കോട്ടയം: ലോകസഭാ തെരഞ്ഞെടുപ്പില് കോട്ടയത്തിന്റെ രാഷ്ട്രീയചിത്രം തെളിയുന്നു. എല്ഡിഎഫില് സീറ്റ് കേരള കോണ്ഗ്രസ് എമ്മിനായിരിക്കും. സിറ്റിംഗ് എംപി തോമസ് ചാഴികാടന് വീണ്ടും മത്സരിക്കും. കോട്ടയം സീറ്റ് കോണ്ഗ്രസ് ഏറ്റെടുത്ത് അച്ചു ഉമ്മനെ മത്സരിപ്പിക്കുമെന്ന കിംവദന്തികള്ക്കു വിരാമമിട്ട് കേരള കോണ്ഗ്രസ് ജോസഫ് വിഭാഗത്തിന് സീറ്റ് നൽകുമെന്ന് യുഡിഎഫ് കണ്വീനര് എം.എം. ഹസന് പ്രഖ്യാപിച്ചു. ജോസഫ് വിഭാഗത്തില് ഫ്രാന്സിസ് ജോര്ജ്, പി.സി. തോമസ് തുടങ്ങിയവരാണു പരിഗണനയില്. അപു ജോണ് ജോസഫ്, എം.പി. ജോസഫ്, ജോയി എബ്രഹാം, സജി മഞ്ഞക്കടമ്പന് തുടങ്ങിയവരും പരിഗണിക്കപ്പെടാം. എന്ഡിഎയില് കോട്ടയം സീറ്റില് ബിജെപി മത്സരിക്കും. സ്ഥാനാര്ഥി ആരെന്നതില് വ്യക്തതയില്ല. മൂന്നു മുന്നണികളും വൈകാതെ സമ്മേളനങ്ങളും ജാഥകളും ജനസമ്പര്ക്കവുമായി മുന്നോട്ടിറങ്ങുകയാണ്. കഴിഞ്ഞ ലോക്സഭാ തെരഞ്ഞെടുപ്പില് മാണി വിഭാഗം യുഡിഎഫിലായിരുന്നു. തോമസ് ചാഴികാടന് 1.8 ലക്ഷം വോട്ടുകളുടെ മുന്തൂക്കത്തിലാണ് വി.എന്. വാസവനെ പരാജയപ്പെടുത്തിയത്. നിലവില് കേരള കോണ്ഗ്രസ് മാണി,…
Read MoreCategory: Edition News
അതിരമ്പുഴ ടൗണ് വികസനം: മാര്ക്കറ്റ് ജംഗ്ഷനിലെ കെട്ടിടം പൊളിച്ചുതുടങ്ങി
അതിരമ്പുഴ: ടൗണ് വികസനത്തിന്റെ ഭാഗമായി മാര്ക്കറ്റ് ജംഗ്ഷനിലെ കെട്ടിടം പൊളിച്ചുതുടങ്ങി. വിവാദമായ മൂന്നുനില കെട്ടിടം പൊളിച്ചുനീക്കുന്ന നടപടികള് കഴിഞ്ഞ ദിവസമാണു തുടങ്ങിയത്. പൊളിച്ചുനീക്കുന്നതു സംബന്ധിച്ചു ചില തടസങ്ങള് നിലനിന്നിരുന്നു. അതുകൊണ്ടു ഭാഗികമായാണ് ഇപ്പോള് കെട്ടിടം പൊളിക്കുന്നത്. അതിരമ്പുഴ തിരുനാളിനു മുമ്പായി ടൗണ് വികസനം പൂര്ത്തിയാക്കുകയാണു ലക്ഷ്യം. എന്നാല് കെട്ടിടം പൊളിക്കുന്നതില് അനിശ്ചിതാവസ്ഥ ഉണ്ടായതോടെ ആശങ്ക നിലനിന്നിരുന്നു. കെട്ടിടം പൊളിക്കാന് ആരംഭിച്ചതോടെ 20നു മുമ്പായി ടൗണ് വികസനം പൂര്ത്തിയാക്കാന് സാധിക്കുമെന്നു പൊതുമരാമത്തു വകുപ്പ് (നിരത്ത് വിഭാഗം) അധികൃതര് പറഞ്ഞു. ചില അനധികൃത നിര്മിതികള് ഉണ്ടെന്നും അവ പൊളിച്ചുനീക്കുമെന്നും അധികൃതര് അറിയിച്ചിട്ടുണ്ട്. സ്ഥലം എംഎല്എ കൂടിയായ സഹകരണ-തുറുമുഖ മന്ത്രി വി.എന്. വാസവന് പ്രത്യേകം താത്പര്യമെടുത്താണ് അതിരമ്പുഴ ടൗണ് വികസനത്തിന് എട്ടരകോടി രൂപ അനുവദിച്ചത്. നിര്മാണ പ്രവര്ത്തനങ്ങള് ഉടൻ പൂർത്തിയാകും. കെഎസ്ഇബിയുടെ ചില പോസ്റ്റുകൾ മാറ്റിസ്ഥാപിക്കുന്ന നടപടിയും അവസാനഘട്ടത്തിലാണ്.
Read Moreഎംടി വിമർശിച്ചതു പിണറായിയെത്തന്നെ; കാര്യം പറഞ്ഞാൽ പണി പോകുമെന്ന പേടിയാണ് ഇപിക്കെന്ന് കെ. മുരളീധരൻ
കോഴിക്കോട്: കേരള ലിറ്ററേച്ചര് ഫെസ്റ്റിവലിന്റെ ഉദ്ഘാടനച്ചടങ്ങില് മുഖ്യമന്ത്രിയെ വേദിയിലിരുത്തി എം.ടി. വാസുദേവന് നായര് നടത്തിയ പ്രസംഗത്തില് ഉദ്ദേശിച്ചത് കേരളത്തെതന്നെയാണെന്നു കെ. മുരളീധരന് എംപി. മുഖ്യമന്ത്രി പിണറായിയെതന്നെയാണ് വിമർശിച്ചത്. വായിക്കുന്നവർക്ക് കാര്യം മനസിലാകും. പറഞ്ഞത് ഇ.പി. ജയരാജന് മനസിലാകാഞ്ഞിട്ടല്ല, കാര്യം പറഞ്ഞാൽ പണി പോകുമെന്ന പേടിയാണ് ഇപിക്ക്. പറഞ്ഞത് പിണറായിക്കെന്നതുപോലെ മോദിക്കും ബാധകമാണെന്നും അദ്ദേഹം വ്യക്തമാക്കി. അയോധ്യയിൽ കോൺഗ്രസ് പങ്കെടുക്കാത്തത് ഇടത് സമ്മർദം കാരണമെന്ന എം.വി. ഗോവിന്ദന്റെ പ്രസ്താവന നത്തോലി പറയുന്നത് കേട്ട് തിമിംഗലം തീരുമാനം എടുത്തെന്ന് പറയുന്നതുപോലെയാണെന്നും മുരളീധരൻ പറഞ്ഞു. കോൺഗ്രസിന്റെ തീരുമാനം ഉചിതമായ സമയത്തുതന്നെയാണ്. പിണറായി വിജയന്റെ മുസ് ലിം ലീഗ് അനുകൂല പ്രസംഗം കേള്ക്കുമ്പോള് സിഎച്ചിന്റെ പ്രതികരണം ഇന്നും പ്രസക്തമാണ്. വിശ്വാസിയെ ഒരിക്കലേ പാമ്പുകടിക്കൂ എന്നായിരുന്നു സിഎച്ച് പണ്ട് പ്രതികരിച്ചതെന്നും മുരളീധരന് കോഴിക്കോട് മാധ്യമങ്ങളോട് പറഞ്ഞു.
Read Moreവളരുന്ന വനിതാ സഞ്ചാരം…
കൊച്ചി: സംസ്ഥാന ഉത്തരവാദിത്ത ടൂറിസം മിഷന്റെ (ആര്ടി മിഷന്റെ) സംരംഭമായ സ്ത്രീ സൗഹൃദ വിനോദ സഞ്ചാര പദ്ധതിയുടെ ഭാഗമായി കഴിഞ്ഞ വര്ഷം കേരളത്തിനകത്ത് സഞ്ചരിച്ച ആഭ്യന്തര വനിതാ സഞ്ചാരികളുടെ എണ്ണത്തില് ഗണ്യമായ വര്ധന. കഴിഞ്ഞ വര്ഷം 14,800 ആഭ്യന്തര വനിതാ സഞ്ചാരികളാണ് കേരളത്തിനകത്ത് സന്ദര്ശനം നടത്തിയത്. കൊല്ലങ്കോട്, മാമ്പുളം, മൂന്നാര്, കാന്തല്ലൂര്, വട്ടവട, മറവന്തുരുത്ത്, കൊല്ലങ്കോട്, കടലുണ്ടി, അയ്മനം, പെരുമ്പളം, വലിയപറമ്പ, മലരിക്കല് കുമരകം, ചെമ്പ്, പിണറായി, അഞ്ചരക്കണ്ടി, അഞ്ചുതെങ്ങ്, തിരുവാര്പ്പ്, മണ്റോതുരുത്ത്, ധര്മ്മടം തുടങ്ങി കേരളത്തിലെ വിവിധ പ്രദേശങ്ങളുടെ ഗ്രാമീണ ഭംഗി ആസ്വദിച്ചു മടങ്ങിയവരാണ് ഈ വനിതാ സഞ്ചാരികള്. വിവിധ ടൂര് പാക്കേജുകളുടെ ഭാഗമായി ഏകദേശം ആയിരത്തിലധികം വിദേശ വനിതകളും കേരളം കണ്ടുമടങ്ങി. 2022 ഒക്ടോബര് 26നാണ് പദ്ധതി ആരംഭിച്ചത്. രാജ്യത്ത് ആദ്യമായിട്ടാണ് ഇത്തരത്തില് സ്ത്രീ സൗഹൃദ വിനോദ സഞ്ചാര പദ്ധതി നടപ്പിലാക്കുന്നത്. എല്ലാ വിനോദസഞ്ചാര…
Read Moreഷെഡിനു മുകളില് മരംവീണ് തൊഴിലാളി മരിച്ചു
കൊല്ലം: ആര്യങ്കാവ് അമ്പനാട് എസ്റ്റേറ്റില് ഷെഡിന് മുകളില് മരം വീണ് തൊഴിലാളി മരിച്ചു. നാല് പേര്ക്ക് പരിക്കേറ്റു. തമിഴ്നാട് സ്വദേശി മണിയാണ് മരിച്ചത്. ഇന്ന് പുലര്ച്ചെ നാലു മണിയോടെയാണ് സംഭവം. ഗ്രാമ്പൂ, കുരുമുളക് വിളവെടുക്കാന് എത്തിയ തൊഴിലാളികള് താമസിക്കാന് എസ്റ്റേറ്റിനുള്ളില് താല്കാലികമായി നിര്മിച്ച ഷെഡിന് മുകളിലേക്കാണ് ശക്തമായ കാറ്റില് മരം പിഴുതു വീണത്. ഉറക്കത്തിലായിരുന്ന മണിയുടെ പുറത്താണ് മരം പതിച്ചത്.ഗുരുതര പരിക്കേറ്റ മണി പുനലൂര് താലൂക്ക് ആശുപത്രിയിലേക്ക് കൊണ്ടുവരവേ മരിച്ചു. പരിക്കേറ്റ മറ്റുള്ളവരെ താലൂക്ക് ആശുപത്രിയില് പ്രവേശിപ്പിച്ചു.
Read Moreസ്കൂൾ വിദ്യാർഥിനിയെ ആക്രമിച്ച് കമ്മൽ കവർന്നു; ആക്രമണം നടത്തിയത് ബൈക്കിലെത്തിയ രണ്ടംഗസംഘം
കൊട്ടാരക്കര: ട്യൂഷനു പോവുകയായിരുന്ന സ്കൂൾ വിദ്യാർഥിനിയെ അക്രമിച്ച് കമ്മൽ കവർന്നു.പരിക്കേറ്റ വിദ്യാർഥിനി ചികിൽസയിലാണ്. ഇന്ന് രാവിലെ 6.30 ന് കൊട്ടാരക്കര – ഓയൂർ റോഡിൽ കുരിശിൻമൂടിന് സമീപമാണ് സംഭവം. ഒൻപതാം ക്ലാസിൽ പഠിക്കുന്ന 14 കാരിക്കു നേരെയാണ് ആക്രമണമുണ്ടായത്. നടന്നു പോകുമ്പോൾ ബൈക്കിൽ പിന്നാലെയെത്തിയ രണ്ടു പേരാണ് ആക്രമണം നടത്തിയത്. പരിക്കുപറ്റി നിലത്തു വിണപ്പോൾ കമ്മലുകൾ ഊരിയെടുത്ത് മോഷ്ടാക്കൾ കടന്നു കളഞ്ഞു.റോഡിൽ കിടന്ന കുട്ടിയെ അതു വഴി വന്നവരാണ് ആശുപത്രിയിലെത്തിച്ചത്. പെൺകുട്ടിയുടെ മുഖത്തും കൈകളിലും ആക്രമിച്ചതിന്റെയും റോഡിൽ വീണതിന്റെയും പാടുകളുണ്ട്. കുട്ടിയുടെ മൊഴി ശേഖരിച്ചും സിസിടിവി കാമറകൾ കേന്ദ്രീകരിച്ചും പൂയപ്പള്ളി പോലീസ് പ്രതികൾക്കായി തെരച്ചിൽ ആരംഭിച്ചിട്ടുണ്ട്.
Read Moreലോഡ്ജിൽ യുവതിയെ ആക്രമിച്ച് സ്വർണം കവർന്ന കേസിൽ ഒരാൾ കൂടി പിടിയിൽ; പിടിയിലായത് ഡൽഹി വിമാനത്താവളത്തിൽ
കൂത്തുപറമ്പ്: കോഴിക്കോട് കൊടുവള്ളി സ്വദേശിനിയായ യുവതിയെ തട്ടിക്കൊണ്ടുപോയി ലോഡ്ജിൽ താമസിപ്പിച്ച ശേഷം ഒരു കിലോയോളം സ്വർണം തട്ടിയെടുത്ത സംഭവത്തിൽ ഒരാൾ കൂടി പിടിയിൽ. മാങ്ങാട്ടിടം കണ്ടേരിയിലെ മർവാൻ ആണ് ഡൽഹി ഇന്ദിരാഗാന്ധി വിമാനത്താവളത്തിൽ പോലീസിന്റെ പിടിയിലായത്. കൂത്തുപറമ്പ് പോലീസ് കസ്റ്റഡിയിലെടുത്ത് പ്രതിയെ ഇന്നു നാട്ടിലെത്തിക്കും. ഇതോടെ ഈ കേസിൽ അറസ്റ്റിലായവരുടെ എണ്ണം അഞ്ചായി. ഏതാനും ദിവസം മുൻപ് ഗൾഫിൽനിന്നു നെടുമ്പാശേരി വിമാനത്താവളത്തിൽ മകനോടൊപ്പം വന്നിറങ്ങിയ കോഴിക്കോട് നരിക്കുനി സ്വദേശിനി ബുഷ്റയെ ഒരു സംഘം കാറിൽ തട്ടിക്കൊണ്ടു പോയി കൂത്തുപറമ്പ് നിർമലഗിരി നീറോളിച്ചാലിലെ ലോഡ്ജിൽ താമസിപ്പിക്കുകയായിരുന്നു. പിന്നീട് മറ്റൊരു സംഘം ലോഡ്ജിൽ അതിക്രമിച്ച് കയറി മകനെ കൊലപ്പെടുത്തുമെന്ന് ഭീഷണിപ്പെടുത്തി സ്വർണം കവരുകയായിരുന്നു. യുവതിയെ തട്ടിക്കൊണ്ടു പോയ സംഘവുമായി തെറ്റിപ്പിരിഞ്ഞവരാണ് പിന്നീട് ലോഡ്ജിലെത്തി സ്വർണം കൊള്ളയടിച്ചതെന്നാണ് നിഗമനം.
Read More‘സമസ്തയുടെ പണ്ഡിതരെ പ്രയാസപ്പെടുത്തിയാൽ അവരുടെ കൈവെട്ടും’; കൊലവിളി പ്രസംഗവുമായി എസ്കെഎസ്എസ്എഫ് നേതാവ്
കോഴിക്കോട്: കൊലവിളി പ്രസംഗവുമായി എസ്കെഎസ്എസ്എഫ് നേതാവ്. സമസ്തയുടെ പണ്ഡിതന്മാരെ പ്രയാസപ്പെടുത്താന് വരുന്നവരുടെ കൈവെട്ടണമെന്ന ആഹ്വാനവുമായാണ് എസ്കെഎസ്എസ്എഫ് നേതാവ് സത്താര് പന്തല്ലൂർ രംഗത്തെത്തിയത്. സമസ്ത മുശാവറ ഒരു തീരുമാനം എടുത്താല് അത് അംഗീകരിക്കണം. അംഗീകരിക്കാത്തവരെ സമസ്തയ്ക്കും എസ്കെഎസ്എസ്എഫിനും ആവശ്യമില്ലെന്നും സത്താര് പന്തല്ലൂര് പ്രസംഗത്തിൽ ചൂണ്ടിക്കാട്ടി. ഞങ്ങള്ക്ക് ഒരേ ഒരു കടപ്പാടേയുള്ളൂ. അത് സമസ്ത കേരള ജം ഇയ്യത്ത് ഉല് ഉലമയോടു മാത്രമാണ്. ആ സമസ്തയുടെ മഹാരഥന്മാരായ പണ്ഡിതന്മാരെ, അതിന്റെ ഉസ്താദുമാരെ, അതിന്റെ സാദാത്തുക്കളെ വെറുപ്പിക്കാനും പ്രയാസപ്പെടുത്താനും പ്രഹരമേല്പ്പിക്കാനും ആരു വന്നാലും ആ കൈ വെട്ടാന് എസ്കെഎസ്എസ്എഫിന്റെ പ്രവര്ത്തകര് മുന്നിലുണ്ടാകുമെന്നും സത്താർ പന്തല്ലൂർ പറഞ്ഞു. മലപ്പുറത്ത് മുഖദ്ദസ് സന്ദേശയാത്ര സമാപന റാലിയിലാണ് വിവാദ പ്രസംഗം. മലപ്പുറം ടൗൺഹാളിനു മുന്നിൽ വച്ചായായിരുന്നു വിവാദപരാമര്ശം. ഈ പറഞ്ഞതിനെ അപമര്യാദയായിട്ട് ആരും കാണേണ്ടതില്ലെന്നും സത്താർ വക്തമാക്കി. ഇത് സമസ്ത കേരള ജം ഇയ്യത്തുല് ഉലമക്ക്…
Read Moreകെഎസ്ആർടിസി ബജറ്റ് ടൂറിസത്തിനായി നവകേരള ബസ് മുഖം മിനുക്കുന്നു; മുഖ്യമന്ത്രി ഇരുന്ന സീറ്റും ലിഫ്ടും മാറ്റും
തിരുവനന്തപുരം: മുഖ്യമന്ത്രിയും മന്ത്രിമാരും സഞ്ചരിച്ച നവകേരള ബസിന്റെ ഘടനയിൽ മാറ്റം വരുത്താൻ ബസ് ബംഗളൂരുവിലെത്തിച്ചു. കെഎസ്ആർടിസിയുടെ ബജറ്റ് ടൂറിസം പദ്ധതിക്ക് ഉപയോഗിക്കാനാണ് സർക്കാർ തീരുമാനിച്ചിരിക്കുന്നത്. മുഖ്യമന്ത്രി ഇരുന്ന സീറ്റും ലിഫ്ടും മാറ്റും. ശുചിമുറി നിലനിർത്തിയാണ് പുതിയ ഘടനാ മാറ്റം. ഗ്ലാസുകളും മാറ്റിയിടും. മാറ്റുന്ന ഭാഗങ്ങൾ പാപ്പനംകോട്ടുള്ള കെഎസ്ആർടിസി സെൻട്രൽ വർക്സ് ഡിപ്പോയിലേക്ക് മാറ്റും. ബംഗളൂരുവിലെ സ്വകാര്യ കന്പനിയാണ് നവകേരള സദസിന് വേണ്ടി ബസ് തയാറാക്കിയത്. ഒരു കോടിയിൽപരം രൂപ ചെലവിട്ട് പുറത്തിറക്കിയ ബസിനെ ചൊല്ലി നിരവധി ആരോപണങ്ങൾ ഉയർന്നിരുന്നു. മുഖ്യമന്ത്രിയും മന്ത്രിമാരും സഞ്ചരിച്ച ബസിന് വലിയ ഡിമാന്ഡ് ലഭിക്കുമെന്നു ഭാവിയിൽ മ്യൂസിയത്തിൽ വച്ചാൽ പോലും വാങ്ങിയതിന്റെ ഇരട്ടിപണം ലഭിക്കുമെന്നാണ് സിപിഎം നേതാവ് എ.കെ. ബാലൻ മാധ്യമങ്ങളോട് പ്രതികരിച്ചത്. ഇതിനെതിരേ പ്രതിപക്ഷവും ബാലനും തമ്മിൽ വാദപ്രതിവാദങ്ങൾ നടന്നിരുന്നു.
Read Moreട്യൂഷന് പോയ പതിനാറുകാരനെ തട്ടിക്കൊണ്ടുപോയി പീഡിപ്പിച്ചയാൾ അറസ്റ്റിൽ
തലശേരി: വീട്ടിൽനിന്നു ട്യൂഷന് പോയ പതിനാറുകാരനെ തട്ടിക്കൊണ്ടുപോയി പീഡിപ്പിച്ച കേസിൽ പ്രതി അറസ്റ്റിൽ. വടകര സ്വദേശി അഷ്റഫിനെ (47) യാണ് കൊളവല്ലൂർ പോലീസ് അറസ്റ്റ്ചെയ്തത്. വീട് വിട്ടിറങ്ങിയ പതിനാറുകാരനെ വടകര ബസ് സ്റ്റാൻഡിൽ നിൽക്കവെ അഷ്റഫ് ബൈക്കിൽ കൂട്ടിക്കൊണ്ടുപോയി അജ്ഞാത കേന്ദ്രത്തിൽ വച്ച് പീഡിപ്പിക്കുകയായിരുന്നു. വടകരയിൽനിന്നു കണ്ണൂരിലെത്തിയ വിദ്യാർഥിയെ റെയിൽവേ പോലീസ് കസ്റ്റഡിയിലെടുത്ത് ചോദ്യം ചെയ്തപ്പോഴാണ് പീഡന വിവരം പുറത്തുവന്നത്. വടകര ബസ് സ്റ്റാൻഡിലെ സിസിടിവിയിൽനിന്നാണ് പോലീസിന് പ്രതിയെക്കുറിച്ച് സൂചന ലഭിച്ചത്.
Read More