പാറശാല : കേരള – തമിഴ്നാട് അതിർത്തിയിലെ ചെക്ക് പോസ്റ്റ് ജോലിക്കിടെ തമിഴ്നാട് എസ് ഐ വെടിയേറ്റു മരിച്ച സംഭവത്തിൽ പോലീസ് അന്വേഷണത്തിന് അഞ്ചു സ്പെഷൽ സ്ക്വാഡുകൾ രൂപികരിച്ചു. അന്വേഷണം കേരളത്തിലേക്ക് വ്യാപിപ്പിച്ചു. പ്രതികളെന്ന് സംശയിക്കുന്നവരുടെ ചിത്രങ്ങൾ തമിഴ്നാട് പോലീസ് പുറത്തുവിട്ടു. ഇന്നു പുലർച്ചെ 1 .15 ന് ഡി ഐ ജി സ്ഥലം സന്ദർശിച്ചു വിവരങ്ങൾ ശേഖരിച്ചു. ആക്രമണം കഴിഞ്ഞു കുറ്റവാളികൾ ഓടി രക്ഷപ്പെടുന്നതിന്റെ സി സി ടി വി ദൃശ്യം പോലീസിന് ലഭിച്ചു. സിസിടിവി ദൃശ്യങ്ങളിൽ നിന്ന് തമിഴ്നാട് പോലീസ് പ്രതികളെ തിരിച്ചറിഞ്ഞു. രണ്ടു പ്രതികളുടെ ചിത്രങ്ങൾ കേരളാ പോലീസിന് കൈമാറി. അബ്ദുൾ ഷമീം, തൗഫീഖ് എന്നിവരുടെ ചിത്രങ്ങളാണ് പുറത്തുവിട്ടത്. പാറശ്ശാല ഇഞ്ചിവിളയിൽ നിന്നും കളിയിക്കാവിള ചന്തയിലേക്ക് പോകുന്ന ഇടറോഡിലെ ഔട്ട് പോസ്റ്റിലെ ഡ്യൂട്ടിക്കിടെയാണ് എസ് ഐ മാർത്താണ്ഡം പരുത്തിവിള വീട്ടിൽ വിൽസൺ (…
Read MoreCategory: TVM
ധാർഷ്ട്യം സമൂഹമാധ്യമത്തിൽ വൈറലായി; വനിതാ കണ്ടക്ടറോട് അപമര്യാദയായി പെരുമാറിയ കെഎസ്ആർടിസി സൂപ്രണ്ടിന് സസ്പെൻഷൻ
തിരുവനന്തപുരം: വനിതാ കണ്ടക്ടറോട് അപമര്യാദയായി പെരുമാറിയ കെഎസ്ആർടിസി സൂപ്രണ്ടിനെ സസ്പെൻഡ് ചെയ്തു. നെയ്യാറ്റിൻകര ഡിപ്പോയിലെ സീനിയർ സൂപ്രണ്ട് മഹേശ്വരിക്കെതിരെയാണ് നടപടി. കഴിഞ്ഞ ദിവസം തിരുവനന്തപുരം-നെയ്യാറ്റിൻകര റൂട്ടിലായിരുന്നു സംഭവം. കണ്ടക്ടർ യാത്രാ പാസ് കാണിക്കാൻ ആവശ്യപ്പെട്ടെങ്കിലും മഹേശ്വരി തയാറായില്ല. കാണിക്കാന് മനസില്ലെന്നും പോയി പരാതി നല്കാനുമായിരുന്നു മറുപടി. സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതിനെ തുടർന്നാണ് എംഡി അന്വേഷണത്തിന് ഉത്തരവിട്ടത്.
Read Moreവിദ്യാലയങ്ങളിൽ ഇനി മുതൽ ഭരണഘടനയുടെ ആമുഖം വായിക്കും, ലൈംഗിക വിദ്യാഭ്യാസം പാഠ്യപദ്ധതിയില്, ഇന്റേണൽ മാർക്കിന്റെ പേരിൽ ആരും തോൽക്കില്ല, സ്കൂൾ-കോളജുകളിലെ മാറ്റത്തിന്റെ വഴികളിങ്ങനെയൊക്കെ….
തിരുവനന്തപുരം: രാജ്യത്തിന്റെ ഭരണഘടന സംരക്ഷിക്കപ്പെടേണ്ടതാണെന്ന പൊതുബോധം വളർത്തിയെടുക്കാൻ സ്കൂൾ- കോളജ് അസംബ്ലികളിൽ ഭരണഘടനയുടെ ആമുഖം വായിക്കുന്നതിന് ആവശ്യമായ നടപടി സ്വീകരിക്കുമെന്ന് മുഖ്യമന്ത്രി പിണറായി വിജയൻ. കോഴിക്കോട് ഫാറൂഖ് കോളജില് സംഘടിപ്പിച്ച ചീഫ് മിനിസ്റ്റേഴ്സ് സ്റ്റുഡന്റ് ലീഡേഴ്സ് കോണ്ക്ലേവിൽ സംസാരിക്കുകയായിരുന്നു മുഖ്യമന്ത്രി. കോളജ് വിദ്യാര്ഥി യൂണിയനുകളില് 50 ശതമാനം വനിതാ സംവരണം പ്രാവര്ത്തികമാക്കാന് കഴിയുമോ എന്ന കാര്യം ഗൗരവമായി പരിശോധിക്കുമെന്നും മുഖ്യമന്ത്രി പറഞ്ഞു. കലാലയങ്ങളില് വിദ്യാര്ഥിനികളുടെ അംഗസംഖ്യ വലിയ തോതില് വര്ധിച്ചുവരുന്ന പശ്ചാത്തലത്തില് വിദ്യാര്ഥി നേതാക്കളുടെ ഈ ആവശ്യത്തിന് പ്രസക്തിയുണ്ടെന്നും അദ്ദേഹം പറഞ്ഞു. ലൈംഗിക വിദ്യാഭ്യാസം പാഠ്യപദ്ധതിയില് ഉള്പ്പെടുത്തുന്നതിന് നടപടി സ്വീകരിക്കും. കാമ്പസ് രാഷ്ട്രീയവുമായി ബന്ധപ്പെട്ട് നിയമ നിര്മ്മാണത്തിനുള്ള നടപടികള് പുരോഗമിക്കുകയാണെന്നും മുഖ്യമന്ത്രി വ്യക്തമാക്കി. കലാലയങ്ങളില് ഇന്റേണല് മാര്ക്കിന്റെ പേരില് ആരെയും തോല്പ്പിക്കാതിരിക്കാന് നടപടി സ്വീകരിച്ചിട്ടുണ്ട്. ഭാവിയില് ഇന്റേണല് മാര്ക്ക് തന്നെ ഒഴിവാക്കാന് ഉദ്ദേശമുണ്ട്. വിദ്യാര്ഥികള്ക്ക് പഠനത്തോടൊപ്പം പാര്ട്ട്ടൈം…
Read Moreആ ദൃശ്യങ്ങളിൽ കണ്ടത് കളവല്ല; വർക്കല എസ്ആർ മെഡിക്കൽ കോളജിന്റെ അനുമതിപത്രം സർക്കാർ റദ്ദാക്കി
തിരുവനന്തപുരം: വർക്കല എസ്ആർ മെഡിക്കൽ കോളജിന്റെ അനുമതിപത്രം (എസൻഷ്യാലിറ്റി) സർക്കാർ റദ്ദാക്കി. എസ്ആർ മെഡിക്കൽ കോളജിലെ വിദ്യാർഥികളെ ഏറ്റെടുക്കാനാവില്ലെന്ന് മാനേജ്മെന്റ് അസോസിയേഷൻ മെഡിക്കൽ വിദ്യാഭ്യാസ വകുപ്പിനെ അറിയിച്ചു. ഇതോടെ 2016-17 വർഷം ഇവിടെ പ്രവേശനംകിട്ടിയ വിദ്യാർഥികളെ മാറ്റുന്നകാര്യം അനിശ്ചിതത്ത്വത്തിലായി. വർക്കല എസ്ആർ മെഡിക്കൽ കോളജിന്റെ പ്രവർത്തന അനുമതി റദ്ദാക്കാൻ കേന്ദ്ര സർക്കാർ നിർദേശിച്ചിരുന്നു. വിദ്യാർഥികളെ മറ്റു കോളജുകളിലേക്കു മാറ്റാനും സംസ്ഥാന സർക്കാരിനോട് കേന്ദ്ര ആരോഗ്യ മന്ത്രാലയത്തിന്റെ മെഡിക്കൽ വിദ്യാഭ്യാസ വിഭാഗം ആവശ്യപ്പെട്ടു. കോളജിൽ വേണ്ടത്ര അധ്യാപകരില്ല, അടിസ്ഥാന സൗകര്യങ്ങളില്ല, ആശുപത്രിയിൽ രോഗികളില്ല എന്നീ പരാതികൾ ഉയർന്നിരുന്നു. ഇവ ചൂണ്ടിക്കാട്ടി വിദ്യാർഥികൾ ഹൈക്കോടതിയെ സമീപിക്കുകയും ചെയ്തു. കോടതിവിധി, മെഡിക്കൽ കൗണ്സിൽ നിർദേശങ്ങൾ, കേസിലുൾപ്പെട്ടവരെ ഉൾപ്പെടുത്തി നടത്തിയ ഹിയറിംഗ് എന്നിവയുടെ അടിസ്ഥാനത്തിലാണ് കേന്ദ്രസർക്കാർ കോളജിന്റെ പ്രവർത്തനാനുമതി റദ്ദാക്കാൻ ആവശ്യപ്പെട്ടത്. ആരോഗ്യ സർവകലാശാല പ്രൊ വൈസ് ചാൻസിലറിന്റെ നേതൃത്വത്തിൽ മെഡിക്കൽ കോളേജിൽ…
Read More24 മണിക്കൂർ ദേശീയ പണിമുടക്ക് ചൊവ്വാഴ്ച അർധരാത്രി മുതൽ; പരീക്ഷകൾ മാറ്റി; പുതുക്കിയ തീയതി പിന്നീട്
തിരുവനന്തപുരം : കേന്ദ്രസർക്കാരിന്റെ തൊഴിലാളിവിരുദ്ധ നയങ്ങൾക്കെതിരേ ട്രേഡ് യൂണിയൻ സംയുക്ത സമിതി ആഹ്വാനം ചെയ്ത 24 മണിക്കൂർ ദേശീയ പണിമുടക്ക് ചൊവ്വാഴ്ച അർധരാത്രി മുതൽ. ബുധനാഴ്ച അർധരാത്രി അവസാനിക്കും. ദേശീയ പണിമുടക്കിൽ കേരളം നിശ്ചലമാകുമെന്ന് സിഐടിയു സംസ്ഥാന ജനറൽ സെക്രട്ടറി എളമരം കരീമും ഐഎൻടിയുസി സംസ്ഥാന പ്രസിഡൻറ് ആർ. ചന്ദ്രശേഖരനും അവകാശപ്പെട്ടു. അവശ്യ സർവീസുകളായ പാൽ, പത്രം, ആശുപത്രി എന്നിവയെയും ടൂറിസം മേഖലയെയും ഹർത്താലിൽനിന്ന് ഒഴിവാക്കിയിട്ടുണ്ട്. ശബരിമല തീർഥാടന വാഹനങ്ങളെയും ഒഴിവാക്കി. വാഹനങ്ങൾ നിരത്തിലിറങ്ങില്ല. കടകന്പോളങ്ങൾ അടഞ്ഞുകിടക്കും. സിഐടിയു, ഐഎൻടിയുസി, എഐടിയുസി, എസ്ടിയു, എച്ച്എംഎസ്, യുടിയുസി, എഐസിടിയു, എഐയുടിയുസി, സേവ, ടിയുസിഐ, ടിയുസിസി, കെടിയുസി, കെടിയുസി -ജെ, കെടിയുസി -എം, ഐഎൻഎൽസി, എൻഎൽസി, എൻഎൽഒ, എച്ച്എംകെപി, ജെടിയു എന്നീ ട്രേഡ് യൂണിയനുകളാണ് പണിമുടക്കുന്നത്. പണിമുടക്കിന്റെ പശ്ചാത്തലത്തിൽ കേരള, എംജി, കണ്ണൂർ സർവകലാശാലകൾ ബുധനാഴ്ച നടത്താനിരുന്ന പരീക്ഷകൾ മാറ്റി.…
Read Moreജെഎന്യു ആക്രമണം; ഫാസിസത്തിന്റെ തീവ്രതയെന്നു ചെന്നിത്തല; രാജ്യത്തിന് അപമാനമെന്നു സുധീരൻ
തിരുവനന്തപുരം: രാജ്യത്തെ ബാധിച്ചിരിക്കുന്ന ഫാസിസത്തിന്റെ തീവ്രത വിളിച്ചറിയിക്കുന്നതാണ് ജെഎന്യുവിലെ മാരകമായ ആക്രമണമെന്നു പ്രതിപക്ഷ നേതാവ് രമേശ് ചെന്നിത്തല. പ്രധാനമന്ത്രി നരേന്ദ്ര മോദിയുടെയും കേന്ദ്ര അഭ്യന്തര മന്ത്രി അമിത് ഷായുടെയും കുറ്റകരമായ മൗനം അക്രമങ്ങൾക്ക് വളംവച്ചു കൊടുക്കുകയാണെന്നും വിയോജിക്കുന്നവരെ അക്രമത്തിലൂടെ അടിച്ചമർത്താനാവില്ലെന്നു ബിജെപി മനസിലാക്കണമെന്നും ചെന്നിത്തല പറഞ്ഞു. നിയമ വ്യവസ്ഥയെ നോക്കുകുത്തിയാക്കി അമിത് ഷായുടെ അനുഗ്രഹത്തോടെയുള്ള എബിവിപി- ആർഎസ്എസ് ക്രിമിനൽ മാഫിയയുടെ കടന്നാക്രമണം രാജ്യത്തിന് അപമാനമാണെന്നു കോണ്ഗ്രസ് നേതാവ് വി.എം. സുധീരൻ കുറ്റപ്പെടുത്തി. ഈ അരാജക അവസ്ഥയ്ക്ക് ഡൽഹി പോലീസിനെ നേരിട്ട് നിയന്ത്രിക്കുന്ന അമിത് ഷാ തന്നെയാണ് ഉത്തരവാദി. പാർലമെന്റിലെ ഭൂരിപക്ഷം ജനങ്ങൾക്ക് മേൽ കുതിര കയറാനുള്ള ലൈസൻസാണെന്നു കരുതി വിയോജിക്കുന്നവരെ അടിച്ചമർത്താമെന്ന മോഡി-അമിത് ഷാ ഇരട്ടകളുടെ വ്യാമോഹത്തിന് കനത്ത തിരിച്ചടിയാണ് അവരെ കാത്തിരിക്കുന്നതെന്നും സുധീരൻ വ്യക്തമാക്കി. നേരത്തെ, മുഖ്യമന്ത്രി പിണറായി വിജയനും ജവഹർലാൽ നെഹ്റു സർവകലാശാലയിൽ മുഖംമൂടി…
Read Moreതമ്പാനൂർ റെയിൽവേ സ്റ്റേഷനിൽ നിന്ന് തുടങ്ങിയ പരിചയം വിവാഹ വാഗ്ദാനം വരെയെത്തി;പിന്നീട് നിരവധി സ്ഥലങ്ങളിലെത്തിച്ച് പീഡിപ്പിച്ചു; 5 ലക്ഷം വാങ്ങി പറ്റിച്ചു; തട്ടിപ്പു മനസിലാക്കിയ യുവതി പോലീസിൽ പരാതി നൽകി യുവാവിനെ കുടുക്കിയതിങ്ങനെ…
കല്ലറ: വികലാംഗയായ സ്ത്രീയെ വിവാഹ വാഗ്ദാനം നൽകി ലൈംഗികമായി പീഡിപ്പിക്കുകയും അഞ്ച് ലക്ഷം രൂപയോളം കൈക്കലാക്കി മുങ്ങുകയും ചെയ്തയാൾ അറസ്റ്റിൽ. മലപ്പുറം ജില്ലയിലെ നിലമ്പൂർ ചോക്കാട് കൂവ പുറത്ത് വീട്ടിൽ സോണി (44) യെയാണ് പാങ്ങോട് പോലീസ് തിരുവനന്തപുരം അരിസ്റ്റോ ജംഗ്ഷനിൽ നിന്ന് അറസ്റ്റ് ചെയ്തത്. പോലീസ് പറയുന്നതിങ്ങനെ : യുവതിയെ പ്രതി തമ്പാനൂർ റെയിൽവേ സ്റ്റേഷനിൽ വച്ച് പരിചയപ്പെടുകയും തുടർന്നിങ്ങോട്ട് നിരവധി തവണ വ്യത്യസ്ത സ്ഥലങ്ങളിൽ കൊണ്ട് പോയി ലൈംഗികമായി പീഡിപ്പിക്കുകയും എ.ടി.എം.കൈക്കലാക്കി അഞ്ച് ലക്ഷം രൂപ പ്രതിയുടെ അക്കൗണ്ടിലേക്ക് ട്രാൻസ്ഫർ ചെയ്യുകയുമായിരുന്നു. തുടർന്ന് സ്ത്രീ പോലീസിൽ പരാതി നൽകുകയായിരുന്നു. പരാതിയുടെ ആടിസ്ഥാനത്തിൽ മുങ്ങി നടന്ന പ്രതിയെ പാങ്ങോട് സിഐ സുനീഷ്, എസ്ഐ ജെ.അജയൻ, എം.സുലൈമാൻ, ആർ.രാജൻ, എ.എസ്.ഐ. താഹിർ, സി.പി.ഒ മാരായ രഞ്ചീഷ്, നിസ്സാർ, മുകേഷ് എന്നിവർ ചേർന്ന്് അറസ്റ്റ് ചെയ്യുകയായിരുന്നു.
Read Moreദേശീയ പണിമുടക്ക് നാളെ അർധരാത്രി മുതൽ; അവശ്യ സർവീസുകളെ പണിമുടക്കിൽ നിന്ന് ഒഴിവാക്കിയതായി ആനത്തലവട്ടം ആനന്ദൻ
തിരുവനന്തപുരം: തൊഴിലാളികളെ ദോഷകരമായി ബാധിക്കുന്ന കേന്ദ്ര സർക്കാരിന്റെ തൊഴിൽചട്ട പരിഷ്കരണ നയങ്ങൾക്കെതിരേ പ്രതിപക്ഷ കക്ഷികൾ പ്രഖ്യാപിച്ചിട്ടുള്ള 24 മണിക്കൂർ ദേശീയ പണിമുടക്ക് നാളെ അർധരാത്രി 12 മുതൽ. ബിഎംഎസ് ഒഴികെയുള്ള എല്ലാ കക്ഷികളും സംസ്ഥാനത്തു പണിമുടക്കിൽ പങ്കെടുക്കുമെന്നു സിഐടിയു സംസ്ഥാന പ്രസിഡന്റ് ആനത്തലവട്ടം ആനന്ദൻ അറിയിച്ചു. സംസ്ഥാനത്തു കടകളും ഹോട്ടലുകളും പൂർണമായി അടച്ചിടും. കെഎസ്ആർടിസിയും സ്വകാര്യ ബസുകളും ഓട്ടോ- ടാക്സിയും പണിമുടക്കിൽ പങ്കെടുക്കും. സ്വകാര്യ വാഹനങ്ങളും നിരത്തിലിറക്കാതെ സഹകരിക്കണമെന്ന് അഭ്യർഥിച്ചിട്ടുണ്ട്. ശബരിമല തീർഥാടകർ, ആശുപത്രി, ടൂറിസം മേഖല, പാൽ, പത്രം, മറ്റ് അവശ്യ സർവീസുകൾ എന്നിവയെ പണിമുടക്കിൽനിന്ന് ഒഴിവാക്കിയിട്ടുണ്ടെന്നും അദ്ദേഹം അറിയിച്ചു.
Read Moreആക്രമണങ്ങൾ ഇടതുപാർട്ടികളും കോണ്ഗ്രസും നടത്തിയത്; ജെഎൻയുവിലെ സംഭവങ്ങൾ ആസൂത്രിതമെന്ന് കേന്ദ്രമന്ത്രി വി. മുരളീധരൻ
തിരുവനന്തപുരം: ജെഎന്യുവിലെ ആക്രമണം ആസൂത്രിതമായ ഗൂഢാലോചനയുടെ ഭാഗമാണെന്ന് കേന്ദ്രമന്ത്രി വി. മുരളീധരന്. ആക്രമണങ്ങൾ ഇടതുപാർട്ടികളും കോണ്ഗ്രസും നടത്തിയതാണ്. ഇടതു സംഘടനകളും കോണ്ഗ്രസും തീവ്രവാദ സംഘടനകളും ജെഎന്യുവിലെ സാധാരണ പ്രവര്ത്തനം തടസപ്പെടുത്താന് ശ്രമിക്കുകയാണെന്നും മുരളീധരൻ കുറ്റപ്പെടുത്തി.
Read Moreയജമാനൻമാരെ അനുസരിക്കുന്ന ഭൃത്യൻമാരെ പോലെ; ലീഗ് കോണ്ഗ്രസിനെ യജമാനൻമാരായി അംഗീകരിച്ചുവെന്ന വിമർശനവുമായി കടകംപള്ളി
തിരുവനന്തപുരം: മുസ്ലിം ലീഗിനെതിരെ രൂക്ഷ വിമർശനവുമായി മന്ത്രി കടകംപള്ളി സുരേന്ദ്രൻ. മുസ്ലിം ലീഗ് രാഷ്ട്രീയ യജമാനൻമാരായി കോണ്ഗ്രസിനെ അംഗീകരിച്ചിരിക്കുകയാണെന്നും കടകംപള്ളി കുറ്റപ്പെടുത്തി. യജമാനൻമാരെ അനുസരിക്കുന്ന ഭൃത്യൻമാരെ പോലെയാണു ലീഗിന്റെ പെരുമാറ്റം. കേരളാ ബാങ്ക്, പൗരത്വ ഭേദഗതി നിയമം ഉൾപ്പെടെയുള്ള വിഷയങ്ങളിൽ ലീഗ് സങ്കുചിത താൽപര്യത്തോടെ കോണ്ഗ്രസ് എടുത്ത തീരുമാനം അനുസരിച്ചു. ലോക കേരളസഭയിൽനിന്നു പിൻമാറിയത് അതിനാലാണെന്നും കടകംപള്ളി ആരോപിച്ചു.
Read More