കോട്ടാങ്ങല്: കുഴിയില് വീണു തലയ്ക്കു ഗുരുതരമായി പരിക്കേറ്റ ഹയര് സെക്കന്ഡറി വിദ്യാര്ഥി മരിച്ചു. വെള്ളാവൂര് ഗ്രാമപഞ്ചായത്ത് മുന് പ്രസിഡന്റ് സുരേഷ് മൈലാട്ടുപാറയുടെ മകന് എസ്. ശ്രീശാന്താണ് (17) മരിച്ചത്. ഇന്നലെ വൈകുന്നേരം കോട്ടാങ്ങല് വലിയപടയണിക്കു പോയതായിരുന്നു ശ്രീശാന്ത്. രാത്രിയില് വീട്ടിലേക്കു മടങ്ങുമ്പോള് മണിമലയാറിന്റെ തീരത്തെ കുഴിയില് വീണു തലയ്ക്കു ഗുരുതരമായി പരിക്കേറ്റുവെന്നാണു വിവരം.ഒപ്പമുണ്ടായിരുന്ന സുഹൃത്തുക്കൾ ആശുപത്രിയിലെത്തിച്ചെങ്കിലും പിന്നീടു മരിച്ചു. പെരുമ്പെട്ടി പോലീസ് കേസെടുത്തു. മൃതദേഹം റാന്നിയിലെ സ്വകാര്യ ആശുപത്രി മോര്ച്ചറിയില്. കരിക്കാട്ടൂര് സിസിഎം ഹയര് സെക്കന്ഡറി സ്കൂള് വിദ്യാര്ഥിയാണ്. ഭാരതീയ വേലന് സൊസൈറ്റി സംസ്ഥാന പ്രസിഡന്റുകൂടിയാണ് അച്ഛനായ സുരേഷ് മൈലാട്ടുപാറ. ശ്രീശാന്തിന്റെ മാതാവ് അജിത സുരേഷ് പെരുവന്താനം ഗ്രാമപഞ്ചായത്തംഗമായിരുന്നു. സഹോദരി: ശ്രീലക്ഷ്മി (നഴ്സ്, ആര്മി, മീററ്റ്).
Read MoreCategory: Edition News
എം.ടിയുടെ വിമർശനത്തിൽ ബാഹ്യ ഇടപെടലില്ല; രഹസ്യാന്വേഷണ റിപ്പോര്ട്ട്
കോഴിക്കോട്: കേരള ലിറ്ററേച്ചർ ഫെസ്റ്റിൽ പങ്കെടുത്ത് എം.ടി. വാസുദേവൻ നായർ നടത്തിയ വിവാദ വിമർശനത്തിനു പിന്നിൽ ബാഹ്യ ഇടപെടൽ ഉ ണ്ടായില്ലെന്ന് രഹസ്യാന്വേഷണവിഭാഗം റിപ്പോര്ട്ട്. എംടിയുടെ പ്രസംഗം കഴിഞ്ഞയുടനെതന്നെ സംഭവം വിവാദമാകുമെന്നു സംസ്ഥാന രഹസ്യാന്വേഷണ വിഭാഗം ആഭ്യന്തര വകുപ്പിനു റിപ്പോർട്ട് നൽകിയിരുന്നു. തുടര്ന്നാണ് അന്വേഷണം നടത്തി ഒരാഴ്ചക്കകം റിപ്പോര്ട്ട് നല്കിയത്. ബാഹ്യ ഇടപെടൽ ഇല്ലെന്നും, മാത്രമല്ല പഴയ ലേഖനം എംടി ആവർത്തിക്കുകയാണ് ചെയ്തതെന്നും റിപ്പോർട്ടിലുണ്ട്. റിപ്പോർട്ട് എഡിജിപി തലത്തിൽ പരിശോധിക്കുകയാണ്. രഹസ്യാന്വേഷണ സംഘം ഇത്, സാധൂകരിക്കാൻ ലേഖനം പ്രസിദ്ധീകരിച്ച പഴയ പുസ്തകവും റിപ്പോർട്ടിനൊപ്പം സമർപ്പിച്ചതായാണ് അറിയുന്നത്. ജനുവരി 11ന് ലിറ്റററി ഫെസ്റ്റിന്റെ ഉദ്ഘാടന വേദിയിലാണ് മുഖ്യമന്ത്രി പിണറായി വിജയനെ വേദിയിലിരുത്തി നേതൃപൂജയെയും അധികാരത്തിലെ വഴിതെറ്റലിനെയും കുറിച്ച് എംടി പ്രസംഗിച്ചത്. ഇതിനുപിന്നാലെ പ്രതിപക്ഷം സർക്കാരിനെതിരേ ശക്തമായ വിമര്ശനം ഉന്നയിച്ചു. തുടര്ന്ന് സാഹിത്യകാരന്മാര് ചേരിതിരിഞ്ഞ് എംടിയെ അനുകൂലിച്ചും എതിര്ത്തും രംഗത്തെത്തി.
Read Moreബേക്കര് സ്കൂളില് മോഷണം; രണ്ടുപേർ പിടിയിൽ
കോട്ടയം: ബേക്കര് മെമോറിയല് ഹയര് സെക്കന്ഡറി സ്കൂളില് മോഷണം നടത്തിയ രണ്ടു പേരെ പോലീസ് പിടികൂടി. കൊല്ലം സ്വദേശികളായ വിനോജ് (44), സുധി ദാസ് (54) എന്നിവരെ വെസ്റ്റ് പോലീസ് സംഘം കൊല്ലത്ത് എത്തിയാണു പിടികൂടിയത്. ജീവകാരുണ്യ പ്രവര്ത്തനങ്ങള്ക്കായി വിദ്യാര്ഥികള് കുടുക്കകളില് ശേഖരിച്ചുവച്ചിരുന്ന പണം, രണ്ട് ഡിജിറ്റല് കാമറ, നിരീക്ഷണ കാമറകളുടെ രണ്ട് ഡിവിആര് യൂണിറ്റുകള്, അധ്യാപകരുടെ ബാഗുകള് എന്നിവയായിരുന്നു മോഷണം പോയത്. ഇവയെല്ലാം കണ്ടെടുത്തു. മോഷ്ടാക്കള് സ്കൂള് വളപ്പിലെ കിണറ്റില് ഉപേക്ഷിച്ച നിരീക്ഷണ കാമറയുടെ ഡിവിആര് നേരത്തെ കണ്ടെത്തിയിരുന്നു. അഗ്നിരക്ഷാ സേനയുടെ സ്കൂബ ടീമും പോലീസും ചേര്ന്നാണ് സ്കൂളിലും കിണറ്റിലും പരിശോധന നടത്തിയത്. ജില്ലയിലെ മറ്റു പല സ്കൂളുകളിലും നടന്ന മോഷണത്തില് ഇവര്ക്കു പങ്കുണ്ടെന്നാണ് പോലീസിന്റെ നിഗമനം. ചോദ്യം ചെയ്തുവരികയാണെന്നു പോലീസ് പറഞ്ഞു.
Read Moreലോക്സഭാ തെരഞ്ഞെടുപ്പ്; കോട്ടയം ഉറപ്പിക്കാൻ കച്ചകെട്ടി മുന്നണികൾ
കോട്ടയം: ലോക്സഭാ തെരഞ്ഞെടുപ്പിനുള്ള ഒരുക്കങ്ങള് വേഗത്തിലാക്കി മുന്നണികളും പാര്ട്ടികളും. യുഡിഎഫ് നേതൃത്വം അടുത്തയാഴ്ച സീറ്റുവിഭജന ഉഭയകക്ഷി ചര്ച്ചകള്ക്കു തലസ്ഥാനത്തു തുടക്കിമിടും. ഇടതുമുന്നണിയാകട്ടെ ഇന്നലെ ചേര്ന്ന സംസ്ഥാന യോഗത്തില് പ്രാഥമിക ചര്ച്ചകള് ആരംഭിച്ചു. എന്ഡിഎയിലും സീറ്റ് വിഭജന ചര്ച്ചകള്ക്ക് അടുത്തയാഴ്ച തുടക്കമാകും. ബൂത്തുതലം വരെയുള്ള കമ്മിറ്റികളെ ശക്തമാക്കുകയാണു കോണ്ഗ്രസ്. കഴിഞ്ഞ ദിവസം ചേര്ന്ന ജില്ലാ ജനറല് ബോഡി യോഗത്തില് പ്രതിപക്ഷ നേതാവ് വി.ഡി. സതീശന് പങ്കെടുത്തിരുന്നു. കോട്ടയം പാര്ലമെന്റ് മണ്ഡലം യുഡിഎഫിന്റെ ഉറച്ച മണ്ഡലമാണെന്നും ഒരു കാരണവശാലം മണ്ഡലം കൈവിടരുതെന്നുമാണ് പ്രതിപക്ഷ നേതാവ് പറഞ്ഞത്. തിരുവഞ്ചൂര് രാധാകൃഷ്ണന്, കെ.സി. ജോസഫ്, ടോമി കല്ലാനി, ജോസഫ് വാഴയ്ക്കന്, ജോസി സെബാസ്റ്റ്യന് തുടങ്ങിയവര് ബ്ലോക്ക് തല കമ്മിറ്റികളില് പങ്കെടുത്ത് താഴേക്കിടയിലുള്ള കമ്മിറ്റികള് ശക്തമാക്കും. പത്തനംതിട്ട, മാവേലിക്കര മണ്ഡലങ്ങളിലും പ്രവര്ത്തനങ്ങള് സജീവമാണ്. റബര്കര്ഷകരുടെ പ്രശ്നങ്ങള് ഉയര്ത്തിക്കാട്ടി കേരള കോണ്ഗ്രസ് എക്സിക്യൂട്ടീവ് ചെയര്മാന് മോന്സ്…
Read Moreതെരഞ്ഞെടുപ്പിന് മുമ്പ് മുഖം മിനുക്കാൻ സർക്കാർ; പോലീസില് വന് അഴിച്ചുപണി
കോട്ടയം: തെരഞ്ഞെടുപ്പിനു മുമ്പു മുഖം മിനുക്കാന് സര്ക്കാര് നടത്തുന്ന ശ്രമങ്ങളുടെ ഭാഗമായി പോലീസ് സേനയില് വന് അഴിച്ചുപണി. ഏറ്റവും കൂടുതല് ആരോപണങ്ങള് നേരിട്ട പോലീസ് സേനയെ നവീകരിക്കുകയാണ് ആദ്യ പടി. ഇതിന്റെ ഭാഗമായി ജില്ലയില്നിന്ന് എട്ടു ഡിവൈഎസ്പിമാരെ സ്ഥലംമാറ്റി ഉത്തരവായി. കോട്ടയം ഡിവൈഎസ്പി കെ.ജി. അനീഷിനെ അമ്പലപ്പുഴയ്ക്കു മാറ്റിയപ്പോള് മുനമ്പത്തുനിന്നു സ്ഥലം മാറിയെത്തുന്ന എം.കെ. മുരളിയാണ് പുതിയ ഡിവൈഎസ്പി. തൊടുപുഴയില്നിന്ന് ഇമ്മാനുവല് പോളിനെ വൈക്കം ഡിവൈഎസ്പിയായും നിയമിച്ചു. പാലാ ഡിവൈഎസ്പി എ.ജെ. തോമസിനെ മുവാറ്റുപുഴയിലേക്കു മാറ്റിയപ്പോള് ഇടുക്കി ക്രൈം ബ്രാഞ്ചില് നിന്നുമെത്തുന്ന കെ. സദനെയാണ് പാലായിൽ നിയമിച്ചിരിക്കുന്നത്. ചങ്ങനാശേരി ഡിവൈഎസ്പി എ.കെ. വിശ്വനാഥനെ പുത്തന്കുരിശിലേക്കു മാറ്റിയപ്പോള് എറണാകുളം റൂറലില്നിന്ന് സജി മാര്ക്കോസിനെയാണ് ചങ്ങനാശേരിയില് നിയമിച്ചിരിക്കുന്നത്. കോട്ടയം സപെഷല് ബ്രാഞ്ച് ഡിവൈഎസ്പി സാജു വര്ഗീസിനെ ഇടുക്കി ഡിവൈഎസ്പിയായി നിയമിച്ചപ്പോള് തിരുവനന്തപുരം നാര്ക്കോട്ടിക് സെല് ഡിവൈഎസ്പി വി.ടി. റാഷിദിനെയാണ് കോട്ടയം…
Read Moreമാക്കൂട്ടം ചുരത്തിലെ മൃതദേഹം; കൊല്ലപ്പെട്ടതും കൊന്നതും ആര്?
ഇരിട്ടി: സെപ്റ്റംബർ 18ന് മാക്കൂട്ടം ചുരത്തിൽ ഓട്ടക്കൊല്ലിയിൽ ട്രോളി ബാഗിൽ കണ്ടെത്തിയ സ്ത്രീയുടെ അഴുകിയ മൃതദേഹം സംബന്ധിച്ച അന്വഷണം എങ്ങും എത്താതെ നീളുന്നു. ഏകദേശം രണ്ടാഴ്ച പഴക്കമുള്ള മൃതദേഹം ചുരത്തിലെ പ്ലാസ്റ്റിക് ഉൾപ്പെടെ നീക്കം ചെയ്യാനെത്തിയ വനം വകുപ്പ് ജീവനക്കാരായിരുന്നു കണ്ടെത്തിയത്. വീരാജ്പേട്ട സിഐ ശിവരുദ്രയുടെ നേതൃത്വത്തിലുള്ള അന്വേഷണ സംഘം ആദ്യഘട്ടത്തിൽ ശക്തമായ അന്വേഷണമാണ് നടത്തിയിരുന്നത്. കേരളം ഉൾപ്പെടെ വിവിധ സംസ്ഥാനങ്ങളിൽ കാണാതായ സ്ത്രീകളുടെ വിവരങ്ങൾ ശേഖരിച്ചായിരുന്നു അന്വേഷണം.പോസ്റ്റുമോർട്ടം റിപ്പോർട്ട് പോസ്റ്റുമോർട്ടം റിപ്പോർട്ടിന്റെ അടിസ്ഥാനത്തിൽ 20 നും 30 നും ഇടയിൽ പ്രായം വരുന്ന സ്ത്രീയുടെ മൃതദേഹമാണെന്ന് തിരിച്ചറിഞ്ഞതോടെ കേരളത്തിലെ കണ്ണവത്തു നിന്നും കാണാതായ സ്ത്രീയെ കേന്ദ്രീകരിച്ചായിരുന്നു ആദ്യ അന്വേഷണം. വീട്ടുകാരെത്തി തിരിച്ചറിയാൻ ശ്രമിച്ചെങ്കിലും പരാജയപ്പെട്ടതോടെ രക്ത സാമ്പിൾ ഡിഎൻഎ ടെസ്റ്റിന് എടുക്കാൻ കോടതി ഉത്തരവ് ലഭിച്ചപ്പോഴാണ് കാണാതായ സ്ത്രീയെ പേരാവൂരിൽ നിന്നും കണ്ടെത്തുന്നത്. കണ്ണപുരത്തും അന്വേഷണം…
Read Moreമുക്കുപണ്ടം പണയംവച്ച് ലക്ഷങ്ങൾ തട്ടിയയാൾ അറസ്റ്റിൽ
മൂവാറ്റുപുഴ: മുക്കുപണ്ടം പണയം വച്ച് ലക്ഷങ്ങൾ തട്ടിയെടുത്തയാളെ പോലീസ് അറസ്റ്റ് ചെയ്തു. മലപ്പുറം ചോലയ്ക്കര ഏറന്തൊടി മുഹമ്മദ് അഷ്റഫി(49)നെയാണ് മൂവാറ്റുപുഴ പോലീസ് അറസ്റ്റ് ചെയ്തത്. ഐഡിബിഐ ബാങ്കിന്റെ മൂവാറ്റുപുഴ ശാഖയിൽ 96 ഗ്രാം തൂക്കം വരുന്ന 12 മുക്കുപണ്ട വളകൾ പണയം വച്ച് 3,85,000 രൂപയാണ് തട്ടിയെടുത്തത്. പെരുമ്പാവൂരിൽ തടിക്കച്ചവടത്തിന്റെ ഏജന്റാണ് ഇയാൾ. മലപ്പുറം, മഞ്ചേരി, തൊടുപുഴ, വടക്കാഞ്ചേരി സ്റ്റേഷനുകളിലായി സമാനസ്വഭാവമുള്ള 13 കേസുകൾ മുഹമ്മദ് അഷറഫിനെതിരെയുണ്ട്. പ്രതിയെ ബാങ്കിലെത്തിച്ച് തെളിവെടുപ്പ് നടത്തി. ഇൻസ്പെക്ടർ പി.എം. ബൈജു, എസ്ഐ മാഹിൻ സലിം, എഎസ്ഐ പി.എസ്. ജോജി തുടങ്ങിയവരാണ് അന്വേഷണ സംഘത്തിലുള്ളത്.
Read Moreചാരിറ്റി സംഘടനയുടെ പേരില് സഹായം വാഗ്ദാനം ചെയ്തു തട്ടിപ്പ്: അങ്ങനെ ലഭിക്കുന്ന പണംകൊണ്ട് ആഡംബര ജീവിതം: വിവിധ പേരുകളില് അറിയപ്പെട്ടിരുന്ന കുഞ്ഞുമോന് ആളു ചില്ലറക്കാരനല്ല
കൊച്ചി: നിര്ധനരുടെ പെണ്മക്കളുടെ വിവാഹത്തിന് വിദേശത്തുള്ള ചാരിറ്റി സംഘടന വഴി സ്വര്ണം നല്കാമെന്ന് പറഞ്ഞ് വിശ്വസിപ്പിച്ച് തട്ടിപ്പ് നടത്തിയ കേസില് അറസ്റ്റിലായ തൃശൂര് അവിയൂര് കൂവക്കാട്ട് വീട്ടില് കുഞ്ഞുമോന് (50) തട്ടിപ്പിനായി ഉപയോഗിച്ചിരുന്നത് വിവിധ പേരുകളെന്ന് പോലീസ്. അഷ്റഫ്, സലിം, ബഷീര്, റിയാസ് എന്നിങ്ങനെ വ്യത്യസ്ത പേരുകളിലായാണ് ഇയാള് സംസ്ഥാനത്തിന്റെ വിവിധ ഭാഗങ്ങളില് തട്ടിപ്പ് നടത്തിയിരുന്നത്. കോതമംഗലം സ്വദേശിനിയുടെ പരാതിയില് ചേരാനല്ലൂര് പോലീസ് ഇന്സ്പെക്ടര് കെ. ബ്രിജുകുമാര്, എസ്ഐ കെ.എക്സ്. തോമസ് എന്നിവരുടെ നേതൃത്വത്തിലുള്ള പോലീസ് സംഘം ഇയാളെ കഴിഞ്ഞ ദിവസം മൈസൂരുവിലെ ഹോട്ടലില് നിന്ന് അറസ്റ്റ് ചെയ്യുകയുണ്ടായി. കോതമംഗലത്ത് ചുക്ക് കാപ്പി കച്ചവടം നടത്തുന്ന യുവതിയുടെ കടയിലെത്തി കാപ്പി കുടിക്കാനെത്തിയ പരിചയപ്പെട്ട ഇയാള് അഷ്റഫ് എന്ന പേരാണ് യുവതിയോട് പറഞ്ഞത്. സാമ്പത്തിക ബുദ്ധിമുട്ട് അനുഭവിക്കുന്നവരെ സഹായിക്കാനായി ഇടപ്പള്ളിയില് പ്രവര്ത്തിക്കുന്ന അല്- അമീന്ട്രസ്റ്റ് ഭാരവാഹിയായ താന് ട്രസ്റ്റ്…
Read Moreറോഡിൽ അതിരുവിട്ട വിവാഹ ആഘോഷം; വരനും സുഹൃത്തുക്കൾക്കും എട്ടിന്റെ പണികൊടുത്ത് ചക്കരക്കല്ല് പോലീസ്
കണ്ണൂർ: റോഡിൽ വിവാഹ ആഭാസങ്ങൾ നടത്തിയ വരനും സുഹൃത്തുക്കൾക്കും ഒടുവിൽ എട്ടിന്റെ പണി. കണ്ണൂർ-മട്ടന്നൂർ റൂട്ടിൽ ഗതാഗതക്കുരുക്കുണ്ടാക്കിയതിനും അന്യായമായി സംഘം ചേർന്നതിനും വരനുൾപ്പെടെ ഇരുപത്തഞ്ചോളം പേർക്കെതിരേയാണ് ചക്കരക്കല്ല് പോലീസ് കേസെടുത്തത്. കണ്ണൂർ വാരത്താണു ഇന്നലെ നാടിനെ കുരുക്കിയ വിവാഹം നടന്നത് .വളപട്ടണം സ്വദേശിയായ വരൻ ഒട്ടകപ്പുറത്ത് വാരത്തുള്ള വധുവിന്റെ വീട്ടിലേക്ക് എത്തിയത്. മണിക്കൂറുകളോളം റോഡിൽ തടസം ഉണ്ടായപ്പോൾ യാത്രക്കാരുടെ പരാതിയെ തുടർന്ന് പോലീസ് എത്തിയാണ് ഗതാഗത തടസം ഒഴിവാക്കിയത്. ഒട്ടകപ്പുറത്തുള്ള വരന്റെ വരവ് പിന്നെയും പ്രശ്നങ്ങൾ സൃഷ്ടിച്ചു. ഒട്ടകപ്പുറത്തുള്ള വരൻ താഴയിറങ്ങിയാൽ മാത്രമേ വധുവിന്റെ വീട്ടിലേക്ക് പ്രവേശിപ്പിക്കുവെന്ന് വധുവിന്റെ ബന്ധുക്കൾ പറഞ്ഞത് വരന്റെ സുഹൃത്തുക്കളും വധുവിന്റെ ബന്ധുക്കളും തമ്മിലുള്ള വാക്കേറ്റത്തിലും സംഘർഷത്തിലും കലാശിച്ചു. ഇതിനിടയിൽ, വരന്റെ ആഘോഷ യാത്രയ്ക്കിടെ സുഹൃത്തുക്കൾ പടക്കം പൊട്ടിച്ചപ്പോൾ ചിലർക്ക് പരിക്കേൽക്കുകയും ചെയ്തു.ചക്കരക്കല്ല് പോലീസ് സംഭവസ്ഥലത്ത് എത്തിയാണ് സ്ഥിതി ശാന്തമാക്കിയത്. എന്നാൽ, ആർക്കെതിരേയും…
Read Moreപരിമിതികള്ക്കുള്ളില് നിന്നുകൊണ്ട് സുരക്ഷിതമായ തീര്ഥാടനം സാധ്യമാക്കി: മന്ത്രി കെ. രാധാകൃഷ്ണന്
ശബരിമല: ശബരിമലയുടെ പരിമിതികള്ക്കുള്ളില് നിന്നുകൊണ്ട് ഇത്തവണ സുരക്ഷിതമായ തീര്ഥാടനം ഒരുക്കാന് സാധിച്ചതായി ദേവസ്വം മന്ത്രി കെ. രാധാകൃഷ്ണന്. പ്രതീക്ഷിച്ചതിലധികം തിരക്കുണ്ടായി. മുന്വര്ഷങ്ങളെ അപേക്ഷിച്ച് അമ്മമാരും കുട്ടികളും കൂടുതലായി എത്തി. ഒരു മണിക്കൂറില് എത്തിച്ചേരുന്ന ഭക്തരുടെ എണ്ണവും വളരെ കൂടുതലായിരുന്നു. തിരക്കു വര്ധിക്കുമെന്നു മുന്കൂട്ടിക്കണ്ട് പരമാവധി സൗകര്യങ്ങള് സര്ക്കാരും ദേവസ്വം ബോര്ഡും ഒരുക്കിയിരുന്നു. എല്ലാ വകുപ്പുകളും ഒറ്റക്കെട്ടായി പ്രവര്ത്തിച്ചാണ് തീര്ഥാടനം സുഗമമാക്കിയത്. ഇതിനിടെ ദുഷ്പ്രചാരണങ്ങള് പരത്താനുള്ള ശ്രമമുണ്ടായി. എന്നാല് അതെല്ലാം തെറ്റാണെന്ന് പിന്നീട് ബോധ്യപ്പെട്ടു. പുറത്തുനിന്നു കേട്ട വാര്ത്തകള് തെറ്റാണെന്ന് ബോധ്യപ്പെട്ടതായി മലയിറങ്ങിയ ഇതര സംസ്ഥാനങ്ങളിലെ അയ്യപ്പഭക്തര് സാക്ഷ്യപ്പെടുത്തിയതായും മന്ത്രി പറഞ്ഞു. ഭക്തിയോടെ മലകയറുന്നവരുടെ മനസ്് ശുദ്ധമായിരിക്കണം. മാനവ സൗഹൃദത്തിന്റെ വേദിയാണ് ശബരിമലയെന്നും മനുഷ്യര് ഒന്നാണെന്ന സന്ദേശമാണ് ഇവിടം നല്കുന്നതെന്നും മന്ത്രി കൂട്ടിച്ചേര്ത്തു. തീര്ഥാടകരുടെ മലയിറക്കം സുഗമമായിശബരിമല: മകരജ്യോതി ദര്ശനത്തിനുശേഷം സന്നിധാനത്തു നിന്നുള്ള അയ്യപ്പഭക്തരുടെ മലയിറക്കം പുലർച്ചയോടെ ഏതാണ്ട്…
Read More