തിരുവനന്തപുരം: സെൻട്രൽ ജയിലിലെ വാർഡന്റെ ചെവിക്ക് കടിച്ച് പരിക്കേൽപ്പിച്ച കേസിൽ വിചാരണ തടവുകാരനെതിരെ പൂജപ്പുര പോലീസ് കേസെടുത്തു. നിരവധി കേസുകളിൽ പ്രതിയായ സാബു ഡാനിയേൽ (38) നെതിരെയാണ് പൂജപ്പുര പോലീസ് കേസെടുത്തത്. പൂജപ്പുര സെൻട്രൽ ജയിലിലെ വാർഡൻ ഹരികൃഷ്ണന്റെ ചെവി പ്രതി കടിച്ച് പരിക്കേൽപ്പിച്ചുവെന്നാണ് പരാതി. ഇന്നലെ രാത്രിയിലായിരുന്നു സംഭവം. വിയ്യൂർ സെൻട്രൽ ജയിലിൽ നിന്നും തിരുവനന്തപുരത്തെ കോടതിയിൽ ഹാജരാക്കാൻ എത്തിച്ച ഇയാളെ പൂജപ്പുര സെൻട്രൽ ജയിലിൽ പാർപ്പിക്കുകയായിരുന്നു. ഇയാൾ ആവശ്യപ്പെട്ട സെല്ലിലേക്ക് മാറ്റി പാർപ്പിക്കണമെന്ന ആവശ്യം നിരസിച്ചതാണ് വാർഡന്റെ നേരെ കയ്യേറ്റം ചെയ്യാൻ ഇടയാക്കിയത്. മോഷണം, വഞ്ചന, അടിപിടി ഉൾപ്പെടെ നിരവധി കേസുകളിൽ പ്രതിയായ സാബു ഡാനിയേൽ നേരത്തെയും ജയിൽ ഉദ്യോഗസ്ഥരെ മർദ്ദിച്ച സംഭവങ്ങൾ ഉണ്ടായിട്ടുണ്ടെന്ന് പോലീസ് പറഞ്ഞു. സെൻട്രൽ ജയിലിലെ വാർഡനെ മആക്രമിച്ച സംഭവത്തിൽ കോടതിയുടെ അനുമതിക്ക് ശേഷം പ്രതിയുടെ അറസ്റ്റ് രേഖപ്പെടുത്തുമെന്ന് പൂജപ്പുര…
Read MoreCategory: TVM
നിപ്പാ വൈറസ് ബാധയുടെ പശ്ചാത്തലത്തിൽ മാറ്റിവച്ച പിഎസ്സി പരീക്ഷകളുടെ തീയതികൾ പ്രഖ്യാപിച്ചു
തിരുവനന്തപുരം: നിപ്പാ വൈറസ് ബാധയുടെ പശ്ചാത്തലത്തിൽ മാറ്റിവച്ച പിഎസ്സി പരീക്ഷകളുടെ തീയതികൾ തീരുമാനിച്ചു. മേയ് 26ന് നടത്താൻ നിശ്ചയിച്ചിരുന്ന സിവിൽ പോലീസ് ഓഫീസർ (പോലീസ് കോണ്സ്റ്റബിൾ), പോലീസ് വകുപ്പിൽ വനിതാ സിവിൽ പോലീസ് ഓഫീസർ (വനിതാ പോലീസ് കോണ്സ്റ്റബിൾ) തസ്തിയിലേക്കുള്ള ഒഎംആർ പരീക്ഷ ജൂലൈ 22ന് നടത്തും. കഴിഞ്ഞ ഒൻപതിന് നടത്താൻ നിശ്ചയിച്ചിരുന്ന ജൂണിയർ അസിസ്റ്റന്റ്, കേരള ഇലക്ട്രിക്കൽ ആൻഡ് അലൈഡ് എൻജിനിയറിംഗ് കന്പനിയിലെ ജൂണിയർ അസിസ്റ്റന്റ് (പട്ടികവർഗക്കാർക്കായുള്ള പ്രത്യേക നിയനമം), ഇൻഫർമേഷൻ ആൻഡ് പബ്ലിക് റിലേഷൻസിൽ അസിസ്റ്റന്റ് ഇൻഫർമേഷൻ ഓഫീസർ എന്നീ തസ്തികകളിലേക്കുള്ള പരീക്ഷ ഓഗസ്റ്റ് അഞ്ചിനും നടത്തുന്നതിന് പിഎസ്സി യോഗം തീരുമാനിച്ചു. രണ്ടു ദിവസങ്ങളിലും ഉച്ചയ്ക്ക് 1.30 മുതൽ 3.15 വരെയാണ് പരീക്ഷ. ഹയർ സെക്കൻഡറി വിദ്യാഭ്യാസ വകുപ്പിൽ ഹയർ സെക്കൻഡറി സ്കൂൾ ടീച്ചർ ഫിസിക്സ് (ജൂണിയർ) പരീക്ഷ ഈ മാസം 27നും ഇന്ത്യൻ…
Read Moreമുല്ലപ്പള്ളിയെ അനുകൂലിച്ച് ഇന്ദിരാഭവനു മുന്നിൽ പോസ്റ്ററുകൾ; കെപിസിസി അധ്യക്ഷനാക്കണമെന്നാ വശ്യപ്പെട്ടാണ് പോസ്റ്ററുകള് പ്രത്യക്ഷപ്പെട്ടിരിക്കുന്നത്
തിരുവനന്തപുരം: മുല്ലപ്പളളി രാമചന്ദ്രനെ അനുകൂലിച്ച് ഇന്ദിരാഭവന്റെയും തിരുവനന്തപുരം ഡിസിസി ഓഫീസിന്റെയും മുന്നില് പോസ്റ്ററുകള് പ്രത്യക്ഷപ്പെട്ടു. മുല്ലപ്പള്ളിയെ കെപിസിസി അധ്യക്ഷനാക്കണമെന്നാ വശ്യപ്പെട്ടാണ് പോസ്റ്ററുകള്. തിങ്കളാഴ്ച മുല്ലപ്പള്ളിയെ കെപിസിസി അധ്യക്ഷനാക്കാനുള്ള നീക്കത്തിനെതിരെ ഇന്ദിരാഭവനു മുന്നിൽ പോസ്റ്ററുകൾ പതിപ്പിച്ചിരുന്നു.
Read Moreമാഹി ഇരട്ടക്കൊലപാതകം: ഗവർണർ വിശദീകരണം ചോദിച്ചിട്ടില്ല; . ഒറ്റപ്പെട്ട ഇത്തരം അക്രമ സംഭവങ്ങൾക്കെതിരേ സർക്കാർ കർശന നടപടി സ്വീകരിക്കുമെന്ന് മുഖ്യമന്ത്രി
തിരുവനന്തപുരം: അടുത്തിടെ മാഹിയിൽ നടന്ന ഇരട്ടക്കൊലപാതകങ്ങളിൽ ഗവർണർ സർക്കാരിനോട് വിശദീകരണം ചോദിച്ചുവെന്ന വാർത്തകൾ അടിസ്ഥാനരഹിതമാണെന്ന് മുഖ്യമന്ത്രി പിണറായി വിജയൻ നിയമസഭയെ അറിയിച്ചു. ഈ സർക്കാരിന്റെ കാലത്ത് രാഷ്ട്രീയ കൊലപാതകങ്ങളുടെ പേരിൽ ഗവർണർ ഒരിക്കൽ പോലും വിശദീകരണം തേടിയിട്ടില്ല. ഒറ്റപ്പെട്ട ഇത്തരം അക്രമ സംഭവങ്ങൾക്കെതിരേ സർക്കാർ കർശന നടപടി സ്വീകരിക്കുമെന്നും മുഖ്യമന്ത്രി നിയമസഭയിൽ വ്യക്തമാക്കി. മാഹിയിൽ അടുത്തിടെ സിപിഎം, ആർഎസ്എസ് പ്രവർത്തകർ മിനിറ്റുകളുടെ വ്യത്യാസത്തിൽ കൊല്ലപ്പെട്ട സംഭവത്തിൽ ഗവർണർ സർക്കാരിനോട് വിശദീകരണം തേടിയെന്ന് വാർത്തകൾ പ്രചരിച്ചിരുന്നു. മുഖ്യമന്ത്രിയുടെ ഓഫീസിനോട് രാജ്സഭവൻ റിപ്പോർട്ട് ആവശ്യപ്പെട്ടുവെന്നായിരുന്നു വാർത്തകൾ. ഈ വാർത്തയാണ് മുഖ്യമന്ത്രി തെറ്റാണെന്ന് വ്യക്തമാക്കിയിരിക്കുന്നത്.
Read Moreജോസ് കെ. മാണിയുടെ രാജി ജനങ്ങളോടുള്ള വെല്ലുവിളി; കോട്ടയത്ത് ഉപതെരഞ്ഞെടുപ്പിനെ നേരിടാൻ തയാറുണ്ടോ എന്ന് കേരള കോണ്ഗ്രസ്-എം വ്യക്തമാക്കണ മെന്ന് കോടിയേരി
തിരുവനന്തപുരം: രാജ്യസഭയിലേക്ക് പോകാൻ ലോക്സഭാംഗത്വം രാജിവയ്ക്കുന്ന ജോസ് കെ. മാണിയുടെ നടപടി കോട്ടയം മണ്ഡലത്തിലെ ജനങ്ങളോടുള്ള വെല്ലുവിളിയാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ഒരു വർഷം കൂടി തന്റെ ടേം പൂർത്തിയാകാനിരിക്കേ ജോസ് കെ. മാണിയുടെ രാജി വഴി മണ്ഡലത്തിന് ഏഴ് കോടിയോളം രൂപയുടെ നഷ്ടമുണ്ടാകുമെന്നും കോടിയേരി വിമർശിച്ചു. രാജ്യസഭയിലേക്ക് ജോസ് കെ. മാണി പോകുന്പോൾ കോട്ടയത്ത് ഉപതെരഞ്ഞെടുപ്പിനെ നേരിടാൻ തയാറുണ്ടോ എന്ന് കേരള കോണ്ഗ്രസ്-എം വ്യക്തമാക്കണം. രാജ്യസഭാ തെരഞ്ഞെടുപ്പിന്റെ പേരിൽ കോണ്ഗ്രസിൽ നടക്കുന്ന പോര് സ്ഥാനമാനങ്ങൾ ലക്ഷ്യംവച്ചുള്ളത് മാത്രമാണ്. അതിനാലാണ് എൽഡിഎഫ് രാജ്യസഭാ തെരഞ്ഞെടുപ്പിൽ മൂന്നാം സ്ഥാനാർഥിയെ നിർത്താത്തതെന്നും അദ്ദേഹം വ്യക്തമാക്കി. പ്രതിഷേധം ഉയർത്തുന്ന കോണ്ഗ്രസ് എംഎൽഎമാരും നേതാക്കളുമാണ് രാജ്യസഭാ തെരഞ്ഞെടുപ്പിൽ ജോസ് കെ. മാണിക്കെതിരേ സ്ഥാർഥിയെ രംഗത്തിറക്കേണ്ടത്. അങ്ങനെ സംഭവിച്ചാൽ ഇടതുപക്ഷം ആ സ്ഥാനാർഥിക്ക് പിന്തുണ കൊടുക്കുമോ എന്ന് പരിശോധിക്കുമെന്നും കോടിയേരി ബാലകൃഷ്ണൻ…
Read Moreജോസ് കെ. മാണി ലോക്സഭ അംഗത്വം രാജിവയ്ക്കുന്നത് അപകടം; മാണിക്ക് സീറ്റ് നൽകിയതിന് ഒരാളെ മാത്രം കുറ്റപ്പെടുത്തുന്നത് ശരിയല്ലെന്ന് കെ. മുരളീധരൻ
തിരുവനന്തപുരം: രാജ്യസഭ സീറ്റ് കെ.എം. മാണിക്ക് നല്കിയതിന് ഒരാളെ മാത്രം കുറ്റപ്പെടുത്തുന്നത് ശരിയല്ലെന്ന് കെ. മുരളീധരന് എംഎൽഎ. രാജ്യസഭ സീറ്റ് നഷ്ടമായതിന്റെ ഉത്തരവാദിത്വം ചര്ച്ചക്കായി ഡല്ഹിയില് പോയ മൂന്ന് നേതാക്കള്ക്കും ഉണ്ടെന്നും അദ്ദേഹം പറഞ്ഞു. ജോസ് കെ. മാണി ലോക്സഭ അംഗത്വം രാജിവയ്ക്കുന്നത് അപകടമാണെന്നും ഇത് മുന്നില് കാണണമെന്നും മുരളീധരന് പറഞ്ഞു.
Read Moreരാജ്യസഭാ തെരഞ്ഞെടുപ്പ്: ഇടതു സ്ഥാനാർഥികളായ എളമരം കരീമും ബിനോയ് വിശ്വവും പത്രിക സമർപ്പിച്ചു
തിരുവനന്തപുരം: ഇടതു സ്ഥാനാർഥികൾ രാജ്യസഭാ തെരഞ്ഞെടുപ്പിനുള്ള പത്രിക സമർപിച്ചു. സ്ഥാനാർഥികളായ സിപിഎം നേതാവ് എളമരം കരീം, സിപിഐ നേതാവ് ബിനോയ് വിശ്വം എന്നിവരാണ് പത്രിക സമർപിച്ചത്. നിയമസഭാ സെക്രട്ടറിയും വരണാധികാരിയുമായ പി.കെ.പ്രകാശ് ബാബു മുൻപാകെയാണ് ഇരുവരും പത്രിക നൽകിയത്. മുഖ്യമന്ത്രി പിണറായി വിജയൻ, സിപിഐ സംസ്ഥാന സെക്രട്ടറി കാനം രാജേന്ദ്രൻ, കെ.ബി.ഗണേഷ് കുമാർ എംഎൽഎ, മന്ത്രിമാരായ തോമസ് ഐസക്, ഇ.ചന്ദ്രശേഖരൻ തുടങ്ങിയ നേതാക്കൾക്കൊപ്പമാണ് ഇരുവരും പത്രികാ സമർപ്പണത്തിനെത്തിയത്.
Read Moreകാറ്റില് വീടിന്റെ മേല്ക്കൂര പറന്നു; തൊട്ടിലില് ഉറങ്ങുകയായിരുന്ന കുഞ്ഞും; എന്താണ് സംഭവിക്കുന്നതെന്ന് അറിയാതെ അമ്പരന്ന് ഷീബ
വിഴിഞ്ഞം: ശക്തമായി വീശിയടിച്ച കാറ്റിൽ വീടിന്റെ ഷീറ്റിട്ട മേൽകൂര പറന്നു പോയി. ഷീറ്റിനൊപ്പംതൊട്ടിലിൽ തൂങ്ങിക്കിടന്നപിഞ്ചു ബാലൻ പരിക്കൊന്നുമില്ലാതെ അത്ഭുതകരമായി രക്ഷപ്പെട്ടു. വെങ്ങാനൂർ സ്റ്റേഡിയത്തിന് സമീപം ചരുവിളയിൽ കുമാറിന്റെയും ഷീബയുടെയും മകൻ രണ്ടുമാസം പ്രായമുള്ള വിനായക് ആണ് അപകടത്തിൽ നിന്ന് ഭാഗ്യത്തിന് രക്ഷപ്പെട്ടത്. ഇന്നലെ വൈകുന്നേരം അഞ്ചോടെ അപ്രതീക്ഷിതമായി വീശിയടിച്ച കാറ്റിൽ ഷീറ്റ് മേഞ്ഞ വീടിന്റെ മേൽക്കൂര പറന്നുപൊങ്ങി. കൂട്ടത്തിൽ മേൽകൂരയിൽ കെട്ടിയിരുന്ന തൊട്ടിലിലുറങ്ങുകയായിരുന്നപിഞ്ചു ബാലനും തൊട്ടിലോടെ കാറ്റിൽ പറന്നുപോയി. എന്നാൽ വീടിനോട് ചേർന്ന് നിന്ന തെങ്ങിൽ തട്ടി ഷീറ്റ് നിന്നതിനാൽ വലിയ അത്യാഹിതം ഒഴിവായി. സംഭവ സമയം ഷീബയും മറ്റ് രണ്ട് മക്കളും വീട്ടിലുണ്ടായിരുന്നു. കുഞ്ഞിനെ കിടത്തിയിരുന്ന തൊട്ടിലുമായി കാറ്റിൽ വീടിന്റെ മേൽകൂരയടക്കം പറന്നു പൊങ്ങുന്നത് കണ്ട് എന്താണ് സംഭവിക്കുന്നതെന്നറിയാതെ അന്പരന്ന ഷീബ പെട്ടെന്ന് തന്നെ മനസാന്നിധ്യം വീണ്ടെടുത്തു. ഏണി ഉപയോഗിച്ച് തെങ്ങിൽ തട്ടിനിന്ന ഷീറ്റിൽ തൂങ്ങിക്കിടന്ന…
Read Moreരാജ്യസഭ സീറ്റ് കേരള കോണ്ഗ്രസ് ആവശ്യപ്പെട്ടു; പ്രവർത്തകരുടെ പ്രതിഷേധം അതിര് കടക്കരുതെന്ന് എം.എം.ഹസൻ
തിരുവനന്തപുരം: രാജ്യസഭ സീറ്റ് കേരള കോണ്ഗ്രസ് ആവശ്യപ്പെട്ടെന്ന് കെപിസിസി പ്രസിഡന്റ് എം.എം.ഹസൻ. മാണിയെ തിരികെ കൊണ്ടു വരുന്ന കാര്യം എല്ലാവരും അറിഞ്ഞിരുന്നുവെന്നും കെപിസിസിയിലും രാഷ്ട്രീയകാര്യസമിതിയിലും ഇക്കാര്യം ചർച്ച ചെയ്തിരുന്നുവെന്നും ഹസൻ വ്യക്തമാക്കി. വരുന്ന ലോക്സഭ, നിയമസഭ തെരഞ്ഞെടുപ്പിൽ യുഡിഎഫിന് വൻ വീഴ്ച ഉണ്ടാകുന്നത് തടയാനാണ് ഇത്തരത്തിൽ തീരുമാനം എടുത്തത്. വേദനയോടെയാണ് താനുൾപ്പെടെയുള്ള നേതാക്കൾ കേരള കോണ്ഗ്രസ് എമ്മിന് രാജ്യസഭ സീറ്റ് വിട്ടു നൽകാൻ തീരുമാനിച്ചത്. പ്രവർത്തകരുടെ വികാരം ഉൾക്കൊള്ളുന്നു വെന്നും പ്രതിഷേധം അതിര് കടക്കരുതെന്നും ഇത് പാർട്ടിക്ക് ദോഷം ചെയ്യുമെന്നും ഹസൻ പറഞ്ഞു. രഹസ്യ തീരുമാനങ്ങൾ അവശ്യഘട്ടങ്ങളിൽ എടുക്കുന്നത് പാർട്ടിയുടെയും മുന്നണിയുടെയും നല്ലതിന് വേണ്ടിയാണെന്നും അദ്ദേഹം വ്യക്തമാക്കി. 11,12 തീയതികളിൽ രാഷ്ട്രീയ കാര്യസമിതി ചേരും.
Read Moreസ്കൂൾ ബസിൽ പെൺകുട്ടിയെ കടന്നുപിടിക്കാൻ ശ്രമം; ചോദ്യം ചെയ്ത ബസ് ഡ്രൈവർക്ക് ക്രൂരമർദനം
വിഴിഞ്ഞം: സ്കൂൾ വാഹനത്തിലെ പെൺകുട്ടിയെ ഗ്ലാസിനിടയിലൂടെ കടന്നു പിടിക്കാൻ ശ്രമിച്ച സംഘത്തെ ചോദ്യം ചെയ്ത സ്കൂൾ ബസ് ഡ്രൈവർക്ക് മർദ്ദനം. സംഭവത്തിൽ മൂന്ന് പേർക്കെതിരെ കേസെടുത്തു. ബിനു(35) എന്ന സ്കൂൾ ബസ് ഡ്രൈവർക്കാണ് മർദ്ദനത്തിൽ പരിക്കേറ്റത്. ഇന്നലെ വൈകിട്ട് 4.30ന് സ്കൂളിലെ വിദ്യാർത്ഥികളുമായി മുല്ലൂർ കലുങ്ക് നടയിൽ എത്തിയ വണ്ടിയിൽ നിന്നും വിദ്യാർത്ഥികൾ ഇറങ്ങുന്നതിനിടെ ബൈക്കുകളിലെത്തി യ ആറംഗ സംഘത്തിലൊരുവൻ ബസിന്റെ ഗ്ലാസിനിടയിലുടെ പെൺകുട്ടിയുടെ കൈയിൽ പിടിക്കുകയായിരുന്നുവെന്ന് വിഴിഞ്ഞം പൊലീസ് പറഞ്ഞു. ഇത് കണ്ട ഡ്രൈവർ ബസ് റോഡരികിൽ ഒതുക്കിയതിനു ശേഷം സംഘത്തെ ചോദ്യം ചെയ്തു.തുടർന്ന് സംഘം ബസിനുള്ളിൽ കയറി ഡ്രൈവറെ മർദ്ദിച്ചതിനു ശേഷം കടന്നുകളയുകയുമായിരുന്നു. മർദ്ദനത്തിൽ പരിക്കേറ്റ ബിനുവിനെ വിഴിഞ്ഞം സി.എച്ച് സിയിൽ പ്രവേശിപ്പിച്ചു.പ്രതികൾക്കായുള്ള തിരച്ചിൽ ഊർജിതമാക്കിയതായി വിഴിഞ്ഞം പൊലീസ് എസ്.എച്ച്.ഒ എൻ.ഷിബു പറഞ്ഞു.
Read More