പയ്യാവൂർ: കർണാടക വനത്തിൽ കാട്ടാനയുടെ ആക്രമണത്തിൽ പരിക്കേറ്റ പ്രവർത്തകനെ ആറംഗ മാവോയിസ്റ്റ് സംഘം ചിറ്റാരിക്കോളനിയിലെത്തിച്ചു കടന്നുകളഞ്ഞ സംഭവത്തിൽ കണ്ണൂർ റൂറൽ പോലീസും വനം വകുപ്പും സംയുക്ത അന്വേഷണം തുടങ്ങി. കാഞ്ഞിരക്കൊല്ലി, ചിറ്റാരിമേഖലയിൽ പോലീസ്, വനംവകുപ്പ് ഉദ്യോഗസ്ഥരുടെ നേതൃത്വത്തിൽ നിരീക്ഷണം ശക്തമാക്കി. ഇന്നു പുലർച്ചെ തണ്ടർബോൾട്ട് ടീം കാഞ്ഞിരക്കൊല്ലി മേഖലയിൽ പട്രോളിംഗ് നടത്തി. ഇവർ പാടാംകവലയിൽ ക്യാമ്പ് ചെയ്യുകയാണ്. ഇന്നലെ വൈകുന്നേരം ആറോടെയാണ് മാവോയിസ്റ്റ് പശ്ചിമഘട്ട സ്പെഷൽ സോൺ കമ്മിറ്റി അംഗം ചിക്കമംഗളൂരു അങ്ങാടി സ്വദേശി പ്രദീപ് എന്ന സുരേഷി (58) നെ പരിക്കേറ്റ നിലയിൽ മാവോയിസ്റ്റ് സംഘം ചിറ്റാരി പുഴയോരത്ത് എത്തിച്ചത്. മൂന്നുദിവസം മുൻപു പരിക്കേറ്റ സുരേഷിനെ ചികിത്സ ആവശ്യമായി വന്നപ്പോഴാണ് ജനവാസ മേഖലയിലെത്തിക്കാൻ മാവോയിസ്റ്റുകൾ തീരുമാനിച്ചത്. സുരേഷ് 2002 മുതൽ മാവോയിസ്റ്റ് പ്രവർത്തകനാണെന്നാണ് പോലീസ് പറയുന്നത്. ആദ്യം മാവോയിസ്റ്റ് സംഘത്തിലെ രണ്ടുപേർ കോളനിയിലെത്തി ഭക്ഷണം ആവശ്യപ്പെട്ടു.…
Read MoreCategory: Edition News
മന്ത്രി പരാജയം; ശശീന്ദ്രനെ വനംവകുപ്പില്നിന്നു മാറ്റണമെന്ന ആവശ്യം ശക്തമാകുന്നു
കോഴിക്കോട്: വയനാട്ടില് കാട്ടാനയുടെയും മറ്റു വന്യജീവികളുടെയും ആക്രമണത്തില് ആളുകള് നിരന്തരം കൊല്ലപ്പെടുന്ന സാഹചര്യത്തില് മന്ത്രി എ.കെ. ശശീന്ദ്രനെ വനംവകുപ്പില്നിന്നു മാറ്റണമെന്ന ആവശ്യം ശക്തിപ്പെടുന്നു. കര്ഷകരുടെ രക്ഷയ്ക്കു നടപടിയെടുക്കുന്നതില് മന്ത്രി പരാജയപ്പെട്ടുെവന്നാണ് പൊതുവെയുള്ള വിലയിരുത്തല്. വയനാട്ടില്നിന്നുള്ള എംഎല്എയായ ടി. സിദ്ദീഖ് അടക്കമുള്ളവരും പ്രതിപക്ഷ േനതാവും ശശീന്ദ്രന്റെ രാജീ ആവശ്യമുന്നയിച്ച് രംഗത്തെത്തിയിട്ടുണ്ട്. ശശീന്ദ്രന് വനം വകുപ്പു നിയന്ത്രിക്കാന് കഴിയുന്നില്ലെന്ന വിമര്ശനം ശക്തമാണ്. വയനാട്ടില് ഒരാഴ്ചയ്ക്കകം രണ്ടുപേരെ കാട്ടാന ചവിട്ടിക്കൊന്നിട്ടും മന്ത്രി വയനാട്ടിലേക്ക് തിരിഞ്ഞുനോക്കിയിട്ടില്ല. മരിച്ചവരുടെ കുടുംബങ്ങളെ ആശ്വസിപ്പിക്കാന് പോലും അദ്ദേഹത്തിനു കഴിഞ്ഞിട്ടില്ല. രണ്ടു കുടുംബത്തിന്റെ അത്താണികള് പൊലിഞ്ഞിട്ടും അവരോട് ഐക്യദാര്ഡ്യം പ്രകടപ്പിക്കാന് മന്ത്രി എന്ന നിലയ്ക്കു ശശീന്ദ്രനു കഴിയാത്തത് നാണേക്കടുണ്ടാക്കിയതായി ഇടതുമുന്നണി പ്രവര്ത്തകര് പോലും പറയുന്ന സാഹചര്യമുണ്ടായി. എന്സിപിയിലും ശശീന്ദ്രനെതിരേ വികാരം ശക്തമാണ്. കാട്ടാനയെ തടയാന് മന്ത്രിക്കു സാധ്യമല്ലെന്ന് എല്ലാവര്ക്കുമറിയാം. എന്നാല് കമ്പിവേലികള് കെട്ടിയും കിടങ്ങുകള് കുഴിച്ചും കാട്ടാനകള് ജനവാസ…
Read Moreസർവ ഐശ്വര്യങ്ങൾ പ്രദാനം ചെയ്യും; ഏഴരപ്പൊന്നാന ദർശനത്തിനൊരുങ്ങി ആസ്ഥാനമണ്ഡപം
ഏറ്റുമാനൂർ: ആസ്ഥാന മണ്ഡപമൊരുങ്ങി. ഭക്തജന സഹസ്രങ്ങളെ വരവേൽക്കാൻ ഏറ്റുമാനൂർ മഹാദേവക്ഷേത്രവും. നാളെയാണ് പ്രശസ്തമായ ഏഴരപ്പൊന്നാന ദർശനവും വലിയകാണിക്കയും. ഏറ്റുമാനൂർ മഹാദേവക്ഷേത്ര ഉത്സവത്തിലെ ഏറ്റവും പ്രധാന ചടങ്ങായ ഏഴരപ്പൊന്നാന ദർശനം നാളെ രാത്രി 12നാണ്. ആസ്ഥാന മണ്ഡപത്തിലാണ് ഏഴരപ്പൊന്നാന ദർശനം നടക്കുന്നത്. കമനീയമായി അലങ്കരിച്ച് ദീപപ്രഭയിൽ വെട്ടിത്തിളങ്ങുന്ന ആസ്ഥാന മണ്ഡപത്തിന്റെ ഇരുവശങ്ങളിലുമായി ഏഴരപ്പൊന്നാനകളെയും മധ്യത്തിലായി ഏറ്റുമാനൂരപ്പന്റെ തിടമ്പും പ്രതിഷ്ഠിക്കും. ഭക്തജനങ്ങൾ ഏഴരപ്പൊന്നാന ദർശനത്തിനു ശേഷം വലിയ കാണിക്കയർപ്പിച്ചാകും മടക്കം. ക്ഷേത്രത്തിലെ അറയ്ക്കുള്ളിൽ സൂക്ഷിച്ചിരിക്കുന്ന ഏഴരപ്പൊന്നാനകളെ എട്ടാം ഉത്സവത്തിനും ആറാട്ടിനും മാത്രമേ പുറത്തെടുക്കാറുള്ളു.ആറാട്ടിനുശേഷം മടങ്ങിയെത്തുന്ന ഏറ്റുമാനൂരപ്പനെ പേരൂർകവലയിലെ ആറാട്ട് എതിരേൽപ് മണ്ഡപത്തിൽ എതിരേൽക്കുന്നത് ഏഴരപ്പൊന്നാനയുടെ അകമ്പടിയോടെയാണ്. ഏഴാം ഉത്സവദിനമായ ഇന്ന് വൈകുന്നേരം കാഴ്ചശ്രീബലിക്ക് അയിലൂർ അനന്തനാരായണനും സംഘവും അവതരിപ്പിക്കുന്ന സ്പെഷൽ പഞ്ചവാദ്യം അകമ്പടിയേകും. തിരുവരങ്ങിൽ ഇന്ന് രാത്രി 9.15ന് ഗംഗാ ശശിധരന്റെ വയലിൻ നാദവിസ്മയവും 11ന് മീനടം ബാബുവിന്റെ കഥാപ്രസംഗവും…
Read Moreകടന്നു വരൂ…കടന്നു വരൂ…കടന്നു വരൂ… വാഗ്ദാനം വന് ലാഭം: തട്ടിപ്പ് കൂടുതലും ടെലഗ്രാം വഴി
കൊച്ചി: വന് ലാഭം വാഗ്ദാനം ചെയ്ത് നിക്ഷേപകരെ ക്ഷണിക്കുന്ന തട്ടിപ്പുകളില് കൂടുതലും നടക്കുന്നത് സാമൂഹ്യ മാധ്യമമായ ടെലഗ്രാം വഴിയെന്ന് പോലീസ്. ഇത്തരത്തില് തട്ടിപ്പിന് ഇരയാകുന്നവരുടെ എണ്ണം സംസ്ഥാനത്ത് വര്ധിക്കുകയാണ്. എന്നാല് പലരും മാനഹാനി ഭയന്ന് പരാതിപ്പെടാന് തയാറാകുന്നില്ലെന്നതാണ് വാസ്തവം. സാമൂഹിക മാധ്യമങ്ങളിലൂടെ വലയിലാക്കുന്നവരെ ടെലിഗ്രാം ഗ്രൂപ്പില് ചേരാന് തട്ടിപ്പുകാര് പ്രേരിപ്പിക്കുന്നു. തങ്ങള്ക്ക് ലഭിച്ച വന് തുകയുടെയും മറ്റും കണക്കുകള് ആകും ഈ ഗ്രൂപ്പിലെ മറ്റ് അംഗങ്ങള്ക്ക് പറയാനുണ്ടാവുക. അവര്ക്ക് പണം ലഭിച്ചു എന്ന തെളിയിക്കാന് സ്ക്രീന്ഷോട്ടുകളും പങ്കുവയ്ക്കും. എന്നാല്, ആ ഗ്രൂപ്പില് പുതുതായി ചേര്ന്ന ആള് ഒഴികെ ബാക്കി എല്ലാവരും തട്ടിപ്പുകാരുടെ ആളുകളാണെന്ന വിവരം ഇര ഒരിക്കലും അറിയില്ല എന്നതാണ് സത്യം. തുടര്ന്ന് ഏതെങ്കിലും വ്യാജ വെബ്സൈറ്റ് കാണിച്ച് നിക്ഷേപം നടത്താന് ആവശ്യപ്പെടുന്നു. മിക്ക തട്ടിപ്പുകളും ഏതാണ്ട് സമാനമായ രീതിയിലാണ്. തുടക്കത്തില് ചെറിയ തുക നിക്ഷേപിക്കുന്നവര്ക്കുപോലും തട്ടിപ്പുകാര്…
Read Moreകോട്ടയത്ത് ജയിക്കുന്നയാൾ വേണമെന്ന് കോൺഗ്രസ്; കെ. ഫ്രാന്സീസ് ജോര്ജിനെ സ്ഥാനാർഥിയാക്കി കേരള കോൺഗ്രസ്
കോട്ടയം: കോട്ടയം ലോക്സഭാ മണ്ഡലത്തില് യുഡിഎഫ് സ്ഥാനാര്ഥിയായി കേരള കോണ്ഗ്രസിലെ കെ. ഫ്രാന്സീസ് ജോര്ജിനെ പ്രഖ്യാപിച്ചു. ഇന്നു രാവിലെ കോട്ടയത്തെ കേരള കോണ്ഗ്രസ് സംസ്ഥാന കമ്മറ്റി ഓഫീസില് പാര്ട്ടി ചെയര്മാന് പി.ജെ. ജോസഫ് ആണ് സ്ഥാനാർഥിയെ പ്രഖ്യാപിച്ചത്. പാര്ട്ടി എക്സിക്യൂട്ടീവ് ചെയര്മാന് മോന്സ് ജോസഫ്, വര്ക്കിംഗ് ചെയര്മാന് പി.സി. തോമസ്, ജനറല് സെക്രട്ടറി ജോയി ഏബ്രഹാം, കോട്ടയം ജില്ലാ പ്രസിഡന്റ് സജി മഞ്ഞക്കടമ്പില് തുടങ്ങി പാര്ട്ടിയുടെ സംസ്ഥാന നേതാക്കള് പ്രഖ്യാപന വേദിയില് സന്നിഹിതരായിരുന്നു. പാര്ട്ടി വര്ക്കിംഗ് ചെയര്മാന് പി.സി. തോമസ്, എം.പി. ജോസഫ്, പ്രിന്സ് ലൂക്കോസ്, സജി മഞ്ഞക്കടമ്പില് തുടങ്ങിയവരുടെ പേരുകളും സ്ഥാനാര്ഥി നിര്ണയത്തില് സജീവമായി പരിഗണിച്ചിരുന്നു. എന്നാല് കഴിഞ്ഞ ദിവസം തിരുവനന്തപുരുത്ത് ചേര്ന്ന പാര്ട്ടി ഉന്നതാധികാര സമിതിയോഗം സ്ഥാനാര്ഥിയെ തീരുമാനിക്കാന് പാര്ട്ടി ചെയര്മാന് പി.ജെ. ജോസഫിനെ ചുമതലപ്പെടുത്തുകയായിരുന്നു. കോട്ടയം ലോക്സഭാ സീറ്റ് കേരള കോണ്ഗ്രസിനു നല്കാന്…
Read Moreരാജ്യത്ത് ലോക്കോ പൈലറ്റുമാരുടെ 16,373 ഒഴിവുകള്; ജോലിഭാരത്താല് വലഞ്ഞ് ജീവനക്കാര്
കൊച്ചി: ഇന്ത്യന് റെയില്വേയില് ലോക്കോ പൈലറ്റുമാരുടെ 16,373 ഒഴിവുകളില് യഥാസമയത്ത് ജീവനക്കാരെ നിയമിക്കാത്തതിനാല് നിലവിലുളളവരുടെ ജോലി ഭാരം ഇരട്ടിയാകുന്നതായി ആക്ഷേപം. 2023 ഡിസംബറിലെ കണക്കുകള് പ്രകാരം 16,373 ലോക്കോ പൈലറ്റുമാരുടെ ഒഴിവുകള് രാജ്യത്തുള്ളത്. 1,28,793 ലോക്കോ പൈലറ്റുമാര് വേണ്ടിടത്ത് 1,12,420 ലോക്കോ പൈലറ്റുമാര് മാത്രമാണ് നിലവിലുള്ളത്. അതേസമയം റെയില്വേ റിക്രൂട്ട്മെന്റ് ബോര്ഡ് കഴിഞ്ഞ ദിവസം 5,696 ഒഴിവുകളിലേക്ക് മാത്രമാണ് അപേക്ഷ ക്ഷണിച്ചിരിക്കുന്നത്. കേരളത്തിലെ സ്ഥിതിയും വ്യത്യസ്തമല്ല. സംസ്ഥാനത്ത് തിരുവനന്തപുരം, പാലക്കാട് ഡിവിഷനുകളില് 60 വനിതകള് ഉള്പ്പെടെ 1291 ലോക്കോ പൈലറ്റ്, അസിസ്റ്റന്റ് ലോക്കോ പൈലറ്റുമാരാണുള്ളത്. തിരുവനന്തപുരം ഡിവിഷനില് 718 പേരും പാലക്കാട് 573 പേരും 1291 പേർ ജോലി ചെയ്യേണ്ട ഇടത്ത് ഇപ്പോൾ 1118 പേർ മാത്രമേ ജോലി ചെയ്യുവാനുള്ളൂ. ഗുഡ്സ്, പാസഞ്ചര്, എക്സ്പ്രസ്, യാഡുകളില് ഷണ്ടിംഗ് ജോലി ചെയ്യുന്ന ലോക്കോ പൈലറ്റ് ഷണ്ടിംഗ് വിഭാഗങ്ങളാണ് ഇക്കൂട്ടത്തിലുള്ളത്.…
Read Moreമുഖംമൂടി സംഘം അതിക്രമിച്ച് വീട്ടിൽ കയറി: കൈയിൽ കിട്ടിയതെല്ലാം അടിച്ചു തകർത്തു; ഞെട്ടിക്കുന്ന സംഭവം കൊല്ലത്ത്
കൊല്ലം: ചവറയിൽ വീട്ടിൽ കയറി അതിക്രമം നടത്തി മുഖംമൂടി സംഘം. മടപ്പള്ളി സ്വദേശി അനിലിന്റെ വീട്ടിലാണ് മാരകായുധങ്ങളുമായി എത്തിയ സംഘം അക്രമം നടത്തിയത്. മുഖംമൂടി ധരിച്ചെത്തിയ രണ്ടംഗ സംഘം കഴിഞ്ഞ ദിവസം പുലർച്ചെ രണ്ട് മണിക്കാണ് അനിലിന്റെ വീട്ടിലെത്തിയത്. തുടർന്ന് അസഭ്യം പറഞ്ഞ് കൈയിൽ കിട്ടിയതെല്ലാം ഇവർ നശിപ്പിച്ചു. മുറ്റത്ത് നിർത്തിയിട്ടിരുന്ന കാറും അടിച്ചു തകർത്തു. വീടിന്റെ ജനലും കസേരകളും നശിപ്പിച്ചു. ഈ ശബ്ദം കേട്ട് വീട്ടുകാർ ഉണർന്നെന്ന് മനസിലായിട്ടും സംഘം അക്രമം തുടരുകയായിരുന്നു. ഈ അക്രമ ദൃശ്യങ്ങൾ അനിൽ തന്നെയാണ് മൊബൈലിൽ പകർത്തിയത്. അനിലിന്റെ കാർ ഒന്നര വർഷം മുൻപ് പ്രദേശവാസിയുടെ ബൈക്കിൽ തട്ടിയിരുന്നു. ഇത് കേസാവുകയും ചെയ്തു. ഒടുവിൽ പരാതിക്കാരന് 5000 രൂപ നൽകിയാണ് ഒത്തുതീർപ്പാക്കിയത്. എന്നാൽ പ്രദേശവാസി വീണ്ടും പണം ആവശ്യപ്പെട്ടു. ഇത് നൽകാൻ അനിൽ തയാറായില്ലായിരുന്നു. ഇതിന്റെ പേരിൽ തർക്കമുണ്ടായെന്നും പിന്നാലെയാണ്…
Read Moreമാലിന്യകുപ്പി സ്കൂൾ വളപ്പിലേക്ക് വലിച്ചെറിഞ്ഞു; കുപ്പികള് പൊട്ടി പുറത്തുവന്ന വാതകം ശ്വസിച്ച വിദ്യാര്ഥികള്ക്ക് അസ്വസ്ഥത
കോട്ടയം: സ്കൂള് മുറ്റത്തേക്ക് വലിച്ചെറിഞ്ഞ കുപ്പികള്പൊട്ടി പുറത്തുവന്ന വാതകം ശ്വസിച്ച വിദ്യാര്ഥികള്ക്ക് അസ്വസ്ഥതത. രണ്ടു വിദ്യാര്ഥികളെ ജില്ല ആശുപത്രിയില് പ്രവേശിപ്പിച്ചു. ഇന്നലെ രാവിലെ ചാലുകുന്ന് ലിഗോറിയന് പബ്ലിക് സ്കൂളിലായിരുന്നു സംഭവം. സ്കൂള് വളപ്പിന് സമീപത്തെ സമീപവാസിയുടെ പുരയിടം വൃത്തിയാക്കാനെത്തിയ തൊഴിലാളികള് മാലിന്യക്കുപ്പികള് സ്കൂള് വളപ്പിലേക്ക് വലിച്ചെറിയുകയായിരുന്നു. ആസിഡ് ഉള്പ്പെടയുള്ള രാസപദാര്ഥങ്ങളായിരുന്നു കുപ്പിയുണ്ടായിരുന്നതെന്ന് സംശയിക്കുന്നു. സ്കൂളിലെത്തിയ കുട്ടികള്ക്ക് കണ്ണ് നീറ്റലും ചിലര്ക്ക് തലകറക്കവും തളര്ച്ചയും അനുഭവപ്പെട്ടു. രൂക്ഷഗന്ധവും ഉണ്ടായിരുന്നു. എല്കെജി, യുകെജി ക്ലാസിന് സമീപത്താണ് കുപ്പികള് ഇട്ടിരുന്നത്. ഇതോടെ സ്കൂളിന് അവധി നല്കി. ലാബുകളില് ഉപയോഗിക്കുന്ന കുപ്പികളാണ് പൊട്ടിക്കിടന്നിരുന്നത്. ഇതില്നിന്ന് പുറത്തേക്ക് വമിച്ച രാസപദാര്ഥമാകാം അസ്വസ്ഥത സൃഷ്ടിച്ചതെന്ന് പോലീസ് പറഞ്ഞു. പ്രിന്സിപ്പല് കോട്ടയം വെസ്റ്റ് പോലീസില് പരാതി നല്കി.
Read Moreകാട്ടാന ആക്രമണം: വയനാട്ടിൽ വീണ്ടും മരണം; പരിക്കേറ്റ കുറുവാ ദ്വീപ് ജീവനക്കാരൻ മരിച്ചു
മാനന്തവാടി: പുൽപ്പള്ളി പാക്കത്ത് കാട്ടാനയുടെ ആക്രമണത്തിൽ ഗുരുതരമായി പരിക്കേറ്റയാൾ മരിച്ചു. കുറുവ ദ്വീപ് വിനോദ സഞ്ചാര കേന്ദ്രത്തിലെ താൽക്കാലിക ജീവനക്കാരനായ പുൽപ്പള്ളി പാക്കം വെള്ളച്ചാൽ പോൾ(55) ആണ് കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലിരിക്കെ മരിച്ചത്. ചെറിയമല ജംഗ്ഷനിൽ വച്ചാണ് കാട്ടാന ഇന്ന് രാവിലെ പോളിനെ ആക്രമിച്ചത്. ജോലിക്ക് പോകുന്നതിനിടെ പോൾ കാട്ടാനയെ കണ്ട് ഭയന്നോടുകയായിരുന്നു. തുടർന്ന് പിന്നാലെയെത്തിയ ആന വീണുകിടന്ന പോളിന്റെ നെഞ്ചിൽ ചവിട്ടി. ആനയുടെ ചവിട്ടിൽ പോളിന്റെ വാരിയെല്ലുൾപ്പെടെ തകർന്നിരുന്നു. പോളിന്റെ നിലവിളി കേട്ട് സമീപത്ത് ജോലി ചെയ്തിരുന്ന തൊഴിലുറപ്പ് തൊഴിലാളികളാണ് സ്ഥലത്തെത്തി ആനയെ ഒച്ചവെച്ച് ഓടിച്ചത്. തുടർന്ന് പോളിനെ മാനന്തവാടി മെഡിക്കൽ കോളജ് ആശുപത്രിയിലെത്തിച്ചു. പിന്നാലെ അടിയന്തര ശസ്ത്രക്രിയ നടത്തിയ ശേഷം കോഴിക്കോട് മെഡിക്കൽ കോളജിലേക്ക് കൊണ്ടുപോകുകയായിരുന്നു. പടമല പനച്ചിയിൽ അജീഷിനെ കാട്ടാന വീട്ടുമുറ്റത്ത് ചവിട്ടിക്കൊന്ന് ഒരാഴ്ചയ്ക്ക് ശേഷമാണ് വീണ്ടും ഒരാൾ കൂടി…
Read Moreഎംഡിഎംഎയുമായി സ്കൂള് പ്രിന്സിപ്പൽ പിടിയിൽ; കുടുങ്ങിയത് വാഹന പരിശോധനയ്ക്കിടെ
വയനാട്: വൈത്തിരിയില് ലഹരിമരുന്നായ എംഡിഎംഎയുമായി സ്വകാര്യ സ്കൂള് പ്രിന്സിപ്പല് പിടിയില്. പുല്പ്പള്ളിയിലെ സ്വകാര്യസ്കൂള് പ്രിന്സിപ്പല് ജയരാജാണ് പിടിയിലായത്. 26 ഗ്രാം എംഡിഎംഎ ഇയാളില് നിന്നും പിടിച്ചെടുത്തു. വാഹനവും വൈത്തിരി പോലീസ് കസ്റ്റഡിയിലെടുത്തു. വാഹന പരിശോധനയ്ക്കിടെ ഇയാള് പരിഭ്രമിച്ചു. പിന്നാലെ നടത്തിയ ദേഹ പരിശോധനയിലാണ് എംഡിഎംഎ കണ്ടെത്തിയത്. രഹസ്യവിവരത്തിന്റെ അടിസ്ഥാനത്തിലായിരുന്നു പോലീസ് പരിശോധന.
Read More