തിരുവനന്തപുരം: കേരള സമൂഹത്തിന്റെ മതനിരപേക്ഷതയുടെ കരുത്താണ് തെരഞ്ഞെടുപ്പ് ഫലത്തില് പ്രതിഫലിച്ചതെന്ന് മുഖ്യമന്ത്രി പിണറായി വിജയൻ. ഏതെങ്കിലും ഒരു പ്രത്യേക വിഭാഗം അവര് പറയുന്നിടത്ത് നില്ക്കണമെന്ന് പറഞ്ഞാല് അങ്ങനെ നില്ക്കാന് നമ്മുടെ സമൂഹം തയാറല്ല. ജാതി, മത സങ്കുചിത ശക്തികള്ക്ക് വേരോട്ടമില്ലെന്ന് തെളിഞ്ഞു. വട്ടിയൂര്ക്കാവിലെ വിജയം സംസ്ഥാന രാഷ്ട്രീയത്തിന്റെ ഭാവിയുടെ ദിശാസൂചികയാണെന്നും പിണറായി വാർത്താ സമ്മേളനത്തിൽ പറഞ്ഞു. അരൂരിലെ തോല്വിയുടെ സവിശേഷ സാഹചര്യം പരിശോധിക്കും. ഉപതെരഞ്ഞെടുപ്പോടെ എല്ഡിഎഫിന്റെ ജനകീയാടിത്തറ വര്ധിച്ചു. 2016ല് എല്ഡിഎഫിന് 91 എംഎല്എ മാരായിരുന്നത് ഇപ്പോള് 93 ആയി. സര്ക്കാരിന്റെ പ്രവര്ത്തനങ്ങള്ക്ക് ജനങ്ങള് നല്കുന്ന ഉറച്ച പിന്തുണയാണിതെന്നും പിണറായി കൂട്ടിച്ചേർത്തു.
Read MoreCategory: TVM
എൻഎസ്എസ് ഓഫീസിന് നേരെ ചാണകമേറ്; കോൺഗ്രസ് പ്രവർത്തകൻ അറസ്റ്റിൽ
തിരുവനന്തപുരം: എൻഎസ്എസ് ഓഫീസിന് നേരെ കോൺഗ്രസ് പ്രവർത്തകന്റെ ചാണകമേറ്. തിരുവനന്തപുരം ശാസ്തമംഗലത്തെ ഓഫീസ് നേർക്കാണ് ചാണകമേറുണ്ടായത്. സംഭവവുമായി ബന്ധപ്പെട്ട് കോൺഗ്രസ് പ്രവർത്തകന് മധുസൂദനനെ പോലീസ് അറസ്റ്റ് ചെയ്തു. വട്ടിയൂർകാവിൽ യുഡിഎഫിന്റെ തെരഞ്ഞെടുപ്പ് തോൽവിക്ക് പിന്നാലെയായിരുന്നു ആക്രമണം. മണ്ഡലത്തിൽ എൽഡിഎഫ് സ്ഥാനാർഥി വി.കെ.പ്രശാന്ത് ജയം നേടി. യുഡിഎഫ് സ്ഥാനാർഥി കെ.മോഹൻകുമാർ രണ്ടാമത് എത്തിയപ്പോൾ എൻഡിഎ സ്ഥാനാർഥി എസ്.സുരേഷ് മൂന്നാം സ്ഥാനത്തേക്ക് പിന്തള്ളപ്പെട്ടു.
Read Moreവട്ടിയൂർക്കാവിന്റെ ശരിദൂരം ഇടതുപക്ഷം; നഗരസഭ നടത്തിയ മികച്ച പ്രവർത്തനങ്ങൾക്ക് ജനങ്ങൾ നൽകിയ പിന്തുണയാണ് വിജയത്തിലേക്കുള്ള കുതിപ്പെന്ന് വി.കെ പ്രശാന്ത്
തിരുവനന്തപുരം: വട്ടിയൂർക്കാവിന്റെ ശരിദൂരം ഇടതുപക്ഷമാണെന്ന് ജനങ്ങൾ തെളിയിച്ചതായി ഇടതുപക്ഷ സ്ഥാനാർഥി വി.കെ പ്രശാന്ത്. രാഷ്ട്രീയത്തിൽ സമുദായ നേതാക്കൾ ഇത്തരത്തിൽ ഇടപെടുന്നത് ശരിയല്ലെന്നും അദ്ദേഹം പറഞ്ഞു. വിജയം ഉറപ്പിച്ച ശേഷം മാധ്യമങ്ങളോട് പ്രതികരിക്കുകയായിരുന്നു പ്രശാന്ത്. എൻഎസ്എസ് ഉന്നയിച്ച പരിഭവം പരിഹരിക്കാൻ സർക്കാരും മണ്ഡലത്തിലെ പ്രതിനിധി എന്ന നിലയിൽ താനും ശ്രമിക്കും. എൻഎസ്എസിന്റെ അടക്കം വോട്ടുകൾ തനിക്ക് ലഭിച്ചിട്ടുണ്ട്. തിരുവനന്തപുരം നഗരസഭ നടത്തിയ മികച്ച പ്രവർത്തനങ്ങൾക്ക് ജനങ്ങൾ നൽകിയ പിന്തുണയാണിതെന്നും പ്രശാന്ത് പറഞ്ഞു.
Read Moreതോറ്റെങ്കിൽ കാരണം ഇതാണ്..! ഉപതെരഞ്ഞെടുപ്പുകളിലെ തോൽവിക്ക് പിന്നിലെ കാരണങ്ങൾ ചൂണ്ടിക്കാട്ടി രാജ്മോഹൻ ഉണ്ണിത്താൻ രംഗത്ത്
തിരുവനന്തപുരം: വട്ടിയൂർക്കാവിലും കോന്നിയിലും തിരിച്ചടി നേരിട്ടതോടെ യുഡിഎഫിൽ പൊട്ടിത്തെറി. യുഡിഎഫിലെ തമ്മിലടിയാണ് വട്ടിയൂർക്കാവിലും കോന്നിയിലും കോൺഗ്രസിന് തിരിച്ചടിയായതെന്ന് രാജ്മോഹൻ ഉണ്ണിത്താൻ എംപി. ചില നേതാക്കൾ കോൺഗ്രസ് പ്രവർത്തകർക്കും ജനങ്ങൾക്കും തെറ്റായ സന്ദേശം നൽകി. എത്ര ഉന്നതരായാലും അന്വേഷിച്ച് നടപടി എടുക്കണം. അങ്ങനെയുണ്ടായാൽ വീണ്ടും ഇത്തരം പ്രവർത്തനങ്ങൾ നടത്തില്ലെന്നും ഉണ്ണിത്താൻ പറഞ്ഞു. കോന്നിയിൽ കാലുവാരൽ ഉണ്ടായതായി ഡിസിസി പ്രസിഡന്റ് പരസ്യപ്രതികരണം നടത്തിയതും യുഡിഎഫിലെ വരും ദിവസങ്ങളിലെ പൊട്ടിത്തെറിക്ക് സൂചനയാണ്. വട്ടിയൂർക്കാവിൽ മുൻകൂട്ടി സ്ഥാനാർഥികളെ നിശ്ചയിക്കാൻ സാധിച്ചതും ചിട്ടയായ പ്രവർത്തനങ്ങളുമാണ് ഇടത് മുന്നേറ്റത്തിനു കാരണമെന്ന് കോൺഗ്രസ് സ്ഥാനാർഥി കെ. മോഹൻ കുമാറും പ്രതികരിച്ചിരുന്നു. യുഡിഎഫിന് സ്ഥാനാർഥി നിർണയത്തിലും പ്രവർത്തനങ്ങളിലും ഇടതിനൊപ്പം എത്താനായില്ലെന്നും മോഹൻ കുമാർ പറഞ്ഞു.
Read Moreഎൽഡിഎഫിന്റെ വീര്യം കുറഞ്ഞ മദ്യനയം..! പഴങ്ങളിൽ നിന്ന് വീര്യം കുറഞ്ഞ മദ്യവും വൈനും ഉത്പാദിപ്പിക്കാൻ തീരുമാനം
തിരുവനന്തപുരം: ചക്ക, കശുമാങ്ങ, വാഴപ്പഴം തുടങ്ങിയ പഴങ്ങളില് നിന്നും കാര്ഷിക ഉല്പ്പന്നങ്ങളില് നിന്നും വീര്യം കുറഞ്ഞ മദ്യം, വൈന് തുടങ്ങിയ പാനീയങ്ങള് ഉല്പാദിപ്പിക്കാൻ മന്ത്രിസഭാ തീരുമാനം. കേരള കാര്ഷിക സര്വകലാശാല സമര്പ്പിച്ച റിപ്പോര്ട്ട് അംഗീകരിച്ചു കൊണ്ടാണ് മന്ത്രിസഭയുടെ തീരുമാനം. നിയമസഭാ സബ്ജക്റ്റ് കമ്മിറ്റിയുടെ നിര്ദേശത്തിന്റെ അടിസ്ഥാനത്തിലാണ് കാര്ഷിക സര്വകലാശാല ശിപാര്ശകള് സമര്പ്പിച്ചത്. ഇതനുസരിച്ച് പഴവര്ഗങ്ങള്, ധാന്യങ്ങള് എന്നിവയില് നിന്ന് വൈന് ഉല്പാദിപ്പിക്കുന്ന യൂണിറ്റുകള്ക്ക് അബ്കാരി നിയമങ്ങള്ക്ക് അനുസൃതമായി ലൈസന്സ് നല്കാനാണ് തീരുമാനം. ഇതിനു വേണ്ടി ബന്ധപ്പെട്ട ചട്ടങ്ങളില് ഭേദഗതി വരുത്തുമെന്നാണ് വിവരം.
Read Moreകനത്ത മഴയുണ്ടാകും; 10 ജില്ലകളിൽ യെല്ലോ അലർട്ട്; ജില്ലാ ഭരണകൂടങ്ങൾക്ക് ജാഗ്രതാ നിർദ്ദേശം
തിരുവനന്തപുരം: ഇന്നും നാളെയുമായി സംസ്ഥാനത്തെ 10 ജില്ലകളിൽ കനത്ത മഴ പെയ്യുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഇതേതുടർന്ന് തിരുവനന്തപുരം, പത്തനംതിട്ട, കോട്ടയം, ഇടുക്കി, എറണാകുളം, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ യെല്ലോ അലർട്ട് പ്രഖ്യാപിച്ചു. ജില്ലാ ഭരണകൂടങ്ങൾക്ക് ജാഗ്രതാ നിർദ്ദേശവും നൽകിയിട്ടുണ്ട്. നേരത്തെ കഴിഞ്ഞ ദിവസം അതിശക്തമായ മഴയുണ്ടാകുമെന്ന മുന്നറിയിപ്പിനെ തുടർന്ന് വിവിധ ജില്ലകളിൽ പുറപ്പെടുവിച്ച റെഡ് അലർട്ട് പിൻവലിച്ചിരുന്നു. ഇതിന് പിന്നാലെയാണ് വീണ്ടും മഴ കനക്കുമെന്ന മുന്നറിയിപ്പ് എത്തിയിരിക്കുന്നത്.
Read Moreനിയമലംഘകർക്ക് ആശ്വാസം..! സീറ്റ് ബെൽറ്റും ഹെൽമറ്റും ധരിക്കാത്തതിന് 500 രൂപ; മൊബൈൽ ഫോൺ ഉപയോഗിച്ചാൽ 2,000 രൂപയും സാമൂഹ്യസേവനവും; കേന്ദ്രസർ ക്കാരിന്റെ അമിത പിഴ കുറച്ച പിണറായി മന്ത്രിസഭയുടെ പുതിയ നിരക്കുകൾ അറിയാം…
തിരുവനന്തപുരം: സംസ്ഥാനത്ത് ഗതാഗത നിയമലംഘനങ്ങൾക്കുള്ള പിഴത്തുക കുറയ്ക്കാൻ മന്ത്രിസഭ തീരുമാനിച്ചു. മോട്ടോർ വാഹന പിഴത്തുക സംബന്ധിച്ച നിയമഭേദഗതിക്ക് മന്ത്രിസഭ അംഗീകാരം നൽകി. ഇതോടെ സീറ്റ് ബെൽറ്റും ഹെൽമറ്റും ധരിക്കാത്തതിന് 500 രൂപയായി പിഴ. നേരത്തെ പുതിയ നിയമപ്രകാരം പിഴ 1,000 രൂപയായിരുന്നു. അമിത വേഗത്തിൽ സഞ്ചരിച്ചാൽ ആദ്യ നിയമലംഘനത്തിന് 1,500 രൂപയും ആവർത്തിച്ചാൽ 3,000 രൂപയുമാണ് പിഴ. വാഹനത്തില് അമിതഭാരം കയറ്റലുള്ള പിഴ 20000 രൂപയിൽ നിന്ന് പതിനായിരമാക്കി കുറച്ചു. വാഹനം ഓടിക്കുമ്പോൾ മൊബൈൽ ഫോൺ ഉപയോഗിച്ചാൽ 2,000 രൂപയും സാമൂഹ്യസേവനവുമാണ് ശിക്ഷ. സംസ്ഥാന സർക്കാരിന് തീരുമാനമെടുക്കാന് കഴിയുന്ന ഗതാഗത നിയമ ലംഘനങ്ങളിലെ പിഴത്തുക കുറയ്ക്കാനാണ് ഇപ്പോള് തീരുമാനമായിരിക്കുന്നത്. അതേസമയം, മദ്യപിച്ച് വാഹനമോടിക്കുന്നതിന് കേന്ദ്രം നിശ്ചയിച്ച 10,000 രൂപ തന്നെ പിഴ ചുമത്താനാണ് സംസ്ഥാന സർക്കാരിന്റെയും തീരുമാനം. പ്രായപൂർത്തിയാകാത്ത ആൾ വാഹനമോടിച്ചാലുള്ള പിഴയ്ക്കും കുറവില്ല. പ്രായപൂർത്തിയാകാത്ത ഒരാൾ…
Read Moreജലീലിനും ഓഫീസിനും ക്ലീൻചിറ്റ്; മാർക്ക് ദാനത്തിൽ മന്ത്രി ഇടപെട്ടില്ലെന്ന് റിപ്പോർട്ട്
തിരുവനന്തപുരം: മാര്ക്ക്ദാന വിവാദത്തില് മന്ത്രി കെ.ടി ജലീലിനും അദ്ദേഹത്തിന്റെ ഓഫീസിനും ക്ലീൻചിറ്റ് നൽകി ഉന്നതവിദ്യാഭ്യാസ പ്രിൻസിപ്പൽ സെക്രട്ടറി. വിവാദ അദാലത്തുകളില് മന്ത്രിയുടെയും പ്രൈവറ്റ് സെക്രട്ടറിയുടെയും ഇടപെടലുണ്ടായിട്ടില്ലെന്നു ചൂണ്ടിക്കാട്ടി ഉന്നതവിദ്യാഭ്യാസ പ്രിൻസിപ്പൽ സെക്രട്ടറി മുഖ്യമന്ത്രിക്ക് റിപ്പോർട്ട് നൽകി. അദാലത്തിൽ മാർക്ക് നൽകാൻ തീരുമാനിച്ചിട്ടില്ല. സിൻഡിക്കേറ്റാണ് മാർക്ക് നൽകാൻ തീരുമാനിച്ചത്. മാർക്ക് നൽകാൻ മന്ത്രിയോ ഓഫീസോ ആവശ്യപ്പെട്ടിട്ടില്ല. അദാലത്തുകളില് ഇരുവരുടെയും സാന്നിധ്യം മാത്രമാണ് ഉണ്ടായിരുന്നതെന്നും റിപ്പോർട്ട് പറയുന്നു. നേരത്തെ ജലീലിനെ ന്യായീകരിച്ച് സര്വകലാശാലകൾ ഗവര്ണര്ക്ക് റിപ്പോർട്ട് നൽകിയിരുന്നു. എംജി, സാങ്കേതിക സര്വകലാശാലകളാണ് റിപ്പോര്ട്ട് നല്കിയത്. വിവാദ അദാലത്തുകളില് മന്ത്രിയും പ്രൈവറ്റ് സെക്രട്ടറിയും പങ്കെടുത്തിരുന്നെങ്കിലും ഇടപെടലുണ്ടായില്ലെന്നും റിപ്പോർട്ട് പറയുന്നു.
Read Moreശാരീരിക അവശത; മുൻ വിദ്യാഭ്യാസമന്ത്രി അബ്ദുറബ് ആശുപത്രിയിൽ
തിരുവനന്തപുരം: മുൻ വിദ്യാഭ്യാസമന്ത്രി പി.കെ.അബ്ദുറബ് എംഎൽഎയെ ശാരീരിക അസ്വസ്ഥതയെ തുടർന്ന് തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ചൊവ്വാഴ്ച അർദ്ധരാത്രിയോടടുത്താണ് ഇദ്ദേഹത്തിന് ശാരീരിക അവശത അനുഭവപ്പെട്ടത്. ഉടൻ തന്നെ അദ്ദേഹത്തെ ആശുപത്രിയിൽ എത്തിക്കുകയായിരുന്നു. മെഡിക്കൽ കോളജ് ആശുപത്രിയിൽ കാർഡിയോളജി ഐസിയുവിലാണ് ഇപ്പോൾ മുൻമന്ത്രി ചികിത്സയിലുള്ളത്.
Read Moreസാങ്കേതിക സര്വകലാശാല പരീക്ഷാ നടത്തിപ്പിലും കെ.ടി.ജലീൽ ഇടപെട്ടുവെന്ന പുതിയ വെളിപ്പെടുത്തലുമായി ചെന്നിത്തല
തിരുവനന്തപുരം: ഉന്നത വിദ്യാഭ്യാസ മന്ത്രി കെ.ടി. ജലീലിനെതിരെ പുതിയ ആരോപണവുമായി പ്രതിപക്ഷ നേതാവ് രമേശ് ചെന്നിത്തല. കേരള സാങ്കേതിക സർവകലാശാല പരീക്ഷ നടത്തിപ്പിലും ജലീൽ ഇടപെട്ടു. പരീക്ഷാ നടത്തിപ്പ് ചുമതല ആറംഗ സമിതിക്കു നല്കിയെന്നും പ്രതിപക്ഷ നേതാവ് വാര്ത്താസമ്മേളനത്തില് പറഞ്ഞു. പരീക്ഷ നടത്തിപ്പിനും ചോദ്യപേപ്പർ തയാറാക്കുന്നതിനും കമ്മിറ്റിയെ നിയോഗിച്ചു. കമ്മിറ്റി അംഗങ്ങളെ മന്ത്രിയുടെ നിർദേശപ്രകാരമാണ് നിയമിച്ചത്. മന്ത്രിയുടെ ഓഫീസ് നൽകിയ നിർദേശം വൈസ് ചാൻസലർ നടപ്പാക്കിയെന്നും ചെന്നിത്തല ആരോപിച്ചു. പരീക്ഷാ കണ്ട്രോളറുടെ ചുമതല സമിതിക്കായി മാറി. ഇതോടെ ചോദ്യപേപ്പർ തയാറാക്കുന്നതിന്റെ രഹസ്യസ്വഭാവം നഷ്ടമായി. ഡീനിന് പരീക്ഷാ നടത്തിപ്പിന്റെ ചുമതല നൽകിയതും ചട്ടവിരുദ്ധമാണെന്നും പ്രതിപക്ഷ നേതാവ് കുറ്റപ്പെടുത്തി. ഇക്കാര്യങ്ങൾ ചൂണ്ടിക്കാണിച്ച് ഗവർണർക്ക് ഇന്ന് വീണ്ടും കത്ത് നൽകും. മുഖ്യമന്ത്രിയുടെ മൗനം ദുരൂഹമെന്നും ചെന്നിത്തല ആവര്ത്തിച്ചു.
Read More