തിരുവനന്തപുരം: സിപിഎമ്മിൽനിന്ന് കോണ്ഗ്രസ് വഴി ബിജെപിയിലെത്തിയ എ.പി അബ്ദുള്ളക്കുട്ടിയെ സംസ്ഥാന ഉപാധ്യക്ഷനായി നിയമിച്ചു. ബിജെപി സംസ്ഥാന അധ്യക്ഷൻ പി.എസ് ശ്രീധരൻ പിള്ളയാണ് ഇക്കാര്യം അറിയിച്ചത്. അബ്ദുള്ളക്കുട്ടിയെ ബിജെപി സംസ്ഥാന ഉപാധ്യക്ഷനായും കെ.കെ ബാഹുലേയനെ സംസ്ഥാന സെക്രട്ടറിയായും നിയമിച്ചതായി ശ്രീധരൻ പിള്ള പത്രസമ്മേളനത്തിൽ അറിയിച്ചു. കഴിഞ്ഞ ജൂണിലാണ് അബ്ദുള്ളക്കുട്ടി ബിജെപിയിൽ ചേർന്നത്. മോദിയെ പുകഴ്ത്തി ഫേസ്ബുക്കിൽ കുറിപ്പിട്ട സംഭവത്തിൽ കോണ്ഗ്രസിൽനിന്നും പുറത്താക്കപ്പെട്ടതോടെയാണ് അബ്ദുള്ളക്കുട്ടി ബിജെപിയുടെ ഭാഗമായത്. കോണ്ഗ്രസിൽ എത്തുന്നതിനു മുന്പ് സിപിഎം നേതാവായിരുന്നു അബ്ദുള്ളക്കുട്ടി. മോദി സ്തുതിയുടെ പേരിൽ തന്നെയാണ് സിപിഎമ്മും അബ്ദുള്ളക്കുട്ടിയെ പുറത്താക്കിയത്. തുടർന്ന് അദ്ദേഹം കോണ്ഗ്രസിൽ ചേരുകയും കണ്ണൂരിൽ നിന്ന് ലോക്സഭയിലേക്ക് തെരഞ്ഞെടുക്കപ്പെടുകയും ചെയ്തിട്ടുണ്ട്.
Read MoreCategory: TVM
യുഡിഎഫിനെ വിജയിപ്പിക്കണമെന്ന എൻഎസ്എസ് ആഹ്വാനം ജനങ്ങൾ തള്ളിയെന്ന് സിപിഎം
തിരുവനന്തപുരം: യുഡിഎഫിനെ വിജയിപ്പിക്കണമെന്ന എൻഎസ്എസ് ആഹ്വാനം വട്ടിയൂർക്കാവിലെ ജനങ്ങൾ തള്ളിയെന്ന് സിപിഎം ജില്ലാ സെക്രട്ടറി ആനാവൂർ നാഗപ്പൻ. എൻഎസ്എസ് വഴി ആർഎസ്എസ് വോട്ട് പിടിക്കാനാണ് കോണ്ഗ്രസ് ശ്രമിച്ചത്. ഒരു സമുദായ സംഘടനയുടെയും കുത്തകയല്ല വട്ടിയൂർക്കാവെന്ന് തെരഞ്ഞെടുപ്പ് ഫലം തെളിയിക്കുമെന്നും അദ്ദേഹം പറഞ്ഞു. ആയ്യായിരത്തിൽ അധികം വോട്ടുകൾക്ക് വി.കെ. പ്രശാന്ത് ജയിക്കുമെന്നും ആനാവൂർ നാഗപ്പൻ കൂട്ടിച്ചേർത്തു.
Read Moreവോട്ട് പാഴാക്കരുതെന്ന് നിര്ബന്ധം! കതിർ മണ്ഡപത്തിൽ നിന്നു നവവരന്റെ കൈപിടിച്ച് നവവധു പോളിംഗ് ബൂത്തിലേക്ക്
സ്വന്തം ലേഖകൻ തിരുവനന്തപുരം: കതിർമണ്ഡപത്തിൽ നിന്നു നവവരന്റെ കൈപിടിച്ച് നവവധു ആദ്യമെത്തിയത് തന്റെ സമ്മതിദാന അവകാശം വിനിയോഗിക്കാൻ. കുടപ്പനക്കുന്ന് സ്വദേശി അനൂപും ചെറുപാലോട് സ്വദേശിനി ശ്യാമിലിയും ഇന്നലെ ഉച്ചയ്ക്ക് നെട്ടയം ഇരുകുന്നം മുടിപ്പുര ദേവീക്ഷേത്രത്തിലാണ് വിവാഹിതരായത്. വിവാഹശേഷം മണ്ഡപത്തിൽ നിന്നും വരന്റെ വീട്ടിലേക്കു പോകും വഴിയാണ് ശ്യാമിലി വോട്ടുചെയ്യാനായി വട്ടിയൂർക്കാവ് മണ്ഡലത്തിലെ 41-ാം നന്പർ ബൂത്തായ വേറ്റിക്കോണം എൽപി സ്കൂളിലെത്തിയത്. ബൂത്തിലേക്കു പട്ടുസാരിയുടുത്ത് ആഭരണങ്ങൾ അണിഞ്ഞെത്തിയ നവവധുവിനെ കണ്ടതോടെ ക്യൂവിൽ നിന്നവർ സന്തോഷത്തോടെ ശ്യാമിലിയെ ബൂത്തിലേക്കു കയറ്റിവിട്ടു. രാവിലെ മണ്ഡപത്തിലേക്കു വരും വഴി അനൂപ് കുടപ്പനകുന്ന് സ്ക്കൂളിൽ വോട്ടു രേഖപ്പെടുത്തിയിരുന്നു. വോട്ട് പാഴാക്കരുതെന്ന് തങ്ങൾക്കു നിർബന്ധമുണ്ടായിരുന്നുവെന്നു വോട്ടു രേഖപ്പെടുത്തിയശേഷം പോളിംഗ് ബൂത്തിനു പുറത്തെത്തിയ ശ്യാമിലിയും അനൂപും പറഞ്ഞു. പിഎസ് സി പരീക്ഷ എഴുതുന്നതിനായുള്ള പഠനത്തിലാണ് ശ്യാമിലി. അനൂപ് വർക്ഷോപ്പ് മെക്കാനിക്കാണ്. ചെറുപാലോട് ശരണ്യാ ഭവനിൽ ശശിയുടെയും ലതയുടെയും…
Read Moreകനത്ത മഴയും വെള്ളക്കെട്ടും; എറണാകുളത്ത് വോട്ടെടുപ്പ് മാറ്റിവെക്കണമെന്ന് മുല്ലപ്പള്ളി രാമചന്ദ്രൻ
തിരുവനന്തപുരം: അതിശക്തമായ മഴ തുടരുന്ന സാഹചര്യവും വെള്ളക്കെട്ടുകള് രൂപപ്പെട്ട സാഹചര്യവും കണക്കിലെടുത്ത് എറണാകുളത്തെ വോട്ടെടുപ്പ് മാറ്റിവെക്കണമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്. ഇക്കാര്യം തിരഞ്ഞെടുപ്പ് കമ്മീഷന്റെ ശ്രദ്ധയില്പ്പെടുത്തിയെന്നും എന്നാല്, കേന്ദ്രനിരീക്ഷകയുടെ നിലപാടാണ് തടസം നില്ക്കുന്നതെന്നും അദ്ദേഹം മാധ്യമങ്ങളോട് പറഞ്ഞു. എറണാകുളത്തെ പോളിംഗ് ബൂത്തുകളില് മഴയെത്തുടര്ന്നുള്ള ബുദ്ധിമുട്ടുകളുണ്ട്. ഇക്കാര്യം മുഖ്യ തിരഞ്ഞെടുപ്പ് ഓഫീസറെ അറിയിച്ചിരുന്നു. അദ്ദേഹം ആദ്യം അനുഭാവപൂര്വ്വമായാണ് പ്രതികരിച്ചത്. എന്നാല്, കേന്ദ്രനിരീക്ഷയുടെ നിലപാടാണ് പുതിയ പ്രസ്താവനയ്ക്ക് പിന്നിലെന്നാണ് കരുതുന്നത്- മുല്ലപ്പള്ളി പറഞ്ഞു. ഏത് പ്രതികൂല സാഹചര്യമുണ്ടായാലും അവസാനത്തെ വോട്ടര്ക്കും വോട്ട് രേഖപ്പെടുത്താന് അവസരമൊരുക്കണമെന്നും മുഖ്യ തിരഞ്ഞെടുപ്പ് ഓഫീസറെ ചോദ്യം ചെയ്യാന് ആഗ്രഹിക്കുന്നില്ലെന്നും അദ്ദേഹം കൂട്ടിച്ചേര്ത്തു.
Read Moreകനത്ത മഴ; 12 ജില്ലകളിൽ ഓറഞ്ച് അലർട്ട്; സംസ്ഥാനത്ത് അതിജാഗ്രതാ നിർദേശം;ശക്തമായ കാറ്റിനും ഇടിമിന്നലിനും സാധ്യത; മത്സ്യതൊഴിലാളികൾ കടലിൽ പോകരുത്
തിരുവനന്തപുരം: സംസ്ഥാനത്ത് കനത്ത മഴ തുടരുന്നു. തെക്കൻ കേരളത്തിലും മധ്യകേരളത്തിലുമാണ് ശക്തമായ മഴ. ഉച്ചയ്ക്ക് ശേഷവും കനത്ത മഴ തുടരുമെന്നാണ് കാലാവസ്ഥ വകുപ്പിന്റെ പ്രവചനം. പ്രത്യേക സാഹചര്യം കണക്കിലെടുത്ത് സംസ്ഥാനത്തെ 12 ജില്ലകളിൽ ഓറഞ്ച് അലർട്ട് പ്രഖ്യാപിച്ചു. കണ്ണൂരും കാസർഗോഡും ഒഴികെയുള്ള ജില്ലകളിലാണ് ഓറഞ്ച് അലർട്ട് പ്രഖ്യാപിച്ചിട്ടുള്ളത്. കണ്ണൂർ, കാസർകോട് ജില്ലകളിൽ യെല്ലോ അലർട്ടും പുറപ്പെടുവിച്ചിട്ടുണ്ട്. ബുധനാഴ്ച 13 ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. തിരുവനന്തപുരത്തെ മാത്രമാണ് ബുധനാഴ്ച ഓറഞ്ച് അലർട്ടിൽ നിന്ന് ഒഴിവാക്കിയിട്ടുള്ളത്. ബുധനാഴ്ച കോട്ടയം മുതൽ കാസർഗോഡു വരെ പത്തുജില്ലകളിലും ഓറഞ്ച് അലർട്ടുണ്ട്. കനത്ത മഴയ്ക്ക് പുറമെ ശക്തമായ കാറ്റിനും ഇടിമിന്നലിനും സാധ്യതയുണ്ടെന്നും മുന്നറിയിപ്പ് നൽകിയിട്ടുണ്ട്. കനത്ത മഴയും കാറ്റും ഉള്ള സാഹചര്യത്തിൽ മത്സ്യത്തൊഴിലാളികൾ കടലിൽ പോകരുതെന്ന് കാലാവസ്ഥ വകുപ്പ് നിർദേശം നൽകി. കനത്ത മഴ തുടരുന്ന സാഹചര്യത്തിൽ ചീഫ് സെക്രട്ടറി ഉന്നതതലയോഗം വിളിച്ചു.…
Read Moreവോട്ടെടുപ്പ് തൽക്കാലം മാറ്റുന്നില്ലെന്ന് ടിക്കാറാം മീണ; സ്ഥിതിഗതികൾ നിരീക്ഷിച്ച് വരുന്നു
തിരുവനന്തപുരം: സംസ്ഥാനത്ത് കനത്ത മഴ തുടരുന്നുണ്ടെങ്കിലും എറണാകുളത്തെ ഉൾപ്പടെ ഉപതെരഞ്ഞെടുപ്പിലെ വോട്ടെടുപ്പ് മാറ്റി വയ്ക്കേണ്ട സാഹചര്യമില്ലെന്ന് മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ. വോട്ടെടുപ്പ് സുഗമമായി നടത്താനുള്ള ക്രമീകരണങ്ങൾ ചെയ്തിട്ടുണ്ടെന്നും അദ്ദേഹം പറഞ്ഞു. വെള്ളം കയറിയ സ്ഥലങ്ങളിൽ പോളിംഗ് ബൂത്തുകൾ സ്കൂളുകളുടെ മുകൾ നിലയിലേക്ക് മാറ്റിയിട്ടുണ്ടെന്നും മീണ പറഞ്ഞു. ആകെ 10 പോളിംഗ് ബൂത്തുകളിലാണ് വെള്ളം കയറിയത്. ഇവിടെയെല്ലാം തന്നെ പകരം ക്രമീകരണങ്ങൾ ഏർപ്പെടുത്തിയിട്ടുണ്ട്. സ്ഥിതിഗതികൾ നിരീക്ഷിച്ച് റിപ്പോർട്ട് നൽകാൻ ജില്ലാ കളക്ടർക്കും മറ്റ് ഉദ്യോഗസ്ഥർക്കും നിർദേശം നൽകിയിട്ടുണ്ടെന്നും അവരുടെ റിപ്പോർട്ട് ലഭിക്കുന്ന മുറയ്ക്ക് കൂടുതൽ കാര്യങ്ങൾ ആലോചിക്കുമെന്നും അദ്ദേഹം കൂട്ടിച്ചേർത്തു. റിപ്പോർട്ടുകളുടെ അടിസ്ഥാനത്തിൽ ആവശ്യമെങ്കിൽ പോളിംഗ് സമയം വർധിപ്പിക്കുമെന്നും മീണ കൂട്ടിച്ചേർത്തു.
Read Moreകനത്ത മഴ തുടരുന്നു; നെയ്യാര് ഡാമിന്റെ നാല് ഷട്ടറുകളും, കല്ലാർകുട്ടി ഡാമിന്റെ രണ്ട് ഷട്ടറുകളും ഉയര്ത്തി
തിരുവനന്തപുരം: സംസ്ഥാനത്ത് തുടരുന്ന കനത്ത മഴയിൽ നീരൊഴുക്ക് ശക്തമായതിനേത്തുടർന്ന് നെയ്യാർ ഡാമിന്റെ നാല് ഷട്ടറുകളും ഉയർത്തി. ജലനിരപ്പ് ക്രമാതീതമായി ഉയർന്നതിനേത്തുടർന്നാണ് ഷട്ടറുകൾ ഉയർത്തിയത്. ഡാമിന്റെ നാലു ഷട്ടറുകളും ഒരടി വീതമാണ് ഉയർത്തിയത്. നിലവില് 83.58 മീറ്റർ ആണ് ഡാമിലെ ജലനിരപ്പ്. പരമാവധി ജലനിരപ്പ് 84. 750 മീറ്റർ ആണ്. ഇടുക്കി: കനത്ത മഴയിൽ ജലനിരപ്പ് ഉയർന്നതിനേത്തുടർന്ന് ഇടുക്കി കല്ലാർകുട്ടി ഡാമിന്റെ ഷട്ടറുകൾ തുറന്നു. രണ്ട് ഷട്ടറുകളാണ് തുറന്നത്. പെരിയാറിന്റെ തീരത്തുള്ളവർ ജാഗ്രത പാലിക്കണമെന്ന് നിർദേശം നൽകിയിട്ടുണ്ട്. ആവശ്യമായ സുരക്ഷാ നടപടികൾ സ്വീകരിക്കാൻ ബന്ധപ്പെട്ട ഉദ്യോഗസ്ഥരോട് കളക്ടർ നിർദേശിച്ചു.
Read Moreജന്മനാ തലച്ചോറ് ശുഷ്കമായവരാണ് തന്റെ തലയോട്ടി അളക്കുന്നത്; സുധാകരനെതിരേ വി.എസ്
തിരുവനന്തപുരം: വറ്റിവരണ്ട തലയോട്ടിയാണ് തന്റേതാണെന്ന് പറഞ്ഞ കെ.സുധാകരന് വി.എസ്. അച്യൂതാനന്ദന്റെ ചുട്ടമറുപടി. ജന്മനാ തലച്ചോറ് ശുഷ്കമായ ചില തലനരയ്ക്കാൻ അനുവദിക്കാത്ത വൃദ്ധന്മാർ തന്റെ തലയോട്ടിയുടെ ഉള്ളളവ് വിശകലനം ചെയ്യുന്ന തിരക്കിലാണെന്ന് വി.എസ് ഫേസ്ബുക്കിൽ കുറിച്ചു. പീഡനക്കേസിലെ തന്നെക്കാള് യുവാവായ പ്രതിയെ വിദേശത്തേക്ക് കടത്താന് സഹായിച്ച യുവ വൃദ്ധന്റെ ജല്പ്പനങ്ങള്ക്കല്ല, നാടിന്റെ വികസനത്തെക്കുറിച്ചാണ് ജനങ്ങള് കാതോര്ക്കുക. പക്ഷേ, വറ്റിവരണ്ട തലമണ്ടയില്നിന്ന് കറുത്ത ചായത്തിന്റെ മണമല്ലാതെ മറ്റൊന്നും പ്രതീക്ഷിക്കാനാവില്ലല്ലോ എന്നും വി.എസ് പരിഹസിച്ചു. വി.എസിന്റേത് വറ്റിവരണ്ട തലയോട്ടിയാണെന്നും അതിൽ നിന്നും എന്തു പരിഷ്കാരം നിർദ്ദേശിക്കാനാണെന്നും സുധാകരൻ കഴിഞ്ഞ ദിവസം പരിഹസിച്ചിരുന്നു. ഇതിന് മറുപടിയുമായാണ് വി.എസ് രംഗത്തെത്തിയത്.
Read Moreജലീലിനെതിരെ ഉന്നയിച്ച ആരോപണങ്ങൾ ഉണ്ടയില്ലാ വെടിയല്ലെന്ന് ചെന്നിത്തല
തിരുവനന്തപുരം: ഉന്നത വിദ്യാഭ്യാസമന്ത്രി കെ.ടി. ജലീലിനെതിരെ ഉന്നയിച്ച ആരോപണങ്ങൾ ഉണ്ടയില്ലാ വെടിയല്ലെന്ന് പ്രതിപക്ഷ നേതാവ് രമേശ് ചെന്നിത്തല. അഴിമതികൾ പുറത്തുവരുന്പോൾ ഉണ്ടയില്ലാ വെടിയാണെന്നാണ് സർക്കാർ വാദം. എന്നാൽ എല്ലാം ഉണ്ടയുള്ള വെടിയാണ്. പ്രതിപക്ഷത്തിന്റെ ആരോപണങ്ങൾ കൃത്യമായ മറുപടി പറയാൻ സർക്കാരിന് സാധിക്കുന്നില്ലെന്നും അദ്ദേഹം വാർത്താസമ്മേളനത്തിൽ പറഞ്ഞു. മന്ത്രി ജലീലിനും ഇക്കാര്യത്തിൽ വ്യക്തമായ മറുപടിയില്ല. സത്യം ജനങ്ങൾക്ക് ബോധ്യമായെന്നും അദ്ദേഹം പറഞ്ഞു. പരീക്ഷാ ഫലം വന്നശേഷം മാർക്ക് കൂട്ടി നൽകാൻ സാധിക്കില്ലെന്ന തന്റെ വാദം അംഗീകരിക്കുന്നതാണ് ഉന്നതവിദ്യാഭ്യാസ കൗണ്സിൽ വൈസ് ചെയർമാൻ രാജൻ ഗുരുകളുടെ പ്രസ്താവന. ജലീൽ ചെയർമാനായിട്ടുള്ള കൗണ്സിലിന്റെ വൈസ് ചെയർമാനാണ് മന്ത്രിയുടെ വാദങ്ങൾ തള്ളിയത്. ഇനി എങ്ങനെ ജലീലിന് മന്ത്രി പദവിയിൽ തുടരാൻ സാധിക്കുമെന്നും ചെന്നിത്തല ചോദിച്ചു. ജലീലിനെതിരെ ജൂഡീഷൽ അന്വേഷണം വേണമെന്നും അദ്ദേഹം ആവശ്യപ്പെട്ടു. തെരഞ്ഞെടുപ്പിൽ വർഗീയ ധ്രൂവീകരണത്തിനാണ് സിപിഎം ശ്രമിക്കുന്നത്. തോൽവി ഉറപ്പായതോടെയാണ്…
Read Moreഭർതൃവീട്ടിൽനിന്ന് ഇറക്കി വിടാൻ ശ്രമം; ആത്മഹത്യ ഭീഷണി മുഴക്കി യുവതി
തിരുവനന്തപുരം: അയിരൂർ പാറയിൽ യുവതി മകനൊപ്പം ആത്മഹത്യ ഭീഷണി മുഴക്കുന്നു. അയിരൂർ പാറ സ്വദേശി ഷംനയാണ് ഭീഷണി മുഴക്കുന്നത്.ഭർത്താവിന്റെ വീട്ടിൽനിന്ന് ഇറക്കിവിടാൻ ശ്രമമെന്നാണ് യുവതിയുടെ പരാതി. ഇവരുടെ ഭർത്താവ് ഷാഫിക്ക് അനുകൂലമായ കോടതി വിധിയുടെ പശ്ചാത്തലത്തിൽ ഒഴിപ്പിക്കാൻ പോലീസ് എത്തിയതോടെയാണ് ഷംന ആത്മഹത്യ ഭീഷണ മുഴക്കിയത്. കോടതി നർദ്ദേശിച്ച നഷ്ട പരിഹാരം നൽകാതെ ഭർതൃവീട്ടിൽ നിന്നും ഇറക്കി വിടാനുള്ള ശ്രമമാണ് നടക്കുന്നതെന്നാണ് യുവതിയുടെ പരാതി.
Read More