കോഴിക്കോട്: പി.വി. അന്വര് എംഎല്എയുടെ അറസ്റ്റ് രാഷ്ട്രീയ ആയുധമാക്കി കോണ്ഗ്രസ്. അന്വറിനെ യുഡിഎഫിലേക്ക് കൊണ്ടുവരാനുള്ള ശ്രമം കോണ്ഗ്രസില് ഒരു വിഭാഗം നടത്തുന്നതിനിടെയുണ്ടായ അറസ്റ്റില് അന്വറിനു പൂര്ണ പിന്തുണ നല്കുകയാണ് നേതാക്കൾ. അറസ്റ്റിനുപിന്നിൽ ഗൂഢാലോചനയെന്ന് കെപിസിസി പ്രസിഡന്റ് കെ. സുധാകരനും വീടുവളഞ്ഞ് അറസ്റ്റ് ചെയ്തത് ഭരണകൂട ഭീകരതയെന്ന് മുന് പ്രതിപക്ഷ നേതാവ് രമേശ് ചെന്നിത്തലയും വിമര്ശിച്ചു. അന്വറിന്റെ നേതൃത്വത്തില് നടന്ന വനനിയമ ഭേദഗതിക്കെതിരായ ജനകീയ യാത്രയിൽനിന്ന് കോണ്ഗ്രസ്, ലീഗ് നേതാക്കള് വിട്ടുനിന്നിരുന്നെങ്കിലും പോലീസിന്റെ തിടുക്കപ്പെട്ടുള്ള അറസ്റ്റ് ശരിയായില്ലെന്ന നിലപാടാണ് കോണ്ഗ്രസ് നേതാക്കള്ക്കിടയില് പൊതുവേയുള്ളത്. അന്വറിന്റെ അറസ്റ്റിനെതിരേ മുന് അഭ്യന്തര മന്ത്രി തിരുവഞ്ചൂര് രാധാകൃഷ്ണനും യൂത്ത് ലീഗ് നേതാവ് പി.കെ. ഫിറോസും രംഗത്തു വന്നിട്ടുണ്ട്. ശക്തമായ പ്രതിഷേധത്തിനു തയാറെടുക്കുന്ന അന്വര് അനുകൂലികളുമായി കോണ്ഗ്രസ് നേതാക്കള് ചര്ച്ച നടത്തി. ഇന്നു ജാമ്യം ലഭിച്ചില്ലെങ്കില് ശക്തമായ പ്രതിഷേധം നടത്താനും ജാമ്യം ലഭിച്ചാല് എംഎല്എയ്ക്ക്…
Read MoreCategory: Loud Speaker
സംസ്ഥാന സ്കൂൾ കലോത്സവം; മൂന്നാം ദിനത്തിലേക്ക്; കണ്ണൂർ മുന്നിൽ; വിട്ടുകൊടുക്കാതെ തൃശൂർ
തിരുവനന്തപുരം: സംസ്ഥാന സ്കൂൾ കലോത്സവം മൂന്നാം ദിനത്തിലേക്ക് കടന്നതോടെ ആവേശക്കാഴ്ചകളൊരുക്കി തലസ്ഥാനം. 449 പോയിന്റുകളുമായി കണ്ണൂർ മുന്നിലാണെങ്കിലും 448 പോയിന്റുമായി വിട്ടുകൊടുക്കാതെ തൃശൂർ തൊട്ടു പിന്നിലുണ്ട്. 446 പോയിന്റുള്ള കോഴിക്കോടാണ് മൂന്നാം സ്ഥാനത്ത്. വേദികളും സദസും കളര്ഫുളായി മാറിയ കാഴ്ച. നൃത്തച്ചുവടുകളുമായി നര്ത്തകിമാര് അരങ്ങു തകര്ത്ത ദിനം. ഹൈസ്കൂള് വിഭാഗം ഒപ്പന, ഹയര്സെക്കൻഡറി വിഭാഗം തിരുവാതിര, ഹൈസ്കൂള് വിഭാഗം പൂരക്കളി, ഹയര്സെക്കൻഡറി ആണ്കുട്ടികളുടെ കുച്ചിപ്പുടി ഹൈസ്കൂള് പെണ്കുട്ടികളുടെ തുള്ളല്, ഹയര്സെക്കൻഡറി പെണ്കുട്ടികളുടെ മോഹിനിയാട്ടം, ഹൈസ്കൂള് പെണ്കുട്ടികളുടെ നാടോടിനൃത്തം അടക്കം ഒന്നിന് പിറകെ ഒന്നായി ജനപ്രിയ മത്സരങ്ങളാണ് രണ്ടാം ദിനം വേദിയിലെത്തിയത്. വൈവിധ്യമാര്ന്ന കലാരൂപങ്ങളില് ആടിത്തിമിര്ക്കുകയായിരുന്നു കലാകാരന്മാര്. നിറഞ്ഞ സദസിലെ വാശിയേറിയ മത്സരത്തില് ഓരോ മത്സരാര്ഥികളും ഒന്നിനൊന്നു മികച്ച പ്രകടനമാണ് കാഴ്ചവച്ചത്.കലോത്സവ വേദിയില് ചരിത്രമെഴുതിക്കൊണ്ട് ഗോത്രകലയായ പണിയനൃത്തമത്സരം സദസിലെ നിശ്ചലമാക്കി. സാധാരണ ഒപ്പനയ്ക്കാണ് കാണികളുണ്ടാകാറുള്ളത്. എന്നാല് വേദി മൂന്നില്…
Read Moreഒഡീഷയിൽ കാറും ട്രക്കും കൂട്ടിയിടിച്ച് അപകടം; രണ്ട് ബിജെപി നേതാക്കൾ മരിച്ചു
സംഭാൽപുർ: ഒഡീഷയിൽ കാറും ട്രക്കും കൂട്ടിയിടിച്ച് അപകടം. രണ്ട് ബിജെപി നേതാക്കൾ മരിച്ചു. നാല് പേർക്ക് പരിക്കേറ്റു. നാല് പേരെയും സമീപത്തുള്ള ആശുപത്രിയിൽ പ്രവേശിപ്പിച്ചു. ഞായർ പുലർച്ചെയാണ് അപകടം ഉണ്ടായത്. ബിജെപി നേതാക്കളായ ദേബേന്ദ്ര നായക്, മുരളീധർ ചൂരിയ എന്നിവരാണ് മരിച്ചത്. മുതിർന്ന നേതാവ് നൗരി നായക്കിന്റെ അനുയായികളാണ് ഇരുവരും. ദേശീയപാതയിൽ ബർള പ്രദേശത്താണ് അപകടമുണ്ടായത്. ഭുവനേഷ്വറിൽ നിന്ന് കർഡോലയിലേക്ക് പോകുന്നതിനിടെയാണ് കാർ ട്രക്കുമായി കൂട്ടിയിടിച്ചത്. അപകടത്തെക്കുറിച്ച് വിശദമായ അന്വേഷണം നടത്തുമെന്ന് പോലീസ് അറിയിച്ചു.
Read Moreപെരിയ ഇരട്ടക്കൊലക്കേസ്: ഒൻപത് പ്രതികളെ കണ്ണൂർ സെൻട്രൽ ജയിലിലേക്ക് മാറ്റി
കണ്ണൂർ: പെരിയ ഇരട്ടക്കൊലക്കേസിലെ കുറ്റവാളികളായ ഒൻപതുപേരെ കണ്ണൂർ സെൻട്രൽ ജയിലിലേക്കു മാറ്റി. വിയ്യൂർ അതീവ സുരക്ഷാജയിലിൽ നിന്നുമാണ് ഇവരെ മാറ്റിയത്. കുറ്റവാളികളായ രഞ്ജിത്ത്, സുധീഷ് ശ്രീരാഗ്, അനിൽ കുമാർ, സജി, അശ്വിൻ, പീതാംബരൻ, സുബീഷ്, സുരേഷ് എന്നിവരെയാണ് ജയിൽ മാറ്റിയത്. ഇന്ന് രാവിലെ 8.15 ന് വിയ്യൂരിൽ നിന്ന് കുറ്റവാളികളെ കണ്ണൂരിലേക്ക് കൊണ്ടുപോയി. കോടതി നിർദേശപ്രകാരമാണ് നടപടിയെന്ന് ജയിൽ അധികൃതർ അറിയിച്ചു. ഒൻപതു പേർക്കും ഇരട്ട ജീവപര്യന്തം സിബിഐ കോടതി ശിക്ഷ വിധിച്ചിരുന്നു.
Read Moreഗുജറാത്തിൽ ഹെലികോപ്റ്റർ തകർന്ന് മൂന്ന് മരണം: അപകടം പരിശീലന പറക്കലിനിടെ
പോർബന്തർ: ഗുജറാത്തിലെ പോർബന്തറിൽ കോസ്റ്റ് ഗാർഡിന്റെ ഹെലികോപ്റ്റർ തകർന്ന് മൂന്നു പേർ മരിച്ചു. ഇന്ത്യൻ കോസ്റ്റുകാർഡിന്റെ എ എല് എച്ച് ധ്രുവ് എന്ന ഹെലികോപ്റ്റർ ആണ് തകർന്നത്. പതിവ് പരിശീലന പറക്കലിനിടെയാണ് അപകടം. മൂന്നുപേര് മരിച്ചതായാണ് പ്രാഥമിക വിവരം. രണ്ട് പൈലറ്റുമാര് അടക്കമുള്ളവരാണ് മരിച്ചത്. ഇവരിൽ ഒരാൾ പുറത്തേക്ക് ചാടി രക്ഷപ്പെടാൻ ശ്രമിച്ചെങ്കിലും മരണം സംഭവിച്ചു. ഹെലികോപ്റ്ററിൽ അഞ്ച് പേരുണ്ടായിരുന്നു എന്നാണ് പ്രാദേശിക മാധ്യമങ്ങൾ റിപ്പോർട്ട് ചെയ്തത്. എന്നാൽ ഇക്കാര്യം കോസ്റ്റ് ഗാർഡ് ഇതുവരെ സ്ഥിരീകരിച്ചിട്ടില്ല.
Read Moreബ്രഹ്മപുത്രയിലെ അണക്കെട്ട് ദോഷകരമല്ലെന്ന വാദവുമായി ചൈന
ന്യൂഡൽഹി: ബ്രഹ്മപുത്ര നദിയിൽ തങ്ങൾ നിർമിക്കുന്ന അണക്കെട്ട് ആരെയും ദോഷകരമായി ബാധിക്കില്ലെന്ന വാദവുമായി ചൈന. നദിക്കരയിലുള്ള പ്രദേശങ്ങൾക്കുമേൽ പദ്ധതിയുണ്ടാക്കാനിടയുള്ള ആഘാതം പരിഗണിക്കണമെന്നു കഴിഞ്ഞ ദിവസം ഇന്ത്യ ചൈനയോട് ആവശ്യപ്പെട്ടിരുന്നു. ഈ സാഹചര്യത്തിലാണു ചൈനയുടെ വിശദീകരണം. ആഗോള കാലാവസ്ഥാ വ്യതിയാനത്തെ നേരിടാൻ പരിസ്ഥിതി സൗഹൃദമായ രീതിയിൽ ഊർജം ഉത്പാദിപ്പിക്കണം. പ്രളയത്തെ ചെറുക്കാനാണ് ഇത്തരം പദ്ധതികളെന്നും ചൈനീസ് എംബസി വക്താവ് യു ജിൻഗ് എക്സിലൂടെ പറയുന്നു. ലോകത്തിലെ ഏറ്റവും വലിയ അണക്കെട്ടും ജലവൈദ്യുത പദ്ധതിയും ബ്രഹ്മപുത്രയ്ക്ക് കുറുകെ നിർമിക്കുമെന്നു കഴിഞ്ഞ മാസമാണ് ചൈന പ്രഖ്യാപിച്ചത്. നദീജലത്തിൽ ഇന്ത്യക്കും അവകാശമുണ്ടെന്നും രാജ്യത്തിന്റെ അഭിപ്രായങ്ങളും ആശങ്കകളും ചൈനയെ ധരിപ്പിച്ചിട്ടുണ്ടെന്നും നേരത്തേ വിദേശകാര്യ മന്ത്രാലയം അറിയിച്ചിരുന്നു. നദിക്കരയിലുള്ള രാജ്യങ്ങളുടെ താത്പര്യങ്ങളെ മാനിക്കണമെന്നും ഇന്ത്യ ആവശ്യപ്പെട്ടിരുന്നു.
Read Moreനവീൻ ബാബു v/s സിപിഎം
ടി.പി. ചന്ദ്രശേഖരന്റെ കൊലപാതകത്തിനുശേഷം സിപിഎമ്മിനെ ഏറെ പ്രതിസന്ധിയിലാക്കിയിരിക്കുകയാണ് കണ്ണൂരിലെ മുൻ എഡിഎം നവീൻ ബാബുവിന്റെ മരണം. ആത്മഹത്യയെന്ന് പറഞ്ഞു തള്ളിയ നവീൻ ബാബുവിന്റെ മരണം കൊലപാതകമാണെന്നും സിബിഐ അന്വേഷണം വേണമെന്നുമാണ് കുടുംബത്തിന്റെ ആവശ്യം. അന്വേഷണം ഏറ്റെടുക്കാൻ തയാറാണെന്ന് സിബിഐ ഹൈക്കോടതിയെ അറിയിച്ചു കഴിഞ്ഞു. എന്നാൽ, സിബിഐ അന്വേഷണത്തിന്റെ ആവശ്യമില്ലെന്നും കൊലപാതകമാണെന്ന് സംശയിക്കാൻ പ്രത്യേക കാരണമില്ലെന്നാണ് പ്രത്യേക അന്വേഷണസംഘവും സർക്കാരും ഹൈക്കോടതിയെ അറിയിച്ചത്. തീരുമാനങ്ങളെല്ലാം ഹൈക്കോടതിയുടെ പരിഗണനയിലിരിക്കുന്പോഴാണ് ഇൻക്വസ്റ്റ് റിപ്പോർട്ട് പുറത്തുവരുന്നത്. നവീന് ബാബുവിന്റെ അടിവസ്ത്രത്തില് രക്തക്കറ ഉണ്ടായിരുന്നതായുള്ള ഇന്ക്വസ്റ്റ് റിപ്പോര്ട്ടാണ് സർക്കാരിനെയും അന്വേഷണസംഘത്തെയും വെട്ടിലാക്കിയിരിക്കുന്നത്. ഇതോടെ, കുടുംബത്തിന് പുറമെ പ്രതിപക്ഷവും ബിജെപിയും നവീൻ ബാബുവിന്റെ മരണത്തിൽ കൊലപാതകസംശയം പ്രകടിപ്പിച്ച് മുന്നോട്ടിറങ്ങിയിരിക്കുകയാണ്. സിപിഎമ്മിൽ തന്നെ വിഭാഗീയത ഉണ്ടാക്കാൻ എഡിഎം നവീൻ ബാബുവിന്റെ മരണത്തിന് സാധിച്ചു. ടിപി പോലെ തന്നെ നവീൻ ബാബുവിന്റെ മരണവും കുടത്തിൽ നിന്നു തുറന്നുവിട്ട ഭൂതം…
Read More63 കോടി അനുവദിക്കും: കെഎസ്ആർടിസി ബസ് വാങ്ങുമെന്ന് ഉറപ്പായി; 230 ബസുകൾ വാങ്ങാനാണ് തയാറെടുപ്പുകൾ നടത്തുന്നതെന്ന് അധികൃതർ
ചാത്തന്നൂർ: വീണ്ടും ബസുകൾ വാങ്ങാനുള്ള കെഎസ്ആർടിസിയുടെ ശ്രമം വിജയിക്കുന്നു. സംസ്ഥാനതല വർക്കിംഗ് കമ്മിറ്റി കഴിഞ്ഞ ചൊവ്വാഴ്ച ചേർന്ന യോഗത്തിൽ 63 കോടി രൂപ പ്ലാൻ ഫണ്ട് ഇനത്തിൽ കെഎസ്ആർടിസിക്ക് ബസുകൾ വാങ്ങുന്നതിന് അനുവദിക്കാൻ തീരുമാനിച്ചു. പണം കെഎസ്ആർടിസിക്ക് നേരിട്ട് കൈമാറില്ല. വാഹന നിർമാതാക്കൾക്ക് കൈമാറും. 2016ന് ശേഷം ആദ്യമായാണ് കെഎസ്ആർടിസി ബസുകൾ വാങ്ങുന്നത്. 2016ന് മുമ്പുള്ള പഴഞ്ചൻ ബസുകൾ ഉപയോഗിച്ചാണ് കെഎസ്ആർടിസി ഇപ്പോൾ സർവീസ് നടത്തുന്നത്. പുതിയ ബസുകൾ വാങ്ങുന്നതോടെ കുറെ പഴഞ്ചൻ ബസുകൾ നിരത്തിൽ നിന്നൊഴിവാക്കാൻ കഴിയും. കഴിഞ്ഞ ഓണക്കാലത്ത് 200 പുതിയ ബസുകൾ വാങ്ങി നിരത്തിലിറക്കാൻ കെഎസ്ആർടിസി ശ്രമം നടത്തിയിരുന്നു. സർക്കാരിൽ നിന്നു 92 കോടി രൂപ പ്ലാൻ ഫണ്ട് ഇനത്തിൽ ലഭിക്കുമെന്ന പ്രതീക്ഷയിലായിരുന്നു ഇത്. ടെണ്ടർ നടപടികൾ പൂർത്തിയാക്കുകയും ടാറ്റ മോട്ടോഴ്സുമായി 200 ബസുകൾ വാങ്ങാൻ കരാറാവുകയും ചെയ്തിരുന്നു. എന്നാൽ സർക്കാർ പണം…
Read Moreഉത്തരേന്ത്യയിൽ കനത്ത മൂടൽമഞ്ഞ്, അതിശൈത്യം: വിമാന-ട്രെയിൻ സർവീസുകൾ തടസപ്പെട്ടു
ന്യൂഡൽഹി: കനത്ത മൂടൽമഞ്ഞിനെത്തുടർന്ന് ഉത്തരേന്ത്യയിലുടനീളം 30ഓളം വിമാനങ്ങൾ റദ്ദാക്കുകയും നിരവധി വിമാനങ്ങൾ വൈകുകയും ചെയ്തു. ട്രെയിനുകളും വൈകി. ഇന്നു രാവിലെ റൺവേ ദൃശ്യപരത പൂജ്യമായതിനാൽ ഡൽഹി വിമാനത്താവളത്തിൽ വിമാന സർവീസുകൾ താത്കാലികമായി നിർത്തിവച്ചു. കോൽക്കത്ത വിമാനത്താവളത്തിൽ 25 ഓളം സർവീസുകളെ ബാധിച്ചു. ചണ്ഡീഗഡ്, അമൃത്സർ, ജയ്പുർ തുടങ്ങിയ വിമാനത്താവളങ്ങളിലും സമാനമായ അവസ്ഥകൾ റിപ്പോർട്ട് ചെയ്യപ്പെട്ടു. പുതുക്കിയ വിമാനവിവരങ്ങൾക്കായി യാത്രക്കാർ അതാത് എയർലൈനുമായി ബന്ധപ്പെടണമെന്ന് എയർപോർട്ട് അധികൃതർ അറിയിച്ചു. ഇന്നലെ വിമാനത്താവളത്തിലെ മോശം കാലാവസ്ഥയെത്തുടർന്ന് ഉത്തരേന്ത്യയിലാകെ അതിശൈത്യവും അനുഭവപ്പെടുകയാണ്. കേന്ദ്ര കാലാവസ്ഥാ വകുപ്പ് ഇന്നു ഡൽഹിയിൽ ഓറഞ്ച് അലർട്ട് പുറപ്പെടുവിച്ചു. ഇന്നു പുലർച്ചെ 5.30ന് ഡൽഹിയിൽ 10.2 ഡിഗ്രി സെൽഷ്യസ് ആണു താപനില, ഇന്നലെ 9.6 ഡിഗ്രി സെൽഷ്യസായിരുന്നു.
Read Moreതലയ്ക്കു മുകളിൽ ചൈനയുടെ ജലബോംബ്; ആശങ്കയറിയിച്ച് ഇന്ത്യ
ന്യൂഡൽഹി: ടിബറ്റിൽ ബ്രഹ്മപുത്ര നദിക്കു കുറുകെ ചൈന കൂറ്റൻ അണക്കെട്ട് നിർമിക്കുന്നതിൽ പ്രതികരണവുമായി ഇന്ത്യ. അണക്കെട്ട് നിർമാണ പദ്ധതി ചൈന പ്രഖ്യാപിച്ച് ദിവസങ്ങൾക്കു ശേഷമാണ് ഇന്ത്യ പ്രതികരണവുമായി രംഗത്തു വന്നിരിക്കുന്നത്. അണക്കെട്ടിന്റെ അടിവാരങ്ങളിലുള്ള സംസ്ഥാനങ്ങൾക്ക് നിർമാണം ഹാനികരമാകില്ലെന്ന് ഉറപ്പുവരുത്തണമെന്ന് ചൈനയോട് ആവശ്യപ്പെട്ടു. ഇന്ത്യയുടെ താത്പര്യങ്ങൾ സംരക്ഷിക്കാൻ നിരീക്ഷണം നടത്തുകയും ആവശ്യമായ നടപടികൾ സ്വീകരിക്കുകയും ചെയ്യുമെന്ന് വിദേശകാര്യ മന്ത്രാലയ വക്താവ് രൺധീർ ജയ്സ്വാൾ പറഞ്ഞു. നിർദിഷ്ട അണക്കെട്ട് അരുണാചൽപ്രദേശിലും ആസാമിലും പ്രതികൂല പ്രത്യാഘാതമുണ്ടാക്കുമെന്ന് ആശങ്കയുള്ളതായും ജയ്സ്വാൾ കൂട്ടിച്ചേർത്തു.
Read More