തിരുവനന്തപുരം: കേരളം കണ്ട ഏറ്റവും ദുർബലനായ മുഖ്യമന്ത്രിയാണ് പിണറായി വിജയനെന്ന് പ്രതിപക്ഷനേതാവ് രമേശ് ചെന്നിത്തല. മുഖ്യമന്ത്രി മന്ത്രിസഭാ യോഗം വിളിച്ചാൽ മന്ത്രിമാർ വരില്ലെന്നു ചൂണ്ടിക്കാട്ടിയ ചെന്നിത്തല യോഗത്തിൽ പങ്കെടുത്തിട്ട് കാര്യമില്ലെന്ന് ബോധ്യപ്പെട്ടതുകൊണ്ടാകാം മന്ത്രിമാർ പങ്കെടുക്കാത്തതെന്നും പരിഹസിച്ചു. സിപിഎമ്മിന്റെ സ്ഥിതിയും ഗുരുതരമാണ്. ബിനോയ് കോടിയേരി വിഷയത്തിൽ വ്യക്തമായ മറുപടി നൽകാൻ സിപിഎമ്മിനാകുന്നില്ല. സെക്രട്ടറി സ്ഥാനത്തുനിന്ന് സ്വയം ഒഴിയാനുള്ള മര്യാദയെങ്കിലും കോടിയേരി ബാലകൃഷ്ണൻ കാണിക്കണമെന്നും ചെന്നിത്തല ആവശ്യപ്പെട്ടു.
Read MoreCategory: TVM
ശ്രീജിത്ത് വിജയൻപിള്ളയ്ക്കെതിരേ നടപടി വേണമെന്ന് ഡിജിപിയോടു രാഹുൽ കൃഷ്ണ; തന്റെ കൈയിൽ നിന്ന് 10 കോടി രൂപ വാങ്ങിയശേഷം വണ്ടിച്ചെക്ക് നൽകി പറ്റിച്ചെന്നാണ് കേസ്
തിരുവനന്തപുരം: ചവറ എംഎൽഎ എൻ.വിജയൻപിള്ളയുടെ മകൻ ശ്രീജിത്ത് വിജയൻപിള്ളയ്ക്കെതിരേ മാവേലിക്കര സ്വദേശി രാഹുൽ കൃഷ്ണ ഡിജിപിക്കു പരാതി നൽകും. പണം തട്ടിപ്പു കേസിൽ ശ്രീജിത്തിനെതിരേ നടപടി വേണമെന്ന് ഡിജിപിയോട് ആവശ്യപ്പെടുമെന്ന് രാഹുൽ കൃഷ്ണ പറഞ്ഞു. ജാസ് ടൂറിസത്തിന്റെ പാർട്ണറായ രാഹുൽ കൃഷ്ണയിൽനിന്ന് 2013 മുതൽ നാലു തവണയായി ശ്രീജിത്ത് 10 കോടി രൂപ വാങ്ങിയെന്നും വണ്ടിച്ചെക്ക് നൽകി പറ്റിച്ചെന്നുമാണ് കേസ്. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകൻ ബിനോയ്ക്കെതിരെ ഉയർന്ന സാന്പത്തിക തട്ടിപ്പിനോടൊപ്പമാണ് എംഎൽഎ വിജയൻ പിളളയുടെ മകനെതിരെയും പരാതി വന്നത്. രാഹുൽ കൃഷ്ണയിൽ നിന്ന് താൻ പണം വാങ്ങിയിട്ടില്ലെന്നും രാഷ്ട്രീയ നേതാവിന്റെ മകനായതിനാൽ തന്നെ ബ്ലാക്ക് മെയിൽ ചെയ്യാൻ ശ്രമിക്കുന്നുവെന്നുമാണ് ശ്രീജിത്ത് പരാതിയോട് നേരത്തേ പ്രതികരിച്ചിരുന്നത്. എന്നാൽ 11 കോടിയുടെ തട്ടിപ്പു നടത്തിയ കേസിൽ രണ്ടു വർഷത്തെ ജയിൽ ശിക്ഷ വിധിച്ചതിനു പിന്നാലെയാണ് ശ്രീജിത്ത്…
Read Moreഉണ്ണിത്താൻ വധശ്രമം: മാപ്പുസാക്ഷിയുടെ ഫോൺ സംഭാഷണം കോടതിയിൽ കേൾപ്പിക്കും; സംഭാഷണത്തിന്റെ പൂർണരൂപം വേണമെന്ന അബ്ദുൾ റഷീദിന്റെ ആവശ്യം കോടതി തള്ളി.
തിരുവനന്തപുരം: മാധ്യമ പ്രവർത്തകൻ വി.ബി. ഉണ്ണിത്താൻ വധശ്രമ കേസിൽ മാപ്പുസാക്ഷി കണ്ടെയ്നർ സന്തോഷിന്റെ ഫോൺ സംഭാഷണത്തിന്റെ പൂർണ രൂപം വേണമെന്ന് ആവശ്യപ്പെട്ട കേസിലെ അഞ്ചാം പ്രതിയും ക്രൈംബ്രാഞ്ച് എസ്പിയുമായ എൻ. അബദുൾ റഷീദ് സമർപ്പിച്ച ഹർജി ഭാഗികമായി അനുവദിച്ചു. ഫോൺ സംഭാഷണം സിബിഐ കോടതി മുറിക്കകത്തു കേൾക്കാം. സിബിഐ അഭിഭാഷകരുടെയും കോടതി ഉദ്യോഗസ്ഥരുടെയും സാന്നിധ്യത്തിലാകും ഫോൺ സംഭാഷണം കേൾപ്പിക്കുക. എന്നാൽ, ഫോൺ സംഭാഷണത്തിന്റെ പൂർണരൂപം വേണമെന്ന അബ്ദുൾ റഷീദിന്റെ ആവശ്യം കോടതി തള്ളി. ഇത് ഒരുവ്യക്തിയുടെ സ്വകാര്യതയിലേക്കുള്ള കടന്നുകയറ്റമാണെന്നും കേസിനെ ബാധിക്കുമെന്നും സിബിഐ അന്വേഷണ സംഘം കോടതിയെ അറിയിച്ചിരുന്നു. കേസിന്റെ വിചാരണ ആരംഭിക്കുന്നതിനു മുൻപ് ഇത്തരം നീക്കം കേസിന്റെ നടപടി വൈകിപ്പിക്കാൻ കാരണമാകുമെന്ന് നിയമവിദഗ്ധർ വിലയിരുത്തുന്നു.
Read Moreകേരളം ആത്മഹത്യാ മുനമ്പായി മാറുന്നു..! ജീവിതം വഴിമുട്ടി തൊഴിലാളികൾ ആത്മഹത്യ ചെയ്യുമ്പോൾ മറുവശത്ത് തൊഴിലാളി വർഗ നേതാക്കൾ പൊതുഖജനാവ് കട്ട് മുടിച്ച് അഴിമതിയും സുഖചികിത്സയും നടത്തുന്നുവെന്ന് കുമ്മനം രാജശേഖരൻ
തിരുവനന്തപുരം: പിണറായിയുടെ ഭരണത്തിൽ കേരളം ആത്മഹത്യാ മുനന്പായി മാറുന്നുവെന്ന് ബിജെപി സംസ്ഥാന അധ്യക്ഷൻ കുമ്മനം രാജശേഖരൻ. കെഎസ്ആർടിസി പെൻഷനേഴ്സിന്റെ ആത്മഹത്യയിൽ ഒന്നാം പ്രതി മുഖ്യമന്ത്രി പിണറായി വിജയനാണെന്നും അദ്ദേഹം പറഞ്ഞു. തൊഴിലാളി മുതലാളി വ്യത്യാസമില്ലാതെ ജനങ്ങൾ ആത്മഹത്യ ചെയ്യുന്നു. ഒരു നേരത്തെ ആഹാരത്തിനും മരുന്നിനും വകയില്ലാതെ ജീവിതം വഴിമുട്ടി തൊഴിലാളികൾ ആത്മഹത്യ ചെയ്യുന്പോൾ മറുവശത്ത് തൊഴിലാളി വർഗ നേതാക്കൾ പൊതുഖജനാവ് കട്ട് മുടിച്ച് അഴിമതിയും സുഖചികിത്സയും നടത്തുന്നുവെന്നും അദ്ദേഹം ആരോപിച്ചു. ജീവിതത്തിന്റെ ഭൂരിഭാഗം സമയം കെഎസ്ആർടിസി എന്ന പൊതു മേഖലാ സ്ഥാപനത്തിനായി ഹോമിച്ച തൊഴിലാളികൾക്ക് അർഹതപ്പെട്ടതാണ് പെൻഷൻ. ഇത് മുടക്കിയത് മൂലം തൊഴിലാളികളുടെ ജീവിക്കാനുള്ള അവകാശമാണ് സർക്കാർ നിഷേധിച്ചതെന്നും കുമ്മനം ഫേസ്ബുക്കിൽ കുറിച്ചു.
Read Moreഒന്നാം പ്രതിസർക്കാർ..! കെഎസ്ആർടിസി പെൻഷൻകാരുടെ മരണത്തിന് ഉത്തരവാദികൾ സർക്കാർ; മുഖ്യമന്ത്രിയുടെ വാഗ്ദാനം വിശ്വസിക്കാൻ ഇവർ തയാറല്ലന്നതിന്റെ സൂചനയാണ് ഇത്തരം സംഭവങ്ങളെന്ന് രമേശ് ചെന്നിത്തല
തിരുവനന്തപുരം: പെൻഷൻ മുടങ്ങിയതിനെ തുടർന്ന് കെഎസ്ആർടിസി മുൻ ജീവനക്കാർ ജീവനൊടുക്കിയതിൽ ഒന്നാം പ്രതി സർക്കാരാണെന്ന് പ്രതിപക്ഷ നേതാവ് രമേശ് ചെന്നിത്തല. ദിവസങ്ങള്ക്കുള്ളില് കെഎസ്ആര്ടിസി പെന്ഷന് വിതരണം ചെയ്യുമെന്ന് മുഖ്യമന്ത്രി നിയമസഭക്കുള്ളില് പറഞ്ഞതാണെന്നും എന്നാല് മുഖ്യമന്ത്രിയുടെയും, സര്ക്കാരിന്റെയും വാഗ്ദാനം വിശ്വസിക്കാന് വിരമിച്ച ജീവനക്കാര് തയ്യാറല്ലന്നതിന്റെ സൂചനയാണ് ഈ ദൗര്ഭാഗ്യകരമായ സംഭവമെന്നും അദ്ദേഹം കുറ്റപ്പെടുത്തി. അതേസമയം, കെഎസ്ആര്ടിസി സാന്പത്തിക പ്രതിസന്ധി പരിഹരിക്കുന്നതിന് മുഖ്യമന്ത്രി പിണറായി വിജയൻ അടിയന്തര യോഗം വിളിച്ചു. ഗതാഗതമന്ത്രിയും ഉന്നത ഉദ്യോഗസ്ഥരും യോഗത്തിൽ പങ്കെടുക്കും. ഇന്ന് വൈകിട്ട് എട്ടിന് തിരുവനന്തപുരത്താണ് യോഗം നടക്കുക. പെന്ഷന് വിതരണം മുടങ്ങിയത് മൂലം സുൽത്താൻ ബത്തേരിയിലും നേമത്തുമാണ് കെഎസ്ആര്ടിസി മുന് ജീവനക്കാർ ഇന്ന് ജീവനൊടുക്കിയത്
Read Moreയഥാർഥ സത്യം പുറത്തു വരട്ടെ..! കറുത്ത സ്റ്റിക്കർ കെട്ടുകഥയല്ല; അന്വേഷിക്കണമെന്ന് മനുഷ്യാവകാശ കമ്മീഷൻ; മനുഷ്യാവകാശ പ്രവർത്തകനായ പി.കെ. രാജു നൽകിയ പരാതിയിലാണ് നടപടി
തിരുവനന്തപുരം: കറുത്ത സ്റ്റിക്കർ പതിക്കുന്ന വീടുകളിൽനിന്നു കുട്ടികളെ തട്ടിക്കൊണ്ടു പോകുന്നു എന്ന പ്രചാരണം കെട്ടുകഥയാണെന്ന് പറഞ്ഞ് തള്ളിക്കളയാനാകില്ലെന്ന് സംസ്ഥാന മനുഷ്യാവകാശ കമ്മീഷൻ. ചീഫ് സെക്രട്ടറിയും സംസ്ഥാന പോലീസ് മേധാവിയും സംഭവത്തെ കുറിച്ച് വിശദമായി അന്വേഷിച്ച് രണ്ടു മാസത്തിനകം റിപ്പോർട്ട് നൽകണമെന്ന് കമ്മീഷൻ ആക്ടിംഗ് അധ്യക്ഷൻ പി. മോഹനദാസ് ആവശ്യപ്പെട്ടു. ഒരു മാസമായി കൊച്ചു കുട്ടികളുള്ള വീടുകളിൽ സ്റ്റിക്കർ പതിച്ച് കുട്ടികളെ തട്ടിക്കൊണ്ടു പോകാൻ ശ്രമിക്കുന്നതായി മനുഷ്യാവകാശ പ്രവർത്തകനായ പി.കെ. രാജു നൽകിയ പരാതിയിൽ പറയുന്നു. സംഭവത്തെ പോലീസ് ഒരു കെട്ടുകഥയായി ചിത്രീകരിക്കുന്നുണ്ടെങ്കിലും അതു ശരിയല്ലെന്ന് പരാതിയിൽ പറയുന്നു. ഇതിനു പിന്നിലുള്ളവരുടെ ഗൂഢലക്ഷ്യം മനസിലാക്കി നടപടികൾ സ്വീകരിക്കണമെന്നും കമ്മീഷൻ ആവശ്യപ്പെട്ടു.
Read Moreകടിയൻ പട്ടികളെ വേണ്ട..! ആക്രമണകാരികളായ നായ്ക്കളെ വളർത്തുന്നതു തടയാൻ സമഗ്ര നിയമനിർമാണ സാധ്യതകൾ പരിശോധിക്കും; നിലവിലെ ശിക്ഷ കഠിനമാക്കാൻ സർക്കാർ ആലോചന
തിരുവനന്തപുരം: ആക്രമണകാരികളായ നായ്ക്കളെ വളർത്തുന്നതു തടയാൻ സമഗ്രമായ നിയമനിർമാണ സാധ്യതയെകുറിച്ച് ഗൗരവമായി പരിശോധിക്കുമെന്ന് മുഖ്യമന്ത്രി പിണറായി വിജയൻ. വയനാട് വൈത്തിരിയിൽ തൊഴിലുറപ്പ് തൊഴിലാളിയായ വീട്ടമ്മ നായയുടെ കടിയേറ്റു മരിച്ച സംഭവത്തിൽ നിയമസഭയിൽ പ്രതികരിക്കുകയായിരുന്നു മുഖ്യമന്ത്രി. നായ്ക്കളെ വളർത്താൻ ബന്ധപ്പെട്ട തദ്ദേശസ്വയംഭരണ സ്ഥാപനങ്ങളിൽ നിന്നും ലൈസൻസ് എടുത്താൽ പോലും നിലവിലുള്ള വ്യവസ്ഥ പ്രകാരം പിഴ മാത്രമാണ് ശിക്ഷ. ഇത് കൂടുതൽ കഠിനമാക്കാനാണ് സർക്കാർ ആലോചിക്കുന്നത്. വയനാട്ടിൽ തൊഴിലുറപ്പ് തൊഴിലാളി വളർത്തുനായ്ക്കളുടെ കടിയേറ്റുമരിച്ച സംഭവത്തിൽ ഉടമസ്ഥനെതിരെ നരഹത്യക്ക് കേസെടുത്തിട്ടുണ്ടെന്നും മുഖ്യമന്ത്രി പറഞ്ഞു. വളർത്തുനായ്ക്കൾക്ക് നിയമപ്രകാരമുള്ള ലൈസൻസില്ലെന്ന് അന്വേഷണത്തിൽ കണ്ടെത്തിയിട്ടുണ്ട്. നായ്ക്കളെ വളർത്താൻ നടപടിക്രമങ്ങൾ കൃത്യമായി പാലിച്ചിട്ടില്ല എന്നും വ്യക്തമായിട്ടുണ്ട്. ഒളിവിലുള്ള ഉടമസ്ഥനെ കണ്ടെത്താൻ അന്വേഷണം ഉൗർജിതമാക്കിയെന്നും മുഖ്യമന്ത്രി അറിയിച്ചു.
Read Moreബിഡിജെഎസിനെ തള്ളി ബിജെപി; ചെങ്ങന്നൂരിലെ സ്ഥാനാർഥി യെ നിശ്ചയിക്കുമെന്നുള്ള വെള്ളാപ്പള്ളി നടേശന്റെ പ്രഖ്യാപനത്തിനെതിരേ കുമ്മനം രാജശേഖരൻ
തിരുവനന്തപുരം: ചെങ്ങന്നൂർ ഉപതെരഞ്ഞെടുപ്പിനുള്ള എൻഡിഎ സ്ഥാനാർഥിയെ മുന്നണി കൂട്ടായി തീരുമാനിക്കുമെന്ന് ബിജെപി സംസ്ഥാന അധ്യക്ഷൻ കുമ്മനം രാജശേഖരൻ. ചെങ്ങന്നൂരിൽ ബിഡിജെഎസ് സ്ഥാനാർഥിയെ നിശ്ചയിക്കുമെന്നുള്ള വെള്ളാപ്പള്ളി നടേശന്റെ പ്രഖ്യാപനത്തോട് പ്രതികരിക്കുകയായിരുന്നു അദ്ദേഹം. സമയമാകുന്പോൾ ചെങ്ങന്നൂരിലെ സ്ഥാനാർഥിയെ എൻഡിഎ യോഗം ചേർന്ന് നിശ്ചയിക്കും. സ്ഥാനാർഥി ചർച്ചകളൊന്നും ഇതുവരെ നടത്തിയിട്ടില്ലെന്നും കുമ്മനം രാജശേഖരൻ വ്യക്തമാക്കി.
Read Moreപിന്നെ ആർക്ക്..! ഐഎംഒ മാലിന്യ പ്ലാന്റ് അവിടെതന്നെ വേണമെന്ന് സർക്കാരിന് പിടിവാശിയില്ല; അനുയോജ്യമായ സ്ഥലം വേറെയുണ്ടെങ്കിൽ പരിഗണിക്കാമെന്ന് ആരോഗ്യമന്ത്രി
തിരുവനന്തപുരം: ഐഎംഒയുടെ ജൈവ മാലിന്യ പ്ലാന്റ് പാലോട് തന്നെ വേണമെന്ന് സർക്കാരിന് പിടിവാശിയൊന്നും ഇല്ലെന്ന് ആരോഗ്യമന്ത്രി കെ.കെ.ഷൈലജ. നിയമസഭയിൽ ഭരണകക്ഷി അംഗം വി.കെ.മുരളിയുടെ ചോദ്യത്തിന് മറുപടിയായാണ് മന്ത്രി ഇക്കാര്യം വ്യക്തമാക്കിയത്. മാലിന്യ പ്ലാന്റിന് അനുയോജ്യമായ സ്ഥലം വേറെയുണ്ടെങ്കിൽ പരിഗണിക്കാം. മാലിന്യ പ്ലാന്റില്ലാതെ മുന്നോട്ടുപോകാൻ കഴിയില്ലെന്നും മന്ത്രി വ്യക്തമാക്കി. പാലോട് മാലിന്യ പ്ലാന്റ് സ്ഥാപിക്കാൻ ഉദ്ദേശിക്കുന്ന സ്ഥലം ആദിവാസി സെറ്റിമെന്റ് ആണെന്നും സർക്കാർ ഈ നീക്കത്തിൽ നിന്നും പിന്മാറണമെന്നുമാണ് വി.കെ.മുരളി ആവശ്യപ്പെട്ടത്. വളരെയധികം പാരിസ്ഥിതിക പ്രാധാന്യം നിറഞ്ഞ സ്ഥലമാണിത്. പ്രദേശത്തെ ജനങ്ങൾ വലിയ ആശങ്കയുണ്ടെന്നും എംഎൽഎ വാദിച്ചു.ഭരണകക്ഷി എംഎൽഎയുടെ വാദങ്ങളെ പ്രതിപക്ഷ നേതാവ് രമേശ് ചെന്നിത്തലയും പിന്തുണച്ചു. താൻ സ്ഥലം സന്ദർശിച്ചതാണെന്നും പ്രദേശത്തെ ജനങ്ങളുടെ ആശങ്ക കണക്കിലെടുക്കണമെന്നും പ്രതിപക്ഷ നേതാവ് ആവശ്യപ്പെട്ടു.
Read Moreകൊന്നതെന്തിനെന്ന സത്യം കേഡൽ പറയുമോ? നന്തൻകോട് കൂട്ടക്കൊലക്കേസ് പ്രതി കേഡലിന്റെ ആരോഗ്യനിലയില് നേരിയ പുരോഗതി; ബോധം വീണുകിട്ടിയ കേഡല് സംസാരിക്കുന്നുണ്ടെന്ന് ഡോക്ടർമാർ
തിരുവനന്തപുരം: ജയിലില് കഴിയവെ ദേഹാസ്വാസ്ഥ്യമുണ്ടായി തിരുവനന്തപുരം മെഡിക്കല് കോളജ് ആശുപത്രിയില് ചികിത്സയില് കഴിയുന്ന നന്തൻകോട് കൂട്ടക്കൊലക്കേസിലെ പ്രതി കേഡല് ജിന്സണ് രാജ (27) യുടെ ആരോഗ്യനിലയില് നേരിയ പുരോഗതി. അതേസമയം ന്യൂമോണിയബാധ തുടരുന്നതായി ഡോക്ടർമാർ പറഞ്ഞു. കഴിഞ്ഞ ജനുവരി 25-നാണ് കേഡലിനെ ആശുപത്രിയില് പ്രവേശിപ്പിക്കുന്നത്. ഉറക്കത്തിനിടെ അപസ്മാരബാധയുണ്ടായതിനെത്തുടര്ന്ന് ദഹിച്ച ആഹാരം ശ്വാസകോശത്തിലേക്ക് എത്തിയതാണ് കേഡലിന്റെ നില വഷളാക്കിയത്. ശ്വാസകോശത്തിന്റെ പ്രവര്ത്തനം 90 ശതമാനവും നഷ്ടപ്പെട്ടതിനെത്തുടര്ന്ന് കേഡലിനെ വെന്റിലേറ്ററില് പ്രവേശിപ്പിക്കുകയായിരുന്നു. ഡോക്ടര്മാരുടെ അശ്രാന്ത പരിശ്രമമാണ് കേഡലിന്റെ ആരോഗ്യനിലയില് പുരോഗതിയുണ്ടാകാന് ഇടയാക്കിയത്. ഇപ്പോള് 50 ശതമാനത്തിലേറെ പുരോഗതിയുണ്ടായതായി ആശുപത്രി അധികൃതര് വ്യക്തമാക്കി. ബോധം വീണുകിട്ടിയ കേഡല് സംസാരിക്കുന്നുണ്ടെന്നും എന്നാല് വെന്റിലേറ്റര് നീക്കം ചെയ്യാനുള്ള ആരോഗ്യനിലയിലേക്ക് ഇയാള് എത്തിയിട്ടില്ലെന്നും ആശുപത്രി സൂപ്രണ്ട് ഡോ. ഷര്മദ് വ്യക്തമാക്കി.നന്തന്കോട്ട് മാതാപിതാക്കളെയും സഹോദരിയെയും ബന്ധുവിനെയും കൊലപ്പെടുത്തിയ സംഭവവുമായി ബന്ധപ്പെട്ടാണ് കേഡല് ജിന്സണ് രാജ അറസ്റ്റിലായത്.
Read More