പത്തനാപുരം : കോൺഗ്രസ് പട്ടാഴി വടക്കേക്കര മണ്ഡലം സെക്രട്ടറിയും വിമുക്ത ഭടനുമായ കോയിക്കൽ മുക്ക് വൈഷ്ണവത്തിൽ ബി. ആർ. സുരേഷ് കുമാറി(52)നെ തൂങ്ങി മരിച്ചനിലയിൽ കണ്ടെത്തി. കരാർ അടിസ്ഥാനത്തിൽ കെഎസ്ഇബിയിൽ സെക്യൂരിറ്റിയായി ജോലി ചെയ്തുവരികയായിരുന്നു. ഇന്നലെ ഉച്ചമുതൽ കാണാതിരുന്നതിനെ തുടർന്ന് മകനും സുഹൃത്തും ചേർന്ന് നടത്തിയ തെരച്ചിലിനൊടുവിൽ രാത്രി ഏഴോടെ കല്ലടയാറ്റിലെ കോയിക്കൽ കടവിനോട് ചേർന്ന മരത്തിൽ തൂങ്ങിയ നിലയിൽ കണ്ടെത്തുകയായിരുന്നു. പത്തനാപുരം പോലീസ് സ്ഥലത്തെത്തി പരിശോധന നടപടികൾ പൂർത്തിയാക്കി മൃതദേഹം പുനലൂർ താലൂക്ക് ആശുപത്രി മോർച്ചറിയിലേക്ക് മാറ്റി.
Read MoreCategory: Edition News
വാട്സാപ്പ് തട്ടിപ്പിനു പിന്നില് സംഘമെന്ന് സൂചന
പത്തനംതിട്ട: ജില്ലാ പോലിസ് മേധാവിയുടെ പേരില് വാട്സ്ആപ് അക്കൗണ്ട് നിര്മിച്ച് പണം തട്ടാന് ശ്രമിച്ചതിനു പിന്നില് ഒരു സംഘമെന്ന് സൂചന. ജില്ലാ പോലീസ് മേധാവി വി. അജിത്തിന്റെ പേരില് വ്യാജ അക്കൗണ്ട് നിര്മിച്ച് വാട്സ്ആപിലൂടെ പണം ആവശ്യപ്പെട്ടതു ശ്രദ്ധയില്പ്പെട്ടതിനെത്തുടര്ന്നാണ് അന്വേഷണം നടന്നത്. ആന്ധ്ര ഗുണ്ടൂര് സ്വദേശി പഗുലു ഗോപിക്കെതിരേയാണ് സൈബര് പോലീസ് കേസെടുത്തു. എന്നാല് ഇയാളെ കണ്ടെത്താനായിട്ടില്ല. പണം തട്ടുകയെന്ന ലക്ഷ്യത്തോടെയുള്ള തട്ടിപ്പു നടത്തുന്ന സംഘമാണ് വ്യാജ അക്കൗണ്ടിനു പിന്നിലെന്നാണ് സൂചന. എസ്പി അജിത് പരാതി നല്കിയശേഷം വ്യാജഅക്കൗണ്ട് ബ്ലോക്ക് ചെയ്തുവെന്നു മനസിലായതോടെ കര്ണാടകയിലെ ഒരു പോലീസ് ഓഫീസറുടെ ഫോട്ടോ ഉപയോഗിച്ച് ഇയാള് മറ്റൊരു അക്കൗണ്ട് നിര്മിച്ചതായും കണ്ടെത്തി. എസ്പി അജിതിന്റെ ഫേസ് ബുക്ക് പേജിലെ ഫോട്ടോ ഉപയോഗിച്ച് വാട്സ്ആപ് അക്കൗണ്ട് പുതുതായി നിര്മിച്ചത്. ഇതിലൂടെ ഡിവൈഎസ്പിമാര് ഉള്പ്പടെയുള്ളവരോടു പണം ആവശ്യപ്പെട്ടതു ശ്രദ്ധയില്പെട്ടതിനെ തുടര്ന്നാണ് വ്യാജനിര്മിതിയാണെന്നു ബോധ്യപ്പെട്ടത്.
Read Moreവൈദ്യുതിവേലിയില്നിന്ന് ഷോക്കേറ്റ് ഗൃഹനാഥന് മരിച്ചു
ഇടുക്കി: കൃഷിയിടത്തില് സ്ഥാപിച്ചിരുന്ന വൈദ്യുതി വേലിയില്നിന്നു ഷോക്കേറ്റ് ഗൃഹനാഥന് മരിച്ചു. കരുണാപുരം തണ്ണിപ്പാറ ഓവേലില് വര്ഗീസ് ജോസഫ് (ഷാജി) ആണ് മരിച്ചത്. ഇന്നു രാവിലെ തണ്ണിപ്പാറയിലെ കൃഷിയിടത്തിലായിരുന്നു സംഭവം. ഷാജി പാട്ടത്തിനു കൊടുത്തിരുന്ന ഭൂമിയുടെ അതിര്ത്തിയില് വന്യമൃഗങ്ങളെ തുരത്താന് വൈദ്യുതിവേലി സ്ഥാപിച്ചിരുന്നു. ഇതില് തട്ടി വീണപ്പോഴാണ് ഷോക്കേറ്റതെന്നാണ് നിഗമനം.
Read Moreപാട്ടുകള് സിഡിയിൽ നൽകണം; അധ്യാപകരുടെ നിർബന്ധത്തിൽ വലഞ്ഞ് വിദ്യാര്ഥികള്
കോട്ടയം: ഉപജില്ലാ കലോത്സവത്തില് വിവിധ നൃത്ത മത്സരങ്ങളില് പങ്കെടുക്കുന്നവര് പാട്ടുകള് റിക്കാര്ഡ് ചെയ്തു സിഡിയിലാക്കി നല്കണമെന്ന നിബന്ധന വിദ്യാര്ഥികളെ വലയ്ക്കുന്നതായി പരാതി. ഒട്ടുമിക്ക വിദ്യാര്ഥികളും പാട്ടുകള് പെന്ഡ്രൈവിലാക്കിയാണ് ഇപ്പോള് പരിശീലനമുള്പ്പെടെ നടത്തുന്നത്. സിഡികള് കൊണ്ടു നടക്കാനും പാട്ടുകള് റൈറ്റ് ചെയ്യാനുള്ള വിദ്യാര്ഥികളുടെ ബുദ്ധിമുട്ടു കാരണമാണ് പലരും സിഡികള് ഉപേക്ഷിച്ചു പെന്ഡ്രൈവിലേക്കു മാറിയിരിക്കുന്നത്. തന്നെയുമല്ല സിഡിലാക്കിയിരിക്കുന്ന പാട്ടുകള് പ്രവര്ത്തിപ്പിക്കണമെങ്കില് സിഡി പ്ലെയറും ആവശ്യമാണ്. ഇപ്പോള് സിഡി പ്ലെയർ ആരും ഉപയോഗിക്കാത്ത സാഹചര്യമാണ്. പെന്ഡ്രൈവാണെങ്കില് മൊബൈല് ഫോണില് പോലും കണക്റ്റ് ചെയ്തു വിദ്യാര്ഥികള്ക്കു പരീശീലനം നടത്താനാകും.ഈ സാഹചര്യത്തില് സിഡികളില് പാട്ടുകള് എത്തിക്കണമെന്ന് അധ്യാപകരുടെ നിര്ബന്ധം ഒഴിവാക്കി പെന്ഡ്രൈവില് പാട്ടുകള് സ്വീകരണമെന്ന് വിദ്യാര്ഥികളും മാതാപിതാക്കളും ആവശ്യപ്പെട്ടു. എന്നാല് ജില്ലയിലെ ചില സബ് ജില്ലകളില് സിഡിയും പെന്ഡ്രൈവും സ്വീകരിക്കുന്നുണ്ടെന്നും സ്റ്റേജ് മാനേജര്മാര്ക്കു കൈകാര്യം ചെയ്യുന്ന കാര്യമാണിതെന്നും അധ്യാപകര് പറഞ്ഞു.
Read Moreഇന്നും ഒറ്റപ്പെട്ട ശക്തമായ മഴ; മൂന്ന് ജില്ലകളിൽ യെല്ലോ അലർട്ട്
തിരുവനന്തപുരം: സംസ്ഥാനത്ത് ഇന്നും ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്രകാലാവസ്ഥാ വകുപ്പ്. ഇന്ന് മൂന്ന് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. പത്തനംതിട്ട, ഇടുക്കി, എറണാകുളം ജില്ലകളിലാണ് യെല്ലോ അലർട്ട് പ്രഖ്യാപിച്ചത്.നാളെ ഇടുക്കി, എറണാകുളം ജില്ലകളിലും യെല്ലോ അലർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. തെക്ക് കിഴക്കൻ അറബിക്കടലിൽ ചക്രവാതച്ചുഴി നിലനിൽക്കുന്നുണ്ട്. ചക്രവാതച്ചുഴി മധ്യ കിഴക്കൻ അറബിക്കടലിനു മുകളിൽ നവംബർ എട്ടിനു ന്യൂനമർദ്ദമായി ശക്തിപ്രാപിക്കാൻ സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു. ചക്രവാതച്ചുഴിയുടെ സ്വാധീനഫലമായി കേരളത്തിൽ അടുത്ത 5 ദിവസം മിതമായ,ഇടത്തരം വ്യാപകമായ മഴയ്ക്ക് സാധ്യതയുണ്ട്. 9 വരെ ഒറ്റപ്പെട്ട സ്ഥലങ്ങളിൽ ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. കേരള തീരത്ത് ഇന്ന് രാത്രി 11.30 വരെ 1.1 മുതൽ 1.7 മീറ്റർ വരെയും തെക്കൻ തമിഴ്നാട് തീരത്ത് 1.0 മുതൽ 1.6 മീറ്റർ…
Read Moreവീടുകയറി ആക്രമണം ഒളിവിലായിരുന്ന നാലു പേർ അറസ്റ്റില്
കോട്ടയം: വീട്ടില് അതിക്രമിച്ചു കയറി ആക്രമണം നടത്തിയ കേസില് ഒളിവില് കഴിഞ്ഞിരുന്ന നാലുപേരെ പോലീസ് അറസ്റ്റ് ചെയ്തു. ഈരാറ്റുപേട്ട ചിറപ്പാറയില് സി.എസ്. സബീര് (35), ആര്പ്പൂക്കര ഈസ്റ്റ് പള്ളത്ത് വീട്ടില് മോഹിത് കൃഷ്ണ (കണ്ണന് 41), കോട്ടയം പുലിയന്നൂര് തെക്കുംമുറി ഭാഗത്ത് കാരത്തറ മുരളി (50), കോതമംഗലം നെല്ലിമറ്റം ഭാഗത്ത് വടക്കേടത്ത്പറമ്പില് സച്ചു (30) എന്നിവരെയാണ് ഈരാറ്റുപേട്ട പോലീസ് അറസ്റ്റ് ചെയ്തത്. ഇവര് സംഘം ചേര്ന്ന് ഈരാറ്റുപേട്ട കുറ്റിപ്പാറ സ്കൂളിനു സമീപമുള്ള വീട്ടില് കഴിഞ്ഞമാസം 27നു രാത്രി 11.45ന് അതിക്രമിച്ചുകയറി വീടിന്റെ ജനല്ച്ചില്ലുകള് അടിച്ചുപൊട്ടിക്കുകയും വാതില് ചവിട്ടി പൊളിക്കാന് ശ്രമിക്കുകയുമായിരുന്നു. തുടര്ന്ന് കൈയിലുണ്ടായിരുന്ന അരിവാള് കൊണ്ട് ഗൃഹനാഥനെയും കുടുംബത്തെയും കൊല്ലുമെന്നു ഭീഷണിപ്പെടുത്തുകയും ചെയ്തു. ഇവര്ക്ക് ഗൃഹനാഥന്റെ കുടുംബത്തോട് കുടുംബപരമായ പ്രശ്നങ്ങളുടെ പേരില് മുന് വൈരാഗ്യമുണ്ടായിരുന്നു. ഇതിന്റെ തുടര്ച്ചയെന്നോണമാണ് ഇവര് വീട്ടില് അതിക്രമിച്ചു കയറി ആക്രമണം നടത്തിയത്. തുടര്ന്ന്…
Read Moreഭാര്യാവീടിനു സമീപം ഓട്ടോ ഡ്രൈവർ തൂങ്ങി മരിച്ചനിലയില്
കോട്ടയം: ഭാര്യാ വീടിനു സമീപം ആളൊഴിഞ്ഞ വീട്ടില് ഓട്ടോ ഡ്രൈവറെ തൂങ്ങി മരിച്ചനിലയില് കണ്ടെത്തി. കടുവാക്കുളം വെട്ടുകുഴിക്കു സമീപം പൂവൻതുരുത്ത് പുത്തൻപറമ്പിൽ പി.എസ്. ജെനീഷ് (36)നെയാണ് മരിച്ച നിലയില് കണ്ടെത്തിയത്.നാൽക്കവലയ്ക്കു സമീപം കടുവാക്കുളത്ത് സറ്റേഷനറിക്കട നടത്തുന്ന ബൈജുവിന്റെ ആളൊഴിഞ്ഞ കുടുംബ വീട്ടിലാണ് ഇന്നലെ രാത്രി 11.30ന് മൃതദേഹം കണ്ടെത്തിയത്. ഈസ്റ്റ് പോലീസ് സ്ഥലത്തെത്തി മേല്നടപടികള് സ്വീകരിച്ച മൃതദേഹം ജില്ലാ ആശുപത്രി മോര്ച്ചറിയിലേക്കു മാറ്റി. ഭാര്യ വിജിത.
Read Moreസഹപ്രവർത്തകരുടെ അടിയേറ്റ് മുനമ്പത്ത് കൊല്ലപ്പെട്ടത് ബംഗാളിയല്ല, ബംഗ്ലാദേശുകാരൻ; മൃതദേഹം ബന്ധുവെത്തി തിരിച്ചറിഞ്ഞു
വൈപ്പിൻ: മുനമ്പം ഹാർബറിൽ ബാറ്റ പണം സംബന്ധിച്ചുണ്ടായ തർക്കത്തിനിടെ സഹപ്രവർത്തകരുടെ അടിയേറ്റ് കായലിൽ വീണ് മരിച്ച അതിഥി തൊഴിലാളി ബംഗാളിയല്ല ബംഗ്ലാദേശുകാരനെന്ന് സ്ഥിരീകരിച്ചു. അല്ല എന്ന് വിളിക്കുന്ന ഹിലാൽ ഷേയ്ക്ക് -28 ആണ് കൊല്ലപ്പെട്ടത്. കഴിഞ്ഞ 28 നായിരുന്നു സംഭവം. മരിച്ചയാളുടെ ഫോണിലെ കോൾ ഹിസ്റ്ററി പരിശോധിച്ച പോലീസ് നിരന്തരം ഇയാൾ വിളിച്ചിരുന്ന നമ്പറിലേക്ക് വിളിച്ചപ്പോൾ വിളി എത്തിയത് ബംഗ്ലാദേശിലേക്കാണ്. താൻ അല്ലയുടെ ഭാര്യയാണെന്നും ഇത് ബംഗ്ലാദേശ് ആണെന്നുമായിരുന്നു മറുപടിയത്രേ. എങ്കിലും കാര്യത്തിന്റെ ഗൗരവമറിയാമെന്നത് കൊണ്ട് അല്ല ബംഗാളിയാണെന്ന് ഭാര്യ കളവ് പറഞ്ഞു. എങ്കിലും സംശയം തോന്നിയ പോലീസ് കൂടുതൽ അന്വേഷണങ്ങൾ നടത്തിയതോടെയാണ് ആൾ ബംഗ്ലാദേശുകാരനെന്ന് സ്ഥിരീകരിച്ചത്. ഇതിനിടെ മൃതദേഹം ഏറ്റുവാങ്ങാൻ ഭാര്യ വിസമ്മതം അറിയച്ചതോടെ പോലീസ് കുഴങ്ങി. ആളെ തിരിച്ചറിയാനുള്ള മാർഗം തേടിയപ്പോൾ ബംഗ്ലൂരിൽ ഇയാൾക്ക് ബന്ധുക്കൾ ഉണ്ടെന്നു ഭാര്യ അറിയിച്ചു. ഒപ്പം അവരുടെ ഫോൺ…
Read Moreകളമശേരി ബോംബ് സ്ഫോടനക്കേസ്; പ്രതിക്ക് മറ്റാരുടെയെങ്കിലും സഹായം ലഭിച്ചിട്ടുണ്ടോയെന്ന് സംശയിച്ച് പോലീസ്
കൊച്ചി: കളമശേരി ബോംബ് സ്ഫോടനക്കേസില് പോലീസ് കസ്റ്റഡിയില് ലഭിച്ച ഡൊമിനിക് മാര്ട്ടിന് മറ്റാരുടെയെങ്കിലും സഹായം ലഭിച്ചിട്ടുണ്ടോയെന്ന് പോലീസ് സംശയം. നാലു പേരുടെ മരണത്തിന് ഇടയാക്കിയ ബോംബ് സ്ഫോടനം ഡൊമിനിക് മാര്ട്ടിന് ഒറ്റയ്ക്ക് നടത്തിയതാണെന്ന മൊഴി പോലീസ് മുഖവിലയ്ക്ക് എടുത്തിട്ടില്ല. 15 വര്ഷത്തോളം ദുബായില് ഉണ്ടായിരുന്ന മാര്ട്ടിന് അവിടെ നിന്നോ മറ്റെതെങ്കിലും രാജ്യങ്ങളില് നിന്നോ സഹായം ലഭിച്ചിട്ടുണ്ടോയെന്നും അന്വേഷണ സംഘം സംശയിക്കുന്നുണ്ട്. പത്തു ദിവസമാണ് പ്രതിയെ പോലീസ് കസ്റ്റഡിയില് ലഭിച്ചിരിക്കുന്നത്. ഈ സമയത്തിനുള്ളില് ഇയാളില് നിന്ന് പരമാവധി വിവരങ്ങള് ശേഖരിക്കാനുള്ള ശ്രമത്തിലാണ് പോലീസ് സംഘം. കളമശേരി എആര് ക്യാംപില് അന്വേഷണോദ്യോഗസ്ഥനായ കൊച്ചി ഡിസിപി എസ്. ശശിധരന്റെ നേതൃത്വത്തിലുള്ള പോലീസ് സംഘം ഡൊമിനിക് മാര്ട്ടിനെ ചോദ്യം ചെയ്യുന്നത് തുടരുകയാണ്. സ്ഫോടക വസ്തുക്കളുടെ ഉറവിടം, സാമ്പത്തികവും സാങ്കേതികവുമായ സ്രോതസുകള് എന്നിവ ഉള്പ്പെടെയുള്ള കാര്യങ്ങളില് വ്യക്തത വരുത്തേണ്ടതുണ്ട്. സ്ഫോടക വസ്തുക്കള് വാങ്ങിയ സ്ഥലങ്ങള്,…
Read Moreഉല്ലാസ യാത്രക്കിടെ സ്കൂൾ വിദ്യാർഥിനി കുഴഞ്ഞു വീണു മരിച്ചു
ഉല്ലാസ യാത്രക്കിടെ സ്കൂൾ വിദ്യാർഥിനി കുഴഞ്ഞു വീണു മരിച്ചു. പാലക്കാട് പുലാപറ്റ എംഎൻകെഎം സ്കൂളിലെ പത്താം ക്ലാസ് വിദ്യാർഥിനി മുണ്ടൊളി ഷാരത്തുപറബിൽ ശ്രീ സയന ആണ് മരിച്ചത്. ഹൃദയാഘാതം മൂലമാണ് മരണം.സ്കൂളിൽ നിന്നും മൈസൂരിലേക്കുള്ള ഉല്ലാസ യാത്രക്കിടെയാണ് മരണം. മൈസൂർ കൊട്ടാരം കണ്ട് തിരികെ വരുന്നതിനിടെ ശാരീരിക അസ്വാസ്ത്യം അനുഭവപ്പെടുകയായിരുന്നു. ഉടൻ തന്നെ കുട്ടിയെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. 135 വിദ്യാർത്ഥികളും 15 അധ്യാപകരും ഉൾപെടെ 150 പേരാണ് ഉല്ലാസ യാത്ര പോയത്. യാത്ര ഒഴിവാക്കി ബാക്കി ഉള്ളവർ നാട്ടിലേക്ക് പുറപ്പെട്ടു.
Read More