പേരൂർക്കട: അഗസ്ത്യാര്കൂടം ട്രക്കിംഗിനുള്ള സന്ദര്ശന പാസുകള്ക്ക് ഈ മാസം എട്ടു മുതല് അപേക്ഷിക്കാം. ജനുവരി 14 മുതല് ഫെബ്രുവരി 18 വരെയാണ് അഗസ്ത്യാർകൂട ട്രക്കിംഗ്. പരമാവധി 100 പേര്ക്കുമാത്രമേ ഒരു ദിവസം പ്രവേശനം അനുവദിക്കുകയുള്ളൂ. സന്ദര്ശന പാസ്സുകള്ക്ക് ഓണ്ലൈനായോ അക്ഷയകേന്ദ്രം മുഖേനയോ അപേക്ഷിക്കാം. വനം വകുപ്പിന്റെ ഓദ്യോഗിക സൈറ്റായ www. forest.kerala. gov.in അല്ലെങ്കില് service online. gov.in/trekking സന്ദര്ശിച്ച് ടിക്കറ്റ് ബുക്ക് ചെയ്യാവുന്നതാണ്. ബുക്കിംഗ് സൗകര്യം എട്ടിന് രാവിലെ 11 മുതല് ലഭ്യമാകും. അക്ഷയകേന്ദ്രങ്ങളില് ടിക്കറ്റ് ബുക്ക് ചെയ്യാന് എത്തുന്നവര് അവരുടേയും ടീം അംഗങ്ങളുടെയും ഫോട്ടോ പതിപ്പിച്ച തിരിച്ചറിയല് കാര്ഡിന്റെ പകര്പ്പുകൂടി കൊണ്ടുവരേണ്ടതാണ്. ട്രക്കിംഗില് പങ്കെടുക്കു ക്കുന്നവരുടെ തിരിച്ചറിയല് കാര്ഡ് നമ്പര് ഓണ്ലൈന് അപേക്ഷയില് ഉള്പ്പെടുത്തേണ്ടതാണ്. പരമാവധി 10 ആളുകളെ മാത്രമേ ഒരു ടിക്കറ്റില് ഉള്പ്പെടുത്തുകയുള്ളു. ഒരാള്ക്കുള്ള ടിക്കറ്റ് നിരക്ക് 1,100/ രൂപയാണ്. അക്ഷയകേന്ദ്രങ്ങള് മുഖേന…
Read MoreCategory: TVM
എവിടെപോയി ഒളിച്ചാലും പൊക്കും; പിരിവു നൽകാത്തതിന്റെ പേരിൽ യുവാവിനെ ഓട്ടോറിക്ഷ കയറ്റി കൊല്ലാൻ ശ്രമിച്ച സംഭവം; ഒരാൾ കൂടി അറസ്റ്റിൽ
പാറശ്ശാല : പിരിവു നൽകാത്തതിനെ തുടർന്ന് കാരാളി സ്വദേശി സെന്തിലിനെ ഓട്ടോറിക്ഷ കയറ്റി വധിക്കാൻ ശ്രമിച്ച സംഭവത്തിൽ ഒരാളെക്കൂടി പോലീസ് അറസ്റ്റ് ചെയ്തു. പാറശ്ശാല ഇഞ്ചിവിള ചെമ്മതട്ടുവിള പുത്തൻ വീട്ടിൽ ഷിബിൻ (24 ) നെ യാണ് പോലീസ് പിടികൂടിയത്. പ്രധാന പ്രതിയും സി പി എം ബ്രാഞ്ച് സെക്രട്ടറിയുമായ പ്രദീപിനെ കഴിഞ്ഞ ദിവസം പോലീസ് അറസ്റ്റ് ചെയ്തിരുന്നു. അതിർത്തി കേന്ദ്രീകരിച്ചു നടത്തിയ അന്വേഷണത്തിലാണ് ഷിബിൻ പിടിയിലായത്. മറ്റു പ്രതികളെ പിടികൂടുവാനായി അന്വേഷണം തമിഴ്നാട്ടിലേക്ക് വ്യാപിപ്പിച്ചു.ഏഴു പേർ ചേർന്ന് നടത്തിയ ആക്രമണത്തിൽ രണ്ടുപേരെ പിടികൂടി. മറ്റുള്ളവർ അതിർത്തി പ്രദേശത്ത് ഒളിവിൽ കഴിയുകയാണെന്ന രഹസ്യവിവരത്തെ തുടർന്ന് പോലീസ് അന്വേഷിച്ചുവെങ്കിലും കണ്ടെത്താൻ കഴിഞ്ഞില്ല. ഇതേ തുടർന്നാണ് സൈബർ സെല്ലിന്റെ സഹായത്തോടെ അന്വേഷണം വ്യാപിപ്പിച്ചത്. ഇക്കഴിഞ്ഞ 31 നു രാത്രി കാരളി സ്വദേശിയും ചക്കകച്ചവടക്കാരനുമായ സെന്തിലിനെ ഏഴുപേർ അടങ്ങുന്ന സംഘം മർദിച്ച്…
Read Moreചരിത്രം അറിയില്ലേ, സാവകാശം ഇരുന്നു പഠിച്ചു മനസിലാക്കണം; സിപിഐക്ക് മറുപടിയുമായി മുഖ്യമന്ത്രി
തിരുവനന്തപുരം: ഭൂപരിഷ്കരണ നിയമത്തിന്റെ അൻപതാം വാർഷിക സമ്മേളനത്തിൽ മുഖ്യമന്ത്രി അച്യുത മേനോനെ തമസ്കരിച്ചെന്ന സിപിഐയുടെ ആരോപണത്തിനു മറുപടിയുമായി മുഖ്യമന്ത്രി പിണറായി വിജയൻ രംഗത്ത്. ഭൂപരിഷ്കരണം ആദ്യഘട്ടം ഇഎംഎസ് സർക്കാർ ഫലപ്രദമായി നടപ്പാക്കിയെന്ന് പിണറായി വിജയൻ പറഞ്ഞു. ചരിത്രം സാവകാശം ഇരുന്നു പഠിച്ചു മനസിലാക്കിയാൽ ഇത്തരം ഒരു ആക്ഷേപവും ഉന്നയിക്കാൻ കഴിയില്ല. മഹാപരാധം സംഭവിച്ചു എന്ന മട്ടിലാണ് പറയുന്നത്. ഇവർക്ക് ചരിത്രം അറിയില്ലെന്നും മുഖ്യമന്ത്രി പറഞ്ഞു. ചിലരെ ആക്ഷേപിക്കാൻ നിന്നില്ല എന്നത് ശരിയാണ്. കാർഷിക ബന്ധ ബില്ലിനെ തകർക്കാൻ കൂട്ടു നിന്നവരുടെ പേരെടുത്തു താൻ പറയാൻ നിന്നില്ല. സർക്കാർ ചെയ്തത് പറഞ്ഞു. മിച്ച ഭൂമി ഇല്ലാതായത് അങ്ങനെയാണെന്നും മുഖ്യമന്ത്രി കൂട്ടിച്ചേർത്തു. പാർട്ടി മുഖപത്രമായ ജനയുഗത്തിലൂടെയായിരുന്നു സിപിഐ മുഖ്യമന്ത്രിക്കെതിരെ വിമർശനം ഉന്നയിച്ചത്. അച്യുതമേനോനെ പരാമർശിക്കാത്ത പ്രസംഗം ഇടതുപക്ഷ രാഷ്ട്രീയത്തിന് ഭൂഷണമല്ലെന്നും ജനയുഗം പറയുന്നു. ചരിത്രവസ്തുതകളെ മുഖ്യമന്ത്രി മനപ്പൂർവം വിസ്മരിച്ചു. ചരിത്രം…
Read Moreറിപ്പബ്ലിക് ദിന പരേഡിൽ നിന്ന് കേരളത്തിന്റെ നിശ്ചലദൃശ്യം ഒഴിവാക്കിയതിനു പിന്നിൽ രാഷ്ട്രീയ ഉദ്ദേശമെന്ന് മന്ത്രി ബാലൻ
തിരുവനന്തപുരം: റിപ്പബ്ലിക് ദിന പരേഡിൽ നിന്ന് കേരളത്തിന്റെ നിശ്ചലദൃശ്യം ഒഴിവാക്കിയതിനെതിരെ രൂക്ഷ വിമർശനവുമായി മന്ത്രി എ.കെ.ബാലൻ. സംസ്ഥാനത്തെ ഒഴിവാക്കിയതിനു പിന്നിൽ വൻ രാഷ്ട്രീയ ഉദ്ദേശമാണുള്ളതെന്ന് ബാലൻ പറഞ്ഞു. നടപടിയിൽ ഒരത്ഭുതവുമില്ലെന്നു പറഞ്ഞ മന്ത്രി അതിമനോഹരമായ നിശ്ചല ദൃശ്യമായിരുന്നു സംസ്ഥാനത്തിന്റേതെന്നും വ്യക്തമാക്കി. എന്തിനാണ് സംസ്ഥാനത്തോട് കേന്ദ്രത്തിന് ഈ വെറുപ്പെന്ന് മനസിലാകുന്നില്ലെന്നും കേരളമെന്ന് കേട്ടാൽ ഭ്രാന്താകുന്ന അവസ്ഥയാണ് കേന്ദ്രത്തിനെന്നും മന്ത്രി തുറന്നടിച്ചു. നേരത്തെ, മഹാരാഷ്ട്രയ്ക്കും പശ്ചിമബംഗാളിനും പുറമേയാണ് കേരളത്തിന്റെ നിശ്ചല ദൃശ്യത്തിനും കേന്ദ്രം അനുമതി നിഷേധിച്ചത്. കഴിഞ്ഞ രണ്ട് വർഷങ്ങളിലും സംസ്ഥാനത്തെ ഒഴിവാക്കിയിരുന്നു.
Read Moreവാഹനങ്ങൾ വാടകയ്ക്ക് എടുത്ത് പണയം വച്ചു തട്ടിപ്പ്; ബിജെപി പ്രവര്ത്തകന് അറസ്റ്റില്
തിരുവനന്തപുരം: വാഹനങ്ങള് വാടകയ്ക്ക് എടുത്ത് പണയം വച്ച് മുങ്ങിയ ബിജെപി പ്രവര്ത്തകന് അറസ്റ്റില്. ശ്രീകാര്യം കല്ലമ്പള്ളി സ്വദേശിയായ അനുവിനെയാണ് അറസ്റ്റ് ചെയ്തത്. ലോക്സഭാ തെരഞ്ഞെടുപ്പിൽ ബിജെപി സ്ഥാനാർഥിയായിരുന്ന കുമ്മനം രാജശേഖരന്റെ വാഹന പ്രചാരണ ചുമതലയുണ്ടെന്ന പേരിലായിരുന്നു അനു തട്ടിപ്പ് നടത്തിയത്.
Read Moreഎനിക്ക് തരാതെ നീ അങ്ങനെ വലിക്കണ്ട; കഞ്ചാവ് നൽകാത്തതിലുള്ള വിരോധം; സുഹൃത്തിനെ വെട്ടികൊലപ്പെടു ത്താൻ ശ്രമം
തിരുവനന്തപുരം: കഞ്ചാവ് നൽകാത്തതിലുള്ള വിരോധം ഏറ്റുമുട്ടലിൽ കലാശിച്ചു. സുഹൃത്തുക്കളായ യുവാക്കൾ തമ്മിലാണ് ഏറ്റുമുട്ടിയത്. ഒരാൾക്ക് വെട്ടേറ്റു. കാൽമുട്ടിലാണ് വെട്ടേറ്റത്. കഴക്കൂട്ടം ആറാട്ടുവഴിയിൽ ഇന്നലെ രാത്രി പതിനൊന്നു മണിയോടെയായിരുന്നു സംഭവം. പ്രദേശവാസിയായ വിൻസന്റ് (22) നാണ് വെട്ടേറ്റത്. ഇയാളുടെ സുഹൃത്ത് ലിയോണ് (23) ആണ് വെട്ടിപ്പരിക്കേൽപ്പിച്ചതെന്ന് പോലീസിൽ മൊഴി നൽകി. ലിയോണിന് കഞ്ചാവ് നൽകാതെ വിൻസന്റ് കഞ്ചാവ് ഉപയോഗിച്ചതിലുള്ള വിരോധമാണ് ആക്രമണകാരണമെന്ന് പോലീസ് പറഞ്ഞു. കാൽ മുട്ടിന് വെട്ടേറ്റ് അവശനിലയിൽ കണ്ടെത്തിയ വിൻസന്റിനെ പോലീസും നാട്ടുകാരും ചേർന്ന് മെഡിക്കൽ കോളജാശുപത്രിയിൽ പ്രവേശിപ്പിച്ചു. കഴക്കൂട്ടം പോലീസ് കേസെടുത്തു. ലിയോണ് ഒളിവിലാണ്. ഇരുവരുടെയും പേരിൽ കഴക്കൂട്ടം പോലീസ് സ്റ്റേഷനിൽ നിരവധി ക്രിമിനൽ കേസുകൾ നിലവിലുണ്ടെന്ന് പോലീസ് പറഞ്ഞു.
Read Moreഞാൻ ഏകനാണ്; പൗരത്വ ഭേദഗതി പ്രമേയത്തെ എതിർക്കാതിരുന്നതിന് പിന്നിലെ കാരണം വെളിപ്പെടുത്തി ഒ രാജഗോപാൽ
തിരുവനന്തപുരം: പൗരത്വ ഭേദഗതിക്കെതിരായ നിയമസഭ പ്രമേയത്തെ എതിർക്കാതിരുന്നത് ഒരാളുടെ എതിർപ്പിന് പ്രസക്തിയില്ലെന്നുകണ്ടാണെന്ന് ബിജെപി എംഎൽഎ ഒ. രാജഗോപാൽ. പ്രമേയത്തിൽ വോട്ടെടുപ്പ് ആവശ്യപ്പെടാത്തത് മനപൂർവമായിരുന്നു. ഒരാളുടെ എതിർപ്പിന് പ്രസക്തിയില്ലെന്ന് തോന്നി. അതിനാലാണ് പ്രമേയത്തെ എതിർക്കാതിരുന്നതെന്നും അദ്ദേഹം പറഞ്ഞു. ആഗ്ലോ ഇന്ത്യൻ പ്രാതിനിധ്യം അവസാനിപ്പിച്ചതിൽ വിഷമമുണ്ടെന്നും അദ്ദേഹം കൂട്ടിച്ചേർത്തു. അതുകൊണ്ടാണ് ഈ പ്രമേയത്തെയും എതിർക്കാതിരുന്നതെന്നും രാജഗോപാൽ പറഞ്ഞു. പൗരത്വ ഭേദഗതിക്കെതിരായ നിയമസഭ പ്രമേയത്തെ ഒ. രാജഗോപാൽ എതിർത്തിരുന്നില്ല. ചർച്ചയ്ക്കു ശേഷം പ്രമേയത്തെ അനുകൂലിക്കുന്നവരും പ്രതികൂലിക്കുന്നവരും കൈ ഉയർത്താൻ ആവശ്യപ്പെട്ടപ്പോൾ രാജഗോപാൽ പ്രതികരിച്ചില്ല. എന്നാൽ സഭയിൽ പ്രമേയത്തെ എതിർത്ത് സംസാരിച്ചിരുന്നു.
Read Moreഎല്ലാം സംഘാടകരുടെ കുഴപ്പം; കണ്ണൂരിലെ ഗവർണറുടെ പരിപാടിയിൽ സുരക്ഷാ വീഴ്ചയില്ലെന്ന് പോലീസ്
തിരുവനന്തപുരം: കണ്ണൂർ സർവകലാശാലയിൽ ഗവര്ണര് പങ്കെടുത്ത ഇന്ത്യന് ചരിത്ര കോണ്ഗ്രസിന്റെ ഉദ്ഘാടനത്തിൽ സുരക്ഷ വീഴ്ചയില്ലെന്ന് പോലീസ്. ഡിജിപി ലോക്നാഥ് ബെഹ്റയും ഇന്റലിജന്സ് മേധാവിയും ഗവര്ണര് ആരിഫ് മുഹമ്മദ് ഖാന് നല്കിയ റിപ്പോര്ട്ടിലാണ് ഇത് വ്യക്തമാക്കുന്നത്. വേദിയില് അനിഷ്ട സംഭവങ്ങള് അരങ്ങേറിയത് സംഘാടകരുടെ പിഴവുകൊണ്ടാകാമെന്നും റിപ്പോര്ട്ടില് പറയുന്നു. പ്രാസംഗികരെ തീരുമാനിച്ചത് സംഘാടകരാണ്. പോലീസ് സുരക്ഷ ഒരുക്കിയിരുന്നുവെന്നും റിപ്പോര്ട്ടില് പറയുന്നു. ഗവര്ണര് തനിക്കെതിരെ നടന്ന പ്രതിഷേധത്തില് വിശദമായ റിപ്പോര്ട്ട് ആവശ്യപ്പെട്ടിരുന്നു.
Read Moreബൈക്ക് കുഴിയിലേക്ക് വീണ് പരിക്കേറ്റ പോലീസുകാരൻ ആശുപത്രിയിൽ മരിച്ചു; അപകടം നടന്ന വളവിൽ നിരവധി അപകടങ്ങളും മരണവുമുണ്ടായിട്ടുണ്ടെന്ന് പോലീസ്
തിരുവനന്തപുരം: ബൈക്ക് റോഡ് സൈഡിലെ കുഴിയിലേക്ക് തെന്നി വീണ് പോലീസുകാരൻ മരിച്ചു. വിതുര സ്റ്റേഷനിലെ സി പി ഒ വിനോബാനികേതൻ കീഴ്പാലൂര് സന്തോഷ് ഭവനിൽ സന്തോഷ്കുമാർ (40)ആണ് മരിച്ചത്. ഇന്ന് പുലർച്ചെ അഞ്ച് മണിയോടെയാണ് ഇദ്ദേഹത്തെ ചെറ്റച്ചൽ – ചായം റൂട്ടിലെ ദർഭ എന്ന സ്ഥലത്ത് റോഡ് വശത്തെ കുഴിയിലേക്ക് വീണ് പരിക്കേറ്റ നിലയിൽ കണ്ടെത്തിയത്. നാട്ടുകാർ വിവരം അറിയിച്ചതിനെ തുടർന്ന് വിതുര പോലീസ് സ്ഥലത്തെത്തി ഇദ്ദേഹത്തെ വിതുര സർക്കാർ ആശുപത്രിയിൽ പ്രവേശിപ്പിക്കുകയായിരുന്നു. ആശുപത്രിയിൽ വച്ച് സഹപ്രവർത്തകരോട് ഇദ്ദേഹം സംസാരിച്ചിരുന്നു. ചികിത്സയിലിരിക്കെ പൾസ് കുറഞ്ഞതിനെ തുടർന്ന് മരണം സംഭവിക്കുകയായിരുന്നുവെന്ന് പോലീസ് പറഞ്ഞു. ഇന്നലെ പോലീസ് സ്റ്റേഷനിൽ ഡ്യൂട്ടി കഴിഞ്ഞ് ഇദ്ദേഹം സുഹൃത്തുക്കളെ കാണാൻ പോയിരുന്നു. മടങ്ങി വരും വഴി രാത്രിയിൽ അപകടം സംഭവിച്ചതാകാമെന്നാണ് പോലീസിന്റെ നിഗമനം. ബൈക്ക് അപകടം നടന്ന സ്ഥലം അപകടകരമായ വളവ് ഉള്ള മേഖലയാണ്.…
Read Moreനല്ലതിനായി സഹകരിക്കൂ; സംസ്ഥാനത്ത് പ്ലാസ്റ്റിക്ക് നിരോധനം നിലവില് വന്നു; 15 വരെ ശിക്ഷാ നടപടിയില്ല
തിരുവനന്തപുരം: സംസ്ഥാനത്ത് ഒറ്റത്തവണ ഉപയോഗിക്കാവുന്ന പ്ലാസ്റ്റിക് വസ്തുക്കൾക്കുളള നിരോധനം നിലവിൽ വന്നു. വ്യാപാരികളുടെ എതിർപ്പിനിടെയാണ് നിരോധനം നടപ്പാക്കിയത്. ഈ മാസം 15 വരെ ശിക്ഷാ നടപടി ഉണ്ടാകില്ല. പ്ലാസ്റ്റിക് പരിസ്ഥിതിക്കുണ്ടാക്കുന്ന ആഘാതം മറികടക്കാനാണ് പുനരുപയോഗിക്കാനാവാത്ത പ്ലാസ്റ്റിക് വസ്തുക്കൾ നിരോധിക്കാൻ സർക്കാർ തീരുമാനിച്ചത്. നവംബറിലാണ് മന്ത്രിസഭ യോഗം തീരുമാനമെടുത്തത്. ഒറ്റത്തവണ ഉപയോഗിക്കാവുന്ന പ്ലാസ്റ്റിക് കവർ, പ്ലേറ്റ്, സ്ട്രോ, അലങ്കാര വസ്തുക്കൾ, പ്ലാസ്റ്റിക് ആവരണമുളള പേപ്പർ ഗ്ലാസ് എന്നിവയ്ക്കാണ് നിരോധനം. ബ്രാൻഡഡ് വസ്തുക്കളുടെ കവറുകൾ, അരലിറ്ററിന് മുകളിലുളള കുടിവെളള കുപ്പികൾ, മത്സ്യം ഇറച്ചി ധാന്യങ്ങൾ എന്നിവ പൊതിയുന്ന പ്ലാസ്റ്റിക് കവറുകൾ എന്നിവയ്ക്കെല്ലാം പിന്നീട് ഇളവ് ഏർപ്പെടുത്തി.
Read More