കോട്ടയം: ജനാധിപത്യത്തിലുണ്ടാകുന്ന തെറ്റുകളെ തിരുത്തുന്നതിന് മാധ്യമപ്രവർത്തകർക്ക് ഉത്തരവാദിത്വമുണ്ടെന്ന് മന്ത്രി വീണാ ജോർജ്. പള്ളം ബിഷപ് സ്പീച്ച്ലി കോളജിലെ മീഡിയ സ്റ്റഡീസ് വിഭാഗം സംഘടിപ്പിച്ച ‘മീഡിയ ഡൈനാമിക്സ്’ പരിപാടിയിൽ പങ്കെടുത്ത് സംസാരിക്കുകയായിരുന്നു മന്ത്രി. മാധ്യമപ്രവർത്തനം വെല്ലുവിളികൾ നിറഞ്ഞ മേഖലയാണ്. സമൂഹത്തിൽ മാറ്റംവരുത്തുവാനും നീതിനിഷേധത്തിനെതിരെയും അവകാശലംഘനങ്ങൾക്കെതിരെയും സംസാരിക്കാൻ മാധ്യമപ്രവർത്തകർക്ക് കഴിയുമെന്നും മന്ത്രി കൂട്ടിച്ചേർത്തു. തന്റെ മുൻകാല മാധ്യമപ്രവർത്തന അനുഭവങ്ങൾ വിദ്യാർഥികളുമായി മന്ത്രി പങ്കുവെച്ചു. ചടങ്ങിൽ കോളജിലെ വിമൻസ് സെല്ലിന്റെ ഉദ്ഘാടനവും മന്ത്രി തിരിതെളിയിച്ച് ഉദ്ഘാടനം ചെയ്തു. വിദ്യാർഥികളുടെ വിവിധ ചോദ്യങ്ങൾക്ക് മന്ത്രി മറുപടികൾ നൽകി. മീഡിയ സ്റ്റഡീസ് ഡിപ്പാർട്ട്മെന്റിന്റെ നേതൃത്വത്തിൽ നിർമിച്ച വൺ മിനിറ്റ് ന്യൂസ് ബുള്ളറ്റിന്റെ പ്രകാശനം ബർസാർ റവ. സജി കെ.സാം നിർവഹിച്ചു. പ്രിൻസിപ്പൽ ഡോ. ആശാ സൂസൻ ജേക്കബ്, മീഡിയ സ്റ്റഡീസ് വിഭാഗം മേധാവി എ.ആർ ഗിൽബർട്ട്, ലോക്കൽ മാനേജർ ഫാ. എബ്രഹാം സി. പ്രകാശ്,…
Read MoreCategory: Edition News
ഓൺലൈൻ നിക്ഷേപ തട്ടിപ്പ്; ചെറിയ തുകയ്ക്ക് വലിയ ലാഭവിഹിതം; 23 കാരിക്ക് നഷ്ടമായത് ആറ് ലക്ഷം
കണ്ണൂർ: ബിറ്ററി ഓൺലൈൻ ട്രേയ്ഡിംഗിൽ പണം നിക്ഷേപിച്ചാൽ കൂടുതൽ ലാഭം ലഭിക്കുമെന്ന് വിശ്വസിപ്പിച്ച് യുവതിയുടെ ലക്ഷങ്ങൾ തട്ടിയതായി പരാതി. കീഴറ സ്വദേശി 23കാരിയുടെ പരാതിയിലാണ് കണ്ണൂർ ടൗൺ പോലീസ് കേസെടുത്തത്. ഓക്ടോബർ 15 മുതൽ ഈമാസം ആറ് വരെ പല തവണകളായി 6,61,000 രൂപ വാങ്ങി വഞ്ചിച്ചെന്നാണ് പരാതിയിൽ പറയുന്നത്. ആദ്യം ചെറിയ പൈസ നിക്ഷേപിക്കാൻ ആവശ്യപ്പെട്ടെന്നും അതിന്റെ ലാഭവിഹിതം നൽകുകയും ചെയ്തു. തുടർന്ന് ഒരു ലക്ഷം നിക്ഷേപിക്കാൻ പറഞ്ഞു. ആദ്യം ലാഭവിഹിതം കിട്ടിയത് കൊണ്ട് യുവതി പണം നിക്ഷേപിച്ചു. തുടർന്ന്, വീണ്ടും രണ്ട് ലക്ഷം നിക്ഷേപിക്കാനും എല്ലാ ലാഭവിഹിതം കൂടെ ഒരുമിച്ച് നൽകുമെന്നും പറഞ്ഞ് വിശ്വസിപ്പിച്ചാണ് തട്ടിപ്പ് നടത്തിയതെന്ന് യുവതി നൽകിയ പരാതിയിൽ പറയുന്നു.
Read Moreകർഷകർക്കിടയിൽ ‘ആത്മഹത്യാ സ്ക്വാഡ് ’രൂപീകരിക്കാൻ നീക്കം
ബിനു ജോർജ് കോഴിക്കോട്: കടക്കെണിയിലായ കർഷകരെ ധനകാര്യ സ്ഥാപനങ്ങൾ ജപ്തി ചെയ്യുന്നത് തടഞ്ഞില്ലെങ്കിൽ ആത്മഹത്യാ സ്ക്വാഡ് രൂപീകരിക്കുന്നതടക്കുള്ള രഹസ്യ നീക്കങ്ങൾ കർഷകർക്കിടയിൽ നടക്കുമെന്ന് സർക്കാരിന് പോലീസ് രഹസ്യാന്വേഷണ വിഭാഗത്തിന്റെ റിപ്പോർട്ട്. വയനാട്ടിലെ കർഷകർ അനുഭവിക്കുന്ന ദുരിതങ്ങളുടെ അടിസ്ഥാനത്തിൽ രഹസ്യാന്വേഷണ വിഭാഗം നടത്തിയ അന്വേഷണത്തിലാണ് ഞെട്ടിക്കുന്ന വിവരങ്ങൾ കണ്ടെത്തിയത്. പോലീസ് റിപ്പോർട്ടിന്റെ അടിസ്ഥാനത്തിൽ വയനാട് കളക്ടറും ഈ വിഷയത്തിൽ സർക്കാരിന് കത്ത് നൽകിയിട്ടുണ്ട്. കര്ഷകരെ സഹായിച്ചില്ലെങ്കില് ഗുരുതര പ്രത്യാഘാതമുണ്ടാവുമെന്നാണ് കളക്ടറും രഹസ്യാന്വേഷണ വിഭാഗവും സര്ക്കാരിന് സൂചന നൽകിയിരിക്കുന്നത്. ദേശസാല്കൃത-വാണീജ്യ, സഹകരണ ബാങ്കുകളില്നിന്ന് വായ്പയെടുത്ത വയനാട്ടിലെ കര്ഷകര് കടുത്ത സാമ്പത്തിക പ്രതിസന്ധിയിലാണെന്ന് ചൂണ്ടിക്കാട്ടി കളക്ടര് സെപ്റ്റംബര് ഏഴിനും 12നും ലാന്ഡ് റവന്യൂ കമ്മീഷണര്ക്ക് റിപ്പോര്ട്ട് നല്കിയിരുന്നു. നാമമാത്രമായ ഭൂമിയില് കൂര വച്ചുകഴിയുന്ന കര്ഷകരെ അടക്കം ജപ്തി ചെയ്ത് വഴിയാധാരമാക്കുന്ന നിലവിലെ സാഹചര്യത്തില് ജപ്തിക്കെതിരേ ആത്മഹത്യാ സ്ക്വാഡ് രൂപീകരിക്കാനുളള രഹസ്യനീക്കം നടക്കുന്നുണ്ടെന്നാണ്…
Read Moreപലസ്തീൻ ഐക്യദാർഢ്യ റാലി; മലപ്പുറം ഡിസിസി പ്രസിഡന്റിനെതിരേ ആരോപണവുമായി എ ഗ്രൂപ്പ്
മലപ്പുറം: ജില്ലാ കോൺഗ്രസിൽ പ്രശ്നങ്ങളുണ്ടാക്കിയതും അച്ചടക്കലംഘനം നടത്തിയതും ഡിസിസി പ്രസിഡന്റ് വി.എസ്. ജോയ് ആണെന്ന പരാതിയുമായി കോൺഗ്രസ് എ വിഭാഗം. ഇത് സംബന്ധിച്ച് പ്രതിപക്ഷ നേതാവ് വി.ഡി. സതീശനും കെപിസിസി പ്രസിഡന്റ് കെ.സുധാകരനും 17 പേർ ഒപ്പിട്ട കത്ത് നൽകി. പലസ്തീൻ ഐക്യദാർഢ്യ റാലിക്ക് വിലക്ക് ഏർപ്പെടുത്തി പ്രശ്നം തെരുവിലെത്തിച്ചത് ഡിസിസി പ്രസിഡന്റാണ്.ജില്ലാ കോൺഗ്രസ് കമ്മിറ്റിയിൽ മുൻപ് കൂട്ടായ ചർച്ചകളിലൂടെയാണ് ഭാരവാഹികളെ തിരഞ്ഞെടുത്തിരുന്നത്. എന്നാൽ, ഇപ്പോൾ ആര്യാടൻ ഷൗക്കത്ത് വിഭാഗത്തിലുള്ളവരെ തിരഞ്ഞുപിടിച്ച് വെട്ടിനിരത്തുകയാണെന്നും കത്തിൽ പറയുന്നു. ബ്ലോക്ക് കമ്മിറ്റികളിലേക്കും മറ്റും ഐക്യകണ്ഠ്യേന തിരഞ്ഞെടുക്കപ്പെട്ടവരെപ്പോലും ഒഴിവാക്കിയെന്നും കത്തിൽ കുറ്റപ്പെടുത്തുന്നു. മുതിർന്ന നേതാക്കളായ സി.ഹരിദാസ്, വി.എ. കരീം, വീക്ഷണം മുഹമ്മദ്, എ.പത്മകുമാർ തുടങ്ങിയവരുടെ നേതൃത്വത്തിൽ 10 ഡിസിസി ഭാരവാഹികളും കെപിസിസി അംഗങ്ങളുമാണ് കത്തിൽ ഒപ്പിട്ടത്. ഇന്നലെ നടന്ന പ്രവർത്തക കൺവെൻഷനു ശേഷം ഡിസിസി ഭാരവാഹികളും കെപിസിസി അംഗങ്ങളും ബ്ലോക്ക് കമ്മിറ്റി…
Read Moreനൂറ് പേർക്ക് സൗജന്യമായി ഓക്സിജൻ സിലിണ്ടർ നല്കി സോളിരാജും സംഘവും
ചെറായി: നൂറു പേർക്ക് പ്രാണവായുവായ ഓക്സിജൻ എത്തിച്ചു നൽകിയതിന്റെ ആത്മ നിർവൃതിയിലാണ് പള്ളിപ്പുറത്തെ പൊതുപ്രവർത്തകനായ സോളിരാജും സംഘവും. കഴിഞ്ഞ ദിവസം പള്ളിപ്പുറം പഞ്ചായത്തിലെ എട്ടാം വാർഡിൽ കളത്തിപറമ്പിൽ സുമതിക്ക് കൂടി ഓക്സിജൻ എത്തിച്ചതോടെയാണ് 100 തികഞ്ഞത്. കോവിഡ് കാലം മുതൽ സ്വഭാവിക ശ്വസന പ്രക്രിയ തടസപ്പെട്ട് ഒക്സിജൻ സിലിണ്ടറിന്റെ സഹായം ഇല്ലാതെ ജീവൻ നിലനിർത്താൻ കഴിയാത്തവർക്ക് ആണ് ഇവർ സൗജന്യമായി ഓക്സിജൻ എത്തിച്ചു നൽകുന്നത്. 18,000 രൂപയോളം മുടക്കി സിലിണ്ടർ വിലക്ക് വാങ്ങാൻ കഴിയാത്തവരാണ് ഏറെയും. ഓക്സിജൻ നിറക്കാൻ 500 രൂപ വേണ്ടി വരും. സിലിണ്ടർ വാടകയ്ക്ക് എടുക്കണമെങ്കിൽ 5,000 രൂപയോളം കെട്ടി വയ്ക്കണം. 24 മണിക്കൂറും ഇത് ഉപയോഗിക്കേണ്ടി വരുന്ന രോഗികൾക്ക് ഒരു ദിവസം ഒരു വലിയ സിലിണ്ടർ തന്നെ വേണ്ടി വരും. ഇവിടെയാണ് സോളിയും സഹപ്രവർത്തകരായ രാജേഷ് ചിദംബരൻ, പി.ബി. സുധി, മനു കുഞ്ഞുമോൻ…
Read Moreപോക്സോ കേസ്; സിപിഎം ജില്ലാ കമ്മിറ്റി അംഗത്തെ സസ്പെൻഡ് ചെയ്തു
കോഴിക്കോട്: പോക്സോ കേസിൽ പ്രതിയായ സിപിഎം ജില്ലാ കമ്മിറ്റി അംഗത്തിന് സസ്പെൻഷൻ. മലപ്പുറം ജില്ലാ കമ്മിറ്റി അംഗം വേലായുധൻ വള്ളിക്കുന്നിനാണ് സസ്പെൻഷൻ. ഇന്നലെ ചേർന്ന സിപിഎം ജില്ലാ നേതൃയോഗമാണ് നടപടി സ്വീകരിച്ചത്. പ്രായപൂർത്തിയാവാത്ത ആൺകുട്ടിയെ പീഡിപ്പിക്കാൻ ശ്രമിച്ച കേസിൽ ഇയാൾക്കെതിരേ പോലീസ് കേസെടുത്തിരുന്നു. വിമർശനം ശക്തമായതോടെയാണ് പാർട്ടി നടപടിയുമായി മുന്നോട്ടെത്തിയത്. കോഴിക്കോട് നല്ലളം പോലീസ് സ്റ്റേഷൻ പരിധിയിലായിരുന്നു സംഭവം. ബസ് യാത്രയ്ക്കിടെയാണ് ഇയാൾ ആൺകുട്ടിയോട് മോശമായി പെരുമാറിയത്. എന്നാൽ സംഭവം ശ്രദ്ധയിൽപ്പെട്ടില്ലെന്നാണ് സിപിഎം മലപ്പുറം ജില്ലാ ഘടകം പറഞ്ഞിരുന്നത്. പോക്സോ നിയമത്തിലെ ഏഴ്, എട്ട് വകുപ്പുകളാണ് ഇയാൾക്കെതിരേ ചുമത്തിയിരിക്കുന്നത്. ദുർബലമായ വകുപ്പുകളാണ് ചുമത്തിയതെന്നും രാഷ്ട്രീയ സ്വാധീനമാണ് ഇതിന് കാരണമെന്നും ആരോപണം ഉയർന്നിരുന്നു.
Read Moreവിദേശ ജോലി വാഗ്ദാനം ചെയ്ത് തട്ടിപ്പ്; പ്രതി തട്ടിയെടുത്തത് 80 ലക്ഷം രൂപ
കൊച്ചി: വിദേശത്ത് ജോലി വാഗ്ദാനം ചെയ്ത് പണം തട്ടിയെടുത്ത കേസില് അറസ്റ്റിലായ പ്രതി തട്ടിയെടുത്തത് 80 ലക്ഷത്തിലധികം രൂപ. കേസുമായി ബന്ധപ്പെട്ട് മലയാറ്റൂര് നീലേശ്വരം മണിയങ്ങാട്ട് വീട്ടില് അഫിന് ആണ് എറണാകുളം സൗത്ത് പോലീസിന്റെ പിടിയിലായത്. ഇയാളുടെ ഉടമസ്ഥതയില് കടവന്ത്രയില് ലൈസന്സില്ലാതെ പ്രവര്ത്തിച്ചിരുന്ന എബ്രോ എയ്ഡ് എന്ന സ്ഥാപനം വഴിയാണ് പ്രതി തട്ടിപ്പ് നടത്തിയത്.സ്ഥാപനം വഴി ജര്മന് ഭാഷ പഠിപ്പിക്കുകയും അത് വഴി വിദേശത്ത് ജോലിയും വാഗ്ദാനം നല്കി നിരവധി ഉദ്യോഗാര്ഥികളില്നിന്നും ലക്ഷങ്ങള് വാങ്ങുകയും എന്നാല് പിന്നീട് പല കാരണങ്ങള് പറഞ്ഞ് വിസയോ നല്കിയ പണമോ തിരികെ നല്കാതെ ഉദ്യോഗാര്ഥികളെ വഞ്ചിക്കുകയായിരുന്നു. 100 ഓളം പരാതികളാണ് ഇയാള്ക്കെതിരെ ലഭിച്ചത്. ജര്മന് ഭാഷ പഠിപ്പിക്കുന്ന സ്ഥാപനം കളമശേരിയിലാണ് പ്രവര്ത്തിച്ചിരുന്നത്. തട്ടിപ്പിനിരയായ 15 പേര് കളമശേരി പോലീസ് സ്റ്റേഷനിലും പരാതി നല്കിയിരുന്നു. എറണാകുളം ജില്ലയില് നിന്നുള്ളവരാണ് പരാതിക്കാരില് ഏറെയും. പരാതികളുടെ…
Read Moreതപാല് ഓഫീസ് വഴി സ്വര്ണക്കടത്ത്; റെയ്ഡിനിടെ സിനിമാ സ്റ്റൈലില് രക്ഷപ്പെടാൻ ശ്രമം, ഒടുവിൽ കുടുങ്ങി
കോഴിക്കോട്: ഐക്കരപ്പടിയില് സ്വര്ണം കടത്തിയ കേസില് തന്നെ പിടിക്കാനെത്തിയ ഡിആര്ഐ സംഘത്തിന് മുന്നില് യുവാവിന്റെ സിനിമാ സ്റ്റൈല് പ്രകടനം. തപാൽ ഓഫീസ് വഴി 6.3 കിലോഗ്രാം സ്വർണം കടത്തിയ കേസിൽ പ്രതിയായ ഐക്കരപ്പടിയിലെ വെളുത്തപറമ്പ് കോലോത്ത് മിത്തൽ കല്ലറ കാളാട്ടുമ്മൽ വീട്ടിൽ ശിഹാബുദ്ദീന്റെ (30) വീട്ടിൽ ഡയറക്ടർ ഓഫ് റവന്യൂ ഇന്റലിജൻസ് (ഡിആർഐ) സംഘമാണ് റെയ്ഡ് നടത്തിയത്. ഡിആർഐ സംഘം എത്തിയപ്പോൾ മുകൾനിലയിലായിരുന്ന ശിഹാബുദ്ദീൻ ചാടിയോടി രക്ഷപ്പെടാൻ ശ്രമിച്ചു. മുകൾനിലയിൽനിന്ന് പോർച്ചിന്റെ മുകളിലേക്കും അവിടെനിന്ന് ഉദ്യോഗസ്ഥരെത്തിയ കാറിനു മുകളിലേക്കും ചാടുകയായിരുന്നു. പിന്നാലെ ഓടിയ അന്വേഷണസംഘം 350 മീറ്റർ ദൂരെ മറ്റൊരു പറമ്പിൽനിന്ന് ഇയാളെ പിടികൂടി. രക്ഷപ്പെടുന്ന സമയത്ത് ഇയാളുടെ കൈയിൽ സ്വർണം ഉണ്ടായിരുന്നെന്നും ഓട്ടത്തിനിടയിൽ അത് അടുത്ത വീട്ടിലെ കിണറ്റിൽ വലിച്ചെറിഞ്ഞെന്നുമുള്ള സംശയത്തിൽ കിണറിലെ വെള്ളം മോട്ടോർ ഉപയോഗിച്ചു വറ്റിച്ചു പരിശോധിച്ചു. എന്നാല് കിണറ്റിൽനിന്ന് ഒന്നും കണ്ടെത്താനായില്ല.…
Read Moreശബരിമലയില് കെട്ടിക്കിടക്കുന്ന ത് 6.65 ലക്ഷം ടിന് അരവണ; എങ്ങനെ നശിപ്പിക്കുമെന്നതിൽ ആശങ്ക
പത്തനംതിട്ട: ശബരിമലയില് കെട്ടിക്കിടക്കുന്ന അരവണ നശിപ്പിക്കാന് സുപ്രീംകോടതി അനുമതി നല്കിയെങ്കിലും വിഷയം ഒരു കീറാമുട്ടിയായി മാറി. തിരുവിതാംകൂര് ദേവസ്വം ബോര്ഡിനും വിവിധ സര്ക്കാര് വകുപ്പുകള്ക്കും അരവണ നശിപ്പിക്കല് സംബന്ധിച്ച് വ്യക്തമായ തീരുമാനങ്ങളെടുക്കാനാകുന്നില്ല. ഇതുമായി ബന്ധപ്പെട്ട പ്രശ്നങ്ങള് ചര്ച്ച ചെയ്യാന് വിവിധ വകുപ്പുകളുടെ യോഗം ഉടന് വിളിക്കും. ഏലയ്ക്കായില് കീടനാശിനി സാന്നിധ്യം കണ്ടതിനേ തുടര്ന്ന് ഹൈക്കോടതി ഇടപെട്ട് കഴിഞ്ഞ തീര്ഥാടനകാലത്തു വില്പന തടഞ്ഞ 6.65 ലക്ഷം ടിന് അരവണയാണ് ഉപയോഗശൂന്യമായി കെട്ടിക്കിടക്കുന്നത്. വിശദമായ പരിശോധനയില് കീടനാശിനി സാന്നിധ്യം ഇല്ലെന്ന് പിന്നീട് ബോധ്യപ്പെട്ടെങ്കിലും അപ്പോഴേക്കും അരവണ ഭക്തര്ക്കു വിതരണം ചെയ്യാനാകില്ലെന്ന് ദേവസ്വം ബോര്ഡും നിലപാടെടുത്തു. സംസ്ഥാന സര്ക്കാരും ദേവസ്വം ബോര്ഡും ചേര്ന്ന് അരവണ നശിപ്പിക്കണമെന്ന നിര്ദേശം കഴിഞ്ഞയിടെ സുപ്രീംകോടതിയും നല്കി.ഒരാഴ്ചയ്ക്കകം ശബരിമല തീര്ഥാടനകാലം ആരംഭിക്കുമെന്നിരിക്കേ ഇതുമായി ബന്ധപ്പെട്ട നടപടികള് വേഗത്തിലാക്കണമെന്ന് ദേവസ്വം ബോര്ഡ് ആവശ്യപ്പെട്ടിട്ടുണ്ട്. ആറു കോടിയിലേറെ രൂപ ദേവസ്വം…
Read Moreവയനാട്ടില് പോലീസ്-മാവോവാദി ഏറ്റുമുട്ടൽ നാലാംതവണ
കല്പ്പറ്റ: വയനാട്ടില് പോലീസും മാവോവാദികളും ഇതിനകം ഏറ്റുമുട്ടിയത് നാലു തവണ. 2014 ഡിസംബര് ആദ്യവാരം വെള്ളമുണ്ട പോലീസ് സ്റ്റേഷന് പരിധിയിലെ കുഞ്ഞോം ചപ്പ കുറിച്യ കോളനിക്ക് സമീപം വനത്തിലായിരുന്നു ഇതില് ആദ്യത്തേത്. 2019 മാര്ച്ച് ആറിന് വൈത്തിരി ലക്കിടി ഉപവന് റിസേര്ട്ട് വളപ്പിലായിരുന്നു രണ്ടാമത്തേത്. 2020 ഒക്ടോബര് ആദ്യവാരം പടിഞ്ഞാറത്തറ ബപ്പനം വനത്തിലായിരുന്നു മൂന്നാമത്തെ ഏറ്റുമുട്ടല്. പിന്നീട് ജില്ലയില് മാവോവാദികളും പോലീസും നേര്ക്കുനേര് നിന്നത് ചൊവ്വാഴ്ച രാത്രി തലപ്പുഴ ചപ്പാരത്താണ്. ചപ്പ കുറിച്യ കോളനിക്കു സമീപം ഏറ്റുമുട്ടലില് ആര്ക്കും പരിക്കേറ്റിരുന്നില്ല. മാവോവാദികള് പിടിയിലായതുമില്ല. ലക്കിടി ഉപവന് റിസോര്ട്ട് വളപ്പിലെ ഏറ്റുമുട്ടലില് മാവോയിസ്റ്റ് സി.പി. ജലീല് കൊല്ലപ്പെട്ടു. ബപ്പനം വനത്തില് വെടിവയ്പ്പില് സിപിഐ(മാവോയിസ്റ്റ്)കബനി ദളം മുന് അംഗം തമിഴ്നാട് പെരിയകുളം വേല്മരുകന് മരിച്ചു. ജലീലിനെയും വേല്മുരുകനെയും പോലീസ് ഏകപക്ഷീയമായി വെടിവച്ചു കൊല്ലുകയായിരുന്നുവെന്നാണ് ചില മനുഷ്യാവകാശ സംഘടനകളുടെ വാദം. ജില്ലയില്…
Read More