കഴക്കൂട്ടം : എസ്എഫ്ഐകഴക്കൂട്ടം ഏരിയാ പ്രഡിഡന്റിന്റെ വീടാക്രമിച്ചതായി പരാതി.ഇന്നലെ പുലർച്ചെ ഒന്നരയോടെ കുളത്തൂർ ഗുരുനഗർ പുതുവൽ മണക്കാട് മഹേന്ദ്ര ഭവനത്തിൽ ആദർശിന്റെ വീടിനു നേരയാണ് ആക്രമണമുണ്ടായത്. ആക്രമണത്തിൽ വീടിന്റെ ജനൽചില്ലുകൾ പൂർണമായി തകർന്നു. സംഭവ സമയത്ത് ആദർശിന്റെ പിതാവും ടൂട്ടോറിയൽ കോളജ് അധ്യാപകനുമായ മഹേന്ദ്രനും മാതാവും മാത്രമേ വീട്ടിലുണ്ടായിരുന്നുള്ളു. അരമണിക്കൂറോളം വീടിനുമുന്നിൽ ഭീകരാന്തരീക്ഷം സൃഷ്ടിച്ച അക്രമി സംഘം പോലീസെത്തിയതോടെയാണ് ഓടിരക്ഷപ്പെട്ടത്. യൂത്ത് കോൺഗ്രസുകാരാണ് ആക്രമണത്തിന് പിന്നിലെന്ന് വീട്ടുകാർ പോലീസിന് നൽകിയ പരാതിയിൽ പറയുന്നു. ഇതിന് മുമ്പും ആദർശിന് നേരെ അക്രമം നടന്നിരുന്നതായി പരാതിയിൽ പറയുന്നു. എന്നാൽ സംഭവത്തിൽ തങ്ങൾക്ക് പങ്കില്ലെന്നും തെരഞ്ഞെടുപ്പ് നടക്കുന്ന അവസരത്തിൽ ഉണ്ടായ ആക്രമണത്തിൽ ദുരൂഹതയുണ്ടെന്നും സംഭവത്തിൽ പോലീസ് വിശദമായ അന്വോഷണം നടത്തണമെന്നും യൂത്ത് കോൺഗ്രസ് ഭാരവാഹികൾ അറിയിച്ചു.അന്വോഷണം ആരംഭിച്ചതായി തുമ്പ സിഐ പറഞ്ഞു.
Read MoreCategory: TVM
ബുറേവി ചുഴലിക്കാറ്റ്; കനത്ത മഴയിലും നാശനഷ്ടങ്ങളിലും തമിഴ്നാട്ടിൽ 11 മരണം
തിരുവനന്തപുരം: ബുറേവി ചുഴലിക്കാറ്റിനെത്തുടർന്നുണ്ടായ കനത്ത മഴയിലും നാശനഷ്ടങ്ങളിലും തമിഴ്നാട്ടിൽ 11 മരണം.കടലൂർ ജില്ല ഒറ്റപ്പെട്ടു. കടലൂരിൽ വീട് തകർന്നു വീണ് 35 വയസുള്ള സ്ത്രീയും മകളും മരിച്ചു. പുതുക്കോട്ടയിലും വീട് തകർന്നതിനെത്തുടർന്ന് സ്ത്രീ മരിച്ചു. കാറ്റിൽ മരം കടപുഴകി വീണ് കടലൂരിൽ ഒരു സ്ത്രീ മരിച്ചു. കാഞ്ചീപുരത്ത് നദിയിൽ വീണ് മൂന്നു പെൺകുട്ടികൾ മരിച്ചു. ചെന്നൈയിൽ വെള്ളക്കെട്ടില് നിന്ന് വൈദുതാഘാതമേറ്റ് ഒരു യുവാവും തഞ്ചാവൂരിൽ 40 വയസ്സുള്ള സ്ത്രീയും മരിച്ചു. കടലൂർ, തഞ്ചാവൂർ ജില്ലകളിലായ അഞ്ഞൂറോളം വീടുകൾ കാറ്റിലും മഴയിലും തകർന്നു വീണു. പലയിടത്തും കനത്ത കൃഷി നാശമുണ്ടായി. തമിഴ്നാട്ടിൽ മിക്കയിടിത്തും ഇപ്പോഴും മഴ തുടരുകയാണ്. പ്രസിദ്ധമായ ചിദംബരം ക്ഷേത്രത്തിൽ വെള്ളം കയറി. അതേസമയം ബുറേവി ചുഴലിക്കാറ്റിന്റെ തീവ്രത കുറഞ്ഞെങ്കിലും കേരളത്തില് ജാഗ്രത തുടരും
Read Moreസംശയരോഗമാണ് കൊലയ്ക്കു കാരണമെന്ന്! ഭാര്യയെ വെട്ടിക്കൊന്ന് ഭർത്താവ് പോലീസ് സ്റ്റേഷനിൽ കീഴടങ്ങി; സംഭവം കാട്ടാക്കടയില്
കാട്ടാക്കട : ഭാര്യയെ വെട്ടിക്കൊന്ന് ഭർത്താവ് പോലീസ് സ്റ്റേഷനിൽ കീഴടങ്ങി. കുറ്റിച്ചൽ എരുമക്കുഴി അജിത് ഭവനിൽ എൽ. ഗോപാലനാണ് ഭാര്യ പത്മാക്ഷി (52)യെ പട്ടാപ്പകൽ കഴുത്തിനുവെട്ടി കൊന്നത്. കൊലപാതകത്തിനുശേഷം ഭർത്താവ് കാട്ടാക്കട പോലീസ് സ്റ്റേഷനിൽ കീഴടങ്ങുകയും ചെയ്തു. ഇന്നലെ ഉച്ചയ്ക്ക് 1.30 നാണ് നാടിനെ നടുക്കിയ കൊല നടന്നത്. പെരുമഴയായതിനാൽ അയൽവാസികളൊന്നും സംഭവം അറിഞ്ഞില്ല. പോലീസ് ഈ വിവരം തിരക്കുമ്പോഴാണ് കൊലപാതകവിവരം നാട്ടുകാർ അറിയുന്നത്. വീടിന്റെ അടുക്കളയിൽ വച്ചാണ് പത്മാക്ഷിയുടെ കഴുത്തിൽ വെട്ടിയത്. കഴുത്തിൽ മൂന്ന് വെട്ടുകളുണ്ട്. മകൻ അജിത് വീട്ടിലുണ്ടായിരുന്നില്ല. മകൻ പുറത്തുപോയ സമയത്ത് ഗോപാലൻ കരുതികൂട്ടി തന്നെ ഇത് ചെയ്തതാകാമെന്ന് പോലീസ് പറയുന്നു. മരണം ഉറപ്പിച്ചശേഷം ഇയാൾ പോലീസിൽ എത്തി വിവരം പറഞ്ഞ് കീഴടങ്ങുകയായിരുന്നു. സംശയരോഗമാണ് കൊലയ്ക്കു കാരണമെന്ന് സ്ഥലം സന്ദർശിച്ച നെടുമങ്ങാട് ഡിവൈഎസ്പി ഉമേഷ്കുമാർ അറിയിച്ചു. ഭാര്യയിലുള്ള സംശയം വർധിച്ചതിനെ തുടർന്ന് ഇരുവരും…
Read Moreഅസ്വാഭാവികതയില്ല; ചോദ്യം ചെയ്യാൻ വിളിപ്പിച്ചാൽ കുറ്റവാളിയാകില്ലെന്ന് എ.വിജയരാഘവൻ
തിരുവനന്തപുരം: സ്വർണക്കടത്ത് കേസിൽ മുഖ്യമന്ത്രിയുടെ അഡീഷണൽ പ്രൈവറ്റ് സെക്രട്ടറി സി.എം രവീന്ദ്രനെ ചോദ്യം ചെയ്യലിന് വിളിപ്പിച്ചതിൽ അസ്വാഭാവികതയില്ലെന്ന് സിപിഎം സംസ്ഥാന സെക്രട്ടറി എ.വിജയരാഘവൻ. ഒരാളെ ചോദ്യം ചെയ്യാൻ വിളിപ്പിച്ചതു കൊണ്ട് അയാൾ കുറ്റവാളിയാകുന്നില്ലെന്നും അദ്ദേഹം പറഞ്ഞു. ആരെയും ചോദ്യം ചെയ്യാൻ വിളിപ്പിക്കാൻ കേന്ദ്ര ഏജൻസികൾക്ക് അധികാരമുണ്ട്. അതിനെ മറ്റു തരത്തിൽ സിപിഎം കാണുന്നില്ല. ഒരാളെ ചോദ്യം ചെയ്യാൻ വിളിപ്പിച്ചതു കൊണ്ട് അയാൾ കുറ്റവാളിയാകുന്നില്ലെന്നും വിജയരാഘവൻ അഭിപ്രായപ്പെട്ടു. വികസനവും അപവാദവും തമ്മിലുള്ള ഏറ്റുമുട്ടലാണ് തദ്ദേശ തെരഞ്ഞെടുപ്പിൽ നടക്കുന്നത്. വെൽഫെയർ പാർട്ടിയുമായി സഖ്യമില്ലെന്ന് പറഞ്ഞ് ആളുകളെ പറ്റിക്കാനാണ് യുഡിഎഫ് ശ്രമം. കെഎസ്എഫ്ഇ റെയ്ഡ് വിവാദം അടഞ്ഞ അധ്യായമാണ്. എല്ലാ കാര്യങ്ങളും മുഖ്യമന്ത്രിയും പാർട്ടിയും മന്ത്രിയും വ്യക്തമാക്കിയിട്ടുണ്ടെന്നും അദ്ദേഹം കൂട്ടിച്ചേർത്തു.
Read Moreവായിൽ സ്റ്റീൽ ചെയിൻ കുടുങ്ങിയ വളർത്തു നായയ്ക്ക് രക്ഷകരായി ഫയർഫോഴ്സ്
വെഞ്ഞാറമൂട് : വായിൽ സ്റ്റീൽ ചെയിൻ കുടുങ്ങിയ വളർത്തു നായയ്ക്ക് രക്ഷകരായി വെഞ്ഞാറമൂട് ഫയർഫോഴ്സ്. പിരപ്പൻകോട് മാങ്കുഴി കുമാര ഭവനത്തിൽ സജികുമാറിന്റെ ഒരുവയസുള്ള പോമറേനിയൻ നായയുടെ വായിലും കഴുത്തിലുമായാണ് സ്റ്റീൽ ചെയിൻ കുരുങ്ങിയത്. കെട്ടിയിട്ടിരുന്ന നായയുടെ പല്ലിൽ അബദ്ധത്തിൽ ചെയിൻ കുടുങ്ങുകയായിരുന്നു. ചെയിൽ ഊരിമാറ്റാൻ വീട്ടുകാർ നടത്തിയ ശ്രമം ഫലം കണ്ടില്ല. തുടർന്ന് വെഞ്ഞാറമൂട് ഫയർഫോഴ്സിൽ വിവരം അറിയിക്കുകയായിരുന്നു. ഫയർഫോഴ്സ് സ്ഥലത്ത് എത്തി കഴുത്തിലെ ചെയിൻ മുറിച്ചു മാറ്റിയെങ്കിലും നായ പ്രതിരോധിച്ച് നിന്നതിനാൽ പല്ലിൽക്കൂടി കുരുങ്ങിയത് മുറിച്ച് മാറ്റുവാൻ കഴിഞ്ഞില്ല. തുടർന്ന് നായയെ വെഞ്ഞാറമൂട് മൃഗാശുപത്രിയിൽ പ്രവേശിപ്പിച്ച് മയക്കിയ ശേഷമാണ് ഫയർഫോഴ്സ് അധികൃതർ ചെയിൻ മുറിച്ചുമാറ്റിത്. അസി. സ്റ്റേഷൻ ഓഫീസർമാരായ നസീർ ,രാജേന്ദ്രൻ നായർ എന്നിവരുടെ നേതൃത്വത്തിലാണ് രക്ഷാ പ്രവർത്തനം നടത്തിയത്.
Read Moreസ്വതന്ത്ര സ്ഥാനാർഥിയെ ഭീഷണിപ്പെടുത്തിയ ബിജെപി ജില്ലാ കമ്മിറ്റി അംഗം രഞ്ജിത്തിന് എട്ടിന്റെ പണി
തിരുവനന്തപുരം: തിരുവനന്തപുരത്തു വിമത സ്ഥാനാർഥിയെ ഭീഷണിപ്പെടുത്തിയ ബിജെപി ജില്ലാ കമ്മിറ്റി അംഗം അറസ്റ്റിൽ. കൊടുങ്ങാനൂർ സ്വദേശിയായ അഡ്വ. രഞ്ജിത് സി. നായരാണ് അറസ്റ്റിലായത്. തിരുവനന്തപുരം കോർപ്പറേഷനിൽ സ്വതന്ത്ര സ്ഥാനാർഥിയായി മത്സരിക്കുന്ന സിന്ധു സതികുമാറിന്റെ പരാതിയിലാണു രഞ്ജിത്തിനെ പോലീസ് അറസ്റ്റ് ചെയ്തത്. വട്ടിയൂർക്കാവ് പോലീസ് വ്യാഴാഴ്ച അറസ്റ്റ് ചെയ്ത ഇയാളെ പിന്നീട് ജാമ്യത്തിൽ വിട്ടയച്ചു.അതേസമയം സിന്ധുവിനെതിരെ രഞ്ജിത്തും പോലീസിൽ പരാതി നൽകിയിട്ടുണ്ട്. വീടിനു മുന്നിലെത്തി സിന്ധുവിന്റെ ഭർത്താവ് തന്നെ അപമാനിക്കുന്ന തരത്തിൽ മൈക്കിലൂടെ പ്രസംഗിച്ചതായി ആരോപിച്ചാണ് രഞ്ജിത്തിന്റെ പരാതി.
Read Moreസ്ഥാനാര്ഥികള് ആനുകൂല്യ വിതരണം നടത്തരുതെന്ന് തെരഞ്ഞെടുപ്പ് കമ്മീഷൻ
തിരുവനന്തപുരം: തദ്ദേശ സ്ഥാപന തെരഞ്ഞെടുപ്പില് മത്സരിക്കുന്നവര് ക്ഷേമ പെന്ഷന്, മരുന്ന് തുടങ്ങിയ ആനുകൂല്യങ്ങളുടെ വിതരണം നടത്തരുതെന്ന് സംസ്ഥാന തെരഞ്ഞെടുപ്പ് കമ്മീഷന്. സ്ഥാനാര്ഥികളില് ചിലര് ജോലിയുടെ ഭാഗമായും അല്ലാതെയും ആനുകൂല്യവിതരണത്തില് ഏര്പ്പെടുന്നതു സംബന്ധിച്ച് കമ്മീഷന് പരാതി ലഭിച്ച സാഹചര്യത്തിലാണ് നിർദേശം. സര്ക്കാര് നല്കുന്ന മരുന്നും മറ്റു വസ്തുക്കളും സ്ഥാനാർഥികളായ ആശാ വര്ക്കര്മാരും വിതരണം ചെയ്യാന് പാടില്ലെന്ന് കമ്മീഷന് വ്യക്തമാക്കിയിട്ടുണ്ട്.
Read Moreതിരുവനന്തപുരത്ത് ബിജെപിക്കെതിരേ നീക്കം! ന്യൂനപക്ഷ വോട്ട് ചോര്ച്ച തടയാന് മുസ്ലിം ലീഗ്; വിജയ തന്ത്രമൊരുക്കി ആര്എസ്എസ്
കോഴിക്കോട്: തദ്ദേശതെരഞ്ഞെടുപ്പില് തിരുവനന്തപുരം കോര്പറേഷനില് ന്യൂനപക്ഷ വോട്ട് ചോര്ച്ച തടയാന് നീക്കങ്ങളുമായി മുസ്ലിം ലീഗ്. തിരുവനന്തപുരം കോര്പറേഷനില് ഉള്പ്പെടെയുള്ള സ്ഥലങ്ങളില് മുസ്ലീം വോട്ടുകള് ബിജെപിക്ക് പോവാതിരിക്കാനുള്ള നീക്കങ്ങളാണിപ്പോള് ലീഗ് നേതൃത്വം നടത്തുന്നത്. മുസ്ലിം വിഭാഗത്തിലെ വിവിധ സംഘടനകളിലുള്ളവരെ ഏകോപിപ്പിച്ചുകൊണ്ട് വോട്ട് ചോര്ച്ച തടയാനുള്ള നീക്കങ്ങള് ആരംഭിച്ചിട്ടുണ്ട്. കഴിഞ്ഞ ദിവസം തിരുവനന്തപുരം കേന്ദ്രീകരിച്ച് മുസ്ലിം സംഘടനകളുടെ യോഗം ചേര്ന്നതായി ബിജെപിക്ക് വിവരം ലഭിച്ചു. കേന്ദ്രരഹസ്യാന്വേഷണ വിഭാഗവും ഈ യോഗത്തെ കുറിച്ച് അറിഞ്ഞതായാണ് സൂചന. മുസ്ലിം വിരുദ്ധ പാര്ട്ടി എന്ന പേരുദോഷം ഒഴിവാക്കുകയെന്ന ലക്ഷ്യത്തോടെ തെരഞ്ഞെടുപ്പിനിറങ്ങിയ ബിജെപിയ്ക്ക് ഇത് തിരിച്ചടിയാണ്. അതേസമയം ലീഗിന്റെ നീക്കം തിരിച്ചറിഞ്ഞതോടെ ആര്എസ്എസ് “മറുമരുന്നു’മായി പ്രചാരണത്തിന് സജീവമായി. കഴിഞ്ഞ തെരഞ്ഞെടുപ്പുകളിലൊന്നുമില്ലാത്ത വിധം ഇത്തവണ കൂടുതല് മുസ്ലിം സ്ഥാനാര്ഥികളെ ബിജെപി രംഗത്തിറക്കിയത് ന്യൂനപക്ഷ വോട്ടുകള് കൂടി മുന്നില് കണ്ടുകൊണ്ടായിരുന്നു. ഒരു വര്ഷം മുമ്പ് ബിജെപിയില് ചേര്ന്ന എ.പി.അബ്ദുളള…
Read Moreബാർ കോഴക്കേസ്; താത്പര്യമുണ്ടായിട്ടല്ല സർക്കാർ കേസെടുത്തത്; സിപിഎം നേതാവ് എം.എ. ബേബി പറയുന്ന കാരണം ഇങ്ങനെ…
തിരുവനന്തപുരം: ബാർ കോഴക്കേസിൽ ബിജു രമേശിനെ പോലെ ഒരു വ്യക്തി കോഴ കൊടുത്തുവെന്ന് തറപ്പിച്ചു പറഞ്ഞ സാഹചര്യത്തിലാണ് സർക്കാർ അന്വേഷണത്തിന് തയാറായതെന്ന് സിപിഎം നേതാവ് എം.എ. ബേബി. അന്വേഷണത്തിന് സർക്കാർ തയാറായില്ലെങ്കിൽ കോഴയിൽ സിപിഎമ്മിന് പങ്കുണ്ടെന്ന് ജനങ്ങൾ കരുതുമെന്നും സർക്കാരിന് പ്രത്യേക താത്പര്യമുണ്ടായിട്ടല്ല കേസെടുത്തതെന്നും ബേബി വ്യക്തമാക്കി. സർക്കാരിന്റെ നയപരമായ കാര്യങ്ങൾ സിപിഎമ്മിൽ ചർച്ച ചെയ്ത് തന്നെയാണ് തീരുമാനിക്കാറുള്ളത്. പോലീസ് ആക്ട് ചർച്ച ചെയ്യേണ്ട രീതിയിൽ ചർച്ച ചെയ്തില്ലെന്നും അത് മുഖ്യമന്ത്രിയുടെ തെറ്റല്ലെന്നും അദ്ദേഹം കൂട്ടിച്ചർത്തു.
Read Moreസിപിഎമ്മിൽ തുടരണോ എന്ന് ഐസക്ക് തീരുമാനിക്കെട്ടെ; പിണറായി വിജയനും തോമസ് ഐസക്കിനും പാർട്ടിയിൽ രണ്ടു നീതിയെന്ന് മുല്ലപ്പള്ളി
തിരുവനന്തപുരം: കെഐസ്എഫ്ഇ വിവാദം കത്തുന്നതിനിടെ മുഖ്യമന്ത്രിക്കും സിപിഎമ്മിനുമെതിരെ രൂക്ഷ വിമർശനവുമായി കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. അപമാനിച്ച സിപിഎമ്മിൽ തുടരണോ എന്ന് ഐസക്ക് തീരുമാനിക്കണമെന്ന്വ മുല്ലപ്പള്ളി പറഞ്ഞു. മുഖ്യമന്ത്രി പിണറായി വിജയനും തോമസ് ഐസക്കിനും പാർട്ടിയിൽ രണ്ടു നീതിയാണെന്നും മുപ്പള്ളി. കെഎസ്എഫ്ഇ വിഷയത്തിൽ മുഖ്യമന്ത്രിയെപിന്തുണച്ച് മറ്റ് മന്ത്രിമാർ രംഗത്ത് വരികയും ഐസക്കിന്റെ പരസ്യ പ്രസ്താവനകൾ പാർട്ടി സെക്രട്ടറിയേറ്റിൽ വിമർശനങ്ങൾക്ക് വഴിവെക്കുകയും ചെയ്തിരുന്നു.
Read More