നെയ്യാറ്റിൻകര: വേദിയിൽ ചാർളി ചാപ്ലിന്റെ വേഷം ധരിച്ച ഒരു മനുഷ്യൻ. അരികിൽ ഒരു ബോർഡും- ചിരിക്കാത്ത മനുഷ്യൻ. അദ്ദേഹത്തെ ചിരിപ്പിച്ചാൽ സമ്മാനം എത്രയാണെന്നറിയാമോ ? അഞ്ചുലക്ഷം. കോഴിക്കോട് സ്വദേശി രാഘവനാണ് നെയ്യാർ മേളയിലെ വളരെ കൗതുകകരമായ ഈ കാഴ്ചയുടെ ഉടമ. കുട്ടികളും മുതിർന്നവരും അദ്ദേഹത്തെ ചിരിപ്പിക്കാൻ നന്നായി പരിശ്രമിക്കുന്നുണ്ട്. പക്ഷെ, ഫലം ഇതുവരെയും ലഭിച്ചില്ലെന്ന് മാത്രം. കേരള സംസ്ഥാന വ്യാപാരി വ്യവസായി സമിതി നെയ്യാറ്റിൻകര ഏര്യാ കമ്മിറ്റിയുടെ നേതൃത്വത്തിൽ നെയ്യാറ്റിൻകരയിൽ ആരംഭിച്ച നെയ്യാർ മേളയിൽ ഇത്തരം രസകരമായ നിരവധിയിനങ്ങളുണ്ട്. കുരുന്നുകളെ ആകർഷിക്കുന്ന വിധത്തിലാണ് നഗരസഭ സ്റ്റേഡിയത്തിൽ കാർണിവൽ ഒരുക്കിയിട്ടുള്ളത്. കാർണിവലിലെ വൈവിധ്യമാർന്ന ഇനങ്ങളുടെയെല്ലാം പിന്നിൽ ഇതരസംസ്ഥാന തൊഴിലാളികളാണ്. വ്യാപാര -വ്യവസായ സ്റ്റാളുകളും പ്രവർത്തനം ആരംഭിച്ചു. കളിക്കോപ്പുകളും ഗാർഹികോപകരണങ്ങളും അടക്കം വ്യത്യസ്തയിനം വിൽപ്പനസ്റ്റാളുകളും സജീവമായി. ഓണം വിനോദസഞ്ചാര വാരാഘോഷത്തിന്റെ വേദികളിലൊന്നായ നെയ്യാറ്റിൻകരയിലെ ഈ ഓണാഘോഷത്തിന് മാറ്റു കൂട്ടാൻ ആകർഷകമായ…
Read MoreCategory: TVM
അന്വേഷണം ശരിയായ ദിശയിൽ തന്നെ..! ദിലീപിനെതിരായ എല്ലാ തെളിവുകളും കുറ്റപത്രത്തിൽ ഉണ്ടാകും; 90 ദിവസത്തി നുള്ളിൽ തന്നെ കുറ്റപത്രം സമർപ്പിക്കുമെന്ന് ഡിജിപി ലോക്നാഥ് ബെഹ്റ
തിരുവനന്തപുരം: നടിയെ ആക്രമിച്ച കേസിൽ റിമാൻഡിൽ കഴിയുന്ന നടൻ ദിലീപിനെതിരേ പോലീസ് സമർപ്പിക്കുന്ന കുറ്റപത്രത്തിൽ എല്ലാ തെളിവുകളും ഉണ്ടാകുമെന്ന് ഡിജിപി ലോക്നാഥ് ബെഹറ്. 90 ദിവസത്തിനുള്ളിൽ തന്നെ കുറ്റപത്രം സമർപ്പിക്കും. കേസ് അന്വേഷണം ശരിയായ ദിശയിലാണ് മുന്നോട്ടുപോകുന്നതെന്നും ഡിജിപി കൂട്ടിച്ചേർത്തു.
Read Moreസൂക്ഷിച്ചാൽ ദുഃഖിക്കേണ്ട..! പോലീസിനൊപ്പം മാവേലിയെ കണ്ട യാത്രക്കാർ ആദ്യം ഞെട്ടി; പിന്നെ ട്രാഫി നിയം തെറ്റിച്ചെത്തിവരേ തടഞ്ഞ് നിർത്തി ഉപദേശം നൽകി വിട്ടത് കാണികൾക്ക് കൗതുകമായി…
ആറ്റിങ്ങൽ:പോലീസ് മാവേലി കൗതുകമായി. ആറ്റിങ്ങൽ പട്ടണത്തിൽ മാവേലിയുടെ വേഷത്തിൽ ആറ്റിങ്ങൽ പോലീസ് നടത്തിയ ഗതാഗത ബോധവത്കരണമാണ് നാട്ടുകാരുടെ ശ്രദ്ധ നേടിയത് . ഗതാഗതനിയമ പാലിച്ചവർക്ക് സമ്മാനം നൽകിയും പാലിക്കാത്തവർക്ക് താക്കീത് നൽകിയും മാവേലി പട്ടണത്തെ കീഴടക്കി . ഹെൽമറ്റ് ധരിച്ചവർക്കും, സീറ്റ് ബൽറ്റ് ധരിച്ചവർക്കും സമ്മാനങ്ങൾ തല്കിയപ്പോൾ ഗതാഗത നിയമം പാലിക്കാത്തവർക്ക് ഉപദേശവും താക്കീതും നൽകി യാണ് മാവേലിപട്ടണം ചുറ്റിയത് സീനിയർ സിവിൽപോലീസ് ഓഫീസർ ബൈജുവാണ് മാവേലിയുടെ വേഷത്തിൽ എത്തിയത് എസ്.ഐ. സുജീത്, സിവിൽ പോലീസ് ഓഫീസർമാരായ ഉദയൻ ,കഷ്ണ ലാൽ തുടങ്ങിയവരും അകമ്പടി സേവിച്ചു.
Read Moreജനങ്ങളെ തല്ലാനുള്ളവരല്ല പോലീസ്..! പോലീസുകാരുടെ ഗുണ്ടാകൂട്ട്കെട്ട് അവസാനിപ്പിക്കണം; സംസ്ഥാനത്തെ പോലീസ് ഉദ്യോഗസ്ഥർക്ക് കർശന നിർദേശനങ്ങളുമായി മുഖ്യമന്ത്രി
തിരുവനന്തപുരം: സംസ്ഥാനത്തെ പോലീസ് ഉദ്യോഗസ്ഥർക്ക് കർശന നിർദേശനങ്ങളുമായി മുഖ്യമന്ത്രി പിണറായി വിജയൻ. പോലീസ് എന്നാൽ ജനങ്ങളെ തല്ലാനുള്ള ആളാണെന്ന് ധരിക്കരുതെന്ന് അദ്ദേഹം പറഞ്ഞു. അത്തരത്തിൽ തെറ്റുകൾ ചെയ്യുന്ന ഉദ്യോഗസ്ഥർക്കെതിരെ കർശന നടപടികൾ ഉണ്ടാകുമെന്നും പോലീസ് ഉദ്യോഗസ്ഥർ ഗുണ്ടകളുമായുള്ള കൂട്ടുകെട്ട് അവസാനിപ്പിക്കണമെന്നും മുഖ്യമന്ത്രി മുന്നറിയിപ്പ് നൽകി. സ്ഥാനത്തെ 75 ശതമാനം ഗുണ്ടകളും എറണാകുളം ജില്ലയിലാണ് ഉള്ളതെന്നും പിണറായി വിജയൻ കൂട്ടിച്ചേർത്തു.
Read Moreഞാൻ നിരപരാധിത്വം തെളിയിക്കും..! തനിക്കെതിരേ പരാതി നൽകിയ വീട്ടമ്മയോട് പരാതിയില്ല; ഏഴുമാസം ഗർഭിണിയായ ഭാര്യയുടെയും മകന്റെയും അമ്മയുടെയും മാനസികാവസ്ഥ തന്നെ വല്ലാതെ വേദനിപ്പിച്ചെന്ന് വിൻസെന്റ് എംഎൽഎ
നെയ്യാറ്റിൻകര: തനിക്കെതിരെ പരാതി നൽകിയ വീട്ടമ്മയോടും അവരുടെ കുടുംബത്തോടും പരാതിയില്ലെന്നും തന്റെ നിരപരാധിത്വം തെളിയിക്കുമെന്നും എം. വിൻസെന്റ് എംഎൽഎ.ഉപാധികളോടെ അനുവദിച്ച ജാമ്യത്തെത്തുടർന്ന് നെയ്യാറ്റിൻകര സ്പെഷൽ സബ് ജയിലിൽ നിന്നും പുറത്തിറങ്ങിയ വിൻസെന്റ് മാധ്യമപ്രവർത്തകരോട് സംസാരിക്കുകയായിരുന്നു. പോലീസ് പൊളിറ്റിക്കൽ സെൻസാണ് ഈ കേസിൽ ഉപയോഗിച്ചത്. യഥാർഥത്തിൽ വേട്ടയാടപ്പെട്ടത് താനാണ്. ദിവസത്തെ ജയിൽവാസത്തിനു ശേഷം ജാമ്യം ലഭിച്ച എം. വിൻസെന്റ് എംഎൽഎ യെ സ്വീകരിക്കാൻ നിറകണ്ണുകളോടെ അമ്മയും ഭാര്യയും മകനും ബന്ധുക്കളും. ഏഴു മാസം ഗർഭിണിയായ തന്റെ ഭാര്യയുടെ വയറ്റിലെ കുഞ്ഞിന്റെയും ഒന്പതാം ക്ലാസിൽ പഠിക്കുന്ന തന്റെ മകന്റെയും മാനസികാവസ്ഥ എന്തായിരിക്കും. 40 ദിവസത്തെ ചികിത്സ കഴിഞ്ഞ് അമ്മ എത്തിയപ്പോഴാണ് തന്നെ അറസ്റ്റ് ചെയ്യുന്നത്. അപ്പോൾ അമ്മയുടെ മാനസികാവസ്ഥയോ . സാധാരണ പൗരന് നൽകുന്ന പരിഗണന പോലും തനിക്ക് ലഭിച്ചില്ല. കേസിൽ ഗൂഡാലോചനയുണ്ടെന്ന തന്റെ പരാതി 34 ദിവസമായിട്ടും അന്വേഷിച്ചിട്ടില്ലായെന്നും…
Read Moreപരാതിക്കാരിയുടെ വാർഡിൽ കയറരുത്..! വീട്ടമ്മയെ പീഡിപ്പിച്ചെന്ന കേസിൽ കോവളം എംഎൽഎ എം. വിൻസെന്റിനു ജാമ്യം; 34 ദിവസത്തെ റിമാന്റിന് ശേഷം ഉപാധികളോടെയാണ് ജാമ്യം
തിരുവനന്തപുരം: വീട്ടമ്മയെ പീഡിപ്പിച്ചെന്ന കേസിൽ കോവളം എംഎൽഎ എം. വിൻസെന്റിനു ജാമ്യം. തിരുവന്തപുരം സെഷൻസ് കോടതിയാണ് ജാമ്യം അനുവദിച്ചത്. 34 ദിവസത്തെ റിമാൻഡിനുശേഷം ഉപാധികളോടെയാണ് എംഎൽഎയ്ക്കു ജാമ്യം അനുവദിച്ചത്. എംഎൽഎയോട് പരാതിക്കാരിയുടെ വാർഡിൽ പ്രവേശിക്കരുതെന്നും കോടതി നിർദേശിച്ചു. കർശന ഉപാധികളോടെ എംഎൽഎയ്ക്കു ജാമ്യം അനുവദിക്കാമെന്നു പ്രോസിക്യൂഷൻ കഴിഞ്ഞ ദിവസം കോടതിയെ അറിയിച്ചിരുന്നു. പരാതിക്കാരിയായ സ്ത്രീ വിഷാദ രോഗത്തിന് മരുന്ന് കഴിക്കുന്നയാളാണെന്നു വിന്സെന്റിന്റെ അഭിഭാഷകൻ കോടതിയെ അറിയിച്ചുരുന്നു. ഇതേതുർന്നാണ് ഉപാധികളോടെ കോടതി ജാമ്യം അനുവദിച്ചത്. പീഡനത്തിനിരയായ വീട്ടമ്മ അമിതമായി ഗുളികകഴിച്ച് ജീവനൊടുക്കാൻ ശ്രമിച്ചിരുന്നു. പിന്നീട് വീട്ടമ്മയെ നെയ്യാറ്റിൻകരയിലെ സ്വകാര്യ ആശുപത്രിയിൽ പ്രവേശിപ്പിച്ചു. എംഎൽഎ ആറു മാസമായി മാനസികമായി പീഡിപ്പിച്ചതിനെ തുടർന്നാണ് ഭാര്യ ആത്മഹത്യക്കു ശ്രമിച്ചതെന്നു ചൂണ്ടിക്കാട്ടി ഭർത്താവ് പോലീസിനു പരാതി നൽകുകയായിരുന്നു.
Read Moreലാവലിൻ വിധി പിണറായിക്ക് മറ്റൊരു പൊൻതൂവൽ; സിബിഐയെ ഉപയോഗിച്ച് കേന്ദ്ര സർക്കാർ രാഷ്ട്രീയ എതിരാളികളെ തകർക്കാൻ ശ്രമിച്ചതിനുള്ള തിരിച്ചടിയാണ് വിധിയെന്ന് കോടിയേരി
തിരുവനന്തപുരം: ലാവലിൻ കേസ് വിധി പിണറായി വിജയൻ എന്ന രാഷ്ട്രീയ നേതാവിന്റെ തൊപ്പിയിലെ മറ്റൊരു പൊൻതൂവലാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. തിരുവനന്തപുരത്ത് വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം. ദേശീയ തലത്തിൽ സിപിഎമ്മിനെ തകർക്കാൻ വേണ്ടി രാഷ്ട്രീയ എതിരാളികൾ ഉപയോഗിച്ച കേസാണ് ഹൈക്കോടതി വിധിയോടെ ഇല്ലാതായിരിക്കുന്നത്. കേസിൽ പിണറായി വിജയനെ കുടുക്കിയെന്ന സിപിഎമ്മിന്റെ വാദം ശരിയായിരിക്കുകയാണ്. സിബിഐയെ ഉപയോഗിച്ച് കേന്ദ്ര സർക്കാർ രാഷ്ട്രീയ എതിരാളികളെ തകർക്കാൻ ശ്രമിച്ചതിനുള്ള തിരിച്ചടിയാണ് വിധി. കോടതി വിധിയോടെ ഇനിയും ലാവലിൻ കേസുമായി ബന്ധപ്പെട്ട് സിപിഎമ്മിനെതിരേ ആരോപണം ഉന്നയിക്കാനുള്ള അവസരവും ഇല്ലാതായി. സിപിഎമ്മിനെ തകർക്കാനുള്ള ഗൂഢനീക്കമായിരുന്നു നടന്നതെന്നും ഇനിയെങ്കിലും സിബിഐയെ ഉപയോഗിച്ച് ഇത്തരം കേസുകൾ സൃഷ്ടിക്കുന്ന പ്രവണത കേന്ദ്രസർക്കാർ അവസാനിപ്പിക്കണമെന്നും കോടിയേരി ബാലകൃഷ്ണൻ ആവശ്യപ്പെട്ടു.
Read Moreവ്യാഴത്തിൽ വിൻസെന്റിന് വിധി..! സ്ത്രീ പീഡന കേസിൽ അറസ്റ്റിലായ വിൻസെന്റ് എംഎൽഎയുടെ ജാമ്യാപേക്ഷയിൽ വാദം പൂർത്തിയായി; വേണമെങ്കിൽ ഉപാധികളോടെ ജാമ്യം അനുവദിക്കാമെന്ന് പ്രോസിക്യൂഷൻ
തിരുവനന്തപുരം: സ്ത്രീ പീഡന കേസിൽ അറസ്റ്റിലായ കോവളം എംഎൽഎ എം. വിൻസെന്റിന്റെ ജാമ്യാപേക്ഷയിൽ ഇരുവിഭാഗത്തി ന്റെയും വാദം പൂർത്തിയായി. വിധി പറയുന്നത് തിരുവനന്തപുരം ജില്ലാ സെഷൻസ് കോടതി വ്യാഴാഴ്ചത്തേക്കു മാറ്റി. അതേസമയം എംഎൽഎയ്ക്കു ജാമ്യം അനുവദിച്ചാൽ പരാതിക്കാരിക്ക് ഭീഷണിയെന്നും പ്രോസിക്യൂഷൻ കോടതിയെ അറയിച്ചു. ജാമ്യം അനുവദിക്കുകയാണെങ്കിൽ കർശന ഉപാധികളോടെ വേണമെന്നും പ്രോസിക്യൂഷൻ ആവശ്യപ്പെട്ടു.
Read Moreദാണ്ടേ കിടക്കുന്നു..! കൈയേറ്റം തെളിഞ്ഞാൽ എംഎൽഎ സ്ഥാനം രാജിവയ്ക്കും; പ്രതിപക്ഷത്തിന് വിഷയ ദാരിദ്യ്രമാണ് ഇത്തരം ആരോപണങ്ങൾക്ക് പിന്നിലെന്ന് തോമസ് ചാണ്ടി
തിരുവനന്തപുരം: കായൽ കൈയേറ്റ ആരോപണം നേരിടുന്ന ഗതാഗതമന്ത്രി തോമസ് ചാണ്ടി രാജിവയ്ക്കണമെന്ന് പ്രതിപക്ഷം നിയമസഭയിൽ ആവശ്യപ്പെട്ടു. മന്ത്രിയുടെയും നിലന്പൂരിൽ നിന്നുള്ള സിപിഎം സ്വതന്ത്ര എംഎൽഎ പി.വി.അൻവറിന്റെയും പേരിലുള്ള ആരോപണങ്ങൾ സഭ നിർത്തിവച്ച് ചർച്ച ചെയ്യണമെന്ന് ആവശ്യപ്പെട്ട് പ്രതിപക്ഷം അടിയന്തരപ്രമേയത്തിന് നോട്ടീസ് നൽകി. വി.ടി.ബൽറാമാണ് അടിയന്തരപ്രമേയത്തിന് നോട്ടീസ് നൽകിയത്. തനിക്കെതിരായ കൈയേറ്റം തെളിഞ്ഞാൽ എംഎൽഎ സ്ഥാനം രാജിവയ്ക്കുമെന്നു ഗതാഗത മന്ത്രി തോമസ് ചാണ്ടി. നിയമസഭയിൽ ബി.ടി. ബൽറാം എംഎൽഎയുടെ അടിയന്തരപ്രമേയ നോട്ടീസിനു മറുപറിയായി ആണ് മന്ത്രി ഇക്കാര്യം പറഞ്ഞത്. പ്രതിപക്ഷത്തിന് വിഷയ ദാരിദ്യ്രമാണെന്നും തോമസ് ചാണ്ടി കുറ്റപ്പെടുത്തി.
Read Moreഎന്റെ കുട്ടികൾ അങ്ങനെചെയ്യില്ല..! കൈയേറ്റ ആരോപണങ്ങൾ നേരിടുന്ന മന്ത്രിയേയും എൽഎയും പിൻതുണച്ച് പിണറായി; ആരോപണങ്ങൾ വെറും രാഷ്ട്രീയ പ്രേരിതം മാത്രം
തിരുവനന്തപുരം: കൈയേറ്റ ആരോപണങ്ങൾ നേരിടുന്ന ഗതാഗത മന്ത്രി തോമസ് ചാണ്ടിയേയും നിലന്പൂർ എംഎൽഎ പി.വി. അൻവറിനേയും പിന്തുണച്ച് മുഖ്യമന്ത്രി പിണറായി വിജയൻ.അൻവറിന്റെ പാർക്കിന് അനുമതിയില്ലെന്ന ആരോപണങ്ങൾ അടിസ്ഥാനരഹിതമാണെന്ന് മുഖ്യമന്ത്രി സഭയിൽ പറഞ്ഞു. തോമസ് ചാണ്ടിക്കെതിരായ ആരോപണങ്ങൾ രാഷ്ട്രീയ പ്രേരിതമാണെന്നും റിസോർട്ടിനായി മന്ത്രി കായൽ കൈയേറിയിട്ടില്ലെന്നും അടിയന്തരപ്രമേയത്തിനു മറുപടിയായി മുഖ്യമന്ത്രി പറഞ്ഞു. തോമസ് ചാണ്ടിയുടെ നിയമലംഘനങ്ങൾ ചർച്ച ചെയ്യണമെന്ന് ആവശ്യപ്പെട്ട് വി.ടി. ബൽറാം എംഎൽഎയാണ് പ്രതിപക്ഷത്തുനിന്ന് അടിയന്തരപ്രമേയ നോട്ടീസ് നൽകിയത്. പി.വി. അൻവർ എംഎൽഎയ്ക്കെതിരായ ആരോപണങ്ങളും പ്രതിപക്ഷം സഭയിൽ ഉന്നയിച്ചു. പാർക്കിനായി അൻവർ എംഎൽഎ നടത്തിയ നിയമലംഘനങ്ങളും ചർച്ച ചെയ്യണമെന്നും പ്രതിപക്ഷം സഭയിൽ ആവശ്യപ്പെട്ടു. എന്നാൽ പ്രതിപക്ഷത്തിന്റെ അടിയന്തരപ്രമേയ നോട്ടീസ് ചട്ടവിരുദ്ധമാണെന്നു സ്പീക്കർ നിലപാടെടുത്തു. ഒന്നിലധികം വിഷയം ഒന്നിച്ച് ഉന്നയിക്കാൻ പാടില്ലെന്നാണ് ചട്ടമെന്നും സ്പീക്കർ സഭയെ അറിയിച്ചു. ഇതേതുടർന്നു കൈയേറ്റ വിഷയമാണ് സഭയിൽ ഉന്നയിച്ചതെന്നു പ്രതിപക്ഷം വാദിച്ചു. അതേസമയം…
Read More