തിരുവനന്തപുരം: കളമശേരി ബസ് കത്തിക്കൽ കേസിലെ പ്രതി ഇസ്മായിലിനു ചില പോലീസുകാരുമായി ബന്ധമുണ്ടെന്ന ആരോപണം കൊച്ചി റേഞ്ച് ഐജി വിജയ് സാഖറെ അന്വേഷിക്കും. പരാതി ലഭിച്ച സാഹചര്യത്തിൽ ഇതേക്കുറിച്ച് അന്വേഷിച്ചു റിപ്പോർട്ട് സമർപ്പിക്കാൻ റേഞ്ച് ഐജിക്കു നിർദേശം നൽകിയതായി സംസ്ഥാന പോലീസ് മേധാവി അറിയിച്ചു. കഴിഞ്ഞ ദിവസം ആലുവ എടത്തലയിൽ പോലീസുകാർക്കു നേരെ നടന്ന കയ്യേറ്റ ശ്രമത്തിലും ഇസ്മായിലിനു ബന്ധമുണ്ടെന്ന ആരോപണം ഉയർന്നിരുന്നു. ഈ സാഹചര്യത്തിലാണ് അന്വേഷണത്തിനു നിർദേശം നൽകിയത്. 2005 ലാണ് കേസിന് ആസ്പദമായ സംഭവം നടക്കുന്നത്. അബ്ദുൾ നാസർ മഅദനി പ്രതിയായ കോയന്പത്തൂർ ബോംബ് സ്ഫോടന കേസിൽ വിചാരണ വൈകുന്നതിൽ പ്രതിഷേധിച്ചാണ് കളമശേരിയിൽ തമിഴ്നാട് സർക്കാരിന്റെ ബസ് കത്തിച്ചത്. ആകെ 14 പ്രതികളുള്ള കേസിൽ തടിയന്റവിട നസീർ ഒന്നാം പ്രതിയും സൂഫിയ മഅദനി പത്താം പ്രതിയാണ്.
Read MoreCategory: TVM
സംസ്ഥാനത്ത് ട്രോളിംഗ് നിരോധനം ഇന്ന് അർധരാത്രി മുതൽ; യന്ത്രവല്കൃത ബോട്ടുകള് കടലിലിറങ്ങാന് പാടില്ല
തിരുവനന്തപുരം: ഇന്ന് അർധരാത്രി മുതൽ സംസ്ഥാനത്ത് ട്രോളിംഗ് നിരോധനം നിലവിൽ വരും. 52 ദിവസത്തേക്കാണ് ട്രോളിംഗ് നിരോധനം. ജൂലൈ 31ന് അവസാനിക്കും. നിരോധനകാലത്ത് മത്സ്യസമ്പത്ത് സംരക്ഷിക്കുന്നതിന്റെ ഭാഗമായി യന്ത്രവല്കൃത ബോട്ടുകള് കടലിലിറങ്ങാന് പാടില്ല. ഫിഷറീസ് വകുപ്പും മറൈന് എന്ഫോഴ്സ്മെന്റും തീരദേശ പട്രോളിംഗ് കര്ശനമാക്കും. നിയമലംഘനം നടത്തുന്നവരെ പിടികൂടി കര്ശന പിഴ ചുമത്തും.
Read Moreപച്ചപരവതാനിയിൽ നിന്നും ചുവന്ന പരവതാനിയിലേക്കുള്ള കയറ്റത്തിൽ മുന്നണി ശക്തിപ്പെടും; കേരള കോൺഗ്രസിന് രാജ്യസഭ സീറ്റ് നൽകിയതിനെതിരേ പരിഹാസവുമായി ശബരീനാഥൻ എംഎൽഎ
തിരുവനന്തപുരം: ജോസ് കെ. മാണിയുടെ രാജ്യസഭ സ്ഥാനാർഥിത്വത്തെ പരിഹസിച്ച് കെ.എസ്. ശബരീനാഥൻ എംഎൽഎ. പച്ച പരവതാനിയുള്ള ലോകസഭയിൽ നിന്നും അൽപം നടന്ന് ചുവന്ന പരവതാനിയുള്ള രാജ്യസഭയിലേക്കു ചേക്കേറുന്പോൾ കേരളത്തിൽ മുന്നണി ശക്തിപ്പെടുമെന്ന് അദ്ദേഹം ഫേസ്ബുക്കിൽ പരിഹാസരൂപേണ കുറിച്ചു. കേരള കോണ്ഗ്രസിന് സീറ്റ് നല്കാനുള്ള തീരുമാനത്തിനെതിരെ കോണ്ഗ്രസിൽ പ്രതിഷേധം ശക്തമാകുകയാണ്. ഇന്ന് രാവിലെ എറണാകുളം ഡിസിസി ഓഫീസിന് മുന്നിൽ ശവപ്പെട്ടിയും റീത്തും വച്ചാണ് പ്രവർത്തകർ പ്രതിഷേധിച്ചത്. ഉമ്മൻ ചാണ്ടിക്കും രമേശ് ചെന്നിത്തലയ്ക്കുമെതിരായ പോസ്റ്ററുകളും ഇവിടെ പതിച്ചിട്ടുണ്ട്.
Read Moreകേരള കോണ്ഗ്രസ് എം ഇനി യുഡിഎഫിന്റെ ഭാഗം; മുസ്ലിം ലീഗ് നേതാവ് പി.കെ.കുഞ്ഞാലിക്കുട്ടിക്ക് പ്രത്യേക നന്ദി അറിയിച്ച് കെ.എം.മാണി
തിരുവനന്തപുരം: കേരള കോണ്ഗ്രസ് എം യുഡിഎഫിന്റെ ഭാഗമായെന്ന് കെ.എം.മാണി. മതനിരപേക്ഷ കക്ഷികളുടെ കൂട്ടായ്മ ശക്തിപ്പെടുത്തണമെന്നും മാണി അഭിപ്രായപ്പെട്ടു. യുഡി എഫുമായുള്ള പ്രശ്നങ്ങൾ പരിഹരിക്കാൻ ചർച്ചയ്ക്ക് മുൻകൈ എടുത്ത മുസ്ലിം ലീഗ് നേതാവ് പി.കെ.കുഞ്ഞാലിക്കുട്ടിക്ക് പ്രത്യേക നന്ദി അറിയിക്കുന്നുവെന്നും മാണി പറഞ്ഞു. എംഎൽഎ ഹോസ്റ്റലിലെ മുറിയിൽ വിളിച്ചു ചേർത്ത വാർത്താ സമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്. കേരള കോണ്ഗ്രസ് എമ്മിന് ലഭിച്ച രാജ്യസഭ സീറ്റിലെ സ്ഥാനാർഥി ആരാണെന്ന് ഇന്ന് തീരുമാനിക്കുമെന്നും അദ്ദേഹം വ്യക്തമാക്കി. താനോ ജോസ് കെ മാണിയൊ രാജ്യസഭയിലേക്ക് പോകേണ്ടതില്ലെന്നാണ് തന്റെ അഭിപ്രായമെന്ന് കെ.എം.മാണി വാർത്താസമ്മേളനത്തിൽ വ്യക്തമാക്കി.
Read Moreനഷ്ടം മാത്രമല്ല യാത്രക്കാരുടെ ബുദ്ധിമുട്ട് മനസിലാക്കി വകുപ്പ് ഭേദഗതി ചെയ്തു; കെഎസ്ആർടിസി അതിവേഗ സർവീസുകളിൽ ഇനി നിന്നു യാത്ര ചെയ്യാം
തിരുവനന്തപുരം: കെഎസ്ആർടിസി അതിവേഗ സർവീസുകളിൽ ഇനി നിന്നു യാത്ര ചെയ്യാം. സൂപ്പർ ഫാസ്റ്റ്, സൂപ്പർ എക്സ്പ്രസ്, സൂപ്പർ ഡീലക്സ്, ലക്ഷ്വറി സർവീസുകളിലാണ് ഇനി നിന്നു യാത്ര ചെയ്യാൻ സാധിക്കുന്നത്. സൂപ്പർ ഫാസ്റ്റ് മുതലുള്ള കെഎസ്ആർടിസി ബസുകളിൽ യാത്രക്കാരെ നിർത്തിക്കൊണ്ടുപോകുന്നത് ഹൈക്കോടതി കഴിഞ്ഞ മാർച്ചിൽ വിലക്കിയിരുന്നു. ഈ ഉത്തരവ് മറികടക്കാൻ മോട്ടോർ വാഹനചട്ടത്തിൽ ഭേദഗതി വരുത്തി സർക്കാർ വിജ്ഞാപനമിറക്കി. മോട്ടോർ വാഹന വകുപ്പിലെ 67 (2) ചട്ടമാണ് സർക്കാർ ഭേദഗതി ചെയ്തത്. കെഎസ്ആർടിസിയുടെ നഷ്ടം മാത്രം കണക്കാക്കിയല്ല, യാത്രക്കാരുടെ ബുദ്ധിമുട്ട് കൂടി പരിഗണിച്ചാണ് ചട്ടം ഭേദഗതി ചെയ്യുന്നതെന്ന് ഗതാഗതമന്ത്രി എ.കെ.ശശീന്ദ്രൻ നേരത്തെ അറിയിച്ചിരുന്നു.
Read Moreആലുവക്കാരെല്ലാം തീവ്രവാദികല്ല; ആലുവ പ്രശ്നത്തിൽ തീവ്രവാദ ബന്ധമുള്ളവരുണ്ടെന്ന് ആവർത്തിച്ച് മുഖ്യമന്ത്രി
തിരുവനന്തപുരം: ആലുവ എടത്തലയിലെ അക്രമത്തിനു പിന്നിൽ തീവ്രവാദ ബന്ധമുള്ളവരുണ്ടെന്ന് ആവർത്തിച്ച് മുഖ്യമന്ത്രി പിണറായി വിജയൻ. ആലുവക്കാരെല്ലാം തീവ്രവാദികളാണെന്ന് പറഞ്ഞിട്ടില്ലെന്നും അദ്ദേഹം പറഞ്ഞു. ആലുവ സ്വതന്ത്ര റിപ്പബ്ലിക്കല്ലെന്നും കൈയേറ്റം ചെയ്യപ്പെടേണ്ട വിഭാഗമല്ല പോലീസ് എന്നും മുഖ്യമന്ത്രി ഇന്ന് നിയമസഭയിൽ പറഞ്ഞു. എടത്തല സ്വദേശി ഉസ്മാനെ പോലീസ് മർദിച്ച സംഭവത്തിലായിരുന്നു മുഖ്യമന്ത്രിയുടെ വിശദീകരണം. എടത്തലയിലെ അക്രമത്തിനു പിന്നിൽ തീവ്രവാദസ്വഭാവമുള്ള ചിലരാണെന്നും അവരെ പ്രതിപക്ഷത്തെ ചിലർ പിന്തുണയ്ക്കുന്നുണ്ടെന്നും മുഖ്യമന്ത്രി വ്യാഴാഴ്ച നിയമസഭയിൽ പറഞ്ഞിരുന്നു. എടത്തലയിൽ പോലീസ് സംഘർഷത്തിന്റെ ഭാഗമാകുകയായിരുന്നില്ല വേണ്ടത്. സാധാരണക്കാരുടെ നിലയിലേക്ക് പോലീസ് താഴാൻ പാടില്ലെന്നതുകൊണ്ടാണ് സംഭവത്തിൽ ഉൾപ്പെട്ടവർക്കെതിരെ നടപടി സ്വീകരിച്ചതെന്നും മുഖ്യമന്ത്രി പറഞ്ഞു. കളമശേരി ബസ് കത്തിക്കൽ കേസിലെ പ്രതികളും പ്രതിഷേധ മാർച്ചിൽ ഉണ്ടായിരുന്നുവെന്നും ആലുവ സ്വതന്ത്ര റിപ്പബ്ലിക്കാണെന്ന് ആരും കരുതരുതെന്നും മുഖ്യമന്ത്രി പറഞ്ഞു. അതേസമയം ഇന്ന് പ്രതിപക്ഷത്തിന്റെ അടിയന്തര പ്രമേയ നോട്ടീസിന് അനുമതി നിഷേധിച്ച് മുഖ്യമന്ത്രിയെ പ്രസംഗിക്കാൻ…
Read Moreആദ്യം കൈവച്ചത് ഉസ്മാൻ; പ്രതിഷേധിച്ചത് തീവ്രസ്വഭാവമുള്ള സംഘടനകളെന്ന് മുഖ്യമന്ത്രി
തിരുവനന്തപുരം: ആലുവയിലെ എടത്തലയിൽ യുവാവിനെ പോലീസ് മർദ്ദിച്ച സംഭവത്തിൽ പോലീസിന് വീഴ്ച പറ്റിയെന്ന് മുഖ്യമന്ത്രി നിയമസഭയിൽ പറഞ്ഞു. പോലീസ് സാധാരണക്കാരെ പോലെ പെരുമാറാതെ നിയമനടപടി സ്വീകരിക്കണമായിരുന്നുവെന്നും മുഖ്യമന്ത്രി പറഞ്ഞു. അതേസമയം ആലുവയിൽ പോലീസിന് നേരെ ആദ്യം തട്ടിക്കയറിയത് ഉസ്മാനാണെന്നും മുഖ്യമന്ത്രി പിണറായി വിജയൻ നിയമസഭയെ അറിയിച്ചു. പോലീസ് ഡ്രൈവറെ മർദ്ദിക്കാൻ ഉസ്മാൻ ശ്രമിച്ചുവെന്നും മുഖ്യമന്ത്രി സഭയിൽ പറഞ്ഞു. തീവ്ര സ്വഭാവമുള്ള സംഘടനകളാണ് പിന്നീട് പ്രതിഷേധവുമായി പോലീസ് സ്റ്റേഷനിലേക്ക് മാർച്ച് നടത്തിയത്. ബസ് കത്തിച്ച കേസ് ഉൾപ്പെടെയുള്ളവയിൽ പ്രതികളായ സംഘടനയിലുള്ളവർ ഇന്നലെ പ്രതിഷേധിക്കാൻ ഉണ്ടായിരുന്നുവെന്നും മുഖ്യമന്ത്രി വ്യക്തമാക്കി. തീവ്ര സ്വഭാവക്കാരായ സംഘടനയിലുള്ളവരോടൊപ്പമാണ് പ്രതിപക്ഷം പ്രതിഷേധിക്കുന്നത്. ഇവരെ തിരിച്ചറിയാൻ പ്രതിപക്ഷത്തിന് കഴിഞ്ഞില്ലെന്നും മുഖ്യമന്ത്രി പരിഹസിച്ചു. ഇതേ തുടർന്ന് പ്രതിപക്ഷം ബഹളം വച്ചു. എടത്തല സംഭവത്തിൽ പ്രതിപക്ഷത്തെ അൻവർ സാദത്ത് നൽകിയ അടിയന്തര പ്രമേയ നോട്ടീസിന് മറുപടി പറയുകയായിരുന്നു മുഖ്യമന്ത്രി. ആലുവ…
Read More52 ദിവസം നീണ്ടുനിൽക്കുന്ന ട്രോളിംഗ് നിരോധനം ജൂണ് 10 മുതൽ ജൂലൈ 31വരെ
തിരുവനന്തപുരം: കേരള തീരത്തെ കടലിൽ ജൂണ് ഒൻപതിനു അർധരാത്രി മുതൽ ജൂലൈ 31 വരെ 52 ദിവസം ട്രോളിംഗ് നിരോധനം ഏർപ്പെടുത്താനുള്ള തീരുമാനത്തിനു മന്ത്രിസഭ അംഗീകാരം നൽകി. നേരത്തെ 45 ദിവസമായിരുന്നു ട്രോളിംഗ് നിരോധന കാലയളവ്. ട്രാവൻകൂർ കെച്ചിൻ കെമിക്കൽസ് ലിമിറ്റഡിന് സർക്കാർ വായ്പയായി നൽകിയ 13.72 കോടി രൂപയും പലിശയും അടക്കം 23.58 കോടി രൂപ ഓഹരി മൂലധനമാക്കി മാറ്റുന്നതിനും മന്ത്രിസഭ അനുമതി നൽകി.
Read Moreആരാദ്യം എന്നതല്ല നേരാദ്യം എന്നതാണു മാധ്യമരംഗത്തു വേണ്ടത് ; എങ്ങനെ വാർത്ത വരണമെന്നതു പോലും ചിലർ തീരുമാനിക്കുന്നുവെന്ന് മുഖ്യമന്ത്രി
തിരുവനന്തപുരം :ആരാദ്യം എന്നതല്ല നേരാദ്യം എന്നതാണ് മാധ്യമരംഗത്തു വേണ്ടതെന്നു മുഖ്യമന്ത്രി പിണറായി വിജയൻ. ദൃശ്യമാധ്യമങ്ങൾ വന്നതോടെ മാധ്യമരംഗം ആകെ മാറി. സമൂഹത്തിന് അഭിലഷണീയമല്ലാത്ത ഒരുപാടു പ്രവണതകൾ ഈ രംഗത്തു കടന്നുവന്നിട്ടുണ്ട്. ആരാദ്യം എന്ന ചിന്ത വരുന്നതാണ് ഇതിനു കാരണം. സീനിയർ ജേർണലിസ്റ്റ് യൂണിയൻ കേരളയുടെ പ്രഥമ സംസ്ഥാന സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു മുഖ്യമന്ത്രി പിണറായി വിജയൻ. മാധ്യമങ്ങളിൽ എങ്ങനെ വാർത്ത വരണമെന്നതു പോലും ചിലർ തീരുമാനിക്കുന്നുവെന്നാണു കേൾക്കുന്നത്. ചിലരെ അധിക്ഷേപിക്കുന്നതിനു പോലും ഇക്കൂട്ടർ വില ഉറപ്പിക്കുന്നു. ഈ അവസ്ഥയിലേക്കു മാധ്യമ രംഗം എത്താതിരിക്കാൻ അർപ്പണബോധത്തോടെയുള്ള പ്രവർത്തനമാണു നടത്തേണ്ടതെന്നും അദ്ദേഹം പറഞ്ഞു. മാധ്യമ രംഗത്തെ വളർച്ചയുടെ ഭാഗമായി നിന്നവരാണു സീനിയർ ജേർണലിസ്റ്റുകൾ. അവരുടെ പരാതികളും ആവശ്യങ്ങളും സർക്കാർ ഗൗരവത്തോടെ തന്നെ പരിഗണിക്കും. എന്നാൽ ഇന്നു രംഗത്തു കണ്ടുവരുന്ന അപചയങ്ങൾ തിരുത്താൻ സീനിയർ ജേർണലിസ്റ്റുകൾ ശ്രമിക്കണമെന്നും മുഖ്യമന്ത്രി പറഞ്ഞു.…
Read Moreവിഴിഞ്ഞം തുറമുഖകരാർ സംബന്ധിച്ച ഓഡിറ്റ് റിപ്പോർട്ടിലെ പരാമർശം ; കമ്മീഷന്റെ കാലാവധി നീട്ടി
തിരുവനന്തപുരം: വിഴിഞ്ഞം തുറമുഖകരാർ സംബന്ധിച്ച ഓഡിറ്റ് റിപ്പോർട്ടിലെ പരാമർശങ്ങളെക്കുറിച്ച് അന്വേഷിക്കുന്ന ജസ്റ്റീസ് സി. എൻ. രാമചന്ദ്രൻ നായർ കമ്മീഷന്റെ കാലാവധി ആറുമാസത്തേയ്ക്കു കൂടി ദീർഘിപ്പിക്കാനും കൂടുതൽ പരിഗണനാ വിഷയങ്ങൾ ഉൾപ്പെടുത്താനും മന്ത്രിസഭ തീരുമാനിച്ചു. സിഎജിയുടെ കണ്ടെത്തലുകൾ ശരിയാണോ എന്നു കമ്മീഷനു പരിശോധിക്കാൻ അനുമതി നൽകി. എന്നാൽ, ഭരണഘടനാ സ്ഥാപനത്തിന്റെ കണ്ടെത്തൽ പരിശോധിക്കാൻ ജുഡീഷ്യൽ കമ്മീഷനു കഴിയുമോ എന്ന നിയമപ്രശ്നവും ചൂണ്ടിക്കാണിക്കപ്പെടുന്നുണ്ട്. കംപ്ട്രോളർ ആൻഡ് ഓഡിറ്റർ ജനറലിന്റെ കണ്ടെത്തൽ ശരിയാണോ എന്ന് പരിശോധിക്കാൻ കമ്മീഷന് അവകാശമുണ്ടോ എന്ന് വ്യക്തമാക്കാനാണ് കമ്മീഷൻ നേരത്തെ സർക്കാരിനോട് ആവശ്യപ്പെട്ടിരുന്നത്. വിഴിഞ്ഞം കരാർ സംസ്ഥാന താൽപര്യത്തിന് എതിരാണോ എന്നതും ഖജനാവിനു നഷ്ടമുണ്ടാകുന്ന തീരുമാനം എടുത്തത് ആരാണെന്നുമുള്ളത് കമ്മീഷന്റെ പരിഗണനാ വിഷയത്തിൽ ഉൾപ്പെടുത്തിയിട്ടുണ്ട്. കരാർ നൽകാനുള്ള തീരുമാനത്തിൽ ഏതെങ്കിലും തരത്തിലുള്ള ബാഹ്യ ഇടപെടൽ ഉണ്ടായിട്ടുണ്ടോ ഉണ്ടെങ്കിൽ അതിന്റെ പ്രേരണ, കാരണം, സ്വകാര്യ താല്പര്യം, അനർഹമായ പരിഗണനകൾ…
Read More