തിരുവനന്തപുരം: കേരള കോണ്ഗ്രസ് എമ്മിലെ നിലവിലെ വിഷയത്തിൽ ഉടൻ ഇടപെടില്ല, ആവശ്യമെങ്കിൽ മാത്രം ഇടപെടുമെന്ന് പ്രതിപക്ഷ നേതാവ് രമേശ് ചെന്നിത്തല. അവരുടെ പാർട്ടിയിലെ ആഭ്യന്തര കാര്യമാണ്. അത് അവർ തന്നെ പരിഹരിക്കുമെന്നും ചെന്നിത്തല പറഞ്ഞു. യുഡിഎഫ് ഒരുമിച്ച് മുന്നോട്ട് പോകും. കക്ഷികളിൽ ഉണ്ടാകുന്ന തർക്കങ്ങൾ ബന്ധപ്പെട്ട കക്ഷികൾ തന്നെ പരിഹരിക്കും. പതിനഞ്ചാം തീയതിയോടെ കോണ്ഗ്രസ് സ്ഥാനാർഥി പട്ടികയ്ക്ക് അന്തിമ രൂപമാകും. കോണ്ഗ്രസിൽ സ്ഥാനാർഥി നിർണയവുമായി ബന്ധപ്പെട്ട് ഒരു പ്രശ്നവുമില്ല. എല്ലാവരും യോജിച്ചാണ് പ്രവർത്തിക്കുന്നത്. എൽഡിഎഫിന്റെ സ്ഥാനാർഥികൾ തങ്ങൾക്ക് പ്രശ്നമല്ലെന്നും അദ്ദേഹം വ്യക്തമാക്കി.
Read MoreCategory: TVM
ശബരിമല പ്രചാരണ ആയുധമാക്കരുതെന്ന നിർദേശത്തിനെതിരെ പരാതി നൽകുമെന്നു കുമ്മനം
തിരുവനന്തപുരം: സംസ്ഥാന തെരഞ്ഞെടുപ്പ് ഓഫീസർക്കെതിരെ കേന്ദ്ര തെരഞ്ഞെടുപ്പ് കമ്മീഷന് പരാതി നൽകുമെന്ന് ബിജെപി മുൻ സംസ്ഥാന അധ്യക്ഷൻ കുമ്മനം രാജശേഖരൻ. ശബരിമല വിഷയം പ്രചാരണ ആയുധമാക്കരുതെന്ന് പറയാൻ ആർക്കും ആകില്ലെന്നും. മുഖ്യ തെരഞ്ഞെടുപ്പ് ഓഫീസറുടെ പരാമർശം ശരിയല്ലെന്നും കുമ്മനം അഭിപ്രായപ്പെട്ടു. ശബരിമല വിഷയം മതസ്പർധ വളർത്തുന്ന വിഷയമല്ല. ആചാര സംരക്ഷണത്തിന്റെ കാര്യമാണെന്നും കുമ്മനം വ്യക്തമാക്കി. മിസോറാം ഗവർണർ പദവി രാജിവച്ച സേഷം തലസ്ഥാനത്തെത്തിയ കുമ്മനം മാധ്യമങ്ങളോട് സംസാരിക്കവേയാണ് ഇക്കാര്യങ്ങൾ വ്യക്തമാക്കിയത്.
Read Moreതെരഞ്ഞെടുപ്പ് ഓഫീസറുടെ നിർദേശം സ്വാഗതാർഹമെന്ന് കോടിയേരി ബാലകൃഷ്ണൻ; കേരള കോണ്ഗ്രസ് വിട്ട് വന്നാൽ ജോസഫിനെ എൽഡിഎഫിൽ ചേർക്കുന്ന കാര്യം ആലോചിക്കാം
തിരുവനന്തപുരം: ശബരിമല വിഷയം പ്രചാരണത്തിന് ഉപയോഗിക്കരുതെന്ന സംസ്ഥാന തെരഞ്ഞെടുപ്പ് ഓഫീസറുടെ നിർദേശം സ്വാഗതാർഹമാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ.തെരഞ്ഞെടുപ്പ് ചട്ടം ഓർമ്മിപ്പിക്കുക മാത്രമാണ് തെരഞ്ഞെടുപ്പ് ഓഫീസറായ ടീക്കാറാം മീണ ചെയ്തത്. ശബരിമല വിഷയം ബിജെപി പ്രചാരണ വിഷയം ആക്കിയാൽ അതിന്റെ പ്രത്യാഘാതം നേരിടേണ്ടി വരുമെന്ന് കോടിയേരി വ്യക്തമാക്കി. കെ.എം. മാണിയോടൊപ്പം ഇനിയും തുടരണോയെന്ന് പി.ജെ.ജോസഫ് ആലോചിക്കണം. കേരള കോണ്ഗ്രസ് വിട്ട് വന്നാൽ ജോസഫിനെ എൽഡിഎഫിൽ ചേർക്കുന്ന കാര്യം ആലോചിക്കാമെന്ന് കോടിയേരി വ്യക്തമാക്കി. മാധ്യമപ്രവർത്തകരുടെ ചോദ്യങ്ങൾക്ക് മറുപടിയായാണ് അദ്ദേഹം ഇക്കാര്യങ്ങൾ വ്യക്തമാക്കിയത്.
Read Moreപാറശാലയിൽ സിപിഎം-ബിജെപി സംഘർഷം തുടരുന്നു ; പഞ്ചായത്ത് പ്രസിഡന്റിന്റെയും ലോക്കൽ കമ്മിറ്റി സെക്രട്ടറിയുടെയും വീടുകൾക്കു നേരെ ആക്രമണം
പാറശ്ശാല: പാറശാലയിൽ സിപിഎം-ബിജെപി സംഘർഷം തുടരുന്നു. പാറശ്ശാല പഞ്ചായത്തു പ്രസിഡന്റിന്റെയും സി പി എം പാറശ്ശാല ലോക്കൽ കമ്മിറ്റി സെക്രട്ടറിയുടേയും വീടുകൾ അടിച്ചു തകർത്തു. കഴിഞ്ഞ ദിവസം നടന്ന സംഘർഷത്തിന്റെ തുടർച്ചയായി ഇന്ന് പുലർച്ചെ 2 . 20 ടെയാണ് സംഭവം. പാറശ്ശാല ജംഗ്ഷനിലെ ലോക്കൽ കമ്മിറ്റി സെക്രട്ടറിയുടെ വീടിനു മുന്നിൽ ഇരുചക്ര വാഹനത്തിൽ എത്തിയവരാണ് ആക്രമണം നടത്തിയതെന്ന് സെക്രട്ടറി ബിജു പറഞ്ഞു. കൂട്ടമായി എത്തിയവർ മുൻവശത്തെ ഇരുവശങ്ങളിലും ഉള്ള ജനലിന്റെ അഞ്ചു പാളികൾ അടിച്ചു തകർക്കുകയും കതകിലും വീടിനു മുന്നിൽ ഉണ്ടായിരുന്ന ഇരുചക്ര വാഹനത്തിലും വാളുകൊണ്ട് വെട്ടുകയുമായിരുന്നു വന്നു ബിജു പറഞ്ഞു. വീടിന്റെ മുൻവശത്തെ മുറിയിൽ ഉറങ്ങുകയായിരുന്നു ബിജുവിന്റെ വൃദ്ധയായ മാതാവിന്റെ വിളി കേട്ടാണ് വീട്ടിലുള്ളവർ ഉണർന്നത്. വീടിനുള്ളിൽ ലൈറ്റ് തെളിയിച്ചപ്പോഴേക്കും അക്രമിസംഘം ഇരുചക്ര വാഹനങ്ങളിൽ രക്ഷപ്പെടുകയായിരുന്നു. പൊട്ടിയ ജനൽ ചില്ലുകൾ മാതാവിന്റെ കട്ടിലിൽ തെറിച്ചുവീണിരുന്നു.…
Read Moreഅന്യ സംസ്ഥാന തൊഴിലാളിയെ കഴുത്തറുത്ത് മരിച്ച നിലയിൽ; കൊലപാതകമാണെന്ന് സംശയം; കൂടെയുള്ള സുഹൃത്തിനെ കാണാനില്ല
ആറ്റിങ്ങൽ: പൂവൻപാറയിൽ ഹോളോ ബ്രിക്സ് കന്പനി ജീവനക്കാരനായ അന്യസംസ്ഥാന തൊഴിലാളിയെ കഴുത്തറുത്ത് മരിച്ച നിലയിൽ കണ്ടെത്തി. പൂവൻപാറയ്ക്ക് സമീപം പ്രവർത്തിക്കുന്ന മോഹൻകുമാറിന്റെ ഉടമസ്ഥതയിലുള്ള എ.എം.ഹോളോ ബ്രിക്സ് കന്പനിയിലെ ഓഫീസിലാണ് അന്യസംസ്ഥാന തൊഴിലാളിയായ വിമൽ (30) നെ കഴുത്തറുത്ത് മരിച്ച നിലയിൽ കണ്ടെത്തിയത്. ഇന്ന് രാവിലെ എട്ട് മണിയോടെയാണ് മൃതദേഹം കാണപ്പെട്ടത്. കസേരയിൽ ഇരിയ്ക്കുന്ന നിലയിലാണ് മൃതദേഹം കാണപ്പെട്ടത്. കൊലപാതകമാണെന്ന് സംശയിക്കുന്നതായി പോലീസ് പറഞ്ഞു. രാത്രിയിൽ വിമലിനെ കൂടാതെ മറ്റൊരു അന്യസംസ്ഥാന തൊഴിലാളിയുമാണ് ഹോളോ ബ്രിക്സ് കന്പനിയിൽ താമസിച്ച് വന്നിരുന്നത്. ഇന്ന് രാവിലെ ഉടമ മോഹൻകുമാർ സ്ഥാപനത്തിൽ എത്തിയപ്പോഴാണ് വിമലിന്റെ മൃതദേഹം കണ്ടെത്തിയത്. വിമലിനോടൊപ്പം താമസിച്ചിരുന്ന അന്യ സംസ്ഥാന തൊഴിലാളിയെ കാണാനില്ല. രാത്രിയിൽ അന്യ സംസ്ഥാന തൊഴിലാളികളായ ഇരുവരും തമ്മിൽ വാക്കേറ്റം നടന്നതാണോ കൊലപാതകത്തിൽ കലാശിച്ചതെന്ന് സംശയിക്കുന്നതായി പോലീസ് പറഞ്ഞു. ആറ്റിങ്ങൽ പോലീസ് സ്ഥലത്തെത്തി മേൽനടപടി സ്വീകരിച്ചു. മൃതദേഹം…
Read Moreപ്രചാരണം മുറുക്കി എൽഡിഎഫ്; സ്ഥാനാർഥിപ്പട്ടിക ഉടനെന്നു യുഡിഎഫ്; നേതൃതീരുമാനം കാത്ത് ബിജെപി
സ്വന്തം ലേഖകൻ തിരുവനന്തപുരം: ലോക്സഭാ തെരഞ്ഞെടുപ്പു തീയതി പ്രഖ്യാപനം വന്നതോടെ അങ്കത്തട്ടിൽ സജീവമായി എൽഡിഎഫ്. ഇടതുമുന്നണിയുടെ മുഴുവൻ സ്ഥാനാർഥികളെയും പ്രഖ്യാപിച്ചതോടെയാണ് ആദ്യഘട്ട പ്രചാരണ പ്രവർത്തനങ്ങളിൽ ഇടതുമുന്നണിക്കു മേൽക്കൈ നേടാനായത്. സ്ഥാനാർഥിത്വം ലഭിക്കുമെന്ന് ഉറപ്പുള്ള കോണ്ഗ്രസ് പ്രതിനിധികളും അനൗദ്യോഗിക പ്രചാരണ പ്രവർത്തനങ്ങളുമായി മുന്നോട്ടു പോകുന്നു. എന്നാൽ, ഒന്നിലേറെ പേരുടെ പട്ടികയുള്ള മണ്ഡലങ്ങളിൽ അനിശ്ചിതത്വം തുടരുകയാണ്. ഡൽഹിയിൽ ഇന്നു നടക്കുന്ന ചർച്ചകളുടെ അടിസ്ഥാനത്തിൽ പൂർണ സ്ഥാനാർഥി പട്ടിക രണ്ടു ദിവസത്തിനകം ഉണ്ടാകുമെന്നാണു കോണ്ഗ്രസ് നേതാക്കളുടെ പ്രതീക്ഷ. സ്ഥാനാർഥികളെ പ്രഖ്യാപിച്ച യുഡിഎഫിലെ ഘടകകക്ഷികൾ പ്രചാരണ പ്രവർത്തനങ്ങളുമായി മുന്നേറുകയാണ്. ബിജെപിയുടെ സംസ്ഥാനത്തെ സ്ഥാനാർഥികളെ കണ്ടെത്തുന്നതിനായി കോർ കമ്മിറ്റി യോഗം ഇന്നു ചേരുന്നുണ്ട്. കോർ കമ്മിറ്റിയിൽ ഉരുത്തിരിയുന്ന പട്ടിക കേന്ദ്ര നേതൃത്വത്തിനു കൈമാറും. കേന്ദ്ര നേതൃത്വത്തിന്റെ അനുമതി ലഭിച്ചാൽ മാത്രമേ ബിജെപി സ്ഥാനാർഥി പട്ടികയിൽ അന്തിമ തീരുമാനമാകൂ. ഘടകകക്ഷിയായ ബിഡിജെഎസുമായി സീറ്റു ധാരണയായെന്നു നേതാക്കൾ…
Read Moreപെരുമാറ്റച്ചട്ടം കടുകട്ടി; പാർട്ടികളും സ്ഥാനാർഥികളും വിയർക്കും; പെരുമാറ്റച്ചട്ടത്തിലെ പ്രധാന നിർദേശങ്ങൾ
തിരുവനന്തപുരം: ലോക്സഭാ തെരഞ്ഞെടുപ്പു പ്രഖ്യാപനം വന്നാൽ ആ നിമിഷം തെരഞ്ഞെടുപ്പു പെരുമാറ്റച്ചട്ടവും നിലവിൽ വരും. കടുകട്ടിയായ പെരുമാറ്റച്ചട്ടം പാലിക്കാൻ സ്ഥാനാർഥികളും രാഷ്ട്രീയപാർട്ടികളും ഏറെ ശ്രദ്ധിക്കേണ്ടി വരും. പെരുമാറ്റച്ചട്ടം ലംഘിച്ചാൽ തെരഞ്ഞെടുപ്പ് അസാധുവാകാം. തെരഞ്ഞെടുപ്പിൽ മത്സരിക്കുന്നതിന് വിലക്കും വരാം. കൂടാതെ തടവുശിക്ഷയും പിഴയും ഏറ്റുവാങ്ങേണ്ടിയും വരാം. രാഷ്ട്രീയ പാർട്ടികൾക്കും സ്ഥാനാർഥികൾക്കും മാത്രമല്ല, സർക്കാർ ജീവനക്കാർക്കും മാധ്യമങ്ങൾക്കും വരെ പെരുമാറ്റച്ചട്ടം ബാധകമാണ്. തെരഞ്ഞെടുപ്പു പ്രഖ്യാപനം മുതൽ വോട്ടെണ്ണൽ പൂർത്തിയായി വിജയിയെ പ്രഖ്യാപിക്കുന്നതു വരെ പെരുമാറ്റച്ചട്ടം നിലനിൽക്കും. പോലീസിന്റെയും അർധ-സൈനിക വിഭാഗങ്ങളുടെയും വിന്യാസത്തിന്റെ ഭാഗമായി ലോക്സഭാ തെരഞ്ഞെടുപ്പു പല ഘട്ടങ്ങളിലായി നടക്കുന്ന സാഹചര്യത്തിൽ തെരഞ്ഞെടുപ്പു നടപടികൾ മാത്രം ഒരു മാസത്തിൽ കൂടുതൽ നീളും. തെരഞ്ഞെടുപ്പു പ്രചാരണം അടക്കമുള്ള പ്രവർത്തനങ്ങൾക്കായുള്ള സമയം കൂടി കണക്കാക്കുന്പോൾ പെരുമാറ്റച്ചട്ടം ഏതാണ്ടു മൂന്നു മാസം വരെ നീളാം. വർഗീയമായി തെരഞ്ഞെടുപ്പിനെ ഉപയോഗിച്ചതായി തെളിഞ്ഞാൽ സ്ഥാനാർഥിയുടെ തെരഞ്ഞെടുപ്പു വിജയം…
Read Moreലോക്സഭാ തെരഞ്ഞെടുപ്പിലെ സിപിഎം സ്ഥാനാർഥികളെ പ്രഖ്യാപിച്ചു; വിജയം ഉറപ്പെന്ന് കോടിയേരി
തിരുവനന്തപുരം: ലോക്സഭാ തെരഞ്ഞെടുപ്പിൽ സിപിഎമ്മിന്റെ സ്ഥാനാർഥി ചിത്രം തെളിഞ്ഞു. 16 മണ്ഡലങ്ങളിലേക്കുള്ള സ്ഥാനാർഥികളെ സംസ്ഥാന സെക്രട്ടറി കോടിയേരി ബാലകൃഷ്ണൻ പ്രഖ്യാപിച്ചു. അവ്യക്തമായിരുന്ന പൊന്നാനി മണ്ഡലത്തിൽ പി.വി.അൻവർ എംഎൽഎ തന്നെയാവും ഇടതു മുന്നണി സ്ഥാനാർഥി. അൻവറിന്റെ പേര് പാർലമെന്റ് മണ്ഡലം കമ്മിറ്റി ശിപാർശ ചെയ്തപ്പോൾ മറ്റൊരാളെ കണ്ടെത്താൻ സംസ്ഥാന നേതൃത്വം നിർദ്ദേശിച്ചിരുന്നു. എന്നാൽ മണ്ഡലം കമ്മിറ്റി അൻവറിന് സ്ഥാനാർഥിത്വം നൽകണമെന്ന് വീണ്ടും ആവശ്യപ്പെട്ടതോടെ സംസ്ഥാന നേതൃത്വം വഴങ്ങുകയായിരുന്നു. ആറ് സിറ്റിംഗ് എംപിമാരും നാല് എംഎൽഎമാരാണ് സിപിഎമ്മിന്റെ സ്ഥാനാർഥി പട്ടികയിൽ ഇടംപിടിച്ചത്. പൊന്നാനിയിൽ മത്സരിക്കുന്ന പി.വി.അൻവർ നിലവിൽ നിലന്പൂരിനെ പ്രതിനിധീകരിക്കുന്ന നിയമസഭാംഗമാണ്. കോഴിക്കോട് മത്സരിക്കുന്ന എ.പ്രദീപ് കുമാർ കോഴിക്കോട് നോർത്ത് മണ്ഡലത്തിലെ എംഎൽഎയാണ്. ആറന്മുളയിൽ നിന്നുള്ള നിയമസഭാംഗം വീണാ ജോർജ് പത്തനംതിട്ട മണ്ഡലത്തിലും അരൂരിൽ നിന്നുള്ള എംഎൽഎ എ.എം.ആരിഫ് ആലപ്പുഴ മണ്ഡലത്തിലും ജനവിധി തേടും. സമീപഭാവിയിലൊന്നും സിപിഎം ഇത്രയധികം എംഎൽഎമാരെ…
Read Moreമംഗലാപുരം എക്സ്പ്രസ് ട്രെയിൻ കൊച്ചുവേളിയിലേക്കു മാറ്റാൻ നീക്കം
സ്വന്തം ലേഖകൻ തിരുവനന്തപുരം: തിരുവനന്തപുരത്തു നിന്നുള്ള മംഗലാപുരം എക്സ്പ്രസ് ട്രെയിൻ സ്ഥിരമായി കൊച്ചുവേളിയിലേക്കു മാറ്റാൻ റെയിൽവേയുടെ ഗൂഢനീക്കം. തിരുവനന്തപുരം സെൻട്രൽ സ്റ്റേഷനിലെ പ്ലാറ്റ്ഫോം അറ്റകുറ്റപ്പണിയുടെ പേരിൽ കഴിഞ്ഞ മൂന്നു മാസമായി കൊച്ചുവേളിയിൽ നിന്നു പുറപ്പെടുകയും എത്തിച്ചേരുകയും ചെയ്തിരുന്ന ട്രെയിൻ വീണ്ടും ജൂണ് ഒന്നു വരെ കൊച്ചുവേളിയിൽ തന്നെ തുടരുമെന്നാണു റെയിൽവേ അധികൃതർ പറയുന്നത്. തുടർച്ചയായി ഇതു മൂന്നാം തവണയാണു മംഗലാപുരം എക്സ്പ്രസ് കൊച്ചുവേളിയിലേക്കു മാറ്റുന്നത്. രണ്ടാം തവണ കൊച്ചുവേളിയിലേക്കു മാറ്റിയപ്പോൾ മാർച്ച് ആറിനു ശേഷം തിരുവനന്തപുരത്തു നിന്നു മടങ്ങിയെത്തുമെന്നാണ് അറിയിച്ചത്. എന്നാൽ, അറ്റകുറ്റപ്പണി തീർന്നില്ലെന്നതിന്റെ പേരിൽ കൊച്ചുവേളിയിൽ തുടരുമെന്ന് അറിയിക്കുകയായിരുന്നു. രാത്രി 8.30നു തിരുവനന്തപുരം സെൻട്രൽ റെയിൽവേ സ്റ്റേഷനിൽ നിന്നു മംഗലാപുരത്തിനു പുറപ്പെടുകയും പുലർച്ചെ അഞ്ചിനു തിരുവനന്തപുരത്ത് എത്തിച്ചേരുകയും ചെയ്തിരുന്ന ട്രെയിനാണു സ്ഥിരമായി കൊച്ചുവേളിയിലേക്കു മാറ്റാൻ നീക്കം നടക്കുന്നത്. മലബാർ മേഖലയിൽ നിന്ന് റീജിയണൽ കാൻസർ സെന്ററിലും…
Read Moreമുൻമന്ത്രിയും സിപിഎം നേതാവുമായ വി.ജെ തങ്കപ്പൻ അന്തരിച്ചു
നെയ്യാറ്റിൻകര: മുൻമന്ത്രിയും സിപിഎം നേതാവുമായ വി.ജെ തങ്കപ്പൻ (85) അന്തരിച്ചു. ശാരീരികാസ്വസ്ഥതകളെത്തുടർന്ന് വീട്ടിൽ തന്നെ വിശ്രമത്തിലായിരുന്നു. ബെല്ലയാണ് ഭാര്യ. നാലു മക്കളുണ്ട്. 1934 ഏപ്രിൽ 20 ന് സി. ജോണ്സണിന്റെയും ജ്ഞാനമ്മയുടെയും മകനായി ജനിച്ച വി.ജെ ബാലരാമപുരം ഹൈസ്കൂളിലെ 1951 ലെ ആദ്യ എസ്.എസ്.എൽ.സി ബാച്ചിലെ വിദ്യാർഥിയാണ്. പിന്നീട് തിരുവനന്തപുരം യൂണിവേഴ്സിറ്റി കോളജിൽ നിന്നും ബിരുദം പൂർത്താക്കി. രണ്ടു വർഷത്തോളം കെഎസ്ആർടിസി യിൽ ക്ലാർക്കായും സേവനം അനുഷ്ഠിച്ചു. വിദ്യാർഥിയായിരിക്കുന്പോൾ എസ്എഫ്ഐ യിൽ ആകൃഷ്ടനായ അദ്ദേഹം പിന്നീട് സിപിഎമ്മിലെ സജീവപ്രവർത്തകനായി. നെയ്യാറ്റിൻകര ബാറിലെ ഏറ്റവും പ്രമുഖനായ അഭിഭാഷകനായും അദ്ദേഹം അറിയപ്പെട്ടു. 1963 -ൽ നെയ്യാറ്റിൻകര നഗരസഭ കൗണ്സിലറായി തെരഞ്ഞെടുക്കപ്പെട്ട അദ്ദേഹം ചെയർമാനായും സേവനം അനുഷ്ഠിച്ചു. നെയ്യാറ്റിൻകര നഗരസഭയിൽ നിരവധി വികസന പ്രവർത്തനങ്ങൾക്ക് തുടക്കം കുറിച്ച ചെയർമാൻ എന്ന ഖ്യാതിയും അദ്ദേഹത്തിന് സ്വന്തം. സ്വദേശാഭിമാനി ടൗണ് ഹാളിന് ആ പേര്…
Read More