തിരുവനന്തപുരം: ക്ഷേത്രപ്രവേശന വിളംബര വാർഷികം വിപുലമായ പരിപാടികളോടെ ആഘോഷിക്കാനൊരുങ്ങി സർക്കാർ. ക്ഷേത്രപ്രവേശന വിളംബരത്തിന്റെ 82ാം വാര്ഷികമാണ് ആഷോഷിക്കുന്നത്. നവംബര് 10 മുതല് 12 വരെ വിപുലമായ പരിപാടികളോടെ ക്ഷേത്രപ്രവേശന വിളംബരം ആഘോഷിക്കുമെന്ന് സാംസ്കാരിക മന്ത്രി എ.കെ.ബാലന് പറഞ്ഞു. സംസ്ഥാനതല ഉദ്ഘാടനം ഒമ്പതിന് വൈകിട്ട് മുഖ്യമന്ത്രി പിണറായി വിജയന് നിര്വഹിക്കും. ക്ഷേത്രപ്രവേശന വിളംബരവുമായി ബന്ധപ്പെട്ട ചരിത്ര രേഖകൾ, വിളംബരത്തിലേക്ക് നയിച്ച സംഭവങ്ങൾ, ഇതിനു ശേഷം കേരള സമൂഹത്തിലുണ്ടായ മാറ്റങ്ങള് എന്നിവ വിശദമായി പ്രദിപാദിക്കുന്ന പ്രദര്ശനം, വിദഗ്ധരെ ഉള്ക്കൊള്ളിച്ച് പ്രഭാഷണങ്ങള്, ക്ഷേത്രപ്രവേശന വിളംബരവുമായി ബന്ധപ്പെട്ട ഡോക്യുമെന്ററി പ്രദര്ശനം എന്നിവ സംസ്ഥാനമൊട്ടാകെ നടക്കും. വിദ്യാര്ഥികള്ക്കായി ചിത്രരചന, ക്വിസ്, പ്രബന്ധ രചനാ മത്സരങ്ങള് നടത്തും. ഇന്ഫര്മേഷന് പബ്ളിക് റിലേഷന്സ്, സാംസ്കാരികം, പുരാവസ്തു, പുരാരേഖ വകുപ്പുകള് സംയുക്തമായാണ് പരിപാടികള് സംഘടിപ്പിക്കുന്നത്.
Read MoreCategory: TVM
മണ്വിള അഗ്നിബാധ നിയന്ത്രണവിധേയം; ഒരു കിലോമീറ്റർ ചുറ്റളവിലുള്ളവർക്ക് ആരോഗ്യവകുപ്പിന്റെ ജാഗ്രതാ മുന്നറിയിപ്പ്
തിരുവനന്തപുരം: സംസ്ഥാന നഗരത്തെ ആശങ്കയിലാഴ്ത്തി മണ്വിളയിൽ പ്ലാസ്റ്റിക് നിർമാണ ശാലയിലുണ്ടായ തീ നിയന്ത്രണവിധേയം. അഗ്നിബാധയിൽ ആശങ്കയൊഴിഞ്ഞതായി സംഭവസ്ഥലത്തുള്ള മന്ത്രി കടകംപള്ളി സുരേന്ദ്രൻ അറിയിച്ചു. അഗ്നിശമന സേനയുടെ അന്പതിലധികം വാഹനങ്ങൾ തീ പൂർണമായി കെടുത്താൻ പ്രയത്നിക്കുകയാണ്. കെട്ടിടം പൂർണമായി കത്തിനശിച്ചു. തമിഴ്നാട്ടിൽനിന്നുള്ള രണ്ടു യൂണിറ്റ് ഫയർഫോഴ്സും എയർഫോഴ്സിന്റെ ഫയർഫോഴ്സ് യൂണിറ്റുകളും രക്ഷാപ്രവർത്തനത്തിൽ പങ്കെടുക്കുന്നു. ബുധനാഴ്ച രാത്രി ഏഴോടെയാണ് തീപിടിത്തം ആരംഭിച്ചത്. ഈ ഭാഗത്തേക്കുള്ള വാഹനഗതാഗതം തടഞ്ഞിരിക്കുകയാണ്. വ്യാഴാഴ്ച മുഖ്യമന്ത്രി പങ്കെടുക്കാനിരുന്ന സമ്മേളന വേദിക്ക് സമീപമാണു തീപിടിത്തമുണ്ടായത്. തീ നിയന്ത്രണ വിധേയമാക്കാൻ അഗ്നിശമന സേനയ്ക്ക് ഏഴു മണിക്കൂർ പ്രയത്നിക്കേണ്ടിവന്നു. ഇതുവരെ ആളപായം റിപ്പോർട്ട് ചെയ്തിട്ടില്ല. എന്നാൽ വിഷപ്പുക ശ്വസിച്ച് രണ്ടു പേരെ ആശുപത്രിയിൽ പ്രവേശിപ്പിച്ചിട്ടുണ്ട്. പ്ലാസ്റ്റിക് കത്തി വൻതോതിൽ വിഷപ്പുക പടർന്നതിനാൽ ഒരു കിലോ മീറ്റർ ചുറ്റളവിലുള്ള ആളുകൾ ജാഗ്രത പാലിക്കണമെന്ന് ആരോഗ്യവകുപ്പ് മുന്നറിയിപ്പ് നൽകിയിട്ടുണ്ട്. സമീപപ്രദേശത്തുനിന്നും ആളുകളെ ഒഴിപ്പിച്ചു.…
Read Moreഅഞ്ചര വയസുകാരനെ കാണാതായി; രണ്ടര മണിക്കൂറിനുശേഷം അയലത്തെ വീട്ടിൽനിന്നും ദുരൂഹ സാഹചര്യത്തിൽ കണ്ടെത്തി
വിഴിഞ്ഞം: വീടിന് മുന്നിൽ കളിച്ചു കൊണ്ടിരുന്ന അഞ്ചര വയസുകാരനെ കാണാതായി. രണ്ടര മണിക്കൂറിന് ശേഷം അയൽവാസിയുടെ വീടിനുള്ളിൽ നിന്ന് ദുരൂഹ സാഹചര്യത്തിൽ കുട്ടിയെ കണ്ടെത്തി. കുട്ടിയെ ഒളിപ്പിച്ച സംഭവത്തിൽ മുക്കോല കാഞ്ഞിരംവിള സ്വ ദേശി പീരുമുഹമ്മദിനെ പോലീസ് അറസ്റ്റ് ചെയ്തു. വിഴിഞ്ഞം മുക്കോല സ്വദേശിയായ അഞ്ചര വയസുകാരനെയാണ് ഇന്നലെ രാവിലെ പത്തോടെ കാണാതായത്. കളിച്ചു നിന്ന കുട്ടിയെ കാണാതായെന്ന വാർത്ത പടർന്നതോടെ നാട്ടുകാർ ഒന്നിച്ച് അന്വേഷണം ആരംഭിച്ചു. സമീപ വീടുകളും കിണറുകളും ഉൾപ്പെടെ അരിച്ചുപെറുക്കി. അന്വേഷണം ഫലം കാണാതെ വന്നതോടെ നാട്ടുകാർ വിഴിഞ്ഞം പോലീസിന്റെ സഹായം തേടി. മാതാവുൾപ്പെടെയുള്ള സംഘം കുട്ടിയെ കണ്ടെത്തിയ അയൽവാസിയുടെ വീട്ടിൽ രണ്ടു പ്രാവശ്യമെത്തി അന്വേഷിച്ചെങ്കിലും ഇയാൾ കൈ മലർത്തി. ഉച്ചക്ക് പന്ത്രണ്ടരയോടെ ഫയർഫോഴ്സും സ്ഥലത്തെത്തി. നാട് മുഴുവൻ അരിച്ചുപെറുക്കുന്നതിനിടയിൽ മാതാവുൾപ്പെടെയുള്ള സംഘം മൂന്നാമതും പീരുമുഹ മ്മദിന്റെ വീട്ടിൽ വീണ്ടും അന്വേഷണവുമായെത്തി. ഒടുവിൽ…
Read Moreമണ്വിള തീപിടിത്തം: രണ്ടു കിലോമീറ്റർ ചുറ്റളവിലെ സ്കൂളുകൾക്ക് അവധി
തിരുവനന്തപുരം: മണ്വിളയിൽ പ്ലാസ്റ്റിക് നിർമാണ യൂണിറ്റിൽ തീപിടിത്തമുണ്ടായതിനെ തുടർന്ന് ഫാക്ടറി പ്രവർത്തിച്ചിരുന്നതിനു രണ്ടു കിലോമീറ്റർ ചുറ്റളവിലെ സ്കൂളുകൾക്കു ജില്ലാ കളക്ടർ അവധി പ്രഖ്യാപിച്ചു മണ്വിള, കുളത്തൂർ വാർഡുകളിലെ വിദ്യാഭ്യാസ സ്ഥാപനങ്ങൾക്കാണു വ്യാഴാഴ്ച അവധി. പ്ലാസ്റ്റിക് നിർമാണ യൂണിറ്റിൽ ബുധനാഴ്ച രാത്രിയോടെയാണ് തീപിടിത്തമുണ്ടായത്. ആളപായമില്ലെന്നാണ് റിപ്പോർട്ട്.
Read Moreപ്രളയാന്തര കേരളത്തിന്റെ തിരിച്ചുവരവിനെ പ്രശംസിച്ച് കോഹ്ലി; നന്ദി പറഞ്ഞ് ഗവർണർ
തിരുവനന്തപുരം: പ്രളയാന്തര കേരളത്തിന്റെ തിരിച്ചുവരവിനെ പ്രശംസിച്ച ഇന്ത്യൻ ക്രിക്കറ്റ് ടീം നായകൻ വിരാട് കോഹ്ലിക്ക് നന്ദിയറിച്ച് ഗവർണർ പി.സദാശിവം. കോഹ്ലിയുടെ വാക്കുകൾ വിലപ്പെട്ടതാണെന്നും നന്ദിയറിയിക്കുന്നുവെന്നുമാണ് ഗവർണർ ട്വിറ്ററിൽ കുറിച്ചത്. പ്രളയത്തിൽ നിന്ന് കേരളം തിരിച്ചു വരുന്നതിനേക്കുറിച്ചും സംസ്ഥാനത്തെത്തിയപ്പോൾ ലഭിച്ച സ്വീകരണത്തേക്കുറിച്ചും ടീം അംഗങ്ങൾ താമസിക്കുന്ന ലീല ഹോട്ടലിലെ ബുക്കിൽ കോഹ്ലി കുറിച്ചിരുന്നു. കോഹ്ലിയുടെ കുറിപ്പ് നവമാധ്യമങ്ങളിൽ വൈറലാവുകയും ചെയ്തിരുന്നു. “ഇവിടെ വരുന്നതും ഇവിടെ നിന്നു ലഭിക്കുന്ന ഉണർവും വളരെയധികം ഞാൻ ഇഷ്ടപ്പെടുന്നു. കേരളത്തിന്റെ സൗന്ദര്യം ഓരോരുത്തരും ആസ്വദിക്കേണ്ടതാണ്. ദൈവത്തിന്റെ സ്വന്തം നാടായ കേരളത്തിലേക്ക് ഞാൻ എല്ലാവരെയും ക്ഷണിക്കുന്നു. തിരിച്ചു വരവിന്റെ പാതയിലാണ് കേരളം. പൂർണസുരക്ഷിതമാണ് കേരളം സന്ദർശിക്കാൻ. ഞാൻ ഇവിടെയുള്ളിടത്തോളം സമയം എന്നെ സന്തോഷിപ്പിക്കുന്ന ഈ സ്ഥലത്തിന് ഞാൻ നന്ദി അറിയിക്കുന്നു’- ഇതായിരുന്നു കോഹ്ലിയുടെ വാക്കുകൾ. കേരളത്തിൽ നിന്നും തങ്ങൾക്ക് ലഭിച്ച ആദരവിന് നന്ദി അറിയിച്ച് വെസ്റ്റ്…
Read Moreശബരിമല തീർഥാടകർക്ക് സ്വകാര്യ വാഹനങ്ങൾ അനുവദിക്കുമെന്ന കെഎസ്ആര്ടിസി എം.ഡിയുടെ ഉത്തരവിനെതിരെ തള്ളി ഗതാഗതമന്ത്രി എ.കെശശീന്ദ്രൻ
തിരുവനന്തപുരം: ശബരിമല തീര്ഥാടകർക്ക് സ്വകാര്യ ടൂറിസ്റ്റ് ഓപ്പറേറ്റര്മാരുടെ സഹായത്തോടെ വാഹനങ്ങള് അനുവദിക്കുമെന്ന കെഎസ്ആര്ടിസി എം.ഡിയുടെ ഉത്തരവിനെതിരെ ഗതാഗതമന്ത്രി എ.കെശശീന്ദ്രൻ. തീരുമാനം നടപ്പാക്കാന് സര്ക്കാര് ആലോചിക്കുന്നില്ലെന്ന് അദ്ദേഹം പറഞ്ഞു. ഇരുപതു പേർ വരെ അടങ്ങുന്ന തീര്ഥാടകര്ക്ക് സ്വകാര്യ ടൂറിസ്റ്റ് ഓപ്പറേറ്റർമാരുമായി സഹകരിച്ച് ആഡംബര സൗകര്യങ്ങളോടുകൂടിയ മിനി ബസ് അനുവദിക്കുമെന്നായിരുന്നു ടോമിന് തച്ചങ്കരി അറിയിച്ചിരുന്നത്. എന്നാൽ അതിന്റെ ആവശ്യമില്ലെന്നാണ് മന്ത്രിയുടെ നിലപാട്.
Read Moreപാർട്ടികളുടെ തെരഞ്ഞെടുപ്പ് ചെലവുകള്ക്കും പരിധി നിശ്ചയിക്കണമെന്ന് എസ്. രാമചന്ദ്രന്പിള്ള
തിരുവനന്തപുരം: സ്ഥാനാര്ഥികളുടെ ചെലവിന് പരിധി നിശ്ചയിച്ചിട്ടുള്ളതുപോലെ രാഷ്ട്രീയ പാർട്ടികളുടെ തെരഞ്ഞെടുപ്പ് ചെലവുകള്ക്കും പരിധി നിശ്ചയിക്കണമെന്ന് സിപിഎം പൊളിറ്റ്ബ്യൂറോ അംഗം എസ്. രാമചന്ദ്രന്പിള്ള. എകെജി പഠന ഗവേഷണ കേന്ദ്രത്തിന്റെ ആഭിമുഖ്യത്തില് നടന്ന ‘തെരഞ്ഞെടുപ്പ് പരിഷ്കാരങ്ങള്’ സെമിനാറില് മുഖ്യപ്രഭാഷണം നടത്തുകയായിരുന്നു അദ്ദേഹം. പാർട്ടികളുടെ ധനസ്രോതസുകളില് വലിയമാറ്റമാണ് ബിജെപി സര്ക്കാര് വരുത്തിയത്. നേരത്തെ വിദേശസ്ഥാപനങ്ങള്ക്ക് ഇന്ത്യയിലെ രാഷ്ട്രീയ പാർട്ടികള്ക്ക് സംഭാവന നല്കാനാകുമായിരുന്നില്ല. ഇന്ത്യയിലെ കമ്പനികള്ക്ക് തുടര്ച്ചയായി മൂന്നുകൊല്ലം ഉണ്ടാക്കുന്ന ലാഭത്തിന്റെ 7.5 ശതമാനത്തിലധികം സംഭാവന നല്കാനും കഴിയുമായിരുന്നില്ല. ഈ തടസങ്ങള് ഇപ്പോള് കേന്ദ്രസര്ക്കാര് നീക്കി. സ്വദേശ വിദേശ കമ്പനികള്ക്ക് നേരിട്ട് സംഭാവന നല്കാം. സംഭാവനകളുടെ ഉറവിടം വെളിപ്പെടുത്തേണ്ട. വിദേശത്തുനിന്ന് വന്തോതില് കള്ളപ്പണം പാർട്ടികളുടെ അക്കൗണ്ടുകളിലേക്കൊഴുകും. ജനാഭിപ്രായങ്ങളെ അട്ടിമിറക്കാന് ഈ പണം ഉപയോഗിക്കപ്പെടും. പുതുതായി സ്വാതന്ത്ര്യം നേടിയ നിരവധി രാജ്യങ്ങളില് കോര്പറേറ്റ് ശക്തികള് ഇങ്ങനെ ജനാധിപത്യത്തെ അട്ടിമറിച്ചിട്ടുണ്ട്. രാഷ്ട്രീയ കക്ഷികളെയും ജനപ്രതിനിധികളെയും വിലയ്ക്കുവാങ്ങാനുള്ള…
Read Moreമന്ത്രി മാത്യു ടി. തോമസിന്റെ ഗണ്മാൻ വെടിയേറ്റ് മരിച്ച നിലയിൽ; ആത്മഹത്യയാണെന്ന പ്രാഥമിക നിഗമനത്തിൽ പോലീസ്
തിരുവനന്തപുരം: മന്ത്രി മാത്യു ടി. തോമസിന്റെ ഗണ്മാനെ വെടിയേറ്റ് മരിച്ച നിലയിൽ കണ്ടെത്തി. കടയ്ക്കൽ സ്വദേശി സുജിത്താണ് (27) മരിച്ചത്. കടയ്ക്കലിലെ വീട്ടിൽ ബുധനാഴ്ച പുലർച്ചെയാണ് സംഭവം. സർവീസ് തോക്ക് ഉപയോഗിച്ച് സുജിത്ത് ജീവനൊടുക്കുകയായിരുന്നുവെന്നാണ് പ്രാഥമിക നിഗമനം. കൈയിലെ ഞരന്പ് മുറിച്ച നിലയിലുമാണ്. മൃതദേഹം കടയ്ക്കൽ താലൂക്ക് ആശുപത്രിയിലേക്ക് മാറ്റി. കഴിഞ്ഞ രണ്ടു വർഷമായി സുജിത്താണ് മന്ത്രിയുടെ ഗണ്മാനായി പ്രവർത്തിച്ചിരുന്നത്.
Read Moreകൊച്ചുമകനല്ല, ബിജെപിയുമായി കൂട്ടുകൂടുന്ന നിലപാട് ആര് സ്വീകരിച്ചാലും അത് തെറ്റാണെന്ന് ലോറൻസ്
തിരുവനന്തപുരം: ശബരിമല യുവതീ പ്രവേശന വിഷയവുമായി ബന്ധപ്പെട്ട് പോലീസ് അതിക്രമം അവസാനിപ്പിക്കണമെന്നാവശ്യപ്പെട്ടുള്ള ബിജെപി സമരത്തിന് പിന്തുണയറിയിച്ച് കൊച്ചുമകൻ പോയതിനെതിരെ മുതിർന്ന സിപിഎം നേതാവ് എം.എം.ലോറൻസ്. കൊച്ചുമകൻ മിലൻ ഇമ്മാനുവൽ ലോറൻസിന്റെയും മിലനെ സമരമുഖത്തേക്ക് പറഞ്ഞയച്ച മാതാപിതാക്കളുടെയും നിലപാട് തെറ്റായിപ്പോയെന്ന് അദ്ദേഹം പറഞ്ഞു. കൊച്ചുമകനല്ല, ബിജെപിയുമായി കൂട്ടുകൂടുന്ന നിലപാട് ആര് സ്വീകരിച്ചാലും തെറ്റാണ്. സിഐടിയു മുൻ സംസ്ഥാന സെക്രട്ടറിയും പാർട്ടി ഔദ്യോഗിക പക്ഷത്തെ മുതിർന്ന നേതാവുമൊക്കെയായ ലോറൻസിന്റെ കൊച്ചുമകൻ ബിജെപി വേദിയിലെത്തിയത് വൻ ചർച്ചാ വിഷയമാകുന്നതിനിടെയാണ് അദ്ദേഹത്തിന്റെ പ്രതികരണം. പോലീസ് ആസ്ഥാനത്തിന് സമീപം ബിജെപി സംസ്ഥാന അധ്യക്ഷൻ പി.എസ്.ശ്രീധരൻ പിള്ളയുടെ ഉപവാസ സമര വേദിയിലാണ് മിലനെത്തിയത്. സ്വന്തം ഇഷ്ടപ്രകാരമാണ് ഇവിടെ വന്നതെന്നും സംസ്ഥാനത്തെ പോലീസ് അക്രമങ്ങൾക്കെതിരായ നിലപാടിന്റെ ഭാഗമായാണ് സമരവേദിയിൽ വന്നതെന്നും മിലൻ പറഞ്ഞിരുന്നു. അമ്മയാണ് തന്നെ സമരവേദിയിൽ കൊണ്ടുവിട്ടതെന്നും രാഷ്ട്രീയത്തിലിറങ്ങാൻ താത്പര്യമുണ്ടെന്നും പറഞ്ഞ മിലൻ ഏത് പാർട്ടിയിൽ…
Read Moreമണ്ഡല-മകര വിളക്ക് തീർത്ഥാടനം; ഇന്ന് ദേവസ്വം ബോർഡ് യോഗം ചേരും; നവംബർ അഞ്ചിന് ചിത്തിര ആട്ട ചടങ്ങിനായി ശബരിമല നട തുറക്കും
തിരുവനന്തപുരം: ശബരിമല മണ്ഡല-മകര വിളക്ക് തീർത്ഥാടനകാലത്തെ ക്രമീകരണങ്ങളെക്കുറിച്ച് ചർച്ച ചെയ്യാനായി ഇന്ന് തിരുവിതാംകൂർ ദേവസ്വം ബോർഡ് യോഗം. രാവിലെ പതിനൊന്ന് മണിക്ക് ദേവ്സ്വം ബോർഡ് ആസ്ഥാനത്ത് ചേരുന്ന യോഗത്തിൽ ദേവസ്വം ബോർഡ് പ്രസിഡന്റ് എ.പത്മകുമാർ, ബോർഡംഗം കെ.പി.ശങ്കർദാസ്, ദേവസ്വം കമ്മീഷണർ വാസു എന്നിവർ പങ്കെടുക്കും. ശബരിമല യുവതി പ്രവേശന വിഷയവും യോഗത്തിൽ ചർച്ചയാകും. നവംബർ അഞ്ചിന് ചിത്തിര ആട്ട ചടങ്ങിനായി ശബരിമല നട തുറക്കുന്നുണ്ട്. അന്ന് യുവതികൾ ശബരിമലയിൽ എത്തുമോയെന്ന ആശങ്കകളും ബോർഡിനെ ആശങ്കയിലാഴ്ത്തുന്നുണ്ട്. ദേവസ്വം ബോർഡ് അംഗമായിരുന്ന രാഘവന്റെ കാലാവധി കഴിഞ്ഞതിനാൽ നിലവിൽ ബോർഡ് പ്രസിഡന്റും ഒരംഗവും മാത്രമാണുള്ളത്. പുതിയ അംഗത്തെ സർക്കാർ നിയമിച്ചിട്ടുമില്ല.
Read More