ആറ്റിങ്ങൽ : എ.ബി.വി.പി പ്രവർത്തകന്റെയും എസ്.എഫ്.ഐ സംസ്ഥാന പ്രസിഡന്റിന്റെയും വീടുകൾ തകർത്തു. ഇന്നലെ രാത്രി 11 മണിയോടെ അവനവഞ്ചേരി കൈപ്പറ്റിമുക്കിൽ വിഷ്ണുവിലാസത്തിൽ മോഹനന്റെ വീടാണ് ആക്രമണത്തിൽ തകർന്നത്. മോഹനന്റെ മകനും എ.ബി.വി.പി പ്രവർത്തകനുമായ ശ്യാം മോഹനും മാതാവ് രാഗിണിക്കും പരിക്കേറ്റു. അതിനുശേഷം ഇന്നു പുലർച്ചെ രണ്ടുമണിയോടെ കോരാണിയിൽ എസ്.എഫ്.ഐ സംസ്ഥാന പ്രസിഡന്റ് വിനീഷിന്റെ വീട് അക്രമികൾ തകർത്തു. ആക്രമണത്തിൽ വീട്ടിലെ സാധന സാമഗ്രികളും വാഹനങ്ങളും തകർത്തു. ആക്രമണം ഉണ്ടാവുമ്പോൾ വിനീഷിന്റെ അച്ഛനും അമ്മയും മാത്രമാണ് സ്ഥലത്ത് ഉണ്ടായിരുന്നത്. മുഖം മൂടി ധരിച്ച സംഘമാണ് ആക്രമണം നടത്തിയത്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. തോന്നയ്ക്കൽ ബൈസ്കൂളിൽ തെരഞ്ഞെടുപ്പിനോടനുബന്ധിച്ച് നടന്ന തർക്കമാണ് ആക്രമണത്തിനു കാരണമെന്ന് പോലീസ് പറഞ്ഞു.
Read MoreCategory: TVM
ശബരിമല: സുപ്രീംകോടതിയിൽ ദേവസ്വം ബോർഡ് റിപ്പോർട്ട് നൽകില്ലെന്ന് ബോർഡംഗം കെ.പി.ശങ്കർദാസ്
തിരുവനന്തപുരം: ശബരിമല വിഷയത്തെക്കുറിച്ച് സുപ്രീംകോടതിയിൽ ദേവസ്വം ബോർഡ് റിപ്പോർട്ട് നൽകില്ലെന്ന് ദേവസ്വം ബോർഡംഗം കെ.പി.ശങ്കർദാസ്. കോടതി വിധി നടപ്പിലാക്കാനുള്ള ബാധ്യത ദേവസ്വം ബോർഡിനുണ്ട്. ശബരിമലയിൽ തന്ത്രിയെ മാറ്റാൻ ഉൾപ്പെടെയുള്ള അധികാരം ദേവസ്വം ബോർഡിനുണ്ടെന്നും അദ്ദേഹം വ്യക്തമാക്കി. മുഖ്യമന്ത്രി പിണറായി വിജയൻ തന്ത്രിയെയൊ രാജകുടുംബത്തെയൊപ്പറ്റി മോശമായി സംസാരിച്ചിട്ടില്ലെന്നും ശങ്കർദാസ് വ്യക്തമാക്കി. ശബരിമലയിൽ ചട്ടം ലംഘിച്ച പരികർമ്മികൾക്കെതിരെ ആവശ്യമെങ്കിൽ നടപടി സ്വീകരിക്കുമെന്നും അദ്ദേഹം വ്യക്തമാക്കി. മാധ്യമ പ്രവർത്തകരുടെ ചോദ്യങ്ങൾക്ക് മറുപടിയായാണ് അദ്ദേഹം ഇക്കാര്യങ്ങൾ വ്യക്തമാക്കിയത്.
Read Moreഫേസ്ബുക്ക് ലൈക്കിൽ കേരള പോലീസ് ലോകത്ത് ഒന്നാമത്; ന്യൂയോർക്ക് പോലീസിന്റെ പേജിനെ മറികടന്നാണ് മുന്നിലെത്തിയത്
തിരുവനന്തപുരം: കേരള പോലീസിന്റെ ഫേസ്ബുക്ക് പേജ് ലോകത്ത് ഏറ്റവും കൂടുതൽ പേർ ലൈക്ക് ചെയ്ത പോലീസ് ഫേസ്ബുക്ക് പേജ് എന്ന നേട്ടത്തിന് അർഹമായി. ന്യൂയോർക്ക് പോലീസിന്റെ പേജിനെ മറികടന്നാണ് കേരള പോലീസ് മുന്നിലെത്തിയത്. നിലവിൽ 8.20 ലക്ഷം ലൈക്കുകളാണ് കേരള പോലീസിന്റെ ഫേസ്ബുക്ക് പേജിന് ഉള്ളത്. രണ്ടാം സ്ഥാനത്തായ ന്യൂയോർക്ക് പോലീസിന്റെ പേജിന് 7.83 ലക്ഷം ലൈക്കുകൾ ഉണ്ട്. ഇന്ത്യയിൽ ഏറ്റവും കൂടുതൽ ലൈക്കുകൾ ലഭിച്ച പോലീസ് പേജ് എന്ന നേട്ടം ബംഗളൂരു സിറ്റി പോലീസിനെ മറികടന്ന് കഴിഞ്ഞ ഓഗസ്റ്റിലാണ് കേരള പോലീസ് കൈവരിച്ചത്. പോലീസിന്റെ മാർഗനിർദ്ദേശങ്ങളും മുന്നറിയിപ്പുകളും ട്രാഫിക് – സൈബർ സംബന്ധമായ ബോധവത്ക്കരണവും നിയമകാര്യങ്ങളും തുടങ്ങി ജനങ്ങൾക്ക് പ്രയോജനപ്രദമായ ഒട്ടേറെ വിവരങ്ങൾ നൽകുന്നതിനുവേണ്ടിയാണ് കേരള പോലീസ് ഫേസ്ബുക്ക് പേജ് ആരംഭിച്ചത്. നവമാധ്യമ ഇടപെടൽ ശക്തിപ്പെടുത്തുന്നതിന്റെയും വിവിധ പ്ലാറ്റ്ഫോമിലൂടെ ആശയവിനിമയം വിപുലീകരിക്കുന്നതിന്റെയും ഭാഗമായാണ് പോലീസ് ആസ്ഥാനത്ത്…
Read Moreശബരിമലയെ സംഘർഷഭൂമിയാക്കാൻ ഗൂഢപദ്ധതി തയാറാക്കപ്പെട്ടു; സുപ്രീം കോടതി വിധി നടപ്പാക്കുമെന്ന് ആവർത്തിച്ച് മുഖ്യമന്ത്രി പിണറായി വിജയൻ
തിരുവനന്തപുരം: ശബരിമലയിൽ സ്ത്രീ പ്രവേശനം അനുവദിച്ച് സുപ്രീം കോടതി വിധി നടപ്പാക്കുമെന്ന് ആവർത്തിച്ച് മുഖ്യമന്ത്രി പിണറായി വിജയൻ. ശബരിമലയെ കലാപഭൂമിയാക്കാനുള്ള ശ്രമമാണ് സംഘപരിവാർ നടത്തിയതെന്നും ഇതിനായി ഗൂഢപദ്ധതി തയാറാക്കപ്പെട്ടിരുന്നെന്നും പിണറായി ആരോപിച്ചു. സുപ്രീം കോടതി വിധി നടപ്പാക്കാൻ സംസ്ഥാന സർക്കാരുകൾക്കു ഭരണഘടനാ പരമായ ഉത്തരവാദിത്തമുണ്ട്. ആ ഉത്തരവാദിത്തമാണ് സർക്കാർ നിർവഹിക്കുന്നത്. ശബരിമലയെ സംഘർഷഭൂമിയതാക്കൽ സർക്കാരിന്റെ ഉദ്ദേശമല്ല. അവിടെ സുപ്രീം കോടതി വിധിയനുസരിച്ച് വിശ്വാസികൾക്കെല്ലാം ശബരിമലയിൽ പോയി ആരാധിക്കാനുള്ള അവകാശമുണ്ട്. വിശ്വാസികളുടെ വിശ്വാസത്തെ ബഹുമാനിക്കുന്നു. ശബരിമലയെ കലാപഭൂമിയാക്കാനുള്ള ശ്രമമാണു സംഘപരിവാർ നടത്തിയത്. അതിനു ഗൂഡപദ്ധതികൾ സംഘപരിവാർ നടപ്പാക്കി. പ്രതിഷേധത്തിന്റെ പേരിൽ പന്തൽ കെട്ടി സമരം നടത്തുന്പോൾ സർക്കാർ എതിരുനിന്നില്ല. എന്നാൽ അവിടെ എത്തിയ വിശ്വാസികൾക്കുനേരെ പരിശോധനയും ആക്രമണമുണ്ടായി. ശബരിമലയിലേക്കു പോയ സാധാരണ ഭക്തർക്കും തടസം സൃഷ്ടിക്കപ്പെട്ടു. മാധ്യമപ്രവർത്തകർക്കുനേരെയും ആക്രമണമുണ്ടായി. സർക്കാരോ പോലീസോ ഒരു വിശ്വാസിയേയും തടഞ്ഞിട്ടില്ല. സംഘപരിവാറിന്റെ അക്രമമുഖം…
Read Moreദർശനം നടത്തി മടങ്ങുകയായിരുന്ന അയ്യപ്പഭക്തരുടെ വാഹനം അപകടത്തിൽപ്പെട്ട് രണ്ടുപേർക്ക് പരിക്ക്
വെഞ്ഞാറമൂട് : ശബരിമല അയ്യപ്പഭക്തരുടെ വാഹനം കീഴായിക്കോണത്ത് അപകത്തിൽപ്പെട്ടു. രണ്ടു പേർക്ക് പരിക്ക്.ശബരിമലയിൽ നിന്നും ദർശനം കഴിഞ്ഞു മടങ്ങിയ മുരളി (52), മഹേഷ് (42) എന്നിവർക്കാണ് പരിക്കേറ്റത്. കിഴായിക്കോണത്തിന് സമീപം പുലർച്ചെ നാലിനാണ് അപകടം അയ്യപ്പൻമാർ സഞ്ചരിച്ചിരുന്ന കാർ കീഴായിക്കോണത്തിന് സമീപത്ത് വച്ച് എയർപോർട്ടിൽ നിന്നും മടങ്ങിയ വാഹനവുമായി കൂട്ടിയിടിച്ചായിരുന്നു അപകടം.
Read Moreശബരിമല യുവതീ പ്രവേശന വിഷയത്തിൽ മന്ത്രിസഭയിൽ കടുത്ത ഭിന്നതയെന്ന് പ്രതിപക്ഷനേതാവ് ചെന്നിത്തല
തിരുവനന്തപുരം: ശബരിമല യുവതീ പ്രവേശന വിഷയത്തിൽ മന്ത്രിസഭയിൽ കടുത്ത ഭിന്നതയുണ്ടെന്ന് പ്രതിപക്ഷനേതാവ് രമേശ് ചെന്നിത്തല. പ്രശ്നത്തിൽ പുനപരിശോധനാ ഹർജി നൽകില്ലെന്ന ദേവസ്വം ബോർഡിന്റെ നിലപാട് പരിഹാസ്യമാണെന്നും അദ്ദേഹം കുറ്റപ്പെടുത്തി. തുലാമാസ പൂജകൾക്കായി നടതുറന്ന ദിവസങ്ങളിൽ ശബരിമലയിൽ യുവതികൾ പ്രവേശിക്കാത്തത് കേരള മനസാക്ഷിയുടെ വിജയമാണെന്നും പ്രതിപക്ഷ നേതാവ് കൂട്ടിച്ചേർത്തു.
Read Moreക്ഷേത്രം അടയ്ക്കാൻ അധികാരം ദേവസ്വം ബോർഡിനു മാത്രം; തന്ത്രി ബോർഡിലെ മറ്റു ജീവനക്കാർക്കൊപ്പമെന്ന് മുഖ്യമന്ത്രി
തിരുവനന്തപുരം: യുവതികൾ ശബരിമലയിലെത്തിയാൽ നട അടച്ചിടുമെന്നു പ്രഖ്യാപിച്ച തന്ത്രിക്കെതിരേ വിമർശനവുമായി മുഖ്യമന്ത്രി പിണറായി വിജയൻ. ക്ഷേത്രം തുറക്കാനും അടയ്ക്കാനുമുള്ള അധികാരം ദേവസ്വം ബോർഡിന് മാത്രമാണെന്നും തന്ത്രി ദേവസ്വം ബോർഡിലെ മറ്റു ജീവനക്കാർക്കൊപ്പം മാത്രമാണെന്നും അദ്ദേഹം ചൂണ്ടിക്കാട്ടി. തന്ത്രി ക്ഷേത്രമടയ്ക്കുമെന്നു പ്രഖ്യാപിച്ചു. പരികർമികൾ പതിനെട്ടാം പടിക്കു താഴെ സത്യാഗ്രഹമിരിക്കുന്ന സാഹചര്യമുണ്ടായി. സുപ്രീം കോടതി വിധിയെ അട്ടിമറിക്കാൻ ഇവർ ചെയ്ത കാര്യങ്ങൾ അംഗീകരിക്കാൻ കഴിയില്ല. ക്ഷേത്രം തുറക്കാനും അടയ്ക്കാനുമുള്ള അധികാരം ദേവസ്വം ബോർഡിനാണ്. തന്ത്രി ദേവസ്വം ബോർഡിലെ മറ്റു ജീവനക്കാർക്കൊപ്പം മാത്രമാണ്- മുഖ്യമന്ത്രി പറഞ്ഞു. ശബരിമലയിൽ അവലോകന യോഗത്തിനെത്തിയ സ്ത്രീകളെ ദേവസ്വം ബോർഡ് ജീവനക്കാരിൽ ചിലർ പരിശോധിച്ചതും ഗൗരവമായി കാണേണ്ടതാണ്. ഇതിൽ ദേവസ്വം ബോർഡ് നടപടിയെടുക്കണമെന്നും മുഖ്യമന്ത്രി ആവശ്യപ്പെട്ടു. യുവതികൾ സന്നിധാനത്തെത്തിയാൽ നട അടച്ച് മടങ്ങുമെന്നു തന്ത്രി കണഠര് രാജീവര് പറഞ്ഞിരുന്നു. താക്കോൽ ഓഫീസിൽ ഏൽപ്പിക്കും. താഴമണ് മഠത്തിലെ കാരണവർ…
Read Moreദിലീപിന്റെ രാജി സ്വാഗതാർഹം; രാജിയിൽ തീരുമാനമെടുക്കാൻ എക്സിക്യൂട്ടീവ് കമ്മിറ്റി കാണിച്ച വിമുഖതയിൽ നിരാശയുണ്ടെന്നും ഡബ്ല്യുസിസി
തിരുവനന്തപുരം: താര സംഘടനയായ അമ്മയിൽ ദിലീപ് അംഗമല്ലെന്ന വാർത്ത സ്വാഗതം ചെയ്യുന്നുവെന്ന് വിമൻ ഇൻ സിനിമാ കളക്ടീവ് (ഡബ്ല്യുസിസി). ദിലീപിന്റെ രാജിയിൽ തീരുമാനമെടുക്കാൻ എക്സിക്യൂട്ടീവ് കമ്മിറ്റി കാണിച്ച വിമുഖതയിൽ നിരാശയുണ്ടെന്നും ഡബ്ല്യുസിസി വ്യക്തമാക്കി. അക്രമം അതിജീവച്ച നടിയും മറ്റു മൂന്നു പേരും അമ്മയിൽനിന്നു രാജിവയ്ക്കാൻ നിർബന്ധിതരായത് എക്സിക്യൂട്ടീവ് കമ്മിറ്റിയുടെ പക്ഷപാതപരമായ നിലപാട് മൂലമാണ്. സംഘടനക്കുള്ളിൽ അതിക്രമങ്ങളെ തുറന്നു പറയുന്നവരോടുള്ള മനോഭാവം വളരെ വ്യക്തമാണ്.
Read Moreശബരിമല വിഷയത്തിൽ കോണ്ഗ്രസ് ചരിത്രപരമായ ശുംഭത്വമാണ് കാണിക്കുന്നതെന്ന് മന്ത്രി മണി
തിരുവനന്തപുരം: ശബരിമല വിഷയത്തിൽ കോണ്ഗ്രസിനെതിരേ മന്ത്രി എം.എം. മണി. കോണ്ഗ്രസ് ചരിത്രപരമായ ശുംഭത്വമാണ് ഇപ്പോൾ കാണിക്കുന്നത്. ബിജെപിയിൽ ആളെ കൂട്ടലാണ് കോണ്ഗ്രസിന്റെ പണിയെന്നും മണി പറഞ്ഞു. ശബരിമലയിൽ യുവതികൾ കയറിയാൽ നട അടയ്ക്കുമെന്ന പന്തളം രാജകുടുംബത്തിന്റെ നിലപാടിനെ വിമർശിച്ചും മണി കഴിഞ്ഞ ദിവസം രംഗത്തെത്തിയിരുന്നു. നാട്ടിൽ രാജഭരണമല്ല, ജനാധിപത്യമാണെന്ന് മറക്കരുതെന്നായിരുന്നു പരാമർശം.
Read Moreശബരിമല വിഷയത്തിൽ പ്രതികരണം ചൊവ്വാഴ്ചയെന്ന് മുഖ്യമന്ത്രി
തിരുവനന്തപുരം: യുഎഇ സന്ദർശനം പൂർത്തിയാക്കി നാട്ടിലെത്തിയ മുഖ്യമന്ത്രി പിണറായി വിജയൻ വിളിച്ചു ചേർത്ത വാർത്താ സമ്മേളനത്തിൽ ശബരിമല വിഷയത്തെക്കുറിച്ച് ഒന്നും പറഞ്ഞില്ല. ഇതേക്കുറിച്ച് ചൊവ്വാഴ്ച പറയാമെന്നാണ് മാധ്യമപ്രവർത്തകരുടെ ചോദ്യത്തിനു മറുപടിയായി മുഖ്യമന്ത്രി പറഞ്ഞത്. അതേസമയം, വിഷയത്തിൽ സുപ്രീംകോടതിയെ നിയമപരമായി ഏതുതരത്തിൽ സമീപിക്കണമെന്ന കാര്യത്തിൽ സംസ്ഥാന സർക്കാരിന്റെ തീരുമാനം ഇന്നുണ്ടായേക്കും. മുഖ്യമന്ത്രിയുമായി ചർച്ച ചെയ്തശേഷം ദേവസ്വം ബോർഡ് സുപ്രീംകോടതിയിൽ ഫയൽ ചെയ്യേണ്ട വിഷയത്തിൽ തീരുമാനമെടുക്കും.
Read More