തിരുവനന്തപുരം: തൃപ്തി ദേശായി ശബരിമലയിൽ ദർശനത്തിന് എത്തുമെന്ന കാര്യം ദേവസ്വം ബോർഡിനെ അറിയിച്ചിരുന്നില്ലെന്ന് ദേവസ്വം ബോർഡ് പ്രസിഡന്റ് എൻ.വാസു. തൃപ്തി ദേശായിയെ തിരിച്ചയക്കാൻ ആവശ്യപ്പെട്ടിട്ടില്ല. പുതിയ സുപ്രീംകോടതി വിധിയിൽ അവ്യക്തത ഉണ്ട്. അതിനാൽ ശബരിമല യുവതി പ്രവേശന വിഷയത്തിൽ ദേവസ്വം ബോർഡ് നിലപാട് സ്വീകരിച്ചിട്ടില്ല. ഈ കാര്യത്തിൽ സർക്കാർ നിലപാട് വ്യക്തമാക്കേണ്ടതുണ്ടെന്നും എൻ.വാസു പറഞ്ഞു. ക്രമസമാധാന പ്രശ്നം ഉണ്ടായാൽ നേരിടേണ്ടത് പോലീസാണെന്നും വാസു പറഞ്ഞു. ശബരിമലയിൽ തീർഥാടനം സമാധാനപരമായാണ് നടക്കുന്നത്. അവിടെ ശാന്തമായ അന്തരീക്ഷം നില നിൽക്കണമെന്നും അദ്ദേഹം വ്യക്തമാക്കി. യുവതി പ്രവേശനം അനുവദിക്കുമോ എന്ന ചോദ്യത്തിന് വ്യക്തമായ മറുപടി പറയാതെ അദ്ദേഹം ഒഴിഞ്ഞു മാറി. ഒരു ചാനലിനു നൽകിയ അഭിമുഖത്തിലാണ് എൻ.വാസു ഇക്കാര്യം വ്യക്തമാക്കിയത്.
Read MoreCategory: TVM
മലയാളമില്ലെങ്കിൽ കേരള പിഎസ്സി എന്തിനെന്ന് അടൂർ ഗോപാലകൃഷ്ണൻ
തിരുവനന്തപുരം: മലയാളമില്ലെങ്കിൽ കേരള പിഎസ്സി എന്തിനെന്ന് അടൂർ ഗോപാലകൃഷ്ണൻ. കെഎഎസ് ഉൾപ്പെടെ പിഎസ്സി ചോദ്യപേപ്പർ മലയാളത്തിൽകൂടി നൽകണമെന്നാവശ്യപ്പെട്ടഉ പട്ടം പിഎസ്സി ആസ്ഥാനത്തിനു മുന്നിൽ സംയുക്ത സമര സമിതിയുടെ ആഭിമുഖ്യത്തിൽ നടത്തിയ വിളക്കേന്തി സമരം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ധർണ വൈകുന്നേരം സമാപിച്ചു. വി.എൻ. മുരളി അധ്യക്ഷതവഹിച്ചു
Read Moreപെൺകുട്ടികളെ ക്ലാസ് ഉണ്ടെന്നു പറഞ്ഞ് കോളജിൽ വിളിച്ചു വരുത്തി അശ്ലീല സംഭഷണം; കോളേജ് അധ്യാപകന് കുടുങ്ങി
ശ്രീകാര്യം : വിദ്യാർഥിനികളോട് മോശമായി പെരുമാറിയ ട്യൂട്ടോറിയൽ കോളജ് അധ്യാപകനെ തുമ്പ പോലീസ് അറസ്റ്റു ചെയ്തു. മൺവിള പാങ്ങപ്പാറ പാണൻവിള സ്വദേശി ടി.ആർ.അനിൽകുമാർ (48 ) ആണ് അറസ്റ്റിലായത്. കുളത്തൂർ ജഗ്ഷന് സമീപത്തെ സ്വകാര്യ ടൂട്ടോറിയൽ കോളജിലെ അധ്യാപകനാണ് അനിൽകുമാർ. ചൈൽഡ് ലൈനിൽ നൽകിയ പരാതിയെ തുടർന്നാണ് നടപടി. പെൺകുട്ടികളെ ക്ലാസ് ഉണ്ടെന്നു പറഞ്ഞ് കോളജിൽ വിളിച്ചു വരുത്തി അശ്ലീലമായി സംസാരിച്ചുവെന്നാണ് പരാതികളിൽ പറയുന്നത്. സർക്കാർ ജീവനക്കാരനായ അനിൽകുമാറിനെതിരെ പോക്സോ നിയമ പ്രകാരം കേസെടുത്തിട്ടുണ്ട്. തുമ്പ സിഐ ചന്ദ്രകുമാറിന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റുചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Read Moreഏകപെങ്ങളുടെ കല്യാണത്തിന് കാത്തു നിൽക്കാതെ അനസ് യാത്രയായി; കണ്ണീരോടെ നാട്ടുകാരും സഹപ്രവര്ത്തകരും
വെഞ്ഞാറമൂട് : മുഹമ്മദ് അനസിന് കണ്ണീരിൽ കുതിർന്ന യാത്രാമൊഴി. ഏകപെങ്ങളുടെ കല്യാണത്തിന് കാത്തു നിൽക്കാതെയാണ് അനസ് മരണത്തിന് കീഴടങ്ങിയത്. വെള്ളിയാഴ്ച ബൈക്കും ടിപ്പർ ലോറിയും കൂട്ടിയിടിച്ചാണ് വെഞ്ഞാറമൂട് പുല്ലമ്പാറ കലുങ്കിന്മുഖം ചാവറോഡ് വീട്ടില് ബദറുദീന് ഉമൈറത്ത് ബീവി ദമ്പതികളുടെ മകൻ മുഹമ്മദ് അനസ് (20) മരിച്ചത്. മുഹമ്മദ് അനസിന്റെ പെങ്ങളുടെ കല്യാണം അടുത്ത മാസം 25 നു നടത്താൻ തീരുമാനിച്ചുറപ്പിച്ചിരുന്നു. കഴക്കൂട്ടം കിന്ഫ്ര അപ്പാരല് പാര്ക്കില് പ്രവര്ത്തിക്കുന്ന ടെക്സ്പോര്ട്ട് ഇന്ഡന്സ്ട്രീസ് എന്ന സ്ഥാപനത്തില് ഫയര് ആൻഡ് സേഫ്റ്റി വിഭാഗത്തില് ട്രെയ്നിയുമായ അനസ് ബൈക്കിൽ സഞ്ചരിക്കുമ്പോൾ തുമ്പ സ്റ്റേഷൻ കടവിൽ വച്ചായിരുന്നു അപകടം. അനസ് സഞ്ചരിച്ചിരുന്ന ബൈക്കിൽ ടിപ്പർ ലോറി ഇടിക്കുകയായിരുന്നു. ഇടിയുടെ ആഘാതത്തിൽ ബൈക്കിൽ നിന്നും തെറിച്ചു വീണ അനസിന്റെ ശരീരത്തിൽ കൂടി ടിപ്പർ ലോറി കയറി ഇറങ്ങുകയായിരുന്നു. തത്ക്ഷണം മരിച്ച അനസിന്റെ മൃതദേഹം തുമ്പ പോലീസ്…
Read Moreകേരള മോഡറേഷൻ മാർക്ക് തട്ടിപ്പ്: ഉത്തരവാദികൾ കമ്പ്യൂട്ടർ സെന്ററുകാർ മാത്രം; ഡയറക്ടർക്കു സസ്പെൻഷൻ
തിരുവനന്തപുരം: കേരള സർവകലാശാലയിൽ മോഡറേഷൻ നൽകുന്നതിൽ ക്രമക്കേട് നടന്ന സംഭവത്തിൽ കമ്പ്യൂട്ടർ സെന്റർ ഡയറക്ടർ വിനോദ് ചന്ദ്രയെ സസ്പെൻഡ് ചെയ്തു. വെള്ളിയാഴ്ച ചേർന്ന സിൻഡിക്കറ്റ് യോഗത്തിലാണു തീരുമാനം. കേരള യൂണിവേഴ്സിറ്റി നടത്തിയ ആഭ്യന്തര അന്വേഷണത്തെത്തുടർന്നാണു നടപടി. പ്രൊ വൈസ് ചാൻസലറുടെയും സർവകലാശാല ചുമതലപ്പെടുത്തിയ ഡോ. ഗോപ്ചന്ദ്രന്റെ നേതൃത്വത്തിലുള്ള വിദഗ്ദ സമിതിയുടെയും അനേഷണ റിപ്പോർട്ടിന്റെ പശ്ചാത്തലത്തിലാണു നടപടി എടുത്തത്. മോഡറേഷൻ അപ്ഡേറ്റ് ചെയ്യാനുള്ള പ്രോഗ്രാം കോഡിലെ അപാകതയാണ് ഇത്തരം ഒരു സംഭവത്തിനു കാരണമെന്നാണ് രണ്ടു റിപ്പോർട്ടിലും പറയുന്നത്. വിദ്യാർഥികൾക്കു മോഡറേഷൻ നൽകുന്നതിൽ ക്രമക്കേടു നടന്ന സംഭവത്തിൽ കമ്പ്യൂട്ടർ സെന്റർ ജീവനക്കാർ മാത്രമാണ് ഉത്തരവാദികളെന്നും സർവകലാശാല ഒരു തരത്തിലും ഇതിൽ ഇടപെട്ടിട്ടില്ലെന്നും വൈസ് ചാൻസലറും സിൻഡിക്കറ്റ് അംഗങ്ങളും അറിയിച്ചു.
Read Moreഅമ്മത്തൊട്ടിലിൽ കണ്ടെത്തിയവൾക്ക് അകാലത്തിൽ പൊലിഞ്ഞവളുടെ പേര് ഷഹല; സംസ്ഥാനത്ത് അമ്മത്തൊട്ടിലിൽ കിട്ടുന്ന 247മത്തെ കുഞ്ഞ്
തിരുവനന്തപുരം: സംസ്ഥാന ശിശുക്ഷേമ സമിതിയുടെ ഹൈടെക് അമ്മത്തൊട്ടിലിൽ ആറു ദിവസം മാത്രം പ്രായമായ കുഞ്ഞ്. അകാലത്തിൽ പൊലിഞ്ഞു പോയ വയനാട് ബത്തേരി സർവജന ഹയർ സെക്കൻഡറി സ്കൂളിലെ അഞ്ചാം ക്ലാസുകാരിയുടെ ഓർമയിൽ കുഞ്ഞിന് ഷെഹ് എന്നു പേരിട്ടു. വെള്ളിയാഴ്ച രാവിലെ പത്തിനാണ് ആറു ദിവസം പ്രായവും 3.2 കിലോഗ്രാം ഭാരവുമുള്ള പൂർണ ആരോഗ്യവതിയായ കുട്ടിയെ ഉപേക്ഷിക്കപ്പെട്ട നിലയിൽ ലഭിച്ചത്. ഉപേക്ഷിക്കപ്പെടുന്ന കുരുന്നുകളെ സംരക്ഷിക്കാൻ കേരള സംസ്ഥാന ശിശുക്ഷേമ സമിതി ആധുനിക സാങ്കേതിക വിദ്യയോടെ നവീകരിച്ച് കഴിഞ്ഞ ഫെബ്രുവരി ഒന്നിന് തിരുവനന്തപുരത്ത് സമിതി ആസ്ഥാനത്ത് മുഖ്യമന്ത്രി പിണറായി വിജയൻ നാടിന് സമർപ്പിച്ചതിനു ശേഷമെത്തുന്ന 14-ാമത്തെ കുഞ്ഞാണ് ഷഹല സംസ്ഥാനത്ത് അമ്മത്തൊട്ടിൽ സ്ഥാപിച്ചതിനുശേഷം ലഭിക്കുന്ന 274-ാ മത്തെ കുട്ടിയാണ് ഷഹല. തിരുവനന്തപുരം അമ്മത്തൊട്ടിലിൽ ലഭിക്കുന്ന 132-ാമത്തെ കുരുന്നും. കുഞ്ഞിന്റെ ദത്തെടുക്കൽ നടപടിക്രമങ്ങൾ ആരംഭിക്കേണ്ടതിനാൽ അവകാശികൾ ആരെങ്കിലുമുണ്ടെങ്കിൽ സമിതി അധികൃതരുമായി ബന്ധപ്പെടണമെന്ന്…
Read Moreപാഠം ഒന്ന് ‘വൃത്തിയായി സൂക്ഷിക്കുക’; സ്കൂൾ പരിസരം വൃത്തിയാക്കാൻ അടിയന്തര നിർദേശം; പാദരക്ഷകൾ വിലക്കരുത്
തിരുവനന്തപുരം: വയനാട് ഗവണ്മെന്റ് സർവജന വൊക്കേഷണൽ ഹയർ സെക്കൻഡറി സ്കൂളിലെ ഷഹല ഷെറീൻ പാന്പ് കടിയേറ്റു മരണമടഞ്ഞ പശ്ചാത്തലത്തിൽ സംസ്ഥാനത്തെ മുഴുവൻ വിദ്യാലയങ്ങളും പരിസരവും വൃത്തിയായി സംരക്ഷിക്കുന്നതിന് പൊതുവിദ്യാഭ്യാസ ഡയറക്ടർ നിർദേശം നൽകി. നിർദേശങ്ങൾ പൂർണമായി നടപ്പിൽ വരുത്തിയിട്ടുണ്ടെന്ന് ഡിസംബർ 10ന് നാലിനകം വിദ്യാഭ്യാസ ഉപഡയറക്ടർമാർ പൊതുവിദ്യാഭ്യാസ ഡയറക്ടർക്ക് റിപ്പോർട്ട് നൽകണം. എല്ലാ സ്കൂളുകളിലും 30നകം പിടിഎ മീറ്റിംഗ് അടിയന്തരമായി വിളിച്ചുചേർക്കാനും നിർദേശിച്ചിട്ടുണ്ട്. വയനാട്ടിലേതുപോലെയുള്ള സംഭവങ്ങൾ ഉണ്ടാകാതിരിക്കാൻ മുൻകരുതലകൾ എടുക്കും. ക്ലാസ് പിടിഎകൾ ചേരാനും ഡയറക്ടറുടെ സർക്കുലറിൽ ആവശ്യപ്പെട്ടിട്ടുണ്ട്. വിദ്യാർഥികൾക്ക് പാദരക്ഷകൾ ഉപയോഗിക്കുന്നത് വിലക്കരുത്. വിദ്യാർഥികൾ പറയുന്ന ചെറിയ അസ്വസ്ഥതകൾക്കുപോലും ശ്രദ്ധ നൽകി ജാഗ്രതയോടെ സത്വരനടപടികൾ സ്വീകരിക്കണം. ഇതിനായി ലഭ്യമാകുന്ന ഏത് വാഹനവും അടിയന്തര പ്രാധാന്യം നൽകി ഉപയോഗിക്കണം. അധ്യയന സമയം കഴിഞ്ഞാൽ ക്ലാസ്മുറികളുടെ വാതിലുകളും ജനലുകളും പൂട്ടി ഭദ്രമാക്കണം. ഇക്കാര്യങ്ങൾക്ക് പിടിഎയും പ്രഥമാധ്യാപകരും അധ്യാപകരും അനധ്യാപകരും…
Read Moreവേണ്ടത് തുടരന്വേഷണം; വാളയാർ കേസിൽ ജുഡീഷൽ അന്വേഷണം പ്രഖ്യാപിച്ചത് കേസ് അട്ടിമറിക്കാനെന്ന് ആവർത്തിച്ച് ബിജെപി
തിരുവനന്തപുരം: വാളയാർ കേസിലെ ജുഡീഷൽ അന്വേഷണത്തിനെതിരെ വീണ്ടും ബിജെപി. സർക്കാർ ജുഡീഷൽ അന്വേഷണം പ്രഖ്യാപിച്ചത് കേസ് അട്ടിമറിക്കാനാണെന്ന് പാർട്ടി സംസ്ഥാന സെക്രട്ടറി സി.കൃഷ്ണകുമാർ ആരോപിച്ചു. സംഭവത്തിൽ വേണ്ടിയിരുന്നത് തുടരന്വേഷണം ആണെന്നും സർക്കാരും ഇടനിലക്കാരും ചേർന്ന് പെൺകുട്ടികളുടെ കുടുംബത്തെ വഞ്ചിച്ചെന്നും കൃഷ്ണകുമാർ ആരോപിച്ചു. നേരത്തെ, വാളയാർ കേസിൽ ജൂഡീഷൽ അന്വേഷണം കൊണ്ട് യാതൊരു പ്രയോജനവുമില്ലെന്ന് ബിജെപി സംസ്ഥാന ജനറൽ സെക്രട്ടറി കെ. സുരേന്ദ്രനും അഭിപ്രായപ്പെട്ടിരുന്നു. പെണ്കുട്ടികളുടെ കുടുംബം ഹൈക്കോടതിയെ സമീപിച്ചതിലുള്ള അപകടം മനസിലാക്കിയാണ് ഈ നീക്കമെന്നും സിപിഎമ്മുകാരായ പ്രതികളെയും പോലീസുകാരെയും രക്ഷിക്കാനാണ് ശ്രമമെന്നുമായിരുന്നു സുരേന്ദ്രന്റെ ആരോപണം. മന്ത്രിസഭായോഗ തീരുമാന പ്രകാരമാണ് സംസ്ഥാന സർക്കാർ കേസിൽ ജുഡീഷൽ അന്വേഷണം പ്രഖ്യാപിച്ചത്. പോലീസിന്റെയും പ്രോസിക്യൂഷന്റെയും വീഴ്ചകൾ കമ്മീഷൻ പരിശോധിക്കുമെന്നും സർക്കാർ അറിയിച്ചിരുന്നു.
Read Moreഎന്റമീബ ആക്രമണം; തിരുവനന്തപുരം മൃഗശാലയിലെ അനാക്കോണ്ട “അരുന്ധതി’ ചത്തു
തിരുവനന്തപുരം: തിരുവനന്തപുരം മൃഗശാലയിൽ ചികിത്സയിലായിരുന്ന നാല് അനാക്കോണ്ടകളിൽ ഒന്നു ചത്തു. ഒന്പതര വയസുളള അരുന്ധതിയാണ് ചത്തത്. 2014 ഏപ്രിലിൽ ശ്രീലങ്കയിൽനിന്നു കൊണ്ടുവന്ന ഏഴ് അനാക്കോണ്ടകളിൽ മൂന്നെണ്ണം മാത്രമാണു തിരുവനന്തപുരം മൃഗശാലയിൽ ഇനി അവശേഷിക്കുന്നത്. ഇവ മൂന്നും ചികിത്സയിലാണ്. രണ്ടെണ്ണം രോഗവിമുക്തമായി വരുന്നു. ഗംഗ എന്ന അനാക്കോണ്ടയിൽ നടത്തിയ പരിശോധനയിലാണ് മരണം സംഭവിക്കുന്നത് എന്റമീബ മൂലമാണെന്ന് കണ്ടെത്തിയത്. മൃഗശാലയിൽ അണുനശീകരണ പ്രവർത്തികൾ ഉൗജ്ജിതമാക്കിയിട്ടുണ്ട്. ആദ്യത്തെ മരണം സംഭവിച്ചപ്പോൾ തന്നെ ഇന്ത്യയിലെ പ്രധാനപ്പെട്ട പാന്പുരോഗ വിദഗ്ധരെ മൃഗശാലയിൽ എത്തിക്കുകയും എല്ലാ പാന്പുകളെയും പരിശോധിച്ചു റിപ്പോർട്ട് തയ്യാറാക്കുകയും ചെയ്തിരുന്നു. ആ സമയം മറ്റ് പാന്പുകളിൽ രോഗം സ്ഥിരീകരിക്കാൻ കഴിഞ്ഞിരുന്നില്ല. മൃഗശാലയിൽ ചത്ത എല്ലാ അനോക്കോണ്ടകളുടെയും പോസ്റ്റുമോർട്ടം നടത്തിയിരുന്നു.
Read Moreസ്കൂൾ പിടിഎയ്ക്ക് എന്തായിരുന്നു പണി? സ്കൂളിലെ മാളങ്ങൾ അടക്കേണ്ടത് പിടിഎയെന്ന് മന്ത്രി ജി. സുധാകരൻ
തിരുവനന്തപുരം: സുൽത്താൻ ബത്തേരിയിലെ സർക്കാർ സ്കൂളിൽ അഞ്ചാം ക്ലാസ് വിദ്യാർഥിനി പാന്പ് കടിയേറ്റു മരിച്ച സംഭവത്തിൽ പിടിഎയെ കുറ്റപ്പെടുത്തി പൊതുമരാമത്ത് മന്ത്രി ജി. സുധാകരൻ. സ്കൂളിലെ മാളങ്ങൾ അടയ്ക്കുക എന്നത് പിടിഎയുടെ പണിയാണെന്നും കുട്ടി മരിച്ചതിന് സ്കൂൾ തല്ലി തകർത്തത് തെറ്റാണെന്നും മന്ത്രി പറഞ്ഞു. സ്കൂൾ പിടിഎയ്ക്ക് എന്തായിരുന്നു പണി?. പിടിഎയുടെ പ്രസിഡന്റ് സ്ഥലത്തെ പ്രമാണിയാണ്. സ്കൂളിലെ മാളങ്ങൾ അടയ്ക്കുക എന്നത് അയാളുടെ ജോലിയാണ്. വിദ്യാഭ്യാസ മന്ത്രി ഇങ്ങനെയുള്ള കാര്യങ്ങൾ നോക്കേണ്ടതില്ല. പ്രതിവിധികൾ കണ്ടുപിടിക്കുന്നതിനു പകരം നല്ല ജനലുകളും കതകുകളും തല്ലിപ്പൊളിക്കുകയല്ല വേണ്ടത്- അദ്ദേഹം പറഞ്ഞു. കുട്ടിയുടെ മരണത്തിനു കാരണം സ്കൂളാണ് എന്ന രീതിയിലാണു നാട്ടുകാർ പെരുമാറിയതെയെന്നും അദ്ദേഹം പറഞ്ഞു. സുൽത്താൻ ബത്തേരി സർവജന വൊക്കേഷണൽ ഹയർസെക്കൻഡറി സ്കൂളിലെ അഞ്ചാം ക്ലാസ് വിദ്യാർഥിനിയായ ഷഹ്ല ഷെറിനാണ് ക്ലാസിൽ വച്ച് പാന്പു കടിയേറ്റു മരിച്ചത്. ക്ലാസിന്റെ ചുമരിനോട് ചേർന്നുളള…
Read More