തിരുവനന്തപുരം: യൂണിവേഴ്സിറ്റി കോളജിലുണ്ടായ അക്രമസംഭവങ്ങളെത്തുടർന്ന് കോളജിലെ എസ്എഫ്ഐ ഏകാധിപത്യം അവസാനിപ്പിക്കാനുള്ള ശ്രമവുമായി മറ്റു വിദ്യാർഥി സംഘടനകൾ. കോളജിൽ യൂണിറ്റ് ആരംഭിക്കാൻ കെഎസ് യു ഉൾപ്പെടെയുള്ള പ്രതിപക്ഷ വിദ്യാർഥി സംഘടന നേതൃത്വം ആലോചന തുടങ്ങി. അക്രമരാഷ്ട്രീയത്തിന് വിരുദ്ധമായി നിലപാട് പുലർത്തുന്ന വിദ്യാർഥികളെ ഉൾപ്പെടുത്തിയാണ് യൂണിറ്റ് ആരംഭിക്കാൻ കെഎസ്യു നേതൃത്വം കരുക്കൾ നീക്കുന്നത്. കോളജിൽ യൂണിറ്റ് രൂപീകരിച്ചതായി എഐഎസ്എഫ് നേരത്തെ തന്നെ പ്രഖ്യാപിച്ചിരുന്നു. കെഎസ്യു പ്രവർത്തകർ സെക്രട്ടേറിയറ്റ് പടിക്കൽ നിരാഹാര സമരത്തിലാണ്. എഐഡിഎസ്ഒ യൂണിവേഴ്സിറ്റി കോളജിൽ നേരത്തെ മത്സരിച്ചിരുന്നു. എന്നാൽ ഇപ്പോൾ യൂണിറ്റ് രൂപീകരിക്കേണ്ടെന്ന നിലപാടിലാണ് എബിവിപി.
Read MoreCategory: TVM
വീണ്ടും തന്ത്രങ്ങൾ പാളി…! കൈയിലെ പരിക്കിന് കിടത്തിച്ചികിത്സ വേണമെന്നു ശിവരഞ്ജിത്ത്; വേണ്ടെന്നു കോടതി
തിരുവനന്തപുരം: യൂണിവേഴ്സിറ്റി കോളജിൽ സഹപാഠിയെ കുത്തിക്കൊല്ലാൻ ശ്രമിച്ച കേസിലെ മുഖ്യപ്രതികളായ എസ്എഫ്ഐ നേതാക്കളെ കോടതി 14 ദിവസത്തേക്കു റിമാൻഡ് ചെയ്തു. വിദ്യാർഥികൾക്കു ജാമ്യം നൽകിയാൽ കലാലയത്തിൽ വീണ്ടും കലാപമുണ്ടാകുമെന്ന പോലീസ് വാദം അംഗീകരിച്ചാണു തിരുവനന്തപുരം മജിസ്ട്രേറ്റ് കോടതിയുടെ നടപടി. കൈയ്ക്കു പരിക്കേറ്റതിനാൽ കിടത്തിച്ചികിത്സ വേണമെന്ന പ്രധാന പ്രതി ശിവരഞ്ജത്തിന്റെ ആവശ്യം കോടതി തള്ളി. റിമാൻഡ് ഒഴിവാക്കാനാണ് ശിവരഞ്ജിത്ത് കിടത്തിച്ചികിത്സ ആവശ്യപ്പെട്ടത്. എസ്എഫ്ഐ പ്രവർത്തകൻ കൂടിയായ അഖിലിനെ ആക്രമിക്കുന്നതിനിടെയാണു ശിവരഞ്ജത്തിനു പരിക്കേറ്റത്. അഭിഭാഷകരുമായി സംസാരിക്കാൻ അനുവദിക്കണമെന്ന പ്രതികളുടെ ആവശ്യവും കോടതി അംഗീകരിച്ചില്ല. ഒന്നാം പ്രതി ശിവരഞ്ജിത്ത്, രണ്ടാം പ്രതി നസീം എന്നിവർ തിങ്കളാഴ്ച പുലർച്ചെയാണ് പോലീസിന്റെ പിടിയിലായത്. പ്രതികൾക്കായി പോലീസ് ലുക്കൗട്ട് നോട്ടീസ് പുറത്തിറക്കുകയും പ്രതികളുടെ വീടുകളിലും ഇവർ പോകാനിടയുള്ള സ്ഥലങ്ങളിലും റെയ്ഡ് വ്യാപകമാക്കുകയും ചെയ്തിരുന്നു. കേസിൽ മൊത്തം ഇതുവരെ ആറു പ്രതികളുടെ അറസ്റ്റ് പോലീസ് രേഖപ്പെടുത്തി. ലുക്കൗട്ട്…
Read Moreശിവരഞ്ജിത്തിനും നസീമിനും അഡ്വൈസ് മെമ്മോ നൽകില്ല; സംഭവം പിഎസ്സി വിജിലൻസ് അന്വേഷിക്കുമെന്ന് പിഎസ്സി ചെയർമാൻ
തിരുവനന്തപുരം: യൂണിവേഴ്സിറ്റി കോളജ് വിദ്യാർഥി അഖിലിനെ കുത്തിപരിക്കേൽപ്പിച്ച എസ്എഫ്ഐ നേതാക്കൾ പോലീസ് പരീക്ഷയിൽ ഉയർന്ന റാങ്കുകളിൽ എത്തപ്പെട്ട സംഭവം പിഎസ്സി വിജിലൻസ് അന്വേഷിക്കും. പിഎസ്സി ചെയർമാൻ എം.കെ.സക്കീറാണ് ഇക്കാര്യം വ്യക്തമാക്കിയത്. ഒരുമാസത്തിനുള്ളിൽ അന്വേഷണം പൂർത്തിയാക്കി റിപ്പോർട്ട് നൽകണമെന്നാണ് നിർദേശം നൽകിയിട്ടുള്ളത്. അന്വേഷണം പൂർത്തിയാക്കി റിപ്പോർട്ട് ലഭിക്കും വരെ പ്രതികളായ ശിവരഞ്ജിത്ത്, നസീം, പ്രണവ് എന്നിവർക്ക് അഡ്വൈസ് മെമ്മോ നൽകില്ലെന്നും ചെയർമാൻ അറിയിച്ചു. ഇവർക്കുൾപ്പെടെ പരീക്ഷ കേന്ദ്രങ്ങൾ മാറ്റി നൽകിയെന്ന വാർത്തകൾ അടിസ്ഥാനരഹിതമാണെന്നും അദ്ദേഹം പറഞ്ഞു. സംഭവത്തിനു പിന്നാലെ പിഎസ്സിയുടെ വിശ്വാസ്യത തകർന്നു എന്ന തരത്തിലാണ് വാർത്തകൾ പ്രചരിക്കുന്നതെന്നും അത്തരത്തിൽ വാർത്തകൾ നൽകരുതെന്നും സക്കീർ ആവശ്യപ്പെട്ടു. കേസിലെ ഒന്നാം പ്രതിയും എസ്എഫ്ഐ യൂണിറ്റ് പ്രസിഡന്റുമായ ശിവരഞ്ജിത്ത് റാങ്ക് പട്ടികയിൽ ഒന്നാമനായും രണ്ടാം പ്രതിയും എസ്എഫ്ഐ യൂണിറ്റ് സെക്രട്ടറിയുമായ എ.എൻ.നസീം പട്ടികയിലെ 28-ാം റാങ്കുകാരനായും ഇടം നേടിയതാണ് വിവാദമായിരിക്കുന്നത്. പട്ടികയിലെ…
Read Moreകുരുക്കുകൾ മുറുകുന്നു; യൂണിയൻ ഓഫീസിലും ഉത്തരക്കടലാസുകൾ; എസ്എഫ്ഐ വീണ്ടും പ്രതിക്കൂട്ടിൽ
തിരുവനന്തപുരം: ബിരുദ വിദ്യാർഥി അഖിലിനെ കുത്തിയ കേസിലെ ഒന്നാം പ്രതിയുടെ വീട്ടിൽ നിന്ന് സർവകലാശാല പരീക്ഷയുടെ ഉത്തരക്കടലാസുകൾ കണ്ടെത്തിയതിനെ ന്യായീകരിക്കാൻ ഇരുട്ടിൽ തപ്പുന്നതിനിടെ എസ്എഫ്ഐയ്ക്ക് കൂടുതൽ തലവേദന സൃഷ്ടിച്ച് യൂണിയൻ ഓഫീസിലും ഉത്തരക്കടലാസുകൾ. ഓഫീസ് ഒഴിപ്പിക്കുന്നതിനിടെയാണ് ജീവനക്കാർ സർവകലാശാല പരീക്ഷയ്ക്കുള്ള ഉത്തരക്കടലാസുകൾ കണ്ടെത്തിയത്. ഉത്തരക്കടലാസുകളുടെ കെട്ടുകൾക്കൊപ്പം ബോട്ടണി വിഭാഗം മേധാവിയായ അസിസ്റ്റന്റ് പ്രൊഫസറുടെ സീലും ഇവിടെ നിന്ന് കണ്ടെത്തി. അക്രമ സംഭവങ്ങളുടെ പശ്ചാത്തലത്തിൽ യൂണിവേഴ്സിറ്റി കോളജിലെ യൂണിയൻ ഓഫീസ് ഒഴിപ്പിക്കാൻ കോളജ് വിദ്യാഭ്യാസ അഡീഷണൽ ഡയറക്ടർ ഉത്തരവിട്ടിരുന്നു. ഇതനുസരിച്ച് ഓഫീസ് ഒഴിപ്പിക്കുന്നതിനിടെയാണ് ഉത്തരക്കടലാസുകളും സീലും കണ്ടെത്തിയത്. കോളജിലെ അക്രമസംഭവങ്ങൾക്ക് പിന്നാലെ കേസിലെ ഒന്നാം പ്രതി ശിവരഞ്ജിത്തിന്റെ വീട്ടിൽ നടത്തിയ റെയ്ഡിനിടെയാണ് സർകലാശാലാ ഉത്തരക്കടലാസുകൾ ആദ്യം കണ്ടെത്തിയത്. കന്റോൺമെന്റ് പോലീസാണ് ഉത്തരകടലാസുകളുടെ കെട്ടുകൾ കണ്ടെത്തിയത്. ഒപ്പം സർവകലാശാലയിലെ ഫിസിക്കൽ എഡ്യുക്കേഷൻ ഡയറക്ടറുടെ വ്യാജ സീലും ഇവിടെ നിന്ന് കണ്ടെടുത്തിരുന്നു.…
Read Moreയൂണിവേഴ്സിറ്റി കോളജിലേക്ക് വിവിധ സംഘടനകൾ നടത്തിയ മാർച്ചുകളിൽ സംഘർഷം;ജലപീരങ്കി പ്രയോഗിച്ച് പോലീസ്
തിരുവനന്തപുരം: യൂണിവേഴ്സിറ്റി കോളജിൽ മൂന്നാം വർഷ ബിരുദ വിദ്യാർഥി അഖിലിനെ എസ്എഫ്ഐ പ്രവർത്തകർ കുത്തിക്കൊലപ്പെടുത്താൻ ശ്രമിച്ച സംഭവത്തിൽ പ്രതിഷേധിച്ച് കോളജിലേക്ക് വിവിധ സംഘടനകൾ മാർച്ച് നടത്തി. മാർച്ചുകൾ സംഘർഷഭരിതമായി.എബിവിപി-യുവമോർച്ച, എസ്ഡിപിഐ സംഘടനകളാണ് ഇന്ന് മാർച്ച നടത്തിയത്. യുവമോർച്ച മാർച്ചിനു നേരെ പോലീസ് പലതവണ ജലപീരങ്കിയും കണ്ണീർവാതകവും പ്രയോഗിച്ചു. എന്നിട്ടും പ്രവർത്തകർ സ്ഥലത്തു നിന്ന് പിരിഞ്ഞു പോകാൻ തയാറായില്ല. രാവിലെ എസ്ഡിപിഐ നടത്തിയ മാർച്ചും സംഘർഷഭരിതമായിരുന്നു. ഈ മാർച്ചിനു നേരെയും പോലീസ് ജലപീരങ്കിയും കണ്ണീർവാതകവും പ്രയോഗിച്ചിരുന്നു
Read Moreശിവരഞ്ചിത്തിന്റെ വീട്ടിലെ റെയ്ഡിനിടെ മാധ്യമപ്രവർത്തകരെ ആക്രമിക്കാൻ ശ്രമിച്ച സംഭവം; കേസെടുക്കാതെ പോലീസ്
തിരുവനന്തപുരം: യൂണിവേഴ്സിറ്റി കോളജ് വിദ്യാർഥി അഖിലിനെ കുത്തിക്കൊലപ്പെടുത്താൻ ശ്രമിച്ച കേസിലെ മുഖ്യപ്രതി ശിവരഞ്ജിത്തിന്റെ വീട്ടിൽ പോലീസ് നടത്തിയ റെയ്ഡിന്റെ ദൃശ്യങ്ങൾ പകർത്താൻ ശ്രമിച്ച മാധ്യമപ്രവർത്തകരെ ആക്രമിക്കാൻ ശ്രമിച്ച സംഭവത്തിൽ പോലീസ് കേസെടുത്തില്ല. പരാതി ലഭിക്കാത്തതിനാലാണ് കേസെടുക്കാത്തതെന്നാണ് പോലീസ് വ്യക്തമാക്കുന്നത്. ഇന്നലെ വൈകുന്നേരമാണ് ശിവരഞ്ജിത്തിന്റെ ആറ്റുകാലിലെ വീട്ടിൽ പോലീസ് സംഘം റെയ്ഡ് നടത്തിയത്. റെയ്ഡിന്റെ ദൃശ്യങ്ങൾ പകർത്താൻ ശ്രമിക്കവെയാണ് ശിവരഞ്ജിത്തിന്റെ ബന്ധുക്കൾ മാധ്യമപ്രവർത്തകരെ ആക്രമിക്കാൻ ശ്രമിച്ചത്.
Read Moreഅഖിൽ വധശ്രമക്കേസ്; പ്രതികൾ റാങ്ക് പട്ടികയിൽ വന്നതിനെ ന്യായീകരിച്ച് പോലീസ് അസോസിയേഷൻ; പോലീസുകാർക്കിടയിൽ പ്രതിഷേധം
തിരുവനന്തപുരം: യൂണിവേഴ്സിറ്റി കോളജിൽ എസ്എഫ്ഐ പ്രവർത്തകനെ കുത്തിയ കേസിലെ പ്രതികൾ പോലീസ് റാങ്ക് പട്ടികയിൽ വന്നതിനെ ന്യായീകരിച്ച് പോലീസ് അസോസിയേഷൻ ജനറൽ സെക്രട്ടറി. പോലീസ് ഉദ്യോഗസ്ഥരുടെ വാട്സ്ആപ്പ് ഗ്രൂപ്പിലാണ് ന്യായീകരണം. ഗ്രേസ് മാർക്കിന്റെ അടിസ്ഥാനത്തിലാണ് ഇവർക്ക് ഉയർന്ന റാങ്ക് കിട്ടിയതെന്നാണ് ജനറൽ സെക്രട്ടറിയുടെ വിശദീകരണം. അതേസമയം, പോലീസുകാരനെ ആക്രമിച്ച കേസിലെയടക്കം പ്രതിയെ ന്യായീകരിച്ചതിന് എതിരേ പോലീസുകാർക്കിടയിൽ പ്രതിഷേധവുമുണ്ട്.
Read Moreപോലീസിനു വീണ്ടും കുരുക്ക്; പ്രാഥമിക അന്വേഷണ റിപ്പോർട്ട് തള്ളി; മാവേലിക്കര സ്പെഷൽ സബ് ജയിലിലെ ജേക്കബിന്റെ മരണത്തിൽ പുനരന്വേഷണത്തിന് ഉത്തരവ് നൽകി ഡിജിപി
തിരുവനന്തപുരം: സാന്പത്തിക തട്ടിപ്പുകേസിലെ പ്രതി മാവേലിക്കര സ്പെഷൽ സബ് ജയിലിൽ മരിക്കാനിടയായ സംഭവത്തിൽ പുനരന്വേഷണത്തിന് ഉത്തരവ്. ഡിജിപി ലോകനാഥ് ബെഹറയാണ് അന്വേഷണത്തിന് ഉത്തരവിട്ടത്. ജയിൽ ജീവനക്കാർക്കു വീഴ്ചയില്ലെന്ന പ്രാഥമിക അന്വേഷണ റിപ്പോർട്ട് തള്ളിയാണു ഡിജിപിയുടെ ഉത്തരവ്. കുമരകം സ്വദേശി എം.ജെ. ജേക്കബാണ് ജയിലിൽ മരിച്ചത്. മാർച്ച് 21-ന് പുലർച്ചെയാണു ജേക്കബിനെ ജയിലിൽ മരിച്ച നിലയിൽ കണ്ടത്. സംഭവം അന്വേഷിച്ച അന്നത്തെ മാവേലിക്കര ചീഫ് ജുഡീഷൽ മജിസ്ട്രേറ്റ് വിവേജ രവീന്ദ്രനാണു കൊലപാതക സൂചനയിലേക്കു വിരൽ ചൂണ്ടിയത്. സഹതടവുകാർ മർദിച്ചും ശ്വാസം മുട്ടിച്ചും ജേക്കബിനെ കൊലപ്പെടുത്തിയതാകാമെന്നും പോലീസ്, ജയിൽ ഉദ്യോഗസ്ഥരുടെ ഒത്താശ ഇതിനു പിന്നിലുണ്ടെന്നും വിവേജ രവീന്ദ്രന്റെ റിപ്പോർട്ടിലുണ്ട്. മാർച്ച് 20-നു രാത്രി ജേക്കബിനെ മാവേലിക്കര ജയിലിൽ എത്തിച്ചു. പിറ്റേന്നു രാവിലെ ആറിനു ജയിലിലെ 11-ാം നന്പർ സെല്ലിൽ ജേക്കബിനെ മരിച്ച നിലയിൽ കണ്ടെത്തി. കൈയിലുണ്ടായിരുന്ന തൂവാല തൊണ്ടയിൽ തിരുകി…
Read Moreതൽക്കാലം ഒരുമാസം കൂടി സഞ്ചരിച്ചോ..! പിൻസീറ്റിൽ ഹെൽമറ്റില്ലാതെ യാത്രചെയ്യുന്നവരെ ഉടൻ പിടികൂടില്ലെന്ന് ഗതാഗതമന്ത്രി
തിരുവനന്തപുരം: ഇരുചക്ര വാഹനങ്ങളിൽ പിൻസീറ്റിലിരുന്നു യാത്ര ചെയ്യുന്നവർക്കു ഹെൽമറ്റ് നിർബന്ധമാക്കണമെന്ന ഉത്തരവ് ഒരു മാസത്തേക്കു കർശനമായി നടപ്പാക്കില്ലെന്നു ഗതാഗതമന്ത്രി എ.കെ. ശശീന്ദ്രൻ. പരിശോധനയിൽ ഹെൽമറ്റ് ധരിക്കാതെ യാത്ര ചെയ്തു പിടിയിലാകുന്നവരെ ബോധവത്കരിക്കുമെന്നും തത്കാലത്തേക്കു പിഴ ചുമത്തില്ലെന്നും മന്ത്രി പറഞ്ഞു. പിൻ സീറ്റ് യാത്രക്കാർക്കു ഹെൽമറ്റ് നിർബന്ധമാക്കണമെന്നു നിർദേശിച്ചു ഗതാഗത സെക്രട്ടറി കെ.ആർ. ജ്യോതിലാൽ, സംസ്ഥാന പോലീസ് മേധാവിക്കു കഴിഞ്ഞ ദിവസം കത്തു നൽകിയിരുന്നു. കാറുകളിൽ പിൻസീറ്റിൽ സഞ്ചരിക്കുന്നവർക്കു സീറ്റ് ബെൽറ്റും നിർബന്ധമാക്കണമെന്നു നിർദേശിച്ചാണ് ഗതാഗത സെക്രട്ടറി കത്തു നൽകിയത്. ഇതു സംബന്ധിച്ചു സുപ്രീംകോടതിയുടെ വിധി നിലവിലുണ്ട്. ഇരുചക്ര വാഹനം ഓടിക്കുന്നവർക്കാണ് നിലവിൽ കേരളത്തിൽ ഹെൽമറ്റ് നിർബന്ധമാക്കിയിട്ടുള്ളത്. പോലീസ്, മോട്ടോർ വാഹന വകുപ്പിന്റെ പരിശോധനയും നടപടിയും ഇത്തരക്കാർക്കെതിരേ മാത്രമാണു സ്വീകരിക്കുന്നത്. പിൻ സീറ്റിൽ സഞ്ചരിക്കുന്നവർക്കും ഹെൽമറ്റ് നിർബന്ധമാക്കുന്നതിൻറെ ഭാഗമായി പരിശോധന നടത്തണമെന്നും കത്തിൽ പറയുന്നു. കോടതി ഉത്തരവ് പാലിക്കാത്തവർക്കു…
Read Moreകഷ്ടമുണ്ട് സാറേ..! എസ്എഫ്ഐ നേതാക്കൾ ഒളിവിലെന്നു പോലീസ്; യൂണിയൻ ഓഫീസിലെന്നു സഹപാഠി
തിരുവനന്തപുരം: യൂണിവേഴ്സിറ്റി കോളജിൽ എസ്എഫ്ഐ പ്രവർത്തകനായ വിദ്യാർഥിയെ കുത്തിയ എസ്എഫ്ഐ നേതാക്കൾ ഒളിവിലെന്നു പോലീസ്. കേസിൽ പ്രതികളായ ഏഴു പേരും രാത്രി കീഴടങ്ങുമെന്നു സൂചനയുണ്ടായിരുന്നെങ്കിലും ശനിയാഴ്ച രാവിലെ വരെ കീഴടങ്ങിയില്ല. ഇവരെ പിടികൂടാൻ ശ്രമം ആരംഭിച്ചതായി പോലീസ് അറിയിച്ചു. മൂന്നാം വർഷ ബിഎ പൊളിറ്റിക്കൽ സയൻസ് വിദ്യാർഥി അഖിലിനെയാണ് എസ്എഫ്ഐ യൂണിറ്റ് കമ്മിറ്റി ഭാരവാഹികൾ സംഘം ചേർന്നു മർദിക്കുകയും കുത്തിപ്പരിക്കേൽപ്പിക്കുകയും ചെയ്തത്. ഗുരുതരമായി പരിക്കേറ്റ അഖിലിനെ ആദ്യം ജനറൽ ആശുപത്രിയിലും പിന്നീട് മെഡിക്കൽ കോളജ് ആശുപത്രിയിലും പ്രവേശിപ്പിച്ചു. അഖിലിന് വൈകുന്നേരത്തോടെ അടിയന്തര ശസ്ത്രക്രിയ നടത്തി. അഖിലിന്റെ സഹപാഠി വിഷ്ണുവും ആശുപത്രിയിൽ ചികിത്സയിലാണ്. സംഭവത്തിൽ എസ്എഫ്ഐ യൂണിറ്റ് സെക്രട്ടറി നസീം അടക്കം ആറു പേർക്കെതിരേ പോലീസ് വധശ്രമത്തിനു കേസെടുത്തു. നേരത്തെ പാളയത്തു ഗതാഗത നിയമം ലംഘിക്കുന്നതു തടഞ്ഞ പോലീസ് ഉദ്യോഗസ്ഥനെ ആക്രമിച്ച കേസിലും പ്രതിയാണു നസീം. കേസിൽ പ്രതികളായ…
Read More