തിരുവനന്തപുരം: ശബരിമല സ്ത്രീപ്രവേശനത്തില് സര്ക്കാര് സര്വകക്ഷിയോഗം വിളിക്കണമെന്ന് കെപിസിസി പ്രസിഡന്റ് മുല്ലപ്പളളി രാമചന്ദ്രന്. ശബരിമല സ്ത്രീപ്രവേശനവുമായി ബന്ധപ്പെട്ട സുപ്രിം കോടതി വിധിക്കെതിരെ സംസ്ഥാനം പുനപരിശോധന ഹര്ജി നല്കണം. ചന്തമുളള സ്ത്രീകളെ കണ്ടാല് മനോനില തെറ്റുന്നവരാണ് സിപിഎം എംഎല്എമാരെന്ന് മുല്ലപ്പളളി പരിഹസിച്ചു. ശബരിമല വിധിക്കെതിരെ സര്ക്കാര് റിവ്യൂ ഹര്ജി നല്കില്ലെന്ന മുഖ്യമന്ത്രി പിണറായി വിജയന്റെ വാക്കുകള്ക്ക് പിന്നാലെയാണ് മുല്ലപ്പളളിയുടെ പ്രതികരണം. പിണറായി വിജയനും പ്രധാനമന്ത്രി നരേന്ദ്രമോദിയും ഒരേ തൂവൽപക്ഷികളാണ്. ഇരുവരും തമ്മിൽ ഏറെ സാമ്യതകളുണ്ട്. രണ്ട് പേരും ഏകാധിപതികളാണ്. അധികാരം തന്നിലേക്ക് കേന്ദ്രീകരിക്കാനാണ് ഇരുവരും ശ്രമിക്കുന്നത്. മോദിയെ പിണറായി അനുകരിക്കുകയാണ്. നരേന്ദ്ര മോദിയുടെ മാതൃക ഹിറ്റ്ലറും പിണറായിയുടെ മാതൃക സ്റ്റാലിനുമാണെന്നും അദ്ദേഹം പറഞ്ഞു.
Read MoreCategory: TVM
റോഹിൻഗ്യൻ അഭയാർഥികൾ കേരളത്തിൽ! സംസ്ഥാനത്ത് വ്യാപക പരിശോധന
എം.ജെ ശ്രീജിത്ത് തിരുവനന്തപുരം: റോഹിൻഗ്യൻ അഭയാർഥികൾ കൂടുതൽ പേർ എത്തിയതായ സംശയത്തെത്തുടർന്ന് സംസ്ഥാനത്ത് വ്യാപക പരിശോധന. സംസ്ഥാന ഇന്റലിജൻസ് /കേന്ദ്ര ഇന്റലിജൻസ് (ഐബി) എന്നിവരുടെ നേതൃത്വത്തിലാണ് പരിശോധന ആരംഭിച്ചിരിക്കുന്നത്. കഴിഞ്ഞ ദിവസം കൈക്കുഞ്ഞ് ഉൾപ്പെട്ട അഞ്ചംഗ റോഹിഗ്യൻ അഭയാർഥി കുടുംബത്തെ വിഴിഞ്ഞത്ത് കസ്റ്റഡിയിലെടുത്തിരുന്നു. ഹൈദ്രാബാദിൽ നിന്ന് കഴിഞ്ഞ മാസം 30 ന് രാവിലെയാണ് ശബരി എക്സ്പ്രസിൽ കേരളത്തിലേയ്ക്ക് വന്നത്. ഈ മാസം 1ന് രാവിലെ എട്ടുമണിയ്ക്ക് തിരുവനന്തപുരം റെയിൽവെ സ്റ്റേഷനിലിറങ്ങിയ സംഘം ഓട്ടോയിൽ വിഴിഞ്ഞത്തേയ്ക്ക് പോകുകയായിരുന്നു. ഇവരിൽ കസ്റ്റഡിയിലെടുത്തു ചോദ്യം ചെയ്തതിൽ നിന്നാണ് കൂടുതൽ പേർ കേരളത്തിലേയ്ക്ക് കടന്നിരിക്കാൻ സാധ്യതയുണ്ടെന്ന വിവരം ലഭിച്ചത്. കൂടുതൽ പേർ കേരളത്തിലേയ്ക്ക് വരാനുള്ള സാധ്യത മുൻകൂട്ടി കണ്ട് സംസ്ഥാനത്തെ എല്ലാ റെയിൽവേ സ്റ്റേഷനുകളിലും ഇന്റലിജൻസ് വിഭാഗം പ്രത്യേക പരിശോധന ആരംഭിച്ചു. ഇക്കാര്യം റെയിൽ പ്രൊട്ടക്ഷൻ വിഭാഗത്തെയും അറിയിച്ചിട്ടുണ്ട്. സംശയകരമായി സാഹചര്യത്തിൽ ട്രെയിനുകളിൽ…
Read Moreബാല സൗഹ്യദ പാര്ക്ക്! നിപ്പ ബാധിച്ച് മരിച്ച ലിനിയ്ക്കായി കാട്ടാക്കടയിൽ ഒരു സ്മാരകം
കാട്ടാക്കട : നിപ്പ ബാധിച്ച് പേരാമ്പ്രയിൽ മരിച്ച നഴ്സ് ലിനിയ്ക്ക് കാട്ടാക്കട പഞ്ചായത്തിൽ സ്മാരകം തീർത്തു . ആമച്ചൽ കുടുംബാരോഗ്യ കേന്ദ്രത്തിലെ ബാല സൗഹ്യദ പാർക്കാണ് ലിനിയുടെ പേരിൽ തുറന്നത്. ഉദ്ഘാടനം മന്ത്രി കടകംപള്ളി സുരേന്ദ്രൻ നിർവഹിച്ചു. ആമച്ചൽ ആശുപത്രിയുമായി ബന്ധപ്പെട്ട് കുടുംബാരോഗ്യകേന്ദ്രവും ബാല സൗഹ്യദ പഞ്ചായത്ത് രൂപീകരിക്കുന്നതിന്റെ ഭാഗമായി നടന്ന ചർച്ചയിലാണ് കുട്ടികളുടെ കളിസ്ഥലവും പൂന്തോട്ടവും വരുന്നത്. ഇന്നലെ പാർക്ക് മന്ത്രി തുറന്നു കൊടുക്കുകയും ചെയ്തു. മനോഹരമായ രജിസ്ട്രേഷൻ കൗണ്ടർ, ഒ.പി റൂം, ജനങ്ങൾക്ക് ഇരിക്കാൻ വളരെ വിശാലമായ വിശ്രമസ്ഥലം, നിരീക്ഷണ മുറി, കോൺഫറൻസ് ഹാൾ, പൊതുജനാരോഗ്യ സംവിധാനത്തിന് പ്രത്യേക കെട്ടിടം, ലബോറട്ടറി, ഫാർമസി തുടങ്ങി എല്ലാ സൗകര്യങ്ങളുമടങ്ങുന്നതാണ് ആശുപത്രി. കൂടാതെ ഹരിത കേരളം വിഭാവനം ചെയ്യുന്ന ഗ്രീൻ പ്രോട്ടോക്കോളുകൾ ഉൾക്കൊള്ളുന്ന ഗ്രീൻ ആർമിയുടെ സേവനവും കാട്ടാക്കട പഞ്ചായത്തിന്റെ മാലിന്യ നിർമാർജന സംവിധാനങ്ങളും ഇവിടെ ലഭ്യമാകും.…
Read Moreഎട്ടാം ക്ലാസ് വിദ്യാർഥിനിയെ ലൈംഗികമായി പീഡിപ്പിച്ച സിപിഐ നേതാവ് അറസ്റ്റിൽ; സംഭവം വെഞ്ഞാറമൂട്
വെഞ്ഞാറമൂട് : എട്ടാം ക്ലാസ് വിദ്യാർഥിനിയെ ലൈംഗികമായി പീഡിപ്പിച്ച കേസിൽ സിപിഐ നേതാവ് അറസ്റ്റിൽ. സിപിഐ വെഞ്ഞാറമൂട് മുൻ ലോക്കൽ കമ്മിറ്റി സെക്രട്ടറി ഹാഷിം (54) ആണ് അറസ്റ്റിലായത്. പിന്നാക്ക വിഭാഗത്തില്പ്പെട്ട പെണ്കുട്ടിയെ നേതാവ് ഏറെ നാളായി പീഡിപ്പിച്ച് വരുകയായിരുന്നെന്നു പറയുന്നു. കുട്ടിയുടെ വീട്ടില് ആരും ഇല്ലാത്തസമയങ്ങളില് പ്രലോഭിപ്പിച്ച് പീഡിപ്പിച്ചതായാണ് പരാതി. സ്കൂളില് നടന്ന കൗണ്സിലിംഗിലാണ് കുട്ടി പീഡന വിവരം പുറത്ത് പറഞ്ഞത്. തുടര്ന്ന് അധ്യാപിക കുട്ടിയുടെ മാതാവിനെ വിവരം അറിയിക്കുകയായിരുന്നു. ഇതോടെ മാതാപിതാക്കൾ വെഞ്ഞാറമൂട് പോലീസിൽ പരാതി നൽകി. ഇന്നു പുലർച്ചയോടെ പ്രതി അന്വേഷണ ഉദ്യോഗസ്ഥന് മുന്നിൽ സ്വയം ഹാജരാകുകയായിരുന്നതായാണ് സൂചന. ആരോപണ വിധേയനായ എ.ഹാഷിമിനെ സിപിഐയുടെ പ്രാഥമിക അംഗത്വത്തിൽ നിന്നും പുറത്താക്കിയതായി സിപിഐ വെഞ്ഞാറമൂട് മണ്ഡലം കമ്മിറ്റി സെക്രട്ടറി എ.എം. റൈസ് അറിയിച്ചു.
Read Moreശബരിമല: അന്തിമ വിധിവരും മുമ്പ് സ്ത്രീ പ്രവേശനം സാധ്യമാക്കാൻ പിണറായി ശ്രമിക്കുന്നുവെന്ന് ബിജെപി
തിരുവന്തപുരം: സുപ്രീം കോടതിയുടെ അന്തിമ വിധി വരും മുമ്പ് ശബരിമലയിൽ സ്ത്രീ പ്രവേശനം സാധ്യമാക്കാൻ പിണറായി വിജയൻ സർക്കാർ ശ്രമിക്കുകയാണെന്ന് ബിജെപി സംസ്ഥാന പ്രസിഡന്റ് പി.എസ്. ശ്രീധരന്പിള്ള. വനിതാ പോലീസുമായി പിണറായി വന്നാൽ ഗാന്ധിയൻ മാർഗത്തിൽ പ്രതിരോധിക്കും. ബിജെപിയെ കോടതി വിധി പഠിപ്പിക്കാൻ ആരും വരേണ്ടെന്നും ശ്രീധരൻപിള്ള പറഞ്ഞു. കോടതി വിധിയുടെ മറവില് ശബരിമലയെ തകര്ക്കാന് അനുവദിക്കില്ലെന്ന് തിങ്കളാഴ്ച ശ്രീധരന്പിള്ള പറഞ്ഞിരുന്നു. സര്ക്കാര് ഓര്ഡിനന്സിറക്കി വിശ്വാസികളുടെ വിശ്വാസം സംരക്ഷിക്കണം. വിശ്വാസികള്ക്കൊപ്പം ജീവന്മരണ പ്രക്ഷോഭത്തിനു ബിജെപി ഉണ്ടാകുമെന്നും അദ്ദേഹം പറഞ്ഞിരുന്നു. വിധിക്കെതിരെ ക്ഷേത്ര സംരക്ഷണ സമിതിയും അയ്യപ്പസമാജവും റിവ്യൂ ഹര്ജിക്ക് പിന്തുണ നൽകാനുള്ള തീരുമാനത്തിലാണ് സംസ്ഥാനത്തെ ബിജെപി നേതൃത്വം.
Read Moreകന്നിയിൽ പെരുമഴക്കാലം; വെള്ളിയാഴ്ച രാവിലെ വരെ കനത്ത മഴയ്ക്കു സാധ്യത; അഞ്ച് ജില്ലകളിൽ യെല്ലോ അലർട്ട് പ്രഖ്യാപിച്ച് കാലാവസ്ഥാ നിരീക്ഷണ കേന്ദ്രം
തിരുവനന്തപുരം: കേരളത്തിൽ ഈ ആഴ്ച പെരുമഴയുടെ കാലമാണെന്ന് വ്യക്തമാക്കി കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. വെള്ളിയാഴ്ച രാവിലെ വരെയാണ് കനത്ത മഴയ്ക്കുള്ള സാധ്യത പ്രവചിക്കപ്പെട്ടിരിക്കുന്നത്. വെള്ളിയാഴ്ച രാവിലെ വരെ ഒറ്റപ്പെട്ട സ്ഥലങ്ങളിൽ ഏഴു മുതൽ 11 സെന്റീമീറ്റർ വരെയുള്ള കനത്ത മഴയ്ക്കും വെള്ളിയാഴ്ച പകലും രാത്രിയിലും ഒറ്റപ്പെട്ട പ്രദേശങ്ങളിൽ 12 മുതൽ 20 സെന്റീമീറ്റർ വരെയുള്ള അത്യന്തം കനത്ത മഴയ്ക്കു സാധ്യതയുണ്ടെന്നുമാണ് കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ്. ഇതിനു പുറമെ അറബിക്കടലിൽ ലക്ഷദ്വീപിനും മാലിദ്വീപിനും സമീപത്തായി ആറാം തീയതിയോടെ ന്യൂനമർദം രൂപപ്പെടാൻ സാധ്യതയുണ്ടെന്നും മുന്നറിയിപ്പുണ്ട്. ന്യൂനമർദം ശക്തിപ്രാപിച്ചു വടക്കു പടിഞ്ഞാറൻ ദിശയിലേക്കു നീങ്ങുന്നതോടെ കടൽ പ്രക്ഷുബ്ധമാകാൻ സാധ്യതയുള്ളതിനാൽ മത്സ്യത്തൊഴിലാളികൾ ആറു മുതൽ മറ്റൊരറിയിപ്പുണ്ടാകുന്നതു വരെ മത്സ്യബന്ധനത്തിനായി പോകരുതെന്ന് സംസ്ഥാന ദുരന്ത നിവാരണ അഥോറിറ്റിയും മുന്നറിയിപ്പു നൽകിയിട്ടുണ്ട്. കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പിന്റെ പശ്ചാത്തലത്തിൽ ഇടുക്കി, കോഴിക്കോട്, വയനാട്, പാലക്കാട്, തൃശൂർ…
Read Moreനഷ്ടമായത് പ്രതിഭാധനനായ കലാകാരനെ; ബാലഭാസ്കറിന്റെ നിര്യാണത്തിൽ അനുശോചിച്ച് മുഖ്യമന്ത്രി
തിരുവനന്തപുരം: പ്രശസ്ത വയലിനിസ്റ്റും സംഗീതജ്ഞനുമായ ബാലഭാസ്കറിന്റെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചനമറിയിച്ചു. പ്രതിഭാധനനായ കലാകാരനെയാണ് നഷ്ടപ്പെട്ടത്. സംഗീതലോകത്ത് വ്യക്തി മുദ്ര പതിപ്പിക്കാൻ അദ്ദേഹത്തിന് സാധിച്ചു. നിര്യാണത്തിൽ അഗാതമായ ദുഖവും അനുശോചനവും രേഖപ്പെടുത്തുന്നുവെന്നും മുഖ്യമന്ത്രി പറഞ്ഞു. കഴിഞ്ഞ ചൊവ്വാഴ്ച രാവിലെയുണ്ടായ വാഹനാപകടത്തിൽ പരിക്കേറ്റ് ചികിത്സയിലായിരുന്ന ബാലഭാസ്കർ ഇന്ന് പുലർച്ചെയാണ് അന്തരിച്ചത്. ഹൃദയസ്തംഭനത്തേത്തുടർന്നാണ് അന്ത്യം. അപകടത്തിൽ രണ്ടുവയസുകാരിയായ മകൾ തേജസ്വിനി ബാല മരണപ്പെട്ടിരുന്നു. ഭാര്യ ലക്ഷ്മി ഇപ്പോഴും ചികിത്സയിലാണ്.
Read Moreവിവാദം ലഹരിപിടിക്കുമ്പോൾ; ബ്രൂവറിക്ക് അനുമതി നൽകിയെന്നതിന്റെ അർത്ഥം ലൈസൻസ് നൽകിയെന്നല്ലെന്ന് മന്ത്രി ടി.പി.രാമകൃഷ്ണൻ
തിരുവനന്തപുരം: ബ്രൂവറിക്ക്(ബിയർ നിർമാണശാല) അനുമതി നൽകി എന്നതിന്റെ അർത്ഥം ലൈസൻസ് നൽകി എന്നല്ലെന്ന് മന്ത്രി ടി.പി.രാമകൃഷ്ണൻ. കേരളത്തിന്റെ വരുമാനവും തൊഴിൽ സാധ്യതയും മാത്രമാണ് ആലോചിച്ചതെന്നും എക്സൈസ് മന്ത്രി പറഞ്ഞു. മുതിർന്ന നേതാവ് വി.എസ്. അച്യുതാനന്ദൻ ഉന്നയിച്ച ആശങ്ക പരിശോധിക്കും. പ്രതിപക്ഷ നേതാവ് രമേശ് ചെന്നിത്തല പരസ്പര വിരുദ്ധമായാണ് സംസാരിക്കുന്നതെന്നും മന്ത്രി പറഞ്ഞു.
Read Moreബ്രൂവറി വിവാദം കത്തുന്നു; അനുവദിച്ച ബ്രൂവറിയുടെ പ്രോജക്ട് മാനേജർ സിപിഎം നേതാവിന്റെ മകൻ; ആരോപണവുമായി ചെന്നിത്തല
തിരുവനന്തപുരം: ബ്രൂവറിയും ഡിസ്റ്റിലറിയും അനുവദിച്ചതിലെ പ്രതിപക്ഷത്തിന്റെ അഴിമതിയാരോപണങ്ങളിൽ എക്സൈസ് മന്ത്രി ഉത്തരനേപ്പോലെ ഒളിച്ചോടുകയാണെന്ന് പ്രതിപക്ഷ നേതാവ് രമേശ് ചെന്നിത്തല. ഉന്നത സിപിഎം നേതാവിന്റെ മകനാണ് ഇപ്പോൾ അനുവദിച്ച ബ്രൂവറിയുടെ പ്രോജക്ട് മാനേജർ. കിൻഫ്രയിലെ സ്ഥലം ലഭിച്ചത് ഈ സ്ഥാപനത്തിനാണെന്നും ചെന്നിത്തല ആരോപിച്ചു. ബ്രൂവറി അഴിമതിയിൽ മന്ത്രിമാർക്കെതിരേ കേസെടുക്കാൻ അനുമതി നൽകണമെന്നാവശ്യപ്പെട്ട് ചെന്നിത്തല ഗവർണറെ കാണുകയും ചെയ്തു. എക്സൈസ് വകുപ്പ് വാര്ത്താക്കുറിപ്പിറക്കി തന്നെ അപമാനിച്ചെന്നും വകുപ്പ് സെക്രട്ടറിക്കെതിരെ പരാതി നൽകുമെന്നും ചെന്നിത്തല വ്യക്തമാക്കി. ഡിസ്റ്റിലറി അനുവദിക്കേണ്ടെന്ന 1999ലെ ഉത്തരവ് ഹൈക്കോടതിയും അംഗീകരിച്ചതാണ്. ഡിസ്റ്റിലറി അനുവദിക്കണമെന്ന ശ്രീചക്രയുടെ ആവശ്യം ഹൈക്കോടതി നിരസിച്ചിരുന്നു. ആ കന്പനിക്കാണ് സർക്കാർ ഇപ്പോൾ അനുമതി നൽകിയിരിക്കുന്നതെന്നും ചെന്നിത്തല കൂട്ടിച്ചേർത്തു. സർക്കാർ ഡിസ്റ്റിലറി പോലും പ്രവർത്തിപ്പിക്കാതെയാണ് രഹസ്യമായി ബ്രൂവറിക്ക് അനുമതി നൽകിയത്. നിലവിൽ കേരളത്തിനു പുറത്തുനിന്നും മദ്യം വാങ്ങേണ്ട ഒരു ആവശ്യവുമില്ല. എട്ടുശതമാനത്തിന്റെ കുറവേ ഇവിടുള്ളുവെന്നും ചെന്നിത്തല…
Read Moreഇന്ധനവില വർധനവിനെതിരേ ശക്തമായ ജനകീയ പ്രതിഷേധം ഉയരണം; വില കൂട്ടുന്നത് കേന്ദ്ര സർക്കാർ നിർദേശമനുസരിച്ചെന്ന് തോമസ് ഐസക്
തിരുവനന്തപുരം: ഇന്ധനവില വർധനയിൽ കേന്ദ്ര സർക്കാരിനെതിരേ രൂക്ഷ വിമർശനവുമായി ധനമന്ത്രി തോമസ് ഐസക്. എണ്ണക്കന്പനികൾ ഇന്ധനവില കൂട്ടുന്നത് കേന്ദ്ര സർക്കാർ നിർദേശമനുസരിച്ചാണ്. ഇന്ധനവില വർധനവിനെതിരേ ശക്തമായ ജനകീയ പ്രതിഷേധം ഉയരണമെന്നും മന്ത്രി പറഞ്ഞു. കേന്ദ്രം നികുതി കുറച്ചാലും കേരളം വാറ്റ് കൂട്ടില്ല. പെട്രോളിയം ഉത്പന്നങ്ങൾ ജിഎസ്ടിയിൽ ഉൾപ്പെടുത്താൻ ധനമന്ത്രാലയത്തിന് താൽപര്യവുമില്ല. നികുതി കുറയുമെന്ന ആശങ്കയാണ് ധനമന്ത്രാലയത്തിനെന്നും തോമസ് ഐസക് കൂട്ടിച്ചേർത്തു.
Read More