തിരുവനന്തപുരം: ഇപ്പോഴുള്ള സർക്കാർ ഉദ്യോഗസ്ഥരുടെ ശന്പളം കുറയ്ക്കുകയും പെൻഷൻ 25000 രൂപയായി നിജപ്പെടുത്തണമെന്നും പി.സി ജോർജ് എംഎൽഎ. ഇക്കാര്യം ആവശ്യപ്പെട്ട് മുഖ്യമന്ത്രി പിണറായി വിജയനു നിവേദനം നല്കി. സംസ്ഥാന വരുമാനത്തിന്റെ 80 ശതമാനവും 10 ലക്ഷത്തോളം വരുന്ന സർക്കാർ ഉദ്യോഗസ്ഥർക്കായി ചെലവഴിക്കുന്നു. ആകെയുള്ള റവന്യു വരുമാനത്തിന്റെ 24ശതമാനവും പെൻഷൻ നല്കാൻ വേണ്ടി മാറ്റി വെയ്ക്കേണ്ട സ്ഥിതിയാണ്. വിവിധ സ്ഥലങ്ങളിൽ നിന്നും വാങ്ങിയ പണത്തിന്റെ പലിശയായി റവന്യു വരുമാനത്തിൻറെ 18 ശതമാനവും നല്കുന്നു. ബാക്കി പണത്തിന്റെ 42 ശതമാനവും ഉദ്യോഗസ്ഥൻമാർക്ക് ശന്പളമായി നല്കേണ്ട സ്ഥിതിയാണെന്നും പി.സി. ജോർജ് നിവേദനത്തിൽ ചൂണ്ടിക്കാട്ടുന്നു. സംസ്ഥാന വരുമാനത്തിന്റെ 15 ശതമാനം മാത്രമാണ് വികസന പ്രവർത്തനങ്ങൾക്കും റേഷൻ ഉൾപ്പെടെയുള്ളവയ്ക്കുമൊക്കെയായി ചെലവഴിക്കാൻ ലഭിക്കുന്നത്. കർഷകരും കർഷകത്തൊഴിലാളികളും ഉൾപ്പെടെയുള്ള 3.5 കോടി ജനങ്ങൾ ഇപ്പോൾ ആത്മഹത്യയുടെ വക്കിലാണ്. ഇത്തരമൊരു സാഹചര്യത്തിലാണ് 10 ലക്ഷത്തോളം വരുന്ന സർക്കാർ ജീവനക്കാർക്കായി…
Read MoreCategory: TVM
ഡയസിൽ കയറി പ്രതിഷേധം; സ്പീക്കർ കഴിഞ്ഞകാല നടപടികൾ മറക്കരുത്; വിമർശനവുമായി ചെന്നിത്തല
തിരുവനന്തപുരം: ഡയസിൽ കയറി പ്രതിഷേധം നടത്തിയ എംഎൽഎമാരെ സ്പീക്കർ ശാസിച്ച നടപടിയിൽ വിമർശനവുമായി പ്രതിപക്ഷ നേതാവ് രമേശ് ചെന്നിത്തല. കക്ഷി നേതാക്കളോട് ആലോചിക്കാതെയാണ് സ്പീക്കർ പി. ശ്രീരാമകൃഷ്ണന്റെ നടപടി. സഭയ്ക്ക് നൽകിയ ഉറപ്പുകൾ അദ്ദേഹം ലംഘിച്ചു. സ്പീക്കർ കഴിഞ്ഞകാല നടപടികൾ മറക്കരുതെന്നും ചെന്നിത്തല വിമർശിച്ചു. ബിജെപി അംഗം ഒ. രാജഗോപാൽ പറഞ്ഞതനുസരിച്ചാണോ സ്പീക്കറുടെ നടപടിയെന്ന് വ്യക്തമാക്കണം. കക്ഷി നേതാക്കളുടെ യോഗത്തിൽ രാജഗോപാൽ മാത്രമാണ് എംഎൽഎമാർക്കെതിരേ നടപടി ആവശ്യപ്പെട്ടതെന്നും ചെന്നിത്തല പറഞ്ഞു. എംഎൽഎയ്ക്ക് മർദനമേറ്റ സംഭവം സഭയിൽ ചൂണ്ടിക്കാട്ടാൻ പ്രതിപക്ഷം ബാദ്ധ്യസ്ഥരാണെന്നും ചെന്നിത്തല വ്യക്തമാക്കി.
Read Moreമദ്യപിക്കാൻ ഇടം നൽകിയില്ല; മദ്യപസംഘത്തിന്റെ ആക്രമണത്തില് സെക്യൂരിറ്റി ജീവനക്കാരന് പരിക്കേറ്റു
തിരുവനന്തപുരം: മദ്യപിക്കാന് അവസരം നല്കാത്തതിന് മൂന്നംഗ സംഘം സെക്യൂരിറ്റി ജീവനക്കാരനെ മദ്യക്കുപ്പി കൊണ്ട് തലയ്ക്കടിച്ചു.നെല്ലിമൂട് സഹകരണ ബാങ്കിലെ സെക്യൂരിറ്റി ജീവനക്കാരന് മുള്ളുവിള കുരുവികാല പുത്തന്വീട്ടില് അനില് (44 )ആണ് പരിക്കേറ്റത്. ഗുരുതരമായി പരിക്കേറ്റ അനില് നെയ്യാറ്റിന്കര ജനറല് ആശുപത്രിയില് ചികിത്സയിലാണ്. കഴിഞ്ഞ ദിവസം രാത്രി 11 ന് ബൈക്കിലും കാറിലുമായി എത്തിയ സംഘം ബാങ്കില് ഇരുന്ന് മദ്യപിക്കാന് ശ്രമിച്ചതാണ് ആക്രമണത്തിനു കാരണമെന്ന് അനിൽ പറയുന്നു.മര്ദനമേറ്റ അനില് രക്ഷയ്ക്കായി ഫോണില് ബന്ധപ്പെടാന് ശ്രമിച്ചപ്പോള് സംഘം ഫോൺ തട്ടിപ്പറിച്ചതായും പരാതിയിൽ പറയുന്നു. ബോധരഹിതനായ സെക്യൂരിറ്റി ജീവനക്കാരനെ നാട്ടുകാര് ചേര്ന്നാണ് ആശുപത്രിയില് എത്തിച്ചത്. സംഭവത്തില് നെയ്യാറ്റിന്കര പോലീസ് അന്വേഷണം ആരംഭിച്ചു. ആക്രമണത്തിന് നേതൃത്വംനല്കിയ രണ്ടുപേരെ പോലീസ് കസ്റ്റഡിയിലെടുത്തതായും സൂചനയുണ്ട് . ഫോറന്സിക് സംഘം ഉള്പ്പെടെ സ്ഥലത്തെത്തി മേല്നടപടികള് സ്വീകരിച്ചു .
Read Moreമോദിയുടെ നയം ഇത്രയും വിശ്വസ്തതയോടെ നടപ്പാക്കുന്ന മറ്റൊരു മുഖ്യമന്ത്രിയില്ല; സിപിഎമ്മും സർക്കാരും നടപ്പാക്കുന്നത് ആർഎസ്എസിന്റെ അജൻഡയെന്ന് മുല്ലപ്പള്ളി
തിരുവനന്തപുരം: സംസ്ഥാനത്ത് ഇസ്ലാമിക തീവ്രവാദമുണ്ടെന്ന ആർഎസ്എസിന്റെ വായ്ത്താരി ഏറ്റുപിടിച്ച സിപിഎം, കേരളത്തിൽ ബിജെപിയുടെ അജൻഡ നടപ്പാക്കുകയാണെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ. സിപിഎം കോഴിക്കോട് ജില്ലാ സെക്രട്ടറി പി. മോഹനന്റെ പരാമർശത്തെ ആർഎസ്എസ്, ബിജെപി നേതാക്കൾ സ്വാഗതം ചെയ്തുവെന്നും അദ്ദേഹം പറഞ്ഞു. മുഖ്യമന്ത്രി സിപിഎമ്മിന്റെയല്ല, മറിച്ച് മോദിയുടെ നയങ്ങൾ നടപ്പാക്കുന്നതിൽ വ്യാപൃതനാണ്. ഇന്ത്യയിൽ മോദിയുടെ നയം ഇത്രയും വിശ്വസ്തതയോടെ നടപ്പാക്കുന്ന മറ്റൊരു മുഖ്യമന്ത്രിയില്ല. ഏഴു മാവോയിസ്റ്റുകളെയാണ് വ്യാജ ഏറ്റുമുട്ടലിലൂടെ കേരള പോലീസ് കൊന്നതെന്നും മുല്ലപ്പള്ളി കൂട്ടിച്ചേർത്തു.
Read Moreലാത്തിചാർജിൽ നിയമസഭയിൽ ഇന്നും പ്രതിപക്ഷ പ്രതിഷേധം; സഭാ മര്യാദയുടെ ലംഘനമെന്ന് സ്പീക്കര്
തിരുവനന്തപുരം: ഷാഫി പറന്പിൽ എംഎൽഎയ്ക്കും കെഎസ്യു നേതാക്കൾക്കും നേരെയുണ്ടായ ലാത്തിച്ചാർജിനെതിരേ നിയമസഭയില് പ്രതിപക്ഷ പ്രതിഷേധം തുടരുന്നു. സഭയുടെ അവസാന ദിവസമായ ഇന്ന് പ്രതിപക്ഷം ചോദ്യോത്തരവേള ബഹിഷ്കരിച്ചു. പ്ലക്കാർഡുകളും ബാനറുകളുമായാണ് പ്രതിപക്ഷ അംഗങ്ങൾ സഭയിൽ രാവിലെ എത്തിയത്. എംഎൽഎയെ മർദിച്ചതിൽ മുഖ്യമന്ത്രി പിണറായി വിജയൻ വിശദീകരണം നൽകണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. ലാത്തിച്ചാർജിൽ പ്രതിഷേധിച്ച പ്രതിപക്ഷാംഗങ്ങൾ കഴിഞ്ഞ ദിവസം നിയമസഭയിൽ സ്പീക്കറുടെ ഡയസിൽ കയറി മുദ്രാവാക്യം മുഴക്കിയിരുന്നു. സഭാ മര്യാദയുടെ ലംഘനമാണിതെന്ന് സ്പീക്കര് വ്യക്തമാക്കി. ഇവര്ക്കെതിരെ നടപടിയുണ്ടാകുമോയെന്ന് ഇന്നറിയാം.
Read Moreപോലീസ് മർദനത്തെക്കുറിച്ച് അന്വേഷിക്കും; കെഎസ്യു പ്രവർത്തകർ പോലീസിനെ ആക്രമിച്ചെന്ന് മന്ത്രി ഇ.പി. ജയരാജൻ
തിരുവനന്തപുരം: ഷാഫി പറന്പിൽ എംഎൽഎയ്ക്കെതിരെ ഇന്നലെ ഉണ്ടായ പോലീസ് മർദ്ദനത്തെക്കുറിച്ച് അന്വേഷിക്കുമെന്ന് മന്ത്രി ഇ.പി.ജയരാജൻ നിയമസഭയെ അറിയിച്ചു. ആഭ്യന്തര അഡീഷണൽ ചീഫ് സെക്രട്ടറിയോട് പോലീസ് നടപടിയെക്കുറിച്ച് അന്വേഷണം നടത്താൻ നിർദേശം നൽകിയെന്നും മന്ത്രി പറഞ്ഞു. നിയമസഭാ മാർച്ചിനിടെ ഷാഫിക്ക് മർദ്ദനമേറ്റ സംഭവം ദൗർഭാഗ്യകരമായിപ്പോയി. കെ.എസ് യു പ്രവർത്തകർ പോലീസിനെ ആക്രമിച്ചു. നിയമപ്രകാരമുള്ള മുന്നറിയിപ്പ് പ്രവർത്തകർ അവഗണിച്ചു. ഷാഫി പറന്പിൽ ആശുപത്രിയിൽ പോകാൻ തയാറായില്ലെന്നും പോലീസ് ആംബുലൻസിൽ നിന്നും ഷാഫി ഇറങ്ങിപ്പോയെന്നും മന്ത്രി വ്യക്തമാക്കി. പ്രതിപക്ഷത്ത് നിന്നും വി.ടി. ബൽറാം നൽകിയ അടിയന്തര പ്രമേയ നോട്ടീസിന് മറുപടിയായാണ് അദ്ദേഹം ഇക്കാര്യങ്ങൾ വ്യക്തമാക്കിയത്. മുഖ്യമന്ത്രി സ്ഥലത്തില്ലാത്തതിനാൽ അദ്ദേഹത്തിന് വേണ്ടിയാണ് ഇ.പി. ജയരാജൻ കാര്യങ്ങൾ സഭയിൽ വിശദീകരിച്ചത്. സഭ നിർത്തി വച്ച് വിഷയം ചർച്ച ചെയ്യേണ്ട കാര്യമില്ലെന്നും മന്ത്രി വ്യക്തമാക്കി.
Read Moreമോദിക്കും പിണറായിക്കും ഒരേ പോലീസ് നയം; നിയമസഭയിൽ ആഞ്ഞടിച്ച് ബൽറാം
തിരുവനന്തപുരം: പിണറായിയുടെ പോലീസും മോദിയുടെ പോലീസും ഒരുപോലെയാണെന്നു വി.ടി. ബൽറാം എംഎൽഎ. ഷാഫി പറന്പിൽ എംഎൽഎയെ പോലീസ് മർദിച്ച വിഷയത്തിൽ നിയമസഭയിൽ അടിയന്തര പ്രമേയത്തിനു നോട്ടീസ് നൽകവെയാണ് ബൽറാം ഇത്തരത്തിൽ തുറന്നടിച്ചത്. കെഎസ് യു പ്രവർത്തകരുടെ സമരത്തിന് അഭിവാദ്യം അർപ്പിക്കാനാണ് ഷാഫി പറന്പിൽ പോയത്. അറസ്റ്റ് വരിച്ച പ്രവർത്തകരെ കൊണ്ടുപോയ പോലീസ് വാഹനത്തിനു മുന്നിൽ പ്രതിഷേധിച്ചതിന്റെ പേരിൽ പോലീസ് ആക്രമണം അഴിച്ചുവിടുകയായിരുന്നു. നരേന്ദ്ര മോദിയുടെയും അമിത് ഷായുടെയും പോലീസ് നയമാണ് പിണറായിയുടെ പോലീസ് നടപ്പാക്കുന്നത്. അതിക്രൂരമായ മർദനമാണ് നടന്നത്. പോലീസ് ഭാഷ്യമാണ് മന്ത്രി പറയുന്നതെന്നും വി.ടി. ബൽറാം എംഎൽഎ തുറന്നടിച്ചു. ഡാർവിന്റെ പരിണാമ സിദ്ധാന്തമൊന്നും കേരളത്തിലെ പോലീസിനു ബാധകമല്ല. കേരളത്തിലെ പോലീസ് കുരങ്ങൻമാരുടെ പോലീസായി മാറി. വാളയാർ വിഷയത്തിൽ കഐസ് യു ആദ്യമായല്ല സമരം നടത്തുന്നത്. പിഎസ് സി, യൂണിവേഴ്സിറ്റി മാർക്ക് തട്ടിപ്പ് വിഷയങ്ങളിലും സമരം നടത്തി.…
Read Moreഷാഫിയുടെ ചോരപുരണ്ട വസ്ത്രം ഉയർത്തിക്കാട്ടി സഭയിൽ പ്രതിപക്ഷ പ്രതിഷേധം
തിരുവനന്തപുരം: കെഎസ് യു പ്രവർത്തകർക്കും ഷാഫി പറന്പിൽ എംഎൽഎയ്ക്കുമെതിരായ പോലീസ് നടപടിയിൽ നിയമസഭയിൽ പ്രതിഷേധം. ബുധനാഴ്ച സഭ ചേർന്നപ്പോഴാണു പ്രതിപക്ഷം വിഷയം ഉന്നയിച്ചത്. ഷാഫിയുടെ രക്തംപുരണ്ട വസ്ത്രം സഭയിൽ ഉയർത്തിക്കാട്ടി. ചോദ്യോത്തരവേള നിർത്തി വർച്ച് വിഷയം ചർച്ച ചെയ്യണമെന്ന് പ്രതിപക്ഷ നേതാവ് ചെന്നിത്തല ആവശ്യപ്പെട്ടു. എന്നാൽ ചോദ്യോത്തര വേള നിർത്തിവയ്ക്കാനാവില്ലെന്നും ഇതേവിഷയത്തിൽ ലഭിച്ച അടിയന്തര പ്രമേയ നോട്ടീസ് പരിഗണിക്കാമെന്നും സ്പീക്കർ മറുപടി നൽകി. ഇതോടെ പ്ലക്കാർഡും ബാനറുമായി പ്രതിപക്ഷ അംഗങ്ങൾ മുദ്രാവാക്യം മുഴക്കി. കേരള സർവകലാശാല മാർക്ക് ദാനത്തിനെതിരെ കെഎസ് യു നിയമസഭയിലേക്ക് നടത്തിയ മാർച്ചിലുണ്ടായ സംഘർഷത്തിലാണു ഷാഫി പറന്പിൽ എംഎൽഎ, സംസ്ഥാന പ്രസിഡന്റ് കെ.എം. അഭിജിത്ത് ഉൾപ്പടെയുള്ളവർക്കു പരിക്കേറ്റത്.
Read Moreഅഞ്ച് സെന്റിൽ 38 പശുക്കൾ; തിരുവനന്തപുരത്തെ ഗോശാല അടച്ചുപൂട്ടാൻ ഉത്തരവ്
കൊച്ചി: തിരുവനന്തപുരത്തു ശ്രീ പദ്മനാഭസ്വാമി ക്ഷേത്രത്തിനു സമീപത്തു സ്വകാര്യ ട്രസ്റ്റിനു കീഴിലുള്ള ഗോശാലയ്ക്കെതിരേ നിയമപ്രകാരം നടപടിയെടുക്കാൻ ഹൈക്കോടതി നഗരസഭാ സെക്രട്ടറിക്ക് നിർദേശം നൽകി. ശ്രീ പദ്മനാഭസ്വാമി ഗോശാല ട്രസ്റ്റ് എന്ന പേരിൽ പദ്മനാഭസ്വാമി ക്ഷേത്രത്തിനു സമീപം പ്രവർത്തിക്കുന്ന ഗോശാലയ്ക്കെതിരേ ക്ഷേത്രം ട്രസ്റ്റ് നൽകിയ ഹർജിയിലാണു സിംഗിൾബെഞ്ച് വിധി. ഗോശാലയുടെ നടത്തിപ്പുകാർക്കു പറയാനുള്ളതു കേട്ട് രണ്ടാഴ്ചയ്ക്കുള്ളിൽ നടപടിയെടുക്കാനും വിധിയിൽ പറയുന്നു. മതിയായ അനുമതിയില്ലാതെയാണു ഗോശാല പ്രവർത്തിക്കുന്നതെന്നും അഞ്ച് സെന്റിൽ കിടാവുകൾ ഉൾപ്പെടെ 38 പശുക്കൾ ഉണ്ടെന്നും ഹർജിയിൽ പറഞ്ഞിരുന്നു. വൃത്തിഹീനമായ സാഹചര്യത്തിലാണ് ഇവിടെ പശുക്കളെ സംരക്ഷിക്കുന്നത്. ഇതു സമീപവാസികൾക്കും ബുദ്ധിമുട്ടുണ്ടാക്കുന്നുണ്ടെന്നും ഹർജിയിൽ ചൂണ്ടിക്കാട്ടി.
Read Moreപൊട്ടിയിരുന്നെങ്കിൽ എല്ലാം തകർന്നേനെ; സിപിഎം നേതാവിന്റെ വീടിനു മുന്നിൽ ബോംബ് കണ്ടെത്തിയ സംഭവം; അന്വേഷണം ഊർജിതമാക്കി പോലീസ്
വിഴിഞ്ഞം: സിപിഎം നേതാവിന്റെ വീടിന് മുന്നിൽ കണ്ടെത്തിയ നാടൻ ബോംബുകൾ ബോംബു സ്ക്വാഡ് നിർവീര്യമാക്കി. ഞായറാഴ്ച രാവിലെയാണ് പൂങ്കുളം കല്ലടിച്ചാൻ മൂല പാലാഴിയിൽ സന്തോഷിന്റെ വീട്ടുവരാന്തയിൽ ബോംബുകൾ കണ്ടെത്തിയത്. ഇന്നലെ രാവിലെ എട്ടരയോടെ സ്ക്വാഡ് എഎസ്ഐ രാജിന്റെ നേതൃത്വത്തിൽ എത്തിയ വിദഗ്ദസംഘം ബോംബുകൾ ഓരോ ഭാഗങ്ങളായിപൊളിച്ചുമാറ്റിയാണ് നിർവീര്യമാക്കിയത്. ഉഗ്രസ്ഫോടനശേഷിയുള്ളബോംബുകൾ പൊട്ടിയിരുന്നെങ്കിൽ വൻ അപകടമുണ്ടാകുമായിരുന്നതായി സംഘം വിലയിരുത്തി. സുരക്ഷിത സ്ഥാനത്തേക്ക് മാറ്റിയ സ്ഫോടകവസ്തുക്കൾ കൂടുതൽ പരിശോധനക്കായി ഫോറൻസിക് ലാബിലേക്ക് അയക്കും .കോവളം സിഐ അനിൽകുമാർ, എസ്ഐഅനീഷ് കുമാർ എന്നിവരുടെ നേതൃത്വത്തിലാണ് അന്വേഷണം. സന്തോഷിന്റെ വീടിന് സമീപത്തുള്ള നിരവധി സിസിടിവികൾ ഇന്നലെപരിശോധിച്ചെങ്കിലും കാര്യമായ തെളിവുകൾ പോലീസിന് ലഭിച്ചില്ല. അയൽവാസികൾ കണ്ടെന്ന് പറയുന്ന സമയം റോഡിലൂടെ രണ്ട് ബൈക്കുകൾ പോകുന്നതായി തെളിയുന്നെങ്കിലും ഇവയെ തിരിച്ചറിയാൻ കഴിഞ്ഞിട്ടില്ല. സമീപത്തെ വീടുകളിൽ ഇരുട്ടിൽ തെളിയുന്ന കാമറകൾ ഇല്ലാത്തതും അന്വേഷണത്തിന് തടസമായതായി അധികൃതർ പറയുന്നു. കൂടാതെ…
Read More