കാട്ടാക്കട : റേഷൻ വിതരണം പൊല്ലാപ്പിൽ. ചിലയിടത്ത് ഒരു ദിവസത്തേക്കുള്ള സ്റ്റോക്ക് മാത്രമാണ് ബാക്കി. റേഷൻ കടകളിലെത്തുമ്പോൾ റേഷൻ കിട്ടാത്തത് പലയിടത്തും വാക്കേറ്റത്തിനും കാരണമായി. ഭൂരിഭാഗം കടകളിലും അഞ്ചു ദിവസത്തെ വിതരണത്തിനുള്ള ഭക്ഷ്യധാന്യം എത്തിക്കാൻ സിവിൽ സപ്ലൈസിനു കഴിഞ്ഞിട്ടില്ലെന്ന് വ്യാപാരികൾ പറയുന്നു. താലൂക്കിൽ ആകെ 189 റേഷൻ കടകളാണുള്ളത്. കാർഡ് നമ്പരിലെ അവസാന അക്കം കണക്കാക്കിയാണ് റേഷൻ വിതരണംചെയ്യുന്നത്. എന്നാൽ, ചിലയിടങ്ങളിൽ ഈ കണക്കിൽ കൂടുതൽ ആളുകൾ ഉള്ളതും സൗകര്യം കണക്കാക്കി അടുത്തുള്ള കടകൾ ഗുണഭോക്താക്കൾ പരിഗണിക്കുന്നതും കാരണം പല കടകളിലും കൂടുതൽ പേർക്ക് ധാന്യം വിതരണം ചെയ്യേണ്ടിവന്നതാണ് പ്രതിസന്ധിക്കു കാരണമായി പറയുന്നത്. എന്നാൽ, മുൻകരുതൽ എന്ന നിലയിൽ ആവശ്യത്തിനു ധാന്യം കടകളിൽ എത്തിച്ച ശേഷം റേഷൻ വിതരണം ആരംഭിക്കാത്തതാണ് പ്രതിസന്ധിക്കു കാരണമായതെന്ന് റേഷൻ വ്യാപാരികളുടെ സംഘടനാ ഭാരവാഹികൾ ആരോപിക്കുന്നു. ആവശ്യത്തിനു ഭക്ഷ്യധാന്യം സ്റ്റോക്കുണ്ടെന്നും കൂടുതൽ ഗുണഭോക്താക്കൾ…
Read MoreCategory: TVM
കോവിഡ് രോഗപ്രതിരോധ മാർഗങ്ങൾ പാലിച്ച് തിരുവനന്തപുരത്ത് മൊബൈല് പോസ്റ്റ് ഓഫീസ് ഓണ് വീല്സ് നാളെ മുതല്
തിരുവനന്തപുരം: ലോക്ക് ഡൗണിനെ തുടർന്ന് ഉപയോക്താക്കള്ക്കായി തിരുവനന്തപുരം നോര്ത്ത് പോസ്റ്റല് ഡിവിഷന്റെ കീഴില് സഞ്ചരിക്കുന്ന പോസ്റ്റ് ഓഫീസ് മൊബൈല് പോസ്റ്റ് ഓഫീസ് ഓണ് വീല്സ് നാളെ മുതല് പ്രവര്ത്തനം തുടങ്ങും. സേവിംഗ്സ് ബാങ്ക് നിക്ഷേപം, പണം പിന്വലിക്കല്, ഇമണി ഓര്ഡറുകള്, പോസ്റ്റല് ലൈഫ് ഇന്ഷ്വറന്സ് പ്രീമിയം എന്നിവക്കുള്ള സൗകര്യം സഞ്ചരിക്കുന്ന പോസ്റ്റോഫീസുകളില് ലഭ്യമാണ്. സമീപത്തെ പ്രധാന പോസ്റ്റ് ഓഫീസിനോട് ചേര്ന്ന പ്രദേശങ്ങളിലാണ് സേവനം ലഭ്യമാകുക. കോവിഡ് രോഗപ്രതിരോധം സംബന്ധിച്ച ആരോഗ്യവകുപ്പിന്റെയും പോലീസിന്റെയും മാര്ഗനിര്ദേശങ്ങള് പാലിച്ചായിരിക്കും ഓഫീസിന്റെ പ്രവര്ത്തനമെന്ന് ഡിവിഷണല് സീനിയര് സൂപ്രണ്ട് അറിയിച്ചു. പോസ്റ്റോഫീസിന്റെ സേവനം ലഭ്യമാകുന്ന സ്ഥലവും സമയവും: നാളെ തുമ്പ സെന്റ് സേവ്യേഴ്സ് കോളജ് രാവിലെ 10 മുതല് 11 വരെ, കഴക്കൂട്ടം 11 മുതല് 12 വരെ, കണിയാപുരംഉച്ചക്ക് ഒന്നു മുതല് രണ്ട് വരെ, പള്ളിപ്പുറംരണ്ടു മുതല് മൂന്നു വരെ. ഏഴിനു രാവിലെ…
Read Moreഎപ്പിഡമിക് ആക്ടിലെ വകുപ്പുകൾ പ്രയോഗിച്ചു തുടങ്ങി; ലോക്ക് ഡൗൺ ലംഘിച്ചാൽ ഇനി ജാമ്യം കിട്ടില്ല
തിരുവനന്തപുരം: ലോക് ഡൗൺ ലംഘിച്ചാൽ ജാമ്യമില്ലാ വകുപ്പിൽ അകത്ത് പോകും. സംസ്ഥാനത്ത് ലോക്ക് ഡൗണ് പ്രഖ്യാപിച്ച് 12 ദിവസം പിന്നിട്ടു. വാഹനങ്ങളുമായി റോഡിലിറങ്ങി അനാവശ്യ യാത്രനടത്തുന്നവർക്കെതിരെ പോലീസ് നടപടി കർശനമാക്കാൻ സംസ്ഥാന പോലീസ് മേധാവി ലോക്നാഥ് ബെഹ്റ കർശന നിർദേശം നൽകിയത്. സംസ്ഥാന സർക്കാർ പുതുതായി പാസാക്കിയ എപ്പിഡമിക് ആക്ടിലെ കടുത്ത വകുപ്പുകൾ പ്രകാരവും കേസുകൾ രജിസ്റ്റർ ചെയ്ത് തുടങ്ങിയിട്ടുണ്ട്. ജാമ്യമില്ല വകുപ്പാണിത്. ഇതിന് പുറമെ കടുത്ത പിഴയും രണ്ട് വർഷം തടവും ലഭിക്കുന്ന വകുപ്പനുസരിച്ചാണ് പോലീസ് കേസെടുക്കുന്നത്. സത്യവാങ്മൂലം കൈവശം കരുതി അത്യാവശ്യ യാത്രകൾ നടത്താമെന്ന പോലീസിന്റെ ഇളവ് പലരും ദുരുപയോഗം ചെയ്യുന്നുവെന്ന പശ്ചാത്തലത്തിൽ സത്യവാങ്മൂലം ഉപയോഗിച്ചുള്ള വാഹനയാത്ര റദ്ദാക്കാനുള്ള നടപടികളെക്കുറിച്ചും പോലീസ് ആലോചിക്കുകയാണ്. ജില്ലാ അതിർത്തികളിലും പ്രധാനപ്പെട്ട പോയിന്റുകളിലും ജില്ലാ പോലീസ് മേധാവിമാർ ഉൾപ്പെടെയുള്ള ഉന്നത പോലീസ് ഉദ്യോഗസ്ഥരുടെ നേരിട്ടുള്ള നിയന്ത്രണത്തിലാണ് പരിശോധനകൾ നടക്കുന്നത്.…
Read Moreരോഗാണുക്കള് മറ്റുള്ളവരിലേക്ക് എത്താതിരിക്കാനുള്ള കരുതലിന്റെ ഭാഗം; മാസ്ക് വ്യാപകമായി ധരിക്കണമെന്ന് മുഖ്യമന്ത്രി
തിരുവനന്തപുരം: എല്ലാവരും മാസ്ക് ധരിക്കണമെന്ന് മുഖ്യമന്ത്രി പിണറായി വിജയൻ. മാസ്ക് ധരിക്കുന്നത് രോഗാണുക്കള് മറ്റുള്ളവരിലേക്ക് എത്താതിരിക്കാനുള്ള കരുതലിന്റെ ഭാഗമായിട്ടു കൂടിയാണെന്നും മുഖ്യമന്ത്രി പറഞ്ഞു. മാസ്ക് ധരിക്കുക എന്നത് ഇന്നത്തെ ഘട്ടത്തില് പൊതുവെ എല്ലാവരും സ്വീകരിക്കേണ്ട നടപടിയാണ്. ഇക്കാര്യത്തില് കൃത്യമായ ബോധവല്ക്കരണം നമ്മുടെ സമൂഹത്തില് ഉണ്ടാകേണ്ടതുണ്ട്. നമ്മുടെ ഒരു രീതി, ആശുപത്രിയ്ക്കത്തുള്ളവര് മാസ്ക് ധരിക്കുക എന്നുള്ളതായിരുന്നു. ചില രാജ്യങ്ങളില് വ്യാപകമായി മാസ്ക് ധരിക്കുന്നു. ഇതൊരു സംസ്കാരത്തിന്റെ ഭാഗമാണ്. മാസ്ക് ധരിക്കുന്നത് അവരവര്ക്ക് രോഗം വരുന്നത് തടയാനാണ് എന്നു മാത്രം കാണേണ്ടതില്ല. മറ്റുള്ളവര്ക്ക് രോഗം പടരാതിരിക്കാന്, തന്നിലുള്ള ഏതെങ്കിലും രോഗാണുക്കള് മറ്റുള്ളവരിലേക്ക് എത്താതിരിക്കാനുള്ള കരുതലിന്റെ ഭാഗമായിട്ടു കൂടിയാണ്. ഇപ്പോള് ആരോഗ്യരംഗത്തെ വിദഗ്ധര് നിര്ദേശിക്കുന്നത് മാസ്ക് വ്യാപകമായി ധരിക്കണമെന്നുള്ളതാണ്. എന്നാല് ഈ വിഷയത്തില് സംഘര്ഷങ്ങള് ഉണ്ടാകുന്നത് ഒഴിവാക്കണമെന്നും മുഖ്യമന്ത്രി ആവശ്യപ്പെട്ടു.
Read Moreപ്രധാനമന്ത്രിയുടെ ആഹ്വാനം രാജ്യത്തെ ഒരുമയുടെ സന്ദേശമാണെന്ന് കൃഷിവകുപ്പ് മന്ത്രി
തിരുവനന്തപുരം: പ്രധാനമന്ത്രി നരേന്ദ്രമോദിയുടെ ആഹ്വാനം രാജ്യ ത്തെ ഒരുമയുടെ സന്ദേശമാണെന്ന് കൃഷിവകുപ്പ് മന്ത്രി വി.എസ്. സുനിൽകുമാർ. കേരളം ഒറ്റക്കെട്ടായി പ്രധാനമന്ത്രിയുടെ നിർദേശം പാലിക്കുമെന്നും അദ്ദേഹം വ്യക്തമാക്കി. കൊറോണ പ്രതിരോധത്തിൽ പ്രധാനമന്ത്രിയുടെ എല്ലാ നിർദേശങ്ങ ളും കേരളം സ്വാഗതം ചെയ്തിട്ടുണ്ട്. കൊറോണ വൈറസ് പകർ ത്തിയ ഇരുട്ടിൽ നിന്നും രാജ്യത്തെ വെളിച്ചത്തിലേക്ക് നയിക്കാൻ എല്ലാവരും ഞായറാഴ്ച രാത്രി ഒൻപത് മണിക്ക് വീടുകളിൽ ടോർച്ച്, മൊബൈൽലൈറ്റ്, മെഴുകു തിരി തെളിയിക്കണമെന്നും ആ വെളിച്ചം ഐക്യത്തിന്റെ വെളിച്ചമാണെന്നും പ്രധാനമന്ത്രി നരേന്ദ്രമോദി ഇന്ന് രാജ്യത്തോട് നൽകിയ സന്ദേശത്തിൽ അദ്ദേഹം വ്യക്തമാക്കിയിരുന്നു. 130 കോടി ജനങ്ങളും ഐക്യത്തോടെ ഈ കാര്യങ്ങൾ വീടുകളിൽ നിന്നും പുറത്തിറങ്ങാതെ ചെയ്യണമെന്നായിരുന്നു അദ്ദേഹത്തിന്റെ നിർദേശം. പ്രധാനമന്ത്രിയുടെ നിർദേശത്തോടുള്ള പ്രതികരണമായാണ് മന്ത്രി സുനിൽകുമാർ മാധ്യമപ്രവർത്തകരോട് ഇക്കാര്യം വ്യക്തമാക്കിയത്.
Read Moreപോത്തൻകോട്ട് കോവിഡ് മരണം; രോഗം എങ്ങനെ പിടിപ്പെട്ടു വെന്നത് കണ്ടുപിടിക്കാൻ കഴിയാത്തത് ദൗർബല്യമെന്ന് മന്ത്രി
തിരുവനന്തപുരം: പോത്തൻകോട്ട് കോവിഡ് ബാധിച്ച് മരണമടഞ്ഞ അബ്ദുൾ അസീസിന് രോഗം എങ്ങനെ പിടിപെട്ടുവെന്ന് കണ്ട ുപിടിക്കാൻ സാധിക്കാത്തത് ദൗർബല്യമായി കാണുന്നുവെന്ന് മന്ത്രി കടകംപള്ളി സുരേന്ദ്രൻ. ഇതേക്കുറിച്ച് പരിശോധിച്ച് വരികയാണ്. ഡയാലിസിസ് ഉൾപ്പെടെ നടത്തേണ്ട പോത്തൻകോട്ടുള്ള ആളുകൾക്ക് സ്വകാര്യാശുപത്രികളിൽ ചികിൽസ നിഷേധിച്ചാൽ നടപടി സ്വീകരിക്കുമെന്ന് അദ്ദേഹം വ്യക്ത മാക്കി. മാധ്യമപ്രവർത്തകരുടെ ചോദ്യങ്ങൾക്ക് മറുപടിയായാണ് അദ്ദേഹം ഇക്കാര്യം പരഞ്ഞത്.
Read Moreവിദ്വേഷപ്രചരണം: പകർച്ചവ്യാധി ഓർഡിനൻസ് പ്രകാരം കേസെടുക്കുമെന്ന് ഡി.ജി.പി
തിരുവനന്തപുരം : കോവിഡ് 19 ബാധയുമായി ബന്ധപ്പെട്ട് വിദ്വേഷം പ്രചരിപ്പിക്കുന്ന തരത്തിലുളള വ്യാജസന്ദേശങ്ങൾ സാമൂഹ്യ മാധ്യമ ങ്ങളിൽ ഉൾപ്പെടെ പ്രചരിപ്പിക്കുന്നതായി ശ്രദ്ധയിൽ പെട്ടിട്ടുണ്ട്. 2005 ലെ ഡിസാസ്റ്റർ മാനേജുമെന്റ് നിയമപ്രകാരം ഇത്തരം സന്ദേശങ്ങൾ പ്രചരിപ്പിക്കുന്നത് കുറ്റകരമാണ്. ഇത്തരം സന്ദേശങ്ങൾ നിർമ്മിക്കുകയും പ്രചരിപ്പിക്കുകയും ചെയ്യുന്ന വർക്കെതിരെ കേരള സംസ്ഥാന പകർച്ചവ്യാധി ഓർഡിനൻസ് പ്രകാ രവും കേസ് എടുക്കാനാവും. ഇത്തരം സന്ദേശങ്ങൾ പ്രചരിപ്പിക്കു ന്നവർക്കെതിരെ കർശന നടപടി സ്വീകരിക്കാൻ സംസ്ഥാന പോലീസ് മേധാവി ലോക്നാഥ് ബെഹ്റ ജില്ലാ പോലീസ് മേധാവിമാർക്കും നിർദ്ദേശം നൽകി.
Read Moreനിസാമുദ്ദീൻ സമ്മേളനത്തിൽ കേരളത്തിൽനിന്ന് പങ്കെടുത്തത് 157 പേർ; ജാഗ്രത
തിരുവനന്തപുരം: ഡൽഹി നിസാമുദ്ദീനിൽ നടന്ന തബ് ലീഗ് സമ്മേളനത്തിൽ 157 പേർ കേരളത്തിൽനിന്ന് പങ്കെടുത്തു. എല്ലാ ജില്ലകളിൽ നിന്നുമുള്ളവർ ഇതിൽ ഉൾപ്പെടുന്നു. ഇവരുടെ വിശദാംശം സർക്കാർ ശേഖരിച്ചിട്ടുണ്ട്. രോഗം സംശയിക്കുന്ന ആളുകൾ ആശുപത്രികളിലും വീടുകളിലും നിരീക്ഷണത്തിലാണ്. ചിലർ ഡൽഹിയിൽ തന്നെയാണുള്ളത്. നിസാമുദീനിൽനിന്ന് എത്തി രോഗം സ്ഥിരീകരിച്ചയാളുടെ സ്വദേശമായ പോത്തൻകോട് ശക്തമായ നിയന്ത്രണങ്ങളുണ്ട്. എന്നാൽ, അത് ജനജീവിതം സ്തംഭിക്കുന്ന നിലയിലേക്ക് പോകരുത്. ഒരു കുടുംബത്തെയും ഒറ്റപ്പെടുത്താൻ പാടില്ല. കോവിഡ് ബാധിച്ച് മരിച്ച വ്യക്തിയുടെ കുടുംബത്തെ അകറ്റിനിർത്തുന്നു എന്ന പരാതി ശ്രദ്ധയിൽപ്പെട്ടിട്ടുണ്ട്. അത്തരം ദുരനുഭവം ഉണ്ടാകാതിരിക്കാൻ സർക്കാർ സംവിധാനങ്ങളോടൊപ്പം സമൂഹത്തിലും ശ്രദ്ധയുണ്ടാകണമെന്നു മുഖ്യമന്ത്രി നിർദേശിച്ചു. അവിടെ ഉത്തരവാദപ്പെട്ട പൊതുപ്രവർത്തകർ ഉൾപ്പെടെ മുൻകരുതലുകളില്ലാതെ ആളുകളുമായി ഇടകലർന്ന് ഓടിനടക്കുന്നു എന്നാണു പറയുന്നത്. ആരും വൈറസ് ഭീഷണിക്കതീതരല്ല. കൃത്യമായ ബോധവൽക്കരണവും നിയന്ത്രണവും അവിടെ ഉണ്ടാകണമെന്നും മുഖ്യമന്ത്രി പിണറായി വിജയൻ ചൂണ്ടിക്കാട്ടി.
Read Moreജാഗ്രത വേണം; കറൻസിയിലും കൊറോണ; വൈറസുകൾ 12 മണിക്കൂർ വരെ നോട്ടിൽ നിൽക്കും
തിരുവനന്തപുരം: സംസ്ഥാനത്തെ ബാങ്കുകളിൽ എത്തുന്ന കറൻസി നോട്ടുകൾ രണ്ടു ദിവസം ബാങ്കുകളിൽ സൂക്ഷിച്ചതിനു ശേഷം മാത്രമേ ഇടപാടുകാർക്കു നൽകാവു എന്നു നിർദേശം. കോവിഡ് ബാധയുടെ പശ്ചാത്തലത്തിലാണ് ഈ തീരുമാനം. കൊറോണ വൈറസുകൾ 12 മണിക്കൂർ വരെ കറൻസി നോട്ടുകളിൽ നിലനിൽക്കുമെന്ന് ആരോഗ്യവകുപ്പ് അറിയിച്ച പശ്ചാത്തലത്തിലാണ് എസ്എൽബിസി ഈ തീരുമാനമെടുത്തത്.
Read Moreവെറുതേയാണെങ്കിലും ഫൂളാക്കല്ലെന്ന് പറഞ്ഞതല്ലേ; ഏപ്രിൽ ഫൂളാക്കാൻ കോവിഡിന്റെ പേരിൽ വ്യാജപ്രചാരണം; നാലുപേർ അറസ്റ്റിൽ
തിരുവനന്തപുരം (കാട്ടാക്കട) : ഏപ്രിൽ ഫൂളാക്കാൻ വ്യാജപ്രചാരണം നടത്തിയ നാലുപേർ അറസ്റ്റിൽ. ഗൾഫിൽ നിന്നും നാട്ടിലെത്തി നിരീക്ഷണത്തിൽ കഴിഞ്ഞയാൾക്ക് കൊറോണ സ്ഥിരീകരിച്ചതായി വ്യാജപ്രചാരണം നടത്തിയ കേസിൽ നാലുപേരെ മലയിൻകീഴ് പോലീസ് അറസ്റ്റ് ചെയ്തു. കേസിൽ ചിറ്റിയൂർക്കോട് സ്വദേശികളായ മധു(50), രാമചന്ദ്രൻനായർ(57), രാജേന്ദ്രൻനായർ(59), രാധാകൃഷ്ണൻ(56) എന്നിവരെയാണ് എസ്ഐ സൈജു അറസ്റ്റ് ചെയ്തത്.ഏപ്രിൽഫൂളാക്കാനായി നാട്ടുകാരായ ചിലരാണ് ഇത് ചെയ്തത്. ചിറ്റിയൂർക്കോട് സ്വദേശിയായ പ്രവാസി കഴിഞ്ഞ 12നാണ് നാട്ടിലെത്തിയത്. ആരോഗ്യ പ്രവർത്തകർ നിർദേശിച്ചതനുസരിച്ച് അന്നു മുതൽ ഇദ്ദേഹം വീട്ടിൽ നിരീക്ഷണത്തിൽ കഴിയുകയായിരുന്നു. ഇന്നലെ രാവിലെ ഇദേഹത്തിന്റെ ബന്ധുക്കളെ ഫോണിൽ വിളിച്ച് കോറോണ രോഗം സ്ഥിരീകരിച്ചതായി പ്രതികൾ അറിയിച്ചു. ബന്ധുക്കൾ ഇതറിഞ്ഞ് വീട്ടുകാരെ ബന്ധപ്പെട്ടെങ്കിലും സംഗതി കളവാണെന്നറിഞ്ഞു.
Read More