കോതമംഗലം: കുട്ടമ്പുഴ പൂയംകുട്ടിയിൽ കാട്ടാനയാക്രമണത്തിൽ ടാപ്പിംഗ് തൊഴിലാളിക്ക് പരിക്കേറ്റു. ഇരുചക്രവാഹനവും കാട്ടാന ചവിട്ടി തകർത്തു. പരിക്കേറ്റ ഇയാളെ കോതമംഗലം ധർമഗിരി ആശുപത്രിയിൽ പ്രവേശിപ്പിച്ചു. പൂയംകുട്ടി സ്വദേശി കൂനത്താൻ ബെന്നി വർഗീസിനുനേരെയാണ് കാട്ടാനയാക്രമണം ഉണ്ടായത്. ഇന്ന് പുലർച്ചെ 6.30ന് റബർ വെട്ടുന്നതിനായി സ്കൂകൂട്ടറിൽ പോകുകയായിരുന്ന ബെന്നിയെ പൂയംകുട്ടി കപ്പേളപ്പടിയിൽ വച്ചാണ് കാട്ടാന ആക്രമിച്ചത്. റോഡിൽ നിൽക്കുകയായിരുന്ന കാട്ടാനക്കൂട്ടത്തിൽനിന്ന് ഒരാന ബെന്നിയുടെ നേരെ പാഞ്ഞടുക്കുകയായിരുന്നു. സ്കൂട്ടർ ഇട്ടോടി രക്ഷപെടാൻ ശ്രമിച്ച ബെന്നിക്ക് തുമ്പിക്കൈ കൊണ്ട് അടിയേറ്റിട്ടുണ്ട്. കൈകാലുകൾക്ക് ചതവും മുറിവുമുണ്ട്. ബെന്നിയുടെ സ്കൂട്ടർ ആന ചവിട്ടി തകർത്തിട്ടുണ്ട്. സംഭവമറിഞ്ഞെത്തിയ നാട്ടുകാരും ബന്ധുക്കളും ചേർന്ന് ബെന്നി കോതമംഗലം സെന്റ് ജോസഫ് (ധർമഗിരി) ആശുപത്രിയിൽ പ്രവേശിപ്പിച്ചു. ആന്തരികാവയവങ്ങൾക്കുൾപ്പെടെ പരിക്കേറ്റിട്ടുണ്ടോയെന്ന് വിശദമായ പരിശോദനകൾ നടന്ന് വരികയാണ്. വിദ്ഗധ ചികിത്സക്കായി കോലഞ്ചേരി മെഡിക്കൽ മിഷൻ ആശുപത്രിയിലേക്ക് മാറ്റി.
Read MoreCategory: Edition News
എരുമേലി ചന്ദനക്കുട മഹോത്സവവും ഘോഷയാത്രയും ഇന്ന്
എരുമേലി: മഹല്ലാ മുസ്ലീം ജമാഅത്തിന്റെ ആഭിമുഖ്യത്തിൽ ചരിത്ര പ്രസിദ്ധമായ എരുമേലി ചന്ദനക്കുട മഹോത്സവം ഇന്നു വിപുലമായ പരിപാടികളോടെ നടത്തും. അലിഖിതമായ ചരിത്രസത്യം വായ്മൊഴിയിലൂടെ പകർന്നേകിയ അനുഷ്ഠാനകർമങ്ങളാണ് എരുമേലി ചന്ദനക്കുടവും പേട്ടതുള്ളലും. നാളെ നടക്കുന്ന പേട്ടതുള്ളലിനു മുന്നോടിയായിട്ടാണ് ചന്ദനക്കുടം മഹോത്സവം അരങ്ങേറുന്നത്. മതമൈത്രിക്കു പുറമേ ദേശത്തിന്റെ സാംസ്കാരികതയുടെ അടയാളം കൂടിയാണ് ചന്ദനക്കുട ആഘോഷം. ഇന്ന് വൈകുന്നേരം നാലിനു നടക്കുന്ന ചന്ദനക്കുട മഹോത്സവം കേരള സംസ്ഥാന വഖഫ് ബോർഡ് ചെയർമാൻ എം.കെ. സക്കീർ ഉദ്ഘാടനം ചെയ്യും. പ്രസിഡന്റ് പി.എ. ഇർഷാദ് അധ്യക്ഷത വഹിക്കും. മേരിക്വീൻസ് ആശുപത്രി ഡയറക്ടർ ഫാ. സന്തോഷ് മാത്തൻകുന്നേൽ, കുറുവാമൂഴി ആത്മബോധിനി ആശ്രമം സ്വാമി സദ് സ്വരൂപാനന്ദ സരസ്വതി എന്നിവർ അനുഗ്രഹ പ്രഭാഷണം നടത്തും. ട്രഷറർ സി.യു. അബ്ദുൾ കരീം, തിരുവിതാംകൂർ ദേവസ്വം ഡെപ്യൂട്ടി കമ്മീഷണർ പി. ദിലീപ് കുമാർ, അന്പലപ്പുഴ പേട്ട സംഘം സമൂഹപെരിയോർ എൻ.…
Read Moreരാമക്ഷേത്ര പ്രതിഷ്ഠാ ചടങ്ങില് വിശ്വാസികള്ക്ക് പങ്കെടുക്കാം; ജി. സുകുമാരന് നായര്
ചങ്ങനാശേരി: അയോധ്യ പ്രതിഷ്ഠാ ചടങ്ങില് കഴിയുമെങ്കില് പങ്കെടുക്കേണ്ടത് ഏതൊരു ഈശ്വര വിശ്വാസിയുടെയും കടമയാണെന്ന് എന്എസ്എസ് ജനറല് സെക്രട്ടറി ജി. സുകുമാരന് നായര്. എന്എസ് എസ് നിലപാട് ഏതെങ്കിലും രാഷ്ട്രീയ പാര്ട്ടികളെ സഹായിക്കാന് അല്ലെന്നും ചടങ്ങില് പങ്കെടുക്കുന്നതില് ജാതിയോ മതമോ നോക്കേണ്ടതില്ലെന്നും ജനറല് സെക്രട്ടറി പറഞ്ഞു. ഈശ്വരവിശ്വാസത്തിന്റെ പേരില് രാമക്ഷേത്രത്തിന്റെ നിര്മാണഘട്ടം മുതല് എന്എസ്എസ് ഇതിനോടു സഹകരിച്ചിരുന്നതായും സുകുമാരന് നായര് പറഞ്ഞു.
Read Moreവീട്ടമ്മയ്ക്ക് പരിക്കേറ്റ സംഭവം; ബസിന്റെ ഫിറ്റ്നസും പെർമിറ്റും റദ്ദാക്കി
ഏറ്റുമാനൂർ: മാന്നാനത്ത് ബസിൽനിന്നു വീണ് വീട്ടമ്മയ്ക്കു പരിക്കേറ്റ സംഭവത്തിൽ ബസിന്റെ ഫിറ്റ്നസും പെർമിറ്റും റദ്ദാക്കി. പാലാ ഏറ്റുമാനൂർ റൂട്ടിൽ സർവീസ് നടത്തുന്ന പാലക്കാട്ട് മോട്ടോഴ്സിന്റെ പെർമിറ്റാണ് കോട്ടയം ആർടിഒ ആർ. രമണൻ സസ്പെൻഡ് ചെയ്തത്. കഴിഞ്ഞ ദിവസം മാന്നാനം കെഇ സ്കൂളിനു സമീപം ബസിനുള്ളിൽനിന്നു തെറിച്ചുവീണ് മാന്നാനം സ്വദേശി കൊച്ചുറാണിക്കു പരിക്കേറ്റിരുന്നു. അപകടത്തിന്റെ സിസിടിവി ദൃശ്യങ്ങൾ പുറത്തുവന്നതിനെത്തുടർന്ന് മോട്ടോർ വാഹന വകുപ്പ് അന്വേഷണം നടത്തുകയായിരുന്നു. ആർടിഒയുടെ നിർദ്ദേശപ്രകാരം മോട്ടോർ വെഹിക്കിൾ ഇൻസ്പെക്ടർ ബിനോയ് ജോസഫ് , അസി. മോട്ടോർ വെഹിക്കിൾ ഇൻസ്പെക്ടർമാരായ ടി.എസ്. പ്രജു, ശ്രീകുമാർ എന്നിവരാണ് ബസിൽ പരിശോധന നടത്തി റിപ്പോർട്ട് സമർപ്പിച്ചത്.ബസിന്റെ ഡോറിന്റെ ലോക്ക് താഴേക്ക് തുറക്കുന്ന രീതിയിലായിരുന്നുവെന്ന് മോട്ടോർ വാഹന വകുപ്പ് നടത്തിയ പരിശോധനയിൽ കണ്ടെത്തി. പല ഭാഗങ്ങളും തുരുമ്പുപിടിച്ച നിലയിൽ ആയിരുന്നു. ഇതേത്തുടർന്നാണ് ബസിന്റെ ഫിറ്റ്നസും പെർമിറ്റും റദ്ദു ചെയ്യാൻ മോട്ടോർ…
Read Moreകരിപ്പൂരിൽ സ്വർണം കടത്തിയ യാത്രക്കാരനും മൂന്നു സുഹൃത്തുക്കളും പിടിയിൽ; വിമാനത്താവളത്തിനു പുറത്തു നിരീക്ഷണം ശക്തമാക്കി പോലീസ്
കോഴിക്കോട്: കരിപ്പൂരിൽ സ്വർണക്കടത്ത് കൂടിയ സാഹചര്യത്തിൽ വിമാനത്താവളത്തിനു പുറത്തും പോലീസ് നിരീക്ഷണം ശക്തമാക്കി. ഇതേത്തുടർന്നു റിയാദിൽനിന്നു പാന്റിനുള്ളിൽ ഒളിപ്പിച്ച് സ്വർണം കടത്തിയ യാത്രക്കാരനും മൂന്നു സുഹൃത്തുക്കളും പോലീസിന്റെ പിടിയിലായി. കസ്റ്റംസിനെ വെട്ടിച്ച് സ്വർണവുമായി പുറത്തെത്തിയ കോഴിക്കോട് സ്വദേശി ജബ്ബാറിനെയാണ് ആദ്യം പോലീസ് അറസ്റ്റ് ചെയ്തത്. ജബ്ബാറിനെ സ്വീകരിക്കാനെത്തിയ സുഹൃത്തുക്കളായ റിയാസ്, അനീസ്, ഫൈജാസ് എന്നിവരും പോലീസിന്റെ പിടിയിലായി. ജബ്ബാർ ധരിച്ചിരുന്ന ജീൻസിന്റെ ഉൾവശത്ത് സ്വർണം തേച്ച് പിടിപ്പിച്ചായിരുന്നു കടത്ത്. 750 ഗ്രാം സ്വർണമെങ്കിലും വേർതിരിക്കാനാകുമെന്നു പോലീസ്പറഞ്ഞു. ഒരാഴ്ചക്കിടെ വിമാനത്താവളത്തിന് പുറത്ത് വച്ച് പോലീസ് പിടിക്കുന്ന മൂന്നാമത്തെ കേസാണ് ഇത്. സ്വർണം കോടതിയിൽ നല്കിയ ശേഷം വിശദമായ റിപ്പോർട്ട് പൊലീസ് കസ്റ്റസിന് കൈമാറും. അതിനിടെ വിമാനത്തിലെ ശുചിമുറിയിൽ ഒളിപ്പിച്ച രണ്ടുകോടി വിലവരുന്ന സ്വർണക്കട്ടികൾ ഇന്നലെ കസ്റ്റംസ് പിടികൂടി. ദുബായിൽനിന്നുള്ള ഇൻഡിഗോ വിമാനത്തിൽ സ്വർണം കടത്തുന്നുവെന്ന രഹസ്യ വിവരത്തിന്റെ അടിസ്ഥാനത്തിൽ…
Read Moreസ്ഥിരം യാത്രികരുടെ ഏക ആശ്രയമായ മെമു വൈകുന്നു; ഗ്രാമപ്രദേശങ്ങളിലേക്കുള്ള ട്രെയിന് യാത്ര ദുഷ്കരം
കടുത്തുരുത്തി: വേണാട് എക്സ്പ്രസിനായി മെമു ട്രെയിന് വൈകിക്കുന്നതായി യാത്രക്കാരുടെ പരാതി. എല്ലാ ദിവസവും വൈകിട്ട് 6.15നു എറണാകുളം ജംഗ്ഷന് (സൗത്ത്) സ്റ്റേഷനില് നിന്നു പുറപ്പെടുന്ന എറണാകുളം കൊല്ലം മെമു സ്പെഷല് ആണ് കോട്ടയം വഴിയുള്ള ഗ്രാമീണജനതയുടെ ഏക ആശ്രയം. ഗ്രാമപ്രദേശങ്ങളില് നിന്നും കൊച്ചി നഗരത്തിലേക്ക് ജോലിക്കും മറ്റ് ആവശ്യങ്ങള്ക്കുമായി എത്തുന്ന ആയിരക്കണക്കിന് സ്ത്രീകളും വിദ്യാര്ഥികളും ദിവസവേതനക്കാരായ തൊഴിലാളികളുമാണ് വൈകിട്ട് വീടുകളിലെത്താന് ഈ മെമു സര്വീസിനെ ആശ്രയിക്കുന്നത്. എന്നാല് ദിവസവും 5.25 നു എറണാകുളം ജംഗ്ഷനില് നിന്നു പുറപ്പെടേണ്ട വേണാട് എക്സ്പ്രസ് വൈകി 5.45 നും ആറിനും ഇടയിലായി പുറപ്പെടുന്നത് മൂലം കൊല്ലം മെമു എറണാകുളം പ്ലാറ്റ്ഫോമില് എത്താന് വൈകുകയും ഇതുമൂലം വൈകി പുറപ്പെടുകയും ചെയ്യുകയാണ്. ഇതിനാൽ ഗ്രാമപ്രദേശങ്ങളിലെ സ്റ്റേഷനുകളില് എത്തി അവിടുന്ന് ബസിനെ ആശ്രയിക്കുന്ന സ്ത്രീകളും വിദ്യാര്ഥികളും അടക്കമുള്ള ആളുകൾ രാത്രിയില് മറ്റു മാര്ഗങ്ങളില്ലാതെ കഷ്ടപ്പെടുകയാണ്. കായംകുളത്ത്…
Read Moreട്രെയിനുകളിൽ കോച്ചുകൾ കൂട്ടാൻ മുന്നൊരുക്കം; കൊല്ലം-ചെങ്കോട്ട റൂട്ടിൽ ട്രയൽ റൺ ഇന്നുമുതൽ
എസ്.ആർ. സുധീർ കുമാർകൊല്ലം: ചെന്നൈയിൽനിന്ന് പുനലൂർ വഴി കൊല്ലത്തിന് എത്തുന്ന ട്രെയിനുകളിൽ കോച്ചുകളുടെ എണ്ണം വർധിപ്പിക്കുന്നതിനുള്ള ട്രയൽ റൺ ഇന്ന് മുതൽ 12 വരെ നടക്കും. ചെങ്കോട്ട- കൊല്ലം റൂട്ടിലാണ് ട്രയൽ റൺ നടക്കുന്നത്. ഇന്ന് അഞ്ച് തവണയും നാളെയും മറ്റന്നാളും എട്ട് തവണയുമാണ് ഇരു ദിശകളിലായി പരീക്ഷണ ഓട്ടം ക്രമീകരിച്ചിരിക്കുന്നത്. 22 എൽഎച്ച്ബി കോച്ചുകളും മുമ്പിലും പിന്നിലും എൻജിനുകളുമുള്ള വണ്ടിയാണ് പരീക്ഷണ ഓട്ടം നടത്തുന്നത്. റിസർച്ച് ഡിസൈൻ ആൻഡ് സ്റ്റാൻഡാർഡ് ഓർഗനൈസേഷനിലെ ലക്നൗവിൽ നിന്നുള്ള ഉദ്യോഗസ്ഥരാണ് പരീക്ഷണ ഓട്ടത്തിന് നേതൃത്വം നൽകുന്നതെന്ന് മധുര റെയിൽവേ ഡിവിഷൻ അധികൃതർ അറിയിച്ചു. പരീക്ഷണ ഓട്ടം നടത്തുന്ന വണ്ടിയിൽ യാത്രക്കാർ ഉണ്ടാകില്ല. കോച്ചുകളിൽ അനുവദനീയമായ യാത്രക്കാരുടെ എണ്ണത്തിന്റെ ഭാരത്തിന് ആനുപാതികമായി മണൽച്ചാക്കുകൾ നിറച്ചാണ് വണ്ടി ഓടിക്കുന്നത്. റെയിൽവേയുടെ മെക്കാനിക്കൽ, ഇലക്ട്രിക്കൽ, ഓപ്പറേറ്റിംഗ്, ടെലികമ്യൂണിക്കേഷൻസ്, സിഗ്നലിംഗ് വിഭാഗങ്ങളിലെ സാങ്കേതിക വിദഗ്ധർ പരീക്ഷണ…
Read Moreആറ്റിങ്ങലിൽ യുവാവ് റോഡിൽ വെട്ടേറ്റനിലയിൽ; മുഖത്തിനും കാലിലും പരിക്കേറ്റനിലയിൽ കണ്ടത് നാട്ടുകാർ
ആറ്റിങ്ങൽ/മെഡിക്കൽ കോളജ്: യുവാവിനെ റോഡരികിൽ വെട്ടേറ്റ നിലയിൽ കണ്ടെത്തി. അക്രമിസംഘം യുവാവിനെ വെട്ടി പരിക്കേൽപ്പിച്ച് റോഡിലുപേക്ഷിച്ചതാണെന്നാണ് നിഗമനം. കൊല്ലമ്പുഴ പാലത്തിന് സമീപം ഇന്നു രാവിലെ 6നാണ് യുവാവിനെ വെട്ടേറ്റ നിലയിൽ കണ്ടെത്തിയത്. കാര്യവട്ടം സ്വദേശി നിതീഷ് ചന്ദ്രനാ(28)ണ് പരിക്കേറ്റത്. പ്രഭാത സവാരി നടത്തിയവരാണ് റോഡരുകിൽ മുറിവേറ്റ യുവാവിനെ കണ്ടത്. ഇവർ ഉടനെതന്നെ പൊലീസിൽ വിവരം അറിയിക്കുകയും പൊലീസ് എത്തി പരിക്കേറ്റ യുവാവിനെ മെഡിക്കൽ കോളേജ് ആശുപത്രിയിൽ എത്തിക്കുകയും ചെയ്തു. യുവാവിന്റെ ആരോഗ്യം മെച്ചപ്പെട്ട ശേഷം മൊഴിയെടുക്കുമെന്ന് പോലീസ് പറഞ്ഞു. യുവാവിന്റെ മുഖത്തും കാലിനും വെട്ടേറ്റിട്ടുണ്ടെന്നും പരിക്ക് ഗുരുതരമല്ലെന്നും മെഡിക്കൽ കോളജ് അധികൃതർ അറിയിച്ചു.
Read Moreനെടുന്പാശേരിയിൽ കാർ മറിഞ്ഞു യുവതി മരിച്ചു
നെടുമ്പാശേരി: ദേശീയപാതയിലെ ആലുവ -അങ്കമാലി റോഡിൽ അത്താണികവലയിൽ കാർ മറിഞ്ഞ് യുവതി മരിച്ചു. വൈറ്റില സ്വദേശി കഞ്ഞാനപ്പിള്ളി സേവ്യർ മകൾ സയന (21) യാണ് മരണമടഞ്ഞത്. ഇന്നു പുലർച്ചെ 12.30 നാണ് അപകടം ഉണ്ടായത്. അതിവേഗതയിലായിരുന്ന കാർ തനിയെ മറിയുകയായിരുന്നു. ഒപ്പം ഉണ്ടായിരുന്ന ബന്ധുവായിരുന്ന യുവാവാണ് കാർ ഓടിച്ചിരുന്നത്. ഇയാൾക്ക് പരിക്കില്ല. അങ്കമാലിയിലെ സുഹൃത്തിന്റെ വീട്ടിൽ എത്തിയ ഇരുവരും തിരിച്ച് വൈറ്റിലയ്ക്ക് പോകുന്ന വഴിയാണ് അപകടം നടന്നത്. പോലീസ് എത്തി മേൽനടപടികൾ സ്വീകരിച്ചതിനുശേഷം പോസ്റ്റുമാർട്ടം നടത്തി മൃതദേഹം ബന്ധുക്കൾക്ക് വിട്ടുകൊടുത്തു. കടവന്ത്രയിലെ ട്രോമ അക്കാദമിയിലെ ജീവനക്കാരിയാണ്. മാതാവ്: മരട് സ്വദേശി ഷീബ സഹോദരി: നദിയ.
Read Moreകളമശേരിയിൽ ബൈക്കപകടം: യുവാവിന് ദാരുണാന്ത്യം
കളമശേരി: കളമശേരി പത്തടിപ്പാലത്ത് ദേശീയ പാതയിൽ വാഹനാപകടം ഒരാൾ മരിച്ചു. കണയന്നൂർ കണിച്ചിറ സ്വദേശി വിതുൽ (23) ആണ് മരണപ്പെട്ടത്. രാത്രി 12 ഓടെയാണ് അപകടമുണ്ടായത്. തലയ്ക്ക് ഗുരുതര പരിക്കുകളോടെ നാട്ടുകാർ വിതുലിനെ പത്തടിപ്പാലത്തെ കിൻഡർ ആശുപത്രിയിൽ പ്രവേശിപ്പിക്കുകയായിരുന്നു. ബൈക്ക് ഓടിച്ചിരുന്ന ആൾ നേരിയ പരിക്കുകളോടെ രക്ഷപ്പെട്ടു. ബൈക്കുകൾ കൂട്ടി ഇടിച്ചാണ് അപകടം ഉണ്ടായത്. മരണപ്പെട്ട വിതുൽ ബൈക്കിന്റെ പുറകിൽ ഇരിക്കുകയായിരുന്നു. കളമശേരി കുസാറ്റ് സിഗ്നൽ ജംഷനിൽ ഉണ്ടായ മറ്റൊരപകടത്തിൽ ബൈക്ക് കണ്ടയ്നർ ലോറിയിലിടിച്ച് വട്ടേക്കുന്നം സ്വദേശി റിയാസ് എന്നയാളെ പരിക്കുകളോടെ ആശുപത്രിയിൽ പ്രവേശിപ്പിച്ചിട്ടുണ്ട്.
Read More