തിരുവനന്തപുരം: ദേവസ്വം ബോർഡിന് കീഴിലുള്ള ക്ഷേത്രങ്ങൾ തുറക്കരുതെന്ന് ഹിന്ദു ഐക്യവേദി. ഹിന്ദു സംഘടനയുടെ അഭിപ്രായം തേടാതെയാണ് ക്ഷേത്രം തുറക്കാൻ സർക്കാർ തീരുമാനം എടുത്തതെന്നും ഹിന്ദു ഐക്യവേദി ആരോപിച്ചു. സർക്കാരിന്റെ സാന്പത്തിക പ്രതിസന്ധി മറികടക്കാൻ ക്ഷേത്രം തുറക്കേണ്ട ആവശ്യമില്ല. ഭക്തർ ക്ഷേത്ര ദർശനത്തിൽ നിന്ന് പരമാവധി വിട്ട് നിൽക്കണം. ഹിന്ദു ഐക്യവേദിയുടെ കീഴിലുള്ള ക്ഷേത്രങ്ങൾ ഭക്തരെ പ്രവേശിപ്പിക്കില്ലെന്നും സംഘടന അറിയിച്ചു.
Read MoreCategory: TVM
രോഗികളുടെ എണ്ണം കൂടുമെന്ന് പ്രതീക്ഷിച്ചത്; കോവിഡ് ബാധിച്ച് മരിച്ചവർ ഗുരുതര ആരോഗ്യ പ്രശ്നങ്ങൾ ഉള്ളവരെന്ന് മന്ത്രി കെ.കെ ഷൈലജ
തിരുവനന്തപുരം: കോവിഡ് ബാധിച്ച് മരിച്ചവർ ഗുരുതര ആരോഗ്യ പ്രശ്നങ്ങൾ ഉള്ളവരായിരുന്നുവെന്ന് ആരോഗ്യമന്ത്രി കെ.കെ.ഷൈലജ. സംസ്ഥാനത്ത് മരണനിരക്ക് പിടിച്ച് നിർത്താനുള്ള കഠിനശ്രമത്തിലാണ് സർക്കാരെന്നും മന്ത്രി പറഞ്ഞു. രോഗികളുടെ എണ്ണം കൂടുമെന്ന് പ്രതീക്ഷിച്ചിരുന്നതാണ്. സന്പർക്കത്തിലൂടെയുള്ള രോഗവ്യാപനം തടയാനാണ് ശ്രമിക്കുന്നത്. സർക്കാർ നൽകുന്ന നിർദേശങ്ങൾ എല്ലാവരും പാലിക്കണം. എങ്കിൽ മാത്രമെ മരണനിരക്ക് പിടിച്ച് നിർത്താൻ സാധിക്കുകയുള്ളു. എല്ലാവരും മാസ്ക് കൃത്യമായി ധരിക്കണം. കൈകൾ കഴുകണം. ക്വാറന്ൈറനിൽ കഴിയുന്നവർ എവിടെ ആയാലും മറ്റുള്ളവരുമായി സന്പർക്കത്തിലേർപ്പെടരുതെന്നും മന്ത്രി വ്യക്തമാക്കി. ലോക്ക് ഡൗണിൽ ഇളവുകൾ വരുത്തുന്പോൾ കരുതലിൽ പിഴവുകൾ പാടില്ലെന്നും മന്ത്രി പറഞ്ഞു. മാധ്യമപ്രവർത്തകരുടെ ചോദ്യങ്ങൾക്ക് മറുപടിയായാണ് മന്ത്രി ഇക്കാര്യങ്ങൾ വ്യക്തമാക്കിയത്.
Read Moreകഠിനംകുളം പീഡനശ്രമക്കേസ്; പ്രതികളുടെ കോവിഡ് പരിശോധനയ്ക്ക് ശേഷം തെളിവെടുപ്പെന്ന് പോലീസ്
തിരുവനന്തപുരം: കഠിനംകുളത്ത് യുവതിയെ നിർബന്ധിപ്പിച്ച് മദ്യം നൽകി പീഡിപ്പിക്കാൻ ശ്രമിച്ച ക്കേസിലെ പ്രതികളെ കസ്റ്റഡിയിൽ വാങ്ങി പോലീസ് തെളിവെടുപ്പ് നടത്തും. പ്രതികളുടെ കോവിഡ് പരിശോധന ഫലം ലഭിച്ച ശേഷമായിരിക്കും പോലീസ് കസ്റ്റഡിയിൽ വാങ്ങുക. പ്രതികളുടെ സ്രവം പരിശോധനക്കായി ശേഖരിച്ചിരുന്നു. നിലവിൽ ജൂഡീഷ്യൽ കസ്റ്റഡിയിലാണ് ഏഴ് പ്രതികളും കഴിയുന്നത്. കഠിനംകുളം ചാന്നാങ്കര സ്വദേശികളായ മൻസൂർ, അക്ബർ, മനോജ്, അർഷാദ്, വെട്ടുതുറ സ്വദേശി രാജൻ എന്ന സെബാസ്റ്റ്യൻ , നൗഫൽ, യുവതിയുടെ ഭർത്താവ് എന്നിവരെയാണ് കഠിനംകുളം പോലീസ് അറസ്റ്റ് ചെയ്തത്. കഴിഞ്ഞ വ്യാഴാഴ്ചയാണ് യുവതിയെ ഭർത്താവിന്റെ സുഹൃത്തുക്കൾ ഓട്ടോറിക്ഷയിൽ തട്ടിക്കൊണ്ട് പോയി വിജനമായ സ്ഥലത്ത് വച്ച് പീഡിപ്പിക്കാൻ ശ്രമിച്ചത്. യുവതിയോടൊപ്പമുണ്ടായിരുന്ന അഞ്ചു വയസുകാരനായ മകനെയും നാല് പേരടങ്ങുന്ന സംഘം ക്രൂരമായി മർദ്ദിച്ചിരുന്നു. യുവതിയുടെ ശരീരത്തിലെ സ്വകാര്യ ഭാഗങ്ങളിൽ പ്രതികൾ സിഗററ്റ് ഉപയോഗിച്ച് പൊള്ളലേൽപ്പിച്ചെന്നും ക്രൂരമർദ്ദനത്തിനിരയാക്കിയെന്നും യുവതി പോലീസിൽ നൽകിയ മൊഴിയുടെ…
Read Moreവനിതാ കമ്മീഷൻ അധ്യക്ഷയുടെ വിവാദ പ്രസ്താവന; സിപിഎമ്മിനുള്ളിൽ കടുത്ത അമർഷം
സ്വന്തം ലേഖകൻ തിരുവനന്തപുരം: പാർട്ടി ഒരേ സമയം കോടതിയും പോലീസ് സ്റ്റേഷനുമാണെന്ന വനിതാ കമ്മീഷൻ അധ്യക്ഷ എംസി ജോസഫൈന്റെ വിവാദ പ്രസ്താവനയ്ക്കെതിരെ സിപിഎമ്മിനുള്ളിൽ കടുത്ത അമർഷം. പാർട്ടിയെ വെട്ടിലാക്കുന്ന പ്രസ്താവന അനവസരത്തിലാണെന്നും സന്ദർഭത്തിന് യോജിക്കാത്ത തരത്തിൽ ഇത്തരം പരാമർശം നടത്തിയത് ശരിയായില്ലെന്നുമുള്ള നിലപാടാണ് പാർട്ടി നേതാക്കൾക്കും പ്രവർത്തകർക്കിടയിലുമുള്ളത്. സിപിഎം പാലക്കാട് ജില്ലാ സെക്രട്ടറിയേറ്റ് അംഗവും എംഎൽഎയുമായ പി.കെ ശശിക്കെതിരെയായ പീഡന പരാതിയെക്കുറിച്ച് മാധ്യമപ്രവർത്തകർ ചോദിച്ചപ്പോഴാണ് എം.സി ജോസഫൈന്റെ വിവാദ പരാമർശം ഉണ്ടായത്. തന്റെ പാർട്ടിയ്ക്കു സ്വന്തമായി കോടതി സംവിധാനമുണ്ടെന്നും പാർട്ടി ഒരേ സമയം കോടതിയും പോലീസ് സ്റ്റേഷനുമാണെന്ന വിവാദ പരാമർശം നടത്തിയത്. ഈ പ്രസ്താവന വലിയ വിവാദമായി മാറുകയും ദൃശ്യമാധ്യമങ്ങളിലടക്കം വലിയ ചർച്ചയ്ക്ക് ഇടയാകുകയും ചെയ്തിരുന്നു. പാർട്ടി അംഗങ്ങൾ പ്രതിയായ കേസുകളിൽ പാർട്ടി പോലീസായി അന്വേഷിക്കുകയും പാർട്ടി തന്നെ കോടതിയായി ശിക്ഷ വിധിക്കുകയും ചെയ്താൽ സംസ്ഥാനത്ത് പിന്നെ…
Read Moreആന ചെരിഞ്ഞ സംഭവത്തിൽ വർഗീയ ധ്രുവീകരണത്തിനു ശ്രമമെന്ന് കോടിയേരി
തിരുവനന്തപുരം: ആന ചെരിഞ്ഞ സംഭവത്തിൽ വർഗീയ ധ്രുവീകരണത്തിനു ശ്രമം നടക്കുന്നുണ്ടെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ആന ചരിഞ്ഞ സഭവം കേരളത്തെ ദുഃഖിപ്പിക്കുന്നതാണ്. ഈ വിഷയം കേരളത്തിൽ വലിയ ചർച്ചക്കിടയാക്കി. നടക്കാൻ പാടില്ലാത്തതാണ് നടന്നത്. സമഗ്രമായ അന്വേഷണം നടക്കേണ്ടതുണ്ട്. എന്നാൽ ഈ സന്ദർഭം ഉപയോഗിച്ചുകൊണ്ട് വർഗീയ പ്രചരണത്തിനു കളമൊരുക്കാൻ ചില ദുഷ്ട ശക്തികൾ പ്രവർത്തിക്കുന്നുണ്ട്. അവർക്കെതിരേ ജാഗ്രത പാലിക്കണം- കോടിയേരി ആവശ്യപ്പെട്ടു. ദേശീയ തലത്തിൽ മതനിരപേക്ഷ സംസ്ഥാനമായ കേരളത്തിന്റെ അടിത്തറ തകർക്കുക. അമേരിക്കയിൽ നടക്കുന്നതുപോലുള്ള വംശീയ കലാപം സൃഷ്ടിക്കുക എന്നതാണ് ആർഎസ്എസ് ലക്ഷ്യംവയ്ക്കുന്നതെന്നും കോടിയേരി ആരോപിച്ചു.
Read Moreബാർ ഹോട്ടലുകൾ തുറക്കുന്നതിൽ തീരുമാനമെടുക്കേണ്ടത് കേന്ദ്രമെന്ന് എക്സൈസ് മന്ത്രി
തിരുവനന്തപുരം: ബാർ ഹോട്ടലുകൾ തുറക്കുന്നതിൽ കേന്ദ്രസർക്കാരാണ് തീരുമാനമെടുക്കേണ്ടതെന്ന് എക്സൈസ് മന്ത്രി ടി.പി. രാമകൃഷ്ണൻ. കോവിഡ് പ്രതിരോധത്തിന്റെ ഭാഗമായി, കേന്ദ്ര നിർദേശ പ്രകാരമാണ് ബാറുകൾ അടച്ചത്. തുറക്കുന്നത് സംബന്ധിച്ചും കേന്ദ്രസർക്കാരാണ് തീരുമാനമെടുക്കേണ്ടതെന്നു മന്ത്രി വ്യക്തമാക്കി. ബെവ്കോയുടെ വെർച്വൽ ക്യൂ ആപ്പ് എല്ലാക്കാലത്തേക്കും ഉള്ളതാണെന്ന് സർക്കാർ പറഞ്ഞിട്ടില്ല. കോവിഡിന്റെ പശ്ചാത്തലത്തിൽ തിരക്ക് നിയന്ത്രിക്കാനുള്ള താത്കാലിക സംവിധാനം മാത്രമാണിതെന്നും എക്സൈസ് മന്ത്രി കൂട്ടിച്ചേർത്തു.
Read Moreഎസ്എസ്എല്സി ഫലപ്രഖ്യാപനം ജൂലൈ ആദ്യം; ജൂണ് അവസാനത്തോടെ മൂല്യനിര്ണയം പൂര്ത്തിയാകും
തിരുവനന്തപുരം: സംസ്ഥാനത്ത് എസ്എസ്എല്സി ഫലം ജൂലൈ ആദ്യവാരം. ഇതിനു പിന്നാലെ ഹയര്സെക്കന്ഡറി ഫലവും പ്രഖ്യാപിക്കും. അധ്യാപകര് കുറവായതിനാല് പല ക്യാമ്പുകളിലും സാവധാനമാണ് മൂല്യനിര്ണയം നടക്കുന്നത്. തിങ്കളാഴ്ച രണ്ടാം ഘട്ട മൂല്യനിര്ണയം ആരംഭിച്ചിരുന്നു. ജൂണ് അവസാനത്തോടെ മൂല്യനിര്ണയം പൂര്ത്തിയാകും.
Read Moreസംസ്ഥാനത്ത് അന്തർജില്ലാ ബസ് സർവീസ് ആരംഭിച്ചു; യാത്രക്കാരുടെ തിരക്കനുസരിച്ച് ഡിപ്പോകളിൽ നിന്നു ബസുകൾ
തിരുവനന്തപുരം: സംസ്ഥാനത്ത് അന്തർ ജില്ലാ ബസ് സർവീസുകൾ ആരംഭിച്ചു. സമീപ ജില്ലകളിലേക്കാണ് സർവീസ് നടത്തുക. യാത്രക്കാരുടെ തിരക്കനുസരിച്ചാണ് ഡിപ്പോകളിൽ നിന്നു ബസുകൾ വിടുന്നത്. കെഎസ്ആർടിസി 2,190 ഓർഡിനറി സർവീസുകളും 1,037 അന്തർ ജില്ലാ സർവീസുകളുമായിരിക്കും നടത്തുക. പഴയ ടിക്കറ്റ് നിരക്കിലാണ് സര്വീസ് നടത്തുന്നത്. അതേസമയം, പഴയ നിരക്കില് സമീപ ജില്ലയിലേക്ക് സര്വീസ് നടത്താനാകില്ലെന്നാണ് സ്വകാര്യ ബസ് ഉടമകളുടെ നിലപാട്, ഹോട്ട്സ്പോട്ടുകളിൽ ബസിന് സ്റ്റോപ്പ് ഉണ്ടാകില്ല. പുലർച്ചെ അഞ്ചിന് ആരംഭിച്ച് രാത്രി ഒൻപതിനകം ഡിപ്പോകളിൽ എത്തിച്ചേരുന്ന തരത്തിലാണ് കെഎസ്ആർടിസി സർവീസുകൾ നടത്തുക. യാത്രക്കാർക്ക് എല്ലാ സീറ്റുകളിലും ഇരുന്ന് യാത്ര ചെയ്യാം. നിന്നുള്ള യാത്ര ഒരു സർവീസിലും അനുവദിക്കില്ലെന്ന് കെഎസ്ആർടിസി നേരത്തെതന്നെ വ്യക്തമാക്കിയിട്ടുണ്ട്. യാത്രക്കാർ നിർബന്ധമായും മാസ്ക് ധരിക്കുക, യാത്രയ്ക്ക് മുൻപും ശേഷവും കൈകൾ സാനിട്ടൈസ് ചെയ്യുക എന്നീ നിർദേശങ്ങൾ തുടർന്നും നടപ്പിലാക്കും. എന്തെങ്കിലും തരത്തിലുള്ള രോഗമുള്ളവർ യാത്രയ്ക്കായി ബസ്…
Read Moreകുട്ടികൾക്ക് ഓൺലൈൻ പഠനം നടത്താൻ സൗകര്യമില്ലാത്ത സാഹചര്യം; ഓൺലൈൻ ക്ലാസിന്റെ ട്രയൽ ഒരാഴ്ചത്തേക്ക് നീട്ടുന്നു
തിരുവനന്തപുരം: വിദ്യാർഥികൾക്കായുള്ള ഓൺലൈൻ ക്ലാസിന്റെ ട്രയൽ ഒരാഴ്ചത്തേക്കു കൂടി നീട്ടാൻ തീരുമാനമായി. മുഖ്യമന്ത്രിയുടെ അധ്യക്ഷതയിൽ ബുധനാഴ്ച ചേർന്ന മന്ത്രി സഭായോഗത്തിലാണ് ഈ തീരുമാനം. ജൂൺ ഒന്നിന് ആരംഭിച്ച ഓൺലൈൻ ക്ലാസുകൾ ഒരാഴ്ചത്തേക്ക് ട്രയൽ നടത്തുവാനാണ് നേരത്തെ തീരുമാനിച്ചിരുന്നത്. എന്നാൽ രണ്ടു ലക്ഷത്തിലധികം കുട്ടികൾക്ക് ഓൺലൈൻ പഠനം നടത്താൻ സൗകര്യമില്ലാത്ത സാഹചര്യത്തിലാണ് ട്രയൽ ഒരാഴ്ച കൂടി നീട്ടുന്നത്. ഈ കാലവധിക്കുള്ളിൽ അപാകതകളെല്ലാം പരിഹരിക്കും. മാത്രമല്ല വിക്ടേഴ്സ് ചാനലിൽ ക്ലാസുകൾ പുനഃസംപ്രേക്ഷണം നടത്തുകയും ചെയ്യും.
Read Moreവെള്ളായണിയിൽ കഞ്ചാവ് ചെടികൾ നട്ടു വളർത്തിയ ഇരുപത്തിയഞ്ചുകാരൻ എക്സൈസ് പിടിയിൽ
തിരുവനന്തപുരം: കഞ്ചാവ് ചെടികൾ നട്ടുവളർത്തിയ ആൾ പിടിയിൽ. വെള്ളായണി ദേവീക്ഷേത്രത്തിന് സമീപപം രണ്ട് മീറ്ററോളം ഉയരമുള്ള മൂന്ന് കഞ്ചാവ് ചെടികൾ നട്ടുവളർത്തിയ കുറ്റത്തിന് നെടുംപഴിഞ്ഞി വീട്ടിൽ സുമേഷിനെ(25) പ്രതിയാക്കി തിരുവനന്തപുരം എക്സൈസ് സർക്കിൾ ഇൻസ്പെക്ടർ വൈ.ഷിബുവും പാർട്ടിയും ചേർന്ന് കേസെടുത്തു. തിരുവനന്തപുരം എക്സൈസ് സർക്കിൾ ഓഫീസിലെ പ്രിവന്റീവ് ഓഫീസർ ആർ സുനിൽ കുമാർ, പ്രിവന്റീവ് ഓഫീസർ ആർ പ്രകാശ്, സി ഇ ഒ മാരായ രാജേഷ്, കൃഷ്ണപ്രസാദ്, സുരേഷ് ബാബു,ശരത് എന്നിവർ റെയ്ഡിൽ പങ്കെടുത്തു.
Read More