തിരുവനന്തപുരം: കര്ഷകര്ക്ക് നെല്ല് സംഭരിച്ചതിന്റെ വില കിട്ടിയില്ലെന്ന് നടന് ജയസൂര്യ പൊതുവേദിയിൽ മന്ത്രിമാരുടെ സാന്നിധ്യത്തിൽ നടത്തിയ പരാമര്ശത്തോട് പ്രതികരണവുമായി ഭക്ഷ്യമന്ത്രി ജി.ആര്. അനില്. ജയസൂര്യയുടെ പരാമർശം തെറ്റിദ്ധാരണയില്നിന്നും ഉണ്ടായതാണെന്ന് മന്ത്രി പറഞ്ഞു. ജയസൂര്യയുടെ സുഹൃത്ത് കൃഷ്ണപ്രസാദ് നടത്തിയ പ്രസ്താവന തെറ്റാണ്. കൃഷ്ണ പ്രസാദിന് കുടിശികയെല്ലാം കൊടുത്തതാണ്. കൃഷ്ണ പ്രസാദിന്റേത് ഒരു ബിജെപി കുടുംബമാണ്. അദ്ദേഹത്തിന്റെ സഹോദരന് കൃഷ്ണകുമാര് ചങ്ങനാശേരിയില് ബിജെപിയുടെ കൗണ്സിലറായിരുന്നു. അദ്ദേഹത്തിന്റെ ഭാര്യയാണ് നിലവിലെ കൗണ്സിലർ. കൃഷ്ണപ്രസാദിന്റെ പരാമര്ശം വിശ്വസിച്ചാണ് ജയസൂര്യയും തെറ്റായ പരാമര്ശം നടത്തിയതെന്നും മന്ത്രി പറഞ്ഞു. ഓണക്കിറ്റ് വിഷയത്തിലുള്ള പ്രതിപക്ഷ നിലപാടിനെയും മന്ത്രി വിമർശിച്ചു. തിരുവോണ ദിവസം സെക്രട്ടറിയേറ്റിന് മുന്നില് കോണ്ഗ്രസ് സംഘടിപ്പിച്ച പട്ടിണി സമരംരാഷ്ട്രീയപ്രേരിതമാണെന്നും ഇതിനു പിന്നാലെയാണ് ജയസൂര്യയുടെ പ്രതികരണമെന്നും മന്ത്രി പറഞ്ഞു. ഇന്ത്യയില് നെല്കര്ഷകന് ഏറ്റവും കൂടുതല് പണം കൊടുക്കുന്നത് കേരളമാണ്. സംസ്ഥാനത്ത് അഞ്ചേകാൽ ലക്ഷത്തോളം ആളുകൾക്ക് കിറ്റ് നൽകിയെന്നും…
Read MoreCategory: Edition News
നടൻ പറഞ്ഞത് കർഷകരുടെ വികാരം; ജയസൂര്യയ്ക്ക് പിന്തുണയുമായി കെ. മുരളീധരൻ
തിരുവനന്തപുരം: നടന് ജയസൂര്യക്ക് പിന്തുണയുമായി കെ. മുരളീധരൻ രംഗത്ത്. ജയസൂര്യ പറഞ്ഞത് കർഷകരുടെ വികാരമാണ്. പട്ടിണി സമരം നടത്തിയത് കർഷകരാണ്. ജയസൂര്യ ഒരു പാർട്ടിയുടെയും ഭാഗമല്ല. കൃഷി മന്ത്രിയുടെ സിനിമയാണ് പൊട്ടിപ്പോയത്. മന്ത്രി കൃഷി ഇറക്കിയതല്ലാതെ കർഷകരാരും കൃഷി ഇറക്കുന്നില്ല. മന്ത്രിക്ക് വേദിയിൽതന്നെ ജയസൂര്യക്ക് മറുപടി പറയാമായിരുന്നുവെന്നും മുരളീധരന് പറഞ്ഞു. കിറ്റ് വിതരണത്തിലൂടെ അധികാരത്തിലെത്തിയ സർക്കാരിന് ഇപ്പോൾ കിറ്റ് വിതരണം പൂർത്തിയാക്കാൻ ആയില്ല. മുഖ്യമന്ത്രിയുടെ കുടുംബത്തിന് എതിരായ ആരോപണത്തിൽ ജുഡീഷൽ അന്വേഷണമാണ് വേണ്ടത്. അന്വേഷണം നടത്താൻ സർക്കാരിന് ഭയമാണ്. അച്ചു ഉമ്മനെതിരായ സൈബർ ആക്രമണത്തില് നിയമ നടപടികളുമായി മുന്നോട്ട് പോകും. അച്ചുവിനോപ്പം പാർട്ടി ഉറച്ചു നിൽക്കും. ഇത്തരം സംഭവങ്ങൾ ആവർത്തിക്കാൻ പാടില്ലെന്നും അദ്ദേഹം പറഞ്ഞു
Read Moreഎംഎൽഎയുടെ തെറിവിളി വൈറൽ, പിന്നാലെ മാപ്പ് ചോദിക്കൽ; കെപിസിസിക്ക് പരാതി നൽകി വയനാട് ഡിസിസി പ്രസിഡന്റ്
കൽപ്പറ്റ: വയനാട് ഡിസിസി പ്രസിഡന്റിനെ ബത്തേരി എംഎൽഎ ഫോണിലൂടെ തെറി വിളിക്കുന്ന ഓഡിയോ സോഷ്യൽ മീഡിയയിൽ വൈറൽ. വിവാദം കത്തിപ്പടർന്നതിനിടെ ബത്തേരി എംഎൽഎ ഐ.സി. ബാലകൃഷ്ണൻ ഡിസിസി പ്രസിഡന്റ് എൻ.ഡി. അപ്പച്ചനോട് മാപ്പു ചോദിച്ചു. സംഭവത്തിൽ ഡിസിസി പ്രസിഡന്റ് കെപിസിസിക്ക് പരാതി നൽകിയതായാണ് സൂചന. ബത്തേരി അർബൻ ബാങ്ക് തെരഞ്ഞെടുപ്പുമായി ബന്ധപ്പെട്ട യോഗത്തിൽ ഡിസിസി പ്രസിഡന്റ് എത്താൻ വൈകിയതാണ് എംഎൽഎയെ പ്രകോപിപ്പിച്ചത്. കണ്ണോത്തുമല ജീപ്പ് ദുരന്തത്തിൽ മരിച്ചവരുടെ പോസ്റ്റുമോർട്ടം നടക്കുന്ന മെഡിക്കൽ കോളേജ് ആശുപത്രിയിലായിരുന്നു താനെന്നും ഉടൻ എത്താമെന്നും ഡിസിസി പ്രസിഡന്റ് പറഞ്ഞുവെങ്കിലും തെറിവിളിക്കുകയായിരുന്നു എംഎൽഎ. നിങ്ങൾ എന്താന്ന് വച്ചാ ചെയ്യൂവെന്നും താൻ പാർട്ടിയിൽനിന്ന് രാജിവയ്ക്കുകയാണെന്നും എംഎൽഎ രോഷകുലനായി പറയുന്ന ശബ്ദരേഖയാണ് പുറത്തുവന്നത്. 26ന് രാവിലെ പത്ത് മണിക്കാണ് ഡിസിസി ഓഫീസിൽ ബത്തേരി അർബൻ ബാങ്ക് തെരഞ്ഞെടുപ്പമായി ബന്ധപ്പെട്ട യോഗം വിളിച്ചത്. അതിനിടെ ഇന്നലെ നടന്ന ബാങ്ക്…
Read Moreഫോണിലൂടെ വോട്ട് ഉറപ്പിച്ച് ചാണ്ടി, പൊതിച്ചോർ വിതരണത്തിൽ പങ്കെടുത്ത് ജയ്ക്ക്, മുതിർന്ന നേതാവിനൊപ്പം ഓണസദ്യകഴിച്ച് ലിജിൻ; ഓണാഘോഷം കെങ്കേമമാക്കി സ്ഥാനാർഥികൾ
പുതുപ്പള്ളി: തിരുവോണദിനത്തിൽ യുഡിഎഫ് സ്ഥാനാര്ഥി ചാണ്ടി ഉമ്മനു കാര്യമായ പരസ്യപ്രചാരണമില്ല. പിതാവ് ഉമ്മന് ചാണ്ടിയുടെ മരണം മൂലം ഓണാഘോഷവും ഇല്ലായിരുന്നു. പ്രവര്ത്തകരോടൊപ്പം ഓണസദ്യയില് പങ്കു ചേര്ന്നു.വീട്ടിലിരുന്നു ഫോണിലൂടെ വോട്ടഭ്യര്ഥിക്കാനാണു കൂടുതല് സമയവും ചെലവഴിച്ചത്. പ്രമുഖ വ്യക്തികളെ വിളിച്ച് ഓണാശംസകള് നേര്ന്നും വോട്ടര്മാരെ ഫോണില് വിളിച്ച് വോട്ടുറപ്പിക്കാനും സമയം കണ്ടെത്തി. ഉച്ചകഴിഞ്ഞ് മണ്ഡലത്തിലെ വിവിധ പ്രദേശങ്ങളില് നടന്ന ഓണാഘോഷങ്ങളില് ഒരു ഓട്ട പ്രദക്ഷിണവും നടത്തി. മെഡിക്കൽ കോളജിലെ പൊതിച്ചോര് വിതരണത്തില് പങ്കെടുത്ത് ജെയ്ക്പുതുപ്പള്ളി: ഇടതു സ്ഥാനാര്ഥി ജെയ്ക് സി. തോമസ് തിരുവോണദിനത്തിൽ ഡിവൈഎഫ്ഐ ജില്ലാ കമ്മിറ്റി മെഡിക്കല് കോളജിലെ രോഗികള്ക്കും കൂട്ടിരിപ്പുകാര്ക്കും നല്കുന്ന പൊതിച്ചോര് വിതരണത്തില് പങ്കാളിയായി. ഓണക്കറികള് കൂട്ടിയുള്ള പൊതിച്ചോറും പായസവുമാണ് മൂവായിരത്തോളം പേര്ക്കു വിതരണം ചെയ്തത്. വെള്ളൂര് ഗ്രാമറ്റത്ത് അമ്മവീട്ടില് അന്തേവാസികള്ക്കൊപ്പമായിരുന്നു ജെയ്ക്കിന്റെ ഓണസദ്യ. അമ്മമാരോട് ഓരോരുത്തരോടും ക്ഷേമാന്വേഷണം നടത്തിയ ജെയ്ക് ഓണവിശേഷങ്ങളും പങ്കിട്ടു. ലിജിന്…
Read Moreപട്ടയത്തിനു വേണ്ടി പതിറ്റാണ്ടുകളുടെ കാത്തിരിപ്പ്; തിരുവോണനാളില് പട്ടിണി ഇരുന്ന് കര്ഷകര്
ചുങ്കപ്പാറ: നാക്കില വച്ചു പൂഴിമണ്ണും വഞ്ചന, അനീതി, അവഗണന എന്നീവാക്കുകള് കുറിച്ച പ്ലാകാര്ഡുകളും വിളമ്പി ഓണനാളില് പൊന്തന്പുഴ സമരസമിതിയുടെ വ്യത്യസ്തമായ നിരാഹാര സമരം. പതിറ്റാണ്ടുകളായി പട്ടയത്തിനു വേണ്ടി കാത്തിരിക്കുന്ന പെരുമ്പെട്ടി, പൊന്തന്പുഴ നിവാസികളാണ് പെരുമ്പെട്ടി വില്ലേജ് ഓഫീസ് പടിക്കല് തിരുവോണനാളില് പട്ടിണി സമരം നടത്തിയത്. വനംവകുപ്പ് ഉദ്യോഗസ്ഥരുടെ പിഴവുമൂലം തെറ്റിധരിക്കപ്പെട്ട സ്വന്തം ഭൂമിയില് വര്ഷങ്ങളായി പട്ടയം ലഭിക്കാതെ കാത്തിരിക്കുന്നവരാണിവര്. ഭൂമിമിത്ര അവാര്ഡുനേടിയ പരിസ്ഥിതി പ്രവര്ത്തകന് വി. എന് ഗോപിനാഥപിള്ളക്ക് ഹാരമണിയിച്ചു പ്രശസ്ത ഭൂസമര നായിക പി കൃഷ്ണമ്മാള് സമരം ഉദ്ഘാടനം ചെയ്തു. എസ്. ബാബുജി മുഖ്യപ്രഭാഷണം നടത്തി. പ്രദീപ്കുളങ്ങര വെയ്ക്കപ്പ് കേരള, ജോസ് കോട്ടയില്, ജെയിംസ് കണ്ണിമല, സന്തോഷ് പെരുമ്പെട്ടി എന്നിവര് പ്രസംഗിച്ചു.വനമാണെന്ന തെറ്റിധാരണയില് നിഷേധിക്കപ്പെട്ട പട്ടയം ഉടന് ലഭിക്കണമെന്നാണ് സമരസമിതിയുടെ ആവശ്യം. 65 വര്ഷമായി നടപ്പിലാക്കാത്ത 1958 ലെ വനം വിജ്ഞാപനം നടപ്പിലാക്കിട്ടണം. വനത്തിന്റെ അതിര്ത്തി…
Read Moreസരോജിനി ബാലാനന്ദൻ നടത്തിയത് സ്ത്രീകളുടെ ഉന്നമനത്തിനായി വേണ്ട പ്രവർത്തനങ്ങളെന്ന് മുഖ്യമന്ത്രി പിണറായി വിജയൻ
തിരുവനന്തപുരം: സിപിഎം മുൻ സംസ്ഥാന കമ്മിറ്റി അംഗവും ജനാധിപത്യ മഹിളാ അസോസിയേഷന്റെ നേതാവുമായിരുന്ന സരോജിനി ബാലാനന്ദന്റെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു. സ്ത്രീകളുടെ ഉന്നമനത്തിനായി ശ്രദ്ധേയമായ പ്രവർത്തനങ്ങളാണ് സരോജിനി ബാലാനന്ദൻ നടത്തിയതെന്ന് മുഖ്യമന്ത്രി പറഞ്ഞു. കൾ നേരിടുന്ന വിവിധ പ്രശ്നങ്ങൾ, സ്ത്രീകൾ തൊഴിൽ രംഗത്ത് നേരിടുന്ന ചൂഷണങ്ങൾ എന്നിവയ്ക്കെതിരെ പരാതിക്കാരോടൊപ്പം നിന്ന് സരോജിനി ബാലാനന്ദൻ പോരാടിയെന്ന് അനുശോചനക്കുറിപ്പിൽ മുഖ്യമന്ത്രി പറഞ്ഞു. പ്രാദേശിക തലത്തിലടക്കം പ്രവർത്തിച്ച് ഉയർന്നുവന്ന നേതാവായിരുന്നു സരോജിനി ബാലാനന്ദനെന്നും മുഖ്യമന്ത്രി കൂട്ടിച്ചേർത്തു. ഇ.ബാലാനന്ദന്റെ ഭാര്യ എന്ന നിലയിൽ എന്നും അദ്ദേഹത്തോടൊപ്പം നിഴൽ പോലെ സരോജിനി ബലാനന്ദൻ ഉണ്ടായിരുന്നുവെന്നും മുഖ്യമന്ത്രി അനുസ്മരിച്ചു. പറവൂരിലെ സ്വകാര്യ ആശുപത്രിയിലായിരുന്നു സരോജിനി ബാലാനന്ദന്റെ അന്ത്യം. സിപിഎം മുൻ സംസ്ഥാന സമിതി അംഗമാണ്.
Read Moreആറ്റിങ്ങലിൽ ബൈപാസ് നിർമാണാവശ്യങ്ങൾക്കായി കുഴിച്ച കുഴിയിലേക്ക് കാർ മറിഞ്ഞ് യുവാവ് മരിച്ചു
തിരുവനന്തപുരം: ആറ്റിങ്ങൽ പാലാംകോണത്ത്് ബൈപാസ് നിർമാണത്തിന് കുഴിച്ച കുഴിയിലേക്ക് കാർ നിയന്ത്രണം വിട്ട് മറിഞ്ഞ് യുവാവ് മരിച്ചു. അഞ്ചു പേർക്ക് പരിക്കേറ്റു. പാരിപ്പള്ളി സ്വദേശി ഡോമീസ് (21) ആണ് മരിച്ചത്. ഇന്നലെ അർധരാത്രി 11.45 ഓടെ ആറ്റിങ്ങലിന് സമീപം പാലാംകോണത്തായിരുന്നു അപകടം.മണനാക്കിൽ നിന്നും ആലംകോട് ഭാഗത്തേക്ക് പോകുകയായിരുന്ന കാറാണ് ബൈപ്പാസ് നിർമാണത്തിന് കുഴിച്ച കുഴിയിലേക്ക് നിയന്ത്രണം വിട്ട് മറിഞ്ഞത്. റോഡിൽ മുന്നറിയിപ്പ് ബോർഡൊന്നും ഇല്ലായിരുന്നുവെന്ന് നാട്ടുകാർ ആരോപിച്ചു. അപകട വിവരം നാട്ടുകാർ അറിയിച്ചതിനെ തുടർന്ന് പോലീസും ഫയർഫോഴ്സും ചേർന്നാണ് കാറിലുണ്ടയിരുന്നവരെ ആശുപത്രിയിലെത്തിച്ചത്. ഡൊമിനിക് സാബുവിന്റെ ജീവൻ രക്ഷിക്കാനായില്ല. കാറിലുണ്ടായിരുന്ന കിളിമാനൂർ സ്വദേശി അക്ഷയ് (22), വക്കം സ്വദേശി വിഷ്ണു (20) അഞ്ചുതെങ്ങ് സ്വദേശി ഫ്ളമിൻസ് (23), കടയ്ക്കാവൂർ സ്വദേശികളായ സ്റ്റീഫൻ (21), ബ്രൗണ് (21) എന്നിവർക്കാണ് പരിക്കേറ്റത്. പരിക്കേറ്റവരെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
Read Moreഭാര്യയെ വെട്ടിപ്പരിക്കേല്പ്പിച്ച ശേഷം മുങ്ങിയ ഭര്ത്താവ് ജീവനൊടുക്കി
കോട്ടയം: ഭാര്യയെ വെട്ടിപ്പരിക്കേല്പ്പിച്ച് ഭര്ത്താവ് ജീവനൊടുക്കി. തലയോലപ്പറമ്പ് വെള്ളൂര് സ്വദേശി പത്മകുമാര് ആണ് മരിച്ചത്. ഭാര്യ തുളസിയെ കഴിഞ്ഞദിവസം രാത്രി പത്മകുമാര് വെട്ടിപ്പരിക്കേല്പ്പിച്ചിരുന്നു. തുളസിയെ ആക്രമിച്ചതിന് പത്മകുമാറിനെതിരേ തയോലപ്പറമ്പ് പോലീസ് കേസെടുത്തിരുന്നു. സംഭവത്തില് പോലീസ് തിരയുന്നതിനിടെ ഇയാളെ മരിച്ചനിലയില് കണ്ടെത്തുകയായിരുന്നു. മുളന്തുരുത്തി ഒലിപ്പുറം റെയില്വെ ട്രാക്കിന് സമീപമാണ് പത്മകുമാറിന്റെ മൃതദേഹം കണ്ടെത്തിയത്.പോലീസ് അന്വേഷണം ആരംഭിച്ചു. വെട്ടേറ്റ തുളസി എറണാകുളത്തെ ആശുപത്രിയില് ചികിത്സയിലാണ്.
Read Moreവാടകയ്ക്കെടുത്ത വാഹനം മറിച്ചു വിൽക്കുന്നു; സംഘത്തിൽ കൂടുതൽ പേരുണ്ടെന്ന് സൂചന
കൊച്ചി: വാഹനം വാടകയ്ക്കെടുത്ത് മറിച്ചു വില്ക്കുന്ന സംഘത്തെ സഹായിച്ച കേസില് അറസ്റ്റിലായ ഷൗക്കത്തിനു പിന്നില് കൂടുതല് പേര് ഉണ്ടെന്ന് സൂചന. കേസുമായി ബന്ധപ്പെട്ട് എറണാകുളം മലയിടംതുരുത്ത് എഴിപ്പുറം കണ്ണപ്പന്ചാലില് ഷൗക്കത്തി(25)നെയാണ് സൗത്ത് പോലീസ് അറസ്റ്റ് ചെയ്തത്. ‘സൂംകാര്’ എന്ന ആപ്പ് വഴി കാര് വാടകയ്ക്കെടുത്ത് ജിപിഎസ് സംവിധാനം തകര്ത്ത് കാര് തിരികെ നല്കാതെ മുങ്ങുകയാണ് സംഘം ചെയ്യുന്നത്. പ്രതിക്ക് കോയമ്പത്തൂരില് വാഹന വിൽപ്പന നടത്തുന്ന സംഘങ്ങളുമായി അടുത്ത ബന്ധമുണ്ടെന്നാണ് പോലീസിന് ലഭ്യമായ വിവരം. ഇവരെ കണ്ടെത്തുന്നതിനായി പോലീസ് അന്വേഷണം ഊര്ജിതമാക്കി. കഴിഞ്ഞ ദിവസം പോലീസ് സംഘം കോയമ്പത്തൂരില് എത്തിയെങ്കിലും സംഘത്തില്പ്പെട്ടവരെ കണ്ടെത്താനായില്ല. കേസില് ദമ്പതികളായ കോട്ടയം എടപ്പാടി ഭരണങ്ങാനം പാന്ങ്കോട്ടില് അമല് ജെയിന്, മുണ്ടക്കയം പറയില്പുരയിടം വിന്സിമോള് എന്നിവരെ സൗത്ത് പോലീസ് നേരത്തെ അറസ്റ്റ് ചെയ്തിരുന്നു. രവിപുരം സ്വദേശിയുടെ പരാതിയിലായിരുന്നു അറസ്റ്റ്. കാര് വില്ക്കാന് ദമ്പതികളെ സഹായിച്ചയാളാണ്…
Read Moreഇനി വീട് പൂട്ടി ധൈര്യമായി പൊക്കൊ…പോൽ ആപ്പിൽ രജിസ്റ്റർ ചെയ്താൽ മതി
കൊച്ചി: ഓണാവധിക്കാലത്ത് വീട് പൂട്ടി യാത്ര പോകുന്നവര്ക്ക് ഇനി കള്ളന്മാരെ ഭയക്കാതെ ധൈര്യമായി പോകാം. വീടു പൂട്ടി യാത്ര പോകുന്ന വിവരം പോലീസിന്റെ ഔദ്യോഗിക മൊബൈല് ആപ്പായ പോല് ആപ്പിലൂടെ അറിയിച്ചാല് വീട് സ്ഥിതി ചെയ്യുന്ന മേഖലയില് പോലീസിന്റെ പ്രത്യേക നിരീക്ഷണം ഉണ്ടാകും. ഇതിനായി പോല് ആപ്പിലെ ‘Locked House’ സൗകര്യം വിനിയോഗിക്കാം. യാത്ര പുറപ്പെടുന്നതിനു 48 മണിക്കൂര് മുന്പെങ്കിലും ആപ്പിലൂടെ വിവരം രജിസ്റ്റര് ചെയ്യണം. ഏഴു ദിവസം മുമ്പ് വരെ വിവരം പോലീസിനെ അറിയിക്കാവുന്നതാണ്. പരമാവധി 14 ദിവസം വരെ വീടും പരിസരവും പോലീസിന്റെ നിരീക്ഷണത്തിലായിരിക്കും. യാത്രപോകുന്ന ദിവസം, വീട് സ്ഥിതി ചെയ്യുന്ന സ്ഥലം, വീട്ടുപേര്, വീടിനു സമീപത്തുള്ള ബന്ധുക്കളുടെയോ അയല്വാസികളുടെയോ പേരും ഫോണ് നമ്പറും എന്നിവ ആപ്പില് നല്കണം. പോല് ആപ്പ് ഡൗണ്ലോഡ് ചെയ്യുന്നതിനുള്ള ലിങ്ക് – https://play.google.com/store/apps/details…
Read More