തിരുവനന്തപുരം: ഇരുചക്രവാഹനങ്ങളുടെ പിൻസീറ്റിൽ യാത്രചെയ്യുന്നവര് ഹെൽമെറ്റ് നിര്ബന്ധമായും ധരിക്കണമെന്നും സീറ്റ് ബെൽറ്റുള്ള വാഹനങ്ങളിലെ എല്ലാ യാത്രക്കാരും അത് നിര്ബന്ധമായും ഉപയോഗിക്കണമെന്നും ഡിജിപി ലോക്നാഥ് ബെഹ്റയുടെ നിര്ദ്ദേശം. സുപ്രീംകോടതിയുടെ ഉത്തരവിന്റെ പശ്ചാത്തലത്തിൽ അത് പാലിക്കപ്പെടുന്നുണ്ടെന്ന് ഉറപ്പ് വരുത്താൻ പോലീസ് ശ്രദ്ധിക്കണമെന്ന് ആവശ്യപ്പെട്ട് ഡിജിപി സര്ക്കുലര് ഇറക്കി. സുപ്രീംകോടതി വിധി നടപ്പാക്കാനും അതിനായി ബോധവൽക്കരണം അടക്കമുള്ള പരിപാടികൾ സംഘടിപ്പിക്കാനും ജില്ലാ പോലീസ് മേധാവികൾക്കും ഡിജിപി നിര്ദ്ദേശം നൽകിയിട്ടുണ്ട്. ബൈക്കിലെ പിൻസീറ്റ് യാത്രക്കാര്ക്ക് ഹെല്മെറ്റും കാറിലെ എല്ലാ യാത്രക്കാര്ക്കും സീറ്റ് ബെല്റ്റും നിര്ബന്ധമാക്കിയ സുപ്രീം കോടതി വിധി സംസ്ഥാനത്ത് നടപ്പാക്കണമെന്ന് കഴിഞ്ഞ ദിവസം ഗതാഗത സെക്രട്ടറി നിര്ദേശിച്ചിരുന്നു.
Read MoreCategory: TVM
പോലീസുകാർ ആർഎസ്എസിന്റെ ഒറ്റുകാരെന്ന് വിമർശിച്ചിട്ടില്ല; ഒരു പ്രശ്നമുണ്ടായപ്പോൾ മുതലെടുക്കാനാണ് ചിലരുടെ ശ്രമമെന്ന് മുഖ്യമന്ത്രി
തിരുവനന്തപുരം: ശബരിമല വിഷയത്തിൽ പോലീസിലെ ചില ഉന്നതർ ആർഎസ്എസിന്റെ ഒറ്റുകാരായി പ്രവർത്തിച്ചുവെന്ന് വിമർശനം ഉന്നയിച്ചിട്ടില്ലെന്ന് മുഖ്യമന്ത്രി പിണറായി വിജയൻ. കഴിഞ്ഞ ദിവസം ഉന്നത പോലീസ് ഉദ്യോഗസ്ഥരുടെ യോഗത്തിൽ മുഖ്യമന്ത്രി ഈ വിമർശനം ഉന്നയിച്ചുവെന്ന മാധ്യമ വാർത്തകളോട് പ്രതികരിക്കുകയായിരുന്നു അദ്ദേഹം. ഇത്തരത്തിലാണ് വാർത്തകൾ വളച്ചൊടിക്കുന്നത്. കേരളത്തിലെ പോലീസ് ഉദ്യോഗസ്ഥർ ആർഎസ്എസിന് വേണ്ടി പ്രവർത്തിച്ചുവെന്ന് ആരെങ്കിലും വിമർശനം ഉന്നയിക്കുമോ. താൻ ഇത്തരമൊരു വിമർശനം ഉന്നയിച്ചുവെന്ന വാർത്തകൾ ശുദ്ധകളവാണ്. പോലീസുകാരുടെ യോഗത്തിൽ പോലീസിന്റെ ചില നടപടിയെ വിമർശിച്ചിട്ടുണ്ടെന്നും എന്നാൽ മാധ്യമങ്ങൾ പറഞ്ഞപോലുള്ള കാര്യങ്ങളൊന്നും താൻ പറഞ്ഞതല്ലെന്നും മുഖ്യമന്ത്രി കൂട്ടിച്ചേർത്തു. ഒരു പ്രശ്നമുണ്ടായപ്പോൾ മുതലെടുക്കാനാണ് ചിലരുടെ ശ്രമം. പിഎസ്സി പരീക്ഷകളുടെ വിശ്വാസ്യത സംശയിക്കേണ്ട കാര്യമില്ല. തെറ്റിദ്ധാരണയുണ്ടാക്കുന്ന വാർത്തകളാണ് ഇപ്പോൾ പ്രചരിക്കുന്നതെന്നും മുഖ്യമന്ത്രി കുറ്റപ്പെടുത്തി.
Read Moreശിവരഞ്ജിത്തിന്റെ വീട്ടിൽനിന്നു ഉത്തരക്കടലാസ് കണ്ടെത്തിയ സംഭവം : സിൻഡിക്കേറ്റ് ഉപസമിതി അന്വേഷിക്കും
തിരുവനന്തപുരം: കേരള സർവകലാശാലയുടെ ഉത്തരപേപ്പർ യൂണിവേഴ്സിറ്റി കോളജിൽ അക്രമം നടത്തിയ ശിവരഞ്ജിത്തിന്റെ വീട്ടിൽനിന്നു കണ്ടെത്തിയ സംഭവം സിൻഡിക്കേറ്റ് ഉപസമിതി അന്വേഷിക്കും. ഗുരുതരമായ വീഴ്ചയാണ് ഇക്കാര്യത്തിൽ സംഭവിച്ചതെന്നും സിൻഡിക്കേറ്റ് യോഗം വിലയിരുത്തി. ശിവരഞ്ജിത്തിന്റെ വീട്ടില് കണ്ടെത്തിയ ഉത്തരക്കടലാസ് വ്യാജമല്ലെന്നും തെളിഞ്ഞു. സര്വകലാശാല കോളജിന് നല്കിയ ക്രമനമ്പറില്പ്പെട്ടവയാണ് ഇതെന്നും പരീക്ഷ കണ്ട്രോളര് റിപ്പോര്ട്ട് നല്കി. കഴിഞ്ഞ രണ്ടു വർഷത്തെ ഉത്തരപേപ്പറുകൾ കാണാതായിട്ടുണ്ടെന്നും റിപ്പോർട്ടിൽ പറയുന്നു.
Read Moreമന്ത്രി ജലീലാണ് എസ്എഫ്ഐയുടെ കൊള്ളരുതായ്മക്ക് കൂട്ടുനിൽക്കുന്നതെന്ന് പ്രതിപക്ഷനേതാവ് ചെന്നിത്തല
തിരുവനന്തപുരം: മന്ത്രി കെ.ടി. ജലീലിനെതിരേ രൂക്ഷ വിമർശനവുമായി പ്രതിപക്ഷ നേതാവ് രമേശ് ചെന്നിത്തല. എസ്എഫ്ഐയുടെ വിദ്യാർഥി വിരുദ്ധ നിലപാടുകൾക്ക് കൂട്ടുനിൽക്കുന്ന നാണംകെട്ട മന്ത്രിയാണ് കെ.ടി. ജലീലെന്ന് സെക്രട്ടറിയേറ്റിനു മുന്നിൽ യുഡിഎഫ് എംഎൽഎമാരുടെ ധർണ ഉദ്ഘാടനം ചെയ്ത് സംസാരിക്കവെ ചെന്നിത്തല പറഞ്ഞു. പിഎസ്സി പരീക്ഷ തട്ടിപ്പ് വ്യാപം അഴിമതിക്ക് തുല്യമാണെന്നും ഇക്കാര്യത്തെക്കുറിച്ച് സിബിഐ അന്വേഷണമാണ് വേണ്ടതെന്നും ചെന്നിത്തല ആവശ്യപ്പെട്ടു. യൂണിവേഴ്സിറ്റി കോളജിൽ അക്രമത്തിൽ പരിക്കേറ്റ അഖിലിനെ എസ്എഫ്ഐയുടെ പുതിയ കമ്മിറ്റിയിൽ ഉൾപ്പെടുത്തിയത് കേസ് അട്ടിമറിക്കാനുള്ള നീക്കമാണെന്നും ചെന്നിത്തല കുറ്റപ്പെടുത്തി. നിലവിലെ പോലീസ് റാങ്ക് ലിസ്റ്റ് റദ്ദാക്കി പുതിയ പരീക്ഷ നടത്താൻ പിഎസ്സി തയാറാകണമെന്നും ചെന്നിത്തല ആവശ്യപ്പെട്ടു.
Read Moreതരാതെ പോകില്ല..! ഒരു വർഷത്തിനുള്ളിൽ ഒരു ലക്ഷം പട്ടയം കൂടി വിതരണം ചെയ്യുമെന്ന് റവന്യൂമന്ത്രി
തിരുവനന്തപുരം: സംസ്ഥാനത്തെ പട്ടയവിതരണം ഊർജിതമാക്കുമെന്നും ഒരു വർഷത്തിനുള്ളിൽ ഒരു ലക്ഷം പട്ടയം കൂടി വിതരണം ചെയ്യുമെന്നും റവന്യുമന്ത്രി ഇ. ചന്ദ്രശേഖരൻ. ഈ വർഷം ഡിസംബറിനുള്ളിൽ 50,000 പേർക്ക് പട്ടയം നൽകും. അടുത്ത മേയ് മാസത്തിനുള്ളിൽ ബാക്കിയുള്ളവ വിതരണം ചെയ്യുമെന്നും മന്ത്രി പറഞ്ഞു. സംയുക്ത പരിശോധന കഴിഞ്ഞ് അനുവദിച്ചു കിട്ടിയ 28,588 ഹെക്ടറിൽ 17,113 ഹെക്ടർ ഭൂമി വിതരണം ചെയ്തു. 11,473 ഹെക്ടറിന്റെ പട്ടയമാണ് ഇനി വിതരണം ചെയ്യേണ്ടത്. ഇടുക്കി, എറണാകുളം, തൃശൂർ, പത്തനംതിട്ട, പാലക്കാട് ജില്ലകളിലാണ് പ്രധാനമായും പട്ടയം വിതരണം ചെയ്യുന്നതെന്നും മന്ത്രി കൂട്ടിച്ചേർത്തു.
Read Moreവികസനമില്ലാതെ നെയ്യാർഡാം; സഞ്ചാരികളെ പിഴിഞ്ഞ് വിനോദ സഞ്ചാര വകുപ്പ്
എം.ജെ ശ്രീജിത്ത് തിരുവനന്തപുരം: ദിവസേന നൂറുകണക്കിന് സഞ്ചാരികളെത്തുന്ന നെയ്യാർഡാം അടിസ്ഥാന സൗകര്യമില്ലാതെ വീർപ്പു മുട്ടുന്നു. സഞ്ചാരികൾക്ക് ഭക്ഷണം കഴിക്കാൻ കാന്റീനോ നല്ല ശുചിമുറികളൊ ഒന്നും തന്നെയില്ല. ഇതിന് പുറമെ നെയ്യാർ ടൂറിസം കാണുന്നതിനായി പാക്കേജ് എന്ന രീതിയിൽ വിനോദ സഞ്ചാര വകുപ്പിന്റെ പകൽ കൊള്ളയും. നെയ്യാർ ഡാമിലെ ലയൺസ് സഫാരിപാർക്ക്, ചീങ്കണ്ണി പാർക്ക്, മാൻ പാർക്ക് എന്നിവ കാണുന്നതിനായി രണ്ടു മാസം മുന്പു വരെ 250 രൂപയായിരുന്നു ഒരാൾക്കുള്ള ടിക്കറ്റ് ചാർജ് അത് ഒറ്റയടിയ്ക്ക് 415 രൂപയാക്കിയാണ് പകൽ കൊള്ള. നെയ്യാർ ഡാമിലെ ബോട്ടിംഗ് പോയന്റിൽ നിന്നും ബോട്ടിൽ കയറ്റി സഞ്ചാരികളെ ലൺസ് പാർക്കിലേയ്ക്ക് കടവിലിറിക്കും. അവിടെ നിന്നും വനം വകുപ്പിന്റെ വാഹനത്തിൽ സിംഹത്തെ കാണാൻ കൊണ്ടു പോകും. ദുർഘടം നിറഞ്ഞ പാതയിലൂടെ 15 മിനിട്ട് സഞ്ചരിച്ചാൽ സിംഹം സ്ഥിരം കാണാറുള്ള സ്ഥലത്ത് എത്തും. നിലവിൽ ലയൺസ്…
Read Moreഎസ്എഫ്ഐയുടെ ഏകാധിപത്യത്തിൽ തിരുവനന്തപുരം ആയുർവേദ കോളജും; എസ്എഫ്ഐക്കല്ലാതെ ഈ കോളജിൽ ആരും സിന്ദാബാദ് വിളിക്കാറില്ല
സ്വന്തം ലേഖകൻ തിരുവനന്തപുരം: തലസ്ഥാന നഗരിയിൽ എസ്എഫ്ഐയുടെ ചെങ്കോട്ടയായി തിരുവനന്തപുരം ആയൂർവേദ കോളജും. ഈ കാന്പസിലേക്ക് എസ്എഫ്ഐക്കല്ലാതെ മറ്റൊരു വിദ്യാർഥി പ്രസ്ഥാനത്തിനും പ്രവേശനമില്ല. എസ്എഫ്ഐക്കല്ലാതെ ഈ കോളജിൽ ആരും സിന്ദാബാദ് വിളിക്കാറില്ല.കെഎസ്യുവിന്റെയോ മറ്റേതെങ്കിലും വിദ്യാർത്ഥി പ്രസ്ഥാനത്തിന്റെയോ പതാക ഈ കോളജിൽ ഉയരാറില്ല. ആയൂർവേദ കോളജിൽ മറ്റൊരു വിദ്യാർത്ഥി പ്രസ്ഥാനം ആരംഭിച്ചാൽ വിദ്യാർഥികൾ അടിച്ചൊതുക്കും. എസ്എഫ്ഐയുടെ പ്രകടനത്തിൽ പങ്കെടുക്കാത്തതിന് ഇന്റേണൽ മാർക്ക് നൽകാതെ പരീക്ഷയിൽ തോറ്റ വിദ്യാർഥികൾ പലരും ഉള്ളതായി ആക്ഷേപമുണ്ട്. എസ്എഫ്ഐ നടത്തുന്ന പ്രകടനത്തിൽ പങ്കെടുക്കാത്തില്ലെങ്കിൽ ചില അധ്യാപകർ നേരിട്ടെത്തി ഭീഷണിപ്പെടുത്തിയിരുന്നതായി പഠിച്ചിറങ്ങിയ വിദ്യാർഥികൾ ആരോപിക്കുന്നു. മാധ്യമ പ്രവർത്തകരോട് വിദ്യാർഥികൾ സംസാരിക്കരുതെന്നാണ് കോളജിലെ വേറൊരു നിയമം. മാധ്യമ പ്രവർത്തകരോട് സംസാരിച്ചാൽ ഇന്റേണൽ മാർക്ക് നൽകില്ലെന്ന് അധ്യാപക സംഘടനാ നേതാക്കൾ പരസ്യമായി പ്രഖ്യാപിച്ചിട്ടുണ്ട്. സ്വകാര്യ കോളജിൽ പഠനം കഴിഞ്ഞിറങ്ങിയ വിദ്യാർത്ഥിക്ക് തിരുവനന്തപുരം ആയൂർവേദ കോളജിൽ ഹൗസ് സർജൻസി നൽകി…
Read Moreസെക്രട്ടറിയേറ്റിന്റെ മതിൽ ചാടിക്കടന്ന് കെഎസ് യു പ്രതിഷേധം; മുഖ്യമന്ത്രിയുടെ ഓഫീസിനു തൊട്ടടുത്തെത്തി വനിതാ പ്രവർത്തകയുടെ പ്രതിഷേധം
തിരുവനന്തപുരം: യൂണിവേഴ്സിറ്റി കോളജ് അക്രമ സംഭവത്തിൽ സുരക്ഷാ വലയം ഭേദിച്ച് സെക്രട്ടറിയേറ്റിനുള്ളിൽ കെഎസ്യു പ്രതിഷേധം. മൂന്ന് കെഎസ്യു പ്രവർത്തകർ മതിൽച്ചാടിക്കടന്ന് സെക്രട്ടറിയേറ്റിനുള്ളിൽ പ്രവേശിച്ചാണ് പ്രതിഷേധം നടത്തിയത്. ഇതിൽ ഒരു വനിതാ പ്രവർത്തക സുരക്ഷാ വലയം ഭേദിച്ച് മുഖ്യമന്ത്രിയുടെ ഓഫീസിനു തൊട്ടുതാഴെവരെ എത്തി. മുഖ്യമന്ത്രിയുടെ ഓഫീസിലേക്ക് തള്ളിക്കയറാൻ ശ്രമിച്ച പ്രവർത്തകയെ പോലീസ് അറസ്റ്റ് ചെയ്തു നീക്കി.
Read Moreപോലീസ്പണി ഗോവിന്ദാ..! ശിവരഞ്ജിത്ത് അമ്പെയ്ത്ത് മത്സരത്തിൽ പങ്കെടുത്തതായി അറിയില്ലെന്ന് ആർച്ചറി ദേശീയ വൈസ് പ്രസിഡന്റ്
തിരുവനന്തപുരം: യൂണിവേഴ്സിറ്റി കോളേജിലെ അഖിലിനെ കുത്തിയ കേസിലെ പ്രതി ശിവരഞ്ജിത്ത് അന്പെയ്ത്ത് മത്സരത്തിൽ പങ്കെടുത്തതായി അറിയില്ലെന്ന് ആർച്ചറി ദേശീയ വൈസ് പ്രസിഡന്റ് ജോറിസ് പൗലോസ്. സംഘടനയിൽ ശിവരഞ്ജിത്ത് പേര് രജിസ്റ്റർ ചെയ്തിട്ടില്ല. ശിവരഞ്ജിത്തിന്റെ സർട്ടിഫിക്കറ്റ് പരിശോധിക്കണമെന്നും അദ്ദേഹം ഒരു ചാനലി നോട് പറഞ്ഞു. ശിവരഞ്ജിത്ത് പിഎസ് സി പരീക്ഷയിൽ ഗ്രേസ് മാർക്ക് നേടിയത് ആർച്ചറി മത്സരത്തിൽ പങ്കെടുത്തതിന്റെ സർട്ടിഫിക്കറ്റുകൾ ഹാജരാക്കിയാണ്. ഇതു പരിശോധിക്കണമെന്നാണ് ആർച്ചറി അസോസിയേഷൻ തന്നെ ഇപ്പോൾ ആവശ്യപ്പെട്ടിരിക്കുന്നത്. ഇതിനിടെ ശിവരഞ്ജിത്തിനെതിരെ ഉത്തരകടലാസുകൾ മോഷ്ടിച്ചതിനും ഫിസിക്കൽ എജ്യൂക്കേഷൻ ഡയറക്ടറുടെ വ്യാജ സീൽ ഉണ്ടാക്കിയതിനും കേസെടുക്കുമെന്ന് കന്റോൺമെന്റ് പോലീസ് പറഞ്ഞു.
Read Moreനീ വനിതാ മതിലിൽ പങ്കെടുക്കില്ലല്ലേ..! യൂണിവേഴ്സിറ്റി കോളജിന് പിന്നാലെ ഗവൺമെന്റ് ആർട് കോളജിലും എസ്എഫ്ഐ ഭീഷണി; ശബ്ദരേഖ പുറത്ത്
തിരുവനന്തപുരം: ഗവണ്മെന്റ് ആർട്സ് കോളജിലും വിദ്യാർഥികൾക്കെതിരെ എസ്എഫ്ഐയുടെ ഗുണ്ടായിസം. വിദ്യാർഥിനികളെ ഭീഷണിപ്പെടുത്തുന്ന ശബ്ദസന്ദേശം പുറത്തായി. വനിതാ മതിലിൽ പങ്കെടുക്കാതിരുന്ന വിദ്യാർഥിനികളെ കോളജിലെ യൂണിയൻ ഓഫീസ് മുറിയിൽ വിളിച്ച് വരുത്തി ഭീഷണിപ്പെടുത്തുന്ന ശബ്ദസന്ദേശമാണ് പുറത്ത് വന്നിരിക്കുന്നത്. ദൃശ്യ മാധ്യമങ്ങൾ ഉൾപ്പെടെയുള്ളവ ശബ്ദരേഖ സംപ്രേഷണം ചെയ്തിരിക്കുകയാണ്. ആർട്സ് കോളജിൽ എസ്എഫ്ഐക്ക് മാത്രമാണ് യൂണിറ്റ് ഉള്ളത്. മറ്റ് വിദ്യാർഥി സംഘടനകൾക്ക് യൂണിറ്റ് സ്ഥാപിക്കാൻ എസ്എഫ്ഐ അനുവദിക്കാറില്ലെന്നും വിദ്യാർഥികൾ ആരോപിക്കുന്നു. പെണ്കുട്ടികൾ ഉൾപ്പെടെയുള്ളവരെ മാനസികമായി എസ്എഫ്ഐ നേതാക്കൾ ഭീഷണിപ്പെടുത്തുകയും ദ്രോഹിക്കുകയും ചെയ്തിട്ടുണ്ടെന്ന് പൂർവ വിദ്യാർഥിനികളായ പെണ്കുട്ടികൾ മാധ്യമപ്രവർത്തകരോട് വ്യക്തമാക്കി.
Read More