ചെറായി: ബന്ധുവായ വിദ്യാർഥി വഴി പരിചയപ്പെട്ട പതിനാറു വയസുകാരിയെ സോഷ്യൽ മീഡിയ വഴി പ്രണയിച്ച് കടത്തിക്കൊണ്ടുപോകുകയും പീഡിപ്പിക്കുകയും ചെയ്ത സംഭവത്തിൽ മുനമ്പം പോലീസ് അറസ്റ്റ് ചെയ്ത യുവാവ് റിമാൻഡിൽ. പറവൂർ കൈതാരം മാലിപ്പുറത്ത് നികത്തിൽ വീട്ടിൽ ശ്യാം – 19 ആണ് റിമാൻഡിലായത്. വെള്ളിയാഴ്ച രാത്രി പ്രായപൂർത്തിയാവാത്ത പെൺകുട്ടിയെ ചെറായിലുള്ള വീട്ടിൽനിന്ന് ഇറക്കിക്കൊണ്ടുപോയതിനെതുടർന്ന് പിതാവ് നൽകിയ പരാതിയിൽ രാത്രി തന്നെ പെൺകുട്ടിയെ ഇയാളൊടൊപ്പം മുനമ്പം പോലീസ് കണ്ടെത്തുകയും കേസ് എടുക്കുകയും ചെയ്തിരുന്നു. തുടർന്ന് പെൺകുട്ടിയിൽനിന്ന് വനിതാ പോലീസുദ്യോഗസ്ഥ വിശദമായി കാര്യങ്ങൾ ചോദിച്ചു മൊഴിയെടുത്തപ്പോഴാണ് ഈ മാസം 18ന് ഇയാൾ കുട്ടിയെ കുഴുപ്പിള്ളി ബീച്ചിൽ കൂട്ടിക്കൊണ്ടുപോയി ആളൊഴിഞ്ഞ സ്ഥലത്തു വച്ച് ബലാൽസംഗം ചെയ്തതായി പെൺകുട്ടി പറഞ്ഞത്. തുടർന്ന് പോക്സോ വകുപ്പ് കൂടിചേർത്ത് കേസെടുത്ത് പ്രതിയെ അറസ്റ്റ് ചെയ്ത കോടതിയിൽ ഹാജരാക്കുകയായിരുന്നു.മുനമ്പം സിഐ എം. വിശ്വംഭരൻ, എസ്ഐ ടി.എസ്. സനീഷ്,…
Read MoreCategory: Edition News
പുതുപ്പള്ളിയിൽ ആര്? സര്വതന്ത്രങ്ങളും പയറ്റി മുന്നണികൾ
ജോമി കുര്യാക്കോസ്കോട്ടയം: പുതുപ്പള്ളിയുടെ അമരത്തേക്കെത്താന് ചാണ്ടി ഉമ്മനും ജെയ്ക് സി. തോമസും ലിജിന് ലാലും സര്വതന്ത്രങ്ങളും പയറ്റുകയാണ്. കൊട്ടിഘോഷിച്ച പ്രചാരണങ്ങളിലും ശാന്തതവിടാതെ ആരെയും വ്യക്തിഹത്യ നടത്താതെ ഒന്നു നോവിക്കുക പോലും ചെയ്യാതെ നിലകൊണ്ട പാറിപ്പറക്കുന്ന തലമുടിക്കാരന് പുതുപ്പള്ളിയുടെ മുടിചൂടാമന്നനായിരുന്നു. അര നൂറ്റാണ്ട് കാലം ഉമ്മന് ചാണ്ടിക്കപ്പുറം മറ്റൊരുപേരും കേള്ക്കേണ്ടി വന്നിട്ടില്ലാത്ത പുതുപ്പള്ളി മണ്ഡലത്തിന്റെ മുക്കും മൂലയും കൈവെള്ളപോലെ അറിയുന്ന ഉമ്മന് ചാണ്ടി തുടര്ച്ചയായി 12 തവണയാണു തെരഞ്ഞെടുപ്പ് നേരിട്ടത്. അതിലെല്ലാം വിജയിച്ച് നിയമസഭാംഗമായിരുന്നത് 19,078 ദിവസം (52 വര്ഷം രണ്ടു മാസം 25 ദിവസം). 1970ല് സിപിഎമ്മിലെ ഇ.എം. ജോര്ജിനെ യൂത്ത് കോണ്ഗ്രസുകാരനായിരുന്ന ഉമ്മന് ചാണ്ടിയെന്ന കന്നിക്കാരന് അട്ടിമറിച്ചു. ഇടതു സ്വഭാവമുണ്ടെങ്കിലും പുതുപ്പള്ളി അന്നുമുതലിന്നുവരെ ഉമ്മന് ചാണ്ടിക്കപ്പുറം മറ്റൊരു പേരിനെയും പ്രണയിച്ചില്ല, പരിഗണിച്ചില്ല. പുതുപ്പള്ളിയുടെ ഗ്രാമവും നഗരവും ശാന്തമാണ്. കര്ഷകരും ചെറുകച്ചവടക്കാരും പ്രവാസികളും അവനവനിലേക്ക് ഒതുങ്ങി ജീവിക്കുന്ന…
Read Moreപ്രണയം നടിച്ച് വിദ്യാർഥിനിയെ തട്ടിക്കൊണ്ടുപോയി ഉപദ്രവിച്ച സംഭവം; മയക്കുമരുന്നിന് അടിമയെന്നു പ്രതിയുടെ കുറ്റസമ്മതം
കോഴിക്കോട്: കോളജ് വിദ്യാർഥിനിയെ തട്ടിക്കൊണ്ടുപോയി വിവസ്ത്രയാക്കി വീടിനുള്ളിൽ തടങ്കലിലാക്കിയ കേസിൽ റിമാൻഡിൽ കഴിയുന്ന യുവാവിനെ പോലീസ് കസ്റ്റഡിയിൽ വാങ്ങി കൂടുതൽ ചോദ്യം ചെയ്യും. തൊട്ടിൽപാലം കുണ്ടുതോട് ഉണ്ണ്യത്താൻകണ്ടി യു.കെ. ജുനൈദി(26)നെ കസ്റ്റഡിയിൽ വാങ്ങി തെളിവെടുപ്പ് നടത്താനും വിശദമായി ചോദ്യം ചെയ്യാനുമാണ് പോലീസിന്റെ നീക്കം. ജുനൈദിനെതിരേ ബലാത്സംഗത്തിനും എൻഡിപിഎസ് ആക്ട് പ്രകാരവും പോലീസ് എഫ്ഐആർ രജിസ്റ്റർ ചെയ്തിട്ടുണ്ട്. വിദ്യാർഥിനിയെ ഉപദ്രവിച്ച വീട്ടിൽനിന്ന് കഞ്ചാവും എംഡിഎംഎയും പോലീസ് കണ്ടെടുത്തിരുന്നു. ഇതേ തുടർന്ന് നടത്തിയ അന്വേഷണത്തിലാണ് ജുനൈദ് മയക്കുമരുന്നിന് അടിമയാണെന്ന വിവരം പോലീസിന് ലഭിച്ചത്. താൻ സ്ഥിരമായി മയക്കുമരുന്ന് ഉപയോഗിക്കാറുണ്ടെന്ന് ജുനൈദ് വെളിപ്പെടുത്തിയതായി പോലീസ് പറഞ്ഞു. പ്രണയം നടിച്ച് കോളജിൽ നിന്ന് വിദ്യാർഥിനിയെ വീട്ടിലേക്ക് കൂട്ടിക്കൊണ്ടുപോയാണ് ജുനൈദ് ശാരീരികമായി ഉപദ്രവിച്ചത്. ജുനൈദിന്റെ മാതാപിതാക്കളും അടുത്ത ബന്ധുക്കളും വിദേശത്താണുള്ളത്. ജുനൈദ് ഒറ്റയ്ക്കാണ് താമസം. മോശം കൂട്ടുകെട്ടും മയക്കുമരുന്ന് ഉപയോഗവുമാണ് ജുനൈദിനെ വഴിതെറ്റിച്ചതെന്ന് പോലീസ്…
Read Moreകെഎസ്ആർടിസി സ്വകാര്യസുരക്ഷാ ജീവനക്കാരെ നിയമിക്കും; പ്രതിഫലത്തിനൊപ്പം ജിഎസ്ടിയും
പ്രദീപ് ചാത്തന്നൂർ ചാത്തന്നൂർ: കെഎസ്ആർടിസി രജിസ്ട്രേഡ് സെക്യൂരിറ്റി ഏജൻസികളിൽ നിന്ന് സുരക്ഷാ ജീവനക്കാരെ നിയമിക്കുന്നു. യൂണിറ്റ് അടിസ്ഥാനത്തിൽ പ്രാദേശികമായി പ്രവർത്തിക്കുന്ന ഏജൻസികളിൽ നിന്നും ദർഘാസ് ക്ഷണിച്ച് നിയമനം നടത്താൻ യൂണിറ്റ് മേധാവികൾക്ക് നിർദ്ദേശം നല്കി. നൂറു കണക്കിന് ബസുകൾ പാർക്ക് ചെയ്യുന്ന ജില്ലാ കോമൺ പൂളു (ഡി സി പി) കളിൽ പോലും സുരക്ഷാ ജീവനക്കാരില്ല എന്നതാണ് ഇപ്പോഴത്തെ അവസ്ഥ. യാത്രക്കാരുടെ സുരക്ഷയ്ക്കും കെഎസ്ആർടിസിയുടെ സ്ഥാവര ജംഗമ വസ്തുക്കളുടെ സംരക്ഷണത്തിനും സുരക്ഷാ ജീവനക്കാരില്ലാത്തത് പ്രശ്നങ്ങളുണ്ടാക്കുന്നുണ്ട്. എന്നാൽ സുശീൽ ഖന്ന റിപ്പോർട്ട് പ്രകാരം ജീവനക്കാരുടെ അനുപാതം കൂടുതലാണ്. അതിനാൽ പുതിയ നിയമനം പറ്റില്ലെന്നും സി എം ഡിയുടെ ഉത്തരവിൽ വ്യക്തമാക്കുന്നു. യൂണിറ്റ് തലത്തിൽ പ്രാദേശികമായി രജിസ്ട്രേഡ് സെക്യൂരിറ്റി സേവന ദാതാക്കളിൽ നിന്നും സുരക്ഷാ ജീവനക്കാരെ നിയമിക്കാം. 12 മണിക്കൂർ ഡ്യൂട്ടിയ്ക്ക് 495 രൂപയും ജി എസ് ടി യുമാണ്…
Read More40-ാം ചരമദിനം; ഉമ്മന്ചാണ്ടിയുടെ കബറിടത്തിലേക്ക് ജനപ്രവാഹം; പുതുപ്പള്ളിയിൽ പ്രചാരണം ടോപ്
പുതുപ്പള്ളി: ഉമ്മന് ചാണ്ടിയുടെ 40-ാം ചരമദിനത്തില് പുതുപ്പള്ളി പള്ളിയിലെ അദ്ദേഹത്തിന്റെ കബറിടത്തിലേക്ക് ജനപ്രവാഹം. പാര്ട്ടി പ്രവര്ത്തകരും നാടിന്റെ നാനാഭാഗത്തു നിന്നുള്ള ആളുകളും രാവിലെ കബറിടത്തിങ്കലെത്തി. പുതുപ്പള്ളി സെന്റ് ജോര്ജ് ഓര്ത്തഡോക്സ് വലിയ പള്ളിയില് രാവിലെ ചരമദിനാചരണത്തിന്റെ ഭാഗമായുള്ള ചടങ്ങുകള് ആരംഭിച്ചിരുന്നു. വിശുദ്ധ കുര്ബാനയ്ക്ക് ഡോ. യാക്കോബ് മാര് ഐറേനിയസ് മുഖ്യകാര്മികത്വം വഹിച്ചു. തുടര്ന്ന് കല്ലറയില് ധൂപ പ്രാര്ഥനയും നടന്നു. പതിനായിരത്തോളം പേര്ക്ക് പ്രഭാതഭക്ഷണവും പള്ളിയില് ഒരുക്കിയിട്ടുണ്ടായിരുന്നു.പുതുപ്പള്ളി ഉപതെരഞ്ഞെടുപ്പിലെ യുഡിഎഫ് സ്ഥാനാർഥി ചാണ്ടി ഉമ്മന്റെ പ്രചാരണപരിപടികൾ ഇന്നു നിർത്തിവച്ചിരിക്കുകയാണ്. അതേസമയം, 40-ാം ചരമദിനത്തെ ഭാഗമായി കോണ്ഗ്രസിന്റെ നേതൃത്വത്തില് മണ്ഡലത്തിലെ എട്ട് പഞ്ചായത്തുകളിലും രാവിലെ സ്മൃതിയാത്രകള്, സര്വമത പ്രാര്ഥന എന്നിവ സംഘടിപ്പിച്ചിട്ടുണ്ട്.. യൂത്ത് കോണ്ഗ്രസിന്റെ നേതൃത്വത്തില് വൈകുന്നേരം പുതുപ്പള്ളി പള്ളിയില്നിന്ന് പുതുപ്പള്ളി കവലയിലേക്കു പദയാത്രയും തുടര്ന്നു യുവജനസംഗമവും നടത്തുന്നുണ്ട്. മരണാനന്തര ചടങ്ങുകൾ പൂര്ത്തിയാകുന്നത് നാളെ തിരുവനന്തപുരത്ത് സെന്റ് ജോര്ജ് ഓര്ത്തഡോക്സ്…
Read Moreഅച്ചു ഉമ്മനെതിരായ സിപിഎം സൈബര്ഗുണ്ടകളുടെ അധിക്ഷേപം നേതാക്കളുടെ അറിവോടെ: വി.ഡി. സതീശൻ
തിരുവനന്തപുരം: അച്ചു ഉമ്മനെതിരായ സിപിഎം സൈബര് ഗുണ്ടകളുടെ ഹീനമായ അധിക്ഷേപം നേതാക്കളുടെ അറിവോടെയെന്ന് പ്രതിപക്ഷ നേതാവ് വി.ഡി.സതീശൻ. തെരഞ്ഞെടുപ്പ് ജയിക്കാന് എന്ത് വൃത്തികേടും കാട്ടുമെന്ന അവസ്ഥയിലാണ് സിപിഎം. അഴിമതിയുടെ ചെളിക്കുണ്ടില് വീണ് കിടക്കുന്ന മുഖ്യമന്ത്രി ആരോപണങ്ങള്ക്ക് മറുപടി നല്കുന്നില്ലെന്നും അദ്ദേഹം പറഞ്ഞു. 57 ലക്ഷം പേര്ക്ക് നല്കേണ്ട ഓണക്കിറ്റ് 6 ലക്ഷം പേര്ക്ക് മാത്രമായി ചുരുക്കി. എന്നിട്ടും കൊടുക്കാനുള്ള സാധനങ്ങളില്ല. സപ്ലൈകോയില് നേരത്തെ സാധനങ്ങള് എത്തിച്ച വിതരണക്കാര്ക്ക് പണം നല്കാനുള്ളതിനാല് അവര് വിതരണം നിര്ത്തി . കോവിഡ് കാലത്ത് കിറ്റ് നല്കിയവര്ക്കുള്ള 700 കോടി ഇതുവരെ നല്കിയിട്ടില്ല. കിറ്റ് കൊടുക്കാന് പോലും സാധിക്കാത്തത് സംസ്ഥാനം കടുത്ത ധനപ്രതിസന്ധിയിലൂടെ കടന്നു പോകുന്നുവെന്നതിന് തെളിവാണ്. യതാര്ത്ഥ വസ്തുതകള് മറച്ചുവച്ചാണ് മുഖ്യമന്ത്രി സംസാരിക്കുന്നത്. ഗുരുതരമായ അഴിമതികളെയും ധനപ്രതിസന്ധിയെയും വിലക്കയറ്റത്തെയും ജനജീവിതം താറുമാറാക്കിയതിനെയും കുറിച്ച് പ്രതിപക്ഷം ഉന്നയിച്ച ചോദ്യങ്ങള്ക്കും മുഖ്യമന്ത്രി പുതുപ്പള്ളിയില് പോലും…
Read Moreവാഹനം വാടകയ്ക്കെടുത്ത് മറിച്ചു വിൽപന;പിന്നില് തമിഴ്നാട് കേന്ദ്രീകരിച്ച് വൻ റാക്കറ്റ്; ഒരാള്കൂടി പിടിയിൽ
കൊച്ചി: സൂം ആപ്പ് വഴി കര് വാടകക്കെടുത്ത് മറിച്ചു വിറ്റ കേസില് ഒരാളെ കൂടി കസ്റ്റഡിയില്. ഇന്നലെ അറസ്റ്റിലായ ദമ്പതികളുടെ കൂട്ടാളിയെയാണ് കസ്റ്റഡിയില് എടുത്തിരിക്കുന്നത്. വാടകയ്ക്ക് എടുത്ത വാഹനം കോയമ്പത്തൂരിലെത്തിച്ച് മറിച്ച് വിറ്റതിന് പിന്നില് ഇയാളാണെന്നാണ് പോലീസ് നല്കുന്ന സൂചന. ഇയാളുടെ അറസ്റ്റ് ഇന്നുണ്ടായേക്കും. സംഭവത്തിന് പിന്നില് തമിഴ്നാട് കേന്ദ്രീകരിച്ചുള്ള വന് സംഘമുണ്ടെന്നാണ് പോലീസിന്റെ നിഗമനം. നോര്ത്ത് സ്റ്റേഷന് പരിധിയിലെ വാഹന മോഷണ സംഭവങ്ങളുമായി തമിഴ്നാട് സംഘത്തിന് ബന്ധമുണ്ടെന്നും പോലീസ് കരുതുന്നു. ഇന്നലെ അറസ്റ്റിലായ ദമ്പതികളില് ഭരണങ്ങാനം പാന്ങ്കോട്ടില് വീട്ടില് അമല് ജെയിനെയും കസ്റ്റഡിയിലുള്ള പ്രതിയേയുമായി പോലീസ് ഇന്ന് കോയമ്പത്തൂരിലേക്ക് തെളിവെടുപ്പിന് പോകും. കേസില് ഇന്നലെ അറസ്റ്റിലായ അമല് ജെയിന്റെ ഭാര്യ മുണ്ടക്കയം പാറയില്പുരയിടം വീട്ടില് വിന്സിമോളെ ഇന്നലെ തന്നെ റിമാന്ഡ് ചെയ്തിരുന്നു. അമലിനെയും കോടതിയില് ഹാജരാക്കിയെങ്കിലും തെളിവെടുപ്പിനായി ആവശ്യപ്പെട്ടതിനെ തുടര്ന്ന് കോടതി കസ്റ്റഡി അനുവദിച്ചു. ഗിരിഗറില്…
Read Moreപുരാവസ്തു സാമ്പത്തിക തട്ടിപ്പ് കേസ് ; മുന് ഡിഐജി എസ്. സുരേന്ദ്രന്റെ ഭാര്യയെയും ചോദ്യം ചെയ്യും
കൊച്ചി: പുരാവസ്തു സാമ്പത്തിക തട്ടിപ്പുകേസില് നാലാം പ്രതി മുന് ഡിഐജി എസ്. സുരേന്ദ്രന്റെ ഭാര്യയേയും ക്രൈംബ്രാഞ്ച് ചോദ്യം ചെയ്യും. സുരേന്ദ്രന്റെ ഭാര്യ ബിന്ദുലേഖ, മോന്സന് മാവുങ്കലിന് പുരാവസ്തുക്കള് എത്തിച്ചുനല്കിയ ശില്പി കിളിമാനൂര് സ്വദേശി സന്തോഷ് എന്നിവരെക്കൂടി കഴിഞ്ഞ ദിവസം ക്രൈംബ്രാഞ്ച് പ്രതി ചേര്ത്തിരുന്നു. തട്ടിപ്പിന് കൂട്ടുനിന്നതിനാണ് ഇരുവരെയും പ്രതിചേര്ത്തിട്ടുള്ളതെന്നാണ് ക്രൈംബ്രാഞ്ച് റിപ്പോര്ട്ടില് വ്യക്തമാക്കിയിട്ടുള്ളത്.ഇതോടെ കേസിലെ പ്രതികളുടെ എണ്ണം ഏഴായി. ബിന്ദുലേഖയുടെ അക്കൗണ്ടിലേക്ക് മോന്സന്റെ അക്കൗണ്ടില്നിന്ന് പണം എത്തിയിട്ടുള്ളതായും കണ്ടെത്തിയിട്ടുണ്ട്.തന്റെ പക്കലില്നിന്ന് എത്തിച്ചത് പുരാവസ്തുക്കള് അല്ലെന്ന് അറിഞ്ഞിട്ടും മോന്സന്റെ തട്ടിപ്പ് പുറത്തുപറയാതെ കൂട്ടുനിന്നതാണ് സന്തോഷിനെ പ്രതിചേര്ക്കാന് കാരണം.
Read Moreമൊയ്തീനെ ചോദ്യം ചെയ്യാൻ ഇഡി നോട്ടീസിനെതിരേ ഹൈക്കോടതിയെ സമീപിക്കാന് നീക്കം
കൊച്ചി: കരുവന്നൂര് സഹകരണബാങ്ക് തട്ടിപ്പുമായി ബന്ധപ്പെട്ട് മുന്മന്ത്രിയും സിപിഎം എംഎല്എയുമായ എ.സി. മൊയ്തീന് എന്ഫോഴ്സ്മെന്റ് ഡയറക്ടറേറ്റ് (ഇഡി) ചോദ്യംചെയ്യലിന് ഹാജരാകാൻ നോട്ടീസ് നൽകിയതോടെ ഹൈക്കോടതിയെ സമീപിക്കാൻ നീക്കം. ഇഡി കേസിനെ നിയമപരമായി നേരിടാനാണ് പാർട്ടി തീരുമാനം. ബാങ്ക് നിക്ഷേപങ്ങളടക്കമുള്ള സ്വത്തുരേഖകളുമായി 31 ന് കൊച്ചിയിലെ ഇഡി ഓഫീസില് ഹാജരാകണമെന്ന് ഇഡി നിര്ദേശം നല്കിയിട്ടുള്ളത്. ഇഡിയുടെ നോട്ടീസ് ഇതുവരെ ലഭിച്ചിട്ടില്ലെന്നും ലഭ്യമാകുന്ന മുറയ്ക്ക് ഉചിതമായ തീരുമാനമെടുക്കുമെന്നും മൊയ്തീനുമായി ബന്ധപ്പെട്ട അടുത്തവൃത്തങ്ങള് വ്യക്തമാക്കി. ഇഡി സംഘം വീട്ടില് നടത്തിയ റെയ്ഡിനെത്തുടര്ന്ന് മൊയ്തീന്റെയും ഭാര്യയുടെയും പേരിലുള്ള 28 ലക്ഷത്തിന്റെ ബാങ്ക് നിക്ഷേപങ്ങള് മരവിപ്പിച്ചിരുന്നു. ഈ തുകയുടെ ഉള്പ്പെടെ സാമ്പത്തികസ്രോതസായിരിക്കും മൊയ്തീന് പ്രധാനമായും വെളിപ്പെടുത്തേണ്ടിവരുക. നോട്ടീസ് കൈപ്പറ്റിയശേഷം മൊയ്തീന് നിയമോപദേശം തേടുമെന്നാണ് സൂചന. നോട്ടീസിനെതിരേ ഹൈക്കോടതിയെ സമീപിക്കാനും സാധ്യതയുണ്ട്. കരുവന്നൂര് ബാങ്കിന്റെ മുന്മാനേജര് ബിജു കരീമിനും 31 ന് ഹാജരാകാന് നോട്ടീസ് നല്കിയിട്ടുണ്ട്.…
Read Moreകെ.കെ. ശൈലജയുടെ ആത്മകഥ;സിലബസിൽ ഉൾപ്പെടുത്തിയത് പാർട്ടി അറിയാതെ
തിരുവനന്തപുരം: കണ്ണൂർ സർവകലാശാലയുടെ കീഴിലുള്ള കോളജുകളിലെ സിലബസിൽ മുൻമന്ത്രിയും സിപിഎം കേന്ദ്രകമ്മിറ്റിയംഗവുമായ കെ.കെ. ശൈലജയുടെ ആത്മകഥ ഉൾപ്പെടുത്തിയ സംഭവം പാർട്ടി നേതൃത്വത്തിന്റെ അനുമതിയില്ലാതെ. സിലബസിൽ പുസ്തകം ഉൾപ്പെടുത്തിയതിനെതിരെ എൽഡിഎഫ് കണ്വീനർ ഇ.പി. ജയരാജൻ രംഗത്ത് വന്നത് ഇതിന്റെ തെളിവായിരുന്നു. പുസ്തകം സിലബസിൽ ഉൾപ്പെടുത്തിയത് വിവാദമായതോടെ സിപിഎം പാർട്ടിയോഗവും വിഷയം ചർച്ച ചെയ്തിരുന്നു. എന്നാൽ പുസ്തകം സർവകലാശാലയുടെ സിലബസിൽ ഉൾപ്പെടുത്തിയത് തന്റെ അനുമതിയൊ സമ്മതമൊ ഇല്ലാതെയായിരുന്നുവെന്നാണ് കെ.കെ.ശൈലജ പാർട്ടി നേതൃത്വത്തെ അറിയിച്ചിരിക്കുന്നത്. സംഭവം വിവാദമായതിനെ തുടർന്ന് സർവകലാശാല അധികൃതർക്കെതിരെ നടപടി വേണമെന്ന ആവശ്യവും ഉയർന്നിട്ടുണ്ട്. എംഎ ഇംഗ്ലീഷ് സിലബസിലാണ് കെ.കെ. ശൈലജയെക്കുറിച്ചുള്ള പുസ്തകം ഉൾപ്പെടുത്തിയത്. സർവകലാശാല വൈസ് ചാൻസലർ ഗോപിനാഥ് രവീന്ദ്രനോട് വിശദീകരണം ചോദിച്ചിരുന്നു. അദ്ദേഹം അവധിയിലാണ്. അവധികഴിഞ്ഞ് മടങ്ങിയെത്തിയ ശേഷം അക്കാദമിക് കൗണ്സിൽ കൂടി വിഷയം ചർച്ച ചെയ്യും. കണ്ണൂരിൽ ചില നേതാക്കൾ വ്യക്തിപൂജ പ്രോത്സാഹിപ്പിക്കുന്നുവെന്ന പരാതികൾ…
Read More