കൊച്ചി: കളമശേരി ബോംബ് സ്ഫോടന കേസില് പ്രതി ഡൊമിനിക് മാര്ട്ടിന്റെ കസ്റ്റഡി കാലാവധി നാളെ അവസാനിക്കാനിരിക്കെ തെളിവെടുപ്പ് പൂര്ത്തിയാക്കി അന്വേഷണസംഘം. പ്രതിയുടെ തമ്മനത്തെ വീട്ടിലടക്കം തെളിവെടുപ്പ് നടത്തിയതോടെ കേസുമായി ബന്ധപ്പെട്ട പരാമവധി വിവരങ്ങള് ശേഖരിച്ച് കോടതിയില് ഹാജരാക്കാനാണ് പോലീസ് നീക്കം. ഇതിന്റെ ഭാഗമായി പ്രതിയെ അവസാനവട്ട ചോദ്യം ചെയ്യലിന് ഇന്ന് വിധേയനാക്കും. സ്ഫോടനം നടത്തിയതിനു പിന്നില് മറ്റ് ആളുകള്ക്ക് പങ്ക് ഇല്ലെന്ന് ആവര്ത്തിക്കുകയാണ് പ്രിതി. വിദേശത്തായിരുന്ന ഇയാളുടെ സാമ്പത്തിക വിവരങ്ങളടക്കം പോലീസ് ഇതിനോടകം ശേഖരിച്ചിട്ടുണ്ട്. അടുപ്പക്കാരില് നിന്നടക്കം വിവരങ്ങളും മൊഴിയായി രേഖപ്പെടുത്തിയിട്ടുണ്ട്.സ്ഫോടനത്തിനായി പ്രതി പെട്രോള് വാങ്ങിയ ഇടപ്പള്ളിയിലെയും തമ്മനത്തേയും പമ്പുകളിലും, ബോംബ് സര്ക്യൂട്ട് നിര്മിക്കാന് ഉപകരണങ്ങള് വാങ്ങിയ പള്ളിമുക്കിലെ ഇലക്ട്രോണിക് കടയിലും, സഞ്ചി വാങ്ങിയ അത്താണിയിലെ കടയിലും ഡൊമിനിക്ക് താമസിച്ചിരുന്ന തമ്മനത്തെ വാടക വീട്ടിലും അന്വേഷണസംഘം ഇന്നലെ തെളിവെടുപ്പ് നടത്തി. 14 പേര് ചികിത്സയില്നിലവില് വിവിധ ആശുപത്രികളിലായ…
Read MoreCategory: Edition News
സി.കെ. ജാനുവിനു കോഴ നല്കിയെന്ന പരാതി;സുരേന്ദ്രന് ക്രൈംബ്രാഞ്ച് ഓഫീസിലെത്തി
കല്പ്പറ്റ: ജനാധിപത്യ രാഷ്ടീയ പാര്ട്ടിയെ (ജെആര്പി) രണ്ടാമതും എന്ഡിഎയുടെ ഭാഗമാക്കുന്നതിനു ആദിവാസി നേതാവ് സി.കെ. ജാനുവിനു ലക്ഷക്കണക്കിനു രൂപ കോഴ നല്കിയെന്ന പരാതിയില് രജിസ്റ്റര് ചെയ്ത കേസില് മൊഴി നല്കുന്നതിനു ബിജെപി സംസ്ഥാന അധ്യക്ഷന് കെ. സുരേന്ദ്രന് കല്പ്പറ്റ ക്രൈംബ്രാഞ്ച് ഓഫീസില് ഹാജരായി. ഇന്നു രാവിലെ 11ഓടെയാണ് സുരേന്ദ്രന് ക്രൈംബ്രാഞ്ച് ഓഫീസിലെത്തിയത്. രാവിലെ 10ന് ഹാജരാകാനായിരുന്നു സുരേന്ദ്രന് നിര്ദേശം. ജാനുവിന് കെ. സുരേന്ദ്രന് കോഴ നല്കിയെന്നു ജെആര്പി സംസ്ഥാന ട്രഷറര് ആയിരിക്കെ പ്രസീത അഴീക്കോടാണ് വെളിപ്പെടുത്തിയത്.
Read Moreലോട്ടറി വിൽപനക്കാരനെ അടിച്ചുകൊന്ന കേസ്;പ്രതി അറസ്റ്റിൽ
കോട്ടയം: പുതുപ്പള്ളിയിൽ ലോട്ടറി വില്പനക്കാരനായ വയോധികനെ അടിച്ചുകൊന്ന കേസിൽ പ്രതി അറസ്റ്റിൽ. പുതുപ്പള്ളി വാഴക്കുളം അന്പലത്തിനു സമീപം താമസിക്കുന്ന പണ്ടാരക്കുന്നേൽ പി.കെ. കുരുവിള (67) ആണ് അറസ്റ്റിലായത്. ഇന്നു രാവിലെ ഇയാളുടെ വീട്ടിൽനിന്നാണ് അറസ്റ്റ് ചെയ്തത്. പ്രതിയെ ഇന്നു കോടതിയിൽ ഹാജരാക്കും. പുതുപ്പള്ളി സ്വദേശി ചന്ദ്രന് (71) ആണ് മരിച്ചത്. ഇയാൾ പുതുപ്പള്ളി കവലയിൽ ലോട്ടറി വിൽപ്പന നടത്തിവരികയായിരുന്നു. കഴിഞ്ഞ ദിവസം വൈകിട്ട് പുതുപ്പള്ളി പെട്രോള് പമ്പിനു സമീപമായിരുന്നു സംഭവം. വാക്കേറ്റത്തിനിടെ ചന്ദ്രനെ പ്രതി തള്ളിയിട്ടതാണെന്നു പറയുന്നു. തലയടിച്ചുവീണ ചന്ദ്രനെ പോലീസ് എത്തിയാണ് ആശുപത്രിയിൽ എത്തിച്ചത്. എന്നാൽ, ജീവൻ രക്ഷിക്കാനായില്ല.
Read Moreകണ്ണൂർ ആലക്കോട്; ബസ്സ്റ്റാൻഡിൽ യുവാവ് കുത്തേറ്റ് മരിച്ചു
ആലക്കോട് (കണ്ണൂർ): ആലക്കോട് ബസ്സ്റ്റാൻഡിൽ യുവാവ് കുത്തേറ്റ് മരിച്ചു.സുഹൃത്ത് പോലീസ് കസ്റ്റഡിയിൽ. അരങ്ങം വട്ടക്കയം സ്വദേശി വടക്കേടത്ത് ജോഷി മാത്യുവാണ് (39) മരിച്ചത്. സുഹൃത്ത് ആലക്കോട് മോറാനിയിലെ മാവോടിയിൽ ജയേഷ് മാർക്കോസിനെ (39) ആലക്കോട് പോലീസ് കസ്റ്റഡിയിലെടുത്തു.ഇന്നലെ രാത്രി 10.15 ഓടെ ആലക്കോട് ബസ്സ്റ്റാൻഡിൽ മദ്യപാനത്തിനിടെയുണ്ടായ വാക്കുതർക്കമാണ് കത്തിക്കുത്തിന് കാരണമെന്നാണ് ആലക്കോട് പോലീസ് പറയുന്നത്. മേസ്തിരി പണിക്കാരായ ഇരുവരും സുഹൃത്തുക്കളായിരുന്നു. ജോഷിയുടെ നെഞ്ചിലും വയറ്റിലുമായി ആറോളം കുത്തേറ്റിരുന്നു. ഇയാളെ തളിപ്പറന്പ് സഹകരണ ആശുപത്രിയിൽ പ്രഥമ ശുശ്രൂഷ നല്കിയശേഷം പരിയാരം മെഡിക്കൽ കോളജിൽ പ്രവേശിപ്പിച്ചെങ്കിലും മരണം സംഭവിച്ചു. ആലക്കോട് എസ്ഐ ഷിബു എസ്. പോൾ, എഎസ്ഐ സനീഷ് പ്രകാശ് എന്നിവരുടെ നേതൃത്വത്തിലുള്ള പോലീസ് സംഘം രണ്ടുമണിക്കൂറിനുള്ളിൽ തന്നെ പ്രതിയെ കസ്റ്റഡിയിൽ എടുത്തു.
Read Moreകെ. സുധാകരന് നല്കിയ മാനനഷ്ടക്കേസ്; എം.വി. ഗോവിന്ദനും ദേശാഭിമാനിക്കും സമന്സ്
കൊച്ചി: കെപിസിസി പ്രസിഡന്റ് കെ. സുധാകരന് നല്കിയ അപകീര്ത്തി കേസില് എം.വി. ഗോവിന്ദന്, പി.പി. ദിവ്യ, ദേശാഭിമാനി പത്രാധിപര് എന്നിവര്ക്ക് സമൻസ്. എറണാകുളം സിജെഎം കോടതിയാണ് ഇവർക്ക് സമന്സ് അയച്ചത്. ജനുവരി 12ന് കോടതിയിൽ നേരിട്ട് ഹാജരായി മറുപടി നല്കാനാണ് നിര്ദേശം. മോന്സന് മാവുങ്കലിനെതിരായ പോക്സോ കേസുമായി ബന്ധപ്പെട്ട് ഉന്നയിച്ച ആരോപണത്തിലാണ് കെ. സുധാകരൻ മാനനഷ്ട കേസ് സമര്പ്പിച്ചത്. കോടതിയില് ദേശാഭിമാനി പത്രത്തില് വന്ന വാര്ത്തയെ തുടര്ന്നാണ് പോക്സോ കേസില് കെ. സുധാകരനെതിരെ എം.വി. ഗോവിന്ദന് പരാമര്ശം നടത്തുന്നത്. ഇതു ചോദ്യം ചെയ്താണ് സുധാകരന് അപകീര്ത്തി കേസ് ഫയല് ചെയ്തത്. പോക്സോ കേസിനാസ്പദമായ സംഭവം നടക്കുമ്പോള് സംഭവസ്ഥലത്ത് സുധാകരനുമുണ്ടായിരുന്നുവെന്നാണ് പരാമര്ശം. അതിജീവിത പറഞ്ഞുവെന്ന രീതിയിലാണ് ദേശാഭിമാനി ദിനപത്രത്തില് വാര്ത്ത വന്നത്. എം.വി. ഗോവിന്ദന് ഇക്കാര്യം ചൂണ്ടിക്കാട്ടി മാധ്യമങ്ങളോടും പ്രസംഗത്തിലും പരാമര്ശം നടത്തി. ഇത് വലിയ വിവാദമായിരുന്നു.
Read Moreഎന്നാലും എന്റെ പത്മനാഭ… വിദേശത്തേയ്ക്ക് വീസ വാഗ്ദാനം നൽകി തട്ടിയത് 14 ലക്ഷം; പ്രധാന പ്രതി ബംഗളൂരുവിൽ പിടിയിൽ
പഴയങ്ങാടി: യൂറോപ്പിലേക്കും, സ്പെയിലേക്കും അടക്കം വിദേശ രാജ്യങ്ങളിലേക്ക് ജോലി വാഗ്ദാനം നൽകി ലക്ഷങ്ങൾ തട്ടിയെടുത്ത കേസിൽ പ്രധാന പ്രതി പിടിയിൽ. പഴയങ്ങാടിയിൽ ജിം നടത്തുന്ന മാടായി തിരുവർകാട്ട്കാവിന് സമീപമുള്ള സജിത്ത് പത്മനാഭനെയാണ് പിടികൂടിയത്. സജിത്തിനെ കൂടാതെ ഇരിട്ടി സ്വദേശിനിയായ സ്മിത (27) ക്കെതിരെയും പരാതിയുണ്ട്. പരിയാരത്ത് വളയാങ്കോട് സ്വദേശി രതിഷ്, രണ്ട് സുഹൃത്തുക്കൾ എന്നിവരിൽ നിന്ന് ജോലി വാഗ്ദാനം ചെയ്ത് 14 ലക്ഷം രൂപ തട്ടിയെടുത്തു വഞ്ചിച്ചു എന്ന പരാതിയിലാണ് സജിത്ത്, സ്മിത എന്നിവരുടെ പേരിൽ വഞ്ചന കുറ്റത്തിന് കേസെടുത്തത്. സ്പെയിനിലെ ആശുപത്രിയിൽ സെക്യൂരിറ്റി ജീവനക്കാരാനായി ജോലി വാഗ്ദാനം നൽകി 2020 മുതൽ ബാങ്ക് വഴിയും നേരിട്ടും അഞ്ച് ലക്ഷത്തി മുപ്പത്തി ആറായിരം രൂപ കൈപറ്റുകയും, തുടർന്ന് ജോലിക്കുള്ള വിസയോ പണമോ തിരിച്ചു നൽകാതെ വഞ്ചിച്ചു എന്ന പരാതിയിലാണ് കേസ്. വിദേശങ്ങളിലേക്ക് ജോലി വാഗ്ദാനം നൽകി ലക്ഷങ്ങൾ…
Read Moreപ്രായപൂർത്തിയാകാത്ത പെൺകുട്ടിയുടെ ചിത്രം കൈക്കലാക്കി; ഭീഷണിപ്പെടുത്തി പണവും സ്വർണവും തട്ടിയെടുക്കാൻ ശ്രമം
തളിപ്പറമ്പ്: സമൂഹമാധ്യമങ്ങളിലൂടെ പരിചയപ്പെട്ട 14 വയസുകാരിയുടെ നഗ്നചിത്രങ്ങളും വീഡിയോയും കൈക്കലാക്കിയ ശേഷം ഭീഷണിപ്പെടുത്തി പണവും സ്വർണവും തട്ടിയെടുക്കാൻ ശ്രമിച്ച രണ്ടു പേർ പിടിയിൽ. ബാവുപ്പറമ്പിലെ ആദിത്യൻ (18) നെയും പ്രായപൂർത്തിയെത്താത്ത മറ്റൊരാളെയുമാണ് തളിപ്പറമ്പ് പോലീസ് അറസ്റ്റ് ചെയ്തത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു. ഇക്കഴിഞ്ഞ ഒക്ടോബർ ആദ്യം മുതൽ 20 വരെയുള്ള ദിവസങ്ങളിലാണ് കേസിനാസ്പദമായ സംഭവം നടന്നത്. സ്നാപ്പ് ചാറ്റ് വഴി പരിചയപ്പെട്ട പെൺകുട്ടിയെ പാട്ടിലാക്കി നഗ്ന ഫോട്ടോയും വീഡിയോയും കൈവശപ്പെടുത്തിയ പ്രതികൾ ഇത് മറ്റുള്ളവർക്ക് അയച്ചു കൊടുക്കുമെന്ന് ഭീഷണിപ്പെടുത്തി പണവും സ്വർണ ബ്രേസ്ലറ്റും ആവശ്യപ്പെടുകയായിരുന്നു. തുടർന്ന് പെൺകുട്ടി വീട്ടിലറിയിക്കുകയും പോലീസിൽ പരാതി നൽകുകയുമായിരുന്നു.
Read Moreമരണമടയുന്ന ജീവനക്കാരുടെ മക്കളെ കൂടി നോക്കാതെ ഇനി ആശ്രിത നിയമനമില്ല
കോഴിക്കോട്: സർക്കാർ സർവീസിലിരിക്കെ മരണമടയുന്ന ജീവനക്കാരുടെ ആശ്രിതരായ മക്കളെക്കൂടി സംരക്ഷിക്കുമെന്ന സംരക്ഷണ സമ്മതമൊഴി നൽകാതെ ഇനി ആശ്രിത നിയമനം ലഭിക്കില്ല. സമാശ്വാസ തൊഴിൽദാന പദ്ധതി പ്രകാരമുള്ള ആശ്രിത നിയമന വ്യവസ്ഥകളിലെ ആശ്രിത സംരക്ഷണ മൊഴി സംബന്ധിച്ച ഉത്തരവിൽ സർക്കാർ മാറ്റം വരുത്തി. നേരത്തെയുണ്ടായിരുന്ന സംരക്ഷണ സമ്മത മൊഴിയിൽ ആശ്രിതരായ മക്കളുടെ കാര്യം പ്രതിപാദിച്ചിരുന്നില്ല. തൻമൂലം ചിലയിടങ്ങളിലൊക്കെ മരണമടയുന്ന ജീവനക്കാരന്റെ മക്കൾ വഴിയാധാരമാകുന്ന സാഹചര്യത്തിലാണ് സംരക്ഷണ സമ്മത മൊഴിയിൽ സർക്കാർ മാറ്റം വരുത്തിയത്. ആശ്രിത നിയമന പദ്ധതി പ്രകാരം നിയമനത്തിനായി അപേക്ഷിക്കുന്നവർ, മരണപ്പെട്ട ജീവനക്കാരന്റെ മാതാവ്, പിതാവ്, വിധവ, വിഭാര്യൻ എന്നിവരെ ജീവിതകാലം മുഴുവനും അവിവാഹിതരായ സഹോദരി-സഹോദരൻമാരെ പ്രായപൂർത്തിയാകുന്നതുവരെയും സംരക്ഷിക്കുന്നതാണെന്ന് സമ്മത മൊഴി നൽകണമായിരുന്നു. പുതുക്കിയ ഉത്തരവിൽ മരണമടയുന്ന ജീവനക്കാരുടെ ആശ്രിതരായ മക്കളെ പ്രായപൂർത്തിയാകുന്നതുവരെ സംരക്ഷിക്കണമെന്ന് വ്യവസ്ഥ ചെയ്യുന്നു. ആശ്രിതരുടെ അവിവാഹിതരായ സഹോദരി-സഹോദരൻമാർ എന്ന പ്രയോഗം ഒഴിവാക്കി പകരം…
Read Moreആലുവയിൽ അഞ്ചു വയസുകാരിയെ ക്രൂരമായി പീഡിപ്പിച്ച് കൊലപ്പെടുത്തിയ കേസ്: ശിക്ഷാ വിധി നാളെ
കൊച്ചി: ആലുവയില് അഞ്ചു വയസുകാരിയെ ക്രൂരമായി പീഡിപ്പിച്ച് കൊലപ്പെടുത്തിയ കേസില് പ്രതി അസഫാക് ആലമിനെതിരായ ശിക്ഷ നാളെ വിധിക്കും. എറണാകുളം പോക്സോ കോടതിയാണ് കേസില് വിധി പറയുക. അതിവേഗം നടപടിക്രമങ്ങള് പൂര്ത്തിയായ കേസില് സംഭവം നടന്ന് 110-ാം ദിവസമാണ് ശിക്ഷാ വിധി. ശിശുദിനത്തില് കോടതി ശിക്ഷ വിധിക്കുമ്പോള് പ്രതിക്ക് പരമാവധി ശിക്ഷയായ വധശിക്ഷ തന്നെ ലഭിക്കുമെന്നാണ് പ്രോസിക്യൂഷന്റെയും പെണ്കുട്ടിയുടെ കുടുംബത്തിന്റെയും പ്രതീക്ഷ. ജൂലൈ 28നാണ് ഇതര സംസ്ഥാന തൊഴിലാളിയുടെ മകളായ അഞ്ചു വയസുകാരിയെ പ്രതി അസഫാഖ് ആലം വീടിനു സമീപത്തുനിന്നു തട്ടിക്കൊണ്ടുപോയി ക്രൂരമായി പീഡിപ്പിച്ച് കൊലപ്പെടുത്തുന്നത്. എറണാകുളം പോക്സോ കോടതിയിലുള്ള കേസില് അസഫാക് ആലമിനെതിരെ ചുമത്തിയ മുഴുവന് കുറ്റങ്ങളും തെളിയിക്കാന് പ്രോസിക്യൂഷന് കഴിഞ്ഞിരുന്നു. കൊലപാതകം, പീഡനം, തെളിവു നശിപ്പിക്കല് ഉള്പ്പെടെ പരമാവധി ശിക്ഷ ലഭിക്കാവുന്ന കുറ്റങ്ങളാണ് പ്രതിക്കെതിരെ തെളിഞ്ഞത്. പ്രതി മാനസാന്തരപ്പെടാന് സാധ്യതയുണ്ടോ എന്ന റിപ്പോര്ട്ടും കോടതി…
Read Moreകളമശേരി സ്ഫോടനം:പലതവണ സ്ഫോടനം നടത്തി പരീക്ഷിച്ചു; വിജയം ഉറപ്പാക്കിയ ശേഷം യഹോവ യോഗത്തിൽ നടപ്പാക്കിയെന്ന് ഡൊമിനിക്
കൊച്ചി: കളമശേരി കേസില് സ്ഫോടനം നടത്തുന്നതിന് മുമ്പ് ചെറിയ രീതിയില് പരീക്ഷണങ്ങള് നടത്തിയിരുന്നുവെന്ന് പ്രതി ഡൊമിനിക് മാര്ട്ടിൻ. പലതവണ പലയിടങ്ങളിലായി ചെറുപരീക്ഷണങ്ങള് നടത്തി പോരായ്മകള് കണ്ടെത്തുകയായിരുന്നു ലക്ഷ്യം. ഇവ പരിഹരിച്ച് വീണ്ടും പരീക്ഷണം നടത്തി. തുടര്ന്നാണ് ആളപായം ഉറപ്പാക്കും വിധത്തിലുള്ള ബോംബുകള് നിര്മിച്ച് കളമശേരിയിലെ യഹോവസാക്ഷികളുടെ യോഗത്തിനിടെ വച്ചതെന്നു പ്രതി അന്വേഷണ സംഘത്തോട് വെളിപ്പെടുത്തി. ഇംപ്രൊവൈസ്ഡ് എക്സ്പ്ലോസീവ് ഡിവൈസും (ഐഇഡി)യുടെ പ്രവര്ത്തനമാണ് പ്രതി പരീക്ഷിച്ചതെന്നാണ് പോലീസ് കണ്ടെത്തിയിട്ടുള്ളത്. 17 പേര് ചികിത്സയില് സ്ഫോടനത്തെത്തുടര്ന്ന് 17 പേരാണ് നിലവില് ചികിത്സയിലുള്ളത്. ഇതില് ഏഴ് പേര് ഐസിയു ചികിത്സയിലാണ്. ഒരാളുടെ നില ഇപ്പോഴും ഗുരുതരമായി തുടരുകയാണ്. 10പേര് വാര്ഡുകളില് ചികിത്സയിലാണ്. സ്ഫോടനവുമായി ബന്ധപ്പെട്ട് ഇതുവരെ അഞ്ച് മരണങ്ങളാണ് റിപ്പോര്ട്ട് ചെയ്യപ്പെട്ടിട്ടുള്ളത്. സ്ഫോടനത്തില് ഗുരുതരമായി പൊള്ളലേറ്റ് മരിച്ച മലയാറ്റൂര് കുടവന്കുഴി വീട്ടില് പ്രദീപിന്റെ ഭാര്യ റീനയുടെ (സാലി) സംസ്കാരം ഇന്ന് നടക്കും.…
Read More