തിരുവനന്തപുരം: ശബരിമല വിഷയത്തിൽ മുഖ്യമന്ത്രി പിണറായി വിജയനെതിരേ രൂക്ഷ വിമർശനവുമായി പ്രതിപക്ഷ നേതാവ് രമേശ് ചെന്നിത്തല. വൈക്കം, ഗുരുവായൂർ സത്യാഗ്രഹങ്ങൾക്ക് നേതൃത്വം നൽകിയത് കോണ്ഗ്രസാണ്. ഈ കോണ്ഗ്രസിനെ നവോത്ഥാനം പഠിപ്പിക്കാൻ പിണറായി നോക്കേണ്ടെന്ന് ചെന്നിത്തല പറഞ്ഞു. ശബരിമല വിഷയത്തിൽ വർഗീയത വളർത്തി ജനങ്ങളെ തമ്മിലടിപ്പിക്കാനാണ് മുഖ്യമന്ത്രി ശ്രമിക്കുന്നത്. ഇക്കാര്യത്തിൽ സമചിത്തതയോടെ മുഖ്യമന്ത്രി പെരുമാറണമെന്നും ചെന്നിത്തല കൂട്ടിച്ചേർത്തു. വിശ്വാസ സമൂഹത്തോടും അവരുടെ വികാരത്തോടും ചേർന്നു നിൽക്കാനാണ് കോണ്ഗ്രസ് ശ്രമിച്ചിരിക്കുന്നതെന്നും ചെന്നിത്തല പറഞ്ഞു.
Read MoreCategory: TVM
നവകേരള പുനസൃഷ്ടിയുടെ ഫണ്ട് ശേഖരണം; അഞ്ചുദിവസത്തെ യുഎഇ സന്ദർശനം കഴിഞ്ഞ് മുഖ്യമന്ത്രി തിരിച്ചെത്തി
തിരുവനന്തപുരം: യുഎഇ സന്ദർശനം പൂർത്തിയാക്കി മുഖ്യമന്ത്രി പിണറായി വിജയൻ തിരിച്ചെത്തി. ഇന്ന് പുലർച്ചെ 3.40 നാണ് അദ്ദേഹം തിരുവനന്തപുരം വിമാനത്താവളത്തിൽ എത്തിയത്. പ്രളയത്തെ തുടർന്ന് സംസ്ഥാനത്തുണ്ടായ നാശനഷ്ടങ്ങൾ പരിഹരിക്കാനും നവകേരളം പുനർസൃഷ്ടിക്കാനും ഫണ്ട് ശേഖരണത്തിനായാണ് അദ്ദേഹം യുഎഇയിലേക്ക് പോയത്. അഞ്ച് ദിവസത്തെ സന്ദർശനമായിരുന്നു. യുഎഇയിലുള്ള മലയാളികളെയും യുഎഇയിലെ ലോകകേരള സഭ പ്രതിനിധികളെയും നേരിൽ കണ്ട് ഫണ്ട് ശേഖരിക്കാനായിരുന്നു വിദേശ സന്ദർശനം. 300 കോടി രൂപ ലോക കേരളസഭ പ്രതിനിധികൾ ശേഖരിച്ച് നൽകണമെന്ന് അദ്ദേഹം ലോകകേരള സഭ പ്രതിനിധികളോട് നിർദേശം നൽകിയിരുന്നു.
Read Moreകലാഭവൻ മണിയുടെ വേഷമിട്ട നടനായ ബസ് കണ്ടക്ടർക്ക് സഹപ്രവർത്തകരുടെ ആദരവ്; സിനിമയുടെ വിജയം ആഘോഷിക്കാന് നാട്ടുകാര്
നേമം: ചാലക്കുടിക്കാരൻ ചങ്ങാതിയെന്ന സിനിമയിൽ മണിയുടെ വേഷമിട്ട കെ.എസ്.ആർ.ടി.സി. പാപ്പനംകോട് ഡിപ്പോയിലെ കണ്ടക്ടർ സെന്തിൽകൃഷ്ണയ്ക്ക് സഹപ്രവർത്തകരുടെ ആദരവ്. രണ്ടായിരത്തി പതിനാല് മുതൽ പാപ്പനംകോട് ഡിപ്പോയിൽ ബസ് കണ്ടക്ടറായി ജോലി ചെയ്യുന്ന സെന്തിൽകൃഷ്ണയ്ക്ക് അപ്രതീക്ഷിതമായാണ് കലാഭവൻ മണിയുടെ വേഷം അഭിനയിക്കാൻ അവസരം ലഭിച്ചത്. കലാഭവൻ മണിയുടെ ജീവിതത്തെ ആസ്പദമാക്കി വിനയൻ സംവിധാനം ചെയ്ത ചിത്രത്തിൽ രാജാമണി എന്ന പേരിലാണ് സെന്തിൽ അഭിനയിച്ചത്. കല്ലിയൂർ പുന്നമൂട് സ്വദേശിയായ സെന്തിൽ കൃഷ്ണ മിമിക്രി താരമായി തുടങ്ങി നിരവധി ഹാസ്യ സീരിയലുകളിലും ശ്രദ്ധേയമായ വേഷങ്ങൾ ചെയ്തിട്ടുണ്ട്. സിനിമ റീലിസായതോടെ നാട്ടുകാരും സുഹൃത്തുക്കളും ആഹ്ലാദത്തിലാണ് സിനിമയുടെ വിജയം ആഘോഷിക്കാനുള്ള തയ്യാറെടുപ്പിലാണ് നാട്ടുകാർ. പാപ്പനംകോട് ഡിപ്പോയിൽ നടന്ന ആദരവ് പരിപാടി സിനിമ നിർമ്മാതാവ് കിരീടം ഉണ്ണി ഉദ്ഘാടനം ചെയ്തു. എ.ടി.ഒ. ബി. അനിൽകുമാർ സെന്തിലിന് ഉപഹാരം നൽകി. യൂണിറ്റിലെ തൊഴിലാളികൾ നിർമ്മിച്ച അരക്കലാന്പ് എന്ന ഷോർട്ട്…
Read Moreബന്ധുവായ അറുപതുകാരിയെ ചായയില് ഉറക്കഗുളിക നല്കി പീഡിപ്പിച്ചു; പത്തൊന്പതുകാരന് പിടിയില്; സംഭവത്തെപ്പറ്റി പോലീസ് പറയുന്നതിങ്ങനെ…
വെഞ്ഞാറമൂട്: ബന്ധുവായ അറുപത് കാരിയെ ചായയിൽ ഉറക്കഗുളിക നൽകി മാനഭംഗ പ്പെടുത്തുകയും സ്വർണമാല മോഷ്ടിക്കുകയും ചെയ്ത കേസിൽ പത്തൊൻപതുകാരൻ പിടിയിൽ. സംഭവത്തെപ്പറ്റി പോലീസ് പറയുന്നതിങ്ങനെ കഴിഞ്ഞ 17 ന് രാവിലെ 11 ഓടെ ഇവരുടെ വീട്ടിലേയ്ക്ക് കടന്നു ചെന്ന പ്രതി ചായയിൽ ഉറക്കഗുളിക കലക്കി നൽകിയ ശേഷം മാനഭംഗപ്പെടുത്തുകയായിരുന്നു. തുടർന്ന് കഴുത്തിൽ കിടന്ന ഒരു പവന്റെ മാലയും പൊട്ടിച്ചെടുത്ത് കടന്നു കളയുകയായിരുന്നു. അവശനിലയിലായ സ്ത്രീയ്ക്ക് പിറ്റേ ദിവസമാണ് ബോധം തിരിച്ചു കിട്ടിയത്.18 ന് ഹർത്താൽ ആയതിനാൽ 19 ന് ഇവർ വെഞ്ഞാറമൂട് സ്റ്റേഷനിൽ എത്തി പരാതി നൽകുകയായിരുന്നു. സ്ത്രീ ഒറ്റയ്ക്കായിരുന്നു വീട്ടിൽ താമസിച്ചുവന്നത്. ഇവരുടെ ഭർത്താവും മകനും നേരത്തെ മരണപ്പെട്ടിരുന്നു. സംഭവത്തിന് ശേഷം വെട്ടു റോഡിലെ ഒരു സുഹൃത്തിന്റെ വീട്ടിൽ ഒളിവിൽ താമസിക്കുകയായിരുന്ന പ്രതിയെ ചന്തവിളയ്ക്ക് സമീപം വച്ച് ഇന്നലെ അറസ്റ്റ് ചെയ്യുകയായിരുന്നു. വെഞ്ഞാറമൂട് സർക്കിൾ ഇൻസ്പക്ടർ…
Read Moreപഴകിയ ഇറച്ചി, വെളിച്ചെണ്ണ! വൃത്തിഹീനമായ അവസ്ഥയിൽ ഹോട്ടലുകൾ; പഴകിയ ഭക്ഷണ സാധനങ്ങൾ പിടിച്ചെടുത്തു
പോത്തൻകോട്: പോത്തൻകോട്ട് ഹോട്ടലുകളിൽ ആരോഗ്യ വകുപ്പിന്റെ നേതൃത്വത്തിൽ നടത്തിയ പരിശോധനയിൽ പഴകിയ ആഹാര പദാർഥങ്ങൾ പിടിച്ചെടുത്തു. പുത്തൻതോപ്പ് ബ്ലോക്ക് സാമൂഹിക ആരോഗ്യ കേന്ദ്രത്തിലെ ഉദ്യോഗസ്ഥരുടെ നേതൃത്തിൽ നടത്തിയ പരിശോധനയിൽ പഴകിയ ഇറച്ചി, വെളിച്ചെണ്ണ തുടങ്ങിയവ പിടിച്ചെടുത്തു. നിരോധിച്ച പ്ലാസ്റ്റിക് കവറുകൾ കച്ചവടം നടത്തിയതിനും വൃത്തിഹീനവുമായ ഹോട്ടലുകൾക്കും പിഴ ഈടാക്കി. ഹെൽത്ത് സൂപ്പർവൈസർ വിശ്വനാഥൻ ഹെൽത്ത് ഇൻസ്പെക്ടർമാരായ അനിൽകുമാർ, ബാബു സാം, ജൂണിയർ ഹെൽത്ത് ഇൻപെക്ടർ പ്രസാദ് കുമാർ, പ്രീത, അരുൺകുമാർ, വികാസ് എന്നിവരാണ് പരിശോധന നടത്തിയത്. വരും ദിവസങ്ങളിൽ പരിശോധന ശക്തമാക്കുമെന്നും ഉദ്യോഗസ്ഥർ പറഞ്ഞു.
Read Moreപ്രകൃതിവിരുദ്ധ പീഡനം; യുവാവ് അറസ്റ്റില്; ആദ്യതവണ പീഡനം നടന്നത് കുട്ടി ഭയപ്പാടുമൂലം പുറത്തുപറഞ്ഞിരുന്നില്ല.
പേരൂര്ക്കട: പ്രകൃതിവിരുദ്ധ പീഡനവുമായി ബന്ധപ്പെട്ട് യുവാവ് മണ്ണന്തല പോലീസിന്റെ പിടിയിലായി. മണ്ണന്തല ചെഞ്ചേരി ലക്ഷംവീട് കോളനിയില് മുരുകന് (43) ആണ് പിടിയിലായത്. മണ്ണന്തല സ്വദേശിയായ 14കാരനെ പ്രകൃതിവിരുദ്ധ പീഡനത്തിന് ഇരയാക്കിയതിനാണ് ഇയാള് പിടിയിലായത്. കഴിഞ്ഞ ഒക്ടോബര് 13ാം തീയതിയായിരുന്നു കേസിന്നാസ്പദമായ സംഭവം. വീട്ടില് ആരുമില്ലാതിരുന്ന സമയം മുരുകന് കുട്ടിയെ വിളിച്ചുകൊണ്ടുപോയി പീഡിപ്പിക്കുകയായിരുന്നു. ആദ്യതവണ പീഡനം നടന്നത് കുട്ടി ഭയപ്പാടുമൂലം പുറത്തുപറഞ്ഞിരുന്നില്ല. അതിനടുത്ത ദിവസവും പീഡനം തുടര്ന്നതോടെയാണ് വീട്ടുകാരോട് കുട്ടി വിവരം പറയുന്നത്. വീട്ടുകാര് മണ്ണന്തല പോലീസില് നല്കിയ പരാതിയുടെ അടിസ്ഥാനത്തില് നടത്തിയ അന്വേഷണത്തിലാണ് പ്രതി പിടിയിലായത്. അറസ്റ്റിലായ പ്രതിയെ കോടതിയില് ഹാജരാക്കി റിമാന്ഡ് ചെയ്തു.
Read Moreമലയാളത്തിന് അഭിമാനങ്ങളായി അശ്വിനും അവന്തികയും
സ്വന്തം ലേഖകൻ നെയ്യാറ്റിൻകര: സൗത്ത് ഏഷ്യൻ ഡ്രോപ്പ് റോബോൾ ചാന്പ്യൻഷിപ്പിൽ മെഡൽ ജേതാക്കളായ സഹോദരങ്ങൾ നാടിന് അഭിമാനങ്ങളായി. നേപ്പാളിൽ ഇക്കഴിഞ്ഞ ഒന്പതു മുതൽ 12 വരെ അരങ്ങേറിയ മത്സരത്തിൽ ഇൻഡ്യൻ ടീമിലെ അംഗങ്ങളായിരുന്ന എസ്. എം അവന്തിക വെള്ളിയും എസ്.എം അശ്വിൻ വെങ്കലവുമാണ് കരസ്ഥമാക്കിയത്. രാജ്യത്തിനായി മെഡൽ നേടി തിരിച്ചെത്തിയ താരങ്ങളെ സ്വീകരിക്കാൻ രക്ഷിതാക്കളും അധ്യാപകരും മാത്രം. നെയ്യാറ്റിൻകര ഗവ. ഗേൾസ് ഹയർസെക്കൻഡറി സ്കൂളിലെ ഒന്പതാം ക്ലാസ് വിദ്യാർഥിനിയായ അവന്തികയും അരുമാനൂർ എംവി ഹയർസെക്കൻഡറി സ്കൂളിലെ പത്താം ക്ലാസ് വിദ്യാർഥിയായ അശ്വിനും ഡ്രോപ്പ് റോബോളിൽ പരിശീലനം തുടങ്ങിയിട്ട് ഒരു വർഷമേയായുള്ളൂ. പക്ഷെ, ചുരുങ്ങിയ കാലയളവിനുള്ളിൽ തന്നെ മികച്ച പ്രകടനം കാഴ്ചവയ്ക്കാൻ ഇരുവർക്കും സാധിച്ചു. ചണ്ഡീഗഡിൽ നടന്ന ദേശീയ ചാന്പ്യൻഷിപ്പിലും ഇവർ തിളങ്ങി. കഐസ്ആർടിസി നെയ്യാറ്റിൻകര ഡിപ്പോയിലെ കണ്ടക്ടർ നെയ്യാറ്റിൻകര ഫോർട്ട് പൊറ്റവിള വീട്ടിലെ ജി.എം സുഗുണന്റെയും പേട്ട…
Read Moreആക്ടിവിസ്റ്റുകൾക്ക് ശക്തി തെളിയിക്കാനുള്ള വേദിയല്ല ശബരിമല: ദേവസ്വം മന്ത്രി
തിരുവനന്തപുരം: ശബരിമലയെ സംഘർഷ ഭൂമിയാക്കാൻ അനുവദിക്കില്ലെന്ന് ദേവസ്വം മന്ത്രി കടകംപള്ളി സുരേന്ദ്രൻ. ആക്ടിവിസ്റ്റുകൾക്ക് ശക്തി തെളിയിക്കാനുള്ള വേദിയല്ല പുണ്യ ഭൂമിയായ ശബരിമലയെന്ന് മന്ത്രി പറഞ്ഞു. വിശ്വാസത്തിന്റെ ഭാഗമായി വരുന്നവർക്ക് സംരക്ഷണം നൽകാൻ സർക്കാറിന് ബാധ്യതയുണ്ട്. അതേ സമയം, ആക്റ്റിവിസ്റ്റുകൾക്ക് ആക്റ്റിവിസം കാണിക്കാനുള്ള വേദിയാക്കാൻ അനുവദിക്കില്ല. സമരത്തിന്റെ ഭാഗമായി വരുന്നവർക്ക് സംരക്ഷണം നൽകാനാകില്ല ശബരിമല ദർശനത്തിനായി മലയകയറിയ യുവതികൾക്ക് നടപന്തലിന് അപ്പുറം സുരക്ഷ ഒരുക്കേണ്ടെന്ന് മന്ത്രി നിർദ്ദേശം നൽകി. ഇവരെ തിരികെ പന്പയിലെത്തിക്കാനും നിർദ്ദേശം നൽകി. ദർശനത്തിന് എത്തിയത് ആക്ടിവിസ്റ്റുകളാണെന്ന് മനസിലാക്കിയ ഉടൻ സർക്കാർ ഇടപെട്ടു. ഇവരുടെ പശ്ചാത്തലം മനസിലാക്കാൻ പോലീസിന് കഴിയാത്തതിൽ കടുത്ത വിയോജിപ്പാണ് ദേവസ്വം മന്ത്രി രേഖപ്പെടുത്തിയത്. വരുന്നവരുടെ പശ്ചാത്തലം മനസിലാക്കാത്തതിൽ പോലീസിന് വീഴ്ച പറ്റിയെന്നാണ് സർക്കാരിന്റെ വിലയിരുത്തൽ. ആക്ടിവിസ്റ്റുകളുടെ കൂടെയല്ല സർക്കാർ. വിശ്വാസികളോട് ഒപ്പമാണ് . വിശ്വാസികളുടെ വികാരം മാനിക്കാതെ ഒരു തീരുമാനവും സർക്കാർ…
Read Moreകടല് ശാന്തമായില്ല! സീസൺ തുടങ്ങിയിട്ടും വിദേശ വിനോദ സഞ്ചാരികളില്ലാതെ കോവളം തീരം
വിഴിഞ്ഞം: ടൂറിസം സീസണ് തുടക്കമായെങ്കിലും വിദേശ വിനോദ സഞ്ചാരികളുടെ വരവില്ലാതെ കോവളം തീരം. ഇതര സംസ്ഥാന സഞ്ചാരികളുടെ സാനിധ്യമുണ്ടെങ്കിലും കടൽ ശാന്തമാകാത്തതുംഅടിസ്ഥാന വികസനമില്ലായ്മയും സീസണിന്റെ മാറ്റു കുറക്കുമെന്നാണ് പൊതുവെയുള്ള വിലയിരുത്തൽ. കൂടാതെ സംസ്ഥാനത്തുണ്ടായ പ്രളയക്കെടുതിയും ഓഖിയും നിപ്പയും വിദേശ വിനോദ സഞ്ചാരികലുടെ വരവ് കുറയ്ക്കുമോയെന്ന ആശങ്കയും നിലനിൽക്കുന്നു. കോവളം വികസനത്തിന്റെ പേരിൽ ലക്ഷങ്ങളും കോടികളും ചെലവഴിക്കുന്നതായി അവകാശപ്പെടുമ്പോഴും ബീച്ചുകളുടെ ഇരുട്ടകറ്റാൻ പോലും അധികൃതർക്കായിട്ടില്ല. വിദേശ വനിതയുടെ കൊലപാതകവുമായുള്ള വിവാദങ്ങൾ തണുപ്പിക്കാൻ ഹൗവ്വാബീച്ചിൻ സ്ഥാപിച്ച മൂന്ന് ഹൈമാസ്റ്റ് ലൈറ്റുകളും തെളിയിക്കാനായില്ല. പണം കൈപ്പറ്റാനല്ലാതെ വിവിധ വകുപ്പുകൾ തമ്മിൽ യോജിപ്പില്ലാത്തതും വികസനത്തിന് തിരിച്ചടിയായി. ഇരുട്ടിൽ തപ്പിയ സഞ്ചാരികളെ രക്ഷിക്കാൻ ഗ്രോബീച്ചിൽ പോലീസുകാർ സ്വന്തം ചിലവിൽ രണ്ട് ലൈറ്റുകൾ സ്ഥാപിച്ചു.നടപ്പാത ഉൾപ്പെടെയുള്ളവയുടെ കാര്യത്തിൽ ഇനിയും തീരുമാനമായില്ല. പ്രതിസന്ധികളേറെയുണ്ടെങ്കിലും കോവളം വിനോദ സഞ്ചാര മേഖല കരുത്തുകാട്ടിയാണ് പോയ വർഷം മുന്നോട്ടു പോയത്. പലതരത്തിലുള്ള ടൂറിസം…
Read Moreഇന്ധനം തീർന്നു; കൂറ്റൻ ടഗ്ഗ് വിഴിഞ്ഞം തീരത്ത് അടുത്തു
വിഴിഞ്ഞം: സഹായം ചോദിച്ച് വീണ്ടും വിഴിഞ്ഞത്ത് ടഗ്ഗ് എത്തി. ചെന്നൈയിൽ നിന്ന് മുംബൈയിലേക്ക് പോവുകയായിരുന്ന വാഹ് വീസ് എന്ന കൂറ്റൻ ടഗ്ഗാണ് ഇന്ധനം തീർന്നതോടെ അപ്രതീക്ഷിതമായി വിഴിഞ്ഞം തീരത്തടുപ്പിച്ചത്. സംശയകരമായ രീതിയിൽ കരയിലേക്ക് വരുന്ന കടൽയാനത്തെ കണ്ട നാട്ടുകാർ അധികൃതരെ വിവരമറിയിക്കുകയായിരുന്നു.സംഭവമറിഞ്ഞ് തീരദേശ പോലീസ് എസ്ഐ ഷാനിബാസിന്റെ നേതൃത്വത്തിൽ എത്തിയ സംഘം നടത്തിയ പരിശോധനയിലാണ് കാര്യങ്ങൾ വെളിവായത്. തുടർന്ന് പുറംകടലിൽ നങ്കൂരമിട്ട ടഗ്ഗിലുള്ളവർ പോർട്ട് അധികൃതരുടെ സഹായം തേടിയെങ്കിലും ഉത്തരവാദിത്വപ്പെട്ടവർ എത്താത്തതിനാൽ വാർഫിൽ കയറാനുള്ള അനുമതി നൽകിയില്ല. ക്യാപ്റ്റൻ പ്രിജിലാലിന്റെ മേൽനോട്ടത്തിൽ പതിനെന്ന് പേരുമായാണ് വാഹ് വിസിന്റെ വരവ്. വിഴിഞ്ഞത്ത് ഇന്ധനമെത്തിക്കുന്ന മുറയ്ക്ക് മറ്റ് നടപടികൾ സ്വീകരിക്കുമെന്ന് പോർട്ട് അധികൃതർ അറിയിച്ചു. അഞ്ച് വർഷം മുൻപ് സമാനമായ രീതിയിൽ ഇവിടെയെത്തിയ ബ്രഗ്മേശ്വര എന്ന ടഗ്ഗ് ഇന്നും അധികൃതർക്ക് തലവേദനയായി തുടരുന്നുണ്ട്.
Read More