തിരുവനന്തപുരം: അതിരപ്പിള്ളി പദ്ധതി തള്ളി സിപിഐ മന്ത്രിയായ വനംമന്ത്രി രംഗത്ത്. അതിരപ്പിള്ളി അടഞ്ഞ പദ്ധതിയാണെന്ന് മന്ത്രി കെ. രാജു പറഞ്ഞു. അതിരപ്പിള്ളി പദ്ധതിയെക്കുറിച്ച് മന്ത്രിസഭ ചർച്ച ചെയ്തിട്ടില്ല. അതിരപ്പിള്ളിയിൽ ഇനി സമവായത്തിന് സാധ്യതയില്ല. പദ്ധതിക്ക് പാരിസ്ഥിതികാനുമതി ഇല്ലെന്നും അദ്ദേഹം വ്യക്തമാക്കി. അതിരപ്പിള്ളി പദ്ധതിക്കെതിരെ സിപിഐ സംസ്ഥാന സെക്രട്ടറി കാനം രാജേന്ദ്രൻ എതിർപ്പ് അറിയിച്ചിരുന്നു. കൂടാതെ സിപിഐയുടെ യുവജനവിഭാഗവും പദ്ധതിക്കെതിരെ നിലപാട് സ്വീകരിച്ചിരുന്നു. നേരത്തെ എതിർപ്പിനെ തുടർന്ന് പദ്ധതിയുടെ തുടർനടപടികൾ സ്വീകരിച്ചിരുന്നില്ല. കഴിഞ്ഞ ദിവസം പദ്ധതിക്ക് എൻഒസി നൽകിയ വിവരം പുറത്ത് വന്നതോടെയാണ് ഈ വിഷയം വീണ്ടും സജീവ ചർച്ചയായത്.
Read MoreCategory: TVM
കേരളത്തിൽ അഞ്ച് ദിവസം ശക്തമായ മഴയ്ക്ക് സാധ്യത; വിവിധ ജില്ലകളിൽ യെല്ലോ അലർട്ട്
തിരുവനന്തപുരം: കേരളത്തിൽ അടുത്ത അഞ്ച് ദിവസം ശക്തമായ മഴയ്ക്ക് സാധ്യതയെന്ന് സംസ്ഥാന ദുരന്തനിവാരണ കേന്ദ്രത്തിന്റെ അറിയിപ്പ്. ഇതേതുടർന്ന് വിവിധ ജില്ലകളിൽ യെല്ലോ അലർട്ട് പ്രഖ്യാപിച്ചു. ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിലാണ് ജാഗ്രതാ നിർദേശം പുറപ്പെടുവിച്ചത്. വെള്ളിയാഴ്ച മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ ശക്തമായ മഴ ലഭിക്കും. ശനിയാഴ്ച ആറു ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. എറണാകുളം, ഇടുക്കി, തൃശൂർ, കോഴിക്കോട്, കണ്ണൂർ, കാസർഗോഡ് ജില്ലകളിൽ ശക്തമായ മഴ പെയ്യുമെന്നാണ് പ്രവചനം. ഞായറാഴ്ച ഇടുക്കി, മലപ്പുറം, കോഴിക്കോട്, കണ്ണൂർ, കാസർഗോഡ് ജില്ലകളിൽ കനത്ത മഴ പെയ്യുമെന്നാണ് കേന്ദ്ര കാലാവസ്ഥ വകുപ്പ് നൽകുന്ന മുന്നറിയിപ്പ്. തിങ്കളാഴ്ച ഏഴു ജില്ലകളിലാണ് യെല്ലോ അലർട്ട് പുറപ്പെടുവിച്ചത്. ആലപ്പുഴ, കോട്ടയം, എറണാകുളം, ഇടുക്കി, കോഴിക്കോട്, കണ്ണൂർ, കാസർഗോഡ് ജില്ലകളിലാണ് ജാഗ്രതാ നിർദേശം നൽകിയത്. ശക്തമായ കാറ്റിനും…
Read Moreഇരുചക്രവാഹനക്കാരുടെ കാലനായി തെരുവ് നായ്ക്കൾ; നായ കുറുകെ ചാടി; ബൈക്ക് മറിഞ്ഞ് യുവതിയ്ക്ക് ഗുരുതര പരിക്ക്
വെഞ്ഞാറമൂട് : തെരുവുനായ കുറുകെ ചാടിയതിനെ തുടർന്ന് ബൈക്ക് മറിഞ്ഞ് യുവതിയ്ക്ക് ഗുരുതര പരിക്ക്. പരമേശ്വരം ജി.കെ. ഭവനിൽ ഉഷ ( 36 ) യ്ക്കാണ് പരിക്കുപറ്റിയത്. ഇന്നലെ രാത്രി 8 ന് വെഞ്ഞാറമൂട് വലിയകട്ടയ്ക്കാൽ ജംഗ്ഷന് സമീപത്ത് വച്ചായിരുന്നു അപകടം. വെഞ്ഞാറമൂട് ചൈനീസ് മേള ഷോപ്പിലെ ജീവനക്കാരിയാണ് ഉഷ. ജോലി കഴിഞ്ഞ് ബന്ധുവിനെപ്പം ബൈക്കിൽ വീട്ടിലേയ്ക്ക് വരികയായിരുന്നു. ബൈക്കിന് കുറുകെ നായ ചാടുമ്പോൾ നിയന്ത്രണം വിട്ട് മറിഞ്ഞായിരുന്നു അപകടം. തലയ്ക്ക് ഗുരുതരമായി പരിക്കേറ്റ ഉഷയെ വെഞ്ഞാറമൂട് ശ്രീ ഗോകുലം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. വെഞ്ഞാറമൂട് പോലീസ് മേൽ നടപടി സ്വീകരിച്ചു.
Read Moreശബരിമല നടതുറക്കൽ: തന്ത്രിയുടെ കത്ത് കിട്ടിയിട്ടില്ലെന്ന് ദേവസ്വം ബോർഡ് പ്രസിഡന്റ്
തിരുവനന്തപുരം: ശബരിമലയിൽ മാസപൂജയ്ക്ക് നട തുറക്കുന്പോൾ ഭക്തജനങ്ങളെ പ്രവേശിപ്പിക്കേണ്ടതില്ലെന്ന് കാട്ടി തന്ത്രി നൽകിയ കത്ത് കിട്ടിയിട്ടില്ലെന്ന് ദേവസ്വം ബോർഡ് പ്രസിഡന്റ് എൻ.വാസു. എല്ലാവരുമായി ആലോചിച്ചാണ് ഭക്തരെ പ്രവേശിപ്പിക്കാൻ തീരുമാനിച്ചതെന്നും അദ്ദേഹം പറഞ്ഞു. ഇപ്പോഴുണ്ടായ ആശയകുഴപ്പം ചർച്ചയിലൂടെ പരിഹരിക്കുമെന്നും വാസു പറഞ്ഞു. ശബരിമലയിൽ ഉത്സവം നടത്താൻ തീരുമാനിച്ചത് എല്ലാവരുമായി കൂടിയാലോചിച്ചാണെന്നും വാസു പറഞ്ഞു. മാധ്യമപ്രവർത്തകരുടെ ചോദ്യങ്ങൾക്ക് മറുപടിയായാണ് അദ്ദേഹം ഇക്കാര്യങ്ങൾ വ്യക്തമാക്കിയത്. ഇന്ന് ദേവസ്വം മന്ത്രിയുടെ അധ്യക്ഷതയിൽ നടക്കുന്ന യോഗത്തിൽ വച്ച് തന്ത്രി ഉൾപ്പെടെയുള്ളവരുമായി ചർച്ച നടത്തുമെന്നും അദ്ദേഹം വ്യക്തമാക്കി. ഇതര സംസ്ഥാനത്ത് നിന്നും ഉൾപ്പെടെ ഭക്തർ ശബരിമലയിലേക്ക് വന്നാൽ കോവിഡ് വ്യാപനം ഉണ്ടാകാൻ സാധ്യതയുണ്ടെന്ന് കാട്ടിയാണ് തന്ത്രി ശബരിമലയിൽ ഇപ്പോൾ ഭക്തർക്ക് പ്രവേശനം നൽകരുതെന്ന് കാട്ടി കത്ത് നൽകിയത്. ഹൈന്ദവ സംഘടനകൾ ഉൾപ്പെടെ ഇപ്പോൾ ക്ഷേത്രത്തിൽ ഭക്തർക്ക് പ്രവേശനം നൽകേണ്ടതില്ലെന്ന നിലപാടിലാണ്.
Read Moreബംഗാൾ ഉൾക്കടലിൽ ന്യൂനമർദ്ദം; മത്സ്യത്തൊഴിലാളികൾക്കു ജാഗ്രതാ മുന്നറിയിപ്പ്
തിരുവനന്തപുരം: മധ്യകിഴക്കൻ ബംഗാൾ ഉൾക്കടലിൽ രൂപപ്പെട്ടിട്ടുള്ള ന്യൂനമർദ്ദം ശക്തമായ ന്യൂനമർദമാകാൻ സാധ്യതയുണ്ടെന്നു കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. അടുത്ത 48 മണിക്കൂറിൽ മത്സ്യത്തൊഴിലാളികൾ ജാഗ്രത പാലിക്കണമെന്നും നിർദേശത്തിൽ പറയുന്നു. തെക്ക് പടിഞ്ഞാറൻ അറബിക്കടലിലും മധ്യ പടിഞ്ഞാറ് ബംഗാൾ ഉൾക്കടലിലും വടക്കു പടിഞ്ഞാറ് ബംഗാൾ ഉൾക്കടലിലും അതിനോടു ചേർന്നുള്ള മധ്യ പടിഞ്ഞാറൻ അറബിക്കടലിലും മണിക്കൂറിൽ 45 മുതൽ 55 കിലോമീറ്റർ വരെ വേഗതയിൽ ശക്തമായ കാറ്റിനു സാധ്യതയുണ്ട്. മധ്യകിഴക്ക് അറബിക്കടലിലും ഗോവ, കർണാടക തീരങ്ങളിലും മധ്യ ബംഗാൾ ഉൾക്കടലിലും തെക്കു കിഴക്ക് ബംഗാൾ ഉൾക്കടലിലും മണിക്കൂറിൽ 40 മുതൽ 50 കിലോമീറ്റർ വരെ വേഗതയിലുള്ള കാറ്റാണു പ്രവചിക്കപ്പെടുന്നത്. കിലോമീറ്റർ വരെ വേഗതയിൽ ശക്തമായ കാറ്റിനു സാധ്യത. ഈ പ്രദേശങ്ങളിൽ മത്സ്യതൊഴിലാളികൾ മത്സ്യബന്ധനത്തിനു പോകാൻ പാടുള്ളതല്ല. വ്യാഴാഴ്ച രാത്രി 11.30 വരെയുള്ള സമയത്തു കുളച്ചൽ മുതൽ ധനുഷ്കോടി വരെയുള്ള തെക്ക്…
Read Moreകരമന – കളിയിക്കാവിള ദേശീയപാത വികസനം ഇഴയുന്നു; യാത്രക്കാര് തീരാദുരിതത്തിൽ
നെയ്യാറ്റിന്കര : കരമന -കളിയിക്കാവിള ദേശീയപാത വികസനത്തിന്റെ ഭാഗമായ പ്രാവച്ചന്പലം, ബാലരാമപുരം, കൊടിനട വരെയുള്ള പ്രദേശത്തെ പ്രവൃത്തികള് മന്ദഗതിയിലെന്ന് ആക്ഷേപം. ശാസ്ത്രീയമായ രീതിയിലല്ല നിര്മാണ പ്രവൃത്തികള് പുരോഗമിക്കുന്നതെന്ന് നാട്ടുകാര് പറയുന്നു. ബാലരാമപുരത്തിനു സമീപം മുടവൂര്പ്പാറ-മുക്കംപാലമൂട് റോഡിന്റെ തുടക്കത്തിലും എസ്എന്ഡിപി മന്ദിരത്തിനു സമീപത്തെ സമാന്തര റോഡും പൊളിച്ചിട്ടിരിക്കുകയാണ്. മുടവൂര്പ്പാറയില് റോഡ് ദേശീയപാതയിലേയ്ക്ക് ബന്ധിപ്പിക്കുന്നതിന്റെ ഭാഗമായി ജെസിബി ഉപയോഗിച്ച് പൊളിച്ചതോടെ അതുവഴിയുള്ള വാഹനഗതാഗതം നിലച്ചു. മുക്കംപാലമൂടിനും സമീപപ്രദേശങ്ങളിലുമുള്ളവർ മുടവൂര്പ്പാറയില് എത്തണമെങ്കിൽ രണ്ടുകിലോമീറ്റര് ചുറ്റി എത്തേണ്ട ഗതികേടിലാണ്. മണ്ണുമാറ്റലിനായി ജെസിബി ഉപയോഗിച്ചപ്പോള് ഈ പ്രദേശങ്ങളില് മണിക്കൂറുകളോളം വൈദ്യുതി വിച്ഛേദിക്കപ്പെട്ടെന്ന് നാട്ടുകാർ പറയുന്നു. മുടവൂര്പ്പാറയിലെ ട്രാന്സ്ഫോര്മര് മാറ്റുന്നതുമായി ബന്ധപ്പെട്ട തീരുമാനം എങ്ങുമെത്തിയില്ലെന്നും ആരോപണമുണ്ട്. കൊടിനടയില് പാത വികസനം സംബന്ധിച്ച തര്ക്കത്തിന് ശാശ്വത പരിഹാരമായിട്ടില്ല. കൊടിനട ബാലരാമപുരം പ്രദേശത്തെ വികസനം കൊടിനട വരെയുള്ള പ്രവൃത്തികള് പൂര്ത്തിയായതിനു ശേഷമേ സാധ്യമാകൂ. കൈത്തറിയുടെ നാടായ ബാലരാമപുരം വ്യാപാരകേന്ദ്രം…
Read Moreമുഴുവൻ വിദ്യാർഥികൾക്കും ഓൺലൈൻ പഠന സൗകര്യമൊരുക്കും; ഓൺലൈൻ പഠനം സ്ഥിര സംവിധാനമല്ലെന്ന് മന്ത്രി ഇ.പി. ജയരാജൻ
നെടുമങ്ങാട്: സംസ്ഥാനത്തെ മുഴുവൻ വിദ്യാർഥികൾക്കും ഓൺലൈൻ പഠന സൗകര്യമൊരുക്കുമെന്ന് മന്ത്രി ഇ.പി. ജയരാജൻ .തദ്ദേശ സ്വയംഭരണ സ്ഥാപനങ്ങളുടെയും പൊതുമേഖലാ സ്ഥാപനങ്ങളുടേയും സഹകരണത്തോടെയാണ് ഇത് സാധ്യമാക്കുന്നതെന്നും അദ്ദേഹം പറഞ്ഞു. ചിലർ പ്രചരിപ്പിക്കുന്നതു പോലെ ഓൺലൈൻ പഠനം സ്ഥിര സംവിധാനമല്ലെന്നും മന്ത്രി പറഞ്ഞു. നെടുമങ്ങാട് നഗരസഭയൊരുക്കിയ 39 ഓൺലൈൻപഠനകേന്ദ്രങ്ങളുടെ നഗരസഭ തല ഉദ്ഘാടനം ഗ്രാങ്കോട്ടുകോണത്ത് നിർവഹിച്ചു പ്രസംഗിക്കുകയായിരുന്നു മന്ത്രി. യോഗത്തിൽ സി.ദിവാകരൻ എംഎൽഎ അധ്യക്ഷതവഹിച്ചു.നഗരസഭാ ചെയർമാൻ ചെറ്റച്ചൽ സഹദേവൻ, വൈസ് ചെയർമാൻ ലേഖാ വിക്രമൻ, സ്റ്റാൻഡിംഗ് കമ്മിറ്റി ചെയർമാന്മാരായ ആർ.മധു, പി.ഹരികേശൻ, ടി.ആർ.സുരേഷ്, ഗീതാകുമാരി, കൗൺസിലർമാരായ ടി.അർജുനൻ ,സുമയ്യാ മനോജ്, സെക്രട്ടറി സ്റ്റാലിൻ നാരായണൻ എന്നിവർ പങ്കെടുത്തു.
Read Moreമഴയെത്തുംമുമ്പേ ശാപമോക്ഷം; അമ്പൂരി കുളത്തിനു ശാപമോക്ഷം നൽകി നാട്ടുകാരും യൂത്ത് കോൺഗ്രസും
അന്പൂരി : മാലിന്യ കൂന്പാരമായി മാറിയ അന്പൂരി പഞ്ചായത്ത് കുളത്തിനുശാപമോക്ഷം. അന്പൂരി മണ്ഡലം യൂത്ത് കോണ്ഗ്രസിന്റെയും യൂത്ത് കെയറിന്റെയും നാട്ടുകാരുടെയും ശ്രമഫലമായി കുളത്തിലെ മാലിന്യങ്ങൾ നീക്കം ആരംഭിച്ചു. കുളം ശുചീകരിക്കുന്നതിനു പഞ്ചായത്ത് അധികൃതർക്കും എംഎൽഎ അടക്കമുള്ള ജനപ്രതിനിധികൾക്കും പലതവണ നിവേദനങ്ങൾ കൊടുത്തിട്ടും തിരിഞ്ഞു നോക്കാത്ത സാഹചര്യത്തിലാണ് യൂത്ത് കെയറിന്റെ ആഭിമുഖ്യത്തിൽ ശുചീകരണ പ്രവർത്തനങ്ങൾ ഏറ്റെടുത്തത് എന്നു നാട്ടുകാർ പറയുന്നു. നൂറ്റാണ്ടുകളുടെ ചരിത്രം അവകാശപ്പെടുന്ന ഈ കുളം നീന്തൽക്കുളമായും മീൻ വളർത്തലിനുമായി ഇതിനു മുന്പ് ഉപയോഗിച്ചിരുന്നു. പിന്നീട് വർഷങ്ങളായി മാലിന്യ കൂന്പാരമായി മാറുകയായിരുന്നു. അന്പൂരി ജംഗ്ഷനിൽ നിന്നും മലിന ജലം ഒഴുകി പോകുന്ന തോട് സ്വകാര്യ വ്യക്തി കെട്ടിയടച്ചതോടെ മലിന ജലം നേരിട്ട് കുളത്തിലേക്ക് ഒഴുകി എത്തുന്നത്. മാത്രമല്ല സമീപ പ്രദേശത്തെ കടകളിലും വീടുകളിൽ നിന്നുമുള്ള മാലിന്യങ്ങളും ഈ കുളത്തിലേക്കാണ് എത്തിച്ചേരുന്നത്. ഇതിനെതിരെ പഞ്ചായത്ത് അധികൃതർക്കും ആരോഗ്യ പ്രവർത്തകർക്കും…
Read More‘വി.മുരളീധരന്റെ അവസ്ഥ ഹാ കഷ്ടം’; ക്ഷേത്ര വിഷയത്തിൽ കാര്യങ്ങൾ മാനസിലാക്കിയിട്ട് വേണം കേരളത്തിന്റെ മേൽ കുതിരകയറാനെന്ന് മന്ത്രി കടകംപള്ളി
തിരുവനന്തപുരം: ക്ഷേത്രങ്ങൾ തുറക്കുന്നതുമായി ബന്ധപ്പെട്ട വിഷയത്തിൽ കേന്ദ്ര വിദേശകാര്യ സഹമന്ത്രി വി. മുരളീധരന്റെ പ്രസ്താവനയ്ക്കെതിരെ കടുത്ത ഭാഷയിൽ വിമർശനവുമായി ദേവസ്വം വകുപ്പ് മന്ത്രി കടകംപള്ളി സുരേന്ദ്രൻ. കാര്യങ്ങൾ മാനസിലാക്കിയിട്ട് വേണം കേരളത്തിന്റെ മേൽ കുതിരകയറാൻ. കേന്ദ്രമന്ത്രിസഭാ യോഗത്തിൽ പങ്കെടുത്തില്ലെങ്കിൽ കാര്യങ്ങൾ ചോദിച്ചു മനസിലാക്കണം. ആരാധനാലയങ്ങൾ തുറക്കാൻ തീരുമാനിച്ചത് കേന്ദ്രസർക്കാരാണ്. കേന്ദ്ര സർക്കാരിന്റെ തീരുമാനം സംസ്ഥാന സർക്കാർ ചാടിപ്പിടിച്ച് നടപ്പാക്കുകയായിരുന്നില്ല. ഇക്കാര്യത്തിൽ മത മേലാധ്യക്ഷൻമാരോടും ഹിന്ദു സംഘടനാ നേതാക്കളോടും ചർച്ച ചെയ്താണ് തീരുമാനം എടുത്തത്. മുരളീധരന്റെ അവസ്ഥ ഹാ കഷ്ടം എന്നല്ലാതെ പറയാനാവില്ല. ശബരിമലയിലേത് പോലെ ധ്രൂവീകരണമാണ് ഈ വിഷയത്തിലും പ്രതിപക്ഷം ലക്ഷ്യമിടുന്നതെന്നും കടകംപള്ളി മാധ്യമപ്രവർത്തകരോട് പറഞ്ഞു. സംസ്ഥാനത്ത് ആരാധനാലയങ്ങൾ തുറക്കുന്നതുമായി ബന്ധപ്പെട്ട് ഇന്നലെയാണ് കേന്ദ്രസഹമന്ത്രി സംസ്ഥാനത്തെ കുറ്റപ്പെടുത്തി ഫെയ്സ്ബുക്കിൽ പോസ്റ്റിട്ടത്. ക്ഷേത്രങ്ങൾ തുറക്കാൻ വിശ്വാസികളോ അമ്പല കമ്മിറ്റികളോ ആവശ്യപ്പെട്ടിട്ടില്ല. വിശ്വാസികളെ താറടിക്കാനാണ് ശ്രമിക്കുന്നതെന്നായിരുന്നു വി.മുരളീധരൻ പോസ്റ്റിൽ പറഞ്ഞത്.…
Read Moreകോവിഡ് 19; ആന്റിബോഡി പരിശോധന ഇന്നു മുതൽ കൂടുതൽ വിഭാഗങ്ങളിലേക്ക്
തിരുവനന്തപുരം: സംസ്ഥാനത്ത് കൂടുതൽ കോവിഡ് രോഗികളും കോവിഡ് മരണങ്ങളും ഉണ്ടാകുന്നത് ആശങ്ക ഉയർത്തുന്നു. അഞ്ചു ദിവസത്തിനുള്ളിൽ അഞ്ഞൂറ് പേർക്കാണ് രോഗബാധയുണ്ടായത്. ഇന്നലെ 91 പേർക്ക് പുതിയതായി രോഗം സ്ഥിരീകരിച്ചിരുന്നു. തുടർച്ചയായ മൂന്നു ദിവസത്തിനു ശേഷമാണ് ഇന്നലെ രോഗികളുടെ എണ്ണം നൂറിൽ താഴെയായത്. ഇതോടെ 1174 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. സമൂഹവ്യാപന തോത് അളക്കാനുള്ള ആന്റി ബോഡി പരിശോധന ഇന്നു മുതൽ കൂടുതൽ വിഭാഗങ്ങളിലേക്ക് വ്യാപിപ്പിക്കും. ഇന്നലെയാണ് ആന്റിബോഡി പരിശോധന ആരംഭിച്ചത്. ആരോഗ്യപ്രവർത്തകരിലാണ് ആദ്യ പരിശോധന നടന്നത്. ആദ്യഘട്ടത്തിൽ പതിനായിരം പേരെ പരിശോധിക്കും. സമൂഹവുമായി അടുത്തിടപഴകുന്ന പോലീസുകാർ, അതിഥി തൊഴിലാളികൾ, റേഷൻ കടക്കാർ, മാധ്യമപ്രവർത്തകർ, ചുമട്ടുതൊഴിലാളികൾ തുടങ്ങിയ വിഭാഗങ്ങളിലേക്കാണ് പരിശോധന നീളുക. ഇന്നലെ രോഗം സ്ഥിരീകരിച്ചവരിൽ 73 പേർ വിദേശത്തു നിന്നും 15 പേർ മറ്റു സംസ്ഥാനങ്ങളിൽ നിന്നും വന്നവരാണ്. തൃശൂരിൽ ഒരാൾക്കു സന്പർക്കത്തിലൂടെ രോഗം…
Read More