തിരുവനന്തപുരം: മുന്നോക്ക വിഭാഗങ്ങളിലെ സാമ്പത്തികമായി പിന്നോക്കം നില്ക്കുന്നവര്ക്ക് ഉദ്യോഗസംവരണം ഏർപ്പെടുത്തുന്നതിനുള്ള മാനദണ്ഡങ്ങള് നിശ്ചയിക്കുന്നതിന് നിയോഗിച്ച ജസ്റ്റീസ് കെ. ശ്രീധരന് നായര് കമ്മിഷന് റിപ്പോര്ട്ടിലെ ശിപാര്ശകള് മന്ത്രിസഭ അംഗീകരിച്ചു. നിയമവകുപ്പ് നിര്ദേശിച്ച ഭേദഗതികളോടെയാണ് ശിപാർശ അംഗീകരിച്ചത്. നിലവിലുള്ള സംവരണത്തിന് അര്ഹതയില്ലാത്തവരും കുടുംബവാര്ഷിക വരുമാനം നാല് ലക്ഷം രൂപയില് കവിയാത്തവരുമായ എല്ലാവര്ക്കും സംവരണത്തിന്റെ ആനുകൂല്യം ലഭിക്കും. പഞ്ചായത്തില് 2.5 ഏക്കറില് അധികവും മുൻസിപ്പാലിറ്റിയില് 75 സെന്റിലധികവും കോര്പ്പറേഷനില് 50 സെന്റിലധികവും ഭൂമിയുള്ളവര് സംവരണത്തിന്റെ പരിധിയില് വരില്ല. മുൻസിപ്പല് പ്രദേശത്ത് 20 സെന്റില് അധികം വരുന്ന ഹൗസ് പ്ലോട്ട് ഉള്ളവരും കോര്പ്പറേഷന് പ്രദേശത്ത് 15 സെന്റിലധികം വരുന്ന ഹൗസ് പ്ലോട്ട് ഉള്ളവരും സംവരണത്തിന്റെ പരിധിയില് വരില്ല. സംസ്ഥാന സർവീസിലും സംസ്ഥാനത്തിന് ഭൂരിപക്ഷം ഓഹരിയുള്ള പൊതുമേഖല സ്ഥാപനങ്ങളിലും 10 ശതമാനം സംവരണം നല്കും. സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങളിലും (ന്യൂനപക്ഷ സ്ഥാപനങ്ങളൊഴികെ) 10…
Read MoreCategory: TVM
ഗവർണറുടെ ഭാഷ ഭീഷണിയുടേത്; ജനവികാരം മനസിലാക്കി ഗവർണർ രാജിവയ്ക്കണമെന്ന് കെ.മുരളീധരൻ
തിരുവനന്തപുരം: പൗരത്വ നിയമ ഭേദഗതി ബിൽ നടപ്പാക്കിയേ തീരൂവെന്നു വാശിപിടിക്കുന്ന ഗവർണർ ആരിഫ് മുഹമ്മദ് ഖാൻ കേരളത്തിലെ ജനങ്ങളുടെ വികാരം മനസിലാക്കി രാജിവയ്ക്കണമെന്നു കെ.മുരളീധരൻ എംപി. ഗവർണർ ഭീഷണിയുടെ ഭാഷയാണ് ഉപയോഗിക്കുന്നത്. പദവിക്കു ചേർന്ന രീതിയിലുള്ള പെരുമാറ്റമല്ല അദ്ദേഹത്തിൽ നിന്നും ഉണ്ടാകുന്നതെന്നും മുരളീധരൻ ആരോപിച്ചു. പൗരത്വ നിയമത്തിനെതിരെ പ്രതിപക്ഷ നേതാവ് സുപ്രീംകോടതിയെ സമീപിച്ചിട്ടുണ്ട്. കോടതി വിധി വരുന്നതുവരെ കാത്തിരിക്കാൻ ഗവർണർക്കു ബാധ്യതയുണ്ട്. നിരന്തരം പ്രകോപനം സൃഷ്ടിക്കുന്ന ഗവർണർക്കു നിലവിൽ ആ സ്ഥാനത്തു തുടരാൻ സാധിക്കാത്ത സാഹചര്യമാണുള്ളതെന്നും അതിനാൽ അദ്ദേഹം സ്വയം രാജിവയ്ക്കുന്നതാണു നല്ലതെന്നും കെ.മുരളീധരൻ പത്രസമ്മേളനത്തിൽ പറഞ്ഞു.
Read Moreപ്രമേയമെന്ന് കേട്ട് വടിയെടുത്തു; ബിജെപി എംഎൽഎയ്ക്ക് സഭയിൽ അമളിപറ്റി
തിരുവനന്തപുരം: പട്ടികജാതി പട്ടികവർഗ സംവരണം ദീർഘിപ്പിച്ച കേന്ദ്രതീരുമാനത്തെ അനുകൂലിക്കുന്ന പ്രമേയത്ത് എതിർത്ത് ബിജെപി എംഎൽഎ ഒര രാജഗോപാൽ. നിയമസഭയുടെ പ്രത്യേക സമ്മേളനത്തിലാണ് രാജഗോപാലിന് അബദ്ധം സംഭവിച്ചത്. സഭാ നടപടികളുടെ തുടക്കത്തിൽ തന്നെ എതിർപ്പുമായി ചാടിവീണതാണ് രാജഗോപാലിന് അബദ്ധം സംഭവിക്കാൻ ഇടയാക്കിയത്. സ്പീക്കര് പി. ശ്രീരാമകൃഷ്ണൻ സഭാ നടപടികൾ ആരംഭിച്ചപ്പോഴാണ് സംഭവം. മുഖ്യമന്ത്രിയെ പ്രമേയം അവതരിപ്പിക്കാൻ സ്പീക്കര് ക്ഷണിച്ചപ്പോൾ എതിര്പ്പുമായി രാജഗോപാൽ എഴുന്നേൽക്കുകയായിരുന്നു. പാര്ലമെന്റ് പാസാക്കിയിട്ടുള്ള നിയമം, ആ നിയമത്തിനെതിരായിട്ട് കേസ് സുപ്രീം കോടതിയുടെ പരിഗണനയിലിരിക്കുമ്പോൾ, ഈ വിഷയം ഇവിടെ ചര്ച്ച ചെയ്യുന്നത് നിയമവിരുദ്ധമാണ്. അതുകൊണ്ടിത് ഇവിടെ ചര്ച്ച ചെയ്യാൻ പാടില്ലെന്നതാണ് തന്റെ അഭിപ്രായമെന്ന് രാജഗോപാൽ പറഞ്ഞു. എന്നാൽ സ്പീക്കര് സ്റ്റാറ്റ്യൂട്ടറി പ്രമേയം അവതരിപ്പിക്കാനായിരുന്നു മുഖ്യമന്ത്രിയെ ക്ഷണിച്ചത്. ഇത് പട്ടികജാതി-പട്ടികവര്ഗ സംവരണം പത്ത് വര്ഷത്തേക്ക് നീട്ടിനൽകാനുള്ള പ്രമേയമായിരുന്നു. ഈ വിഷയത്തോട് രാജഗോപാൽ എംഎൽഎയ്ക്ക് എതിര്പ്പില്ലായിരുന്നു. ബിജെപി അംഗം തെറ്റിദ്ധരിച്ചതാവാമെന്ന്…
Read Moreനികുതിവെട്ടിപ്പ്; രണ്ടുവർഷം പിന്നിട്ട് സുരേഷ് ഗോപിക്കെതിരെ ക്രൈംബ്രാഞ്ച് കുറ്റപത്രം
തിരുവനന്തപുരം: പുതുച്ചേരി വാഹന രജിസ്ട്രേഷന് തട്ടിപ്പ് കേസില് നടനും എംപിയുമായ സുരേഷ് ഗോപിക്കെതിരെ ക്രൈംബ്രാഞ്ച് കുറ്റപത്രം സമർപ്പിച്ചു. നികുതി വെട്ടിപ്പ്, വ്യാജരേഖ ചമയ്ക്കല്, ആള്മാറാട്ടം തുടങ്ങിയ വകുപ്പുകളാണ് ചുമത്തിയിരിക്കുന്നത്. കുറ്റം തെളിഞ്ഞാൽ പരമാവധി ഏഴു വർഷംവരെ തടവ് ശിക്ഷ ലഭിക്കാം. രണ്ട് ഔഡി കാറുകള് വ്യാജ മേല്വിലാസത്തില് രജിസ്റ്റര് ചെയ്ത് നികുതി വെട്ടിച്ചെന്നാണ് കേസ്. 2010ലും 2017ലുമായി രണ്ട് ഔഡി കാറുകളാണ് സുരേഷ് ഗോപി പുതുച്ചേരിയിലെ വ്യാജവിലാസത്തില് രജിസ്റ്റര് ചെയ്തത്. രണ്ട് കാറുകളിലുമായി 25 ലക്ഷം രൂപയുടെ നികുതി വെട്ടിപ്പ് നടത്തിയതായി കണ്ടെത്തിയിരുന്നു. ഇതിന് ശേഷം ക്രൈംബ്രാഞ്ച് കേസെടുക്കുകയും സുരേഷ് ഗോപിയെ അറസ്റ്റ് ചെയ്ത് ജാമ്യത്തില് വിടുകയും ചെയ്തിരുന്നു. തുടര്ന്ന് രണ്ട് വര്ഷം നീണ്ട അന്വേഷണത്തിന് ശേഷമാണ് കുറ്റപത്രം സമര്പ്പിച്ചത്.
Read Moreസംസ്ഥാനത്ത് തടങ്കൽ പാളയങ്ങൾ ഉണ്ടാകില്ലെന്ന് മുഖ്യമന്ത്രി പിണറായി വിജയൻ
തിരുവനന്തപുരം: സംസ്ഥാനത്ത് തടങ്കൽപാളയങ്ങൾ ഉണ്ടാകില്ലെന്നു മുഖ്യമന്ത്രി പിണറായി വിജയൻ. പൗരത്വ നിയമ ഭേദഗതിക്കെതിരേ പ്രമേയം പാസാക്കുന്നതിനായി വിളിച്ചുചേര്ത്ത കേരള നിയമസഭയുടെ പ്രത്യേക സമ്മേളനത്തിൽ സംസാരിക്കുകയായിരുന്നു അദ്ദേഹം.പ്രമേയം മുഖ്യമന്ത്രി പിണറായി വിജയൻ അവതരിപ്പിച്ചു. രാജ്യത്ത് പട്ടികജാതി- പട്ടികവർഗങ്ങളിൽപ്പെട്ടവർക്ക് സംവരണം പത്തുവർഷത്തേക്ക് നീട്ടാനുള്ള പ്രമേയമാണ് മുഖ്യമന്ത്രി ആദ്യം അവതരിപ്പിച്ചത്. സാമൂഹ്യ സ്ഥിതിയിൽ ഏറെ മാറ്റങ്ങൾ വന്നിട്ടുണ്ടെങ്കിലും ജാതി വ്യവസ്ഥയുടെ ജീർണത പലതട്ടുകളിലും നിലനിൽക്കുന്നുണ്ട്. പിന്നോക്ക വിഭാഗങ്ങളിൽപ്പെട്ടവർക്ക് സാമൂഹ്യ-സാന്പത്തിക നീതി എല്ലാ തലങ്ങളിലും ഉറപ്പുവരുത്തണമെന്ന് മുഖ്യമന്ത്രി ആവശ്യപ്പെട്ടു. പൗരത്വ നിയമഭേദഗതി നിയമം മതവിവേചനത്തിന് ഇടയാക്കുന്നതാണ്. നിയമം ഭരണഘടനാ വിരുദ്ധമാണ്. നിയമം പ്രവാസികൾക്കിടയിലും ആശങ്ക ഉളവാക്കുന്നതാണ്. പൗരത്വ നിയമം മൗലികാവകാശത്തിന് എതിരാണ്. അതുകൊണ്ട് ഇതു റദ്ദാക്കണം. മതേരത്വത്തെ തകർക്കുന്ന ഒരു നിയമത്തേയും അനുകൂലിക്കാനാവില്ല. അതുകൊണ്ട് തന്നെ സംസ്ഥാനത്ത് തടങ്കൽപാളയങ്ങൾ ഉണ്ടാകില്ലെന്നും അതിനുള്ള ഒരു നടപടിയും സംസ്ഥാന സർക്കാരിന്റെ ഭാഗത്തു നിന്നും ഉണ്ടാകില്ലെന്നും മുഖ്യമന്ത്രി…
Read Moreകാണിക്കയിൽ നിന്ന് പണം മോഷ്ടിച്ചു: ദേവസ്വം അസിസ്റ്റന്റ് കമ്മീഷണർക്ക് സസ്പെൻഷൻ; ക്രമിനൽ കേസ് എടുക്കാൻ ആവശ്യപ്പെട്ട് ദേവസ്വം പ്രസിഡന്റ്
തിരുവനന്തപുരം: പമ്പയിൽ സ്പെഷൽ ഓഫീസറായിരുന്ന ജെ.വി.ബാബുവിനെ തിരുവതാംകൂർ ദേവസ്വം ബോർഡ് സസ്പെൻഡ് ചെയ്തു. കാണിക്കയിൽ നിന്ന് പണം അപഹരിച്ചുവെന്ന പരാതിയെ തുടർന്നാണ് ബോർഡിന്റെ നടപടി. പരാതി സംബന്ധിച്ച് വിശദമായി അന്വേഷണം നടത്താനും യോഗത്തിൽ ധാരണയായി. മണ്ഡലകാല ഉത്സവത്തിന്റെ ഭാഗമായി ഉള്ളൂർ ഗ്രൂപ്പിലെ അസിസ്റ്റന്റ് ദേവസ്വം കമ്മീഷണർ ജെ.വി.ബാബുവിനെ സ്പെഷ്യൽ ഓഫീസറായി പമ്പയിൽ നിയോഗിച്ചിരുന്നു. ഓപ്പൺ കാണിക്കയിൽ നിന്ന് പണം മോഷ്ടിച്ചുവെന്ന ആരോപണത്തെ തുടർന്ന് ബാബുവിനെ നിയമിച്ച ഉത്തരവ് പിന്നീട് ബോർഡ് റദ്ദാക്കിയിരുന്നു. ജെ.വി.ബാബുവിനെതിരെ ക്രിമിനൽ കേസ് രജിസ്റ്റർ ചെയ്ത് നിയമനടപടി സ്വീകരിക്കാൻ പത്തനംതിട്ട എസ്.പിയോട് ആവശ്യപ്പെടാൻ തീരുമാനിച്ചതായി ബോർഡ് പ്രസിഡന്റ് അഡ്വ.എൻ.വാസു അറിയിച്ചു.
Read Moreസമൂഹത്തിൽ ഇപ്പോഴും ജാതിവിവേചനം നിലനിൽക്കുന്നു; പട്ടികജാതി- വർഗ സംവരണത്തെ അനുകൂലിച്ച് കേരള നിയമസഭ
തിരുവനന്തപുരം: പട്ടികജാതി- വർഗ സംവരണം പത്തു വർഷത്തേക്കുകൂടി ദീർഘിപ്പിക്കുന്നതിനുള്ള പ്രമേയം കേരള നിയമസഭ ഏകകണ്ഠമായി അംഗീകരിച്ചു. പുതിയ കാലത്തും സമൂഹത്തിൽ ഇപ്പോഴും ജാതിവിവേചനം ശക്തമായി നിൽക്കുന്നതായി മുഖ്യമന്ത്രി പ്രമേയത്തിൽ പറഞ്ഞു. പ്രമേയത്തെ ഭരണ-പ്രതിപക്ഷം ഒരുപോലെ അനുകൂലിച്ചു. ഭരണഘടനയുടെ 368-ാം അനുച്ഛേദ പ്രകാരമാണ് പ്രമേയം അവതരിപ്പിച്ചത്.ആഗ്ലോ ഇന്ത്യന് പ്രാതിനിധ്യം ഇല്ലാതാക്കിയ കേന്ദ്ര സർക്കാർ തീരുമാനത്തിനെതിരെയും നിയമസഭ പ്രമേയം പാസാക്കി. മുഖ്യമന്ത്രിയാണ് പ്രമേയം അവതരിപ്പിച്ചത്. ആംഗ്ലോ ഇന്ത്യൻ ന്യൂനപക്ഷങ്ങൾക്കുനേരെയുള്ള കടന്നാക്രമണമാണ് കേന്ദ്രസർക്കാർ നടത്തിയതെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. ഇന്ത്യൻ സാമൂഹത്തിൽ വലിയതോതിൽ സംഭാവന ചെയ്ത സമൂഹമാണ് ആഗ്ലോ ഇന്ത്യൻ വിഭാഗം. പാർലമെന്റിനെ തെറ്റിദ്ധരിപ്പിച്ചാണ് ആഗ്ലോ ഇന്ത്യൻ പ്രാതിനിധ്യം ബിജെപി സർക്കാർ അവസാനിപ്പിച്ചത്. ലക്ഷക്കണക്കിന് ആഗ്ലോ ഇന്ത്യക്കാർ രാജ്യത്തുണ്ടെന്നിരിക്കെ തെറ്റായ കണക്കാണ് ബിജെപി സർക്കാർ അവതരിപ്പിച്ചതെന്നും രമേശ് ചെന്നിത്തല പറഞ്ഞു.
Read Moreഗവർണർ രാഷ്ട്രീയ അഭിപ്രായ പ്രകടനം നടത്തിയാൽ ഇനിയും വിമർശിക്കും; ഗവർണർക്കെതിരേ എ. വിജയരാഘവൻ
തിരുവനന്തപുരം: ഗവർണർ ആരിഫ് മുഹമ്മദ് ഖാനെതിരേ വിമർശനവുമായി എൽഡിഎഫ് കണ്വീനർ എ. വിജയരാഘവൻ. രാഷ്ട്രീയ വിഷയങ്ങൾ പറയാനുള്ള സ്ഥലമല്ല രാജ്ഭവൻ. ആരിഫ് മുഹമ്മദ് ഖാൻ ഗവർണർ പദവി ദുരുപയോഗം ചെയ്യുകയാണെന്നും വിജയരാഘവൻ ആരോപിച്ചു. ഗവർണർ രാഷ്ട്രീയ അഭിപ്രായ പ്രകടനം നടത്തിയാൽ ഇനിയും വിമർശിക്കും. കണ്ണൂരിൽ ഗവർണർക്ക് സുരക്ഷാ വീഴ്ച ഉണ്ടായിട്ടില്ലെന്നും വിജയരാഘവൻ പറഞ്ഞു. നേരത്തേ, ഗവർണർക്കെതിരേ രൂക്ഷ വിമർശനവുമായി ടി.എൻ. പ്രതാപൻ എംപിയും രംഗത്തെത്തിയിരുന്നു.
Read Moreകൃഷ്ണന്റെ കൊലപാതകം: മൃതദേഹ അവശിഷ്ടങ്ങൾ കണ്ടെത്തി; ഫോറൻസിക് വിഭാഗം തമിഴ്നാട്ടിൽ പരിശോധന നടത്തി
പാറശാല: അറയ്യൂരിലെ കൃഷ്ണന്റെ കൊലപാതകവുമായി ബന്ധപ്പെട്ട് ഫോറൻസിക് അധികൃതർ തമിഴ്നാട്ടിലെ അരുമനയിലെ പുണ്യത്തെ ശ്മശാനത്തിൽ പരിശോധന നടത്തി. കൃഷ്ണന്റെതെന്ന് സംശയിക്കുന്ന മൃതദേഹ അവശിഷങ്ങൾ കുഴിച്ചെടുത്തു. ഇന്നലെ രാവിലെ 11 നാണ് കൃഷ്ണന്റെ മൃതദേഹം സംസ്കരിച്ച സ്ഥലത്ത് പാറശാല പോലീസും ഫോറൻസിക് വിദഗ്ധരും പരിശോധന നടത്തിയത്. ജെസിബി ഉപയോഗിച്ചുള്ള പരിശോധനയിൽ രണ്ട് മൃതദേഹങ്ങളുടെ അവശിഷ്ടങ്ങൾ കുഴിച്ചെടുത്തു. അതിൽ ഒന്ന് കൊല്ലപ്പെട്ടകൃഷ്ണന്റെതാണെന്ന് നിഗമനത്തിലാണ് ബന്ധുക്കൾ. വിശദമായി ഡി എൻഎ ടെസറ്റ് നടത്തുമെന്ന് അന്വഷണ ഉദ്യോഗസ്ഥർ പറഞ്ഞു. കൃഷ്ണന്റെ മകൻ ഷാജി പത്ത് വർഷങ്ങൾക്ക് മുമ്പാണ് കൊലപാതകം ആസൂത്രണം ചെയ്തതെന്ന് പോലീസ് പറഞ്ഞു. പിതാവിന്റെ കോടിക്കണക്കിന് രൂപയുടെ സ്വത്ത് തട്ടിയെടുക്കാനാണ് കൊല നടത്തിയത്. കൊലപാതകവുമായി ബന്ധപ്പെട്ട് മകൻ ഷാജിയെ നേരത്തെ തന്നെ പോലീസ് അറസ്റ്റ് ചെയ്തിരുന്നു. മറ്റൊരു പ്രതിയുമായി ചേർന്ന് പിതാവിനെ വാഹനത്തിലിട്ട് ശ്വാസം മുട്ടിച്ച്കൊലപ്പെടുത്തിയ ശേഷം അരുമനയിലെ റോഡ് വക്കിൽ…
Read Moreആഡംബരത്തിന്റെയും ധൂർത്തിന്റെയും പര്യായമാണ് കേരള മഹാസഭയെന്ന് രമേശ് ചെന്നിത്തല
തിരുവനന്തപുരം: സംസ്ഥാന സർക്കാരിന്റെ നേതൃത്വത്തിൽ നടക്കുന്ന കേരള മഹാസഭയ്ക്കെതിരേ വിമർശനവുമായി പ്രതിപക്ഷ നേതാവ് രമേശ് ചെന്നിത്തല രംഗത്ത്. ആഡംബരത്തിന്റെയും ധൂർത്തിന്റെയും പര്യായമായി കേരള മഹാസഭ മാറിയെന്നും ഇത് താൻ നേരത്തെ മുന്നറിയിപ്പ് നൽകിയിരുന്നതാണെന്നും അദ്ദേഹം പറഞ്ഞു. തിരുവനന്ത പുരത്ത് വാർത്താ സമ്മേളനത്തിൽ സംസാരിക്കുകയായിരുന്നു ചെന്നിത്തല. പ്രവാസികൾക്ക് മഹാസഭ കൊണ്ട് ഒരു ഗുണവുമുണ്ടായില്ല. കേരളത്തിലെത്തി വ്യവസായം തുടങ്ങാൻ ശ്രമിക്കുന്ന പ്രവാസികൾ സർക്കാർ ആത്മഹത്യയിലേക്ക് തള്ളിവിടുകയാണ്. സർക്കാർ പിടിപ്പുകേടുകൊണ്ട് ആത്മഹത്യ ചെയ്ത പ്രവാസികളുടെ കുടുംബത്തിന് ഇതുവരെ നീതി കിട്ടിയിട്ടില്ല. പിന്നെന്തിനാണ് കേരള മഹാസഭ ചേരുന്നതെന്നും യുഡിഎഫ് മഹാസഭ ബഹിഷ്കരിക്കുമെന്നും രമേശ് ചെന്നിത്തല വ്യക്തമാക്കി.
Read More