തിരുവനന്തപുരം: തെരഞ്ഞെടുപ്പ് പെരുമാറ്റച്ചട്ടം നിലവിൽ വന്നശേഷം ശബരിമലയുമായി ബന്ധപ്പെട്ട ലഘുലേഖ വിതരണം ചെയ്തതിനെതിരേ ഇടതുമുന്നണി പരാതി നൽകി. തെരഞ്ഞെടുപ്പ് പ്രചാരണം ലക്ഷ്യമിട്ട് ഇടതുമുന്നണിയെക്കുറിച്ച് വോട്ടർമാർക്കിടയിൽ അവമതിപ്പും തെറ്റിദ്ധാരണയും പരത്തുന്നതാണു ലഘുലേഖയെന്നും ഇതിനെതിരെ മുഖ്യ തെരഞ്ഞെടുപ്പ് ഓഫീസർക്കും ജില്ലാ കളക്ടർക്കും പരാതി നൽകിയെന്നും ഇടതുമുന്നണി തിരുവനന്തപുരം പാർലമെന്റ് മണ്ഡലം കമ്മിറ്റി ചെയർമാൻ എം. വിജയകുമാർ പറഞ്ഞു. ശബരിമല അയ്യപ്പന്റെ ചിത്രം ഉൾപ്പെടുത്തി തയാറാക്കിയ ലഘുലേഖ ശബരിമലയുമായി ബന്ധപ്പെട്ടുള്ള സുപ്രീംകോടതി വിധിയെ വസ്തുതാ വിരുദ്ധമായി ചിത്രീകരിക്കുന്നതാണെന്നും അദ്ദേഹം കുറ്റപ്പെടുത്തി.
Read MoreCategory: TVM
പി.എസ്. ശ്രീധരൻപിള്ളയ്ക്കെതിരേ ശശി തരൂരിന്റെ മാനനഷ്ടക്കേസ്
തിരുവനന്തപുരം: ബിജെപി സംസ്ഥാന അധ്യക്ഷൻ പി.എസ്. ശ്രീധരൻപിള്ളയ്ക്കെതിരേ ശശി തരൂർ എംപി മാനനഷ്ടക്കേസ് നൽകി. വ്യക്തി ജീവിതത്തെക്കുറിച്ച് അപകീർത്തിപരമായ പരാമർശം നടത്തിയെന്നാരോപിച്ചാണ് ശശി തരൂരിന്റെ നടപടി. തിരുവനന്തപുരത്ത് നടത്തിയ വാര്ത്താസമ്മേളനത്തിലായിരുന്നു ശശി തരൂരിനെതിരെ ശ്രീധരന്പിള്ളയുടെ വിവാദ പരാമര്ശമുണ്ടായത്. “തിരുവനന്തപുരത്തെ കോൺഗ്രസ് സ്ഥാനാര്ഥിയുടെ മൂന്ന് ഭാര്യമാര് മരിച്ചതെങ്ങനെയെന്നാണ് എല്ലാവരും ചോദിക്കുന്നത്. ബിജെപിയോ താനോ അത് ചോദിക്കാൻ ഉദ്ദേശിക്കുന്നില്ല. പക്ഷെ ജനങ്ങൾ ചോദിക്കുന്നുണ്ട്’ ഇതായിരുന്ന പി.എസ്. ശ്രീധരൻപിള്ളയുടെ വാക്കുകൾ. അടിസ്ഥാനരഹിതമായ കാര്യങ്ങൾ പറഞ്ഞ് ശ്രീധരന്പിള്ള തനിക്ക് മാനഹാനി ഉണ്ടാക്കിയെന്നാണ് തരൂര് പരാതിപ്പെട്ടത്. ഹര്ജി ഫയലില് സ്വീകരിച്ച സിജെഎം കോടതി ഈ മാസം 25ന് തരൂരിന്റെ മൊഴിയെടുക്കും.
Read Moreഭൂലോക തട്ടിപ്പുകാരി, റീന സാമൂവേല് കേരളം വിട്ടതായി സൂചന; യുവതിക്കായി അന്വേഷണം സംസ്ഥാനത്തിന് പുറത്തേക്ക്
കൊല്ലം : ഡോക്ടർ ചമഞ്ഞ് വിവാഹ തട്ടിപ്പ് നടത്തിയ യുവതിയെ കണ്ടെത്താനായി പോലീസ് സംഘം അന്യസംസ്ഥാനത്തേക്ക് അന്വേഷണം വ്യാപിപ്പിച്ചു. മൊബൈൽ ടവർ കേന്ദ്രീകരിച്ചുള്ള അന്വേഷണം നടത്തിയെങ്കിലും ഫലമുണ്ടായില്ല. കരവാലൂർ സ്വദേശിനി റീനക്കെതിരെയാണ് കൊട്ടാരക്കര പോലീസ് അന്വേഷണം നടത്തിവരുന്നത്. വിവാഹിതയും രണ്ട് മക്കളുടെ മാതാവുമായ റീന ആദ്യവിവാഹമെന്നു പറഞ്ഞ് കോട്ടാത്തല സ്വദേശിയായ സൈനികനെ കബളിപ്പിക്കുകയായിരുന്നു. ഇവർതമ്മിലുള്ള വിവാഹവും നടന്നു. ഡോ.അനാമിക എന്നപേരാണ് ഇവർ പറഞ്ഞിരുന്നത്. തനിക്ക് ബന്ധുക്കളാരുമില്ലെന്നും എറണാകുളത്തുള്ള ഒരു അനാഥാലയത്തിലാണ് വളർന്നതെന്നും പറഞ്ഞാണ് സൈനികനുമായി അടുത്തത്. വിവാഹം കഴിഞ്ഞ് അധികനാൾ കഴിയുംമുന്പേ ഇവർ ചെന്നൈയിലേക്ക് പോയി. ചെന്നൈയിലെ റെയിൽവേ ഹോസ്പിറ്റലിൽ ഗൈനക്കോളജിസ്റ്റായി ജോലിലഭിച്ചതായി ഭർതൃവീട്ടുകാരെ അറിയിക്കുകയും പലതവണ വീട്ടിലെത്തുകയും ചെയ്തു. വീട്ടിൽ ഡോക്ടറുടെ പേരെഴുതിയ ബോർഡും സ്ഥാപിച്ചു. വീട്ടിൽവരുന്ന സമങ്ങളിൽ രോഗികളെ പരിശോധിക്കുകയും ചെയ്തിരുന്നു. ഇവർ സൈനികനിൽനിന്ന് പലപ്പോഴായി വൻതുകയും കൈക്കലാക്കിയിരുന്നു. ഇതിനിടയിൽ വീട് വൃത്തിയാക്കുന്നതിനിടയിൽ സൈനികന്റെ…
Read Moreഅയ്യനെ കാണാൻ കുമ്മനം ശബരിമലയ്ക്ക്; കെട്ട് താങ്ങി മഹേശ്വരരുടെ ഭാര്യ ദേവകി അന്തർജ്ജനം
തിരുവനന്തപുരം: മുൻ മിസോറം ഗവർണറും ബി.ജെ.പി നേതാവുമായ കുമ്മനം രാജശേഖരൻ ശബരിമലയ്ക്ക് പുറപ്പെട്ടു. രാവിലെ 6.00 മണിക്ക് തിരുവനന്തപുരം തൈക്കാട് ശാസ്താ ക്ഷേത്രത്തിൽ നിന്ന് കെട്ട് നിറച്ചാണ് കുമ്മനം ശബരിമലയിലേക്ക് തിരിച്ചത്.ശബരിമല തന്ത്രി മോഹനരുടെ അമ്മയും മഹേശ്വരരുടെ ഭാര്യയുമായ ദേവകി അന്തർജ്ജനം കുമ്മനത്തിന് കെട്ട് താങ്ങി നൽകി. ശബരിമല മുൻ മേൽശാന്തി ഗോശാല വിഷ്ണു നമ്പൂതിരി മുഖ്യ കാർമികത്വം വഹിച്ചു. ശബരിമല കർമ്മ സമിതി ദേശീയ ഉപാധ്യക്ഷൻ ഡോ ടി പി സെൻകുമാർ ഐ പി എസ്, സംവിധായകൻ വിജി തമ്പി, ബിജെപി ജില്ലാ പ്രസിഡന്റ് എസ്. സുരേഷ് തുടങ്ങി നിരവധി പേർ പങ്കെടുത്തു. പന്തളം കൊട്ടാരത്തിൽ സന്ദർശനം നടത്തിയ ശേഷമാകും അദ്ദേഹം സന്നിധാനത്ത് എത്തുക.
Read Moreവിദ്യാർഥികൾക്കിടയിൽ കഞ്ചാവ് വിതരണം; മൂന്നു യുവാക്കൾ പോലീസ് പിടിയിൽ
തിരുവനന്തപുരം: നെയ്യാറ്റിൻകര എക്സൈസ് സർക്കിൾ ഇൻസ്പെക്ടർ വൈ. ഷിബുവിന്റെ നേതൃത്വത്തിൽ ബാലരാമപുരം ഭാഗത്ത് നടത്തിയ റെയ്ഡിൽ കഞ്ചാവ് വിൽപ്പന നടത്തുന്ന മൂന്നുപേർ പിടിയിലായി. പൊഴിയൂർ സ്വദേശികളായ ഡാനിയേൽ (22), ഷമീർ (21) ,ഷംനാദ് (23), എന്നിവരാണ് ഇന്നലെ വൈകുന്നേരം പിടിയിലായത്. വിദ്യാർഥികൾക്കിടയിൽ വിൽപ്പനയ്ക്കായി പൊതികളിലാക്കി കൊണ്ടുവന്ന 60 ഗ്രാം കഞ്ചാവും പിടിച്ചെടുത്തു. ഇവർ കഞ്ചാവ് കടത്താൻ ഉപയോഗിച്ച ഹോണ്ട സ്കൂട്ടറും പിടിച്ചെടുത്തു . കളിയിക്കവിളയിൽ നിന്നാണ് കഞ്ചാവ് എത്തിച്ചതെന്ന് ഇവർ ചോദ്യംചെയ്യലിൽ മൊഴി നൽകി. കുറച്ചുകാലമായി എക്സൈസ് ഈ മേഖല നിരീക്ഷിച്ചു വരികയായിരുന്നു. റെയിഡിൽ എക് സൈസ് ഇൻസ്പെക്ടർ സനിൽ, പ്രിവന്റീവ് ഓഫീസർ ബിജുകുമാർ, സിവിൽ എക്സൈസ് ഓഫിസർമാരായ നന്ദകുമാർ, സുരേഷ് ,ബിജു, സനൽകുമാർ എന്നിവർ പങ്കെടുത്തു
Read Moreമണൽകടത്തിന് കൈക്കൂലി; എസ്ഐക്കെതിരേ വിജിലൻസ് അന്വേഷണത്തിന് ഉത്തരവ്
തിരുവനന്തപുരം: മണൽകടത്തിന് കൈക്കൂലി വാങ്ങിയെന്ന ആരോപണത്തിൽ എസ്ഐക്കെതിരെ വിജിലൻസ് അന്വേഷണം നടത്താൻ ഉത്തരവ്. ചിറയിൻകീഴ് പോലീസ് സ്റ്റേഷനിലെ മുൻ എസ്ഐ. നിയാസിനെതിരെയാണ് വിജിലൻസ് അന്വേഷണം നടത്താൻ വിജിലൻസ് ഡയറക്ടർ ഉത്തരവിട്ടിരിക്കുന്നത്. ക്ഷേത്രത്തിലെ ഉത്സവ ആവശ്യത്തിന് മണൽ വിരിക്കുന്നതിന് 25,000 രൂപ ക്ഷേത്ര ഭാരവാഹികളിൽ നിന്ന് എസ്ഐ നിയാസ് കൈക്കൂലി വാങ്ങിയെന്ന് കാട്ടി ക്ഷേത്ര ഭാരവാഹികൾ വിജിലൻസ് ഡയറക്ടർക്ക് നൽകിയ പരാതിയുടെ അടിസ്ഥാനത്തിലാണ് നടപടി. തിരുവനന്തപുരം സ്പെഷൽ സെൽ എസ്പി അജിത്തിനെയാണ് അന്വേഷണം നടത്താൻ വിജിലൻസ് ഡയറക്ടർ ചുമതലപ്പെടുത്തിയിരിക്കുന്നത്. മണൽ കടത്തിന് കൈക്കൂലി വാങ്ങിയെന്ന പരാതിയെ തുടർന്ന് എസ്ഐ നിയാസിനെ തിരുവനന്തപുരം റൂറൽ എസ്പി അശോകൻ അന്വേഷണ വിധേയമായി സസ്പെൻഡ് ചെയ്തിരുന്നു. വരവിൽ കവിഞ്ഞ സ്വത്ത് സന്പാദിച്ചെന്ന പരാതികൾ ഉൾപ്പെടെ നിരവധി സ്വകാര്യ ഹർജികളും എസ്ഐ നിയാസിനെതിരെ നിലവിലുണ്ടെന്നാണ് പോലീസ് വൃത്തങ്ങൾ വ്യക്തമാക്കുന്നത്. പാങ്ങോട് പോലീസ് സ്റ്റേഷനിൽ എസ്ഐ…
Read Moreരാഹുൽ ഗാന്ധി ഇന്നും നാളെയും കേരളത്തിൽ; കൃപേഷിന്റെയും ശരത്ലാലിന്റെയും വീടുകൾ സന്ദർശിക്കും
തിരുവനന്തപുരം: കോണ്ഗ്രസ് അധ്യക്ഷൻ രാഹുൽ ഗാന്ധി ഇന്നും നാളെയും കേരളത്തിൽ. നാഗർകോവിലിലെ പരിപാടിയിൽ പങ്കെടുക്കാനായി ഇന്ന് തിരുവനന്തപുരം വിമാനത്താവളത്തിലെത്തുന്ന രാഹുൽഗാന്ധി ഹെലികോപ്ടർ മാർഗം നാഗർകോവിലിലേക്ക് പോകും. നാഗർകോവിലിലെ പരിപാടി കഴിഞ്ഞ് അദ്ദേഹം തൃശൂരിലേക്ക് പോകും. കേരളത്തിൽ നാളെയാണ് രാഹുൽഗാന്ധിയുടെ പൊതു പരിപാടികൾ. തൃശൂരിൽ നാളെ രാവിലെ അഖിലേന്ത്യ മത്സ്യത്തൊഴിലാളി കോണ്ഗ്രസ് ദേശീയ കമ്മിറ്റി സംഘടിപ്പിച്ചിരിക്കുന്ന നാഷണൽ ഫിഷർമെൻ പാർലമെന്റ് തൃപ്രയാറിൽ നടക്കും. ഉച്ചയ്ക്ക് കണ്ണൂർ വിമാനത്താവളത്തിൽ എത്തുന്ന രാഹുൽ ഗാന്ധി സിപിഎം പ്രവർത്തകർ കൊലപ്പെടുത്തിയ ഷുഹൈബിന്റെ കുടുംബാംഗങ്ങളെ വിമാനത്താവളത്തിലെ വിഐപി ലോഞ്ചിൽ വച്ച് സന്ദർശിക്കും. പിന്നീട് കാസർഗോട്ട് പെരിയയിൽ സിപിഎം പ്രവർത്തകർ കൊലപ്പെടുത്തിയ കൃപേഷിന്റെയും ശരത്ലാലിന്റെയും വീടുകൾ സന്ദർശിക്കും.
Read Moreകരിക്കകത്ത് ഉത്സവ എഴുന്നള്ളത്തിന് എത്തിച്ച ആന വിരണ്ടോടി; പരിഭ്രാന്തിയിലായി നാട്ടുകാർ
തിരുവനന്തപുരം: കരിക്കകത്ത് ഉത്സവ എഴുന്നള്ളത്തിന് എത്തിച്ച ആന വിരണ്ട പരിഭ്രാന്തി പരത്തി. കരിക്കകം മഹാഗണപതി ക്ഷേത്രത്തിലെ ഉത്സവത്തിനെത്തിച്ച ആനയാണ് വിരണ്ടത്. ഇന്ന് രാവിലെ എട്ടരയോടെയായിരുന്നു സംഭവം. കൊല്ലം പരവൂർ പുത്തൻകുളം സ്വദേശിയുടെ ആനയാണ് വിരണ്ടത്. ലോറിയിൽ നിന്നും ഇറക്കുന്നതിനിടെ ആന വിരണ്ട് വേൾഡ് മാർക്കറ്റിന് സമീപത്തെ ആയിരംതോപ്പിലേക്ക് ഓടിക്കയറുകയായിരുന്നു. ആനയെ കണ്ട് നാട്ടുകാർ പരിഭ്രാന്തരായി. പേട്ട പോലീസും റവന്യു അധികൃതരും വനംവകുപ്പ് അധികൃതരും എലിഫന്റ് സ്ക്വാഡും ആനയെ തളയ്ക്കാനുള്ള ശ്രമങ്ങൾ തുടരുകയാണ്.
Read Moreപ്രധാന ഫയലുകൾ തന്റെ അടുത്തേക്ക് എത്തുന്നില്ല; പൊളിറ്റിക്കൽ സെക്രട്ടറിയുമായുള്ള അഭിപ്രായവ്യത്യാസത്തിൽ മുഖ്യമന്ത്രിയുടെ ചീഫ് പ്രിൻസിപ്പൽ സെക്രട്ടറി നളിനി നെറ്റോ രാജിവച്ചു
തിരുവനന്തപുരം: മുഖ്യമന്ത്രിയുടെ ചീഫ് പ്രിൻസിപ്പൽ സെക്രട്ടറി നളിനി നെറ്റോ രാജിവച്ചു. മുഖ്യമന്ത്രിയുടെ പൊളിറ്റിക്കൽ സെക്രട്ടറിയുമായുള്ള അഭിപ്രായവ്യത്യാസങ്ങളെ തുടർന്നാണ് രാജി. ബുധനാഴ്ച ഉച്ചക്ക് മുഖ്യമന്ത്രിക്ക് രാജിക്കത്ത് കൈമാറി. എന്നാൽ തെരഞ്ഞെടുപ്പ് കഴിയുന്നത് വരെ തുടരാൻ നളിനി നെറ്റോയ്ക്ക് മുഖ്യമന്ത്രി നിർദേശം നൽകിയിട്ടുണ്ട്. പിണറായി വിജയൻ മുഖ്യമന്ത്രി പദവി ഏറ്റെടുത്ത ശേഷം നടത്തിയ പ്രധാന നിയമനങ്ങളിൽ ഒന്നായിരുന്നു നളിനി നെറ്റോയുടേത്. പിണറായി സര്ക്കാര് അധികാരത്തിലെത്തുമ്പോൾ അഭ്യന്തര സെക്രട്ടറിയായിരുന്ന നളിനി നെറ്റോയെ മുഖ്യമന്ത്രി തന്റെ ഓഫീസിലെ പ്രിൻസിപ്പൽ സെക്രട്ടറിയായി നിയമിച്ചിരുന്നു. പിന്നീട് ചീഫ് സെക്രട്ടറി സ്ഥാനത്തുനിന്നും വിരമിച്ച ശേഷമാണ് ചീഫ് പ്രിൻസിപ്പൽ സെക്രട്ടറി പദവി അവർ ഏറ്റെടുത്തത്. മുഖ്യമന്ത്രിയുടെ ഓഫീസിലെ പ്രധാന ഫയലുകൾ തന്റെ അടുത്തേക്ക് എത്താത്തതാണ് നളിനി നെറ്റോയുടെ അതൃപ്തിക്കു കാരണമായത്. ആദ്യംകാലങ്ങളിൽ പ്രധാനപ്പെട്ട പല ഫയലുകളെല്ലാം നളിനി നെറ്റോയായിരുന്നു കൈകാര്യം ചെയ്തിരുന്നത്. എന്നാൽ പിന്നീട് ഫയലുകൾ അവരുടെ മേശപ്പുറത്തേക്ക്…
Read Moreപരിഹാര സാധ്യത തേടി ജോസഫ് ഉമ്മൻചാണ്ടിയുമായി കൂടിക്കാഴ്ച നടത്തി; പ്രതികരണങ്ങൾ യുഡിഎഫ് നേതാക്കളുമായുള്ള ചർച്ചയ്ക്ക് ശേഷം
തിരുവനന്തപുരം: ലോക്സഭാ സീറ്റ് വിഷയത്തിൽ കേരള കോൺഗ്രസിലെ തമ്മിലടി മറനീക്കി പുറത്തുവന്നതിനു പിന്നാലെ പി.ജെ.ജോസഫ് എംഎൽഎ എഐസിസി ജനറൽ സെക്രട്ടറി ഉമ്മൻ ചാണ്ടിയെ സന്ദർശിച്ചു. തിരുവനന്തപുരത്തെ ഉമ്മൻചാണ്ടിയുടെ വസതിയിലായിരുന്നു കൂടിക്കാഴ്ച. മോൻസ് ജോസ്ഫ് എംഎൽഎയ്ക്കൊപ്പമാണ് പി.ജെ.ജോസഫ് എത്തിയത്. കെ.സി.ജോസഫ് എംഎൽഎയും കൂടിക്കാഴ്ചയിൽ സംബന്ധിച്ചു. ഒരാളോട് മാത്രം സംസാരിച്ചതുകൊണ്ട് കാര്യമില്ലെന്നും കാര്യങ്ങൾ യുഡിഎഫാണ് തീരുമാനിക്കേണ്ടതെന്നും കൂടിക്കാഴ്ചയ്ക്കു ശേഷം പുറത്തെത്തിയ ജോസഫ് അറിയിച്ചു. കൂടുതൽ പ്രതികരണങ്ങൾ യുഡിഎഫ് നേതാക്കളുമായുള്ള ഔദ്യോഗിക കൂടിക്കാഴ്ചകൾക്ക് ശേഷം ആകാമെന്നും ജോസഫ് കൂട്ടിച്ചേർത്തു. കേരള കോൺഗ്രസിലെ തർക്കവിഷയത്തിൽ ഇടപെടുമെന്ന് ചൊവ്വാഴ്ച ഉമ്മൻചാണ്ടി മാധ്യമങ്ങളോട് വ്യക്തമാക്കിയിരുന്നു.
Read More