കോട്ടയം: പോലീസ് സ്റ്റേഷനില് വിളിച്ച് അസഭ്യം പറയുകയും പോലീസ് ഉദ്യോഗസ്ഥനെ ഭീഷണിപ്പെടുത്തുകയും ചെയ്തയാളെ പോലീസ് അറസ്റ്റ് ചെയ്തു. ആനിക്കാട് ചക്കാംമ്പുഴ ഭാഗത്ത് കിഴക്കേമുറിയില് വി. ഗോപകുമാറിനെ (കണ്ണന്-33) യാണ് പാമ്പാടി പോലീസ് അറസ്റ്റ് ചെയ്തത്. ഇയാള് പാമ്പാടി പോലീസ് സ്റ്റേഷനില് നിരന്തരമായി വിളിച്ച് അസഭ്യം വിളിക്കുകയായിരുന്നു. 2022 ല് ഇയാള് പാമ്പാടി ബസ് സ്റ്റാന്ഡ് ഭാഗത്ത് ബഹളം ഉണ്ടാക്കിയതിനെത്തുടര്ന്ന് പോലീസ് കേസ് രജിസ്റ്റര് ചെയ്തിരുന്നു. ഈ കേസില് ഹാജരാകാതിരുന്ന ഇയാള്ക്കെതിരേ കോടതി ജാമ്യമില്ലാ വാറണ്ട് പുറപ്പെടുവിച്ചിരുന്നു. കഴിഞ്ഞദിവസം ഇയാളുടെ ഫോണിലേക്ക് വിളിച്ച് സ്റ്റേഷനില് ഹാജരാകാന് പറഞ്ഞ പോലീസ് ഉദ്യോഗസ്ഥനെ ഇയാള് ചീത്ത വിളിക്കുകയും പിടികൂടാന് എത്തിയാല് ടാപ്പിംഗ് കത്തികൊണ്ട് കുത്തുമെന്ന് പറഞ്ഞ് ഭീഷണിപ്പെടുത്തുകയുമായിരുന്നു. തുടര്ന്ന് ഇയാള്ക്കെതിരേ പാമ്പാടി പോലീസ് കേസ് രജിസ്റ്റര് ചെയ്തിരുന്നു. തുടര്ന്ന് നടത്തിയ അന്വേഷണത്തിൽ മംഗലാപുരത്തു നിന്നാണ് ഇയാളെ പിടികൂടിയത്.
Read MoreCategory: Edition News
മാവോയിസ്റ്റ് ആക്രമണം; ഇരിട്ടിയിലെ 3 പോലീസ് സ്റ്റേഷനുകളിൽ സുരക്ഷ ശക്തം
ഇരിട്ടി: വയനാട് പേരിയയിൽ പോലീസും മാവോയിസ്റ്റുകളും തമ്മിലുണ്ടായ വെടിവയ്പിന്റെ പശ്ചാത്തലത്തിൽ ഇരിട്ടിയിലെ വനാതിർത്തി മേഖലയിലുള്ള മൂന്ന് പോലീസ് സ്റ്റേഷനുകളിൽ സുരക്ഷ ശക്തമാക്കി. കബനി ദളത്തിന്റെ രണ്ട് പ്രവർത്തകർ പിടിയിലായതോടെ കണ്ണൂർ ജില്ലയിലെ ആറളം, കരിക്കോട്ടക്കരി, കേളകം പോലീസ് സ്റ്റേഷൻ പരിധികളിൽ സുരക്ഷ വർധിപ്പിക്കുകയും തണ്ടർബോൾട്ട് സംഘങ്ങൾ നിരന്തര തെരച്ചിൽ നടത്തി വരികയാണെന്നും ഇരിട്ടി എഎസ് പി തപോഷ് ബസുമതാരി രാഷ്ട്രദീപികയോട് പറഞ്ഞു. കബനീദളത്തിന്റെ പ്രവർത്തന മേഖലകൂടിയായ ഇവിടങ്ങളിൽ മാവോയിസ്റ്റ് സി.പി. മൊയ്തീന്റെ നേതൃത്വത്തിലുള്ള സംഘം പലതവണ എത്തിയിരുന്നു. ആറളം ഫാം വന്യ ജീവി സങ്കേതത്തിനുള്ളിൽ 15 കിലോമീറ്ററോളം ഉള്ളിൽ മൂന്ന് വനം വകുപ്പ് താത്കാലിക വാച്ചർമാർക്ക് നേരേ വനിതകൾ ഉൾപ്പെടുന്ന മാവോയിസ്റ്റ് സംഘം കഴിഞ്ഞ ദിവസം വെടി ഉതിർത്ത സംഭവും ഉണ്ടായിരുന്നു.
Read Moreമോഷണക്കേസ് പ്രതികളുടെ വാർത്ത ഫേസ് ബുക്കിൽ പങ്കുവച്ചു; വീട് കയറി ആക്രമിച്ച് പ്രതി
കാട്ടാക്കട: മോഷണക്കേസ് പ്രതികളുടെ വാർത്ത സാമൂഹ്യ മാധ്യമത്തിൽ പങ്ക് വച്ച അയൽവാസിയെ നിരവധി കേസിലെ പ്രതി വീട് കയറി ആക്രമിച്ചു. മലയിൻകീഴ് അണപ്പാട് കുഴുമത്ത് അരുൺ നിവാസിൽ അരുൺ കുമാറി (38) നെയാണ് അയൽവാസിയും നിരവധി കേസിലെ പ്രതിയുമായ മലയിൻകീഴ് മണപ്പുറം വൃന്ദാവനത്തിൽ തക്കുടു എന്ന അഭിഷേക് ആക്രമിച്ചത്. തലയിലും മുതുകിലും കൈയ്ക്കും വെട്ടേറ്റ അരുൺ കുമാറിനെ മലയിൻകീഴ് പോലീസ് എത്തിയാണ് ആശുപത്രിയിൽ ആക്കിയത്. അരുൺ കുമാറിന്റെ വീട്ടിൽ ബഹളം കേട്ട് ഓടിയെത്തിയ പിടിച്ചു മാറ്റാൻ ശ്രമിച്ച അരുണിന്റെ സുഹൃത്ത് ശ്രീനാഥ് (42) നും തോളിൽ പരിക്കേറ്റു. നിരവധി കേസുകളിൽ ഉൾപ്പെട്ട അഭിഷേകിനെ മാലപിടിച്ചുപറി കേസിൽ അറസ്റ്റ് ചെയ്തിരുന്നു. പ്രതികളെ കോടതി റിമാൻഡ് ചെയ്ത വാർത്ത പത്രങ്ങളിൽ വരുകയും ചെയ്തു. ഇത് അരുൺകുമാർ തന്റെ ഫേസ്ബുക്കിൽ പോസ്റ്റ് ചെയ്തിരുന്നു. ഇതേ തുടർന്ന് ജയിൽ നിന്ന് ഇറങ്ങിയ പ്രതി…
Read Moreകെട്ടാൻ നല്കിയ വാച്ച് തിരികെ ചോദിച്ചപ്പോൾ മർദനം
ഇരിക്കൂർ: കെട്ടാൻ നൽകിയ വാച്ച് തിരിച്ചു ചോദിച്ച യുവാവിനെ ഇടിച്ച് മൂക്കിന് പരിക്കേൽപ്പിച്ച സംഭവത്തിൽ സുഹൃത്തിനെ പോലീസ് അറസ്റ്റ് ചെയ്തു. പെരുവളത്തുപറമ്പിലെ മാച്ചേരി റിയാസി (31)നെ ആക്രമിച്ച കേസിലാണ് സുഹൃത്തായ ഹുസൈനെ ഇരിക്കൂർ പോലീസ് കസ്റ്റഡിയിലെടുത്തത്. കഴിഞ്ഞ ദിവസം വൈകുന്നേരം ടൗണിൽ വച്ചാണ് ആക്രമിച്ചത്. റിയാസിന്റെ വാച്ച് ഹുസൈന് നൽകിയിരുന്നത് തിരിച്ചു ചോദിച്ചതിനാണ് ആക്രമിച്ചതെന്ന് പരാതി നൽകിയിരുന്നു. മൂക്കിന് പരിക്കേറ്റ റിയാസ് എകെജി ആശുപത്രിയിൽ ചികിത്സ തേടിയിരുന്നു.
Read Moreമാനവീയം വീഥിയിൽ പോലീസിനുനേരേ കല്ലേറ്; സ്ത്രീക്ക് പരിക്കേറ്റു ; നാലു പേർ പിടിയിൽ
തിരുവനന്തപുരം: മാനവീയം വീഥിയിലെ നൈറ്റ് ലൈഫിനിടെ വീണ്ടും സംഘർഷം. പോലീസിന് നേരെയുണ്ടായ കല്ലേറിൽ ഒരാൾക്ക് പരിക്കേറ്റു. കല്ലെറിഞ്ഞ ആളുൾപ്പെടെ നാലുപേരെ പോലീസ് കസ്റ്റഡിയിൽ എടുത്തു. ഇന്നലെ രാത്രി 12 മണിയോടെയാണ് സംഭവം. നെട്ടയം സ്വദേശിയായ സ്ത്രീക്കാണ് കല്ലേറിൽ പരിക്കേറ്റത്.രണ്ട് സംഘങ്ങളാണ് ചേരി തിരിഞ്ഞ് സംഘർഷത്തിലേർപ്പെട്ടത്. ഉച്ചഭാഷിണി ഉപയോഗം രാത്രി 12 മണിക്ക് പോലീസ് നിർത്തിവച്ചിരുന്നു. മൈക്ക് ഓഫ് ചെയ്യുന്നതുമായി ബന്ധപ്പെട്ട തർക്കമാണ് സംഘർഷത്തിൽ കലാശിച്ചത്. ഇതിന് പിന്നാലെ ഡാൻസ് കളിച്ച മദ്യപസംഘം കസേരകൾ തല്ലിത്തകർത്തു. തുടർന്നാണ് പോലീസിന് നേരേ കല്ലേറുണ്ടായത്. കല്ല് തലയിൽ വീണാണ് സ്ത്രീക്ക് പരിക്കേറ്റത്. മ്യൂസിയം പോലീസാണ് അക്രമികളെ കസ്റ്റഡിയിലെടുത്തത്. രണ്ടുദിവസം മുമ്പും മാനവീയം വീഥിയിൽ സംഘർഷമുണ്ടായിരുന്നു. അന്ന് ആക്രമണം നടത്തിയ ലഹരിസംഘത്തിലെ ഒരാളെ പോലീസ് പിടികൂടിയിരുന്നു. ഈ ആക്രണത്തിൽ രണ്ടുപേർക്ക് പരിക്കേറ്റിരുന്നു. മാനവീയം വീഥിയിൽ നൈറ്റ് ലൈഫിനിടെ സംഘർഷം പതിവായതോടെ നൈറ്റ് ലൈഫിന്…
Read Moreമാവോയിസ്റ്റുകള് കുടുങ്ങിയത് തോക്ക് കേടായപ്പോള്
കോഴിക്കോട്: അര മണിക്കൂറോളം വെടിവയ്പ്പിനിടെ തോക്ക് കേടായതോടെയാണ് രണ്ട് മാവോയിസ്റ്റുകള് പോലീസ് പിടിയിലായതെന്ന് വിവരം. പരസ്പരം അരമണിക്കൂറോളം വീട്ടിനകത്തുനിന്നും മാവോയിസ്റ്റുകളും പുറത്തുനിന്നും തണ്ടര് ബോള്ട്ടും വെടിയുതിര്ത്തിരുന്നു. രക്ഷപ്പെട്ടവര്ക്കായുള്ള തെരച്ചില് തണ്ടര്ബോള്ട്ട് ഊര്ജിതമാക്കിയിട്ടുണ്ട്. സംഭവം നടന്ന ചപ്പാരം കോളനിയിലെ അനീഷിന്റെ വീട് ഇപ്പോഴും പോലീസ് വലയത്തിലാണ്. കൂടുതൽ പോലീസ് ഉദ്യോഗസ്ഥർ ചപ്പാരം കോളനിയിൽ എത്തിച്ചേര്ന്നിട്ടുണ്ട്. വെടിയേറ്റശേഷം രക്ഷപ്പെട്ട യാൾ ചികിത്സക്കെത്തിയേക്കുമെന്ന കണക്കുകൂട്ടലിൽ കണ്ണൂർ-വയനാട് അതിർത്തികളിലെ ആശുപത്രികളിൽ പ്രത്യേക നിരീക്ഷണം ഏർപ്പെടുത്തി.
Read Moreഇതരസംസ്ഥാന തൊഴിലാളികളുടെ കൊലപാതകം; പ്രതിയെ ഒഡീഷയിൽനിന്ന് നാളെ മൂവാറ്റുപുഴയിലെത്തിക്കും
മൂവാറ്റുപുഴ: തടിമില്ല് ജീവനക്കാരായ രണ്ട് ഇതര സംസ്ഥാന തൊഴിലാളികളുടെ കൊലപാതകവുമായി ബന്ധപ്പെട്ട കേസിൽ പിടിയിലായ പ്രതി ഗോപാല് മാലിക്കിനെ നാളെ മൂവാറ്റുപുഴയിലെത്തിക്കും. കേരള പോലീസ് നല്കിയ വിവരങ്ങളുടെ അടിസ്ഥാനത്തില് ഒഡീഷ പോലീസാണു റെയില്വേ സ്റ്റേഷനില് ഗോപാലിനെ തടഞ്ഞുവച്ച് കേരള പോലീസിനു കൈമാറിയത്. തുടർന്ന് ട്രാൻസിറ്റ് വാറന്റ് ഉൾപ്പെടെയുള്ള നടപടി ക്രമങ്ങൾ പൂർത്തിയാക്കി ഒഡിഷ കോടതിയിൽ ഹാജരാക്കിയശേഷം ഇന്ന് രാത്രിയോടെയാകും മൂവാറ്റുപുഴയിലേയ്ക്ക് തിരിക്കുക. പ്രതി കുറ്റംസമ്മതിച്ചതായാണ് പോലീസിൽനിന്നും ലഭിക്കുന്ന വിവരം. ആനിക്കാട് അടൂപ്പറമ്പിലെ തടിമില്ല് ജീവനക്കാരായ മൊഹന്തോ (40), ദീപാങ്കര് ബസുമ്മ (37) എന്നിവരെ കഴിഞ്ഞ ഞായറാഴ്ചയാണ് താമസ സ്ഥലത്ത് കഴുത്തിന് വെട്ടേറ്റ് മരിച്ച നിലയില് കണ്ടെത്തിയത്. മരണപ്പെട്ടവരുടെ കൂടെ ജോലി ചെയ്തിരുന്ന ആളാണ് പ്രതി ഗോപാല് മാലിക്ക്. ട്രെയിനില് യാത്ര സുരക്ഷിതമായിരിക്കില്ലെന്ന നിഗമനത്തെ തുടർന്ന് വിമാനമാർഗമാകും കേരളത്തിലേക്ക് പ്രതിയെ എത്തുക. കൊലപാതകത്തിനു ശേഷമാണു ഇയാള് നാട്ടിലേക്കു പോയതെന്ന്…
Read Moreവായ്പ തട്ടിപ്പ്; കണ്ടല സഹകരണ ബാങ്കില് ഇഡി റെയ്ഡ്
കണ്ടല സഹകരണ ബാങ്കില് ഇഡി റെയ്ഡ്. ഇന്ന് പുലര്ച്ചയാണ് റെയ്ഡ് നടന്നത്. നാല് വാഹനങ്ങളിലാണ് ഇഡി സംഘം എത്തിയത്. ബാങ്ക് പ്രസിഡന്റും സിപിഐ നേതാവുമായ എന് ഭാസുരാംഗന് എതിരായ വായ്പ തട്ടിപ്പു കേസിലാണ് റെയ്ഡ്. തട്ടിപ്പിന് നടത്തുന്നതിനു മുൻ നിരയിൽ നിന്ന ഭാസുരാംഗനെതിരെ നടപടി ആവശ്യപ്പെട്ട് പ്രതിപക്ഷ കക്ഷികള് സമരം ചെയ്യുന്നതിനിടയിലാണ് ഇഡി റെയ്ഡ്. രണ്ടാഴ്ച മുമ്പ് സഹകരണ രജിസ്ട്രാര് കണ്ടല ബാങ്ക് തട്ടിപ്പുകേസിലെ അന്വേഷണ റിപ്പോര്ട്ട് ഇഡിക്ക് കൈമാറിയിരുന്നു. ഇതിനുശേഷമാണ് ബാങ്കില് പരിശോധന നടത്തുന്നത്. 101 കോടി രൂപയുടെ ക്രമക്കേടാണ് കണ്ടല ബാങ്കില് കണ്ടെത്തിയത്. വ്യാജ വായ്പയും അനധികൃത നിയമനവും ഉള്പ്പെടെ നിരവധി ക്രമക്കേടുകള് ആണ് ബാങ്കില് നടന്നത്. ബാങ്ക് മുന് സെക്രട്ടറിമാരുടെ വീടുകളിലും പരിശോധന നടക്കുന്നുണ്ട്.
Read Moreസിപിഎം അനുകൂല വിഭാഗം സംഘടിപ്പിക്കുന്ന എം.വി.ആർ. അനുസ്മരണദിന സെമിനാറിൽ കുഞ്ഞാലിക്കുട്ടി
സ്വന്തം ലേഖകൻകണ്ണൂർ: സിപിഎം അനുകൂല വിഭാഗം സംഘടിപ്പിക്കുന്ന എം.വി. രാഘവൻ ദിനാചരണത്തിന്റെ ഭാഗമായുള്ള അനുസ്മരണ സെമിനാറിൽ മുഖ്യപ്രഭാഷണം നടത്തുന്നത് മുസ്ലിംലീഗ് നേതാവ് പി.കെ. കുഞ്ഞാലിക്കുട്ടി. ഈ മാസം ഒൻപതിന് എം.വി.ആർ മെമ്മോറിയൽ ചാരിറ്റബിൾ ട്രസ്റ്റാണ് എം.വി.ആർ ദിനാചരണം സംഘടിപ്പിക്കുന്നത്. പയ്യാന്പലത്തെ സ്മൃതി മണ്ഡപത്തിൽ നടക്കുന്ന പുഷ്പാർച്ചനയ്ക്കുശേഷം നടക്കുന്ന സെമിനാറിലാണ് കുഞ്ഞാലിക്കുട്ടി പങ്കെടുക്കുന്നത്. കണ്ണൂർ ചേംബർ ഹാളിൽ നടക്കുന്ന പരിപാടി സഹകരണ മന്ത്രി വി.എൻ. വാസവനാണ് ഉദ്ഘാടനം ചെയ്യുന്നത്. കേരള നിർമിതിയിൽ സഹകരണ മേഖലയുടെ പങ്ക് എന്ന വിഷയത്തിലാണ് സെമിനാർ. പാട്യം രാജൻ അധ്യക്ഷത വഹിക്കുന്ന സെമിനാർ സിപിഎം കണ്ണൂർ ജില്ലാ സെക്രട്ടറി എം.വി. ജയരാജനും പങ്കെടുക്കുന്നുണ്ട്. സിപിഎം സംഘടിപ്പിക്കുന്ന പലസ്തീൻ ഐക്യദാർഢ്യ പരിപാടിയിൽ ലീഗിനെ ക്ഷണിച്ചത് യുഡിഎഫിൽ ഏറെ ചർച്ചയായിരുന്നു. ലീഗ് ആ ക്ഷണം നിരസിച്ചെങ്കിലും ലീഗിൽ ഒരു അഭിപ്രായ ഭിന്നത സൃഷ്ടിക്കാൻ സിപിഎമ്മിന് കഴിഞ്ഞു. ഇതിനിടയിലാണ്…
Read Moreതൃശൂർ നഗരത്തിൽ യുവാവിന്റെ കൊലയിൽ കലാശിച്ചത് രണ്ട് സംഘങ്ങൾ തമ്മിലുള്ള ഏറ്റുമുട്ടൽ
തൃശൂർ: നഗരത്തിൽ യുവാവ് കുത്തേറ്റ് മരിച്ച സംഭവത്തിൽ പ്രതികളുടെ അറസ്റ്റ് ഇന്നുണ്ടായേക്കും. പ്രതികളിൽ ഒരാൾ കത്തിക്കുത്തിനിടെ പരിക്കേറ്റ് ആശുപത്രിയിൽ ചികിത്സയിലാണ്. ഇയാൾക്കൊപ്പം ഉണ്ടായിരുന്ന മറ്റുള്ളവർക്ക് വേണ്ടി പോലീസ് അന്വേഷണം ഊർജ്ജതമാക്കി. ഒളരിക്കര സ്വദേശി ശ്രീരാഗ് (26) ആണ് ഇന്നലെ രാത്രി കുത്തേറ്റു മരിച്ചത്. ഇയാളുടെ സഹോദരനും കുത്തേറ്റു. രണ്ട് സംഘങ്ങൾ തമ്മിലുള്ള സംഘട്ടനമാണ് കൊലപാതകത്തിലേക്കെത്തിയതെന്നാണ് വിവരം. ഇന്നലെ അർധരാത്രിയോടെയാണ് സംഭവം. ദിവാൻജിമൂല പാസ്പോർട്ട് ഓഫീസിന് സമീപത്ത് വച്ചായിരുന്നു വാക്കുതർക്കവും കത്തിക്കുത്തും. മരിച്ച ശ്രീരാഗിന്റെ സഹോദരങ്ങളായ ശ്രീരാജ്, ശ്രീനേഗ്, പ്രതിയായ അൽത്താഫ് എന്നിവർക്കാണ് പരിക്കേറ്റത്. ഇവർ ചികിത്സയിലാണ്. ഇതിൽ ശ്രീനേഗിന് കുത്തേറ്റിട്ടുണ്ട്. മറ്റ് രണ്ട് പേർക്ക് അടിപിടിയിലുള്ള പരിക്കാണ്. പരിക്കുകൾ ഗുരുതരമല്ല. ശ്രീരാഗും സഹോദരങ്ങളും തൃശൂർ റെയിൽവേ സ്റ്റേഷൻ രണ്ടാം പ്ലാറ്റ്ഫോമിലിറങ്ങി പുറത്തേക്ക് വരികയായിരുന്നു. ദിവാൻജിമൂല കോളനിക്കുള്ളിലൂടെയാണ് ഇവർ പുറത്തേക്ക് വന്നത്. ഇവരെ തടഞ്ഞുനിർത്തി ഇവരുടെ കൈയിലുണ്ടായിരുന്ന കവർ…
Read More