നെ ഇവിടെ ആനയുടെ ശല്യം അതിരൂക്ഷമാണ്. മുൻപ് ഈ പ്രദേശത്ത് കാട്ടാന ഒരു ജീവൻ എടുത്തിയിട്ടുണ്ട്. വന്യജീവികളുടെ ആക്രമണം അതിരൂക്ഷമായ പ്രദേശത്ത് ജീവൻ പണയം വച്ച് വളർത്തു മൃഗത്തിന് കാവൽ കിടന്ന…
Read More