തിരുവനന്തപുരം: ഏഷ്യയിലെ ഏറ്റവും വലിയ കൗമാര കലാമാമാങ്കത്തിനു നാളെ അരങ്ങുണരും. 63-ാമത് സംസ്ഥാന സ്കൂള് കലോത്സവത്തിനു തുടക്കം കുറിച്ച് നാളെ രാവിലെ ഒമ്പതിന് പ്രധാന വേദിയായ സെന്ട്രല് സ്റ്റേഡിയത്തില് പൊതുവിദ്യാഭ്യാസ ഡയറക്ടര് എസ്. ഷാനവാസ് പതാക ഉയര്ത്തും. സെന്ട്രല് സ്റ്റേഡിയത്തില് ഒരുക്കിയിട്ടുള്ള ഒന്നാം വേദിയായ എംടി നിളയില് രാവിലെ 10ന് മുഖ്യമന്ത്രി പിണറായി വിജയന് ഔപചാരിക ഉദ്ഘാടനം നിര്വഹിക്കും. മന്ത്രി വി. ശിവന്കുട്ടി അധ്യക്ഷനാവും. പൊതുവിദ്യാഭ്യാസ പ്രിന്സിപ്പല് സെക്രട്ടറി റാണി ജോര്ജ് സ്വാഗതം ആശംസിക്കും. മന്ത്രിമാരായ കെ. രാജന്, ജി.ആര്. അനില്, എ.കെ. ശശീന്ദ്രന്, റോഷി അഗസ്റ്റിന്, കെ.എന്. ബാലഗോപാല് തുടങ്ങി 29 മുഖ്യാതിഥികള് പങ്കെടുക്കും. തുടര്ന്ന് ശ്രീനിവാസന് തൂണേരി രചിച്ച് കാവാലം ശ്രീകുമാര് ചിട്ടപ്പെടുത്തിയ കലോത്സവത്തിന്റെ സ്വാഗത ഗാനത്തിന്റെ നൃത്താവിഷ്കാരം കലാമണ്ഡലത്തിലെ കുട്ടികളും പൊതുവിദ്യാലയത്തിലെ കുട്ടികളും ചേര്ന്ന് അവതരിപ്പിക്കും. 15,000-ത്തില് ഏറെ വിദ്യാര്ഥികള് വിവിധ മത്സരങ്ങളില്…
Read MoreCategory: Loud Speaker
പാളത്തിലിരുന്നു പബ്ജി കളിച്ചു: ഗെയിം മൂർശ്ചിച്ചതോടെ ട്രെയിൻ വന്ന ശബ്ദം കേട്ടില്ല; 3 കൗമാരക്കാർ ട്രെയിനിടിച്ചു മരിച്ചു
പട്ന: റെയിൽവേ ട്രാക്കിലിരുന്നു മൊബൈൽ ഗെയിമായ പബ്ജി കളിക്കവേ ട്രെയിനിടിച്ച് മൂന്നു കൗമാരക്കാർ ട്രെയിൻ ഇടിച്ചു മരിച്ചു. ബിഹാറിലെ പടിഞ്ഞാറൻ ചന്പാരനിൽ ഇന്നലെയാണു സംഭവം. ഫർഖാൻ ആലം, സമീർ ആലം, ഹബീബുള്ള അൻസാരി എന്നിവരാണു മരിച്ചത്. മാൻസ തോലയിലെ റോയൽ സ്കൂളിനു സമീപമാണ് അപകടം. ഇയർഫോൺവച്ചു ഗെയിമിൽ മുഴുകിയ കുട്ടികൾ ട്രെയിൻ വന്നതറിഞ്ഞില്ല. സംഭവമറിഞ്ഞ് പ്രദേശത്ത് നൂറുകണക്കിനാളുകൾ തടിച്ചുകൂടി. കുട്ടികൾ ഇതുപോലെ സുരക്ഷിതമല്ലാത്ത സ്ഥലങ്ങളിലിരുന്നു ഗെയിം കളിക്കുന്നില്ലെന്നു മാതാപിതാക്കൾ ഉറപ്പാക്കണമെന്നു പോലീസ് അഭ്യർഥിച്ചു. സംഭവത്തിൽ റെയിൽവേ അന്വേഷണം പ്രഖ്യാപിച്ചു.
Read Moreസഹപ്രവർത്തകനുമായി അവിഹിത ബന്ധം: ഭാര്യയെ ഭർത്താവ് അമ്പെയ്തു കൊന്നു
കിയോഞ്ജർ(ഒഡീഷ): വിവാഹേതര ബന്ധത്തെച്ചൊല്ലിയുള്ള തർക്കത്തെത്തുടർന്നു യുവാവ് ഭാര്യയെ അന്പെയ്തു കൊലപ്പെടുത്തി. ഒഡീഷയിലെ കിയോഞ്ജറിൽ ഹന്ദിഭംഗയിൽ ദസറ മുണ്ട എന്നയാളാണു ഭാര്യ ചിനി മുണ്ട (35) യെ കൊലപ്പെടുത്തിയത്. ഭാര്യക്ക് അവരുടെ സഹപ്രവർത്തകനുമായി വിവാഹേതര ബന്ധമുണ്ടെന്നു സംശയിച്ചാണ് കൊല നടത്തിയതെന്നു പോലീസ് പറഞ്ഞു. ജോലിക്കു പോകരുതെന്നു വിലക്കിയില്ലെങ്കിലും ഭാര്യ കൂട്ടാക്കിയില്ലത്രെ. ഇതേച്ചൊല്ലി കഴിഞ്ഞദിവസം രാത്രിയുണ്ടായ തർക്കത്തെത്തുടർന്നു ദസറ പ്രകോപിതനായി ഭാര്യയുടെ നെഞ്ചിലേക്ക് അമ്പ് എയ്യുകയായിരുന്നു. ഉടൻതന്നെ ദസറയും മറ്റ് കുടുംബാംഗങ്ങളും ചേർന്ന് ചിനിയെ അടുത്തുള്ള ആരോഗ്യകേന്ദ്രത്തിൽ എത്തിച്ചെങ്കിലും മരണം സംഭവിച്ചു. പോലീസ് കസ്റ്റഡിയിലെടുത്ത ദസറ കുറ്റം സമ്മതിച്ചു.
Read Moreവയോധികയെയും മകനെയും കൊന്നശേഷം മൊബൈൽ ഫോൺ പഴ്സ് ടാബ് ആഭരണങ്ങൾ എന്നിവ കവർന്ന് കടന്നുകളഞ്ഞു; കൗമാരക്കാർ അറസ്റ്റിൽ
മുംബൈ: മഹാരാഷ്ട്രയിൽ വയോധികയെയും മകനെയും കൊലപ്പെടുത്തിയ കേസിൽ രണ്ട് കൗമാരക്കാർ അറസ്റ്റിൽ. താനെയിലെ സെക്ടർ ആറിൽ ഗീത ഭൂഷൺ ജഗ്ഗി (70), മകൻ ജിതേന്ദ്ര (45) എന്നിവരാണു കൊല്ലപ്പെട്ടത്. ഇവരെ വീട്ടിൽ മരിച്ചനിലയിൽ കണ്ടെത്തിയതിനെ തുടർന്നു പോലീസ് നടത്തിയ അന്വേഷണത്തിൽ പത്തൊന്പത് വയസുകാരായ സഞ്ജയോത് മങ്കേഷ് ഡോഡ്കെ, ശുഭം മഹീന്ദ്ര നാരായണി എന്നിവരെ അറസ്റ്റ് ചെയ്യുകയായിരുന്നു. കൊല്ലപ്പെട്ട ജിതേന്ദ്രയും പ്രതികളും പരിചയക്കാരാണ്. ഡിസംബർ 31ന് രാത്രി പാർട്ടിക്ക് ഇവരെ ജിതേന്ദ്ര വീട്ടിലേക്കു ക്ഷണിച്ചിരുന്നു. മദ്യലഹരിയിൽ ജിതേന്ദ്ര ഇവരോട് ലൈംഗികമായി പെരുമാറിയെന്നും ഇതാണു കൊലപാതകത്തിൽ കലാശിച്ചതെന്നും പോലീസ് പറയുന്നു. കൊലയ്ക്കുശേഷം കൊല്ലപ്പെട്ടവരുടെ മൊബൈൽ ഫോണുകൾ, പഴ്സ്, ടാബ്, ആഭരണങ്ങൾ എന്നിവ കൈക്കലാക്കി ഇരുവരും വീട്ടിൽനിന്ന് ഓടിപ്പോകുകയായിരുന്നു.
Read Moreതണുത്തു വിറച്ച് ഉത്തരേന്ത്യ: കാഷ്മീരിൽ ശീതതരംഗമുന്നറിയിപ്പ്
ന്യൂഡൽഹി: ഉത്തരേന്ത്യയിൽ തണുപ്പ് അതികഠിനമായി. ഡൽഹി, രാജസ്ഥാൻ, ഹരിയാന, ഉത്തർപ്രദേശ് എന്നീ സംസ്ഥാനങ്ങളിൽ ആറു മുതൽ എട്ടു ഡിഗ്രി സെൽഷ്യസ് വരെയാണ് കുറഞ്ഞ താപനില. ജമ്മു കാഷ്മീരിലെ പൂഞ്ചിൽ കനത്ത മഞ്ഞുവീഴ്ചയെത്തുടർന്ന് മുഗൾ റോഡ് നാലു ദിവസമായി അടച്ചിട്ടിരിക്കുകയാണ്. കാഷ്മീർ താഴ്വരയെ ലഡാക്കുമായി ബന്ധിപ്പിക്കുന്ന സോജില പാസും അടച്ചു. ശ്രീനഗറിലെ ദാൽ തടാകം തണുത്തുറഞ്ഞ നിലയിലാണ്. നാളെ മുതൽ ഹിമാചലിലും ജമ്മു കാഷ്മീരിലും ശീതതരംഗമെത്തുമെന്നും മുന്നറിയിപ്പുണ്ട്. അതേസമയം, ജമ്മുവിലേക്കും ഹിമാചലിലേക്കും സഞ്ചാരികളുടെ ഒഴുക്ക് തുടരുകയാണ്. കുടുങ്ങിക്കിടന്ന ആയിരക്കണക്കിനു സഞ്ചാരികളെ പലയിടങ്ങളിൽനിന്നായി പോലീസും സുരക്ഷ സേനയും രക്ഷപ്പെടുത്തിയതായി റിപ്പോർട്ടുണ്ട്.
Read Moreപെരിയ ഇരട്ടക്കൊലക്കേസില് ശിക്ഷാവിധി നാളെ: പ്രതികൾക്കുമേൽ ചുമത്തിയിരിക്കുന്നത് വധശിക്ഷ വരെ കിട്ടാവുന്ന കുറ്റങ്ങൾ
കൊച്ചി: കേരള മനഃസാക്ഷിയെ പിടിച്ചുലച്ച പെരിയ ഇരട്ടക്കൊലക്കേസില് കുറ്റവാളികളെന്ന് കണ്ടെത്തിയ 14 പ്രതികളുടെ ശിക്ഷാവിധി നാളെ. കൊച്ചിയിലെ പ്രത്യേക സിബിഐ കോടതിയാണ് വിധി പറയുന്നത്. വധശിക്ഷ വരെ കിട്ടാവുന്ന കുറ്റങ്ങളാണ് പ്രതികള്ക്കുമേല് ചുമത്തിയിരിക്കുന്നത്. സിപിഎം നേതാവും ഉദുമ മുന് എം എല് എയുമായ കെ.വി. കുഞ്ഞിരാമന്, ഉദുമ സിപി എം മുന് ഏരിയ സെക്രട്ടറി കെ. മണികണ്ഠന് ഉള്പ്പടെ 14 പ്രതികള് കുറ്റക്കാരെന്ന് കോടതി കഴിഞ്ഞ ദിവസം കണ്ടെത്തിയിരുന്നു. ഒന്ന് മുതല് എട്ടു വരെയുള്ള പ്രതികള്ക്കെതിരേ കൊലക്കുറ്റം തെളിഞ്ഞു. 10 പ്രതികളെ കുറ്റവിമുക്തരാക്കി. 20 മാസത്തോളം നീണ്ട വിചാരണ നടപടികള്ക്ക് ശേഷമാണ് സിബിഐ കോടതി വിധി പറഞ്ഞത്. ഒന്നാം പ്രതി എ. പീതാംബരന് ഉള്പ്പടെ 10 പ്രതികള്ക്കെതിരേയാണ് കൊലപാതകം, ഗൂഢാലോചന, നിയമവിരുദ്ധമായി സംഘം ചേരല്, കലാപം സൃഷ്ടിക്കല്, തടഞ്ഞുവയ്ക്കല് എന്നീ കുറ്റങ്ങള് കണ്ടെത്തിയത്. ജീവപര്യന്തം മുതല് വധശിക്ഷ…
Read Moreബംഗളൂരുവിൽ ആഡംബര ബൈക്ക് ഷോറൂമുകളിൽ തീപിടിത്തം: അമ്പതോളം ബൈക്കുകൾ കത്തി നശിച്ചു
ബംഗളൂരു: ബംഗളൂരു മഹാദേവപുരയിലെ രണ്ട് ആഡംബര ബൈക്ക് ഷോറൂമുകളിൽ വൻ തീപിടിത്തം. വൈറ്റ് ഫീൽഡ് റോഡിലുള്ള കാമധേനു ലേ ഔട്ടിലെ യമഹ ബൈക്ക് ഷോറൂമിലും ട്രയംഫ് എന്ന വാഹനഷോറൂമിലുമാണ് തീപിടിത്തമുണ്ടായത്. അമ്പതോളം ബൈക്കുകൾ കത്തി നശിച്ചു. ആളപായമില്ല. ആർക്കും പരിക്കേറ്റതായും റിപ്പോർട്ടില്ല. ഇന്നലെ രാത്രി 11ഓടെയാണ് ഷോറൂമുകളിൽനിന്ന് തീയും പുകയും ഉയരുന്നത് കണ്ടത്. യമഹ ഷോറൂമിലുണ്ടായ ഷോർട്ട് സർക്യൂട്ടാണ് തീപിടിത്തത്തിന് കാരണമായതെന്നാണ് പ്രാഥമിക നിഗമനം. ഇവിടെനിന്ന് തീ തൊട്ടടുത്ത ട്രയംഫ് ഷോറൂമിലേക്കും പടരുകയായിരുന്നു. ഒന്നരമണിക്കൂറെടുത്താണ് അഗ്നിരക്ഷാസേന തീ നിയന്ത്രണവിധേയമാക്കിയത്.
Read Moreഭാര്യയുമായി പിണങ്ങി കിണറ്റിൽ ചാടിയ യുവാവും രക്ഷിക്കാനിറങ്ങിയ നാലു പേരും മരിച്ചു
റാഞ്ചി: ജാർഖണ്ഡിൽ ഭാര്യയുമായുള്ള തർക്കത്തെ തുടർന്നു കിണറ്റിലേക്കു ചാടിയ യുവാവും, ഇയാളെ രക്ഷിക്കാനായി കിണറ്റിലിറങ്ങിയ നാലുപേരും മരിച്ചു. ഹസാരിബാഗിലെ ചാർഹിയിലാണ് സംഭവം. സുന്ദർ കർമാലി (27) ആണ് ഭാര്യയുമായി വഴക്കുണ്ടായതിനെ തുടർന്ന് കിണറ്റിലേക്ക് ചാടിയത്. ഇയാളെ രക്ഷിക്കാനാണ് പ്രദേശവാസികളായ നാലു പേർ കിണറ്റിൽ ഇറങ്ങിയത്. എല്ലാവരും മരിച്ചു. രാഹുൽ കർമാലി, വിനയ് കർമാലി, പങ്കജ് കർമാലി, സുരജ് ബുൽയാൻ എന്നിവരാണ് രക്ഷാപ്രവർത്തനത്തിനിടെ മരിച്ചത്. പോലീസ് സ്ഥലത്തെത്തി മൃതദേഹങ്ങൾ പുറത്തെടുത്തു.
Read Moreകുഴൽക്കിണറിൽ 10 ദിവസം കുടുങ്ങിയ ബാലിക മരിച്ചു: അധികൃതരുടെ ഭാഗത്തുനിന്നുള്ള അനാസ്ഥയാണു കുട്ടിയെ പുറത്തെത്തിക്കാൻ വൈകിയതെന്ന് ബന്ധുക്കൾ
ന്യൂഡല്ഹി: പത്തു ദിവസം നീണ്ട രക്ഷാ ദൗത്യത്തിനൊടുവില് കുഴൽക്കിണറിൽനിന്നു പുറത്തെടുത്ത മൂന്നു വയസുകാരി മരിച്ചു. കോട്പുത്ലിയിലെ കിരാത്പുര ഗ്രാമത്തിലെ ബദിയാലി കി ധനിയിൽ 700 അടി താഴ്ചയുള്ള കുഴൽക്കിണറിലാണ് ചേത്ന എന്ന കുട്ടി കുടുങ്ങിയത്. ഡിസംബര് 23നാണ് കുട്ടി കുഴൽക്കിണറിൽ വീണത്. ഡൽഹിയിൽനിന്നും ജയ്പുരിൽ നിന്നുമുള്ള വിദഗ്ധ സംഘം കുഴൽക്കിണറിനു സമാന്തരമായി കുഴിയെടുത്ത് കുട്ടിയെ പുറത്തെടുക്കുകയായിരുന്നു. പുറത്തെടുക്കും മുന്പേ കുട്ടി മരിച്ചിരുന്നു. അധികൃതരുടെ ഭാഗത്തുനിന്നുള്ള അനാസ്ഥയാണു കുട്ടിയെ പുറത്തെത്തിക്കാൻ വൈകിയതെന്ന് ആരോപിച്ച് ബന്ധുക്കൾ രംഗത്തെത്തി.
Read Moreചൈനയുടെ ഭീമൻ അണക്കെട്ട്: ബ്രഹ്മപുത്ര വരളുമെന്ന് ആശങ്ക; നദിയെ ആശ്രയിക്കുന്ന മുഴുവൻ ആവാസവ്യവസ്ഥയെയും ദുർബലമാക്കാനും ഇടവരുത്തും; ഹിമന്ത ബിശ്വ ശർമ
ഗുവാഹത്തി: ബ്രഹ്മപുത്രയിൽ മെഗാ ഡാം നിർമിക്കാനുള്ള ചൈനയുടെ പദ്ധതി നദി വരളാനും നദിയെ ആശ്രയിക്കുന്ന മുഴുവൻ ആവാസവ്യവസ്ഥയെയും ദുർബലമാക്കാനും ഇടവരുത്തുമെന്ന് അസം മുഖ്യമന്ത്രി ഹിമന്ത ബിശ്വ ശർമ. ഇന്ത്യ ഇതിനകംതന്നെ തങ്ങളുടെ ആശങ്ക ചൈനയെ അറിയിച്ചിട്ടുണ്ടെന്നും അദ്ദേഹം കൂട്ടിച്ചേർത്തു. ബ്രഹ്മപുത്രയുടെ ചൈനീസ് നാമമായ യാർലുംഗ് സാംഗ്പോ നദിയിൽ 60,000 മെഗാവാട്ട് വൈദ്യുതി ഉത്പാദിപ്പിക്കാൻ കഴിയുന്ന ലോകത്തിലെ ഏറ്റവും വലിയ ജലവൈദ്യുത അണക്കെട്ട് നിർമിക്കുന്നതിന് കഴിഞ്ഞ ആഴ്ച ചൈനീസ് സർക്കാർ അനുമതി നൽകിയിരുന്നു. കിഴക്കൻ ടിബറ്റിലെ ഹിമാലയൻ പർവതനിരകളിലാണ് അണക്കെട്ട് നിർമിക്കാൻ ചൈന പദ്ധതിയിടുന്നത്. ബ്രഹ്മപുത്ര അരുണാചൽ പ്രദേശിലേക്ക് ഒഴുകുന്ന പ്രദേശമാണിത്. അരുണാചൽ മുഖ്യമന്ത്രി പേമ ഖണ്ഡുവും ഈ വിഷയം കേന്ദ്രത്തോട് ഉന്നയിച്ചിട്ടുണ്ടെന്ന് പറഞ്ഞ ശർമ, അണക്കെട്ടിന്റെ അനന്തരഫലങ്ങൾ അവർക്കു താങ്ങാവുന്നതിനപ്പുറമാകുമെന്നും പറഞ്ഞു.
Read More