പത്തനംതിട്ട: ജലജീവന് മിഷന് പദ്ധതിയില് ഉള്പ്പെടുത്തി 216.83 കോടി രൂപയുടെ പദ്ധതികള് നടപ്പിലാക്കുന്നതായി ആന്റോ ആന്റണി എംപി അറിയിച്ചു. പദ്ധതിയുടെ 97.57 കോടി (45 ശതമാനം) കേന്ദ്ര വിഹിതവും 65.04 കോടി (30 ശതമാനം) സംസ്ഥാന വിഹിതവുമാണെന്ന് എംപി പറഞ്ഞു. പത്തനംതിട്ട പാര്ലമെന്റ് മണ്ഡലത്തിലെ ഓരോ ഗ്രാമപഞ്ചായത്തിലും ജലജീവന് മിഷന് പദ്ധതിയില് ഉള്പ്പെടുത്തി കോടിക്കണക്കിന് രൂപയുടെ ഗാര്ഹിക കുടിവെള്ള കണക്ഷനുകളാണ് നടപ്പിലാക്കി വരുന്നത്. ഈ പദ്ധതികള് പൂര്ത്തിയാക്കുന്നതോടെ ശുദ്ധജലക്ഷാമത്തിന് ശാശ്വത പരിഹാരം കാണുവാന് കഴിയും. പദ്ധതി കൃത്യമായി പൂര്ത്തീകരിക്കാനുള്ള ഉത്തരവാദിത്വം സംസ്ഥാന ജലഅഥോറിറ്റിക്കാണെന്നും എംപി ചൂണ്ടിക്കാട്ടി. ശബരിമല – പമ്പയില് കുടിവെള്ള പരിശോധനാ ലാബ് ജലജീവന് മിഷന് പദ്ധതിയില് ഉള്പ്പെടുത്തി 30 ലക്ഷം രൂപ അനുവദിച്ച് നിര്മാണം പൂര്ത്തീകരിച്ചു. എന്എബിസി അംഗീകാരത്തോടു കൂടിയ ലാബാണ് പമ്പയില് നിര്മിച്ചിരിക്കുന്നത്. ഫിസിക്കല്, കെമിക്കല്, മൈക്രോബയോളജി ഉള്പ്പെടെ കുടിവെള്ളത്തിന്റെ ഗുണനിലവാരം നിര്ണയിക്കുന്ന…
Read MoreCategory: Edition News
തിരുവല്ല കാര്ഷിക വികസന ബാങ്ക്: യുഡിഎഫ് നിയമപോരാട്ടം തുടരും
തിരുവല്ല: കാര്ഷിക വികസന സഹകരണ ബാങ്ക് തെരഞ്ഞെടുപ്പുമായി ബന്ധപ്പെട്ട തിരിമറികൾ സംബന്ധിച്ചു നിയമപോരാട്ടം തുടരുമെന്ന് യുഡിഎഫ് നേതാക്കള്. എല്ഡിഎഫ് പാനലില് മത്സരിച്ച ഒമ്പതു പേരുടെ സ്ഥാനാര്ഥിത്വം സംബന്ധിച്ച കേസില് ഹൈക്കോടതി അന്തിമവിധി പറയാന് കാത്തിരിക്കുകയാണ്. വ്യാപകമായ തിരിമറി വോട്ടെടുപ്പില് നടന്നതായി യുഡിഎഫ് ആരോപിച്ചു. കള്ളവോട്ടും അക്രമവും നടത്തി ഭരണം പിടിക്കാനാണ് എല്ഡിഎഫ് ശ്രമിച്ചത്. കാല്നൂറ്റാണ്ടായി യുഡിഎഫ് ഭരിച്ചിരുന്ന ബാങ്കിലേക്ക് ഇന്നലെ നടന്ന തെരഞ്ഞെടുപ്പില് മുഴുവന് സീറ്റും എല്ഡിഎഫ് നേടിയിരുന്നു. സംഘര്ഷമുണ്ടാക്കി ജനാധിപത്യ വിശ്വാസികളെ അകറ്റി നിര്ത്തിയാണ് വോട്ടെടുപ്പ് നടത്തിയതെന്ന് ഡിസിസി പ്രസിഡന്റ് പ്രഫ.സതീഷ് കൊച്ചുപറമ്പില് ആരോപിച്ചു. സഹകരണ വകുപ്പ് ഉദ്യോഗസ്ഥരും പോലീസും ഇതിനാവശ്യമായ സഹായം ചെയ്തു നല്കിയതായും അദ്ദേഹം ആരോപിച്ചു. ജനാധിപത്യ പ്രക്രിയയെ പരിഹാസമാക്കുന്ന നടപടിയാണ് തിരുവല്ല കാര്ഷിക വികസന ബാങ്ക് തെരഞ്ഞെടുപ്പില് ഉണ്ടായതെന്ന് കേരള കോണ്ഗ്രസ് എം വൈസ് ചെയര്മാന് ജോസഫ് എം.പുതുശേരി ആരോപിച്ചു.
Read Moreപ്രായം 35, കവർച്ച കേസ് 250; എറണാകുളത്ത് മോഷണത്തിനെത്തിയ തൊട്ടില്പ്പാലം ഷൈജു പോലീസ് വലയിൽ
കൊച്ചി: സംസ്ഥാനത്തിന്റെ വിവിധയിടങ്ങളിലായി 250ഒാളം കവര്ച്ചക്കേസുകളില് പ്രതിയായ ഷൈജു (തൊട്ടില്പ്പാലം ഷൈജു-54) എറണാകുളത്ത് പിടിയില്. കവര്ച്ച നടത്തുന്നതിന് കൊച്ചിയിലെത്തിയപ്പോഴായിരുന്നു അറസ്റ്റ്. ഇയാളുടെ കൂട്ടാളിയും നിരവധി കേസുകളിലെ പ്രതിയുമായ കാസര്ഗോഡ് സ്വദേശി മുഹമ്മദ് റഫീഖിനെയും(37) എറണാകുളം നോര്ത്ത് പോലീസ് അറസ്റ്റ് ചെയ്തു. പട്രോളിംഗിനിടെ എറണാകുളം നോര്ത്ത് റെയില്വേ സ്റ്റേഷന് സമീപത്തുനിന്നുമാണ് ഇരുവരും പിടിയിലായത്. സംശയാസ്പദമയി കണ്ടതിനെത്തുടര്ന്ന് പോലീസ് ചോദ്യം ചെയ്യുകയായിരുന്നു. തലശേരിയില് മൊബൈല് കടയില് മോഷണം നടത്തിയ കേസില് പോലീസ് അന്വേഷിച്ച് വരുന്നതിനിടെയാണ് ഷൈജു പിടിയിലായത്. ത ലശേരിയിലെ ഒരു ബേക്കറിയില്നിന്നു രണ്ട് ലക്ഷത്തോളം രൂപ കവര്ന്ന കേസിലടക്കം വിവിധയിടങ്ങളിലാണ് 250 ഓളം മോഷണക്കേസുകള് ഇയാളുടെ പേരിലുള്ളത്. പോലീസ് വിശദമായ അന്വേഷണം ആരംഭിച്ചു.
Read Moreകൊച്ചിയില് വന് കഞ്ചാവ് വേട്ട ; കഞ്ചാവുമായി പിടിയിലായത് ഇതര സംസ്ഥാന തൊഴിലാളി
കൊച്ചി: എറണാകുളം കെഎസ്ആര്ടിസി സ്റ്റാന്ഡില് വന് കഞ്ചാവുവേട്ട. 11 കിലോ കഞ്ചാവുമായി ഇതരസംസ്ഥാന തൊഴിലാളി പിടിയിൽ. ഒഡീഷ സ്വദേശി പീറ്റര് നായിക് ആണ് ഡാന്സാഫ് സംഘത്തിന്റെ പിടിയിലായത്. ഇന്ന് രാവിലെ ഹൗറ എക്സപ്രസില് വന്നിറങ്ങിയ ശേഷം കെഎസ്ആര്ടിസി ബസില് യാത്ര തുടരുന്നതിനായ എത്തിയപ്പോഴായിരുന്നു അറസ്റ്റ്. രണ്ട് പൊതികളിലായി സുരക്ഷിതമായി പായ്ക്ക് ചെയ്ത നിലയിലായിരുന്നു കഞ്ചാവ്. സംഭവത്തില് വിശദമായി അന്വേഷണം ആരംഭിച്ചു. മാവോയിസ്റ്റ് മേഖലകളില്നിന്ന് കുറഞ്ഞ വിലയ്ക്ക് ലഭിക്കുന്ന കഞ്ചാവാണ് വില്പ്പനക്കായി എറണാകുളത്ത് എത്തിച്ചത്. ഇയാളുടെ കൂട്ടാളിയെ തൃശൂരിൽനിന്ന് പോലീസ് പിടികൂടിയതായാണ് വിവരം. റൂറല് മേഖലയില് വില്പ്പന ലക്ഷ്യമിട്ടാണ് കഞ്ചാവ് എത്തിച്ചതെന്ന് പോലീസ് പറഞ്ഞു. കുറഞ്ഞ വിലയ്ക്ക് എത്തിക്കുന്ന ലഹരി വസ്തുക്കള് വന് വിലയ്ക്കാണ് ഇവര് വിറ്റഴിച്ചിരുന്നത്.
Read Moreകോഴിക്കൂട്ടില് പുലി കുടുങ്ങി; ആരോഗ്യനില പരിശോധിച്ച ശേഷം കാട്ടിലേക്ക് തുറന്ന് വിടും
കല്പ്പറ്റ: വയനാട്ടിലെ മേപ്പാടി മൂപ്പൈനാടിൽ കോഴിക്കൂട്ടില് പുലി കുടുങ്ങി. ഇന്നലെ രാത്രി 11ഓടെയാണ് സംഭവം. കാടാശേരിയില് കോല്ക്കളത്തില് ഹംസയുടെ വീട്ടിലെ വലിയ കോഴിക്കൂട്ടിലാണ് പുലി കുടുങ്ങിയത്. നിരവധി കോഴികൾ കൂട്ടിലുണ്ടായിരുന്നു. കോഴിയെ പിടിക്കാനെത്തിയ പുലി കോഴിക്കൂട്ടില് അകപ്പെടുകയായിരുന്നു. ശബ്ദംകേട്ട് ഹംസ വീടിന് പുറത്തിറങ്ങി നോക്കിയപ്പോഴാണ് കൂട്ടില് പുലിയെ കണ്ടത്. ഉടൻതന്നെ ഹംസ കോഴിക്കൂടിന്റെ വാതില് അടച്ചു. പുലി കുടുങ്ങിയ സംഭവമറിഞ്ഞ് അയല്ക്കാരും നാട്ടുകാരും രാത്രി തടിച്ചു കൂടി. വനംവകുപ്പ് ഉദ്യോഗസ്ഥർ വൈകാതെ സ്ഥലത്തെത്തി പുലിയെ വനംവകുപ്പിന്റെ കൂട്ടിലേക്ക് മാറ്റി. പുലിയെ മുത്തങ്ങയിലെ മൃഗപരിപാലന കേന്ദ്രത്തിലേക്കു മാറ്റും. പുലിയുടെ ആരോഗ്യനില വിശദമായ പരിശോധിച്ചശേഷമായിരിക്കും കാട്ടിലേക്ക് തുറന്നുവിടുന്നതടക്കമുള്ള നടപടികൾ സ്വീകരിക്കുക. കോഴിക്കൂട്ടില്നിന്ന് പുലി പുറത്തുവന്നിരുന്നെങ്കില് പ്രദേശത്തുള്ളവര്ക്ക് വൻ ഭീഷണിയായി മാറുമായിരുന്നു. മേപ്പാടി മുപ്പൈനാട് മേഖലയില് നാളുകളായി പുലിയുടെ സാന്നിധ്യമുണ്ട്.
Read Moreപോലീസും മാവോയിസ്റ്റുകളും തമ്മിൽ വീണ്ടും വെടിവയ്പ്
ഇരിട്ടി: വയനാട്ടിലെ വെടിവയ്പിനുശേഷം കണ്ണൂർ ജില്ലയിലെ കാടുകളിലേക്ക് ഒതുങ്ങിയ മാവോയിസ്റ്റ് സംഘവും പോലീസും തമ്മിൽ വീണ്ടും വെടിവയ്പ്. രണ്ടു പേർക്ക് പരിക്കേറ്റതായും ആയുധശേഖരം പിടികൂടിയതായും സൂചനയുണ്ട്. പരിക്കേറ്റത് മാവോയിസ്റ്റുകൾക്കാണോയെന്ന് സ്ഥിരീകരിച്ചിട്ടില്ല. അയ്യൻകുന്ന് പഞ്ചായത്തിലെ ഉരുപ്പുംകുറ്റി ആയാംകുടി ഭാഗത്താണ് വെടിവയ്പ് നടന്നതായി പറയപ്പെടുന്നത്. കരിക്കോട്ടക്കരി ടൗണിലടക്കം വെടിഒച്ച കേട്ടതായും വനത്തിൽനിന്ന് പുക ഉയരുന്നതായും നാട്ടുകാർ പറയുന്നു. ഏകദേശം 25 റൗണ്ട് ഓളം വെടിഒച്ച കേട്ടതയാണ് നാട്ടുകാർ പറയുന്നത്. കഴിഞ്ഞ രണ്ടു ദിവസമായി ഈ മേഖലകളിൽ പോലീസിന്റെയും തണ്ടർബോൾട്ടിന്റെയും തെരച്ചിൽ ശക്തമായിരുന്നു. ഇതിനിടയിലാണ് വാള തോടിലെ വീടുകളിൽ എത്തി മാവോയിസ്റ്റ് സംഘം ഭക്ഷണവും മറ്റും ശേഖരിച്ച് തിരികെ പോയത്.
Read Moreപരിക്കേറ്റുകിടന്ന വൃദ്ധന്റെ മരണം; കൊലപാതകമെന്നു സംശയം
കോട്ടയം: പുതുപ്പള്ളി കവലയില് പരിക്കേറ്റുകിടന്ന വൃദ്ധന് മരിച്ചു. പുതുപ്പള്ളി സ്വദേശി ചന്ദ്രന് (71) ആണ് മരിച്ചത്. കൊലപാതകമെന്നു സംശയം. ഇന്നലെ വൈകിട്ട് പുതുപ്പള്ളി പെട്രോള് പമ്പിനു മുമ്പില് വൃദ്ധന് പരിക്കേറ്റുകിടന്ന സ്ഥലത്തെ സിസിടിവി ദൃശ്യങ്ങള് പോലീസ് പരിശോധിക്കുകയാണ്. കോട്ടയം ഈസ്റ്റ് പോലീസ് സംഭവവുമായി ബന്ധപ്പെട്ട് വിശദമായ അന്വേഷണം ആരംഭിച്ചു. ഇന്നലെ വൈകിട്ട് അഞ്ചിന് പുതുപ്പള്ളി പെട്രോള് പമ്പിനു മുന്നിലെ റോഡരികിലാണ് പരിക്കേറ്റനിലയില് ചന്ദ്രനെ കണ്ടെത്തിയത്. തലയ്ക്ക് നിരവധി പരിക്കുകളുണ്ട്. വഴിയാത്രക്കാരന് അറിയിച്ചതിനെത്തുടര്ന്നാണ് ചന്ദ്രനെ പോലീസ് എത്തി ആശുപത്രിയിലെത്തിച്ചത്. ആശുപത്രിയില് വച്ചാണ് മരണം സംഭവിച്ചത
Read Moreവന്ദേഭാരതിന് മുന്നിലൂടെ പാളം മുറിച്ചുകടന്നു; രക്ഷപ്പെട്ടത് തലനാരിഴയ്ക്ക്
മലപ്പുറം: തിരൂരിൽ വന്ദേഭാരത് ട്രെയിൻ കടന്നു പോകവേ റെയിൽപ്പാളം മുറിച്ചു കടന്ന വയോധികൻ അത്ഭുതകരമായി രക്ഷപ്പെട്ടു. ഇന്നലെ വൈകുന്നേരം അഞ്ചിന് വന്ദേഭാരത് ട്രെയിൻ തിരൂർ സ്റ്റേഷനിലെ മൂന്നാമത്തെ ട്രാക്കിലൂടെ കടന്നുപോവുകയായിരുന്നു. ഇതിനിടയിലാണ് ഒരാൾ പാളം മുറിച്ചു കടന്നത്. ട്രെയിൻ തട്ടുന്നതിന് തൊട്ടുമുൻപ് ഇയാൾ പ്ലാറ്റ്ഫോമിലേക്ക് കയറി. സെക്കന്ഡുകളുടെ വ്യത്യാസത്തിലാണ് അപകടം ഒഴിവായത്. ഈ ദൃശ്യങ്ങള് സമൂഹമാധ്യമങ്ങളില് വ്യാപകമായി പ്രചരിക്കുന്നുണ്ട്.
Read Moreയന്ത്രങ്ങൾ പാടത്ത് താഴുന്നു; കൊയ്ത്തിന് കർഷകത്തൊഴിലാളികളെത്തി
കുമരകം: കുട്ടനാട്ടിലെ നെൽ കർഷകരെ നിർത്താതെ പെയ്യുന്ന തുലാവർഷം പ്രതിസന്ധിയിലാക്കി. നെല്ലു കൊയ്തെടുക്കാനും വിൽക്കാനുമാകാതെ കഷ്ടപ്പെടുകയാണ് കർഷകർ. പാടങ്ങളിൽ കൊയ്ത്ത് യന്ത്രങ്ങൾ താഴ്ന്നുപോകുന്നതാണ് വിളവെടുപ്പിനെ ബാധിച്ചത്. 120 ദിവസം മൂപ്പുള്ള ഉമ വിത്താണ് വിതച്ചത്. 140 ദിവസമായിട്ടും വിളവെടുപ്പ് നടത്താനാകാത്ത അവസ്ഥയിലാണ്. കഴിഞ്ഞ സീസണിൽ വിളവെടുപ്പുനടത്തിയ വയലുകളിൽ അപ്രതീക്ഷിത മഴ മൂലം യന്ത്രങ്ങൾ താഴുകയാണ്. യന്ത്രക്കൊയ്ത്ത് നടക്കില്ലെന്ന് ഉറപ്പായതോടെ തൊഴിലാളികളെ ഇറക്കിയിരിക്കുകയാണ്. ദിവസവേതനമായി 700 രൂപയും ഭക്ഷണവും യാത്രാച്ചെലവുമാണ് സ്ത്രീ തൊഴിലാളികൾക്കു നൽകുന്നത്. കൊയ്തെടുക്കുന്ന കറ്റകൾ പുരുഷ തൊഴിലാളികൾ ചുമന്ന് കളത്തിൽ എത്തിക്കും. പുരുഷന് 1,100 രൂപയാണ് ദിവസവേതനം. കൊയ്ത്ത് യന്ത്രത്തിന്റെ വരവോടെ മെതിയന്ത്രങ്ങൾ കിട്ടാത്ത സ്ഥിതിയാണു നിലവിലുള്ളത്. മെതിയന്ത്രം പ്രവർത്തിപ്പിക്കാനും തൊഴിലാളികൾ ആവശ്യമാണ്. ചെലവുകൾ എല്ലാം കൂട്ടിയാൽ നെല്ല് വിറ്റു കിട്ടുന്ന വിലക്കൊപ്പം ലഭിക്കില്ലെന്നാണു വസ്തുത. നഷ്ടം സഹിക്കേണ്ടിവരുമെന്നറിഞ്ഞു തന്നെയാണ് തൊഴിലാളികളെക്കൊണ്ട് കൊയ്ത്തും മെതിയും നടത്താൻ…
Read Moreഐഎന്ടിയുസി ജില്ലാസമ്മേളനം 13 മുതൽ വൈക്കത്ത്
കോട്ടയം: ഐഎന്ടിയുസി ജില്ലാ സമ്മേളനം 13, 14ന് വൈക്കത്തു നടക്കും. 13ന് ഉച്ചകഴിഞ്ഞ് മൂന്നിന് വലിയകവലയില്നിന്ന് കാല് ലക്ഷം തൊഴിലാളികള് പങ്കെടുക്കുന്ന റാലിയോടെ സമ്മേളനം ആരംഭിക്കും. കെപിസിസി ജനറല് സെക്രട്ടറി എം.ജെ. ജോബ് റാലി ഉദ്ഘാടനം ചെയ്യും. വടക്കേനട, പടിഞ്ഞാറെനട കച്ചേരികവല വഴി ജെട്ടി മൈതാനിയില് റാലി എത്തിച്ചേരും. തുടര്ന്നു ചേരുന്ന പൊതുസമ്മേളനം കോണ്ഗ്രസ് വര്ക്കിംഗ് കമ്മിറ്റിയംഗം രമേശ് ചെന്നിത്തല എംഎല്എ ഉദ്ഘാടനം ചെയ്യും. കെപിസിസി അച്ചടക്ക സമിതി ചെയര്മാന് തിരുവഞ്ചൂര് രാധാകൃഷ്ണന് എംഎല്എ മുഖ്യപ്രഭാഷണം നടത്തും. കെ.സി. ജോസഫ്, ജോസഫ് വാഴയ്ക്കന്, ഡിസിസി പ്രസിഡന്റ് നാട്ടകം സുരേഷ് തുടങ്ങിയവര് പ്രസംഗിക്കും. ജില്ലയിലെ അഫിലിയേറ്റഡ് യൂണിയനുകളുടെ ഭാരവാഹികളും മണ്ഡലം പ്രസിഡന്റുമാര് മുതല് മുകളിലേക്കുള്ള ഭാരവാഹികളും ഉള്പ്പെടെ തെരഞ്ഞെടുക്കപ്പെട്ട 50 പേര് പങ്കെടുക്കുന്ന പ്രതിനിധി സമ്മേളനം 14നു രാവിലെ 10ന് സത്യഗ്രഹ മെമ്മോറിയല് ഹാളിലെ ഉമ്മന് ചാണ്ടി നഗറില്…
Read More