തിരുവനന്തപുരം: ഭരണപരിഷ്കാര കമ്മീഷൻ ചെയർമാൻ വി.എസ്. അച്യുതാനന്ദനെ കാണാന് മുഖ്യമന്ത്രി പിണറായി വിജയന് വീട്ടിലെത്തി. കവടിയാറിലെ വീട്ടിലായിരുന്നു കൂടിക്കാഴ്ച . മുഖ്യമന്ത്രി ഇന്ന് ഉച്ചയ്ക്കാണ് വിഎസിന്റെ വീട്ടിലെത്തിയത്. പത്തുമിനിറ്റോളം പിണറായി വിജയന് വിഎസിന്റെ വീട്ടില് ചെലവഴിച്ചു. പിന്നീട് മുഖ്യമന്ത്രി വി.എസ്. അരുണ്കുമാറിനോട് വിഎസിന്റെ ആരോഗ്യ വിവരങ്ങള് ചോദിച്ചറിഞ്ഞ ശേഷമാണ് മടങ്ങിയത്.
Read MoreCategory: TVM
വിജിലൻസ് റെയ്ഡ്: തെരഞ്ഞെടുപ്പ് അടുത്തപ്പോൾ തേജോവധം ചെയ്യാനുള്ള ശ്രമത്തിന്റെ ഭാഗമെന്ന് ശിവകുമാർ
തിരുവനന്തപുരം: അനധികൃത സ്വത്ത് സമ്പാദന കേസുമായി ബന്ധപ്പെട്ട് നടത്തിയ വിജിലൻസ് റെയ്ഡിനെതിരെ തുറന്നടിച്ച് മുൻ മന്ത്രി വി.എസ്.ശിവകുമാർ. തന്റെ വസതിയിൽ നിന്ന് രേഖകകൾ പിടിച്ചെടുത്തു എന്ന് പറയുന്നത് വാസ്തവ വിരുദ്ധമാണെന്നും ഒന്നും കണ്ടെത്താനാകാതെയാണ് വിജിലൻസ് ഉദ്യോഗസ്ഥർ മടങ്ങിയതെന്നും അദ്ദേഹം പറഞ്ഞു. തദ്ദേശ തെരഞ്ഞെടുപ്പ് അടുത്തപ്പോൾ തന്നെ തേജോവധം ചെയ്യാനുള്ള നീക്കത്തിന്റെ ഭാഗമാണ് റെയ്ഡെന്നും ശിവകുമാർ വ്യക്തമാക്കി. അഴിമതിയിൽ മുങ്ങി നിൽക്കുന്ന സർക്കാർ ജനശ്രദ്ധ തിരിച്ചുവിടുന്നതിനാണ് ഇത്തരം നടപടികളിലേക്ക് പോകുന്നതെന്നു കുറ്റപ്പെടുത്തിയ ശിവകുമാർ സംസ്ഥാന ബജറ്റിനെ താൻ രൂക്ഷമായി വിമർശിച്ചതും സർക്കാരിനെ ചോടിപ്പിച്ചിരിക്കാമെന്നും ആരോപിച്ചു. എല്ലാ പരിശോധനകളോടും പൂർണമായി താൻ സഹകരിച്ചെന്നു പറഞ്ഞ ശിവകുമാർ വിജിലൻസ് റെയ്ഡിൽ ഒന്നും കണ്ടെത്താനാകാത്തതിൽ സന്തോഷമുണ്ടെന്നും കൂട്ടച്ചേർത്തു.
Read More15 വയസുള്ള മകനെയും 12 വയസുള്ള മകളെയും ഉപേക്ഷിച്ച് കാമുകനൊപ്പം മുങ്ങി; യുവതിക്ക് കിട്ടിയത് എട്ടിന്റെപണി
തിരുവനന്തപുരം: 15 വയസുള്ള മകനും 12 വയസുള്ള മകളെയും ഉപേക്ഷിച്ച് കാമുകനൊപ്പം പോയ യുവതിയെ മെഡിക്കൽ കോളജ് പോലീസ് അറസ്റ്റു ചെയ്തു. തിരുവനന്തപുരം അഡീഷണൽ കോടതിയിൽ ഹാജരാക്കിയ യുവതിയെ കോടതി 14 ദിവസത്തേക്ക് റിമാൻഡ് ചെയ്തു. മെഡിക്കൽ കോളജ് ഇളങ്കാവ് ലെയിനിൽ വിളയിൽവീട്ടിൽ മിനി (36) യെയാണ് ഇന്നലെ മെഡിക്കൽ കോളജ് പോലീസ് അറസ്റ്റ് ചെയ്തത്. കാമുകനായ ഓട്ടോഡ്രൈവർ ചെറുവയ്ക്കൽ വില്ലേജിൽ ശ്രീകാര്യം എൻജിനിയറിംഗ് കോളജിന് സമീപം അന്പാടിനഗർ കോണത്തുവീത്തിൽ മണികണ്ഠൻ(35)നു ഒപ്പമാണ് യുവതിയെ കണ്ടെത്തിയത്. കഴിഞ്ഞ 10 നാണ് മിനിയെ വീട്ടിൽ നിന്നും കാണാതായത്. മെഡിക്കൽകോളജ് എസ്എച്ച്ഒ എ.ജയാൽ, എസ്ഐമാരായ ശ്രീകാന്ത്, ഗിരിലാൽ, ശ്രീകുമാർ എന്നിവരടങ്ങുന്ന സംഘമാണ് പ്രതിയെ പിടികൂടിയത്.
Read Moreഅവിനാശി അപകടം: മരിച്ചവരുടെ കുടുംബത്തിന് 10 ലക്ഷം രൂപ ധനസഹായം
തിരുപ്പതി: അവിനാശി അപകടത്തില് മരിച്ചവരുടെ കുടുംബാംഗങ്ങള്ക്ക് പത്ത് ലക്ഷം രൂപ നല്കുമെന്ന് മന്ത്രി എ.കെ. ശശീന്ദ്രന്. അടിയന്തരമായി രണ്ട് ലക്ഷം രൂപ നല്കുമെന്നും ബാക്കി തുക ഒരു മാസത്തിനുള്ളില് നല്കുമെന്നും മന്ത്രി അറിയിച്ചു. പരിക്കേറ്റവർക്ക് ചികിത്സ നൽകുന്നതിനാണ് മുൻഗണന കൊടുക്കുന്നത്. ബാക്കി കാര്യങ്ങള് പിന്നീട് തീരുമാനിക്കുമെന്നും മന്ത്രി അറിയിച്ചു. അപകടത്തിൽ മരിച്ച കെഎസ്ആർടിസി ജീവനക്കാരായ ഗിരീഷിന്റെയും ബൈജുവിന്റെയും കുടുംബത്തിന് 30 ലക്ഷം രൂപ നൽകുമെന്നും മന്ത്രി കൂട്ടിച്ചേർത്തു. കെഎസ്ആർടി യാത്രക്കാരുടെ ഇൻഷുറൻസിൽനിന്നാണ് തുക നൽകുന്നത്. തിരുപ്പൂര് അവിനാശിയില് കെഎസ്ആര്ടിസി വോള്വോ ബസില് കണ്ടെയ്നര് ലോറിയിടിച്ച് 19 പേരാണ് മരിച്ചത്. ബംഗളൂരുവില് നിന്ന് എറണാകുളത്തേക്ക് വരികയായിരുന്ന ബസിലെ യാത്രക്കാരാണ് അപകടത്തില് പെട്ടത്.
Read Moreനിയന്ത്രണം വിട്ട കെഎസ്ആർടിസി ബസ് തിട്ടയിലിടിച്ച് 25 പേർക്ക് പരിക്ക്; ഡ്രൈവറുടെ സമയോചിത ഇടപെടൽ വൻ ദുരന്തം ഒഴിവായി
വെഞ്ഞാറമൂട്: നിയന്ത്രണം വിട്ട കെഎസ്ആർടിസി ബസ് തിട്ടയിലിടിച്ച് ഇരുപത്തിയഞ്ച് പേർക്ക് പരിക്കേറ്റു. ഇന്നലെ രാവിലെ 6.45 ന് തേക്കട ജംഗ്ഷന് സമീപത്തുവച്ചുണ്ടായ അപകടത്തിൽ വെട്ടുപാറ സ്വദേശി ഗോമതി (66) തേക്കട സ്വദേശി സരോജിനി (65), മൂന്നാനക്കുഴി സ്വദേശികളായ, പ്രസന്ന (50), കാർത്തിക (50), ഷീല (42)രേഷ്ന (19), ജിമ്മി (73), യമുന (42) സുനില (48), ബീന (40), പനവൂർ സ്വദേശി ഫൗസിയ (15), മഞ്ഞപ്പാറ സ്വദേശി ലീല (40), ചീരാണിക്കര സ്വദേശികളായ മഞ്ജു (37) ഷൈലജ (52), ശ്രീലക്ഷമി(19), ഹാജിറ ( 14) ,ഷൈലജ (52), നിർമ്മല (47), വിദ്യാധരൻ (60), ലതിക (36), ശിവദാസൻ (73), വസന്ത (70), കന്യാകുളങ്ങര സ്വദേശി ശ്രീധരൻപിള്ള (80), കൊഞ്ചിറ സ്വദേശി ആരിഫബീവി (62), തലയിൽ സ്വദേശി ഓമന അമ്മ (65)എന്നിവർക്കാണ് പരിക്കേറ്റത്. തേക്കട ജംഗ്ഷനിലേയ്ക്കുള്ളകുത്തിറക്കം ഇറങ്ങുന്നതിനിടെ ബസ്…
Read Moreബേനാമി പേരുകളിൽ അനധികൃത സ്വത്ത് സമ്പാദനം; മുൻമന്ത്രി വി.എസ്.ശിവകുമാറിന്റെ വീട്ടിൽ വിജിലൻസ് റെയ്ഡ്
തിരുവനന്തപുരം: അനധികൃത സ്വത്ത് സന്പാദിച്ചെന്ന കേസിൽ മുൻമന്ത്രി വി.എസ്.ശിവകുമാറിന്റെ വീട്ടിൽ വിജിലൻസ് റെയ്ഡ്. ശിവകുമാറിന്റെ ശാസ്തമംഗലത്തെ വീട്ടിലാണ് വിജിലൻസ് സംഘം പരിശോധന നടത്തുന്നത്. വിജിലൻസ് സ്പെഷൽ സെൽ എസ്പി വി.എസ്. അജിയുടെ നേതൃത്വത്തിലുള്ള സംഘമാണ് പരിശോധനക്ക് നേതൃത്വം നൽകുന്നത്. ശിവകുമാറിനോടൊപ്പം പ്രതിപ്പട്ടികയിൽ ഉൾപ്പെടുത്തിയവരുടെ വീടുകളിലും വിജിലൻസിന്റെ പരിശോധന നടക്കുന്നുണ്ട്. മന്ത്രിയായിരിക്കെ ബേനാമി പേരുകളിൽ അനധികൃത സ്വത്ത് സന്പാദിച്ചെന്ന് കാട്ടി ശിവകുമാറിനെതിരെ വിജിലൻസിന് പരാതി നൽകിയിരുന്നു. പരാതിയിൽ കേസെടുത്ത് അന്വേഷണം നടത്താൻ സർക്കാർ നിർദേശം നൽകിയിരുന്നു. ഇതേ തുടർന്ന് ശിവകുമാറിനെതിരെ കഴിഞ്ഞ ദിവസം എഫ്ഐആർ രജിസ്റ്റർ ചെയ്തിരുന്നു.
Read Moreകോയമ്പത്തൂർ അപകടം; മരിച്ചവരുടെ ബന്ധുക്കൾ എത്രയും വേഗം പാലക്കാട് എസ്പിയെ ബന്ധപ്പെടണ മെന്ന് ഡിജിപി; ഹെൽപ് ലൈൻ നമ്പർ – 9495099910
തിരുവനന്തപുരം: കോയന്പത്തൂരിന് സമീപം അവിനാശിയിൽ ഉണ്ടായ വാഹനാപകടത്തിൽ മരണമടഞ്ഞവരുടെ ബന്ധുക്കൾ മൃതദേഹം തിരിച്ചറിയുന്നതിനും മറ്റു നടപടികൾക്കുമായി എത്രയും വേഗം പാലക്കാട് ജില്ലാ പോലീസ് മേധാവി ശിവ വിക്രമുമായി ബന്ധപ്പെടണമെന്ന് സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു. (ഫോണ്: 9497996977, 9497990090, 9497962891). പാലക്കാട് ജില്ലാ പോലീസ് മേധാവിയുടെ നേതൃത്വത്തിലുള്ള കേരളാ പോലീസിന്റെ സംഘം ഇപ്പോൾ അവിനാശിയിൽ ക്യാന്പ് ചെയ്യുന്നു. അപകടത്തിൽ മരണമടഞ്ഞവരുടെ പോസ്റ്റ്മോർട്ടം നടപടികൾ വേഗത്തിലാക്കുന്നതിനും മൃതശരീരങ്ങൾ എത്രയും വേഗം നാട്ടിലെത്തിക്കുന്നതിനും ആവശ്യമായ സജീകരണങ്ങൾ ഏർപ്പെടുത്താൻ നടപടിസ്വീകരിക്കുമെന്ന് തമിഴ്നാട് ഡി ജി പിയും കോയന്പത്തൂർ സിറ്റി പോലീസ് കമ്മീഷണറും സംസ്ഥാന പോലീസ് മേധാവിക്ക് ഉറപ്പ് നൽകി. അപകടവിവരം അറിഞ്ഞയുടൻതന്നെ സംസ്ഥാന പോലീസ് മേധാവി തമിഴ്നാട്ടിലെ ബന്ധപ്പെട്ട ഉദ്യോഗസ്ഥരെ ഫോണിൽ സംസാരിച്ച് സഹായം അഭ്യർത്ഥിച്ചിരുന്നു. അപകടത്തിൽ മരണമടഞ്ഞവരുടെ കുടുംബാംഗങ്ങളെ സംസ്ഥാന പോലീസ് മേധാവി അനുശോചനം അറിയിച്ചു ഹെൽപ്…
Read Moreകോയമ്പത്തൂർ വാഹനാപകടം; അടിയന്തര വൈദ്യസഹായം നൽകാൻ മുഖ്യമന്ത്രിയുടെ നിർദേശം; രണ്ട് മന്ത്രിമാർ തമിഴ്നാട്ടിലേക്ക്
തിരുവനന്തപുരം : കോയമ്പത്തൂരിൽ ഉണ്ടായ വാഹനാപകടത്തിൽ പരിക്കേറ്റവർക്ക് അടിയന്തര വൈദ്യസഹായം നൽകാനും മരണമടഞ്ഞവരുടെ മൃതദേഹങ്ങൾ എത്രയും വേഗം നാട്ടിൽ എത്തിക്കാനും വേണ്ട സൗകര്യങ്ങൾ ചെയ്യാൻ പാലക്കാട് ജില്ലാ കളക്ടർക്ക് മുഖ്യമന്ത്രി പിണറായി വിജയൻ നിർദേശം നൽകി. കൂടാതെ ഗതാഗത മന്ത്രി എ കെ ശശീന്ദ്രൻ, കൃഷി മന്ത്രി വി എസ് സുനിൽകുമാർ എന്നിവരോട് തിരുപ്പൂരിലെത്തി ആശ്വാസ പ്രവർത്തനങ്ങൾ ഏകോപിപ്പിക്കാൻ മുഖ്യമന്ത്രി നിർദേശം നൽകി. ബാംഗ്ലൂരിൽ നിന്ന് എറണാകുളത്തേക്ക് വരികയായിരുന്ന ബസ് ആണ് അപകടത്തിൽപ്പെട്ടത്. മരണമടഞ്ഞവരെ തിരിച്ചറിയാനുള്ള നടപടികൾ പുരോഗമിക്കുകയാണ്. തമിഴ്നാട് സർക്കാരുമായും തിരുപ്പൂർ ജില്ലാ കളക്ടറുമായും സഹകരിച്ച് സാധ്യമായ എല്ലാ ആശ്വാസ നടപടികളും കൈക്കൊള്ളും. അപകടത്തിൽ മരണമടഞ്ഞവരുടെ കുടുംബങ്ങളെ അനുശോചനം അറിയിക്കുന്നതായി മുഖ്യമന്ത്രി പറഞ്ഞു.
Read Moreബില്ല് കൊടുത്തുവെന്നേയുള്ളു, സർക്കാരിനോട് തങ്ങൾ പണം ആവശ്യപ്പെട്ടിട്ടില്ല;ലോക കേരള സഭാ വിവാദം: ഭക്ഷണത്തിന്റെ പണം വേണ്ടെന്ന് റാവിസ് ഗ്രൂപ്പ്
തിരുവനന്തപുരം: ലോക കേരളസഭയുമായി ബന്ധപ്പെട്ട വിവാദങ്ങളെ തുടർന്നു ഭക്ഷണത്തിന്റെ പണം ആവശ്യമില്ലെന്ന് റാവിസ് ഗ്രൂപ്പ്. 60 ലക്ഷം രൂപയാണ് റാവിസ് ഗ്രൂപ്പ് വേണ്ടെന്ന് വയ്ക്കുന്നത്. ബില്ല് കൊടുത്തുവെന്നേയുള്ളു, സർക്കാരിനോട് തങ്ങൾ പണം ആവശ്യപ്പെട്ടിട്ടില്ലെന്നും റാവിസ് ഗ്രൂപ്പ് വ്യക്തമാക്കി. ലോകകേരള സഭയ്ക്കായി ഭക്ഷണത്തിന് വലിയ തുക ചെലവാക്കിയത് വലിയ വിവാദങ്ങൾ സൃഷ്ടിച്ചിരുന്നു. ഇതിനു പിന്നാലെയാണ് റാവിസ് ഗ്രൂപ്പ് നിലപാട് വ്യക്തമാക്കിയിരിക്കുന്നത്. ഇതുമായി ബന്ധപ്പെട്ട് ഒരുരൂപ പോലും സർക്കാരിനോട് തങ്ങൾ ആവശ്യപ്പെട്ടിട്ടില്ലെന്ന് റാവിസ് ഗ്രൂപ്പ് ചെയർമാൻ രവി പിള്ള വാർത്താക്കുറിപ്പിൽ പറയുന്നു. സർക്കാരിൽ നിന്ന് പണം ഈടാക്കാൻ ഉദ്ദേശിച്ചിട്ടില്ല. ഇതുമായി ബന്ധപ്പെട്ട് ഒരു ബിൽ നൽകുക മാത്രമാണ് ചെയ്തിട്ടുള്ളത്. അല്ലാതെ പണം വാങ്ങിയിട്ടില്ല. ലോക കേരളസഭയുടെ ഭാഗമാണ് റാവിസ് ഗ്രൂപ്പ്. അതുകൊണ്ടുതന്നെ ഭക്ഷണത്തിന് പണം ഈടാക്കുന്നത് ശരിയായ നടപടിയല്ല. അതിനാൽ പണം ഈടാക്കാൻ താത്പര്യവുമില്ലെന്നും റാവിസ് ഗ്രൂപ്പ് വ്യക്തമാക്കി.
Read Moreസ്കൂളുകളില് നിക്ഷേപപെട്ടി! ആശയം മുന്നോട്ടുവെച്ച ആര്.എ ആദര്ശ് ബെസ്റ്റ് ഓഫ് ഇന്ത്യ റെക്കോര്ഡ്സില്
സ്വന്തം ലേഖകന് നെയ്യാറ്റിന്കര: അഞ്ചാം ക്ലാസില് പഠിക്കുന്പോള് മുഖ്യമന്ത്രിയുടെ ദുരിതാശ്വാസനിധിയിലേയ്ക്ക് പത്തുരൂപ സംഭാവന ചെയ്ത ആര്.എ ആദര്ശിനെ ആദ്യം ശിരസില് കൈകള് വച്ച് അനുഗ്രഹിച്ചത് അപ്പൂപ്പന് പരമേശ്വരനും അമ്മൂമ്മ തങ്കമ്മയുമാണ്. അച്ഛന് രമേശന്നായരും അമ്മ ആശയും മകനെ പ്രോത്സാഹിപ്പിച്ചു. വ്ളാത്താങ്കര വൃന്ദാവന് ഹൈസ്കൂളില് ഇപ്പോള് ഒന്പതാം ക്ലാസ്സില് പഠിക്കുന്ന ആദര്ശ് ഇക്കാലമത്രയും മുടങ്ങാതെ എല്ലാ മാസവും പത്തു രൂപ ദുരിതാശ്വാസ നിധിയിലേയ്ക്ക് മണി ഓര്ഡര് അയക്കാറുണ്ട്. സ്കൂളുകളില് മുഖ്യമന്ത്രിയുടെ ദുരിതാശ്വാസ നിധി എന്ന പേരില് മണി ബോക്സ് എന്ന ആശയം മുഖ്യമന്ത്രിയോട് നേരില് അവതരിപ്പിച്ച ഈ ബാലനെ കഴിഞ്ഞ ദിവസം തേടിയെത്തിയത് ദേശീയ അംഗീകാരം. ബെസ്റ്റ് ഓഫ് ഇന്ത്യ റെക്കോര്ഡ്സില് ആദര്ശിന്റെ നന്മ നിറഞ്ഞ ഈ ആശയവും ഇടം പിടിച്ചു. പുറ്റിങ്ങല് വെടിക്കെട്ട് അപകടമാണ് തന്നില് ഇത്തരമൊരു ചിന്തയ്ക്ക് വിത്തു പാകിയതെന്ന് ആദര്ശ് പറയുന്നു. ദുരിതാശ്വാസ നിധിയില്…
Read More